Monday, April 8, 2013

ကာလသပ္ပ ယောဂ (၅) မာဂရက် သက်ချာ- (သို့မဟုတ်) ကုန်စုံဆိုင် ပိုင်ရှင်သမီးမှ- ကမ္ဘာ့ခေါင်းဆောင်


သူ့ခေတ် သူ့အခါတွင် စွမ်းအား အကောင်းဆုံးသူဟု- ထင်ရှားသော- အမျိုးသမီး တစ်ဦးတွင်- ဗေဒင် ဆရာ အများစုက - ဤဇာတာရှင် ပိုင်ရှင်အား ကံဆိုးမိုးမှောင် ကြစေသည်ဟု မကောင်းပြောတတ်ကြသဖြင့်- လူအများစု ကြောက်လန့်ကြသော ကာလသပ္ပယောဂ ထင်ရှားစွာ ပါနေသည် ဆိုလျှင် မည်သို့ ပြောကြပါမည်နည်း။
ဤဇာတာရှင်သည်ကား- မကြာမီ နာရီ အနည်းငယ် ခန့်က ဆုံးပါးသွားခဲ့သည့် ဗြိတိသျှ ၀န်ကြီးချုပ်ဟောင်း- ဗြိတိန် နိုင်ငံ သမိုင်းတွင် သက်တမ်း အကြာဆုံး အုပ်ချုပ်သွားနိုင်သူ- ကမ္ဘာတွင် အထင်ရှားဆုံး၊ တန်ခိုး အထွားဆုံး ဖြစ်ခဲ့သူ မာဂရက် သက်ချာပင် ဖြစ်တော့၏။

လူအများစု ကြောက်လန့်ကြသော ကာလသပ္ပယောဂ နှင့် ပတ်သက်၍- ပြီးသော ၂၀၁၂-စက်တင်ဘာလမှ စ၍- ကာလသပ္ပယောဂ ဆိုင်ရာ ပထမဆုံး ဆောင်းပါး- မှ စတင်ပြီး- ကာလသပ္ပယောဂ ရသော်လည်း- ကမ္ဘာကျော် အောင်မြင် ထင်ရှားခဲ့ သူတို့၏ ဇာတာများကို လက်တွေ့ ဝေဘန် သုံးသပ်ပြခဲ့၏။

ထိုသို့ ဝေဘန် သုံးသပ်ပြသ ရာတွင်- များစွာသော စာအုပ်များတွင် ဖေါ်ပြတတ်သော- အချိန်မပါ- နေရာမပါ၊ လဂ် အံသာ မပါ- လင်မြွေကိုက်၍ မုဆိုးမ ဖြစ်ရသော ဇာတာ စသော- ခိုင်မာမှု နှင့် ပတ်သက်၍ အငြင်းပွားဘွယ် ဇာတာမျိုး ၊ ဤဇာတာရှင် တကယ်ရှိမရှိ မည်သူမျှ မသိသော ဇာတာမျိုး မဟုတ်ပဲ- ဇာတာရှင် လည်း လက်ရှိ လူ့သမိုင်းတွင် အမှန်တကယ်ရှိ- ဖေါ်ပြသော ဖြစ်ရပ် တစ်ခုတည်း ကိုသာ ကွက် ရေးခြင်းမျိုး မဟုတ်ပဲ- ဇာတာရှင်၏ စိတ်ဓါတ်၊ စရိုက်မှ စ၍- သူ၏ ဘ၀ အနေအထား စသဖြင့် ဘက်စုံ ထောင့်စုံ မှ ဝေဘန် သုံးသပ် ပြခဲ့သော်လည်း- အချို့သူများ အနေဖြင့် လက်ခံရန် ခက်ခဲနေကြောင်း သိရှိရ၍- အငြင်းမပွား လိုသောကြောင့်လည်း- ဤဆောင်းပါးများကို ရပ်တန့် ခဲ့ပါသည်။

သို့သော်လည်း- ယနေ့ သတင်းတွင် ထိုသံမဏိ အမျိုးသမီးကြီး ဆုံးပါးသွားပြီ ဆိုသည်ကို သိလိုက်ရသဖြင့် - နက္ခတ် ဗေဒင် ပညာကို မှန်ကန်စွာ လေ့လာ လိုသူတို့တွင် အကျိုး တစ်စုံတစ်ရာ ရနိုင်မည်ကို ရည်ညွှန်း၍ ယခု ဆောင်းပါးကို ရေးလိုက်ရခြင်းလည်း ဖြစ်ပါသည်။

သံမဏိ အမျိုးသမီး၏ ဘ၀ အစ…
မာဂရက် သက်ချာအား- ၁၉၂၅ ခုနှစ်၊ အောက်တိုဘာလ ၁၃-ရက်နေ့တွင်- လင်ကွန်းရှိုင်းယား ဒေသ- ဂရမ်သမ် မြို့ငယ်လေးတွင် မွေးဖွားခဲ့၏။ မြို့ငယ်လေးဟု ဆိုရခြင်းမှာ ၂၀၀၁-ခုနှစ် သန်းခေါင်စာရင်း အရ- လူဦးရေ ၃-သောင်း ၄ ထောင်မျှသာ နေသော ဈေးမြို့လေး ဖြစ်၏။ 

ဖခင် ဖြစ်သူက-သာမာန် ကုန်ခြောက်ဆိုင် ပိုင်ရှင်မျှသာ ဖြစ်၏။ 
သူမ အနေဖြင့်- ငယ်စဉ်က- 
- စန္ဒယား တီးခြင်း၊
- ဟောကီ ကစားခြင်း၊ 
- ကဗျာ ရွတ်ဆိုခြင်း၊
- ရေကူးခြင်း စသည်တို့ကို လုပ်ဆောင်ခဲ့ပြီး- နောက်ပိုင်းတွင်- အောက်စဖို့ဒ် တက္ကသိုလ်- ဆိုမားဗေးလ် ကောလိပ်တွင် ဓာတု ဗေဒ ဆိုင်ရာ ပညာတော်သင် ဆု ရခဲ့၏။ အမှန်အားဖြင့် ဦးစွာ အပယ်ခံခဲ့ရပြီးမှ - အခြားတစ်ယောက်မှ ဆက်လက် မတက်ဖြစ် သဖြင့်- သူမ အနေဖြင့်- ရရှိခဲ့ခြင်း ဖြစ်၏။'

- အောက်စဖို့ဒ် တွင် ၁၉၄၃ မှ ၁၉၄၇ အထိ ပညာသင်ကြားခဲ့ပြီး- ဘီအက်စီ (ဓါတု) ဘွဲကို - ဓါတ်မှန် အထူးပြုဖြင့် ရရှိခဲ့၏။
- ၁၉၅၁-တွင် သူမ၏ အိမ်ထောင်ဘက် ဖြစ်လာမည့်- ဒင်းနစ် သက်ချာ နှင့် ဆုံဖြစ်ခဲ့ပြီး - ၁၉၅၁-ခုနှစ် ဒီဇင်ဘာတွင် လက်ထပ် ဖြစ်ခဲ့၏။ သားနှင့် သမီး အမွှာကို မွေးဖွားခဲ့၏။ ၁၉၅၅ အထွေထွေ ရွေးကောက် ပွဲသို့ မိခင် ဖြစ်ကာစ မာဂရက် သက်ချာ အနေဖြင့် မပါဝင် ဖြစ်ခဲ့လိုက်နိုင်။
- သို့သော်လည်း- နောက်သော အခါ 4 May 1979 – 28 November 1990 အထိ သက်တမ်း အရှည်ဆုံးသော ၀န်ကြီးချုပ် အဖြစ်- ကမ္ဘာတွင် ထင်ရှားခဲ့တော့၏။

ကာလသပ္ပယောဂ နှင့် မာဂရက် သက်ချာ။ …

ဝန်ကြီးချုပ်ဟောင်း မာဂရက် ၏ ဇာတာတွင်- ဂြိုဟ်အားလုံးသာမက- လဂ်ပါ အပါအ၀င်- ရာဟု နှင့် ကိတ် ကြားတွင် တည်နေခြင်းဖြင့်- ကာလသပ္ပယောဂ ခေါ် မြွှေကျိန်စာ ယုဂ် ကို ရထားတော့၏။

တစ်နည်း အားဖြင့် ဆိုသော်- ဥဓိ ဂေါလ ရဒ္ဓ၊ ဟူ၍ လည်းကောင်း၊ ဂါရ သစ္စ ယောဂ ဟူ၍ လည်းကောင်း ခေါ်တတ်ကြသည့် - ရာဟု နှင့် ကိတ်ကြား ဂြိုဟ်များ တည်နေသည့် ယောဂမျိုး ဖြစ်၏။ မြွှေ၏ ၀မ်းဗိုက် အတွင်း ဂြိုဟ်များ ရောက်နေသည်ဟု ဆိုသော အမျိုးအစား ဖြစ်၏။

ဆက်လက်၍လည်း- လဂ်မှ နေ၍ တည်ပုံအရ ခွဲခြမ်း လေ့လာပါက-
ကိတ်သည် လဂ်မှ နေ၍- ၄-တန့် တွင် တည်ခြင်းကြောင့်- (ကိတ်သည် လဂ်မှ ၆-တန့် အတွင်းတွင် တည်သော အမျိုးအစား- ဖြစ်သည့် ၀ိလောမ ကာလသပ္ပ ယောဂ ဖြစ်ပြီး- အလွန်ဆိုးသော အကျိုးပေးသည် ဟု ဆိုကြပြန်သေးသည်။ စာရှု သူသည် - ကာလသပ္ပ ယောဂ ကို လေ့လာဘူးလျှင် ထိုအကျိုးပေး တို့ကို သိနိုင်မည် ဖြစ်၏။)

တစ်ဖန်- ရာဟုသည် ၁၀-တန့်၊ ကိတ်သည့် ၄-တန့် တွင် တည်ခြင်းကြောင့်- ဂတက္က ကာလသပ္ပယောဂ ဖြစ်ပြီး- အမှုအခင်း များနှင့် ဘ၀တွင် ရင်ဆိုင်ရမည်၊ တရား ဥပဒေ၏ ပြစ်ဒဏ်ပေးခြင်း ခံရမည် ဟု ဆို၏။ သို့သော် ကန်လဂ် နှင့် သိဟ်လဂ် ပိုင်ရှင်ဆိုပါက- နိုင်ငံရေး သြဇာ အာဏာ ရမည် ဟု ဆိုသော်လည်း မာဂရက် သက်ချာသည် တူလဂ် ဖြစ်ခြင်းကြောင့်- ထိုကောင်းကျိုး ရနိုင်စရာ မရှိ။ (ကျွန်တော်၏ ပထမ ဆောင်းပါး http://www.motaa.info/2012/09/blog-post.html ကို ပြန်လည် ဖတ်ရှု နိုင်ပါသည်။)



မိုးတား စနစ် အနေဖြင့်မူ- ထိုသို့သော အယူအဆများကို လက်မခံပဲ- ပရာသျှရ ဆရာမြတ်၊ ၀ါဟရ မိဟိရ ဆရာမြတ်များ ညွှန်ပြခဲ့ရာ- ရှေးကျမ်းမူရင်း များ၏ သဘောကိုသာ အသုံးချ၍- လေ့လာ ဆန်းစစ်ပါသည်။ 


မူလ ဇာတာ တည်နေရာ နှင့် လွှမ်းမိုးမှု ဆန်းစစ်ချက် အနှစ်ချုပ်

ဇာတာရှင်သည် တူ လဂ်- သိဟ် စန်း ဖြစ်သည်။
၁၁-တန့် ဘာဝ သခင် ဖြစ်သော-တနင်္ဂနွေ ဂြိုဟ် သည် မိတ်ဖြစ်သော ကန် ရာသီ (၁၂-တန့် ဘာဝ) ဘာဝ တွင်တည်သည်။ ဘုန်းတန်ခိုး နှင့် ဆိုင်သော တနင်္ဂနွေ၊ လာဘ ဘာဝ သခင် တနင်္ဂနွေ အနေဖြင့် ဒုဌာန ဖြစ်သော ဗျာယ ဘာဝ တွင် ကျရောက်ခြင်း ဖြစ်သောကြောင့်- ဤအချက်မှာ ယေဘူယျ အားဖြင့်- မကောင်းဟု ပြောနိုင်သော အနေအထား ဖြစ်၏။ သို့သော်- ဖြစ်ရပ် တို့ကို တစ်နေရာတည်းမှ ထောင့်တစ်ထောင့် တည်းမှ ကြည့်၍ မရပဲ- ဘက်စုံ ထောင့်စုံမှ လေ့လာမှသာ အဖြေမှန် နှင့် နီးစပ်မည် ဖြစ်၏။ န၀င်း စက် အားဖြင့် ဗုဒ္ဓဟူး ပိုင်သော ကန် န၀င်း ဖြစ်ကာ-အင်္ဂါ ပိုင်သော စိတြ နက္ခတ် ကိုစီးနင်း ထား၏။ 

သို့သော်- ထို တနင်္ဂနွေ ပိုင်သော- ၁၁-တန့် ဘာဝ အလယ်မှတ် နေရာ- သိဟ် ၂၂း၂၈ အား ၃-တန့် သခင် ကြာသပတေးမှ ၉-တန့် အမြင် အတိအကျ နီးပါး ဖြင့်- လွှမ်းမိုး အားပေး လိုက်၏။ တစ်ဖန်- တနင်္ဂနွေသည် သူသွားတည်ရာ- ၁၂-တန့် ဘာဝ အား အလယ်မှတ် အား အတိုင်းအတာ တစ်ခု အထိ လွှမ်းထားခြင်းဖြင့်- ၁၂-တန့် ဘာဝ၏ အင်အားကို ထိန်းလိုက်ခြင်းဖြင့်- ၁၂-တန့် ဘာဝ ရော၊ ၄င်း တနင်္ဂနွေ ကိုယ်တိုင်ပါ- အင်အား ကောင်းသွားတော့၏။ မိုးတား အင်အား တွက်နည်းဖြင့် တွက်လိုက်သော အခါ- တနင်္ဂနွေသည် မူလ အင်အား အနေဖြင့် 148% ရှိကာ၊ ၁၂-တန့် သခင် ဖြစ်သော ဗုဒ္ဓဟူး၏ လွှမ်းမိုးမှု -68% ကိုတော့ ရထား၏။ တနင်္ဂနွေအား  ဂြိုဟ်ကောင်း အနေဖြင့် တိုက်ရိုက် လွှမ်းမိုးမှု မရှိ သဖြင့်- မိမိကိုယ်တိုင် အောင်မြင် မှုကို ပြုလုပ်ခဲ့ရကြောင်း ထင်ရှားတော့၏။


ဆက်လက်၍- တနင်္လာကို လေ့လာမည် ဆိုပါက-

၁၀-တန့် ဘာဝ သခင် ဖြစ်သော-တနင်္လာ ဂြိုဟ် သည် မိတ်ဖြစ်သော သိဟ် ရာသီ (၁၀-တန့် ဘာဝ) ဘာဝ တွင်တည်သည်။ ဤသည်မှာ အလွန်ကောင်းသော အနေအထား ဖြစ်တော့၏။ န၀င်း စက် အားဖြင့် လဂ်သခင် သောကြာ ပိုင်သော ပြိဿ န၀င်း ဖြစ်ကာ-ကိတ် ပိုင်သော မာဃ နက္ခတ် ကိုစီးနင်း ထားသည်။ မူလ အင်အား အနေဖြင့် 192% ရှိကာ၊  ဂြိုဟ်ဆိုး လွှမ်းမိုးမှု မရှိပါ။ တနင်္လာသည် လည်း အလွန်အားကောင်း နေသည်ကို မြင်ကြရ၏။

သံမဏိ အမျိုးသမီး ဖြစ်စေခြင်း၏ အဓိက အကြောင်း တစ်ချက်သည်ကား- အင်္ဂါ-

၇-တန့် ဘာဝ သခင် ဖြစ်သော-အင်္ဂါ ဂြိုဟ် သည် ဥဒါသိမ် ဖြစ်သောကန် ရာသီ (၁၂-တန့် ဘာဝ) ဘာဝ တွင်တည်သည်။ ၄င်းကိုလည်း- ဒုဌာန တွင် တည်၍ အင်္ဂါ အားနည်းမည်ဟု အမှတ် တမဲ့ ပြောနိုင်သော်လည်း- န၀င်း စက် အားဖြင့် လဂ်သခင် သောကြာ ပိုင်သော ပြိဿ န၀င်း ဖြစ်ကာ-တနင်္လာ ပိုင်သော ဟဿတ နက္ခတ် ကိုစီးနင်း ထားသည်။ အင်္ဂါအား အဓိက အားကောင်း စေသည့် အချက်မှာ- အင်္ဂါ၏ မူလတြိဂေါဏ သခင် အဖြစ် ပိုင်ဆိုင်ရာ- ၇-တန့် ဘာဝ အလယ်မှတ် ဖြစ်သော မိဿ ၂၂း၂၈ အား- ၃-တန့် သခင် ကြာသပတေး မှ ၅-တန့် အမြင်ဖြင့် အတိအကျ နီးပါး၊ ၅-တန့် သခင် စနေမှ လည်း ၇-တန့် အမြင်ဖြင့် အတိအကျ နီးပါး လွှမ်းမိုးထားခြင်းက- အင်္ဂါအား မူလ အင်အား အနေဖြင့် 206% ရှိသွားစေတော့၏။ ထို့ပြင် အင်္ဂါအား ဂြိုဟ်ဆိုး လွှမ်းမိုးမှု မရှိပါ။ မိုးတား စနစ်တွင် စနေကို ဂြိုဟ်ဆိုးဟု ပုံသော ယူဆခြင်း မရှိသည်ကို သတိပြုပါလေ။

တစ်ဘက်တွင်-
၁၂-တန့် ဘာဝ သခင် ဖြစ်သော-ဗုဒ္ဓဟူး ဂြိုဟ် သည် မိတ်ဖြစ်သော တူ ရာသီ (၁၂-တန့် ဘာဝ) ဘာဝ တွင်တည်သည်။ န၀င်း စက် အားဖြင့် သောကြာ ပိုင်သော တူ န၀င်း ဖြစ်ကာ-အင်္ဂါ ပိုင်သော စိတြ နက္ခတ် ကိုစီးနင်း ထားသည်။ မူလ အင်အား အနေဖြင့် 120% ရှိကာ၊  ဂြိုဟ်ဆိုး လွှမ်းမိုးမှု မရှိပါ။

သံမဏိ အမျိုးသမီး ဖြစ်စေခြင်း၏ အဓိက အကြောင်း တစ်ချက်သည်ကား- ၃-တန့် သခင် ကြာသပတေး ပင် ဖြစ်တော့၏။

၃-တန့် ဘာဝ သခင် ဖြစ်သော-ကြာသပတေး ဂြိုဟ် သည် သခင်၊-ဖြစ်သော ဓနု ရာသီ (၃-တန့် ဘာဝ) ဘာဝ တွင်တည်သည်။ န၀င်း စက် အားဖြင့် သောကြာ ပိုင်သော တူ န၀င်း ဖြစ်ကာ-သောကြာ ပိုင်သော ပြုဗ္ဗာသဠ် နက္ခတ် ကိုစီးနင်း ထားသည်။ မူလ အင်အား အနေဖြင့် 489% ရှိကာ၊  ဂြိုဟ်ဆိုး လွှမ်းမိုးမှု မရှိပါ။ ဂရပ် ပုံတွင် ကြည့်လိုက်ပါက- ၃-တန့် သခင်၏ အင်အားသည် ကြောက်ခမ်း လိလိ အင်အား ကောင်းနေခြင်းကို တွေ့ကြရမည် ဖြစ်၏။

ကြာသပတေး အားကောင်းသွားရခြင်း၏ အကြောင်းရင်းများတွင်- မိမိအနေဖြင့်- မူလတြိဂေါဏ သခင် အဖြစ် ပိုင်သော ဓနုရာသီတွင် တည်ခြင်း၊ တည် ရာတွင်လည်း- ၄င်း၏ အလယ်မှတ် ကို စီးနင်းလျှက် တည်ခြင်း - ထို ၃-တန့် ဘာဝ အလယ်မှတ်အား- ၅-တန့်သခင် စနေကပါ အထောက်အကူပြုထားခြင်း တို့ကြောင့် ဖြစ်တော့၏။ စနေသည်- ထိုမျှသာမက- ကြာသပတေး ဂြိုဟ်အား ၃-တန့် အမြင်ဖြင့်ပါ လွှမ်းမိုး ထောက်ပံ့ပေးနေတော့၏။ တူရာသီ အတွက် စနေသည် ကာရက သောမဂြိုဟ် ဖြစ်သည်ကို သတိပြုပါချေ။

၁-တန့် (လဂ်) သခင် ဖြစ်သော-သောကြာ ဂြိုဟ် သည် - 
ဥဒါသိမ် ဖြစ်သောဗြိစ္ဆာ ရာသီ (၂-တန့် ဘာဝ) ဘာဝ တွင်တည်သည်။ န၀င်း စက် အားဖြင့် ဗုဒ္ဓဟူး ပိုင်သော ကန် န၀င်း ဖြစ်ကာ-စနေ ပိုင်သော အနုရာဓ နက္ခတ် ကိုစီးနင်း ထားသည်။ မူလ အင်အား အနေဖြင့် 102% ရှိကာ၊ -99% ဂြိုဟ်ဆိုး လွှမ်းမိုးမှု ရှိသည်။  ဂြိုဟ်ကောင်းလွှမ်းမိုးမှု မရှိပါ။

၅-တန့် ဘာဝ သခင် ဖြစ်သော-စနေ ဂြိုဟ် သည် 
ဥုစ်၊မိတ်ဖြစ်သော တူ ရာသီ (၁-တန့် (လဂ်)) ဘာဝ တွင်တည်သည်။ န၀င်း စက် အားဖြင့် အင်္ဂါ ပိုင်သော မိဿ န၀င်း ဖြစ်ကာ-ကြာသပတေး ပိုင်သော ၀ိသာခါ နက္ခတ် ကိုစီးနင်း ထားသည်။ မူလ အင်အား အနေဖြင့် 145% ရှိကာ၊  ဂြိုဟ်ဆိုး လွှမ်းမိုးမှု မရှိပါ။

ရာဟု ဂြိုဟ် သည် 
ကရကဋ် ရာသီ (၁၀-တန့် ဘာဝ) ဘာဝ တွင်တည်သည်။ န၀င်း စက် အားဖြင့် ဗုဒ္ဓဟူး ပိုင်သော ကန် န၀င်း ဖြစ်ကာ-စနေ ပိုင်သော ဖုသျှ နက္ခတ် ကိုစီးနင်း ထားသည်။ မူလ အင်အား အနေဖြင့် 161% ရှိကာ၊  ကိတ်မှ အပ ဂြိုဟ်ဆိုး လွှမ်းမိုးမှု မရှိပါ။ ယေဘူယျ အားဖြင့် အင်အား အနှုတ် ဖြစ်နေတတ်သော ရာဟု အတွက်- အင်အား ကောင်းနေခြင်းမှာလည်း ထူးခြားသော ဇာတာ တစ်ခုပင် ဖြစ်တော့၏။

ကိတ် ဂြိုဟ် သည် 
မကာရ ရာသီ (၄-တန့် ဘာဝ) ဘာဝ တွင်တည်သည်။ န၀င်း စက် အားဖြင့် ကြာသပတေး ပိုင်သော မိန် န၀င်း ဖြစ်ကာ-တနင်္ဂနွေ ပိုင်သော ဥတ္တရာသဠ် နက္ခတ် ကိုစီးနင်း ထားသည်။ မူလ အင်အား အနေဖြင့် 0% ရှိကာ၊  ရာဟု မှ အပ ဂြိုဟ်ဆိုး လွှမ်းမိုးမှု မရှိပါ။

အချုပ်ဆိုရသော်- 
ကာလ သပ္ပယောဂ ပိုင်ရှင်များပင် ဖြစ်သော်လည်း- အင်မတန် မြင့်မားသော အောင်မြင်မှုတို့ကို ရခဲ့သည်- ကမ္ဘာကျော် ပုဂ္ဂိုလ် များ လက်တွေ့ရှိ နေသော်လည်း- မိမိ ယုံကြည်မှု အရ- ကာလ သပ္ပယောဂ ကို သုံးစွဲ နေကြ သူများ ရှိနေဆဲပင် ဖြစ်ပါ၏။ မိမိယုံကြည်ရာကို မိမိ လက်ခံယုံပင် ဖြစ်ပါသည်။

မိုးတား အနေဖြင့်မူ- မူအသစ် နည်းအသစ် တီထွင်ခြင်း လုံးဝ မဟုတ်ပဲ- ရှေးရိုးမူများကို သုတေ သန အမြင်ဖြင့် လက်တွေ့ ဝေဘန် ဆန်းစစ်ကြည့်ခြင်းသာ ဖြစ်ပါ၏။

အားလုံး ချမ်းမြေ့ကြပါစေ။

နျူမာန် (မိုးတား)
Motaa.info

[+/-] show/hide this post

No comments:

Post a Comment