Friday, May 29, 2015

မြန်မာ့ ကံကြမ္မာ (နှစ် ၁၀၀) အပိုင်း (၃)

ပြီးခဲ့သော ဆောင်းပါး တို့ကို အလွယ် တကူ ပြန်လည် ဖတ်နိုင်ရန် အတွက်-(ဆောင်းပါး အမည်ကို နှိပ်ပါ။)
မိုးတား စနစ်တွင် ဂရပ်တို့ကို သုံးစွဲ၏။ ဂရပ်တို့ကို သုံးရခြင်းမှာ-
  • ဂရပ်တစ်ခုသည် အချက်အလက်များစွာကို တစ်ပြိုင်တည်း တင်ပြနိုင်သော ကြောင့်လည်းကောင်း။
  • ဂရပ်တို့သည် ဟိုချန်ဒီချန် - ဘက်လိုက်ခြင်း မရှိပဲ- မိမိတွက်ချက်သည့် မူအတိုင်း ဘက်မလိုက်ပဲ ဖေါ်ပြနိုင်သော ကြောင့် လည်းကောင်း ဖြစ်သည်။
စကားပြေ ပုံစံဖြင့် ရေးသားခြင်းတွင် စာရေးသူ အနေဖြင့် မိမိ လိုသလို ဖိအားပေး၍ လည်းကောင်း- ထိန်ချန်၍ လည်းကောင်း- လိုသလို လှည့်ပတ် ရေးသား နိုင်သော်လည်း- ဂရပ် ဖြင့်လည်းကောင်း- ကိန်းဂဏန်း အချက်အလက် ဖြင့် လည်းကောင်း ဖေါ်ပြသော အခါ- ထိန်ချန် ၍ မရတော့။ လိုသလို ဖိအားပေး ရေး၍ မရတော့။
Graph တို့သည်ကား- Facts ဖြစ်၏။ 

သို့သော် လူတို့သည်ကား Fact နှင့် စာလျှင် Feel ကို နှစ်ခြိုက်တတ်၏။
လူတို့သည် ချဉ်ငန်စပ် အရသာကို နှစ်သက်၏။ မချဉ် မငန် မစပ်- ဖွယ်တယ်တယ် ဆိုလျှင် အရသာ မရှိတော့ချေ။
သို့ဖြင့်လျှင်- မိမိလိုရာ- တစ်ဘက်ဘက် ကို ဖိမရေးပဲ- စောင်းတင် မရေးပဲ အချက်အလက် သက်သက်- ပညာခန်း သက်သက် သာ ရေးသားသော သုတ စာပေ များသည် စာဖတ် သူတို့အား ဆွဲဆောင် နိုင်ရန် ခက်ခဲလှ၏။ ဆွဲဆောင် နိုင်လျှင် သော်မှ - လူနည်းစု စဉ်းစား တတ်သူ တို့ အတွက်သာ ဖြစ်တတ်ပြီး- လူများစု အတွက်မှာ ပျင်းရိဘွယ် ဖြစ်တော့၏။ အဘယ့်ကြောင့် ဆိုသော်- အရောင်အဆင်း မရှိ- အရသာမဲ့ သကဲ့သို့ ဖြစ်သွားသော ကြောင့်တည်း။
တစ်ဘက်ဘက် ကို - စောင်းတင် ရေးသားခြင်း ကို ရုပ်ရှင် ဓါတ်ပုံ လောက တွင် View Angle ကင်မရာ ချိန်ထောင့် နှင့် နှိုင်းယှဉ် ရပါမည်။

တင်ပြပုံ Presentation ကို နောက်ခံ တီးလုံး- အလင်းအမှောင် Lighting / Contrast အနေအထားတို့ဖြင့် ပေါင်းစပ်၍ - ရုပ်ရှင် သရုပ်ဆောင် ၏ သရုပ်ဆောင် မှု Costume ဒီဇိုင်း Make-UP တို့ ဖန်တီးခြင်း ဖြင့် နှိုင်းယှဉ်ရပါမည်။
ဆိုပါတော့- အက်ရှင် ဇတ်လမ်း တစ်ခုတွင် သူရဲကောင်း တစ်ဦး၏ ခန့်ညားမှု စွမ်းအား တို့ကို ထင်ရှားအောင် ဖေါ်ပြလိုသော အခါ - ကင်မရာ အနေဖြင့် ပင့်ရိုက် ၍ View Angle အားဖြင့် တင်ပြလေ့ရှိပါသည်။ အကယ်၍ ကင်မရာကို မျက်နှာဖြင့် တစ်တန်းတည်း နေရာမှ ရိုက်ယူသော အခါ- တင်ပြသော ခန့်ညားမှု အင်အား ကြီးမှု တို့ကို တင်ပြနိုင်မှု နည်းပါးသွားတော့သည်။

ထိုနည်းတူ- အကြောင်း အရာ တစ်ခု ကိုပင် - စာရေးသူသည် စကားပြေဖြင့် တစ်တန်းတည်း ဘက်ညီစွာ တင်ပြသော်- စာရေးသူ အနေဖြင့် စာဖတ်သူတို့ ခေါင်းထဲ မျက်စိထဲတွင် စွဲသွားစရာ မရှိတတ်။ ရှုထောင့် တစ်ခုမှ ရပ်တည်၍- မိမိ တင်ပြလိုသော အနေအထားကို Highlight လုပ်တင်ပြ၍ - အခြားသော အနေအထားတို့ကို သေးသိမ် အောင် ခြုံ့၍ ဖေါ်ပြရပါသည်။ ဓါတ်ပုံ ပညာ ကို နားလည်သူများ အနေဖြင့်- Depth of field ကို ညှိခြင်းဖြင့်- မည်သည့် အရာကို ပိုမို ထင်ရှားစေ ခြင်း ဖြစ်စေသည်ကို သိနိုင်သလို- Depth of field ကို မကစားတတ်သော ဓါတ်ပုံသည် ပြားသွားသည့် သဘော ဖြစ်တော့သည်။

ကျွန်တော့် အနေဖြင့် ကုမ္ပဏီမှ စီစဉ် ဆောင်ရွက်သော - ရုပ်ရှင် သရုပ်ဆောင်- ဂျာနယ် နှင့် ဆိုင်ရာ ၇-ရက် သင်တန်းကို စင်္ကာပူ နိုင်ငံ ရှန်ဂရီလာ ဟိုတယ် တွင်- ဥရောပ နိုင်ငံတစ်ခုမှ TV Presenter နှင့် ဂျာနယ်လစ် တစ်ဦးထံမှ သင်ကြားခဲ့ရဘူး၏။

ထို ဥရောပ နိုင်ငံသား ဂျာနယ်လစ် အနေဖြင့်- သူ၏ သတင်းစာတွင် အလုပ်လုပ်စဉ်က- သူ့အား သူတို့နိုင်ငံမှ- သတင်းစာတွင် ဒိုင်လူကြီး တစ်ဦး၏ အကြောင်းကို ရေးသားရန် ညွှန်ကြားခြင်း ခံရ၏။

သူပြန်ပြောသည်မှာ- ထိုဒိုင်လူကြီး နှင့် ပတ်သက်သော အကြောင်းအရာ တို့ကို လေ့လာ သော အခါ- ဘာတစ်ခုမှ ထူးထူးခြားခြား မရှိ။ နောက်ဆုံး ထိုဒိုင်လူကြီး၏ ဇနီး အား ဖုန်းဆက် မေးမြန်း ရာတွင်လည်း- ထူးထူးခြားခြား မရှိခဲ့။ သို့သော်- ဖုန်းချ ခါနီးတွင်မှ- ဒိုင်လူကြီး ဇနီးက အမှတ် မထင် ပြောပြ ခဲ့သည်မှာ သူ့ယောက်ျား အနေဖြင့် ဒိုင်လူကြီး သက်တမ်းတွင် အနီကဒ် မသုံးခဲ့ဘူးကြောင်းပင် ဖြစ်၏။

ဤတွင် ဂျာနယ်လစ် အနေဖြင့်- ၄င်းကိုပင် ခေါင်းစဉ်တင်၍- The Refree who never used the Red Card အနီကဒ် မသုံးခဲ့သော ဒိုင်လူကြီး အနေဖြင့် - ထိုရှုထောင့်မှ နေ၍ ရေးသား ခဲ့သော အခါ- လူအများ စိတ်ဝင်စား စရာ ဆောင်းပါး ဖြစ်သွားပါတော့သည်။

သတင်းစာ လောက၊ ဂျာနယ် လောကတွင် ဂျာနယ်လစ် တို့ အနေဖြင့်- မိမိ၏ ဂျာနယ်လစ် စည်းကမ်းခွင် အတွင်းက ပင် ရဿ ပေါ်အောင် လိုသည် ချဲ့- မလိုသည်ကို ကြုံ၍ ရပ်တည်မှု တစ်ခုကို ပုံသေ ယူကာ- ချဉ်ငန်စပ် အရသာ ပေါ်အောင် ရေးခြင်းဖြင့် စောင်ရေတိုး အောင် လုပ်နိုင်၏။

နောက်တစ်ချက်က တင်ပြသော ပုံစံ- ဖြစ်၏။
ဥပမာ တစ်ခု ဆိုရသော်-
ရန်ကုန်မြို့လယ်ခေါင် ရှိရေမြောင်းတစ်ခု အတွင်းမှ- ဒုတိယ ကမ္ဘာစစ် လက်ကျန် ကာဘိုင်ကျည် ၅-တောင့်ကို တွေ့ရှိရသည် ဆိုပါအံ့။
ထိုသတင်းကို- အရောင်မချယ်ပဲ- အပိုအလို မလုပ်ပဲ အောက်ပါ အတိုင်း ရေးမည် ဆိုလျှင် မည်သူ စိတ်ဝင်စားပါအံ့သနည်း။
--- ယနေ့၊ နံနက် ၇း၀၀ ခန့်တွင် ရန်ကုန် မြို့တော် စည်ပင်သာယာ သန့်ရှင်းရေး ၀န်ထမ်းများမှ ကျောက်တံတား မြို့နယ် အတွင်း ရှိ ရေမြောင်းအား သန့်ရှင်းရေး လုပ်ရာမှ- ဒုတိယ ကမ္ဘာစစ်အတွင်းမှ ကျန်ရစ်သော မဟာမိတ် စစ်တပ်သုံး ကာဘိုင်ကျည်ဟောင်း ၅-တောင့်ကို တွေ့ရှိရကြောင်း သတင်းရရှိသည်။
၎င်းသတင်းကိုပင်- အရောင်ချယ်- ချဉ်ငန်စပ် လုပ်ပစ်မည် ဆိုပါက-
--- ယနေ့၊ နံနက် ၇း၀၀ ခန့်တွင် ရန်ကုန် မြို့တော် စည်ပင်သာယာ သန့်ရှင်းရေး ၀န်ထမ်းများမှ ကျောက်တံတား မြို့နယ် အတွင်း လူစည်ကား ရာ နေရာ ရှိ ရေမြောင်းအား သန့်ရှင်းရေး လုပ်ရာမှ- ပွိုင့် ၀.၃၀ ကယ်လီဘာ ယမ်းအားရှိ- ကိုက် ၃၀၀ အထိ ထိရောက်စွာ ပစ်ခတ် နိုင်သော - ၀င်ချက်စတာ လုပ် ကာဘိုင်ကျည် ၅-တောင့်ကို တွေ့ရှိရကြောင်း သတင်းရရှိသည်။
မည်သို့ ဖြစ်သွားပါသနည်း။ တာဝန် ရှိသူ အချို့ အလုပ်ပြုတ်သွား နိုင်သော သတင်းဖြစ်သွားတော့၏။

ချဉ်ငန်စပ် သတင်းတွင်- သတင်းစာ ဖတ်မိသူများ အလန့်တကြား ဖြစ်စေရန်. 
ကျည်ဆန်များသည်- အဟောင်းများ ဖြစ်ကြောင်း ကို မဖေါ်ပြတော့ပဲ- ၄င်း၏ အရွယ်နဲ့ စွမ်းအင်ကို အလေးထား ဖေါ်ပြပြီး- လူစည်ကားရာ ဆိုသော စကားလုံးကို တမင် ထည့်သွင်း ရေးသားလိုက်သည်။
ဤသည်ကား ချဉ်ငန်စပ် စာရေးနည်း ဖြစ်၍- သတင်းမှန် ပင် ဖြစ်သော်ငြား- စာဖတ်သူအား မိမိလိုရာဆွဲ သို့ ဆွဲခေါ် ရေးသားခြင်း ဖြစ်သည်။
ယခင် ခေတ်က သတင်းစာ ဆရာကြီးများ သည် ၄င်းတို့၏ ကိုယ်ပိုင် ဟန် နှင့် စာဖတ်သူအား လိုရာ ပေါက်အောင် ရေးနိုင်ခဲ့ကြပြီး- စာဖတ် အတွေ့ အကြုံ နည်းပါးပြီး- ဘက်စုံမှ ကြည့်မြင်တတ်သူ မဟုတ်ပါက- သူတို့ မြင်စေချင်သည့် အတိုင်း စာဖတ်သူ၏ ခေါင်းထဲ အတွေးထဲ ၀င်သွား မည် ဖြစ်၏။ 
ဤသည်မှာ- မလိမ် မညာသော်လည်း တင်ပြပုံဖြင့်ပင် လူတို့အား - စိတ်ဝင်စားအောင် လုပ်လိုက်ခြင်း ဖြစ်၏။
သတင်းစာ နှင့် ဂျာနယ်လစ် ကျင့်ဝတ်များ မလိုက်နာသော- နားမလည်တော့ သူတို့မှာမူ- အစကတည်း ကပင် သတင်းမှန် ကို မပေးတော့ပေ။
ဤသည်ကား အကြောင်းမှန် တစ်ခု ကို တင်ပြခြင်းပင် ဖြစ်စေ- စကားပြေ ဖြင့် လိုအပ်သလို ရေးခြင်း နှင့် အချက်အလက် ဇယားတို့ဖြင့် တင်ပြခြင်း တို့၏ ကွာခြားချက် ဖြစ်၏။

နိုင်ငံရေး ဗေဒင်တွင် ဖြစ်သင့်သော အနေအထားမှာ- နိုင်ငံရေး ဗေဒင်ကို ဟောကြားသူသည် မည်သည့် အဖွဲ့အစည်း ဘက်ကို မျှ မလိုက်ပဲ- အကြောင်း အကျိုး သက်သက် ဖြင့်သာ စာဖတ်သူအား ရိုးသားစွာ ရှင်းပြထိုက်၏။
သို့သော်လည်း- ပါလီမာန် ဒီမိုကရေစီ ခေတ်ကတည်း ကပင်- နိုင်ငံရေး ဗေဒင်များ (သတင်းစာများတွင် ဖေါ်ပြခဲ့သော ဗေဒင် ဆောင်းပါးများ) တွင် သက်ဆိုင်ရာ စာရေးသူတို့သည် မိမိ လိုလားသော ပါတီ အဖွဲ့အစည်း ဘက်မှ ရပ်တည်၍- ရေးသား ကြသည်မှာ ၀ါဒဖြန့်သူတို့အား ကူညီသည့် အလားရှိခဲ့ပါ၏။
ပြီးခဲ့သော ဆောင်းပါး… တွင် လွတ်လပ်ရေး ရပြီး ခါစ- မြန်မာ နိုင်ငံ၏ ကံကြမ္မာ အနေအထားကို ဒသာ ဂရပ်ဖေါ်ပြထား ခဲ့၏။ သို့သော် အသေးစိတ် ရှင်းပြခြင်း- နှင့် ၂၀၁၅ နောက်ပိုင်း ဂရပ်တို့ကို တမင်ပင် ချန်လှပ် ထားခဲ့၏။
ယခု ဆောင်းပါးတွင်မူ မိုးတား မူဝါဒ ကို မချိုးဖေါက်ဖဲ- နိုင်ငံရေး ဗေဒင် ကို တင်ပြပေးပါမည်။
စာဖတ်သူသည် ဂရပ်တို့ ကို သေချာစွာ လေ့လာပါက ကျွန်တော် မဖေါ်ပြခဲ့သော အနေအထား တို့ကိုပင် မြင်ရပါလိမ့်မည်။

အတိတ် သမိုင်းကြောင်း ကို ဒဿာ - ကောဇာတို့ဖြင့် ယှဉ်တွဲ လေ့လာခြင်း။
၁၉၄၈-မှ ၁၉၇၀ ကာလများ။
ဤသည်ကား- ပေါက်ဖေါက် ဖြစ်သည် ဟု စွပ်စွဲလိုက စွပ်စွဲ နိုင်၏။
မည်သို့ ဆိုစေ- မိမိ သုံးစွဲသော နည်းစနစ်၊ မိမိ ယုံကြည်သော မူဝါဒ မှန်မမှန် ကို ထိုအချက် အလက်တို့ကို သမိုင်းကြောင်း ဖြင့် အားမနာတမ်း ပက်ပက် စက်စက် ချိန်ထိုး စမ်းသပ် ရပါမည်။
အောက်တွင် ဖေါ်ပြထားသည်မှာ- မြန်မာ နိုင်ငံ လွတ်လပ်ရေး ဇာတာ ကို မိုးတား နည်းစနစ် အရ- တွက်ချက် ရာမှ ရလာသော ဂရပ်များ ဖြစ်၏။
အပြာရင့် ရောင် မျဉ်းသည်- သက်ဆိုင်ရာ ဒသာ ကာလ အလိုက်- မြန်မာ နိုင်ငံ အနေဖြင့် ရှိနေသော ဂြိုဟ်တို့၏ အင်အား- တနည်းအားဖြင့် ကိုယ်ခံ စွမ်းအား ဖြစ်၏။
အနီရောင် မျဉ်းသည်- ကောဇာ ဂြိုဟ်ဆိုးများ အနေဖြင့်- မြန်မာ နိုင်ငံ လွတ်လပ်ရေး ဇာတာ ၏ ဘာဝ အလယ်မှတ် များပေါ်သို့ လွှမ်းမိုး တိုက်ခိုက်နေသော အဆိုးဓါတ် စွမ်းအားများဖြစ်၏။
ခရမ်းရောင် မျဉ်းသည် - ကောဇာ ဂြိုဟ်ဆိုးများ အနေဖြင့်- မြန်မာ နိုင်ငံ လွတ်လပ်ရေး ဇာတာ ၏ မူလ ဘွားဂြိုဟ် များပေါ်သို့ လွှမ်းမိုး တိုက်ခိုက်နေသော အဆိုးဓါတ် စွမ်းအားများဖြစ်၏။

အထက်ပါ ဆောင်းပါးတို့တွင် ရှင်းပြခဲ့သည့် အတိုင်းပင်- ပြင်ပ ရောဂါ၏ တိုက်ခိုက်မှု ကို ခံရချိန် ဆိုသည်မှာ- လူသား၏ ကိုယ်ခံစွမ်းအား ကျချိန် နှင့် ပြင်ပ ရောဂါတို့ ထိုးနှက်မှု ရှိချိန်တို့ တိုက်ဆိုင်သော ကာလ ပင် ဖြစ်၏။
၁၉၄၈- လွတ်လပ်ရေး ရပြီး မကြာမီမှာပင်- မြန်မာ့ ဇာတာ၏ ကိုယ်ခံစွမ်းအား သည် ၁၉၅၀ တွင် အောက်သို့ ထင်ရှားစွာ ကျဆင်း နေခိုက်- (အပြာရောင်မျဉ်း)၊ ပြင်ပ ဂြိုဟ်ဆိုး တို့၏ တိုက်ခိုက်ချက် မှာ အင်အားကောင်းနေ၏။
၁၉၅၀ ကာလ များတွင်- မြန်မာ နိုင်ငံမှ ၀န်ကြီးချုပ် ဦးနု- အိန္ဒိယမှ ၀န်ကြီးချုပ် နေရူး၊ အင်ဒိုနီးရှားမှ သမ္မတကြီး ဆူကာနို၊ ယူဂိုဆလပ်မှ သမ္မတကြီး တီးတိုး၊ အီဂျစ် သမ္မတ နက်ဆာ တို့ ပူးပေါင်း၍- ဘက်မလိုက် နိုင်ငံများ အဖွဲ့ကို တည်ထောင်ခဲ့သော ကာလ ဖြစ်သည်။ 

အရင်းရှင် အနောက်နိုင်ငံများ အနေဖြင့်- အင်ဒိုချိုင်းနား ဒေသကြီး ကွန်မြူနစ် ၀ါဒ အောက် ကျရောက် သွားမည်လား စိုးရိမ် နေကြချိန်တွင်- မည်သည့် ဘက်မှ မလိုက်ဟု ကြေညာ ထားသော ဘက်မလိုက် ၀ါဒ သည်- ကောင်းသည် ဟု ထင်ရသော်လည်း- အခြား တစ်ဘက်တွင် မည်သူ၏ မိတ်ဆွေမျှ မဟုတ်သည် ကို ပညာဖြင့် ကြည့်ပါက မြင်နိုင်ပါ၏။ နိုင်ငံရေး နှင့် စီးပွားရေး လောကတွင် အာဏာ ပါဝါ လူကြရာတွင် ကြားနေ ဟုသည် တကယ်တမ်း မရှိနိုင်သည်ကို ကစားသူများ သိ၏။ မိမိလူ မဟုတ်လျှင်- မိမိရန်သူပင် ဖြစ်သည် - အဘယ်ကြောင့် ဆိုသော် ထိုသူကို မိမိရန်သူက အချိန်မရွေး အသုံးပြုနိုင်သော ကြောင့်တည်း။ 

ထိုရပ်တည်မှု မှန်မမှန်၊ ထိုရပ်တည်မှုကြောင့်- တစ်ဆင့်ချင်း ဖြစ်ခဲ့ရသော အနေအထားတို့ကို သက်ဆိုင်ရာ နိုင်ငံတို့၏ သမိုင်းကြောင်းက သက်သေပြနေခဲ့၏။

ကရင် တိုင်းရင်းသား တို့နှင့် သွေးချောင်းစီး တိုက်ပွဲများ ဖြစ်ခဲ့၍- တိုင်းသူပြည်သား အချင်းချင်း ဦးရာလူ - သတ်ဖြတ်ခဲ့ကြသော- ကရင်မြန်မာ အရေးအခင်း ကြီးကား ဤကာလ တွင် ဖြစ်ပွားခဲ့၏။
သို့ဖြင့်ပင် ၁၉၅၀-ခုနှစ်၊ သြဂုတ်လ ၁၂ ရက်နေ့တွင်- ကရင် လက်နက်ကိုင် ခေါင်းဆောင် စောဘဦးကြီးအား- ဗိုလ်စိန်လွင်မှ သတ်ဖြတ်ခဲ့ခြင်းဖြင့်- သမိုင်းတွင် နောက်ထပ် ထင်ရှားမည့် သူတစ်ဦး ပေါ်လာခဲ့၏။ (စောဘဦးကြီးသည် ၁၉၂၅ တွင် ရန်ကုန် တက္ကသိုလ်မှ ဘွဲ့ရခဲ့ပြီး အင်္ဂလန်မှ ဥပဒေ ဘွဲ့ကို ရခဲ့ကာ- အင်္ဂလိပ် အစိုးရ လက်ထက်တွင် ၀န်ကြီးရာထူး ဖြင့် ထမ်းဆောင်ခဲ့ဘူးသူ ဖြစ်ပြီး- လွတ်လပ်ပြီး မြန်မာ နိုင်ငံအား- အင်္ဂလိပ်တို့၏ သွေးခွဲ မှုသည် အောင်မြင် ခဲ့သည် ဟုပင် ဆိုရပါမည်။)
တစ်ဆက်တည်းပင်- ၁၉၅၀ ကာလများတွင်- တရုပ်ပြည်မှ ထွက်ပြေးလာသော ကူမင်တန် တရုပ်ဖြူများ အား - တိုက်ခိုက် ကာကွယ်ခဲ့ရသည့် ကာလ လည်း ဖြစ်၏။
ထိုကူမင်တန် တရုပ်ဖြူများအား- လက်နက်၊ နည်းပညာ၊ ထောက်လှမ်းရေး သတင်း အကူအညီ ပေးခဲ့သူကား- ကမ္ဘာ့ဒီမိုကရေ စီ ဖခင်ကြီး အမေရိကန်၏ ထောက်လှမ်းရေး အဖွဲ့ကြီး ဖြစ်သော စီအိုင်အေ ပင် ဖြစ်တော့၏။ ၄င်းကို 
http://www.akha.org/content/drugwar/mccoy/29.htm တွင် လေ့လာ နိုင်ပါသည်။
မည်သို့ပင် ဆိုစေ-
တိုင်းရင်းသား ပြည်သူများစွာ အသက်ဆုံးခဲ့ရသည် ကာလ ပထမပိုင်းကား- ၁၉၄၉-၅၀ ကာလများ- တနည်းအားဖြင့် အင်္ဂါ မဟာဒဿာ ကာလ- ကြီးတွင် ပင် ဖြစ်တော့၏။ (အင်္ဂါ၏ အနေအထား မည်မျှ ဆိုးဝါးသည်ကို ပြီးခဲ့သော ဆောင်းပါးတို့တွင် ပြန်ဖတ်ကြည့်ပါ။)

ဆက်လက်၍- 
ထိုစဉ်က ဦးနု အစိုးရ၏ နိုင်ငံရေး ကစားကွက်များကြောင့် တိုင်းပြည် အနေဖြင့် အလွန်ဆိုးဝါးသော နိုင်ငံရေး မတည်ညိမ်မှုများ- အနေအထားမှာ ရာဟု ဒဿာ ကာလ ၁၉၅၅ မှ စတင်တော့၏။ တိုင်းပြည်၏ အနေအထား- တည်ညိမ်မှု အနေအထားကို ဂရပ်တွင် ပြထားသော အင်အား တွင် မြင်ကြရမည် ဖြစ်၏။
သို့နှင့်ပင်- ၁၉၅၈ အိမ်စောင့် အစိုးရ- ၁၉၆၂ တော်လှန်ရေး ကောင်စီ အာဏာယူမှု တို့ ဖြစ်ပေါ်လာတော့၏။
   


၁၉၇၀-မှ ၁၉၈၀ ကာလများ။
ဤကာလသည်လည်း- လွတ်လပ်ရေး ရပြီးစ သွေးရောင်လွှမ်းခဲ့သော ကာလ နောက်တွင်- ထင်ရှားသော ဖြစ်ရပ်ကြီးများ ဖြစ်ခဲ့သော ကာလ ဖြစ်ခဲ့၏။
အောက်ဖေါ်ပြပါ ဂရပ်တွင် ၁၉၇၃-မှ ၁၉၇၈ အတွင်း တိုင်းပြည်၏ ကိုယ်ခံ အင်အား နည်းသွားခဲ့၏။ (အပြာရင့်ရောင် မျဉ်း အောက်ဆင်းသွားသည် ကို မြင်ရပါမည်။) 
အထက်ပါ ဆောင်းပါးတို့တွင် ဖေါ်ပြခဲ့သည့် အတိုင်း အင်အားနည်းပါးသော ကြာသပတေး ဒဿာသည် ကောဇာ ဂြိုဟ်ဆိုးတို့၏ အဆိုးဓါတ်ကို တားဆီးခြင်း မပြုနိုင်ခဲ့။

၁၉၇၄-၇၅ ကာလတွင် ကောဇာ ဂြိုဟ်ဆိုးတို့မှ မူလ ဘာဝ၏ အလယ်မှန်တို့အား လွှမ်းမိုးထားသည် ကို အနီရောင် မျဉ်းတွင် တွေ့မြင်နိုင်၏။
ထိုကာလတွင် မည်သည့် ဖြစ်ရပ်များ ဖြစ်ပွားခဲ့ပါသနည်း။

06/Jun/1974 ကြာသပတေး ထူလ၊ ကြာသပတေး အန္တရ၊ ဗုဒ္ဓဟူး ပြတန္တရ။ အလုပ်သမား အရေးအခင်း။ 
10/Dec/1974 ကြာသပတေး ထူလ၊ ကြာသပတေး အန္တရ၊ သောကြာ ပြတန္တရ။ ဦးသန့် အရေးအခင်း။
05/May/1975 ကြာသပတေး ထူလ၊ ကြာသပတေး အန္တရ၊ တနင်္လာ ပြတန္တရ။ လူ၃၀၀ ကျော် သေခဲ့ရသော မုန်တိုင်း -အနောက် တောင်ပိုင်း ဒေသ။

တိုင်းပြည်၏ ကိုယ်ခံစွမ်းအား ကျဆင်းသည်ကို ထပ်မံမြင်တွေ့ရသည့် ၁၉၇၈-မှ ၁၉၈၀ ကာလကြား အတွင်းမူ- ထင်ရှားသော ဆုံးရှုံးမှုများ မရှိခဲ့။
အဘယ့်ကြောင့်နည်း။ 
ဘာဝ၏ အလယ်မှတ်တို့အား- ကောဇာဂြိုဟ်ဆိုးတို့မှ လွှမ်းမိုးမှုကို ပြသော အနီရောင် ဂရပ်သည် - နိမ့်ဆင်း နေခြင်းဖြင့်- ကောဇာ အဖျက်စွမ်းအား သည် နိုင်ငံအား ထိခိုက် စေနိုင်ခြင်း မရှိခဲ့သောကြောင့် ဖြစ်၏။
ထိုနည်းတူ- ကောဇာ အဖျက်စွမ်းအားတို့ အင်အားများသော ၁၉၇၅-မှ ၁၉၇၈ အတွင်းတွင်- တိုင်းပြည်၏ ကိုယ်ခံစွမ်းအား လည်း အတိုင်းအတာ တစ်ခုတွင် ရှိနေသော ကြောင့် ထိုအဖျက်စွမ်းအားတို့ကို ကာကွယ်နိုင်၍ ဖြစ်သောကြောင့် ပင် ဖြစ်တော့၏။


   

၁၉၈၀-မှ ၁၉၉၀ ကာလများ။
28/4/1987 မှ  21/9/1989 ကာလ သည် မြန်မာ နိုင်ငံ လွတ်လပ်ရေး ဥပဒေ ဇာတာ အရ- ကြာသပတေး ထူလ၊ ရာဟု အန္တရ ဖြစ်ပြီး- အင်အား နည်းပါးသော ကာလ ဖြစ်ကြောင်းကို အောက်ဆင်းသွားသော မျဉ်း အပြာရောင်က ပြထား၏။
တစ်ဆက်တွင် ကောဇာ ဂြိုဟ်ဆိုးတို့၏ လွှမ်းမိုးမှု အင်အားကောင်းချက်ကိုလည်း ထင်ရှားစွာ မြင်ရ၏။
သို့ဖြင့်ပင်- တိုင်းပြည်တွင် လူပေါင်းများစွာ အနေဖြင့် ကြီးမားသော ဆုံးရှုံးမှု တို့ကို ခံစားခဲ့ကြရခြင်းပင် ဖြစ်တော့၏။
၁၉၈၁ မှ ၁၉၈၄ ကာလ အတွင်း သည် တိုင်းပြည် အနေဖြင့် ငြိမ်းချမ်းသာယာ သော အနေအထား တွင် ရှိနေခဲ့သည်ကို တိုင်းပြည် ဇာတာ၏ ဒဿ သခင်များ- အင်အား ကောင်းနေခြင်း- ကောဇာ ဂြိုဟ်ဆိုး လွှမ်းမိုးမှု နည်းပါးခြင်း တို့က ဂရပ်တွင် ထင်ရှားစွာ ပြသနေ၏။


၂၀၀၅-မှ ၂၀၁၅ ကာလများ။
ဤကာလတွင် တိုင်းပြည် အနေဖြင့် အတက်အကျ - အကောင်းအဆိုး အနေအထား အပြောင်းအလဲ တို့ကို မြင်နေရ၏။
ဒဿာ သခင် အင်အားနည်းပါးသည့် ကာလ ၂၀၀၅- တွင် အောက်ပါ ဗုံးပေါက်ကွဲမှုများ ဖြစ်ခဲ့၏။
  • 26/Apr/2005 စနေ ထူလ၊ ရာဟု အန္တရ၊ သောကြာ ပြတန္တရ- မန္တလေး ဈေးတွင် ဗုံးပေါက်ကွဲမှု ဖြစ်။ အနည်းဆုံး ၂-ဦးသေဆုံး၊ ၁၅-ဦး ဒဏ်ရာရ။
  • 07/May/2005 စနေ ထူလ၊ ရာဟု အန္တရ၊ သောကြာ ပြတန္တရ- ရန်ကုန်တွင် ဗုံးပေါက်ကွဲမှု ၃-နေရာတွင် ဖြစ်ပွား၊ အနည်းဆုံး ၁၉-ဦးသေဆုံး၍၊ ၁၆၂ ဦးခန့် ဒဏ်ရာရ။

၂၀၁၂-ဇူလိုင် လ မှ ၂၀၁၄ နှစ်ကုန် ပိုင်း အတွင်းတွင် တိုင်းပြည် အနေဖြင့် ယခင်က ခက်ခဲ ခဲ့သော အရာများ ခက်ခဲခြင်း မရှိတော့ပဲ- လွတ်လပ်သော မီဒီယာ- အစရှိသော အကောင်းဘက် ဆောင်သော ပြုပြင် ပြောင်းလဲမှု အနေအထား တို့ မြင်လာရခြင်းကို ဂရပ်တွင် မြင့်တက် သွားသော အပြာရောင် မျဉ်း အနေဖြင့် ပြဆို ထားသည် ကိုတွေ့ကြရပါမည်။

သို့သော်- တိုင်းပြည်၏ ကိုယ်ခံစွမ်း အား မြင့်တက် လာချိန်မှာပင် အဆိုးအင်အား စုများ လည်း- ဖျက်ဆီး လွှမ်းမိုးမှု ထင်ရှားလာသည် ကို တွေ့ကြရပါမည်။
သို့ဖြင့်ပင်- တစ်တိုင်းပြည် အနေဖြင့် ထိခိုက် ပျက်ဆီးမှု မရှိသော်လည်း- စိုးရိမ် ထိတ်လန့် စရာ ဖြစ်ရပ်များကို- လူမျိုးရေး- ဘာသာရေး အရေးအခင်းများ ဖြစ်ပွားခဲ့သော အနေအထားကို ၂၀၁၂ မေလ နှင့် ဇွန်လ တွင် ရခိုင်တွင် ဖြစ်ခဲ့သော ဖြစ်ရပ်များ- ၂၀၁၃-မတ်လ ၂၀-ရက်တွင် ဖြစ်ပွား ခဲ့သော မိတ္ထီလာ အရေးအခင်း တို့က ပြဆိုနေခဲ့ပါ၏။
၂၀၁၅-အောက်တိုဘာလ-၈-ရက်တွင်- ကောဇာ အင်္ဂါ အနေဖြင့်- မူလ အင်္ဂါ နှင့် တစ်ထပ်တည်း ပြန်ကျသော အနေအထား- ကို ရောက်ရှိသည် ဖြစ်ရာ- ၂၀၁၅-နှစ်ကုန် ပိုင်းတွင်- သွေးသံ အနေအထား- တိုင်းသူ ပြည်သား အချို့ အသက် အန္တရာယ် ဖြစ်နိုင်မည့် အနေအထား ကို သတိပေးလိုပါသည်။ ၄င်းကို ပြီးခဲ့သော ဆောင်းပါး တစ်ခု ဖြစ်သော ဗြိစ္ဆာ ရာသီရောက် စနေဂြိုဟ် ဆောင်းပါး အပိုင်း (၁)  တွင် လည်း ဖေါ်ပြသတိပေးခဲ့ပါသည်။


    



လက်ရှိ နှင့် အနာဂါတ် ကာလ များ အတွက်-
၂၀၁၅-မှ ၂၀၂၅ ကာလများ။
ဤကာလသည် ကား အထူး သတိထား စရာ - အနေအထားများ ရှိသော ကာလ ဖြစ်တော့သည်။
မြန်မာ့ နိုင်ငံ လွတ်လပ်ရေး အက်ဥပဒေ ဇာတာ အနေဖြင့်- ဗုဒ္ဓဟူး ထူလ၊ အင်္ဂါ အန္တရ၊ အင်္ဂါ ပြတန္တရ သို့ ရောက်ရှိသွားသည့် 22/3/2017 မှ စ၍ ၏ ဒဿာ အင်အား အနေဖြင့်- အင်အား အလွန်နည်းသော -အနေထား- သို့ ရောက်သွားခြင်း၊ ၄င်းထက်ပြင် ပို၍ နိမ့်ကျသော အနေအထား - သို့ ရောက်ရှိသွားသော- ဗုဒ္ဓဟူး ထူလ၊ ရာဟု အန္တရ၊ ရာဟု ပြတန္တရ- 19/3/2018 မှ စ၍ - 5/10/2020 အတွင်းတွင်-
- တိုင်းပြည် အတွင်း ကြီးမားသော အပြောင်းအလဲ ကြီးများ- ကြီးမားသော ပျက်စီး ဆုံးရှုံးမှုများ- အသက် သေဆုံး နိုင်မှုများ ထင်ရှား နေသည် အတွက်- မိုးတား စာဖတ် ပရိဿတ် များ အနေဖြင့်- ဤကာလ အတွင်းတွင် အလွန်ဆင်ခြင် ၍ အသိဥာဏ် ဖြင့် ကာကွယ် တားဆီးမှု များ ပြုကြစေလိုပါသည်။



၂၀၂၆-မှ ၂၀၄၁ ကာလများ။
အထူးပင် စိတ်ဝင်စားစရာ ကောင်းသော ကာလ ဖြစ်၏။
အကောင်းဘက်မှာ ကြည့်ပါမူ- တစ်ကြိမ် တစ်ခါဘူးမှ မမြင်မတွေ့ရသော အနေအထား- တိုင်းပြည်၏ အကောင်းဘက် သို့ ရောက်ရှိသွားသော အနေအထား- တိုင်းပြည်၏ ၀င်ငွေ၊ ပြည်သူလူထု ၏ ဘ၀၊ ပြည်သူတို့၏ စိတ်ချမ်းသာ မှု တို့ကို ကြုံတွေ့ရသော ကာလကို-
21/09/2032 သောကြာ ထူလ၊ သောကြာ အန္တရ၊ သောကြာ ပြတန္တရ ကာလ မှ 19/01/2036 သောကြာ ထူလ၊ သောကြာ အန္တရ၊ ကိတ် ပြတန္တရ ကာလ  အတွင်းတွင် ထင်ရှားစွာ မြင်ရ၏။
ဤကာလ သည် အလွန်အရေးကြီးသော ကာလ ဖြစ်၏။
အဘယ့်ကြောင့် ဆိုသော်-
ဤအဆင့်သည် လွန်ခဲ့သော နှစ်များစွာမှ- နောင်များစွာ အထိ တစ်ခါမှ မရောက်ဘူးသော အကောင်းဆုံး အနေအထား ဖြစ်၏။
ယင်းကာလ အတွင်း- ကောင်းလာသော အနေအထားကို တိုင်းပြည်၏ အကျိုး- အများပြည်သူ၏ အကျိုး အတွက် ဆင်ခြင် ဥာဏ်၊ ဝေဘန် ပိုင်းခြားသော ဥာဏ် ဖြင့် သာ ကျင့်သုံး တတ်ကြမည် ဆိုလျှင်- နောက်လာမည့် အဆိုးအနေအထား တို့ကို ကာကွယ် နိုင်မည် ဖြစ်၏။
ယင်းကာလ တွင် ပြည်သူတို့ အနေဖြင့်- မဆင်မခြင်- နေထိုင်ကြမည်- ခေါင်းဆောင် တို့ကို ရွေးချယ်ရန် အသိဥာဏ် မရှိဖြစ်ကြမည်။ နေရာ ရလာသော ခေါင်းဆောင် တို့ကလည်း- အသိဥာဏ် နှင့် ကိုယ်ကျင့် တရား နည်းပါးကြမည် ဆိုပါက- ယခင် အဆိုးသံသရာတို့ ပြန်လည်မည် သာ ဖြစ်ပါသည်။
အားလုံး အနေဖြင့် အသိတရား- ကိုယ်ကျင့်တရား ရှိမည် ဆိုလျှင်- နောင်အဆိုးတို့ကို ပုံစံ တစ်မျိုးဖြင့် လျော့နည်း ပါးလျားစေပါမည်။


၂၀၄၁-မှ ၂၀၅၈ ကာလများ။
၂၀၄၁-နောက်ပိုင်းတွင် ကျဆင်းသွားသော ဒဿာအင်အား သည့် ၂၀၄၆ မှ ၂၀၄၇ အတွင်း ပြန်လည် ကောင်းမွန်လာ၏။
သို့သော် အထက်တွင် တင်ပြခဲ့သည့် အတိုင်း- ရရှိလာသော ကောင်းကျိုးကို အလွဲသုံးမည်- အသိဥာဏ် နည်းပါး နေကြဦးမည် ဆိုလျှင်ကား-
15/11/2053 - တနင်္ဂနွေ ထူလ၊ ရာဟု အန္တရ၊ ရာဟု ပြတန္တရ ကာလမှ စတင်၍ 05/10/2054- တနင်္ဂနွေ ထူလ၊ ရာဟု အန္တရ၊ အင်္ဂါ ပြတန္တရ ကာလ အတွင်း အလွန် ကြီးမားသော ဆုံးရှုံးမှု- တို့နှင့် ရင်ဆိုင်ကြ ရပါလိမ့်မည်။

မြန်မာ့ ကံကြမ္မာ နှစ် (၁၀၀) ဆောင်းပါး အပြီးသတ်ပါပြီ။
အားလုံး ငြိမ်းချမ်းပါစေ။
နျူမာန် (မိုးတား)

[+/-] show/hide this post

2 comments:

Mr David said...

ယခုလို လ့လာခွင့်ရလို့ ကျေးဇူး အထူး တင်ပါတယ် ဆရာ

shin nyein mai said...

ကျေးဇူးအထူးတင်ပါတယ်ဆရာ။လေ့လာခွင့်ရသဖြင့်ဗဟုသုတများစွာရရှိပါတယ်။ဆင်ခြင်စရာအကြောင်းတရားလည်းများစွာ
တွေ့ရှိပါတယ်

Post a Comment