လူတို့သည်- သတ္တ၀ါတို့ အားလုံး အနက်တွင်- Society ခေါ် နေထိုင်ရာ အဖွဲ့အစည်းဖြင့်- ဆက်သွယ်မှု Communication အကောင်းဆုံး- သတင်း အချက်အလက် လက်ဆင့်ကမ်းနိုင်မှု အကောင်းဆုံးသော သော သတ္တ၀ါ ဟု ဆိုလျှင် မှားအံ့ မထင်။
တစ်ဘက်တွင်လည်း- ကျွန်တော်တို့ လူသားများ သည် ကျွန်တော်တို့ သိရှိသော အသိဥာဏ်၊ ဗဟုသုတ တို့ကိုသာ မက- ကျွန်တော်တို့ အနေဖြင့် ကောင်းစွာ မသိရှိ၊ နားမလည်သော ဝေါဟာရ စကားလုံးများကိုပါ- ရှေးရိုး အစဉ် အလာ အရ- လက်ဆင့်ကမ်း လာမိခဲ့ကြသည်။
မူလ ပထမ က- ဆိုလိုခဲ့သော မူရင်း အဓိပ္ပါယ်၊ တကယ့် ဆိုလိုရင်းကို နားမလည်ပဲလျှက်- ကျွန်တော်တို့သည်- ထိုဝေါဟာရများကို တွင်တွင် ကျယ်ကျယ် သုံးစွဲကြသည်။ သုံးစွဲလာကြယင်း- ထင်သလို နားလည်သလို အဆင့်ဆင့် အဓိပ္ပါယ်ကောက်လာကြယင်း ဖြင့်ပင်- မူလ အဓိပ္ပါယ် မှန် နှင့် ဝေးကွာ မှန်းမသိ ဝေးကွာ၊ သွေဖီမှန်း မသိ သွေဖီ လာတော့သည်။
ဥပမာ- မြင့်မိုရ်တောင် ဆိုလျှင်- မြန်မာအားလုံး ကြားဘူး၏။ သို့သော် ၄င်းသည် ဘာကို ဆိုလိုသလဲ ဆိုသည်ကိုမူ- ကျွန်တော်တို့ တကယ် မသိခဲ့ကြ။ ထိုနည်းတူ- နိဗ္ဗာန်၊ ငရဲ၊ စသည်တို့သည် နေ့စဉ်လိုလို သုံးစွဲနေကြသော ဝေါဟာရများ ဖြစ်သော်လည်း- ကျွန်တော်တို့ တကယ် သိသလား ဆိုလျှင် အဖြေက ရှင်း၏။ မသိ။ ထိုထို ဝေါဟာရများကို ပြောဆို သုံးစွဲ နေကြသူတို့- တစ်ပါးသူကို သင်ကြားပေးနေကြသူတို့ သည်လည်း- ထိုနေရာများကို ရောက်ခဲ့၍ ပြန်လာပြီး ကိုယ်တိုင်သိကို ပြန်ပြောပြ နိုင်သူမရှိ။
ဒူးရင်းသီး မစားဘူး ပဲလျှက်- တကယ့် ဒူးရင်းသီး မည်သို့ အရသာ ရှိသည်ကို သိနိုင်ပါမည်လား။ တစ်စုံတစ်ယောက် အနေဖြင့်- အခြားသူတစ်ယောက် ပြောပြသော ဒူးရင်းသီး အရသာကို- မိမိနားလည် သွားသည်ကို အမှန်ထင်လျှက် လက်ဆင့်ကမ်း ဆက်ပြောပါက- မည်မျှ မှန်ကန် နိုင်ပါမည်နည်း။ ကျွန်တော်တို့ ပတ်ဝန်းကျင်တွင် ထိုသို့ အနေအထား မည်မျှ ရှိနေပါသနည်း။ ဥပမာ- မွေးရာပါ မျက်မမြင် တစ်ဦးအား- ဗျိုင်း ဆိုသည်မှာ အဖြူရောင် ပြောပြ- အဖြူရောင်သည် နွားနို့ ဖြစ်ကြောင်း ပြောပြရာမှ တစ်ဆင့်- မျက်မမြင် အနေဖြင့်- နားလည်သွားသည်မှာ ဗျိုင်းသည် နွားနို့ နှင့် တူသည် ဟူ၍ ဖြစ်လျှင်- အ၀ိဇ္ဇာ အမှောင်တို့ဖြင့်- ပိန်းပိတ် မှောင်ဖုံး နေသော ကျွန်တော်တို့ အနေဖြင့် - တစ်ဆင့် ဆိုစကားများ အရ နားလည် ထားကြသည် များသည် လည်း အမှန် ဖြစ်နိုင်ပါမည်လား။ မှန်လျှင်သော်မှ မည်မျှ ရာခိုင်နှုန်းမျှသာ မှန်နိုင်ပါအံ့နည်း။
မြင့်မိုရ်တောင် နှင့် ပတ်သက်၍- “မြင့်မိုရ်တောင် ရှာပုံတော်”
ဆောင်းပါးကို ကျွန်တော် ရေးသားတင်ပြခဲ့၏။ သို့သော် လည်း- ကျွန်တော့် အမြင်၊ ကျွန်တော့် အယူအဆ၊ ကျွန်တော် နားလည် သည်သာ ဖြစ်၍- တကယ့် အမှန် ဟုတ်မဟုတ်ကိုမူ- ကျွန်တော် အသေအချာ မပြောနိုင်။
ဆိုလိုသည်မှာ- ကျွန်တော် တကယ်မသိ။
ကျွန်တော်တို့သည်-
- ကိုယ်ဘယ်ဘ၀က လာသည်ကို မသိ၊
- ကိုယ်ဘယ်နေ့၊ ဘယ်ရက်၊ ဘယ်အချိန်၊ ဘယ်နေရာမှာ ဘယ်လို သေမည် ဆိုတာကို မသိ၊ (အနာဂါမ် အဆင့်ကျော်လွန်မှသာ သိနိုင်သည်ဟု နားလည်ထားပါသည်။)
- ကျွန်တော်တို့ သေလျှင် မည်သည့် ဘ၀ သို့ ရောက်နိုင်မည်ကို မသိ၊ (အရိယာ မဖြစ်သေးသမျှ)
- ထိုထက် ပိုဆိုးသည်က-
- မိဘတို့ မှ မိမိကို မွေးဖွားသည်မှာ အသေအချာဖြစ်ကြောင်းကိုလည်း တိတိပပ မသိ။ (ဆရာတော် ဦးဗုဓ်ကဲ့သော ၀ိနည်း အလွန်သတိထားသူ ရဟန်းများ အနေဖြင့် မိခင် မှာမူ- မွေးဖွားကြောင်း- အသိသက်သေများ ရှိသဖြင့် မိခင် အဖြစ် လက်ခံနိုင်သော်လည်း- ဖခင် ဖြစ်သူအား မသေချာ ဟုပင် ဆိုခဲ့၏။)
- မိမိမွေးဖွားသည့် နေ့ရက်၊ အချိန်တို့ကိုပင် မိဘတို့က ပြော၍ သိရ၏။ (သူတို့ မှတ်သားခြင်း မရှိပါက- ကျွန်တော်တို့ မသိနိုင်)
တကယ် စဉ်းစားကြည့်သော အခါ- အခြားကိစ္စများ အသာထား- မိမိကိုယ်တိုင် နှင့် ပတ်သက်သော အလွန် အရေးကြီးသည့် အရာများကိုပင်- ကျွန်တော်တို့ သေသေချာချာ မသိ။
သေသေချာချာ မသိ၍- ထိုအချင်းအရာ၊ ထိုဖြစ်ရပ် တို့သည် မဖြစ်နိုင်ဘူး ဆိုပြီး လက်မခံပဲ နေ၍ရော- ရနိုင်ပါမည်လား။
သို့သော် ဘာကြောင့်ပဲ ဖြစ်ဖြစ် လက်ခံ သုံးစွဲ ရပြီဆိုလျှင်တော့- အတိုင်းအတာ တစ်ခု အထိ သိနားလည်အောင် ကြိုးစား အားထုတ်သင့်သည် ဟု ကျွန်တော် ယုံကြည် မိ၏။
အကယ်၍- မိမိယုံကြည် ကိုးကွယ်သော ဘာသာရေး နှင့် ပတ်သက်သော အယူအဆ- ယုံကြည်မှု သတ်မှတ် ချက်များကို မိမိကိုယ်တိုင် မသိပဲ- (သိအောင်လည်း မကြိုးစားပဲ) နေခဲ့ မည် ဆိုပါက- တစ်ချိန်က “ကျောက်ကွင်း အရေးတော်ပုံ” ကဲ့သို့သော ယှဉ်ပြိုင် မှုမျိုး ပေါ်ခဲ့သော်- တစ်ပါးသူက - မဟာ ဗုဒ္ဓ၀င်ပါ အားနည်းချက်၊ စိဉ္ဇမာန မှ ဘုရားရှင်အား စွပ်စွဲချိန်တွင် သိကြားမင်း ကြွက်ယောင်ဆောင် ထမီအောက် ၀င်သည် ဆိုသော အချက် စသည် များဖြင့် ထိုးနှက်ခြင်း ခံရပါက- လည်စဉ်း ခံရရုံ၊ မျက်စိပျက်၊ မျက်နှာပျက် ဖြစ်ရုံ၊ မကျေမနပ် ဒေါသ ထွက်ရရုံ မျှ အပ အခြားမရှိ။
ပို၍ ဆိုးသည်က- အချို့သည် မိမိ မသိသည် ကိုပင်- တကယ်မသိမှန်း မသိ၊ မိမိ သိရှိသည်မှာ အပေါ်ယံ သဘောမျှ (အရပ်သိ၊ ဇတ်သိမျှ သာ) ဖြစ် သော်လည်း)- အမှန်ပင် သိရှိ နားလည် သကဲ့သို့ မှတ်ထင်လျှက်- တစ်ပါးသူ၏ လက်ခံ နားလည် ယုံကြည်မှု တို့ကို တိုက်ခိုက် ထိုးနှက် တတ်ကြခြင်း ဖြစ်တော့၏။
မသိခြင်း သက်သက် သည်- အသိဥာဏ် နှင့် လေ့လာအားထုတ်မှု အားနည်းခြင်း မျှသာ ဖြစ်၍- မသိပဲလျှက် ရှေးပညာပါ အချက်များ၊ တစ်ပါးသူ၏ ယုံကြည် လက်ခံမှုများကို ထိုးနှက်ခြင်းသည်ကား- စိတ်ဓါတ်ပိုင်း အားနည်းခြင်း တို့ပင် ဖြစ်တော့၏။
လူကြီးလူကောင်း- စိတ်ဓါတ် ပညာ ပြည့်ဝသူတို့သည်- မိမိကိုယ်တိုင် တစ္ဆေသူရဲ မယုံသည် ဖြစ်စေ- သူရဲ ကြောက်တတ်သူ အား- နှိမ်ချ၊ စော်ကား တိုက်ခိုက်ခြင်း ပြုမည် မဟုတ်။ ကူညီခြင်း- အားပေးခြင်း သာလုပ်ဆောင်မည် ဖြစ်၍- ကဲ့ရဲ့ခြင်းကား လုပ်မည် မဟုတ်။
သို့သော်လည်း..
လက်တွေ့ဘ၀တွင် ထိုသို့သော အနေအထားများစွာ ရှိနေလေတော့၏။
နဂါးလှည့် နှင့် ပတ်သက်၍-
“တ၊တန်၊က- နောက်န၊၀ါ၊၀ါ- မြောက်၊တော်၊ကျွတ်၊မုန်း- ရှေ့၊နတ်၊ပြာ၊တွဲ- တောင်၊လူတို့ဘောင်ရှောင်ရန် နဂါးလှည့်”ဆိုသည် ကို မြန်မာ လူမျိုး တိုင်းလိုလို အနည်းနှင့် အများ ကြားဘူးကြ၏။ ဆိုလိုသည်မှာ-
- တပေါင်း၊ တန်ခူး၊ ကဆုန် တို့တွင် နဂါးခေါင်းသည် အနောက်ဘက်-
- နယုန်၊ ၀ါဆို၊ ၀ါခေါင်တို့ တွင် နဂါးခေါင်းသည် မြောက်ဘက်-
- တော်သလင်း၊ သီတင်းကျွတ်၊ တန်ဆောင်းမုန်းတို့တွင်- အရှေ့ဘက်-
- နတ္တော်၊ ပြာသို၊ တပို့တွဲတို့တွင် - တောင်ဘက် သို့ လှည့်သည်ဟု
အမှန်အားဖြင့် ဆိုသော်- နဂါးလှည့်သည် ခရီးသွားခြင်း အရပ်မျက်နှာကို ရွေးချယ်ရန်သာမက- အိမ်ဆောက်ခြင်း၊ ပန္နက် ရိုက်ခြင်း၊ လယ်ယာ မြေ စတင် ထွန်ယက်ခြင်း၊ လက်ဝှေ့ ကိုယ်ခံများ လေ့ကျင့်ရာတွင် လည်းကောင်း၊ ယှဉ်ပြိုင် ထိုးသတ်ရာတွင် လည်းကောင်း- အရပ်မျက်နှာ ရွေးချယ် ရခြင်းများ အထိပင် ပါဝင်၏။
- ထိုနဂါးလှည့် သည် ဘာကို ဆိုလိုသနည်း။
- ထိုနဂါးလှည့် နှင့် မကိုက်ညီလျှင် ဘာဖြစ်မည်နည်း။
- ဘာကြောင့် လက်ဆင့်ကမ်း သင်ကြားခဲ့သနည်း၊
- ထိုနဂါးလှည့်ကို လိုက်နာသူတို့ လည်းရှိ၏။
- ထိုနဂါးလှည့်ကို မလိုက်နာသူတို့ လည်းရှိ၏။
- ထိုနဂါးလှည့်ကို လိုက်နာသူတို့ အားလည်း ဝေဘန်ရှုံ့ချသူတို့ ရှိ၏။
- ထိုနဂါးလှည့်သည် ဘာဆိုလိုမှန်း မသိပဲ နှင့်- “လုံးဝ အဓိပ္ပါယ်မရှိ” ဟူသော စကားဖြင့်- တစ်ချက်တည်း အပိုင်အနိုင် ဝေဘန် စော်ကားသူများလည်း ရှိ၏။
ဟိန္ဒူကျမ်းများစွာ တွင်- မြန်မာကျမ်းများ လောက် နဂါးလှည့်ကို ဦးစားပေး ဖေါ်ပြ ရေးသား သည်ကို ကျွန်တော် ယခု အချိန်အထိ မဖတ်ဘူး မကြုံဘူးသောကြောင့်- ထိုနဂါးလှည့်သည်- ဗြဟ္မဏ ၀ါဒ ဖြစ်သည် ဟု ကျွန်တော် မသိ၊ ဝေဘန် ပြောသူများက အနေဖြင့်- ကျွန်တော် မဖတ်ဘူးသော ကျမ်းတို့ကို ဖတ်ဘူးသဖြင့်သာ ဤသို့ ပြောနိုင်ခြင်း ဖြစ်မည် ဟု ယူဆမိ၏။
မြန်မာ့ နက္ခတ် ပညာသည် ဟိန္ဒူ နက္ခတ်ပညာကို အမှီပြုသော်လည်း- ဟိန္ဒူ နက္ခတ် ပညာနှင့် မြန်မာ့ နက္ခတ်ပိုင်း မတူညီ၊ ကွဲပြားသည်များ၊ ဦးစားပေး မတူညီသည်များ၊ ထပ်ဆင့် ပါရှိသည့် အချက်များ စသည် တို့ကို တော့- ကျွန်တော် အနည်းငယ်သိထား၏။
လွန်ခဲ့သော- အနှစ် ၃၀ ခန့်- ကျွန်တော် ငယ်ရွယ်စဉ်က- ဆရာကြီး မင်းသုဝဏ်၏ “မိုးပေါ်မှ ကြယ်တစ်လုံး စာအုပ်” ကို ဖတ်မိခဲ့ဘူးသိမှ စ၍- နဂါးလှည့် ဆိုသည်မှာ- နဂါးငွေ့တန်းကြီး၏ လှည့်သွားသော အရပ် မျက်နှာ အနေအထားကို ဆိုလိုခြင်း ဖြစ်မည် ဟု ရိပ်စားမိခဲ့ပါသည်။ ဆရာကြီး အနေဖြင့်- မြန်မာတို့ ဆိုရိုးပြုသော နဂါးလှည့် နှင့် မီလ်ကီးဝေး ခေါ် နဂါးငွေ့တန်းကြီး ကို ဆက်စပ် ပြခြင်း မရှိခဲ့သော်လည်း- ဆရာကြီး- အနေဖြင့်- ဇန်န၀ါရီလတွင်- နဂါးငွေ့တန်းသည် အရှေ့တောင်ထောင့်မှ အနောက်မြောက် ထောင့်သို့ သွယ်တန်း နေသည်ဟု ဖေါ်ပြခဲ့သည်။ ထိုစဉ် ကျွန်တော် ၈-တန်း ကျောင်းသား အရွယ်ခန့်က- ကောင်းကင်တွင် သတိပြုမိသော နဂါးငွေ့တန်း ၏ လက်တွေ့ မြင်တွေ့ ရရာ အရပ်မျက်နှာ နှင့်- “… “နတ်၊ပြာ၊တွဲ- တောင် ” ဆိုသော နဂါးလှည့် ကဗျာ လေးကို ဆက်စပ်မိရာမှ ဆက်စပ်မိခြင်း ဖြစ်၍- သေချာသည် ဟူ၍တော့ မယူဆခဲ့ပါချေ။
နောက်ပိုင်း နှစ်ကာလများတွင်- သတိရ၍ ကောင်းကင်ကြည့်မိပြန်တော့လည်း- တိမ်ထူထပ်သော ကာလများ၊ မိုးရာသီ ကာလများ နှင့် ကြုံပြန်၍ လည်းကောင်း၊ နဂါးငွေ့တန်းသည် မိုးကုတ် စက်ဝိုင်း နှင့် ကပ်သွားသော ကာလများကြောင့်- အဆောက်အဦ များနှင့် ကာနေပြန် သဖြင့် မမြင်ရနိုင်သဖြင့် လည်းကောင်း ထိုဆက်စပ်မှု ဆိုလိုရင်းကို အခိုင်အမာ မသိခဲ့မိပဲ- မေ့မေ့ပျောက်ပျောက် လိုလို ဖြစ်ခဲ့မိ၏။
ကြုံကြိုက်၍ - နက္ခတ်ဆရာများ၊ ဆရာကြီးများအား မေးမြန်းကြည့်မိသလောက်တွင်လည်း- ရေရေ ရာရာ အဖြေမရခဲ့သလို- စာအုပ် စာတမ်းများ တွင် ဆက်စပ် ရေးသားမှုများကို မဖတ်ခဲ့ရပါပေ။
နက္ခတ် ပညာရပ်များ နောက်ပိုင်း လေ့လာ ရာတွင်လည်း- အခြေအနေ ကို ပို၍ - ရှုပ်ထွေးသွားစေနိုင်သည့် အချက်ဖြစ်သော- အနောက်တိုင်း အနေဖြင့် ကင်းမြီးကောက်ပုံ ယူဆသော ဗြိစ္ဆာရာသီ ကြယ်စုကြီးကို မြန်မာတို့က- ကြယ်နဂါးဟု ခေါ်၍- အနုရာဓ သည် နဂါးခေါင်း၊ ဇေဋ္ဌ ကြယ်ကြီးသည် နဂါးချက် ဟု လည်းကောင်း၊ နဂါး နှလုံး ဟု လည်းကောင်း ထပ်ပြောပြီး- ထိုကြယ်စုကြီး သည် နဂါးလှည့် ဖြစ်သည်ဟုပင် ပြောဘူးသူ ပညာရှင် တို့ကိုလည်း ကြုံဘူး ခဲ့ပါ၏။ ကျွန်တော့် အနေဖြင့် ဗြိစ္ဆာရာသီ ကြယ်စုကြီးကို နဂါးလှည့် ရွေးရာတွင် ဆိုလိုသော နဂါး မဟုတ်နိုင်ကြောင်း၊ နဂါးလှည့် သည် နဂါးငွေ့တန်းကို ဆိုလိုကြောင်း လက်ခံ သိရှိထားမိ သော်လည်း- အထောက်အထား သေသေချာချာ ဆက်စပ် မပြနိုင်ခဲ့ပါချေ။
လွန်ခဲ့သော ၃-နှစ် ခန့်၊ သက္ကရာဇ် ၂၀၁၀- တွင် ယခု အောက်ပါ ပုံတွင် ဖေါ်ပြထားသည့် Planisphere ကို ကျွန်တော် ၀ယ်ယူခဲ့၏။
Planisphere ကို အသုံးပြုပုံကို ဤဆောင်းပါးတွင် ဖေါ်ပြပေးမည် မဟုတ်သေးသော်လည်း- ၄င်းတွင်- နဂါးငွေ့တန်း ကို ဖေါ်ပြထား၏။ ထိုအခါတွင်- မြန်မာ လ-များအရ- နဂါးငွေ့တန်း ကို လှည့်ကြည့်နိုင်ခြင်းဖြင့်- ရှေးလူကြီး သူမ တို့၏ နဂါးလှည့် ကို အတိအကျ မြင်တွေ့ရတော့၏။
စာဖတ်သူ အနေဖြင့်- ယခု ဖေဖေါ်ဝါရီ လ-လယ်ပိုင်းကာလ- ပိုင်း ညဥ့်သန်းခေါင် ခန့်တွင်- ကောင်းကင်အား ကြည့်လိုက်ပါက- တောင် ဘက်မှသည်- အနောက်မြောက်သို့ သွယ်တန်းနေသည့်- နဂါးငွေ့တန်းကြီးကို တွေ့ရပါလိမ့်မည်။ ဤပုံတို့မှာမူ Stellarium ပရိုဂရမ်ဖြင့် အသုံးပြု ဖေါ်ပြထားခြင်း ဖြစ်၏။ အထက်တွင် ဖေါ်ပြခဲ့သော ၀ယ်ယူထားသည့် Planisphere ကို လှည့်၍- ဖေါ်ပြမည် ဆိုပါက- အချို့လများတွင်- နဂါးငွေ့တန်း ကို ကွယ်သွားသော အနေအထားကြောင့်- Stellarium မှ ပုံဖြင့် ဖေါ်ပြရခြင်း ဖြစ်ပါ၏။
နောက် ၂-လ အကြာ၊ ဧပြီလ လယ်ပိုင်းတွင်မူ နဂါးငွေ့တန်း အနေဖြင့်- မိုးကုတ် စက်ဝိုင်း နှင့် နီးစပ်စွာ အောက်ခြေတွင် ကပ်သော အနေအထားသို့ ရောက် နေသည်ကို- မိုးတိမ် ကင်းစင်ပါ၍- မြို့နှင့် ဝေးကွာသော ဒေသမှ သွားရောက် ကြည့်ရှုပါက- မြင်ရပါလိမ့်မည်။ မြို့နှင့် နီးလျှင်မူ- မြို့မှ လျှပ်စစ် အလင်းရောင် များကြောင့် Light Pollution ဖြစ်ကာ - မြင်နိုင်ရန် ခက်ခဲနိုင်ပါသည်။
ဆက်လက် ဖေါ်ပြထားသော စက်ဝိုင်းပုံမှာ ဧပြီလ တွင် နဂါးငွေ့တန်း အနေအထားကို မြင်ကွင်း ခြုံ့ကြည့်လိုက်သော ပုံ ဖြစ်သည်။
ကျွန်တော့် ကိုယ်ပိုင် Planisphere
အနောက်နိုင်ငံသုံး Planisphere များတွင် အနောက် နိုင်ငံသုံး Contellation များ၊ Galaxy နှင့် ကြယ်များသာ ပါသဖြင့်- မြန်မာ နက္ခတ်၊ တာရာ အမည်များကို မိမိစိတ်ကြိုက် ထည့်နိုင်ရန်၊ လိုချင်သည်ကို မြင်ရပြီး၊ မလိုချင်သည် များကို ဖျောက်ထားနိုင်ရန်၊ AutoCAD ဖြင့် ကိုယ်ပိုင် Planisphere တည်ဆောက် ခဲ့ရပါတော့၏။
အင်တာနက် စာမျက်နှာများတွင် အခမဲ့ ပေးထားသော- Planisphere များတို့ ရှိသော်လည်း- ရက်စွဲများတွင်- (ဥပမာ ၃၁-ရက်၊ ၂၈-ရက်) စသည် တို့ အတိအကျ မဟုတ်ပဲ- တစ်လလျှင် ရက် ၃၀ ဖြင့်- ပိုင်းဖြတ်ပေးထားသော အနေအထားများ ဖြစ်တတ်ကြသဖြင့် ကျွန်တော် သဘောမကျ။
ထို့ကြောင့် ကျွန်တော်က- ကိုယ်ပိုင် ရက်စွဲက အစ- အသေအချာ ပိုင်းဖြတ်လုပ်ခဲ့ရ၏။ (ဖေဖေါ်ဝါရီ ၂၉-တော့ မထည့်နိုင်ပါချေ။) နက္ခတ် တာရာ အမည်များ နှင့် တကွ နဂါးငွေ့တန်းကိုပါ ထည့်ရေး၏။
ယခုဆောင်းပါးတွင်- နဂါးငွေ့တန်းကြီး လည်ပါတ်သွားပုံ- တစ်နည်းအားဖြင့် နဂါးလှည့်ကို ဖေါ်ပြနိုင်ရန် အတွက် အောက်ပါ အတိုင်း အရပ်မျက်နှာ နှင့် အချိန်နာရီ ဖေါ်ပြထားသည့် ဖရိမ် တစ်ခုကို ဆွဲလိုက်ပါ၏။ အရပ်မျက်နှာများ ဖေါ်ပြထားပုံ ထူးခြား နေခြင်းသည်- အီကွေတာ၏ မြောက်ဘက် တွင် ရှိသော မြန်မာ ပြည်အတွက် အဆင်ပြေစေရန် ဖြစ်၏။ (မြောက်လတ္တီတွဒ် ၂၀ ဒီဂရီ ခန့်အတွက် ရေးဆွဲထားသည်။) အီကွေတာ နှင့် တစ်တန်းမျှ ရှိသော စင်္ကာပူ အနေဖြင့် မူ အရှေ့ အနောက် အနေအထားသည် တစ်တန်းတည်း ဖြစ်၏။
ဆက်လက် ရှင်းပြထားသော ပုံများတွင်- ဖရိမ်ကို မူသေ ထားပြီး- ဖရိမ်ရှိ ညသန်းခေါင် အချိန် နှင့်- အလယ်၍ နက္ခတ်ပုံများပါသော Planisphere စက်ဝိုင်း မှ မိမိ သိလိုသော ရက်စွဲကို ကိုက်ညီအောင် ထားပြီး- နဂါးလှည့် အနေအထားကို လှည့်ကြည့်ခြင်း ဖြစ်၏။ (စာသားများ ပြောင်းပြန် ဖြစ်နေခြင်း သည်- ပြင်ပတွင် လက်တွေ့ သုံးစွဲသော အခါ မိမိ ကြည့်လိုသော အရပ်သို့ လူက မျက်နှာမူပြီး- Planisphere တွင် ထိုအရပ်မျက်နှာကို အောက်ဘက် ထားခြင်းဖြင့် ၄င်းမှ ဖေါ်ပြချက်များကို အတည့် ပြန်ဖတ်၍ ရအောင် လုပ်ထားရသောကြောင့် ဖြစ်၏။)
တ၊ တန်၊ က- နောက် ဆိုသည့် အတိုင်း- Mar, April, May လများတွင် (ယခုပုံသည် မတ်လ ကို ပြထားခြင်း ဖြစ်ပြီး- ဧပြီလ အထိ နာရီ လက်တံ ပြောင်းပြန် အတိုင်း လှည့်ကြည့်ပါသော် - နဂါးခေါင်းသည်- မတ်လတွင် အနောက်တောင် (အနောက်ဘက် နှင့် ပိုနီးသည်။) မှ- ဧပြီလတွင်- အနောက်၊ မေလ တွင် အနောက် နှင့် အနောက်မြောက် အကြား- သို့ လည်လာသည်ကို တွေ့ရပါမည်။
ဆက်လက်၍ လေ့လာပါကလည်း-
နယုန်၊ ၀ါဆို၊ ၀ါခေါင် ဟူသော- ဇွန်၊ ဇူလိုင်၊ သြဂုတ် လများတွင်- နဂါးခေါင်းသည် အနောက်မြောက်၊ မြောက်နှင့်၊ အရှေ့ မြောက်သို့ လှည့်လာသည် ကို လည်းကောင်း-
အရှေ့မြောက်၊ အရှေ့ နှင့် အရှေ့တောင် သို့လည်းကောင်း (တော်၊ ကျွတ်၊ မုန်း- ရှေ့)
နတ္တော်၊ ပြာသို၊ တပို့တွဲ လများတွင်- နတ်၊ ပြာ၊ တွဲ တောင် ဆိုသည့် အတိုင်း- အရှေ့တောင်၊ တောင်၊ အနောက် တောင် အတိုင်း လှည့်လာသည်ကို လည်းကောင်း တွေ့ကြရပါမည်။
ရိုးရာ ယုံကြည်မှု တို့နှင့် ပတ်သက်၍-
နိုင်ငံတိုင်း လူမျိုးတိုင်းတွင် ရိုးရာ ထုံးတမ်း အစဉ်အလာများ ရှိခဲ့ကြပါသည်။
ထိုရိုးရာ ထုံးစံတို့သည်- ထိုနိုင်ငံ ထိုလူမျိုးတို့၏ ယဉ်ကျေးမှု ကို ယခင် နှစ်ပေါင်း များစွာ ပြသခဲ့သလို၊ ယခုလည်း ပြသ နေလျှက် ရှိပါ၏။
ကိုယ်ပိုင် ယဉ်ကျေးမှု အားနည်းသော နိုင်ငံများအား- ပြင်ပ နိုင်ငံကြီးများသည် စစ်အင်အား၊ လက်နက် အင်အား တို့ဖြင့် လွှမ်းမိုးပြီးနောက် ယဉ်ကျေးမှု အားနည်းသည့် ထိုနိုင်ငံအား-၄င်းတို့ နိုင်ငံ အဖြစ်သို့ လုပ်ပစ်လိုက်ခြင်းကို- အမေရိကန် မူရင်း ဒေသခံ တိုင်းရင်းသားများ ဖြစ်သော ရက်ဒ် အင်ဒီးယန်း မျိုးနွယ်စု များစွာများ၊ သြစတြေးလျ နှင့် နယူးဇီလန် ကဲ့သို့သော နိုင်ငံများတွင် အဘိုးရီးဂျင်း ဒေသခံ လူမျိုးများ၏ အဖြစ်တို့ က သက်သေခံ ခဲ့၏။ အကယ်၍ စာရှုသူသည်- အမေရိကန် နိုင်ငံ၏ လွန်ခဲ့သော သမိုင်းတို့ကို လေ့လာခဲ့မည် ဆိုပါက- ဒေသခံ အင်ဒီးယန်း လူမျိုးတို့ အနေဖြင့် ငွေရှိလျှင် သော်မှ- စားသောက်ဆိုင်၊ လဘက်ရည်တို့ ၀င်ခဲ့မည် ဆိုသော်- ခွေးမောင်း သကဲ့သို့ မောင်းထုတ်ခံခဲ့ရကြောင်း စသည်တို့ကို သိနိုင်မည် ဖြစ်၏။
ယဉ်ကျေးမှု အထောက်အထား ထင်ရှားစွာ သက်သေ မပြနိုင်သော နိုင်ငံတို့အား- ထိုနိုင်ငံကြီးများက- ယဉ်ကျေးအောင် ပြုလုပ် ပေးသည် Civilization ဟူသော ဝေါဟာရဖြင့်- ထိုနိုင်ငံများအား သူတို့ပိုင် နိုင်ငံများ အဖြစ်သို့ အသွင်ပြောင်းလိုက်တော့၏။ မူလ ဒေသခံ တိုင်းရင်းသား တို့မှာမူ- အိမ်ရှင် စစ်စစ် ဖြစ်ပါလျှက် မီးဖိုချောင် နှင့် အစေခံ တန်းလျားတို့ ရောက်သွားကာ- လုယက်သူက အိမ်ဦးခန်း တွင် နေရာရပြီး သခင်ဖြစ်သွားတော့၏။
ကိုယ်ပိုင် ယဉ်ကျေးမှု အားကောင်းသော- သမိုင်း ပြယုဂ် အထင်ကရ ရှိခဲ့သော တိုင်းပြည် နိုင်ငံတို့ကို ကျူးကျော် ရာတွင်မူ ၄င်းတို့၏ အရုပ်ဆိုးမှု မှာ ထင်ရှား အကျည်းတန် သွား သောကြောင့် ကိုယ်ပိုင် အိမ် လုပ်ခွင့် မရပဲ- အချိန်တန်ယင် ပိုင်ရှင်ထံ ပြန်အပ်ရသော အနေအထားသို့ ရောက်သွား၏။
ဤသည်မှာ ယဉ်ကျေးမှု သည်- နိုင်ငံ တစ်နိုင်ငံအား မည်သူက ပိုင်ရှင် အစစ် ဖြစ်သနည်း ကို ပြသနိုင်သော အဓိက အကြောင်း အချက် တစ်ခု ဖြစ်သည် ကို ဆိုလိုရင်း ဖြစ်၏။
မြန်မာစာပေ၊ မြန်မာ ယဉ်ကျေးမှု၊ ထီးနန်း အစဉ်အလာ အားလုံးတို့တွင်- မြန်မာ့ နက္ခတ်ပညာ အပါ အ၀င် မြန်မာ့ ရိုးရာ ရှေးဟောင်း ပညာရပ်များ သည် ထာဝရ ယှဉ်တွဲ နေခဲ့၏။ တစ်ဘက်သူတို့က မြန်မာ့တို့အား အရိုင်းအစိုင်း များဟု ပြောမရ နိုင် သာ- ယဉ်ကျေးမှု သမိုင်း အထင်ကရ ရှိထားခဲ့၏။
မှန်သည် ဖြစ်စေ- မှားသည် ဖြစ်စေ၊ လက်ခံလိုသည် လက်မခံလိုသည် ဖြစ်စေ- မြန်မာ့ ယဉ်ကျေးမှု၏ အစိတ် အပိုင်း ဖြစ်ခဲ့သော မြန်မာ့ ရှေးပညာ များသည် မြန်မာ တို့- ယခုအထိ- မြန်မာနိုင်ငံ အဖြစ် တည်နေခြင်း အချက်ပေါ်တွင် ကျေးဇူးရှိသည် ဆိုသည်ကို မည်သူ ငြင်းနိုင်အံ့နည်း။
ထိုကျေးဇူးတရားကို မြန်မာ့ စာပေ၊ မြန်မာ့ ယဉ်ကျေးမှု သမိုင်းတို့ကို လေ့လာသူ အချို့သာ သိနိုင်လျှက်- အများစု အနေဖြင့် ရုတ်တစ်ရက် မမြင်နိုင်ပါပေ။
သို့ဆိုလျှင်- မြန်မာ့ ရိုးရာ အယူအဆ များကို အဓိပ္ပါယ် မရှိ ဟု သတ်မှတ် စော်ကား နေသူတို့က တစ်မျိုး၊ ဘာသာရေး ၏ ရန်သူ အသွင် အရောင်ချယ် နှိပ်ကွပ် နေသူတို့က တစ်ဖုံ သေးသိမ် အောင် လုပ်နေကြခြင်းသည် သင့်တော်သော လုပ်ရပ် ဖြစ်မည် ဟု စာရှုသူ ထင်ပါသလား။
ရှေးရိုးရာ အဖြစ် လက်ဆင့်ကမ်းခဲ့သော မြန်မာ့ ဗေဒင် ပညာသည်-
အခြားခြားသော ပညာများကဲ့သို့ ပညာပင် ဖြစ်၍- လိုင်းခွဲအမျိုးမျိုး၊ အယူအဆ အမျိုးမျိုး၊ နည်းမူ အမျိုးမျိုး ရှိ၏။
- ကောင်းကင် နက္ခတ်ပညာသည်သာ ဗေဒင် ဖြစ်သည်ဟူ၍ လည်းကောင်း။
- နက္ခတ္တဝေဒ ပညာသည်သာ ဗေဒင် ပညာဖြစ်သည် ဟူ၍ လည်းကောင်း၊
- မဟာဘုတ်သည် သာ ဗေဒင်ပညာ ဖြစ်သည်ဟူ ၍လည်ကောင်း၊
- ရက်ရာဇာ၊ ပြဿဒါး ရွေးချယ်မှုသည် ဗေဒင် ပညာဖြစ်သည်ဟု ၍ လည်းကောင်း ယူမှတ်ကြသော်-
တစ်ဘက်လူ၏ ယုံကြည်မှု သည်- သူကိုယ်တိုင် နှင့် လူ့ပါတ်ဝန်းကျင်အား ဘေးဥပါဒ် မဖြစ် စေနိုင်သ၍ ထိုယဉ်ကျေးမှု အား အသိအမှတ် ပြု ထိမ်းသိမ်း သင့်ကြောင်းကို - ကျွန်တော့် အနေဖြင့်- “ယုံကြည်မှု၊ ကြောင်းကျိုးတရား နှင့် အစွန်းရောက်မှုများ” ဆောင်းပါးတွင် ရေးသားခဲ့ပါ၏။
ယုံကြည်မှုတို့တွင် မိမိ မသိနိုင်သော နောက်ခံ အကြောင်းရင်းများ ရိုနိုင်ကြောင်းကိုလည်း ထိုဆောင်းပါးတွင် ဖေါ်ပြခဲ့ပါ၏။
အစွန်းရောက်သော ယုံကြည်မှုများဖြစ်သည့်-
လူတိရစ္ဆာန် တို့၏ အသက်ဖြင့် ယဇ်ပူဇော်ခြင်း စသော အစွန်းရောက်သည့် ယုံကြည်မှုမျိုး မဟုတ်လျှင်- သရဏဂုံ ပျက်လောက်သည် အထိ အစွန်း မရောက်လျှင်-
ဗေဒင်ယုံ၍- ယတြာချေခြင်း၊ အချိန်အခါ ရွေးခြင်း၊ နဂါးလှည့် ရွေးခြင်း၊ ရက်ရာဇာ ဆောင်၊ ပြဿဒါး ရှောင်၊ သမားဖြူ၊သမားညို၊ ရက်ယုတ်မာ ရွေးခြင်းတို့သည်- မည်သူ့အားမျှ ဒုက္ခပေးသော၊ ကာယကံရှင်၏ ရွေးချယ်မှု သာ ဖြစ်၍-
ထိုသူ အနေဖြင့် ဘာသာရေး ဆိုင်ရာ အယူအဆ အရ ရရှိ နိုင်သော အပြစ် နှင့်- မိမိ အလုပ်ကို မိမိ ကောင်းစွာ မလုပ်သော၊ မိမိ ၏ ပတ်ဝန်းကျင် ကို စောင့်ရှောက် ရမည့် အစား လောဘ ကြောင့် ဒုက္ခပေးသူ အဖြစ် ရောက်သွားကြသော- အကျင့်ပျက် အရာရှိများ၊ အကျင့်ပျက် ၀န်ထမ်းများ၊ ဂုဏ်သိက္ခာ မစောင့်စည်း သော-လူမှု လောက ၀န်ထမ်း အချို့ နှင့် တရားဥပဒေ စိုးမိုးရေး ဆိုင်ရာ ပုဂ္ဂိုလ်များ ၏ အပြစ်တို့ မည်သည်က ပိုကြီး အံ့နည်း။
ဘာသာရေး လမ်းညွန် သင်ပြသူတို့သည် ဗေဒင် ယုံသူတို့ကို ၏ အမှားကို ထောက်ပြ သကဲ့သို့- ထိုသူတို့၏ အပြစ်ကိုရော ထောက်ပြ ဟောကြား ကြပါသည် လား။
မည်သည့် အပြစ်ကို ထောက်ပြ ကြသည်က ပိုများသနည်း။
မည်သည်ကြောင့် နည်း။
ကျွန်တော့် အမြင် ကျွန်တော် သိသမျှ ဖြင့်- ရှေးလူကြီးတို့၏ နဂါးလှည့် သည် မည်သည်ကို ဆိုလိုကြောင်း တတ်နိုင်သရွေ့ တင်ပြခြင်းသာ ဖြစ်ပါသည်။
ယခုအခါ-
ကမ္ဘာ မှ မြင်ရသော နေထက် အဆများစွာ အင်အားကြီးသော နေမင်းကြီးပေါင်း ဘီလျံများစွာ ရှိသည့် - ဘလက်ဟိုးလ် ခေါ် စကြာဝဠာ ကျွင်းနက်ကြီးများ ရှိသည့် ထို နဂါးငွေ့ကြီး၏ အနေအထားကို နာဆာ NASA အနေဖြင့်- သိရှိထားပြီး ဖြစ်ရာ- ထိုစွမ်းအင် တို့ အကြောင်းကို တစ်စုံ တစ်ရာ သိခဲ့ကြသော- မြန်မာ ရှေးလူကြီးများက- နှောင်းလူ တို့အတွက် စေတနာဖြင့် ညွန်ပြခဲ့ခြင်း ဖြစ်သည် ဟု ကျွန်တော် ယုံကြည်ပါ၏။
“ဟဲ့ စလောင်းဖုံး ၂-ချပ် မတီးနဲ့- တီးယင် ကျားကိုက်တတ် တယ်” ဟု- စလောင်းဖုံးများ မကွဲရန် ရည်ရွယ်၍- ကျားကြောက် သည့် ကလေးကို တားမြစ် ခဲ့သော စကားကို - အပေါ်ယံ သဘောယူ၍- အဓိပ္ပါယ်မဲ့သည် ဟု ဆိုမည်လား။ လိုက်နာ ခြင်း ဖြင့် တော့ အကျိုး မယုတ် နိုင်ဟု ကျွန်တော် မြင်ပါ၏။
ဤဆောင်းပါးတွင် ဖေါ်ပြခဲ့သော နဂါးလှည့် အကြောင်းသည်- ရှေးမြန်မာ လူကြီး သူမများက လက်ဆင့်ကမ်း လမ်းညွှန် ခဲ့ခြင်း ဖြစ်၍- မိမိ အနေဖြင့် လက်ခံ လိုလျှင် လက်ခံ၍ လက်မခံလိုလျှင် လည်း လက်မခံယုံသာ ဖြစ်ပါသည်။
အကယ်၍- နဂါးလှည့် ကို လိုက်နာခြင်းဖြင့်- သင့်အနေဖြင့် အကျိုးပျက်စရာ များ ရှိနိုင်ဆိုလျှင်လည်း-
မလိုက်နာပဲ နေလိုက်ရုံ ပင် ဖြစ်၏။
သို့သော် အထင်သေး ပုတ်ခတ်ခြင်း မလုပ်သင့်သော အရာများ ဖြစ်သည်ဟု ကျွန်တော် ထင်မိပါသည်။
ကျွန်တော့် အနေဖြင့် မှန်လျှင်လည်း မှန်ပါမည်။ မှားလျှင်လည်း မှားနေပါလိမ့်မည်။
အဘယ့်ကြောင့် ဆိုသော်- ကျွန်တော်သည်- အထက်တွင် ဖေါ်ပြခဲ့သည့် အတိုင်း ကျွန်တော့် အကြောင်းပင် ကျွန်တော် မသိသောကြောင့် ဖြစ်တော့၏။
အားလုံး ချမ်းမြေ့ပါစေ။
နျူမာန် (မိုးတား)
