Friday, January 10, 2014

လ-မင်းကြီးနှင့် စကားပြောကြည့်ခြင်း။

ဖိုးလသော်တာ ကြယ်အများနဲ့အရှေ့ဖျားက ထွက်လို့လာ။ရွေ့ကာ ရွေ့ကာ သူလျှောက်သွားတော့ဝါးရုံပင်နား ရောက်လို့လာ။ဝါးရွက်ညိုညို ကြိုအကြားကမျက်နှာထားကြီး ပြုံးလို့သာ။ထမင်းဖြူဖြူ ဆီကိုဆမ်းလို့ရွှေလင်ပန်းနဲ့ ပေးခဲ့ပါ။ပေးပါ ပေးပါ။    ။
(နုယဉ်)

ကျွန်တော်တို့ ခေတ်က မြန်မာ ကလေးသူငယ် အများစု အနေဖြင့်- ဆန်ဖွတ်သော အဘိုးအို နှင့်- လပေါ်မှ ယုန် ရုပ် အကြောင်း ကို သက်ကြီး စကား သက်ငယ် ကြားဖြင့် နားထောင်မိခဲ့ကြ ရသလို၊  ဖိုးရွှေလမင်း ထံမှ ထမင်းဆီဆမ်း ရွှေလင်ပန်း နှင့် ပေးပါ ဟု အငို ကို ချော့မော့ ပေးခြင်း ခံခဲ့ကြရ၏။ 

အရွယ်လေး ရောက်လာပြန်တော့- ဖိုးလမင်း ကြီး ကြည့်ယင်း- ဖိုးလမင်း ကို အောင်သွယ်ခိုင်း ချင်သလိုလို- လမင်းကြီး အား ကြည့်ယင်း လွမ်း သလိုလို ဖြစ်ခဲ့ရပြန်၏။
မြန်မာ တို့သည်- လမင်း ကြီးနှင့် တစ်စိမ်း ပြင်ပြင် မရှိခဲ့ကြ။
တစ်ဖန် ဘာသာရေး တွင် ကြည့်ပါလေဦး။

မြတ်စွာဘုရားရှင် သည် လည်း- ရဟန်းတို့ အနေဖြင့်- နေလ နှင့် ကောင်းကင် နက္ခတ် တာရာများ ကို နားလည် ရန် လိုအပ်ကြောင်း အောက်ပါ ပါဠိ တော်ဖြင့် ဟောပြော ညွှန်ပြတော်မူ ခဲ့၏။
အာရညိကေန ဘိက္ခဝေ ဘိက္ခုနာ နက္ခတ္ထပဒါနိ ဥဂ္ဂဟေ တဗ္ဗာနိ သကလာနိဝါ ဧကဒေသာနိဝါ ဒိသာကုသလေန ဘ၀ိတဗ္ဗံ။ဘိက္ခဝေ - ချစ်သား ရဟန်းတို့၊ အာရညိကေန- တော အရပ်၌ သီတင်းသုံး နေထိုင်သော၊ ဘိက္ခုနာ- ရဟန်းသည်၊ သကလာနိ- အလုံးစုံကုန်သော၊ နက္ခတ္ထ ပဒါနိဝါ- နက္ခတ် အဖို့တို့ကို လည်းကောင်း၊ ဧကဒေသာနိဝါ တစ်စိတ် တစ်ဒေသ ဖြစ်ကုန်သော၊ ပဒါနိဝါ- နက္ခတ် အဖို့တို့ကို လည်းကောင်း၊ ဥဂ္ဂဟေ တဗ္ဗာနိ- သင်ယူ မှတ်သား လေ့လာ အပ်ကုန်၏။ ဒိသာကုသလေန- အရှေ့ အနောက်၊ တောင်နှင့် မြောက် စသော အရပ်မျက်နှာတို့၌ သိမြင် လိမ္မာကျွမ်းကျင်ခြင်းသည်၊ ဘ၀ိတဗ္ဗံ- ဖြစ်ရာ၏။ရဟန်းတို့- သင်တို့သည် ညဥ့်အခါ၌ အမှောင်ထု ဖုံးအုပ် နေမှုကြောင့် အရှေ့၊ အနောက်၊ တောင်နှင့် မြောက် စသည်အရပ် ဌာန တို့ကို သာမာန်အားဖြင့် မသိနိုင်၊ နက္ခတ်ပညာကို တတ်မြောက် ထားပါက- ညဥ့်အခါ၌ ခရီးသွားလာမှု မခဲယဉ်းပေ၊ နက္ခတ်ကို ကြည့်၍ မိမိ လိုရာခရီးသို့ မျက်စိလည် လမ်းမှားခြင်း မရှိပဲ လွယ်ကူစွာ ခရီးသွားလာနိုင်၏။ သို့အတွက် ကြောင့် ရဟန်းတို့သည် အသ၀နီ ဘရဏီ ကြက္တိကာ အစရှိကုန်သော ၂၇ လုံးသော နက္ခတ်တို့ကို သင်ယူ မှတ်သား လေ့လာအပ်ကုန်၏။

တစ်ဘက်တွင် လည်း- ခရစ်ယာန် တို့၏ သမ္မာကျမ်းစာ - ကမ္ဘာဦးကျမ်း ၁း၁၄-၁၈ တွင် ဘုရားသခင် သည်- နေလ၊ နက္ခတ်တာရာများကို အချိန်ကာလများ သိရှိနိုင်ရန် အတွက် ဖန်တီးပေးခဲ့သည်ဟု ဆိုထား ပြန်ပါ၏။

အဘယ့်ကြောင့်- နေလ တို့သည် အချိန်ကို တိုင်းတာ နိုင်ခြင်း၊ နေလ တို့ကို နားလည် ခြင်း သည် အကျိုးရှိသည် ဟု ဆိုခဲ့ကြပါသနည်း။

ရှေးယခင် ကာလ တို့က ရဟန်းတော်တို့သည်- သာသနာ ပြုရန် အတွက် ဖြစ်စေ၊ ပရိယတ္တိ၊ ပရိပတ္တိ ပညာ သင်ကြားရန် ဖြစ်စေ၊ ၀ါဆို၊ ၀ါကပ် ရန် ဖြစ်စေ- ရပ်ဝေး တစ်ခုမှ တစ်ခုသို့- ခရီးသွားလာ စရာများ ရှိခဲ့ကြရ၏။ ရပ်ရွာ တစ်ခုမှ တစ်ခုတို့တွင် - အရှေ့ အနောက်၊ တောင်မြောက် ကို မေးနိုင်ရန် မေးစရာ လူမရှိသော- လူသူကင်းပြတ် သည့် နေရာ ဒေသများကိုလည်း ဖြတ်သွားရန် လိုအပ်သည်များ ရှိ၏။ ကောင်းကင် နက္ခတ် တာရာများကို နားလည်သော ရဟန်းသည်- မိမိသွားလို သော အရပ်သို့- မှန်ကန်စွာဖြင့် အချိန်မလင့်၊ လမ်းကြောင်းမမှားပဲ သွားနိုင်မည် ဖြစ်သော်လည်း၊ ကောင်းကင် ကြယ်တာရာတို့၏ အကြောင်းကို မသိသော ရဟန်းတို့ အနေဖြင့်မူ- လိုရာခရီး သွားရန် ခရီးဖင့် နိုင်သည် သာမက- ခိုးသား ဓမြ ပေါရာ၊ သားရဲ တောကောင် ပေါရာ၊ သို့မဟုတ် ကန္တာရ စသော- အန္တရာယ် များရာ များသို့ လမ်းမှား ရောက်သွား နိုင်သောကြောင့် သည်လည်း တစ်ချက် ဖြစ်၏။
တစ်ဖန်- ရဟန်းတို့ အနေဖြင့်- ၀ါတွင်း ၃-လ ကာလ ၀ါကပ် ဥပုသ် သီတင်းသုံးရန် လိုသော အခါ- မည်သည့် ရက်သည် မှန်ကန် သော ၀ါဆို လပြည့် ဖြစ်သနည်း၊ မည်သည့် နေ့ရက်သည်- သီတင်းကျွတ် လပြည့်နေ ဖြစ်သနည်း ကို တိကျ မှန်ကန် စွာ နားလည် ထားခြင်း ဖြင့် ၀ိနည်း သိက္ခာပုဒ် တော်များကို ကောင်းစွာ လိုက်နာ နိုင်မည် ဖြစ်၏။

သို့ဆိုလျှင်- ရဟန်း များ မဟုတ်ကြသော- သာမာန် လူဝတ်ကြောင် တို့ အနေဖြင့် မည်သို့ အသုံးဝင်ပါမည် နည်း။

လဆန်း လဆုတ် ရက်၊ လပြည့် လကွယ် ရက်တို့ကို သိရှိ နားလည်ခြင်း အားဖြင့်- 

မြစ်ဝ ကျွန်းပေါ် ဒေသ၊ ပင်လယ် နှင့် နီးရာ ဒေသ တို့တွင် ဒီရေ အတက်အကျ အချိန်ကို ခန့်မှန်း တွက်ချက် နိုင်သည်။ မြန်မာ့ ရိုးရာ တွက်ပုံ မှာ- လဆန်း (သို့မဟုတ်) လဆုတ် ၁-ရက် နေ့တွင် ၁-ကျပ် မှ တစ်မတ် နှုတ်။ ၃-မတ် ကျန်။ ထို့ကြောင့်- နေ့လည် ၁၂း၄၅ မိနစ် နှင့် ည ၁၂း၄၅ မိနစ်တွင် ဒီရေ တက်မည်။ တစ်ခါ တက်လျှင် ၆-နာရီ ကြာ၍- ပြန်ကျချိန် ၆-နာရီ ကြာမည်။ မြန်မာ့ တပ်မတော် ရေတွင် မူ ထိုနည်းကို ပင်- အခေါ် အဝေါ် ပြောင်း၍- လဆန်း၊ လဆုတ် ရက်ကို တည်- ၃/၄ နှင့် မြှောက် ဟု သင်ကြားပေးသည်။ အတူတူ ပင် ဖြစ်သည်။ (ဤနည်းသည် တစ်ရက် ဒီရေ အတက် အကျ ၂-ကြိမ်ရှိသော မြန်မာ အပါအ၀င် နိုင်ငံ အချို့ အတွက် မှန်သော်လည်း- အခြား နိုင်ငံ ဒေသ များတွင်မူ အပြောင်းအလဲ ရှိပါသည်။)

ကျွန်တော်၏ ဇာတိ မြို့လေးသည်- ရန်ကုန်မြို့ မှ ရေမိုင် အားဖြင့် မိုင် ၅၀-ခန့် ခရီး အကွာအဝေး ရှိလေရာ- ရန်ကုန်တွင် ပညာသင်ကြား ရချိန် ကာလများက- ယခု ကဲ့သို့ ကားလမ်း များ မရှိသေးပဲ- သင်္ဘောများဖြင့် ခရီးသွားရပါသည်။ ရေစုန် ဖြစ်လျှင် ၃-၄ နာရီ ခန့် ဖြင့် ရောက်ရှိ နိုင်သော်လည်း- ရေဆန် ဖြစ်ပါက- ၅ နာရီ ၆-နာရီ ခန့် ကြာသွား တတ်လေရာ- ဒီရေ တက်ချိန် ကျချိန် ကို သိခြင်းဖြင့်- သင်္ဘောဖြင့် ခရီး သွား ရသော အနေအထားသည် ရေစုန် ဖြစ်သည် လား ရေဆန် ဖြစ်သည် လားကို ကြိုသိခြင်း ဖြင့်- မိမိမြို့လေး သို့- ရောက်ရှိမည့် အချိန် ကို ခန့်မှန်း နိုင်ခဲ့ ရပါသည်။ 

လပြည့် နှင့် လကွယ် ရက်တို့ တွင်- ဒီရေ သည် ထူးခြားစွာ တက်သဖြင့်- ထိုရက် ကို “ဂေါင်ရေ” (ခေါင်ရည် မဟုတ်ပါ။) ဟု ခေါ်၍- ထို လပြည့် နှင့် လကွယ် ရက်များ ၏ ရှေ့ နောက် ၃-၄ ရက် ကာလများ ကို “ရေထ ရက်” ဟု ခေါ်တွင်ပါသည်။ သို့သော်- လ သည် နေနှင့် ၉၀ ဒီဂရီ အနေအထား ကွာဝေး သော ရက်များ သို့ ရောက်လာ သော အခါ- ဒီရေ အတက် အကျ သည်- သိပ်မထင်ရှား တော့သဖြင့်- ထိုရက်များ ကို “ရေသေ ရက်” ဟု ခေါ်ပါသည်။ 

လ-ကို ကြည့် ၍- အချိန်ကို သိရှိ နားလည်ခြင်း အားဖြင့်- 

ရှေးယခင် ခေတ်ကတည်းက- ကျွမ်းကျင်သော သေနာ ပတိ၊ စစ်ဗျူဟာမှူး၊ တပ်မှူး၊ တပ်မင်း၊ သွေးသောက်ကြီး စသည်တို့ သည်- မိမိ စခန်း အား ရန်သူ က အလစ်ဝင်ရောက် တိုက်ခိုက် နိုင်သည့် အချိန် သည်- ကောင်းကင်တွင် လမင်းကြီး ထွန်းလင်း နေသည့် အချိန် မဖြစ်နိုင်ကြောင်း သိရှိထား တတ်ကြသလို- မိမိ အနေဖြင့် ရန်သူ့ စခန်း အား အလစ်ဝင် ခြုံခို တိုက်ခိုက် မည် ဆိုပါက လည်း- မည်သည့် ညဘက်ပိုင်း ကို ရွေးချယ် ရမည်- ရရှိသော အချိန် ဖြင့် ကြိုတင် ပြင်ဆင် မှု များ ပြုလုပ် ထားရမည်ကို လေ့လာ သင်ယူထားကြရ၏။

ထို့အပြင်-
အကယ်၍- သင် အနေဖြင့်- စာရေးဆရာ တစ်ဦး ဖြစ်ပြီး- အောက်ပါ အတိုင်း ရေးချမိသည် ဆိုအံ့-
“၃-ရက် လဆန်း ၏ လခြမ်းဖဲ့လေးကို- ငေးမော ကြည့် နေယင်း- ကာလသားများ ဆုံတွေ့ နေကြ ညပိုင်း  ရွာထိပ် လ္ဘက်ရည်ကြမ်းဝိုင်း တွင် ကျွန်တော် ၀င်ရောက် နားထောင် မိ၏။ … “ စာဖတ်သူ ပညာရှိသည် ဤစာရေး ဆရာ၏ အမှားကို သတိပြုမိနိုင်၏။ အဘယ့်ကြောင့် ဆိုသော် လဆန်း ၃-ရက် လကို ညပိုင်း တွင် မြင်နိုင်စရာ အကြောင်း မရှိသော ကြောင့်တည်း။ (နေ၀င် ပြီး- ၂ နာရီ ကျော် အတွင်းသာ မြင် ရနိုင်ပါ၏၊)
ထိုနည်းတူ- အကယ်၍- သင် အနေဖြင့်- ရှေ့နေ တစ်ဦး၊ တရားသူကြီး တစ်ဦး ဖြစ်ခဲ့လျှင်-
လျှပ်စစ် မီးမရှိသော ကျေးရွာ တစ်ခု၊ သို့မဟုတ် မီးပျက်သော ည တစ်ခု တွင် ဖြစ်ပွားခဲ့သော ဓါးထိုးမှု တစ်ခု အတွက်- တစ်စုံတစ်ဦး သော သက်သေ တစ်ဦးမှ- “ဤတရားခံက- ကျွန်တော့် မိတ်ဆွေကို ဒါးဖြင့် ထိုးပြီး ထွက်ပြေးသွား သည်ကို လ-ရောင် အောက်တွင် ကျွန်တော် သဲသဲ ကွဲကွဲ မြင်လိုက်ပါသည်“ ဟု ထွက်ဆိုပါအံ့- အခင်း ဖြစ်ပွားသော ည သည် လပြည့်ကျော် ၈-ရက် ဖြစ်ပြီး- အခင်း ဖြစ်ပွားသော အချိန် သည် ည ၁၀-ခန့် ဖြစ်သည် ဆိုပါအံ့- ဤသက်သေ သည် လိမ်လည် ထွက်ဆို ခြင်း ဖြစ်သည် ကို နားလည် နိုင်စွမ်း ရှိရမည် ဖြစ်သည်။ အဘယ့်ကြောင့် ဆိုသော်- လပြည့်ကျော် ၈-ရက်နေ့တွင် လမင်း သည် ည-သန်းခေါင် ကာလ ခန့်မှ သာ အရှေ့ဘက်မှ စတင် ထွက်ရှိသော ကြောင့် ဖြစ်၏။ လပြည့်နေ့ မှ စ၍- လ-သည် နေ၀င်ပြီး နောက် တစ်ရက်ခြင်း မိနစ် ၅၀ခန့် နောက်ကျမှ သာ ထွက်ပေါ် စမြဲ ဖြစ်၏။ လပြည့်ကျော် ၈-ရက် လသည် အတိုင်း အတာတစ်ခု  အလင်းရောင် ကို ပေးသော်ငြားလည်း- အမှု ဖြစ်ပွားချိန်တွင် လမထွက်သေးကြောင်း ကို ထောက်ပြ နိုင်ပါခြင်းဖြင့်- ထိုသက်သေ၏ လိမ်လည် မှု သည် ထင်ရှား ပါလိမ့်မည်။

ဤသည်မှာ နမူနာ အဖြစ်သာ ဖြစ်၍- အခြားသော လက်တွေ့ ဘ၀ နှင့် ပတ်သက် စရာများလည်း ရှိနေ နိုင်ပါသေးသည်။
ထို့ကြောင့်- ကောင်းကင် နက္ခတ် တာရာများသည်-
  • လူသားတို့ အတွက် လမ်းညွှန် လမ်းပြများ လည်း တစ်နည်း ဖြစ်ခဲ့၏။ ယခုလည်း ဖြစ်၏။ နောင်လည်း ဖြစ်နေဦး မည် ဖြစ်၏။
  • အသက်ကယ် လမ်းကြောင်းပြသူများ ဖြစ်ခဲ့၏။ ယခုလည်း ဖြစ်၏။ နောင်လည်း ဖြစ်နေဦး မည် ဖြစ်၏။
  • အချိန်ကာလ အတိုင်းအတာကို သတ်မှတ် သူများ ဖြစ်ခဲ့၏။ ယခုလည်း ဖြစ်၏။ နောင်လည်း ဖြစ်နေဦး မည် ဖြစ်၏။

တစ်ချိန်က- အနောက်နိုင်ငံ သား တို့သည် ကောင်းကင် နက္ခတ် တာရာ တို့ကို ကြည့်ရှု လေ့လာ၍- အရှေ့ အနောက် အရပ်မျက်နှာ များကို နားလည် ခြင်းဖြင့်- ပင်လယ် သမုဒ္ဒရာများကို ဖြတ်သန်း နိုင်၏။ ထိုသို့ ဖြတ်သန်း နိုင်ခြင်းကြောင့်- ဒေသန္တရ အသစ်တို့မှ ၄င်းတို့ လိုအပ်သည်များ၊ အသိဥာဏ် သစ်များကို ထပ်မံရ၏။ လိုအပ်သော နည်းပညာ တီထွင်မှု များ ထပ်မံ ပြုလုပ် နိုင်ခဲ့၏။ ထို့နောက်တွင် ထိုနိုင်ငံတို့ အား ကိုလိုနီ ကျွန်ပြု အုပ်ချုပ် နိုင်ခဲ့တော့၏။ 

ယခု ခေတ် အနေဖြင့်လည်း- အာကာသ ကို စိုးမိုး နိုင်သူ၊ အာကာသ အကြောင်း အကောင်းဆုံး သိသူ နိုင်ငံ တို့သည်- မဟာ အင်အားကြီး နိုင်ငံ ဖြစ်၍- ကမ္ဘာကို ချုပ်ကိုင် နိုင်ရေး အတွက်- အာကာသ မှ ထိန်းချုပ်ခြင်းသည် အကောင်းဆုံး ဖြစ်လာပြီး နောက် အာကာသ နှင့် ပတ်သက်၍ ခေတ်သစ် ကိုလိုနီ လုရန် စီစဉ် နေလျှက်လည်း ရှိကြပါသည်။

သို့သော်-
ကျွန်တော့်တို့ မြန်မာ အပါအ၀င် အာရှ နိုင်ငံ အများတို့တွင်မူ-
ကောင်းကင် နက္ခတ် တာရာများ ကြည့်ခြင်းကို-
ဗေဒင် ပညာဟု သတ်မှတ် လျှက်- ဘာတွေ့ယင် ဘာဖြစ်မည် ဟု ဟောသူက ဟော၏။
တိကျသော ကျမ်းဂန် နှင့် စနစ် တကျ လေ့လာ စမ်းစစ်သူများ လည်း ရှိ၏။
ရမ်းပစ်ပြီး မှန်သွားသူတို့လည်း ရှိ၏။ မမှန် သော်လည်း လှီးလွှဲ ပြောနိုင်သူတို့ ရှိ၏။
မည်သို့ ပင် ဖြစ်စေ- မြန်မာ အများစု အနေဖြင့်- ကောင်းကင် ကို တစ်စုံတစ်ယောက် က- ကြည့်ရှု လေ့လာယင်- ဘာတွေ့လဲ၊ ဘာတွေ ဖြစ်မှာလဲ စသဖြင့်- မေးလာတတ်၍- ၄င်းသည် နက္ခတ် ဗေဒင် ဟုပင် ယူဆ ထား၏။

အမှန်အားဖြင့်မူ-
ဂဏိတခေါ်- အတွက်အချက် ပညာဖြင့်- ကောင်းကင် မှ ဂြိုဟ်များ၏ သွားလာ၊ တည်ရှိမှု နှင့် ကောင်းကင် မှ ဂြိုဟ်များကို တွက်ချက်ခြင်း၊ အာကာသ သျှတ္တရ ပညာ ခေါ် ကောင်းကင် အား လေ့လာ ကြည့်ရှု ခြင်းသည်- ကောင်းကင် နက္ခတ် ပညာ (Astronomy) သာဖြစ်၍- Astrology ခေါ် နက္ခတ် ဗေဒင် နှင့် တိုက်ရိုက် သက်ဆိုင်ခြင်း မရှိပေ။ ၄င်းတို့သည် ဆက်ကား ဆက်စပ်၏။ Astrology ခေါ် နက္ခတ် ဗေဒင် ကို စနစ်တကျ တတ်မြောက်သော Astrologer တစ်ဦးသည်- နေလ တို့၏ အသွား အလာ နှင့်- Astronomy အကြောင်းကို အတိုင်းအတာ တစ်ခု အထိ သိထားကြ၏။

သို့သော် ရှေ့ပြေး ဟောပြောသူ (ယေဘူယျ အခေါ် ဗေဒင် ဆရာ) တိုင်း အနေဖြင့်- Astronomy အကြောင်း၊ နေလ နက္ခတ် တာရာ တို့ အကြောင်း သိသည် မဟုတ်။ အခြားနည်းများ၊ အကြားအမြင်၊ အစောင့် ပုဂ္ဂိုလ် အစွမ်းတို့ဖြင့် ဟောပြော ကြသူများ လည်း အများအပြား ရှိနေ၍- ၄င်းတို့လည်း သူတို့ ကိုယ်ပိုင် သက်ဆိုင်ရာ အစွမ်းဖြင့် ရပ်တည် ကြသော ကြောင့်တည်း။ မည်သည့် နည်း ကောင်းသည် ဟု မဆိုလိုပါ။ နည်းစနစ် တို့ များပြားစွာ ရှိခြင်း ကိုသာ ဆိုလိုပါသည်။ အဘယ့်ကြောင့် ဆိုသော်- အချို့ သူများ အနေဖြင့် ဗေဒင် ဆရာ ဆိုလျှင် အတူတူ ဟု နားလည် ထားတတ် မိတတ် ကြသော ကြောင့် ဖြစ်ပါသည်။

တစ်ဖန်- ကောင်းကင် အကြောင်း Astronomy သက်သက် ကို လေ့လာသော အဖွဲ့ အစည်း တို့သည် လည်း- ရှေ့ပြေး ဟောခြင်း ကို စိတ်မ၀င်စားကြ။ အပူရှိန် ဖိအားတို့ မြင့်မား၍ သက်ရှိ သတ္တ၀ါ အသက်ရှင်ရန် လုံးဝမဖြစ်နိုင်သော - သောကြာ ဂြိုဟ် ကို အချစ်ဂြိုဟ်၊ အလှ အပ ဂြိုဟ် ဟု ဗေဒင် ဆရာ Astrologer များက ယူဆခြင်း ကို Astronmer တို့က လုံးဝ လက်မခံနိုင်။ 

အဘယ့်ကြောင့်- ဆိုသော်- NASA ကဲ့သို့သော- Astronomy အဖွဲ့အစည်း တို့သည် အာကာသ အား လေ့လာ ခြင်း ဖြစ်သော်လည်း- ၄င်းတို့သည် ဗေဒင် ဟောပြောမှု ပညာနှင့် ဘာမျှ မဆိုင်သကဲ့- Astronomy ကို ကျွမ်းကျင်သော Astronomer အများစု အနေဖြင့်လည်း- ထိုနက္ခတ်များ၊ ဂြိုဟ်များက လူတို့၏ ကံကြမ္မာ၊ ကမ္ဘာသူသား တို့၏ ကံကြမ္မာပေါ်တွင် လွှမ်းမိုးသည် ဟု ယုံကြည်ခြင်း မရှိကြပေ။ 

သို့သော်လည်း- မြန်မာ လူမျိုး အများစု၏ ကောင်းကင် နက္ခတ် နှင့် ဗေဒင် ဆက်စပ်မည် ဟု ယုံကြည်မှု ကြောင့် အမေရိကန် နိုင်ငံ NASA နှင့် မြန်မာ ဗေဒင် ဆရာ ဆက်စပ်မည်လော- သို့လော သို့လော ကိစ္စကို အမှန်အတိုင်း လည်း နားလည် စေလိုပါသည်။

Astronomy သည် သိပ္ပံ ပညာ ဖြစ်၍- Astrology ခေါ် ဗေဒင် ပညာ သည်- ထို Astronomy ခေါ် သိပ္ပံ ပညာ မှ တွက်ချက် ထားသော ဂြိုဟ်နှင့် နက္ခတ် တို့ ၏ တည်နေရာ၊ အပြန် အလှန် လွှမ်းမိုး ဆက်စပ်မှုများကို အဓိပ္ပါယ် ပြန်ဆို၍- မည်သို့ ဖြစ်မည် ဟု ကြိုတင် ဟောပြောသော ၀ိဇ္ဇာပညာ ဖြစ်ခြင်း ကြောင့် ဖြစ်၏။ NASA နှင့် ဗေဒင် ဆရာ ဘာမျှ မဆိုင်ပါ။ 

လ-ကို ဘယ်လောက် ကြာကြာ မြင်ရ နိုင်ပါသလဲ- 
လမင်း သည် ကမ္ဘာကို ပတ်လျှက် ရှိရာတွင်  အကြမ်းဖျင်း အားဖြင့် ၂၉.၅ ရက် တွင် တစ်ပါတ် နှုန်းဖြင့် လည်ပတ်၏။ တစ်ရက်လျှင် အရပ်သုံး နာရီ အားဖြင့် ၂၄-နာရီ ရှိ၏။ 
၂၉.၅ ရက် ကို လွယ်ကူ စေရန်- ရက် ၃၀ ဖြင့် ယူပြီး- ၄င်းဖြင့် ၂၄- နာရီ ကို စားပါက- လဆန်း၊ လဆုတ် တစ်ရက်လျှင် အချိန် ကွာဟ သွားမှု မှာ အောက်ပါ အတိုင်း ဖြစ်၏။
အကြမ်းဖျင်း ၂၄ နာရီ / ရက် ၃၀= ၀.၈ 
ဝ.၈ x ၆၀ မိနစ် = ၄၈ မိနစ်။ 
ယခု ဆိုလျှင်- မြန်မာ့ ရေလုပ်သားများ အသုံးပြုသော “တစ်ကျပ် ကို တစ်မတ် နှုတ်” မူ တစ်နည်းဖြင့်- ၀.၇၅ ကို နားလည် လောက်ပြီ ထင်ပါသည်။ ရှေးပညာ ရှိများ သည် လူတိုင်း အတွက် အသုံးတည့်စေရန်- လွယ်ကူ အောင် “တစ်ကျပ် ကို တစ်မတ် နှုတ်” ဟု သင်ထား ပေးခဲ့ကြခြင်း ဖြစ်၏။

လကွယ်ရက်- လ ကို မြင်နိုင်ခွင့် မရှိ။ နေ နှင့် လ တစ်တွဲတည်း ဖြစ်နေသောကြောင့်- နေရောင်ကြောင့် လ- ကို မမြင်ရပါ။
လဆန်း (၁) ရက်- လ ကို ၁-နာရီ မပြည့်မီ သာ မြင်ခွင့်ရမည်။ နေ သည် - လ ထက် ၁-နာရီ ခန့် စောဝင် သွားသော ကြောင့်- လ ကို အနောက်ဘက် အရပ်တွင်- နေ၀င်ပြီးမှ သာ ခဏ တာ မြင်တွေ့ရမည်။ တစ်နည်း အားဖြင့် ဆိုပါက- လဆန်း (၁) ရက် ဆိုလျှင် ၁-နာရီ။ ၄င်းကို ၀.၈ ဖြင့် မြှောက် ပေးခြင်း ဖြင့်- လကို ၄၈ မိနစ်မျှ သာ မြင်ရမည်။ (တကယ့် လက်တွေ့တွင် မူ- နေရောင် ကြောင့် လည်းကောင်း၊ မိုးကုတ် စက်ဝိုင်း နား နီးကပ်သောကြောင့် လည်းကောင်း- ပို၍ တိုတောင်းစွာသာ မြင်ကြရပါမည်။)

လဆန်း (၂) ရက်- လ ကို ၂-နာရီ မပြည့် ကာလ သာ မြင်ခွင့်ရမည်။ နေ သည်- လ ထက် ၂-နာရီ ခန့် စောဝင် သွားသော ကြောင့်- လ ကို အနောက်ဘက် အရပ်တွင်- နေ၀င်ပြီးမှ သာ မြင်တွေ့ရမည်။ (တနည်း အားဖြင့် ၂-နာရီ x ၀.၈ = ၁.၆ နာရီ= ၁-နာရီ ၃၆ မိနစ်)
လဆန်း (၃) ရက်- လ ကို ၃-နာရီ မပြည့် ကာလ သာ မြင်ခွင့်ရမည်။ နေ သည်- လ ထက် ၃-နာရီ ခန့် စောဝင် သွားသော ကြောင့်- လ ကို အနောက်ဘက် အရပ်တွင်- နေ၀င်ပြီးချိန်မှ စ၍- နောက် ထပ် ၃-နာရီ မရှိတတ် ရှိတတ် ကာလ ကြာအောင် မြင်တွေ့ရမည်။ (တနည်း အားဖြင့် ၃-နာရီ x ၀.၈ = ၂.၄ နာရီ= ၂-နာရီ ၂၄ မိနစ်)

လဆန်း (၈) ရက်- လ ကို ၆-နာရီ မျှ ကြာအေင် မြင်ခွင့်ရမည်။ နေ၀င်ချိန်တွင် လ- ကို ဦးခေါင်းတည့်တည့် တွင် စတင် တွေ့မြင်ရမည်။ ထို့နောက် ၁၂ နာရီ အကြာ (၆-နာရီ + ၆ နာရီ) တွင် လ-သည် အနောက်ဘက်သို့ ၀င်၍- နေသည် အရှေ့ဘက်မှ ထွက်ပေါ်လာမည်။ (တနည်း အားဖြင့် ၈-နာရီ x ၀.၈ = ၆.၄ နာရီ= ၆-နာရီ ၂၄ မိနစ်)

လဆန်း နဲ့ လဆုတ် ဘယ်လို ကွာသလဲ။ 

လဆန်း ရက်တွင် လ-၏ ညာဘက် အခြမ်းသည် လင်း၍၊ ဘယ်ဘက် အခြမ်းသည် မှောင်သည်။ လကွယ် ညတွင် လုံးလုံး အမှောင် ဖုံးခဲ့သော လသည်- လဆန်း ၁-ရက်မှ စ၍- တစ်ဆင့်ခြင်း ညာဘက် တွင် အလင်းနေရာ ပိုယူ သွားပြီး- လပြည့်ည တိုင်အောင် တစ်ရက်ချင်း တိုး၍ လင်း သွားခြင်း ဖြစ်၏။

လဆုတ် ရက်တွင် လ၏ ဘယ်ဘယ် အခြမ်းသည် လင်း၍- ညာဘက် အခြမ်းသည် မှောင်၏။ တစ်နည်း အားဖြင့် ဆိုသော်- လပြည့်နေ့တွင် အပြည့် လင်း ခဲ့သော လမင်းသည်- ညာဘက် အခြမ်း မှ တစ်ဆင့်ခြင်း- တစ်ရက်ချင်း တိုး၍ အမှောင်ကျ သွားသည်မှာ လကွယ် သွားသည့် တိုင်အောင် ဖြစ်တော့၏။

ညာဘက် ဘယ်ဘက် ဟု ပြောနေသော်လည်း- တကယ့် လက်တွေ့တွင် ရန်ဖန် ရန်ခါ မြင်ရသည်က- လ- သည် စောင်းနေတတ်၏။ ဥပမာ လဆန်း- ၂-ရက် ၃-ရက်များတွင် မြန်မာ ဂဏန်း “၁”-ပုံသဏ္ဍာန် မြင်ရမည့် အစား- “ပ-စောက်” သဏ္ဍာန် မြင်ရ၏။ သို့ဆိုလျှင်- “ဘယ်ညာ” မည်သို့ ခွဲမည်နည်း။

အရှေ့ အနောက်- ရပ်မျက်နှာကို မှန်ကန်စွာ မျက်နှာမူပြီး နောက်- လ၏ သွားရာလမ်းကို မှန်းဆ ကြည့်လိုက်ပါက- အထက်တွင် ပြောပြခဲ့သော ဘယ်ဘက်၊ ညာဘက် ဆိုသည် ကို သဘောပေါက် ပါလိမ့်မည်။

ဆန်း-ဆုတ် ရက်များ နှင့် နေလ ကမ္ဘာတည် နေရာတို့ ဆက်စပ် နေပုံ။

လကွယ် နေ့တွင် နေ နှင့် လ တို့သည် ကမ္ဘာ၏ တစ်ဘက်ခြမ်းတည်း တွင် - တစ်တန်းတည်း ဖြစ်ကာ တည်၏။ ထို့ကြောင့်- အကယ်၍ Declination ကပါ ကိုက်ညီပြီး- တစ်တန်းတည်း အတိအကျ ဖြစ်သွားပါမူ- လသည် နေ၏ ရှေ့တွင် တည့်တည့် ကွယ်သွားခြင်းကြောင့်- နေကြတ်ခြင်း ဖြစ်၏။ ဆိုလိုသည်မှာ- နေကြတ်သော နေ့ရက်သည်- လကွယ် နေ့သာ ဖြစ်၍- တစ်ခါ တစ်ရံတွင်- ဝေါဟာရ ပြက္ခဒိန် အနေဖြင့်- တစ်ရက် ခန့် လွဲနေတတ်ပြန်၏။ လပြည့်၊ လကွယ် ရက်တို့ နှင့် နီးစပ်သော ရက်များတွင် ဒီရေသည် အတက်အကျ အားကောင်း သဖြင့် ရေထ-ရက် ဟု ခေါ်တွင် ငါးမြူးသော ကာလ လည်း ဖြစ်၏။

လဆန်း ၃-၄ ရက်တွင် လ သည် နေနှင့် ၄၅ - ဒီဂရီ ကွာဟ သွားသကဲ့သို့- လဆန်း ၇-၈ ရက်တွင် လ သည် နေနှင့် ၉၀ - ဒီဂရီ ကွာဟ သွား၏။ ထိုအခါ- ကမ္ဘာ့ ရေထုကို နေလ တို့က ထောင့်မှန် အနေအထား ဖြင့်သာ ဆွဲထားရခြင်းဖြင့်- တစ်တန်းတည်း ဆွဲထားစဉ်က ကဲ့သို့ ဆွဲအား မကောင်း တော့သော ကြောင့်- ရေသေ ရက် ဟူ၍ ဖြစ်ရခြင်း ဖြစ်၏။

လပြည့် နေ့တွင်- နေ နှင့် လ တို့သည် ကမ္ဘာ၏ ဘယ်ညာ တစ်ဘက် တစ်ခြမ်းတွင် နေ၏။ နေမှ အရောင်ပြန် သော လကို အပြည့် အ၀ ထွန်းလင်းစွာ မြင်ရတော့၏။ အကယ်၍- Declination က ပါ တစ်ထပ်တည်း ဖြစ်သွားပါမူ- ကမ္ဘာ၏ အရိပ်သည် လပေါ် ကျသွား သဖြင့်- လကြတ် ခြင်း ဖြစ်၏။ ထို့ကြောင့်- လပြည့် နေ့ (အမှန်) တွင် သာ လကြတ် နိုင်ခြင်း ဖြစ်၍- လကွယ်နေ့ (အမှန်) တွင် နေကြတ် နိုင်ခြင်း ဖြစ်၏။






လကို ကြည့်၍ အချိန်ကို ရှာဖွေခြင်း။ 

ပထမဦး စွာ လ ကို ကြည့်လိုက်ပါ။ လ-ဆန်း ဖြစ်ပါသလား၊ လ-ဆုတ် ဖြစ်ပါသလား၊ မည်မျှ မှောင်၍ မည်မျှ လင်းနေသနည်း ကို မူတည်၍- လဆန်း - လဆုတ် ရက်ကို ခန့်မှန်းလိုက်ပါ။
ထို့နောက် အထက်တွင် ဖေါ်ပြခဲ့သော- နေ နှင့် လ အကွာအဝေး ကို မူတည်၍- စိတ်မှန်းဖြင့် ဖြစ်စေ၊ လက်ချောင်းများဖြင့် ဖြစ်စေ၊ စက္ကူ၊ သို့မဟုတ် ၀ါယာချောင်း တစ်ခုကို သုံး၍ ဖြစ်စေ- နေ-လ- မောင်းတံ လေး တစ်ခု ကို လုပ်ကြည့်လိုက်ပါ။

(ဥပမာ-၁) - အနေဖြင့်- လဆန်း ၃-၄ ရက် ခန့် အနေ အထားရှိသော လ-ကို မြင်ရသော အခါတွင်- ၄၅ ဒီဂရီ မောင်းတံ တစ်ခု ကို ပုံဖေါ်ကြည့်လိုက်ပါ။ ထိုအခါ အောက် ဖေါ်ပြပါ ပုံ၏ ဘယ်ဘက် အစွန်တွင် ရှိသော အနေအထား ဖြစ်၏။

ထို့နောက်တွင်- မိမိ၏ ဘယ်ညာတွင် အရှေ့ အနောက် ကို ညာဘက် ပုံအတိုင်း ရပ်၍- လသည် မည်သည့် နေရာတွင် တည်သနည်း ကို ကြည့်ပါ။ ခေါင်းပေါ် တည့်တည့် တွင်လား။ သို့တည်း မဟုတ် အနောက်ဘက် ကို အတန်ငယ် ရောက်နေသည် လားကို လေ့လာပါ။ ယခု အနေအထား အားဖြင့် လ-သည် မိမိ၏ ခေါင်းတည့် တည့် နှင့် အနောက်ဘက် မိုးကုတ် စက်ဝိုင်း အကြား - အနောက်ဘက် မိုးကုတ် စက်ဝိုင်းမှ ၄ ပုံ-၁ ပုံ ခန့် အကွာတွင် ရှိနေသည် ဆိုပါစို့။
ထို့နောက် စောစောက နေလ-မောင်းတံ ဖြင့် လ- ပေါ်တွင်- မောင်းတံ မှ လ-ကို စိတ်မှန်း ဖြင့်- ထပ်၍- တင်ကြည့်လိုက်ပါ။ 
ထိုအခါတွင်- နေသည် မည်သည့် နေရာကို ရောက်နေသည် ဆိုသည်ကို သိမြင်လာမည် ဖြစ်၏။ မိုးကုတ် စက်ဝိုင်း တစ်ခြမ်း ကို သွားရန် နေသည် ၁၂-နာရီ ကြာသကဲ့သို့- နေ၀င်ချိန်သည်- ညနေ ၆-နာရီ ဖြစ်သဖြင့်- ည ၁၂-ဆိုသည်မှာ- နေသည် မိမိ၏ အောက်တည့်တည့် မိုးကုတ် စက်ဝိုင်း အောက်တွင် ရှိချိန် ဖြစ်လေရာ- ယခု ဥပမာ အရ ဆိုလျှင်- ၆-နာရီ ၄ပုံ ၁ပုံ (၁-နာရီ ခွဲ) မျှ မိုးကုတ် စက်ဝိုင်း အောက်တွင် ရှိနေ လေရာ- ယခု အချိန် သည် ညဦးပိုင်း ၇း၃၀ ပတ်ဝန်းကျင် ရှိနေသည် ကို ပုံအရ သိနိုင်ပြီ ဖြစ်၏။

 (ဥပမာ-၂) - အနေဖြင့်- လဆုတ် ၃-၄ ရက် ခန့် အနေ အထားရှိသော လ-ကို မြင်ရသော အခါတွင်- ၁၃၅ ဒီဂရီ မောင်းတံ တစ်ခု ကို အောက် ဖေါ်ပြပါ ပုံ၏ ဘယ်ဘက် အစွန်တွင် ရှိသော အနေအထား အတိုင်း ဖေါ်ကြည့်ပါ။
ထို့နောက်တွင်- လသည် ဦးခေါင်းပေါ် တည့်တည့် မှ ၂၀-ဒီဂရီ ခန့် အစောင်း တွင် (ဦးခေါင်း တည့်တည့်မှ- အနောက်ဘက် မြေပြင် အကြား- ဦးခေါင်း တည့်တည့်မှ တိုင်းလျှင် ၂၀- ၂၂ ဒီဂရီ (၄-ပုံ ၁-ပုံ အကွာအဝေးတွင်) တည်နေသည် ကို တွေ့ရပါက- စောစောက နေလ- မောင်းတံ မှ လ-ကို စိတ်မှန်း ဖြင့်- ထပ်၍- တင်ကြည့်လိုက်ပါ။ 
ယခု ဥပမာ အရ ဆိုလျှင်- ၆-နာရီ ၄ပုံ ၁ပုံ (၁-နာရီ ခွဲ) မျှ မိုးကုတ် စက်ဝိုင်း အောက်တွင် ရှိ၍- အရှေ့ဘက် သို့ နီးကပ် နေလေရာ- ယခု အချိန် သည် နေထွက်ရန် ၁း၃၀ ခန့် အလို- နံနက် အာရုံ မတက်မီ ၄း၃၀ ပတ်ဝန်းကျင် ရှိနေသည် ကို ပုံအရ သိနိုင်ပြီ ဖြစ်၏။



ကြုံတွေ့ နိုင်သည့် အခက် အခဲ တစ်ခုမှာ-
ဦးခေါင်း တည့်တည့် ဟု ဆိုရာတွင်- အချို့ အနေဖြင့် ဦးခေါင်း တည့်တည့် ကို နားမလည် ပဲ ဖြစ်တတ်ခြင်း ဖြစ်၏။ ဆိုလိုသည်မှာ- မိမိ၏ ဘယ်ညာ လက် နှစ်ဘက် တို့ကို အရှေ့ အနောက် အရပ်တွင်- ထား၍- မျက်နှာကို မြောက်ဘက် (သို့မဟုတ်) တောင် ဘက် တည့်တည့် သို့ ကြည့်၍- မြောက်မှ တောင် ဆက်သွယ် ထားသည့် မျဉ်းတန်းကြီး Meridian ဦးခေါင်း မျဉ်းကို ဆိုလိုခြင်း ဖြစ်၏။ 
နေလ-သွားရာ လမ်း တို့သည် နေရာ ဒေသ၏ လတ္တီတွဒ် အနေအထား အရ လည်းကောင်း၊ နွေ မိုး ဆောင်း အနေအထား အရ လည်းကောင်း- ၂၃.၅ ဒီဂရီ ခန့် စောင်းနေသော ကမ္ဘာလုံးကြောင့်- နေ-လတို့သည် ဦးခေါင်း တည့်တည့် မျဉ်းကြောင်း၏ မြောက် ဘက်၊ တောင်ဘက် အနည်းငယ် အပြောင်း အလဲ ရှိနေသည် ကို နားလည် ရမည် ဖြစ်ပါသည်။ အောက် ဖေါ်ပြပုံ ကို ကြည့်ပါ။





နက္ခတ် ဇာတာခွင် နှင့် နေ့ည အချိန် သိနိုင်ခြင်း။ 

ဇာတာခွင်ဟု ပြောကြရာတွင်- မဟာဘုတ် ဆရာတို့ ကလည်း- ဇာတာခွင် ဟု ပြောတတ်ကြသဖြင့်- ကွဲပြားမှု ရှိစေရန် နက္ခတ် ဇာတာခွင် ဟု ပြောရခြင်း ဖြစ်ပါသည်။ 

ဇာတာဖွဲ့စဉ်က- မွေးချိန်၊ နေရာ ဒေသ စသည်တို့ကို ထည့်သွင်း တွက်ချက် ခဲ့ရသလို- နက္ခတ် ဗေဒင် အခြေခံ ကို တတ်သူ ဆရာတစ်ဦး အနေဖြင့် လည်း- ဇာတာ မြင်ရုံနှင့်- နောက်ပြန် - ခန့်မှန်း နိုင်ပါသေးသည်။ အဘယ့်ကြောင့် ဆိုသော်- ကောင်းကင် နက္ခတ် တည်နေရာ တို့ကို- နက္ခတ် ဇာတာ တွင် ဖေါ်ပြထားသောကြောင့် တည်း။ 
Ascendent (As) ခေါ် လဂ် ခေါ် ဥဒယ လဂ္ဂဏ သည်- ဤဇာတာ ကို တွက်ချက် စဉ်က- သုံးစွဲသော အချိန် ဖြစ်ရာ- အခြေခံ ကို သဘောပေါက်သူ တစ်ဦး အနေနှင့် ဇာတာ တစ်စောင် ကို ကြည့်လိုက်လျှင်- လဆန်း မွေးသလား၊ လဆုတ် မွေးသလား၊ မည်သည့် အချိန် မွေးသနည်း ကို သိရှိ နိုင်ပါသည်။ သို့ရာတွင်- ကမ္ဘာ့မြောက်ဘက်၊ သိပ်ရောက် သွားသော နေရာများ တွင်မူ- ရာသီ ဥတု ပေါ်မူတည် ၍ နေ့ည အချိန် အတိုင်းအတာ ကြာမြင့် မှု ကွဲလွဲ သွားသော ကြောင့်- အနောက်တိုင်း ဇာတာ ရှင်များကို မြန်မာ့ ဇာတာ နည်း (ဘာဝများ ၃၀ -ဒီဂရီ နှင့် တွက်ယူသော နည်း) နှင့် ကြည့်လျှင်- သိပ်အဆင် မပြေတော့ပါ။
အောက်တွင် ပြထားသည် မှာ- နမူနာ ဇာတာ များ ဖြစ်၍- As ဆိုသည်မှာ- အရှေ့ဘက် မိုးကုတ် စက်ဝိုင်းမှ- နေထွက်ချိန် ကို အမှတ် တစ်ခု အနေဖြင့် တွက်ချက် သတ်မှတ် ၍- ဗေဒင် ဆရာများ အတွက် အရေးအကြီးဆုံး အချက် ဖြစ်၏။




ဖေါ်ပြပါ နေ့ အချိန်ကို ဇာတာ ဖွဲ့လိုက်သော အခါ- နေနှင့် လ တို့သည် အလွန် နီးကပ် နေသဖြင့်- လကွယ် ရက်နှင့် နီးသော ရက်ဖြစ်ကြောင်း သိရှိနိုင်ပါသည်။ အသေးစိတ် ကြည့်လိုက်သော အခါ နေမင်း (Su) သည်- ကုမ်ရာသီ- ၂၀ ဒီဂရီ တွင် ရှိပြီး- လ (Mo) သည် ကုမ်ရာသီ- ၂၂း၁၃ ဒီဂရီ တွင် ရှိ၏။ ပထမ တိထီ (၁၂ ဒီဂရီ) အတွင်း - ရှိသဖြင့်- ဝေါဟာ ပြက္ခဒိန် အားဖြင့်- လကွယ် (သို့မဟုတ်) လဆန်း ၁-ရက် တစ်ခု ခု ဖြစ်နိုင်သည် ကို သိနိုင်သလို- (As) ခေါ် လဂ် ၏ အောက်ဖက် အနည်းငယ် တွင် ရှိသဖြင့်- ဤအချိန်သည် ညဦး ပိုင်း- အချိန် ဖြစ်ပြီး နေနှင့် လ- ကို မမြင်နိုင်ကြောင်း ဇာတာကို ကြည့်၍ သိနိုင်ပါသည်။ (ကမ္ဘာ့ မြောက်ခြမ်း ဘက် ရောက်သော ဒေသ များ အတွက် ဇာတာ ဆိုလျှင်- ကွာခြားမှု ရှိသည် ကို သတိပြုပါ။)











လ-ကို ကြည့်၍- လက်တွေ့ - အချိန် ကို ရှာဖွေခြင်း။

အောက် ဖေါ်ပြ ဘယ်ဘက် ပုံတွင်- နေ သည်- အရှေ့ဘက် အရပ် မိုးကုတ် စက်ဝိုင်း မှ နေ၍ - ၄၅ ဒီဂရီ ခန့် အကွာတွင် ရှိခြင်းကို ဖေါ်ပြ၍- လဆန်း ၈-ရက်နေ့ ဖြစ်သည်ဟု ပေးထားသည်။ ၄င်းတွင် ဖြည့်စွက် ကွက်လပ် ဖြည့်ပေးရမည် က- လ-၏ တည်နေရာ- ယခု ကာလ၏ အချိန် တို့ကို ဖြစ်သည်။ နေမင်းသည် အရှေ့ဘက် မိုးကုတ် စက်ဝိုင်း နှင့် ဦးခေါင်းမျဉ်း အကြား- ၄၅ ဒီဂရီတွင် ရှိခြင်း ကို - နံနက် ၉း၀၀ နာရီ ဟု နားလည် ရပါမည်။ တောင်မြောက် မျဉ်း နှင့် တည့်တည့် (ဦးခေါင်းလမ်းကြောင်း သို့ ရောက်လာလျှင် နေ့လည် ၁၂-နာရီ ဖြစ်၏။) ဤသည်မှာ ဒေသ စံတော်ချိန် Local Mean Time ဖြစ်ပြီး- နိုင်ငံတော်မှ သတ်မှတ် ထားသော Standard Time မှာ- ဒေသ နာရီမှန် နှင့် ကွာနေတတ်၏။  အကယ်၍- ထိုနေ့၏ လခြမ်း အနေအထားသည် လဆန်း ၇-၈ ရက် (တစ်နည်း အားဖြင့် ညာဘက် တစ်ခြမ်း တိတိ လင်းနေသည်။) ဟု ပေးထားခြင်းဖြင့် လ- သည် နေ မှ ၉၀ ဒီဂရီ ကွာခြင်းကို သိရမည် ဖြစ်သောကြောင့်- လ-သည် ယခု အခါတွင်- မိုးကုတ် စက်ဝိုင်း၏ အောက်ဘက်ခြမ်း နေရာ ၄၅ ဒီဂရီ (နံနက် ၃း၀၀) နေရာတွင် ရှိသည် ကို သိရှိပြီး ကွက်လပ် ကို ဖြည့်စွက် ရမည် ဖြစ်၏။
အနက်ရောက် စက်ဝိုင်း ဖြင့် ပြထားခြင်းသည် နေဖြစ်၍- အဖြူရောက် စက်ဝိုင်းသည် လ- ဖြစ်သည်။




ဥာဏ်စမ်း လေ့ကြည့်ခန်း။







အကယ်၍ ယခု ပေးထားသော လေ့ကျင့်ခန်း တို့ကို နားလည်ရန် အခက် အခဲ ရှိမည် ဆိုပါက-
နက္ခတ် ပညာ အခြေခံ ကို ကောင်းမွန်စွာ သိရှိ သူတို့ကို ချဉ်းကပ် မေးမြန်းစေလိုပါသည်။ ယခု လေ့ကျင့်ခန်း မှာ- ကောင်းကင် နက္ခတ် ပညာ၏ က-ကြီး၊ ခ-ခွေး အဆင့်၊ မူကြို အဆင့် သာ ရှိသောကြောင့်- ကျွမ်းကျင်သော နက္ခတ်ပညာရှင် မည်သူ မဆို- စာရှူသူအား ရှင်းပြပေးနိုင်ပါလိမ့်မည်။ ပညာစမ်း လိုသော သဘောဖြင့်- လုပ်ဆောင်ခြင်းမျိုး မဟုတ်ပဲ- ရိုးသားစွာ မေးမြန်းပါရန်သာ အကြံပြုပါသည်။

ဤဆောင်းပါး ပါ တွက်ချက် ခန့်မှန်း နည်းကို အသုံးပြုရာတွင် - အောက်ပါ တို့ကို သတိချပ် သင့်ပါသည်။
  • ဤတွက်နည်း များကို ဖေါ်ပြရာတွင်- တိထီ နှင့် အာယန (သာယန နိယာယန ကွဲပြားမှု) တို့ကို ထည့်မစဉ်းစားပါ။ ဆိုလိုသည်မှာ- လူတိုင်း သုံးနိုင် စေရန် အတွက် ဝေါဟာရ လပြည့်၊ လကွယ်၊ လဆန်း၊ လဆုတ် ဖြင့်သာ ဖေါ်ပြခြင်း ဖြစ်သည်။ အလွယ် နားလည် နိုင်အောင် ပြောရမည် ဆိုပါက- မြန်မာ လပြည့်နေ့တွင် အမှန်တကယ် လပြည့်သော နေ့ (တစ်နည်းအားဖြင့်- နေ နှင့် လ တို့သည် ကမ္ဘာ၏ တစ်ဘက် တစ်ချက်တွင် ရှိသည်။) ဖြစ်သည်- လကွယ် နေ့သည် အမှန် အကယ် လကွယ် သည် (တစ်နည်းအားဖြင့်- လ သည် ကမ္ဘာ၏ နှင့် နေ တို့သည် အကြားတွင် ရှိသည်။) ဟု သာ ယူဆ တွက်ချက် ပါသည်။ တကယ့် လက်တွေ့တွင်မူ- သာမာန် အရပ်သား အနေဖြင့် နားလည် သော ပြက္ခဒိန် လပြည့် နေ့ သည် တကယ့် အမှန် တကယ် လပြည့် နှင့် - ၁-ရက် ခန့် တစ်ခါတစ်ရံ ကွာဟ နေတတ်သည်။
  • အများ အလွယ် နားလည် နိုင်ရန် နေ့တာ ကာလ ၁၂-နာရီ၊ ညတာ ကာလ ၁၂-နာရီ ဖြင့်- နေထွက်ချိန် နံနက် ၆ နာရီ၊ နေ၀င်ချိန် ညနေ ၆-နာရီ ကိုသာ သုံးစွဲထားပြီး၊ နွေမိုးဆောင်း- အချိန် အပြောင်းအလဲ ကို လိုအပ် သလို ညှိတွက် စေလိုပါသည်။
  • နွေနာရီ ကာလ၊ Day Light Saving နှင့်- မိမိ ရောက်နေရာ နိုင်ငံ၏ စံတော်ချိန် သတ်မှတ် ကို နားလည် ပြီး လိုသလို ပေါင်းနှုတ် သုံးစွဲ စေလို ပါသည်။ ဥပမာ စင်္ကာပူ တွင်- အချိန်ကို ရှေ့သို့ အမှန် ဖြစ်ရမည့် အချိန် ထက်- နိုင်ငံတော် စံတော်ချိန် ကို တမင် စောပို့ ထားသည်။
  • တစ်ဘက်တွင်လည်း- မိုးကုတ် စက်ဝိုင်းနား တွင် နေ-လ တို့ အလွန်နီးကပ် သွားသော အလင်းယိုင်မှု များလာသောကြောင့်- အမှန် တကယ် နေလ တို့ကို တွေ့မြင် ရသည့် အနေအထား နှင့် တကယ့် အနေအထား မှာ အနည်း ကွာဟ မှု ရှိသည်။ ၄င်းအတွက် “နေ၀န်းနီနီ ညနေဆည်းဆာရဲ့ လျှို့ဝှက်ချက်” http://mmastronomy.blogspot.sg/2010/10/blog-post_25.html ဆောင်းပါး တွင် လေ့လာ နိုင်ပါသည်။
  • နောက်တစ်ခု အနေဖြင့်- ဤတွက်ချက် မှု အနေအထား များသည်- အီကွေတာ နှင့် ၄င်း၏ အပေါ်ဘက်ခြမ်း (မြန်မာ အပါ အ၀င် မြောက်လတ္တီတွဒ် ဒေသများ) ကို သာ ဆိုလိုခြင်း ဖြစ်၍- အီကွေတာ၏ အောက်ဘက်တွင် ရှိသော- သြစတျေးလျ၊ နယူးဇီလန်၊ တောင်အာဖရိက၊ အာဂျင်နီးနား စသော နိုင်ငံ များ အနေဖြင့် မူ အပြောင်းအလဲ ရှိပါသည်။

ဤဆောင်းပါး ကို ဖတ်မိသူ စာရှုသူ တို့ အနေဖြင့်-
မိမိ၏ သားသမီး မြေးသားတို့ အား- ကောင်းကင် မှ လမင်းကြီး အကြောင်း ကို ပြောပြသော အခါတွင်-
ဆန်ဖွတ်သော အဘိုးအို နှင့်- လပေါ်မှ ယုန် ရုပ် အကြောင်း မျှကိုသာ ပြောပြ နိုင်ခြင်း၊ ဖိုးရွှေလမင်း ထံမှ ထမင်းဆီဆမ်း ရွှေလင်ပန်း နှင့် ပေးပါ ဟု တောင်းပြ ခြင်းတို့ ထက် သာလွန်၍- သူတို့ အတွက် အမှန်တကယ် အသုံးဝင် နိုင်မည့် အသိဥာဏ် ဗဟုသုတကိုပါ ပြောပြ သင်ကြားပေး နိုင်ကြမည် ဆိုယင် ဤဆောင်းပါးကို ကျွန်တော် ရေးရကျိုး နပ်ပြီ ဖြစ်တော့၏။

ဆက်လက်၍- လမင်းကို ညတိုင်း မြင်တွေ့ခွင့် မရသောကြောင့်- ကြယ်တို့ကို လေ့လာ၍-အချိန်ကို သိလိုပါလျှင်- ယခု ဆောင်းပါး တွင် ကွန်မန့် ပေး၍ တောင်းဆို နိုင်ပါသည်။ တောင်းဆိုသူများ၊ စိတ်ဝင်စား သူများ ရှိပါက- ဆက်လက် ရေးပေးမည် ဖြစ်၍- စိတ်ဝင်စားသူ နည်းပါး ပါမူ- ဆက်လက် ရေးပေးနိုင်မည် မဟုတ်ပါ။

အားလုံး ချမ်းမြေ့ပါစေ။
နျူမာန် (မိုးတား)

[+/-] show/hide this post

6 comments:

nayla said...

သိပ်​​ကောင်းပြီး ဗဟုသုတ အရမ်းရရှိပါတယ်​ဆရာ ၊​ကျေးဇူးအထူးတင်​လျက်​ပါ ဆက်​လက်​​ရေးသား​ပေးပါရန်​ ရို​သေစွာ​တောင်းခံအပ်​ပါတယ်​ ဆရာ

nayla said...

ကျေးဇူးတင်​ပါတယ်​ဆရာ
ဆက်​လက်​ပြီး အခြားဗဟုသုတများ​ရေး​ပေးပါဦးခင်​ဗျာ

shwenyein said...

ကျေးဇူးတင်ပါတယ်ကိုနျူမာန်။ ဗဟုသုတအများကြီးရပါတယ်။

Aung Thant said...

သေသေချာချာနားလည်အောင် ခဏ ခဏ ပြန်ဖတ်ဖြစ်ပါတယ် ဆရာ။ ကျနော့် သားသမီးတွေလက်ထက်ကျရင် ရှင်းပြနိုင်အောင် ဆက်ပြီး လေ့လာချင်ပါတယ်။ ဆရာ အချိန်ပေးနိုင်မယ်ဆိုရင် ကြယ်တွေကို လေ့လာပြီး အချိန်ကိုတိုင်းတာတဲ့အကြောင်းလေး ဆက်ရေးပေးစေချင်ပါတယ်။
လေးစားစွာဖြင့်..

yin maw said...

ဆက်​၍​ရေးသား​ပေးပါရန်​​တောင်းဆိုပါသည်​

yin maw said...

ဆက်​၍​ရေးသား​ပေးပါရန်​​တောင်းဆိုပါသည်​

Post a Comment