Sunday, January 20, 2013

ကောင်းကင် နက္ခတ် တို့နှင့် မိတ်ဆက်ခြင်း။


အာရညိကေန ဘိက္ခဝေ ဘိက္ခုနာ နက္ခတ္ထပဒါနိ ဥဂ္ဂဟေ တဗ္ဗာနိ သကလာနိဝါ ဧကဒေသာနိဝါ ဒိသာကုသလေန ဘ၀ိတဗ္ဗံ။
ဘိက္ခဝေ - ချစ်သား ရဟန်းတို့၊ အာရညိကေန- တော အရပ်၌ သီတင်းသုံး နေထိုင်သော၊ ဘိက္ခုနာ- ရဟန်းသည်၊ သကလာနိ- အလုံးစုံကုန်သော၊ နက္ခတ္ထ ပဒါနိဝါ- နက္ခတ် အဖို့တို့ကို လည်းကောင်း၊ ဧကဒေသာနိဝါ တစ်စိတ် တစ်ဒေသ ဖြစ်ကုန်သော၊ ပဒါနိဝါ- နက္ခတ် အဖို့တို့ကို လည်းကောင်း၊ ဥဂ္ဂဟေ တဗ္ဗာနိ- သင်ယူ မှတ်သား လေ့လာ အပ်ကုန်၏။ ဒိသာကုသလေန- အရှေ့ အနောက်၊ တောင်နှင့် မြောက် စသော အရပ်မျက်နှာတို့၌ သိမြင် လိမ္မာကျွမ်းကျင်ခြင်းသည်၊ ဘ၀ိတဗ္ဗံ- ဖြစ်ရာ၏။ရဟန်းတို့- သင်တို့သည် ညဥ့်အခါ၌ အမှောင်ထု ဖုံးအုပ် နေမှုကြောင့် အရှေ့၊ အနောက်၊ တောင်နှင့် မြောက် စသည်အရပ် ဌာန တို့ကို သာမာန်အားဖြင့် မသိနိုင်၊ နက္ခတ်ပညာကို တတ်မြောက် ထားပါက- ညဥ့်အခါ၌ ခရီးသွားလာမှု မခဲယဉ်းပေ၊ နက္ခတ်ကို ကြည့်၍ မိမိ လိုရာခရီးသို့ မျက်စိလည် လမ်းမှားခြင်း မရှိပဲ လွယ်ကူစွာ ခရီးသွားလာနိုင်၏။ သို့အတွက် ကြောင့် ရဟန်းတို့သည် အသ၀နီ ဘရဏီ ကြက္တိကာ အစရှိကုန်သော ၂၇ လုံးသော နက္ခတ်တို့ကို သင်ယူ မှတ်သား လေ့လာအပ်ကုန်၏။
ဟူ၍ ဘုရားရှင် မိန့်တော်မူခဲ့ပါ၏။

မြန်မာစာပေ ကဗျာတို့တွင်လည်း ကောင်းကင် နက္ခတ် တို့အကြောင်းကို ရှေးစာဆိုတို့ အနေဖြင့် စပ်ဆို ထားခဲ့သည်များ- များစွာ ရှိခဲ့ပါ၏။

တစ်ဖန်- နက္ခတ်ကို အခြေပြု၍- လူတစ်ယောက်ချင်း အတွက် ဟောပြောချက်၊ တိုင်းပြည် နှင့် လူသားတို့ ဆိုင်ရာ ဟောပြောချက် တို့ကို ဟောပြောသော ပညာရပ် အား“နက္ခတ္တ နယ ပညာ” ဟူခေါ်၍- ကျွန်တော်တို့ လေ့လာ နေကြသော နက္ခတ် ဗေဒင် ပညာရပ် ကြီး ၏ အစိတ်အပိုင်း တစ်ပိုင်း ဖြစ်သော “အမြင် နက္ခတ် ပညာ” ဖြစ်၏။
အမှန်အားဖြင့် အမြင် နက္ခတ် ပညာသည် Astronomy ခေါ် အာကာသ သိပ္ပံပညာ စစ်စစ် ဖြစ်၏။ 

ထူးခြားသည်က မြန်မာပြည်တွင် ကောင်းကင် နက္ခတ်ကျမ်း ကို ပြုစုခဲ့သူ ကျေးဇူးရှင်ကြီးများ ဖြစ်ခဲ့ကြသော- မုံရွေး ဇေတ၀န် ဆရာတော်- (အာကာသ စာရီပျို့)၊ မဟာဓမ္မသင်္ကြန်- (နေမိတ္တက ၀ိဇ္ဇာကျမ်း)၊ လှေသင်း အတွင်း ဦချိန် (ဝေါဟာရလိ နတ္ထဒီပနီ) တို့သည် - အာကာသ နက္ခတ် သိပ္ပံ ပညာရှင် ဟု ခေါင်းစဉ်တပ် ကြေညာခဲ့ခြင်း မရှိခဲ့ကြ။

ထိုနည်းတူ- လူငယ်များ အတွက် ကောင်းကင် နက္ခတ်များ အကြောင်း မိတ်ဆက် ပေးခဲ့သည့်  ဆရာကြီး မင်းသုဝဏ် (မိုးပေါ်မှာ ကြယ်တစ်လုံး)၊ သည် လည်းကောင်း၊ ကဗျာ နှင့် စာပေ ပညာရှင်ကြီးများ ဖြစ်ကြသော - မန်လည် ဆရာတော် (မဃဒေ၀)၊ ရှင်မဟာ ရဋ္ဌ သာရ (တံတားဦး မင်္ဂလာစေတီ သမိုင်း)၊ ဖိုးသူတော် ဦးမင်း၊ ကင်းဝန်မင်းကြီး၊ စုံနံသာမြိုင် ဦးကျော့ စသည့် စာပေ ပညာရှင် ကျေးဇူးရှင်ကြီးများ ကလည်း ၄င်းတို့သည် အာကာသ နက္ခတ် သိပ္ပံ ပညာရှင် ဟု ခေါင်းစဉ်တပ် ကြေညာခဲ့ခြင်း မရှိခဲ့ကြ။

သို့သော် သူတို့သည် အာကာသ နက္ခတ်တာရာတို့ အကြောင်းကို ရေးဖွဲ့ စပ်ဆို ပညာပေး သွားကြသူများ ဖြစ်သဖြင့်- သူတို့တွင် အာကာသ နက္ခတ်တာရာတို့ဆိုင်ရာ သုတပညာများ ရှိသည် ကို မည်သူမျှ မငြင်းနိုင်ပါ။
နိုင်ငံတကာ- နက္ခတ်ပညာ အဖွဲ့အစည်းကြီး ဖြစ်သော NASA စသည်တို့တွင် လေ့လာ နေကြသော နက္ခတ်ပညာရှင် စစ်စစ် Professional Astronomer တို့တွင်မူ များစွာ အဆင့်မြင့်သော သိပ္ပံဆိုင်ရာ နက္ခတ် သဘောများရှိ၏။

နိုင်ငံတကာ နက္ခတ်ပညာ တွင်- အပျော်တမ်း နက္ခတ်ပညာရှင် Amateur Astronomer တို့၏ မူကြို အဆင့်တွင်ပင်- အောက်ပါတို့ကို ကောင်းစွာ သိရှိထားရ၏။
- ကောင်းကင်ဆိုင်ရာ ထြီဂိုနိုမေထြီ celestial trigonometry နှင့် သင်္ချာကျွမ်းကျင်မှု။
- စကြာဝဠာ နှင့် နေစကြာဝဠာ အကြောင်း။ Universe and Solar System
- ရူပဗေဒ နှင့် ဓါတုဗေဒ ဆိုင်ရာ အတိုင်းအတာ တစ်ခု အထိ ကျွမ်းကျင် နားလည် တွက်ချက် နိုင်မှုများ။
အမေရိကန် အချို့ဒေသများနှင့်၊ ဥရောပ နိုင်ငံများစွာ တွင် နွေရာသီ အိမ်များ Summer House များတွင် မှန်ပြောင်း များ တပ်ဆင်ထားကြပြီး- မူလတန်း အဆင့် ကလေးငယ် များ သည်ပင်- ကျွန်တော်တို့ အခေါ် စိတြကြယ် Spica ကိုလည်းကောင်း၊ မြန်မာ အခေါ် မောင်ရှင် ဆိုင်းတန်း ကြယ်စု- Orion Belt စသည် တို့ကိုလည်း ကောင်းစွာ သိထားကြပါ၏။

စင်္ကာပူ လူငယ်များ နှင့် မိုးကောင်းကင် ကို စိတ်ဝင်စားမှု
လွန်ခဲ့သော နှစ်က- လကြတ် သော ညတစ်ညတွင် - စင်္ကာပူ နိုင်ငံ Science Center ရှိ မှန်ပြောင်း ဖြင့်- လကြတ်ခြင်း ကို ကြည့်ရန် စီစဉ်ခဲ့ကြ၏။
လကြတ်မည့် အချိန်သည် နံနက် ၃-နာရီ ခန့်ဖြစ်၏။
ထိုနေ့ရော နောက်နေ့သည်ကား ရုံးပိတ်ရက် မဟုတ်သော်လည်း- ကျွန်တော့် အနေဖြင့်- စင်္ကာပူ နိုင်ငံ နက္ခတ္ထ အဖွဲ့ဝင် တစ်ဦး အနေဖြင့် ထိုပွဲကို သွားရောက် ခဲ့သည်မှ- စင်္ကာပူ ရှိ လူကြီး လူငယ်များ၏ စိတ်ဝင်စားမှုကို လေးစားစွာ မြင်တွေ့ခဲ့ရတော့၏။
ကျွန်တော့်တို့ ရောက်ရှိသည့် ည ၁၁-ခန့်မှ စ၍- လကြတ်ပုံ၊ နေကြတ်ပုံ အမျိုးအစား အမျိုးမျိုး၊ အနေအထား အဆင့်ဆင့် တို့ကို တီဗွီ ဖန်သားပြင် ဖြင့် ရှင်းပြ နေခဲ့ပြီး ထိုအချိန် ကတည်းကပင် လာကြည့်သူ တစ်ထောင်ကျော် ခန့်ရှိ၏။
နံနက် ၃-နာရီခန့်တွင်မူ- စုစုပေါင်း လာကြည့်သူပေါင်း ၃၀၀၀ ကျော်အထိပင် ရှိလာ၏။
နောက်နေ့ မနက် အလုပ်သွားကြရဦးမည့် နိုင်ငံတွင် ဤမျှ စိတ်ဝင်စားမှု ရှိခြင်းကား ကျွန်တော့် အနေဖြင့် အင်မတန်လေးစား ရပါတော့၏။
သို့သော်လည်း- အီကွေတာ နှင့် ကပ်နေသော စင်္ကာပူ နိုင်ငံတွင် တစ်နှစ်လုံး မိုးရွာသွန်းသော ရာသီ ဥတုကြောင့်- မြန်မာနိုင်ငံကဲ့သို့ နက္ခတ် တာရာများ၊ ကြယ်များကို မြင်ရရန် အသာထား၊ လပြည့်နေ့ မှာပင်- လကို တိမ်ဖုံး နေမှုကြောင့် မြင်တွေ့ရန် အလွန်ခက်ခဲ၏။
မည်သို့ပင် ဆိုစေ- ဤမျှ ထူထပ်နေသော တိမ်ထု နှင့် ဖွဲဖွဲကျနေသော မိုးကြားမှ ပင်- လ-ဘယ်လိုကြတ်သည်၊ နေ ဘယ်သို့ ကြတ်သည်ကို စင်္ကာပူ လူငယ်များပင် စိတ်ဝင်တစား လေ့လာ၍ နားလည် နေကြမှာ လေးစား စရာကောင်းလှ၏။
သို့သော်လည်း - လကြတ်ခြင်း ကို အပြည့်အစုံ မမြင်ရမိမှာပင်- သည်းလာသော မိုးကြောင့် အားလုံး ပြန်လာခဲ့ရပါတော့သည်။
ဂြိုဟ်တို့ အမှန် တကယ် နောက်ပြန်သွားသည်လား၊ (မြန်မာ တစ်ချို့ အခေါ် ဖေါက်ပြန်သည်။) နောက်ပြန်သည်ဟု မြင်ရသည်လား၊ ထိုဖြစ်ရပ်တို့သည် မည်မျှ တစ်ကြိမ် ဖြစ်တတ်သည် ဆိုသည် များကို စိတ်ဝင်စားသော နက္ခတ်ပညာရှင် လုံးဝ မဟုတ်သည့် စင်္ကာပူ စသော နိုင်ငံခြား လူငယ်တို့ပင် သိနေကြ သော်လည်း- ထိုကိစ္စများနှင့် ပတ်သက်၍ မြန်မာ တို့၏ နားလည်ထားမှု တို့ကိုမူ မည်သို့ ပြောရမှန်းပင် မသိတော့ပါ။ 

ကောင်းကင် မှ ကြယ် နက္ခတ် တို့နှင့် ဗေဒင် နက္ခတ်တို့ ….
ကောင်းကင်မှ ကြယ်နက္ခတ်တို့ကို အမှီပြု၍ နက္ခတ်ဗေဒင် ပညာရပ် ပေါ်ပေါက်လာသည် မှန်သော်လည်း. ကောင်းကင်မှ နက္ခတ်တို့ နှင့် ဗေဒင်မှ နက္ခတ်တို့၏ တည်နေရာသည် တစ်ထပ်တည်း မကျ။

၃၆၀ ဒီဂရီ စက်ဝိုင်းကို ၃၀- ဒီဂရီ စီ အညီအမျှ ပိုင်းထားသော ဗေဒင် ဆိုင်ရာ ရာသီစက် နှင့် ကောင်းကင်မှ ရာသီဆိုင်ရာ၊ (ဥပမာ- သိဟ်ရာသီ ၊ ဗြိစ္ဆာရာသီ. စသည်တို့မှာလည်း အတန် ကွာခြားမှု ရှိ၏။

တစ်ဖန်- ကမ္ဘာရှိရာ နေစကြာဝဠာ နှင့် အနီးဆုံး ကြယ်တစ်လုံး ဖြစ်သော- မြန်မာတို့ အခေါ် “စိတြ” ဟု ခေါ်သော စပိုက်ကာ Spica ကြယ် သည် ပင်လျှင်- အလင်းနှစ် ၂၆၀ ကွာဝေး၏။ ဆိုလိုသည်မှာ ကျွန်တော်တို့ ယခု မြင်ရသော “စိတြ” ကြယ်၏ အနေအထား နှင့် တည်နေရာ သည် လွန်ခဲ့သော အနှစ် ၂၆၀ မှ အနေအထား ဖြစ်၏။ အကယ်၍ တစ်စုံ တစ်ခုသော အကြောင်းကြောင့် ထိုကြယ်ကြီး ယနေ့ ပေါက်ကွဲ ပျက်စီးသွားသည် ထားဦး၊ နောင် အနှစ် ၂၆၀ အထိ တည်ရှိသကဲ့သို့ မြင်ရဦးမည် ဖြစ်၏။

ထို့အပြင် ကောင်းကင်မှ အရာဝတ္ထုတို့မှ လာသော အလင်းတန်းသည် ကမ္ဘာသို့ ၀င်ရောက်လာခြင်း သည်လည်း- အလင်းယိုင်မှုကြောင့်- မျက်စိဖြင့် တွေ့မြင်ရသည်က တစ်နေရာ၊ အမှန်တကယ် ရှိနေသည်က တစ်နေရာလည်း ဖြစ်သည်ကို သိထားရမည် ဖြစ်၏။

ဤအကြောင်းကို ကျွန်တော့် ဆောင်းပါး တစ်ပုဒ် ဖြစ်သော “နေ၀န်းနီနီ ညနေဆည်းဆာရဲ့ လျှို့ဝှက်ချက်” http://mmastronomy.blogspot.sg/2010/10/blog-post_25.html တွင်လည်း ဖေါ်ပြထားခဲ့ဘူး ဖြစ်၏။
ဆိုလိုသည်မှာ- ကောင်းကင် နက္ခတ်ကို လေ့လာသော အခါ- ဗေဒင် တွက်ချက်မှု တွင် သုံးစွဲသော နက္ခတ် အံသာ များနှင့် မကိုက်ညီသော အခါ- နားလည်မှု လွဲမှား မည်ကို မဖြစ်စေလိုသော ကြောင့် ရှင်းပြရခြင်း ဖြစ်၏။

ဗေဒင် နက္ခတ်တို့ အကြောင်း။
၃၆၀ ဒီဂရီ စက်ဝိုင်း ကြီးအား မိဿ၊ ပြိဿ၊ စသော ရာသီများ ဖြင့် ၃၀- ဒီဂရီ စီ အညီအမျှ ပိုင်းထားသော တစ်ချိန်တည်းတွင်- ၂၇ လုံးသော နက္ခတ်တို့ဖြင့်လည်း အညီအမျှ တွက်ချက် စိတ်ပိုင်း ထားလေရာ၊ (ခြွင်းချက် ဖြစ်သော အဘိဇိ နက္ခတ် ကိစ္စမပါ။) နက္ခတ် တစ်လုံးလျှင် ၃၆၀/၂၇ = ၁၃.၃၃၃ ဒီဂရီ ရှိထား၏။ ဤသည်ကို ဒီဂရီ၊ မိနစ် ဖြင့်ချရေးပါက- ၁၃ ဒီဂရီ၊ ၂၀ မိနစ် ဆိုသည်မှာ နက္ခတ် တစ်ခု ၏ အတိုင်အတာ အကျယ် အ၀န်း ဖြစ်သည် ဟု ဗေဒင် ပညာတွင် တွက်ချက် ယူဆ၏။





နက္ခတ် တို့ကို သုံးစွဲကြပုံ။
နက္ခတ်နှင့် ပတ်သက်သော သုံးစွဲပုံတို့မှာလည်း များစွာရှိ၏။

  • လူတစ်ယောက်ချင်း၏ ဇနမ စန်းတည်ရာ နက္ခတ်ကို မူတည် ဟောသော စန်းယှဉ် နက္ခတ်အဟောများ၊
  • သတို့သား နှင့် သတို့သမီး - လက်ထပ် ပေါင်းသင်းရန် သင့်မသင့် စစ်ဆေးသော နည်းစနစ်များ၊
  • ဆေးဝါး ဖေါ်စပ်ရန်၊ လောကီ အစီအရင် လုပ်ဆောင်ရန် အခါရွေးသော နည်းစနစ်များ၊
  • စစ်တိုက်ရန်၊ စသော သင့်တော့်သည့် အခါရွေးသည့် ကိစ္စများ၊

စသဖြင့် များစွာသော အသုံးများ ရှိ၏။
ယခု ကျွန်တော့် ဆောင်းပါး အနေဖြင့် နက္ခတ် အကြောင်း နှင့် ပတ်သက်၍ အများစု မှန်ကန် စွာ နားလည် ထားသင့်သော အချက်များစွာ အနက်- ထင်ရှားသော အချက် အချို့ကို ဖေါ်ပြပေးမည် ဖြစ်ပါ၏။

သတို့ သမီး ဇာတာ စန်းယှဉ် နက္ခတ်။ 
ရှေးကျမ်းလာ အတိုင်း တိုက်ရိုက်မှီငြမ်း ကြသော်- သတို့သားရှင် မိဘများ အနေဖြင့် အောက်ပါ ဇနမ နက္ခတ်ရှင် သတို့သမီးလောင်းလျာကို ရှောင်ကြဉ်တတ်ကြ၏။ (မင်္ဂလိ ဒေါသျှ စသော အခြား သော အချက်များလည်း ရှိသေးသော်လည်း- ယခု ဆောင်းပါးတွင် နက္ခတ် နှင့် ဆိုင်သည်ကို သာ ဖေါ်ပြပေးပါမည်။)
၎င်းတို့မှာ
  • မူလ နက္ခတ်၊
  • အဿလိသ နက္ခတ်၊
  • ဇေဋ္ဌ နက္ခတ်၊
  • ၀ိသာခါ နက္ခတ်၊
ကောင်းပါပြီ ရှေးကျမ်း တို့၏ အဟောကို လေ့လာကြပါအံ့။

မူလ- နက္ခတ်။ 
မူလော၊ မူလ နက္ခတ် နှင့် ယုတော၊ ယှဉ်လျှက်၊ ဇာတော၊ မွေးဖွားသူသည်၊ ဗာဟုလ္လဒါရိယော၊ သူတစ်ပါး သားမယား အား ပစ်မှား များအံ့။

အဿလိသ နက္ခတ်။
သာလိသော၊ အသလိဿ နက္ခတ် နှင့်၊ ယုတော၊ ယှဉ်လျှက်၊ ဇာတော၊ မွေးဖွားသူသည်၊ ဥက္ကဋ္ဌေ၊ စစ်မြေပြင် အရပ်၌၊ မတံ၊ သေရအံ့။

ဇေဋ္ဌ နက္ခတ်။
ဇေဋ္ဌော၊ ဇေဋ္ဌ နက္ခတ် နှင့်။ ယုတော၊ ယှဉ်လျှက်၊ ဇာတော၊ မွေးဖွားသူသည်၊ တရုဏေ၊ ငယ်ရွယ်စဉ် ၌၊ ရာဇော မင်းအကြီးအကဲ ဖြစ်အံ့၊ မာတော၊ မိခင်သည်၊ ဥတ္တမံ၊ မြတ်အံ့၊ ပိတာ၊ ဖခင်သည်၊ ဟိနော၊ ယုတ်မာအံ့။

ဝိသာခါ နက္ခတ်။
ဝါသာခေါ၊ ၀ါသာခါ နက္ခတ် နှင့်၊ ယုတော၊ ယှဉ်လျှက်၊ ဇာတော၊ မွေးဖွားသူသည်၊ ပရဒါရောစ၊ သူတစ်ပါး သားမယားကို ပစ်မှား ဖေါက်ပြန်တတ်၏။ ဗဟု ဒုဿသဉ္စ၊ ဆရာ သမား ပစ်မှား တတ်အံ့၊ ရဿကံ၊ အသက်တိုအံ့။ (မြတ်စွာဘုရားသည် ၀ါသာခါ နက္ခတ် နှင့် စန်းယှဉ်လျှက် ဘွားတော်မူကြောင်း မဟာဗုဒ္ဓ၀င်တွင် ဆိုထားသဖြင့်- ဤအဟောသည် မည်မျှ သဘာဝကျ မှန်ကန် သည် ကို မြင်ရပါနည်း။)

တစ်ဖန်- ဟိန္ဒူ ရှေးကျမ်း တို့အရအားဖြင့်လည်း-
မူလ နက္ခတ် နှင့် ယှဉ်လျှက် မွေးဖွားသူ ယောက်ျားသည် မြေပြင်ကို အုပ်စိုးသူ ဖြစ်လျှက်- မူလ နက္ခတ် တွင် မွေးသူ မိန်းမသည်ကား ဖျက်ဆီးသူ ဖြစ်အံ့ ဟု ဆိုပြန်ပါ၏။

တနည်းအားဖြင့်- ဆိုသော် မူလ နက္ခတ်၊ အဿလိသ နက္ခတ်၊ ဇေဋ္ဌ နက္ခတ်၊ နှင့် ၀ိသာခါ နက္ခတ် နှင့် စန်းယှဉ်လျှက် မွေးလာသူ သတို့သမီးငယ်သည် ခင်ပွန်း ယောက်ျား၏ မိသားစု အတွက် ကံဆိုး မိုးမှောင် ကျမှုကို သယ်ဆောင်လာသူ ဖြစ်သည်ဟု ဟိန္ဒူကျမ်းများက ဆိုထားပါ၏။ 

ထို့ကြောင့် ထိုသတို့သမီးနှင့် ပတ်သက်သော အထူးယတြာသျှန္တီများ ပြုလုပ်လျှင် လုပ်၊ သို့မဟုတ်- သက်ဆိုင်ရာ သတို့သားအား သေချာစွာ ရွေးချယ်ရမည် ဟု ဆိုပါ၏။
ကောင်းပါပြီ။

ကျွန်တော့် ဆောင်းပါး များစွာတို့တွင်- အောက်ပါတို့ကို ထင်ရှားစွာ ဆိုထားခဲ့၏။
  • ရှေးကျမ်းတို့အား မျက်စိမှိတ် ယုံကြည်ခြင်း၊ တိုက်ရိုက် မှီငြမ်းတို့ မှ ရှောင်ကြည်သင့်ပြီး၊ ရှေးကျမ်းတို့၏ နောက်ကွယ် သဘောအား - ပညာဖြင့် စိစစ် ရမည် ဟု၍ လည်းကောင်း၊
  • မည်သည့် နက္ခတ်၊ မည်သည့် ဂြိုဟ်၊ ကမျှ အဆိုးသက်သက်၊ အကောင်းသက်သက် မရှိပဲ- ဖြစ်ရပ်တို့သည် တစ်ခုချင်း ကြောင့် ဖြစ်မှု မဟုတ်ပဲ- အချင်းချင်း၊ အပြန်အလှန်၊ ဘက်စုံ ထောင့်စုံ တို့ ဆက်စပ် နေမှုတို့သာ ပုံပေါ်လာခြင်း ဖြစ်ရကြောင်း။ (“ဂြိုဟ်ဆိုး၊ ဂြိုဟ်ကောင်း၊ လူဆိုး၊ လူကောင်း” ဆောင်းပါး စသည်) 

ယခု ကိစ္စတွင်လည်း- အကျိုးအကြောင်း အဆက်အစပ် တို့ဖြင့်- မူလ နက္ခတ်ကို နမူနာ ထား၍ လေ့လာကြည့်ပါစို့။

(မှတ်ချက်- ယခုဆောင်းပါးတွင် ပါရှိသော ကြယ်တို့၏ နေရာသတ်မှတ်ချက်သည် ဆရာကြီး မင်းသုဝဏ် ၏ မိုးပေါ်မှာ ကြယ်တစ်လုံး စာအုပ်ငယ်တွင် ဖေါ်ပြခဲ့သော ဖေါ်ပြထား သော ပုံအနေအထားတို့နှင့် နှိုင်းယှဉ်သော် ကွာဟမှု ရှိသည်ကို တွေ့ရပါမည်။)

ရာဇ မတ္တမ် ကျမ်းအရ - “ရက္ခသော နိရတိ မူလာ” ဟူ ဆိုထားသဖြင့်-  မူလ နက္ခတ်အား “နိရုရိတိ” အမည်ရှိ ရက္ခိုက် နတ် အနေဖြင့် အစိုးရ၏။ ၄င်းသည် လူအများတို့ ပျက်စီးခြင်း၊ ကြောက်လန့်ခြင်း၊ စစ် စသည် တို့ကို ဖြစ်စေသည့် နတ်ဖြစ်၏။ 

မူလနက္ခတ်နှင့် စန်းယှဉ် မွေးသော ယောက်ျားသည် စစ်နှင့် လူအများအား ကြောက်လန့် စေခြင်းကို ဖြစ်စေခြင်းကြောင့်- ထိုသူသည် စစ်နှင့် ပတ်သက်သော အစွမ်းသတ္တိများရှိနေတတ်ပြီး- အခြားအချက် အလက်များကလည်း ထောက်ပံ့ပေးပါက- စစ်ကို အောင်မြင်နိုင်သူ ဖြစ်စေတတ်သော သဘောရှိ၏။ ထို့ကြောင့်လည်း- ရန်သူတို့အား ရှုံးနိမ့်ခြင်း ဖြစ်စေလျှက်- ၄င်းတို့၏ နယ်ပယ်ကို အောင်နိုင်ခြင်း ဖြစ်စေနိုင်သော အခြေခံ သဘောကြောင့်- ဟိန္ဒူရှေးကျမ်းတို့က- ထိုယောက်ျားသည် မြေပြင်ကို အစိုးရသူ ဖြစ်မည်ဟု ဆိုခြင်း ဖြစ်၏။

အကယ်၍- မူလနက္ခတ် နှင့် ယှဉ်မွေးသော အမျိုးသမီး သတို့ငယ်ကို လေ့လာမည် ဆိုလျှင်- 
သူမ အနေဖြင့် စစ်သွားတိုက်ခြင်းသည် အရာမဟုတ်ပေ။
သို့သော် သူမတွင် စစ်နှင့် ပတ်သက်သော - ရန်သူတို့ (မိမိ၏ ယှဉ်ပြိုင်ဘက်တို့) အား ကြောက်လန့် စေနိုင်သော သဘောရှိနေ၏။

ယောက်ျားတို့၏ စစ်မြေပြင်ကား- သွေးသံဖြင့် ပတ်သက်သော၊ ကာယ အင်အားသုံးရသော နယ်မြေဖြစ်ချိန်တွင် မိန်းမတို့၏ စစ်မြေပြင်မှာကား- ၄င်းနေထိုင်ရာ မိသားစု ဖြစ်တော့၏။
လက်ခံလိုသည် ဖြစ်စေ၊ လက်မခံလိုသည် ဖြစ်စေ- မိန်းမ တစ်ယောက်၏ အခန်းကဏ္ဍသည် အိမ်တွင်းရေး၊ အိမ်ထောင်ရေးတွင် အရေးကြီး ဆိုသည့် ကတော့- အိမ်ထောင်ကျသူတို့ သိထားပြီး ဖြစ်၏။
ကလေး တို့အား မွေးဖွားပေးခြင်း၊ ပြုစု ပျိုးထောင်ပေးခြင်း မှ စတည်၍- အိမ်ရှိ ငွေကြေး အသုံးအစွဲ- မိဘ၊ ဆွေမျိုးတို့အား ပေးကမ်းခြင်း စသည်တို့တွင် အိမ်ထောင်ရှင်မ၏ အလုပ်လုပ် တွင်ကျယ်ရသော နယ်မြေ တစ်နည်းအားဖြင့် စစ်နယ်မြေ ပင် ဖြစ်တော့၏။

ဤသို့အားဖြင့်- “နိရုရိတိ” နတ်၏ စွမ်းအားဖြင့်- မိသားစုဝင်များ အတွက် ပျက်စီးခြင်း၊ စိတ်ချောက်ခြားရခြင်း တို့ ဖြစ်နိုင်သည် ယူဆလျှက်- ရှေးဟိန္ဒူကျမ်းများ အနေဖြင့်- ထို သတို့သမီးငယ် သည် ခင်ပွန်း ယောက်ျား၏ မိသားစု အတွက် ကံဆိုး မိုးမှောင် ကျမှုကို သယ်ဆောင်လာသူ ဖြစ်သည်ဟု သတ်မှတ်ထားကြခြင်း၏ အကြောင်းအချက် တစ်ချက် ဖြစ်၏။

သို့သော်လည်း- ပြင်ပ တကယ့်လောကတွင် မူလ နက္ခတ်ရှင် အမျိုးသားတိုင်း စစ်သည်တော်၊ စစ်ဘုရင်များ မဟုတ်ကြသလို- မူလ နက္ခတ်ပိုင်ရှင် မိန်းကလေးတိုင်းလည်း မိသားစုအား ဖျက်ဆီးတတ်သူတို့ မဟုတ်ကြ။
သို့သော် ထိုအချက်က- သူတို့တွင် ပါရှိသော ပင်ကိုယ်ထူးခြားချက် ဖြစ်သည့်- ရင်ဆိုင် ယှဉ်ပြိုင် တိုက်ခိုက်နိုင်သော အရည်အချင်း နှင့် မဆိုင်။

လက်ရှိခေတ်ကာလ တွင်- မိန်းကလေးများကပါ ယောက်ျားနှင့် ရင်ဘောင်တန်း စီးပွားရေး လုပ်ငန်း နေရသော ကာလတွင် - မိမိ၏ ပြိုင်ဘက်များကို အရှုံးပေး၍- အိမ်တွင်းပုန်း အရည် အချင်းသာ ရှိသော အိမ်ထောင်ရှင်မ သက်သက် တစ်ဦး နှင့်- အများကြားတွင် ဦးဆောင် ရင်ဆိုင် နိုင်သော အိမ်ထောင်ရှင် အမျိုးသမီး တို့အနက် မည်သည်ကို ခေတ်က ပို၍ တောင်းဆို နေပါသနည်း။

ယခင် အခါက- လင်ယောက်ျား နှင့် ယောက္ခမ တို့အား ၀တ္တရားကျေပွန်၍၊ သားသမီး တို့ကို စောင့်ရှောက်ရေး သက်သက်သာ တာဝန်ယူရသော အိမ်ထောင်ရှင်မသည် လိုလားအပ် သော အချက် ဖြစ်သော်လည်း- ယခု ခေတ်တွင်မူ- အမျိုးသမီးများသည် သတ္တိရှိရန်၊ အရည်အချင်း ရှိရန် လိုအပ် နေပြီ ဖြစ်လေရာ- ခေတ်နှင့် လျှော်ညီမှု ရှိရမည် ဆိုသည်ကိုတော့ ဗေဒင် ပညာရှင်သည် သိသင့်သည် ဖြစ်၏။

မူလ နက္ခတ်ကို အသေးစိတ် လေ့လာမည် ဆိုပါက အထက်ပါ ဇယားတွင် ဖေါ်ပြထားသည့် အတိုင်း ပထမပါဒ် သည် - နက္ခတ္တ သန္ဓိ ခေါ်- ဗြိစ္ဆာရာသီ မှ အလွန် ဓနု ရာသီ အစပ်လေးတွင် တည်ရှိ၏။

သန္ဓိ ဆိုသည်မှာ တစ်ခုမှ တစ်ခု သို့အကူးအပြောင်း- အစပ်အကြား နေရာလေး ဖြစ်ရာ- ထိုကာလတွင် အခြေအနေ အနေအထား ကောင်း ရရန် ခက်ခဲတတ်သဖြင့်- 
ဥတု သန္ဓိ ရောဂါဖိ၊ သတိရှိကြစေ ဟု သိမ်ဖြူ ဆရာတော်ကြီးက ကျွန်တော် ၁၁-နှစ်သား ခန့် အရွယ် အာယုဗ္ဗေဒ ဆေးသင်တန်းတွင် သင်ကြားပေးခဲ့ဘူး၍။
ဆိုလိုသည်မှာ-
  • ရာသီ တစ်ခုမှ တစ်ခုသို့ အကူးအပြောင်း၊ (ရာသီ သန္ဓိ)
  • နက္ခတ္တ တစ်ခုမှ တစ်ခုသို့ အကူးအပြောင်း၊ (နက္ခတ္တ သန္ဓိ)
  • တိထီ တစ်ခုမှ တစ်ခုသို့ အကူးအပြောင်း၊ (တိထီ သန္ဓိ)
တို့တွင် - သတိထား ရမည်ဟု ဆိုခြင်း ဖြစ်၏။ 

ထိုသဘောသည်- ဆည်းဆာ (၄) ချက် ဖြစ်သော- 
  • နံနက်ခင်း နေထွက် ဆည်းဆာ၊
  • မွန်းတည့် ဆည်းဆာ၊
  • ညနေ နေ၀င် ဆည်းဆာ၊
  • ညဥ့်သန်းခေါင် ဆည်းဆာ၊ 

ကာလ တို့ ရှိရာတွင်- နေ့ကာလ ဆည်းဆာ ၃-ချက်များ တွင် အပူအအေး ဓါတ်တို့၏ အကူးအပြောင်း စပ်ကြားများ ဖြစ်သဖြင့်- ထိုအချိန်ကာလများတွင် အိပ်စက်ခြင်း၊ မေထုန်ပြုခြင်း စသည်တို့မှ ရှောင်ကြည်ရမည် ဟု ပညာရှိများ ဆိုထားခဲ့သည်မှာ ဤသဘောပင် ဖြစ်၏။

တစ်ဖန်- မူလ နက္ခတ်သည်- ကျွန်တော်တို့ နေစကြာဝဠာ ရှိရာ မီလ်ကီးဝေး ဂလက်ဇီ ကြီးနှင့် တစ်တန်းတည်း ကြသော နေရာ ဖြစ်သည်။ ဤသည်ကို ကောင်းကင် အမြင် နက္ခတ် ကြည့်သူများလည်း မြင်ဘူး တွေ့ကြမည် ဖြစ်၏။ မူလ နက္ခတ် နှင့် ပါတ်သက်၍ နောင်အချိန်ရလျှင် သီးသန့် ရေးစရာများစွာ လည်း ရှိပါသည်။

မူလ ဆိုသည်မှာ အရာအားလုံး၏ မူရင်း Oringinal၊ ရေသောက်မြစ် Root စသော အဓိပ္ပါယ်များ ကို ပေါင်းစပ်ထားသော ဝေါဟာရ ဖြစ်၏။ အရာအားလုံး၏ အစနှင့် အဆုံးတို့သည် တစ်နေရာတည်းတွင် ရှိ၏။ ဆိုလိုသည်မှာ- ပျက်စီးခြင်း၊ ဖျက်ဆီးခြင်း တို့နှင့် ပြန်လည် အစပြုခြင်း တို့သည် ထိုမူလ နက္ခတ်တွင် ဖြစ်နေခြင်း- နက္ခတ် သခင်သည် ရုပ်ဝတ္ထုများကို ဖျက်ဆီးတတ်သော ကိတ် ဖြစ်ခြင်း၊ ပထမပါဒ် (ဂလက်စီနှင့် တစ်တန်း တည်း ဖြစ်သော ၂၄၀ ဒီဂရီ မှ ၂၄၃.၃၃ ဒီဂရီ (ဓနု ၀ အံသာမှ- ဓနု ၃း၂၀ အတွင်း) သည် အင်အားသုံး လုပ်ဆောင်မှု နှင့် ဆိုင်သော အင်္ဂါဂြိုဟ် ပိုင်ရာ ဖြစ်နေခြင်းသည် ထူးခြားသော တိုက်ဆိုင်မှု ဖြစ်၏။)
လွန်စွာများပြားသော အချက်များ ရှိသဖြင့် နောင်မှ သီးသန့် တင်ပြပေးပါမည်။

ဆိုလိုသည်မှာ- သေဆုံးခြင်း၊ ပျက်စီးခြင်း၊ ဖျက်စီးခြင်း၊ ပြန်လည် စတင်ခြင်း၊ စတင် မွေးဖွားခြင်း အားလုံးတို့သည် မူလ နက္ခတ်တွင် ပါရှိနေခြင်း ဖြစ်၏။

အထက်တွင်လည်း- “နိရုရိတိ” အမည်ရှိ ရက္ခိုက် နတ် အနေဖြင့် မူလ နက္ခတ်အား အုပ်စိုးခြင်း၊ သန္ဓိသဘော ဖြစ်ခြင်း တို့ကို တင်ပြခဲ့ပြီး ဖြစ်၏။

ထိုထိုသော အကြောင်းများကြောင့်- ရှေးကျမ်းများက- ဤနက္ခတ် ဖြင့်မွေးသူ ယောက်ျားသည်- စစ်မြေပြင်ကို အောင်နိုင်သူဖြစ်ပြီး၊ ဤနက္ခတ် ဖြင့်မွေးသူ မိန်းမ သည် ဖျက်ဆီးသူ ဖြစ်မည် ဟု ဆိုရခြင်း ဖြစ်၏။

မိုးတား ၏ အမြင်အားဖြင့်မူ- မူလ နက္ခတ် နှင့် ယှဉ်၍ မွေးသော မိန်းကလေး ပင် ဖြစ်သော်ငြားလည်း အောက်ပါ အနေအထားများ ဖြင့် မကိုက်ညီပါက- ဖျက်ဆီးသူ မိန်းကလေး မဖြစ်နိုင်ချေ။

  • (၁) မူလ နက္ခတ် ပထမ ပါဒ် ဖြစ်သော အင်္ဂါ တွင် စန်းယှဉ်ခြင်း သာ ဖြစ်ခြင်း၊
  • (၂) ဘွားဇာတာတွင် အင်္ဂါသည် ၆-တန့်၊ ၈-တန့်၊ ၁၂-တန့် သခင် ဖြစ်နေသော ဗြိစ္ဆာလဂ်၊ ကန်လဂ်၊ ပြိဿလဂ် ဖြစ်နေခြင်း။
  • (၃) အထက်ပါ အချက် ၁-ရော ၂-ဖြင့်သာ ကိုက်ညီသည်သာ မက- အင်္ဂါ၏ ရပ်တည်ရာ လဂ် အံသာသည် လဂ် အံသာ မှ နေ၍ ကွာဝေခြင်း၊ (သို့မဟုတ်) အင်္ဂါသည် ဇာတာရှင်၏ ၉-တန့် ဘာဝ ၃-တန့် ဘာဝ တို့ကို ဖျက်ဆီးထားခြင်း။

ထိုသို့သော အချက် ၃-အထိ တိုက်ဆိုင်နေလျှင်သော်မှ- ကြာသပတေး စသော ကောင်းမြတ်သည့် ဂြိုဟ်များသည် ဇာတာရှင်အား ထောက်ပံ့ခြင်း ရှိနေပါက- ထင်ရှားသော ဖျက်ဆီးခြင်း ကို တွေ့ရမည် မဟုတ်ချေ။
ထိုသို့ တွေ့ရသော်မှ- ယခင်ခေတ်များကဲ့သို့ ယောက်ျားလေး မိဘအိမ်ပေါ်သို့ မိန်းကလေးကို ခေါ်တင်ခဲ့သော ခေတ်မဟုတ်ပဲ- မိဘ နှင့် ခွဲ၍ သီးသန့် နေပါကလည်း ထိုသို့ သော ပြဿနာများ ရှိလာမည် မဟုတ်ပါပေ။
နက္ခတ်ပညာ နှင့် ပတ်သက်၍-

ရှေးကျမ်းလာကြောင့် ဖြစ်စေ၊ အရပ်ပြောကြောင့် ဖြစ်စေ- အမြင် နက္ခတ်တွင် လည်းကောင်း၊ အဟော နက္ခတ် ပညာများတွင် လည်းကောင်း သဘာဝ မကျသော နားလည်မှု များ ပပျောက်၍- စစ်မှန်စွာ - နားလည် သော နက္ခတ်ပညာရှင် စစ်စစ်များ မြန်မာ့ မြေပေါ်တွင် ပေါ်ထွန်း နိုင်မည်က အတိုင်းထက် အလွန် ၀မ်းသာရမည် ဖြစ်၏။

ထို့အပြင် နက္ခတ်နှင့် ဗေဒင်သည် ဘုရား မထောက်ခံသော ပညာ ဟု၍- စွပ်စွဲ ပြောဆို ဟောပြော နေသူများ အနေဖြင့် မှန်ကန်စွာ နားလည် စေလိုပါစေ ဆုတောင်းယင်း ဤဆောင်းပါး ကို အဆုံးသတ် လိုက်ရပါသည်။

အားလုံး ချမ်းမြေ့ကြပါစေ။
နျူမာန် (မိုးတား)

[+/-] show/hide this post

Monday, January 7, 2013

လောကီ ချမ်းသာ နှင့် ဓမ္မ ချမ်းသာ ရှာဖွေကြသူများ

နှစ်သစ် တစ်နှစ်ရဲ့ အစပိုင်း ဖြစ်တာက တစ်ပိုင်း - လုပ်လက်စ သုတေသန တွေနဲ့ အလုပ်များနေတာကလည်း တစ်ပိုင်းမို့- ဆောင်းပါးသစ် မတင်နိုင် သေးခင်မှာ- မိုးတား နက္ခတ် သင်တန်း ဒုတိယဆင့် (မိုးတား သုတေသီ) အဆင့်ကို တက်ရောက်နေသူ - သင်တန်းသူ တစ်ဦးဆီက အောက်ပါအတိုင်း မေးထားတဲ့ မေးခွန်းလေးကို ရခဲ့ပါတယ်။
ပထမတော့- သူ့ဆီကို အဖြေပြန်ရေး ပေးဘို့ပဲ စဉ်းစားခဲ့မိပေမယ့် တစ်ဘက်ကလည်း- အခြား စိတ်ဝင်စား သူများ အနေနဲ့ ဗေဒင် အယူအဆပိုင်း သိသင့်တာတွေ သိသွားနိုင်မယ် ထင်တဲ့ အတွက် ဒီဆောင်းပါးကို ရေးဖြစ်သွားခဲ့ရပါတယ်။



သုတေသီ အဆင့်- စစ်ဆေးပုံ အသေးစိတ်ကိုတော့ အများကို ရှင်းပြလျှင်- နားလည်နိုင်ဘို့ ထက်ရှုပ်သွားနိုင်မှာ ဖြစ်လို့က တစ်ကြောင်း၊ သုတေသီ (မိုးတား ဒုတိယဆင့်) သင်ခန်းစာများဟာ- ပထမဆင့် စာမေးပွဲအောင်ထားပြီး မိုးတား သင်တန်းသားများ အတွက် သာ ဖြစ်လို့က တစ်ကြောင်း တို့ကြောင့်- အသေးစိတ် ရှင်းပြနိုင်ခြင်း မရှိတာကိုတော့ ခွင့်လွှတ်ကြစေချင်ပါတယ်။

သူမေးတဲ့ မေးခွန်းမှာ ပါတဲ့ Oral Roberts ဆိုတာဟာ- အိုရယ် ရောဘတ် ဧ၀ံဂေလီ အသင်းကြီး (Oral Roberts Evangelistic Association) နဲ့၊ အိုရယ် ရောဘတ် တက္ကသိုလ် (Oral Roberts University) တို့ကို တည်ထောင်ခဲ့တဲ့- အမေရိကန် မက်သဒစ် ပန်တီကိုစတယ် တယ်လီ ဧ၀ံဂေလီ ဘာသာရေး ဆရာကြီး ဖြစ်ပါတယ်။

ကောင်းပါပြီ သူ့ဇာတာကို ဆန်းစစ်ကြည့်ကြပါစို့- 

လူတစ်ဦး အနေနဲ့ ကမ္ဘာမြေပေါ် မှာ လူသား တစ်ယောက် အဖြစ်ကို ရောက်ရှိ လာတဲ့ အခါမှာ လူဟာ ဘာတွေကို လုပ်ဆောင်သွားမလဲ- ဘာတွေ လုပ်ဆောင်ဘို့ အတွက် လူဖြစ်လာတာလည်း ဆိုတဲ့- Mission of life ကို လေ့လာ ဘို့ အတွက် - ဂြိုဟ်တွေရဲ့ တည်ရာ- နက္ခတ်ပါဒ် တွေအရ- ရာဇ၊ တမ္မ၊ သတွ ဆိုတဲ့ ဂုဏ တွေနဲ့ ခွဲခြမ်း လေ့လာ ရတယ် လို့ နက္ခတ် ဗေဒင် ပညာမှာ ဆိုရိုးထားခဲ့ကြပါတယ်။ ဒီလို လေ့လာ လိုက်တယ် အခါမှာ -
Oral Roberts ရဲ့ ဇာတာမှာ ဘာသာရေး ပိုင်းနဲ့ သက်ဆိုင်တဲ့ “သတွ” က နည်းပါး နေပြီး- အောင်မြင် ကြီးပွားလိုမှုနဲ့ ဆိုင်တဲ့ “ရာဇ” က အများဆုံး ဖြစ်နေပါတယ်။

မေးခွန်းကို မေးလာသူ သင်တန်းသား အနေနဲ့- ဘာသာရေး သမားဆိုလျှင်- “သတွ” အားကောင်းရမယ် လို့ နားလည် ထားလို့လည်း ဒီမေးခွန်းကို မေးခြင်း ဖြစ်ပါတယ်။

နက္ခတ်ပညာ အရ- လူ့ဘောင်ရောက်လာရခြင်း ရဲ့ ရည်ရွယ်ချက် ကို ခွဲခြမ်း လေ့လာတဲ့ အခါမှာ- ဂြိုဟ်တွေ တည်ရာ ဘာဝတွေ- ကိန်း၊ တြိကုန်း အိမ်တွေ၊ ဂြိုဟ်တို့ စုစည်း၊ ဖြန့်ကျက် တည်နေပုံ တို့ကိုသာမက- ရာဇ၊ တမ္မ၊ သတွ နဲ့ပါ လေ့လာရပါတယ်။

လူများ ကို ထိုအုပ်စု များဖြင့် သတ်မှတ် လေ့လာရာမှာ-
  • “တမ္မ” အုပ်စု အနေနဲ့ သာမာန် လူသားများ- တနည်းအားဖြင့်- ထူးထူးခြားခြား ထင်ထင် ရှားရှား လေးနက်သော ရည်ရွယ်ချက်မျိုး -တောင့်တမှု မျိုး မရှိပဲ- ပုံမှန် စားသောက်၊ သွားလာ နေထိုင်၊ သာမာန် အသက်ရှင် နေထိုင် သွားကြသော အနေအထားကို ရည်ညွှန်း တဲ့  အုပ်စု ဖြစ်ပြီး
  • “ရာဇ” အုပ်စု အနေနဲ့က- ဘုန်းတန်ခိုး အာဏာ တပ်မက်မှု၊ ရည်ရွယ်ချက် ကြီးမားမှု၊ ဆန္ဒ ၀ီရိယ အားကြီးမှု တို့နှင့် ဆိုင်သော အုပ်စု ဖြစ်ကာ
  • “သတွ” အုပ်စု အနေနဲ့က လောက သစ္စာ၊ ဓမ္မသစ္စာ ရှာဖွေမှု၊ သံသရာ အတွက် ရည်ရွယ်သော အုပ်စုဟူ၍- တနည်းအားဖြင့် အသိဥာဏ် ရှာဖွေရန်၊ ပါရမီ ဖြည့်ဆည်း ရန် - စသဖြင့်
အုပ်စုများ အရ ခွဲခြား သိရှိနိုင်ပါတယ်။ 

ရည်ရွယ်ချက် ဘ၀ရည်မှန်းချက် ကြီးသူတွေဟာ- “ရာဇ” အုပ်စုဝင် များ ဖြစ်နေတတ်သလို
လောကီ ဘယ်လို အောင်မြင်မှုကိုမျှ မလိုအပ် တော့ပဲ- လောကီ စည်းစိမ်ကို စွန့်ပယ် ပြီး- ဒဿန ဆန်ဆန် ကျင့်ကြံတတ်သူတွေ၊ လောက ဓမ္မ၊ လောက သစ္စာကို ရှာလိုသူတွေ ကတော့- “သတွ” အုပ်စု ၀င်များ ဖြစ်နေတတ်ကြပါတယ်။ (ဘာကိုမျှ မကြိုးစား၊ ဘာမျှလည်း အလေးမထားတဲ့ သူများကို မဆိုလိုပါ။)

ဒီနေရာမှာ ဇာတာများကို လေ့လာရာမှာ- ယေဘုယျ အနေအထား၊ အသေးစိတ် အနေအထား၊ ဗဟိဒ္ဓ ပြင်ပအနေအထား၊ အတွင်း သရုပ် အနေအထား စသည်ဖြင့် ခွဲခြမ်း လေ့လာ ဘို့ လိုအပ်ပါတယ်။ ဥုစ်၊ မိတ်၊ မူလ တြိဂေါဏ စသည့် အနေအထား ကို ရထားခြင်းသည် ယေဘုယျ အနေအထား၊ ဗဟိဒ္ဓ ပြင်ပ အနေအထား ကို ရည်ညွှန်း၍- အခြားသော အချက်များမှ ၄င်း နှင့် သက်ဆိုင် ရာ တည်နေရာ၊ သခင် ဖြစ်ရာ ဘာဝများကို လွှမ်းခြင်း၊ ၄င်းဂြိုဟ်အား လွှမ်းခြင်း တို့သည် နောက်ဆက်တွဲ အသေးစိတ် အနေအထားများ၊ ပတ်ဝန်းကျင် ဆိုင်ရာ အနေအထားများ ဇာတာရှင်၏ အားထုတ် မှု ဆိုင်ရာ အနေအထားများကို ဖြစ်စေခြင်း တို့ဆိုသည်ကို သိထား ရမယ် ဖြစ်ပါတယ်။

အခုဆိုယင်- သူရဲ့ ဘ၀ကို- ဘုရားကျောင်း ဆရာ၊ တရားဟော ဆရာ၊ ဓမ္မဆရာ လို့ပဲ မြင်ထား လိုက်ယင်- သူ့ကို ဘာဖြစ်လို့ “သတွ” အများဆုံး ရတဲ့သူ မဟုတ်တာလည်း လို့ မေးစရာ ဖြစ်နေပါပြီ။

သူဟာ- လောက စည်းစိမ်ကို စွန့်လွှတ်ပြီး တရားဓမ္မတော်ကို လိုက်နာ ကျင့်ကြံသူလား၊ ဒါမှ မဟုတ် ဓမ္မ အလုပ် နဲ့ ပတ်သက်တဲ့ လုပ်ငန်း နဲ့ ဘ၀ကို ကြီးပွား ချမ်းသာ အောင်လုပ်သွား နိုင်သူလား ဆိုတာ ကို ကြည့်ကြပါစို့။ (အသင်းသားများကို ဆေးလိပ်၊ အရက် မသောက်ရ- တရားဝင် အိမ်ထောင် မပြုခင် လွန်ကျွံခြင်း မဖြစ်ရ ဆိုသော သတ်မှတ်ချက်များ ချပေးခဲ့၍- လူသားကောင်းကျိုးများစွာ ကို ပြုလုပ်ခဲ့သူလည်း ဖြစ်ပါတယ်။)
  • ဆင်းရဲလွန်းတာရယ်- တီဘီ ရောဂါ ရယ်နဲ့ အသက် ၁၇-နှစ်မှာ သေမလို ဖြစ်ခဲ့ ရပြီး - အသက် ၂၉ နှစ် အရွယ်- ၁၉၄၇ နှစ်ကုန်ပိုင်း မရောက်ခင်သေး အထိ အိုကလာ ဟိုမာမြို့ မှာ အချိန်ပိုင်း တရားဟော ဆရာ အဖြစ်နဲ့ ရုန်းကန် လှုပ်ရှားခဲ့ ရပါတယ်။ အဲဒီနောက်မှာ တော့- နေမကောင်း တဲ့ ရောဂါ ဝေဒနာ သည်တွေကို ကုသဘို့ ဘုရားသခင် က- သူ့ကို ပြောခဲ့တယ်လို့ သူဆိုခဲ့ပါတယ်။
  • ဒီလိုနဲ့ စတင် အောင်မြင်ခဲ့ပြီး နောက် ၁၉၇၇ နှစ်မှာ- ပေ ၉၀၀ အမြင့်ရှိတဲ့ ယေရှု ခရစ်တော် က- သူ့ကို ကိုယ်ထင်ပြပြီး- City of Faith Medical and Research Center ကို ဆောက်လုပ်ဘို့ ပြောခဲ့တယ် - သေချာပေါက် အောင်မြင်လိမ့်မယ် လို့ ဆိုပါတယ်။ ၁၉၈၁ မှာ ဖွင့်လှစ်တဲ့ အဲဒီ ဆေးပညာ ဆိုင်ရာ သုတေသန အဆောက်အဦ ကြီးဟာ ဒါမျိုး အဆောက်အဦ တွေထဲမှာ ကမ္ဘာ့အကြီးဆုံး ဖြစ်ခဲ့ပြီး- နောက် ၁၉၈၉ မှာ ပိတ်ပစ်ခဲ့ရပါတယ်။ 
  • အဲဒီ သုတေသန အဆောက်အဦ ကြီး မပိတ်ခင် ၁၉၈၃-မှာ ခရစ်တော် တစ်ခါ ထပ်ပေါ်လာပြီး ကင်ဆာ ရောဂါ ကုသရေး အတွက် သူ့ကို တာဝန် ပေးတယ် လို့ ဆိုခဲ့ပါတယ်။
  • သူ့ရဲ့ ရံပုံငွေ (အလှူကောက်ခံငွေ) ရှာပုံ နဲ့ ပတ်သက်လို့ တော့- အငြင်းပွားဘွယ် ကိစ္စများ ရှိခဲ့ရပါတယ်။ ၁၉၈၇ ဇန်န၀ါရီလ မှာ အလှူ ရံပုံငွေ ရှာဘို့ - တီဗွီ ကနေ ပရိဿတ်ကို ပြောဆို အလှူခံ ရာမှာ အကယ်၍ မတ်လ မှာမှ ဒေါ်လာ ၈-သန်းကို မရခဲ့ယင် ခရစ်တော် က သူ့ကို ခေါ်ယူတော့မယ် လို့တောင် မျက်ရည် ကျပြီး စိတ်လှုပ်ရှားစွာ ပြောဆိုခဲ့တဲ့ အတွက်- သူ့အနေနဲ့ ကိုယ့်ကိုယ်ကို သတ်သေ လေမလား လို့ လူအများက စိုးရိမ် ထင်မြင်ခဲ့ရပါတယ်။
  • ဘာပဲ ဖြစ်ဖြစ် အဲဒီပွဲမှာ ဒေါ်လာ ၉-သန်း ကျော် ရခဲ့ပါတယ်။
  • လူရှေ့ သူရှေ့ အကောင်းဆုံး ၀တ်စားဘို့- ဥပဓိကို အင်မတန် ဂရုစိုက်တဲ့ နေရာမှာ- အမြဲတမ် အီတလီ ပိုးသား ၀တ်စုံ နဲ့- စိန်လက်စွပ် နဲ့ ရွှေများကို ၀တ်ဆင်လေ့ ရှိပါတယ်။
  • သူ့သား ဖြစ်တဲ့ ရစ်ချတ် ရောဘတ် က - သေသွားတဲ့ ကလေးငယ်ကို သူ့အဖေ ဖြစ်တဲ့ အိုရယ် ရောဘတ် Oral Roberts က အသက်ပြန်ရှင် အောင် လုပ်တာကို မြင်ခဲ့တယ် လို့ ဆိုခဲ့တဲ့ ၁၉၈၇ တိုင်းမဂ္ဂဇင်း သတင်းကြီးဟာ အားလုံးကို တော်တော် မွှေနှောက် သွားခဲ့ပါတယ်။ 
  • ဒီနောက်မှာတော့ တစ်နှစ်ကို ၁၉၈၈ အထိ တစ်နှစ်ကို ဒေါ်လာ ၈၈-သန်း လောက်ရတဲ့ ၀င်ငွေလည်း ၁၉၈၆ မှာ ဒေါ်လာ ၅၅-သန်း အထိ ထိုးကျ သွားခဲ့ရပြီး ကုတင် အများစုမှာ လူမရှိတော့တဲ့ City of Faith Medical Center “ယုံကြည်မှု မြို့တော်” ဆေးကုသခန်း ကြီးလည်း ငွေကြေး အရှုံး နဲ့ ဆက်တိုက် ရင်ဆိုင်လာရပါတော့တယ်။

ဘယ်လိုကြောင့် ဘယ်လို ဖြစ်သွားရတယ် ဆိုတာကိုတော့- အသေးစိတ် လေ့လာသူများ သိနိုင်ကြမယ် ဖြစ်ပြီး- ကျွန်တော့် အနေဖြင့်တော့- မည်သို့မျှ မှတ်ချက် မပေးလိုပါ။

လောကီသို့ ဦးတည်သော  - သတွ  လုပ်ငန်း နှင့် - အောင်မြင်ခြင်း ရယူနိုင်သူ ရာဇ သမားများ။

ဘာသာရေး ဆိုသည်က- မည်သည့် ဘာသာရေး မှာ မဆို- သတွ အလုပ် ဖြစ်ပါတယ်။ တကယ်တမ်း အဓိပ္ပါယ်အားဖြင့်- သတွ ဆိုတာဟာ Purity and Knowledge ဆိုတဲ့ သန့်စင်ခြင်း (အပြစ်တို့မှ ကင်းလွတ်ခြင်း နဲ့ အသိဥာဏ် ရှာဖွေခြင်း) ဖြစ်ပါတယ်။ သတွ ရဲ့ နောက်ခံ သဘောအားဖြင့်လည်း မည့်သည့် ပုဂ္ဂိုလ်ရေး မျှော်လင့်ချက်မှ မထားပဲ- လူ့ဘောင် အတွက် သန့်စင်စွာ အကျိုးပြုခြင်း ဖြစ်ပါတယ်။ ဒါကို ဘာသာရေး၊ လောကုတ္တရာ ရေးလို့ လည်း နားလည် ထားကြပါတယ်။

အောင်မြင်မှု၊ ငွေကြေး၊ ထင်ရှား ကျော်ကြားမှု တို့ကို ကြံဆောင် ကျိုးစား ခြင်းဆိုသည်က- ရာဇ အလုပ် ဖြစ်ပါ၏။
အများစု နားလည် ထားတာက- သတွ ဆိုတာဟာ ဘာသာရေး လုပ်ငန်း ဖြစ်ပြီး၊  ဘာသာရေး လုပ်ယင် အိပ်စိုက်ရတယ်။ သံသရာ ကောင်းဘို့ ဖြစ်တယ် ဆိုပေမယ့်- အောင်မြင်တဲ့ (ငွေဝင်တဲ့ စီးပွားရေး အနေအထားအရ) - ဘာသာရေး ဆရာတို့ အနေနဲ့- နယ်ခြား၊ မဖွံဖြိုးသော ဒေသ၊ အစားအသောက် မဖူလုံသော၊ ငှက်ဖျား စသော ရှိသော ဒေသများတွင် အခြေစိုက်ရိုး ထုံးစံမရှိ။ ထိုနေရာများသို့ သွားလျှင်- ပကတိ လောက သစ္စာ၊ ကျင့်ကြံမှု သာ လုပ်နိုင်မည့် သတွ စစ်စစ် ဖြစ်နိုင်ငြား သော်လည်း - သတွ လုပ်ငန်း ဖြစ်သော ဘာသာရေးကို အကြောင်းပြ၍ အောင်မြင် လိုလျှင်မူ- ထင်ရှားသော၊ သြဇာ တိက္ကမ ကြီးမားသော ပုဂ္ဂိုလ်များ၏ နောက်ခံ အားပေးမှု နှင့် ငွေကြေး ပြည့်စုံသည့် - အလှူ ငွေ ထည့်ဝင်နိုင်သည့် ချမ်းသာရာ မြို့၊ နိုင်ငံ နယ်ပယ် အသီးသီးသို့သာ ချီတက်ကြရမည် ဖြစ်၏။

သို့နှင့်ပင်- အချို့သော ဘာသာရေး နှင့် ပတ်သက်သော- တရားဟော ဆရာများသည် လွန်စွာ ချမ်းသာ လာတော့၏။

အောက်ပါ တို့သည်ကား- သတွ ဖြစ်သော ဘာသာရေး ဖြင့် အလွန်ကြွယ်ဝ ချမ်းသာကြသူအချို့၏ အကြောင်း ဖြစ်၏။ 
  • မြန်မာ လူမျိုးများ သိရှိခဲ့သော - အိန္ဒိယမှ ဆိုင်းဘာဘာ ဆိုလျှင်- အလှူခံ ရရှိသော ငွေတို့ ဖြင့် များစွာသော ဆေးရုံများ၊ ကျောင်းများ ဆောက်ပေးခဲ့သည် သာမက- သူသေဆုံးပြီးချိန်တွင် သူ၏ ပိုင်ဆိုင်မှုများ အနေနဲ့ အမေရိကန် ဒေါ်လာ သန်း ၁၀-ထောင် (၁၀ ဘီလျံ မှ ၂၅ ဘီလျံ) အထိ ရှိခဲ့ပြီး- (လေ့လာနိုင်ရန် အောက်ပါ စာမျက်နှာများကို ကြည့်ပါ။)
  • http://www.hindustantimes.com/India-news/AndhraPradesh/Sai-Baba-s-death-leaves-question-mark-on-Rs-40-000-crore-empire/Article1-689085.aspx
  • http://saibaba-invigilator.blogspot.sg/2009/02/money-behind-sai-baba.html
  • http://www.bbc.co.uk/news/world-south-asia-14081101
  • အမေရိကန်တွင် လွန်စွာ အောင်မြင်ခဲ့သော -  Transcendental Meditation technique ကို တီထွင် ဖေါ်ဆောင်ခဲ့သည့်- အိန္ဒိယ ယောဂီ ကြီး ဖြစ်သော- မဟာရိရှိ မဟာရှ် ယောဂီ Maharishi Mahesh Yogi ၏ အနေဖြင့် အမေရိကန် ဒေါ်လာ ၈.၈ ဘီလျံ အထိ ရှိခဲ့ပြီး- ကိုယ်ပိုင် ဟယ်လီ ကော်ပတာ ၅-စီးရှိခဲ့ပါတယ်။ (လေ့လာနိုင်ရန် ဒီနေရာကို နှိပ်ပါ။) 
  • ဘန်ကောက်မြို့အနီး ပသွန်ဌာနီ အရပ်ရှိ လွန်စွာ ကြီးကျယ် ခမ်းနားသော ၀တ်ဖရာ့ ဓမ္မကာယ Wat Phra Dhammakaya ကျောင်းတော် ကြီး၏ ကျောင်းထိုင် ဆရာတော်- ဓမ္မဇယို Dhammajayo ခေါ် Phrarajbhavanavisudh အနေဖြင့်- စီးပွားရေး ဆိုင်ရာ B.Sc (Economics) ဘွဲ့ကို Kasetsart University မှ ရပြီးလျှင် - ရချင်း ရဟန်း ပြုတော်မူ ပြီး ၆ - နှစ် အကြာ မှ စတင် ၍ “ဓမ္မကာယ တရားထိုင်နည်း” ဖြင့် စတင် ကျော်ကြား အောင်မြင်ပြီး နောက်မှာ- အီတလီ လုပ် အလွန်ဈေးကြီးသော ပိုးသင်္ဃာန်းကို အမြဲ ၀တ်ရုံ နိုင်ယုံမက၊ ထိုင်းဘုရင် မင်းမြတ်၏ စားတော်ပွဲထက် မညံ့သော ဆွမ်းကိုသာ ဘုန်းပေးတော်မူ ရပြီးလျှင်- ကမ္ဘာပေါ်တွင် အလွန်ချမ်းသာ သူများပင် စီးနိုင်ခွင့် မရှိသော ရိုးလ်စ် ရွိုက် Rolls Royce ကားအပါအ၀င် များစွာသော ဇိမ်ခံကားများကို ပိုင်ဆိုင်တော် မူပါ၏။ အချို့ အချက်အလက် တွေကို ဒီစာမျက်နှာတွေ မှာ လည်း လေ့လာနိုင်ပါတယ်။ http://pub.uni-bielefeld.de/download/2304034/2304040

သို့ဆိုလျှင်- ထိုသူတို့သည် သတွ အလုပ် နှင့်- ရာဇ အလုပ် - မည်သည့် အလုပ်ကို တကယ် လုပ်သွားကြသည်ဟု စာရှုသူ ထင်မြင်မိပါသနည်း။

Oral Roberts ရဲ့ ဘ၀ကို တစ်ခြား တစ်ဘက် က ကြည့်မယ် ဆိုလျှင်လည်း- 

စဉ်းစားဘို့ တစ်ခုက- လူတစ်ယောက် ကြီးပြင်း လာရတဲ့ ပတ်ဝန်းကျင် ဖြစ်ပါတယ်။ Nature Or Nurture ဆိုတဲ့- ပင်ကိုယ် စရိုက်ကြောင့်လား၊ ပတ်ဝန်းကျင် က ပြုပြင်ပေးမှုကြောင့် လား ဆိုတာကို ပညာရှင် တစ်ဦး အနေနဲ့ သုံးသပ်ဘို့လည်း လိုပါတယ်။

သူ့ရဲ့ ဘ၀ ဇတ်ကြောင်းကို ကြည့်မယ် ဆိုယင်- ဘခင် ဖြစ်သူက - ခရစ်ယာန် ဘာသာရေး ဆရာ Reverend Ellis Melvin Roberts ဖြစ်သလို ၁၉၃၈ ခုနှစ်မှာ အိမ်ထောင်ကျပြန်တော့လည်း- တရားဟော ဆရာ တစ်ဦးရဲ့ သမီး နဲ့ ဖြစ်ပါတယ်။

ဒီနေရာမှာ ဘာသာရေး နဲ့ ပတ်သက်တဲ့ သင်ကြားမှုတွေ နဲ့- လက်ပွန်းတတီး နီးစပ် ခဲ့သူ ဖြစ်တယ် ဆိုတာကို မြင်သာပါတယ်။

သူရဲ့ ကျွမ်းကျင်တဲ့ ဘာသာရေး အသိဥာဏ်၊ ထက်မြက်တဲ့ အစွမ်းအစ- ကြီးမားတဲ့ ရည်ရွယ်ချက် တွေနဲ့- ရောဂါများကို ကိုယ်၊စိတ်၊ နှလုံး ကုသထုံး တွေနဲ့ ဘုရားသခင်ပေါ် ယုံကြည်မှု ပေါ် အခြေပြု ထင်ရှားခဲ့သူ ဖြစ်ပါတယ်။

သူနဲ့ ပတ်သက်တဲ့ - နောက်ဆက်တွဲ အချက်ကို သိချင်ယင်တော့- ဒီလင့် မှာ ဖတ်ကြည့်နိုင်ပါတယ်။ အချက်အလက် အချို့ကို- ဖေါ်ပြထားပါတယ်။ မြန်မာလိုတော့ ပြန်မရေး လိုတော့ပါ။

"Roberts' two California homes, partly for security reasons, were not much discussed by the ministry. Oral also remained sensitive about press criticism of his lifestyle. His house in Palm Springs, purchased for $285,000 and financed by a Tulsa bank, was his only privately owned home. In 1982 ORU endowment funds were used to purchase a $2,400,000 house in a high-security development in Beverly Hills. Considered a potentially profitable investment, the house served as Oral's West Coast office and residence." (p. 355)
"Oral's homes in California inevitably kept alive the old questions about his personal wealth and lifestyle. While probably not as probing as the press had been fifteen years earlier, reporters still took a keen interest in Oral's financial affairs. In 1981, the Associated Press published Roberts' personal income figures for the preceding five years--ranging from $70,000 in 1976 to $178,000 in 1978.
"In addition to his healthy income, derived mostly from book royalties, Oral continued to enjoy generous expense accounts: `The Robertses wear expensive clothes and jewelry and travel in a company-owned eight-passenger fanjet.'
Patti Roberts' book [following her divorce from Oral's son, Robert] and an earlier expose written by Jerry Sholes, renewed curiosity about the family's financial affairs, although Patti confessed that her own `extravagance' while she was Richard's wife had `blunted' her protest.
Tax records indicate that Oral's partners donated in excess of $38,000,000 in the fiscal year 1977-78, "surpassing every other religious association in the nation." (p. 389)
In 1979 a book was published by Jerry Sholes, a former employee of Oral Robert ministries, which detailed deep deception and hypocrisy:
"Here is a portrait of the real Oral Roberts, the man not too many of his admirers know. He dresses in Brioni suits that cost $500 to $1000; walks in $100 shoes; lives in a $250,000 house in Tulsa and has a million dollar home in Palm Springs; wears diamond rings and solid gold bracelets employees `airbrush' out of his publicity photos; drives $25,000 automobiles which are replaced every 6 months; flies around the country in a $2 million fanjet falcon; has membership, as does his son Richard, in `the most prestigious and elite country club in Tulsa,' the Southern Hills (the membership fee alone was $18,000 for each, with $130 monthly dues) and in `the ultra-posh Thunderbird Country Club in Rancho Mirage, California' (both father and son joined when memberships were $20,000 each--they are now $25,000); and plays games of financial hanky-panky that have made him and his family members independently wealthy (millionaires) for life. (When his daughter and son-in-law were killed, they left a $10 million estate!)" (Evangelist R.L. Sumner's review of Give Me that Prime- time Religion by Jerry Sholes)
"By the mid-1980s, Oral Roberts had come to be the chief executive officer of an organization that employed about 2,300 people and did an annual business of about 110 million dollars, about 60 percent of which was raised through contributions." (p. 485)
ဒါဆိုယင်- သတွသမား- သစ္စာကို ရှာဖွေ နိုင်ခဲ့တဲ့- သူတစ်ယောက် ရဲ့ ဥပမာနဲ့ ယှဉ်ပြလိုပါတယ်။

လောကီ ဘ၀ ကို ပိုင်းဖြတ်၍- သစ္စာဥာဏ် ကို ရယူခဲ့သူ။
သူကတော့ တစ်ခြားသူ မဟုတ်ပါ။ မြန်မာ အားလုံး သိထားသူ တစ်ဦး ဖြစ်၏။ ဤပုဂ္ဂိုလ်၏ ဇာတာကို ကို လေ့လာမည် ဆိုပါကလည်း- 
ကမ္ဘာမှာ သိပ္ပံ ပညာ နဲ့ မည်သို့မျှ မရှင်းပြနိုင်အောင်၊ မံမီ ကျပ်စည်းခြင်း မရှိပါပဲ လျှက်- ပုပ်သိုးခြင်း ကင်းမဲ့ စွာနဲ့ - ရဟန္တာ တစ်ဆူ ဖြစ်ကြောင်း သက်သေ ပြနိုင်ခဲ့သူ- စွန်းလွန်း ဆရာတော်ကြီး ဦးက၀ိ ရဲ့ ဇာတာတော် ဖြစ်ပါတယ်။
ဆရာတော်ကြီးရဲ့ ဇာတာမှာ- နက္ခတ်တွေကို အဆင့် ၃-ဆင့် ခွဲပြီး- ဂုဏများကို စစ်ဆေး လိုက်တဲ့ အခါမှာတော့- ဂြိုဟ်အများစု အနေနဲ့ကလည်း သတွ များ ဖြစ်နေသလို- ဥဒယ လဂ်၊ သူရိယ လဂ်၊ စန္ဒရ လဂ် များ အရလည်း- သတွ များက အများဆုံး ဖြစ်နေပြန်ပါတယ်။
တြင်း စစ်ဆေးချက် အရ ကြည့်တဲ့ အခါမှာလည်း - လက်တွေ့ - ကျကျ လုပ်ဆောင်တတ်တဲ့ (သိသလောက် နဲ့ လုပ်တတ်သူ) မျိုး physical ဖြစ်ကြောင်း နဲ့ ဘာသာရေး ကို လိုက်စားနိုင်သူ (spirituality) သမား ဖြစ်ကြောင်း ထပ်တွေ့ ရပြန်ပါတော့တယ်။

ဆရာတော်ကြီးရဲ့ ဇာတာတော်ကို အန်ဒရွိုက် မိုးတား ပရိုဂရမ် နဲ့ဖွဲ့ထားတာ နဲ့ ဖေါ်ပြထားပါတယ်။




ဒါကြောင့်လည်း- သတွ နှင့် ရာဇ သဘော တို့ကို ဖြစ်စေ၊ အခြားခြားသော နက္ခတ် ဆိုင်ရာ သဘောတို့ကို ဖြစ်စေ- သေချာစွာ ဆန်းစစ် ရန် လိုအပ်ကြောင်း အကြံပြုယင်း ဒီဆောင်းပါးကို အဆုံးသတ်လိုက်ပါတော့မယ်။

အားလုံး ချမ်းမြေ့ကြပါစေ။
နျူမာန် (မိုးတား)



[+/-] show/hide this post