Monday, February 3, 2014

လူဝင်စား ဘ၀များ နှင့် သက်ဆင် ရှိနာဝတ္တရာ-

အချိန်ကာလ အားဖြင့်- ၂၀၀၉ ခုနှစ် ဖေဖေါ်ဝါရီလ-
နိုင်ငံခြားသား အများစု အတွက်တော့- မယုံနိုင်စရာ- ဟာသ တစ်ခု ဖြစ်ကောင်း ဖြစ်ပါလိမ့်မည်။ သို့သော်- ထိုစဉ်က ထိုင်း ၀န်ကြီးချုပ် သက်ဆက် ရှိနာဝတ္တရာ ကို ထောက်ခံကြသူများ အတွက်ကတော့- ၀န်ကြီးချုပ် ၏ ယခင် ဘ၀ ဟောင်းက သွေးစွန်းခဲ့သော အကုသိုလ် ကံများကို ပပျောက်စေခြင်းငှာ- အရေးကြီးသော- ယတြာဟု ယူဆကြ၏။  ဤသည်ကို ဘန်ကောက်စ် ပို့စ် သတင်းစာမှ- သတင်းထောက်- ၀ါ့စနာ အောက်ပါ အတိုင်း ရေးသား၏။ “မစ္စတာ သက်ဆင် နဲ့ သူ့ရန်သူ အဖွဲ့တွေ အကြားမှာ - အောက်လမ်း တိုက်ပွဲတွေ အပြိုင် အဆိုင် လုပ်ဆောင် နေကြတာကို ဒီအစီအရင် က သက်သေပြတာပါပဲ”

ဤအစီအရင် ကို လုပ်ဆောင်သည့် နေရာမှာ- ချင်းမိုင် မြို့ရှိ- Wat Umong ဖြစ်ပြီး- ဦးဆောင် စီစဉ် ပေးသည်က- သက်ဆင်၏ ညီအကို ၀မ်းကွဲ ဖြစ်သူ- ကာကွယ်ရေး ဦးစီးချုပ်ဟောင်း ဗိုလ်ချုပ်ကြီး ချိုင်ဆစ် ရှိနာဝတ္တရာ ဖြစ်၏။ ယခင် ဘ၀ ဟောင်း တစ်ခု တွင်- ကျောင်မွန် မူအန်၊ ကျောင်ဆင် အမည်တို့ဖြင့်- လူသတ် လုယက်ခဲ့သော မင်းသားဟောင်း အဖြစ်ဖြင့် ကျူးလွန်ခဲ့သော မကောင်းမှု ကြောင့်- ယခု ဘ၀တွင် ကြုံတွေ့ နေရသော အခက်အခဲများကို ဖြေရှင်း နိုင်ရန် ပြုလုပ်သော ကံမြင့် ယတြာ အစီအရင် ဖြစ်၏။

ယခင် ဘ၀က- လုယက်ခဲ့သော အပြစ်တို့ကို ကျေစေရန် အတွက်- ငွေစက္ကူများကို ကြဲဖြန့်၏။ 
တစ်ဆက်တည်းမှာပင်- ယခု ဘ၀တွင် သူ့အား- အတိုက်အခံ ပြုနေကြသူများကို တန်ပြန် ရန်အတွက်- ထိုသူတို့၏ အမည်များကို ရေးချပြီး - မီးရှို့ပြာချသော ဗူးဒူး ဆန်ဆန် အစီအရင် လည်း ပါ၏။ ထိုသူတို့၏ အမည်များတွင်- အာဏာသိမ်း ဗိုလ်ချုပ်ကြီး ဆုန်ထီ ဘွန်ညာရာတ္တကလင် နှင့် ဆန္ဒပြ အဖွဲ့၏ ခေါင်းဆောင် ဖြစ်သူ- ဆုန်ထီ လင်မ်ထုန်ကုလ် တို့လည်း ပါ၏။ 

သို့သော်- နိုင်ငံခြားသို့ ထွက်ပြေးတိမ်းရှောင် နေရသူ- သက်ဆင် ကိုယ်တိုင် အားဖြင့်တော့- ဤအစီ အရင်တွင် ပါဝင်နိုင်ခြင်း မရှိ။ သက်ဆင်၏ ဓါတ်ပုံ အကြီးကြီး တစ်ခုကို ထောင်ထားကြ၏။

သူ့အား ထောက်ခံသူများ နှင့် သူ့မိသားစု များ- အရေအတွက် အားဖြင့်- လူ ၃၀၀ ခန့် က ပြုလုပ်ကြသော အစီအရင် ဖြစ်၏။

နေရှင်း သတင်းစာ အရ- သက်ဆင် အား ထောက်ခံသူ အသက် ၅၀ ကျော်- အမျိုးသမီး ကြီး တစ်ဦးမှ နတ်ဝင်သည် အဖြစ် လုပ်ဆောင်၏။ 

သူမ- အနေဖြင့် ကြေညာသည်မျာ- သက်ဆင် သည် ထိုင်း စစ်သည် မင်းသား တစ်ပါး ဖြစ်ခဲ့ပြီး- သူ၏ ရန်သူ မြန်မာများကို သတ်ပစ်ခဲ့ခြင်း၊ ၄င်းတို့၏ ငွေ နှင့် ဗုဒ္ဓဆင်းတု များကို လုယူခဲ့ခြင်း စသော အကုသိုလ်များ ကြောင့် ယခုဘ၀ တွင် အခက်အခဲကို ရင်ဆိုင်ရခြင်း ဖြစ်သည် ဆို၏။

ဆင်းတု တော်ရှေ့တွင် ထားရှိသော- ရှေးမြန်မာ ဘုရင်များကို ကိုယ်စားပြုသော အရုပ်တို့ ရှေ့တွင်- ငွေ၊ အသား၊ ဆန်၊ အရက် နှင့် သစ်သီး တို့ကို ဆက်သထား၏။

ဗိုလ်ချုပ်ကြီး ဟောင်း ချိုင်ဆစ် ရှိနာဝတ္တရာ ကမူ- သက်ဆင် အား ကျရောက် နေသော မကောင်းသော ကံတို့ကို ချေရန် သာ ဖြစ်သည်ဟု သတင်းထောက်တို့အား ပြောဆိုခဲ့၏။

ရှင်ဘုရင် လူဝင်စား- သက်ဆင်- 
၂၀၀၆ -ခုနှစ် အာဏာ မသိမ်းခင်ကတည်း ကပင်- ၀န်ကြီးချုပ် ဟောင်း သက်ဆင် သည်- တစ်ချိန်က- ၁၇၆၇-ခုနှစ် အယုဒ္ဓ ကျဆုံးပြီးနောက်- ထိုင်းနိုင်ငံ သွန်ဘူရီ မြို့တွင် နန်းတက် ခဲ့ပြီး- သူ၏ သူရဲကောင်း တစ်ဦး ဖြစ်သူ၏ လုပ်ကြံခြင်း ကို ခံခဲ့ရသော- တရုပ် လူမျိုး ထိုင်းဘုရင် တက်ဆင် ပြန်ဝင်စား သည် ဆိုသော ကောလာ ဟလ များ ပျံ့လွင့်နေခဲ့၏။ ထိုသူရဲကောင်းသည်- ဘန်ကောက်မြို့တွင် ထီးနန်းတည်၍- ရာမ မင်းဆက် ဖြစ်သော- ချက်ကရီ မင်းဆက်ကို တည်ထောင်ခဲ့၏။ 

ထိုကောလ ဟလ ၏ နောက်ကွယ်မှ ရန်ညိုး သရုပ်ဖေါ်ချက်ကို နားမလည် သူတစ်ဦး အနေဖြင့်-မူ- အမှတ်တမဲ့ ကျော်ဖတ် သွားမည် ဖြစ်သော်လည်း- သေသေချာချာ ဖတ်သူ တစ်ဦး၊ ထိုင်းနိုင်ငံ သတင်း နှင့် အဆက်မပြတ်သူ တစ်ဦး အနေဖြင့် မူ- ဤ ကောလဟလ နှင့်  အာဏာသိမ်းမှု- နောက်ဆက်တွဲ ဖြစ်ရပ် များ ကို ဆက်စပ် မြင်နိုင်၏။ ချရေးပြန်ရန် မသင့် သဖြင့်- စာဖတ်သူတို့ စဉ်းစား စေရန် ချန်လှပ် ထားပါသည်။

သက်ဆင် အား အာဏာ မသိမ်းခင် ကာလ- တက်ဆင် ဘုရင် လူဝင်စား ကောလာဟလ၊ နောက်တွင် - 

  • အများ ပြောစရာ ဖြစ်သော- ရှင်ဘုရင် မိသားစု ၀င်များသာ ကြီးမှူး ရသည့် မြဘုရား - ပွဲအား- သက်ဆင် ကြီးမှူးသည် ဆိုသော ကိစ္စများ၊ မြဘုရား ပလ္လင်အောက်ရှိ မြင့်မြတ် သော အရာတစ်ခု- အား ဖယ်ထုတ် ရွှေ့ပြောင်း ပစ်သည် ဆိုသော ပြောဆိုချက်များ ပေါ်ပေါက် လာခဲ့ပါသည်။ 
  • ထို့နောက်တွင်လည်း- ယခင် ဆောင်းပါးတွင် ရေးသားခဲ့သော- လေးမျက်နှာ ဘုရား ဖျက်ဆီးခံရမှု၊ ဘုရား အသစ် အနေကဇာကို သက်ဆင် ကိုယ်တိုင် ပြုလုပ်ခဲ့မှု၊ 
  • နှစ်ပေါင်း များစွာ ကိုးကွယ် လာကြသော- Phanom Rung ရှိ- သျှီဝ နတ်ဘုရား လိင် ရုပ်တုကို တရားခံ မပေါ်ပဲ ရွှေ့ပြောင်း ခံခဲ့ရမှုများ ပေါ်ပေါက် လာခဲ့ပါတော့သည်။ 
  • ထိုမျှ မကသေး- များစွာသော ရုပ်တုများ - တရားခံ မပေါ်ပဲ နေရာ ရွှေ့ပြောင်းခံ ခဲ့ရခြင်းများ၊
  • သုံးထားပြီးသား အမျိုးသမီး- ဓမ္မတာခံ အ၀တ်စ soiled sanitary napkins တို့ ကို ရန်သူ တို့အား နာမ် နှိမ် နိုင်ရန် အတွက် Royal Plaza တွင် စီရင်ခဲ့ခြင်း၊
  • တစ်ချိန်က ဘုရင် ဖြစ်ခဲ့သူ တက်ဆင်၏ စစ်တပ်များ အင်အား စုစည်းခဲ့သည့်- ချောင်ဘူရီ မြို့တွင်- သူ၏ မိသားစု အမည် နှင့် မှည့်ခေါ် ထားသော- ဖရာ့ ဖုဿ ရှိနာဝတ္တရာ အမည်ရှိ ဘုရားတွင်- ရုပ်တုတို့၌- သူ၏ မျက်နှာ သွင်ပြင်အတိုင်း တည်ထားကိုးကွယ် မှုများ ပေါ်ပေါက်လာခြင်း။ (အောက်ဖေါ်ပြပါ ပုံတွင် ကြည့်ပါ) ဆင်းတုတော်တွင် ထုထွင်းထားသော ဘုရား၏ ဘွဲ့တော်မှာ-  ဖရာ့ ဖုဿ ရှိနာဝတ္တရာ ဖြစ်သည်။



ရုတ်တရက်- တစ်ခုချင်း- မဆက်စပ် သယောင် ဖြစ်သော ဖြစ်ရပ် တစ်ခု တို့ကို စုပေါင်း လေ့လာ လိုက်ပြီး သည့် နောက်တွင်- ထိုဖြစ်ရပ်များ၏ နောက်မှ- သက်ဆင်၏ ယုံကြည်ချက်၊ ယတြာ များကို သဘော ပေါက်ပြီး နောက်- သက်ဆင် အား ဆန့်ကျင်သူများကလည်း- တန်ပြန် ယတြာ၊ အတိုက်အခိုက် အစီအရင်များ ပြန်လည် လုပ်ဆောင် လာကြခြင်းဖြင့်- နိုင်ငံရေး စစ်ပွဲ နှင့် တစ်ချိန်တည်း- အောက်လမ်း အစီအရင် တိုက်ပွဲများပါ အပြန်အလှန် ပေါ်ပေါက်လာပါတော့သည်။ 

၂၀၀၆-ခုနှစ် တွင် အာဏာ သိမ်းခဲ့သော ဗိုလ်ချုပ်ကြီး ဆုန်ထီ အား- အသက် ၅၂-ရှိ ထိုင်းဗေဒင် ဆရာ ၀ါရင် ဘူအာဝီရတ်လာတ် မှ အာဏာသိမ်းရန် မင်္ဂလာ အခါ ပေးခဲ့ရသည့် အထိပင် ဖြစ်တော့သည်။

တစ်နည်းအားဖြင့်- ၂၀၀၆-ခုနှစ် အာဏာသိမ်းပွဲ၏ အခြေခံ မှာ- ထိုင်းဘုရင်ဟောင်း တက်ဆင် လူဝင်စား ဇတ်လမ်းတွင် တည်နေသော်လည်း- သက်ဆင်အား ထောက်ခံသူ များ နှင့် သက်ဆင် အား ဆန့်ကျင်သူများ အကြားတွင် ကွာခြားမှုများ ရှိနေပါ၏။

ထိုင်းဗေဒင် ဆရာ ၀ါရင် ဘူအာဝီရတ်လာတ် အနေဖြင့်- အဆိုပါ- တက်ဆင် လူဝင်စား ဇတ်လမ်းသည် လုပ်ကြံ ဇတ်လမ်းသာ ဖြစ်၍- တက်ဆင် ဘုရင်သည်- နတ်မင်း တစ်ပါး အဖြစ် ထိုင်းနိုင်ငံအား ကာကွယ် စောင့်ရှောက် ပေးနေပြီး- လူ့ဘ၀တွင် မရှိ၊ တစ်ဖန်- ဗိုလ်ချုပ်ကြီး ဆုန်ထီ နှင့် သူရဲကောင်း ၁၀-ဦး တို့သည်- တက်ဆင် ဘုရင်အား ထိုင်းနိုင်ငံ တောင်ပိုင်း ဆူရတ် ဌာနီ ဒေသ တို့ လျှို့ဝှက် ကယ်ထုတ်ပေးခဲ့ပြီး နောက်- တက်ဆင် ဘုရင်သည်- ရဟန်းပြု၊ တရားထိုင်- ကောင်းမှု ပြုယင်း ဘ၀ ကို အဆုံးသတ် သွားသည် ဟု ဆိုပါသည်။ 

မည်သို့ပင် ဆိုစေ- ထိုသို့ အာဏာသိမ်းမှု မဖြစ်ပွားမီ အထိ- သက်ဆင် အနေဖြင့်မူ- ဘုရင် လူဝင်စား ဇတ်လမ်း ဖြင့် အလုပ်များနေခဲ့သည် ဟု ဘန်ကောက်ပို့စ် သတင်းထောက် မစ္စ၀ါ့ဆနာမှ ဆိုထားပါသည်။

အမှန်အားဖြင့်- လူဝင်စား ဇတ်လမ်း သည် ဤမျှ မကသေး-
သက်ဆင်သည်- ဘ၀ တစ်ခုတွင် မြန်မာ ဘုရင် ဖြစ်ခဲ့ပြီး- အယုဒ္ဓယ မင်းဆက် ကို ဒုက္ခပေးခဲ့ခြင်း ကြောင့်- ယခု ပြဿနာများကို ရင်ဆိုင်ရသည် ဆိုသော လူဝင်စား ဇတ်လမ်းကြောင့်လည်း- သက်ဆင်သည် ဖေဖေါ်ဝါရီ လ ၂၈-ရက်နေ့တွင် ထိုင်းနိုင်ငံ ပြန်ရောက် ရောက်ခြင်း- အယုဒ္ဓယ သို့ သွားရောက် အပြစ်ချေ ယတြာများ ပြုခဲ့ရ ပြန်ပါသည်။

နောက်ထပ် လူဝင်စား ဇတ်လမ်း တစ်ခုမှာမူ-
ထိုင်းနိုင်ငံ မြောက်ပိုင်း- Doi Suthep Temple ကို တည်ခဲ့သော- လန်နာ မင်းဆက်- ၆-ဆက်မြောက်- ကုအိန္န မင်းဖြစ်ပြီး- ထိုမင်းသည်- ယခု သက်ဆင် ကဲ့သို့ လေးထောင့် မျက်နှာ ရှိသည် ဟု ဆိုပြန်ပါသေးသည်။ 
မြန်မာ ဆရာမ အီးတီ အနေဖြင့်- သက်ဆင်အား ယတြာ ပေးခဲ့သည်မှာ- ရွှေတိဂုံ ဘုရား- အင်္ဂါထောင့်တွင်- မျက်နှာ လေးထောင့် ပုံရှိသော ဘုရင် ရုပ်တုကို ရှာ၍- ယတြာ ချေရမည် ဟု၍ ဖြစ်သည်။ အီးတီ အနေဖြင့်- ဟောကြားခဲ့သည့်မှာ- သက်ဆင်၏ အကြီးဆုံး ရန်သူ တို့သည်- နာမည် တွင်- “စ နှင့် ဖ” အစ ပြုမည် ဆိုပါသည်။ သက်ဆင် အနေဖြင့်- မိသားစု နှင့် ခွဲခြားရမည့် ကံကြမ္မာ ရှိသည် ဟု လည်း ပြောခဲ့ပါသည်။ ယခင် ဆောင်းပါးတွင် ဖေါ်ပြခဲ့သည့် အတိုင်းလည်း- စက်တင်ဘာလ တွင် နိုင်ငံရပ် ခြားသို့ တိမ်းရှောင် နေရန် အကြံပေးခဲ့ပါသည်။

သို့ဆိုလျှင်
စာဖတ်သူတို့ အနေဖြင့်- လူဝင်စား ယုံကြည်မှု၊ ယတြာချေမှု၊ အယူသည်းမှု တို့သည်- မြန်မာ တစ်ခုတည်း မဟုတ်ပဲ- အိမ်နီးချင်း ထိုင်းနိုင်ငံတွင် အလွန်စွဲလမ်း စွာ ရှိနေကြသည် ကို ဗဟုသုတ အနေဖြင့် သိနိုင်မည် ဟု ယူဆပါသည်။

အားလုံး ချမ်းမြေ့ပါစေ
နျူမာန် (မိုးတား)

[+/-] show/hide this post

No comments:

Post a Comment