Sunday, September 30, 2012

ကာလသပ္ပ ယောဂ (၄) အမြင့်ဆုံး အာဏာရှင် ဖြစ်သွားသော ပန်းပဲ ဆရာသား မူဆိုလိုနီ။

ကျွန်တော်၏ ဆောင်းပါးများတွင်- လူသားတို့၏ သမိုင်းတလျှောက် ထင်ရှား သူတို့၏ ဇာတာများကို ရေးသားခြင်းကြောင့်-
 
ကာလ သပ္ပယောဂ ရသူများ ထင်ရှားကျော်ကြား အောင်မြင်ကြသည် ဟု စာဖတ်သူတို့အား အတွေး မရောက်စေလိုပါ။
 
အိန္ဒိယ ဗေဒင်ဆရာများ ပြောသည့်- အလွန်ဆိုးဝါးသည်၊ ဘ၀တွင် အောင်မြင်မှု ရရန် မရှိ၊ ကြီးစွာသော ဒုက္ခရောက်သဖြင့် ယတြာချေရန် လိုအပ်သည် ဆိုသော ကာလ သပ္ပ ယောဂ ကို အမှန်အတိုင်း နားလည်စေရန်သာ ကျွန်တော့် အနေဖြင့် ရည်ရွယ်ပါသည်။
 
နက္ခတ် ဗေဒင် ပညာသည် - အလွယ်တကူ တတ်မြောက် နိုင်သော၊ လူတိုင်း လေ့လာ နိုင်သော အတတ်ပညာ မဟုတ် သော်လည်း- နက္ခတ် ပညာကို လက်ရှိ လေ့လာ နေသူများ အကျိုးအတွက် ရည်ရွယ်၍- ဆန်းစစ်ပုံ အသေးစိတ် တို့ကို ဆောင်းပါး များစွာတို့တွင် ကျွန်တော့် အနေဖြင့် ဖေါ်ပြ ရေးသား ရာတွင်- အများစု သော စာဖတ်သူတို့ အနေဖြင့် နားမလည် နိုင်သော အနေအထား ဖြင့် ကြုံတွေ့ ရပါသည်။ သို့သော်လည်း- မူလ အခြေခံရှိပြီး- အင်အား စိုက်ထုတ် လေ့လာသူများ အတွက်မူ- ကျွန်တော် ဆောင်းပါးများမှ အကျိုးရှိစေမည် ဟု ယုံကြည်ပါ၏။
 
သို့ဖြင့်- စာသားများစွာ တို့ထက် ကျစ်လစ်သိပ်သည်းသော အချက်အလက်များကို တစ်ပြိုင်တည်း ဖေါ်ပြနိုင်သည့်- ဇယားများဖြင့် ပြရာတွင်လည်း- ဇယားများ နှင့် မနီးစပ်သူတို့ အတွက် ထပ်မံ အခက်အခဲ တွေ့ကြရ ပြန်ပါသည်။
 
အကယ်၍- အများ နားလည်စေရန် - “ဒါကြောင့် ဒါဖြစ်” အလွယ်တကူ ဟု ပြောမည် ဆိုပါကလည်း- အခြားသော အခြေခံသဘောများကို လျစ်လျူရှု ထားခြင်းကြောင့်- ပညာရပ်ကို လေ့လာသူများ အနေဖြင့် ပုံသေ သတ်မှတ် ဟောဆိုခြင်း၊ ခေါင်းထဲတွင် မမှန်သော အချက်အလက်များ ရောက်သွား နိုင်ခြင်း တို့ဖြစ်မည် ကို စိုးရိမ် သောကြောင့်- အများစု အနေဖြင့် နားလည်ရန် အခက်အခဲ တွေ့မည်မှန်း သိထားသော်လည်း- ပညာရပ် အမှန်ကို လိုလားသူများ၊ သုတေသီ စစ်စစ်များ အနေဖြင့် အကျိုးရှိမည်ကို ရည်သန်၍ အချိန်များစွာကို အကုန်ခံလျှက်- အပင်ပန်း ခံလျှက်၊ မလွှဲမရှောင်သာ ရေးသား ရခြင်း ဖြစ်သည် ကို ကျွန်တော့် အနေဖြင့် ရှင်းပြလိုပါသည်။ လက်ရှိ သိပ္ပံပညာများ ဖြစ်သော သင်္ချာ၊ ရူပဗေဒ၊ ဓါတု ဗေဒ တို့ထက် တစ်ရွေးသားမျှ မနိမ့်ကျသော နက္ခတ် ပညာကို အလွယ် တကူ ဖြစ်သယောင် ရေးသားကြမှုကြောင့်- နက္ခတ်ပညာ လည်း လမ်းဘေး ရောက်ပြီး- ဗေဒင် ဆရာတို့၏ အနေအထား လည်း မြောင်းထဲ ရောက် နေပြီ ဖြစ်ပါ၏။ ဗေဒင်ကို ချစ်သူများ ဆင်ခြင် ကြပါကုန်။
 
လူတစ်ယောက်၏ ဘ၀မှ ဖြစ်ရပ်တို့သည်- မည်သည့် ဂြိုဟ်၊ မည်သည့် ရာသီတွင် ရပ်သောကြောင့်- မည်သို့ ဖြစ်မည်။ မည်သည့် ဂြိုဟ်နှင့် မည်သည့် ဂြိုဟ် ပူးခြင်းကြောင့်၊ မည်သည့် ဂြိုဟ် ဥုစ်ရခြင်း၊ မည်သည့် ဂြိုဟ် နိစ်ရခြင်းကြောင့် ဖြစ်ရသည် ဟု အလွယ်ပြော၍ မရပါချေ။
 
ဇာတာရှင်၏ အတိတ်ဘ၀ မှ ကုသိုလ်ကံ- ဘ၀များစွာမှာ ပါလာသော အထုံ၊ စရိုက်၊ သက်ဆိုင်ရာ အရည်အချင်း စသည် တို့ကို မူတည်၍- ပြုလုပ်မိသော ကံ၊ ထိုကံ၏ နောက်ဆက်တွဲ ရိုက်ခတ်လာသော အနေအထား တို့ကသာ- နောက်ဖြစ်ရပ် တို့ကို ဖြစ်စေခြင်း ဖြစ်ပါ၏။
 
ဗေဒင် ပညာ အနေဖြင့်- မည်သို့ ဖြစ်မည် ဟု ဆုံးဖြတ်ရန် မလွယ်ပုံ ကို အနည်းငယ် ရှင်းပြလိုပါသည်။ ဗေဒင်သည် ကံ- ကံ၏ အကျိုးကို လေ့လာသော ပညာ ဖြစ်၏။
 
ကံ- ၏ အနေအထားကို လေ့လာခြင်းသည် အလွန်ရှုပ်ထွေး၍- သာမာန် အားဖြင့် နားလည်ရန် မလွယ်သောကြောင့်- မြတ်စွာ ဘုရားမှ- ကံ နှင့် ပတ်သက်၍ ကြံစည်ခြင်းကို- အစိန္တေယျ တရားထဲတွင်ပင် ထည့်သွင်း ထားပါ၏။
 
လူတိုင်းတွင် သက်ဆိုင်ရာ အရည်အချင်း အနည်းဆုံး တစ်မျိုးမကတော့ ရှိတတ်၏။ သို့သော် သူလျှောက်လှမ်း နေသော ဘ၀ နှင့် သူပိုင်ဆိုင်သော အရည်အချင်း ကိုက်ညီမှု ရှိမရှိကတော့ လွန်စွာ အရေးကြီး၏။
 
ငွေရှိသူသည် သူဌေး မဟုတ်ပါ။ ငွေကို ထိမ်းသိမ်း နိုင်စွမ်း မရှိပါက- ထိုငွေတို့ ဆုံးရှုံး ပျက်စီးရမည် သာ ဖြစ်သည်။ အချိန် စောင့်ရုံပင် ဖြစ်၏။ ထိုသူတွင် အခြားသော အရည်အချင်းများ မည်သို့ပင် ရှိသည် ဖြစ်စေ- ငွေကြေး နှင့် ပတ်သက်သော အရည် အချင်းမရှိပါက- ငွေကြေး အားဖြင့်မူ တိုးတက် ကြီးပွားရန် လမ်းမရှိချေ။ ထို့ကြောင့် ဇာတာရှင်၏ အရည်အချင်း ကို လေ့လာ ရမည် ဖြစ်၏။ ဖိုထိုး၍ ကြက်ကန်းတိုးပြီး ဓါတ်လုံး အောင်သော်မှ မိမိတွင် ထိမ်းသိမ်း နိုင်စွမ်း မရှိလျှင် ထိုဓါတ်လုံးသည် မိမိလက်မှ ဆုံးရှုံးရမည် ဖြစ်၏။
 
သေနတ် တစ်လက်ကို မည်သို့ ကိုင်တွယ်၊ ထိမ်းသိမ်းရမည် ကို မသိသော လူတစ်ဦး အတွက် ထိုသေနတ်သည် ထိုသူကိုယ်တိုင်အား သော်လည်းကောင်း၊ သူ၏ မိသားစုဝင် တစ်ဦးဦးအား သော်လည်းကောင်း ဒုက္ခကောင်းစွာ ပေးနိုင်သော အရာ ဖြစ်၏။ ကျွမ်းကျင်သူများ အဆိုအရ- အိမ်တွင် ဆောင်ထားသော သေနတ်သည် ပြင်ပ ရန်သူကို ကာကွယ်ရန်ထက်- မိသားစုဝင် တစ်ဦးဦးအား ထိုလက်နက်ဖြင့် ဒုက္ခရောက်မည့် ဖြစ်နိုင်ချေက ၇၀% ရှိသည် ဆိုပါ၏။
 
ဤသည်မှာ- လက်ဝယ် ပိုင်ဆိုင်မှု၊ ထိန်းသိမ်းမှု တို့တွင်- ပိုင်ဆိုင် စောင့်ရှောက် နိုင်စွမ်း အရည်အချင်း ရှိမရှိ လေ့လာထားရန် လိုကြောင်းကို ပြောလိုရင်း ဖြစ်၏။
 
တစ်ဖန် စရိုက် ကိစ္စ ဖြစ်၏။ ဘ၀များစွာမှ ပါလာသော စရိုက် ရှိသကဲ့သို့- ကြီးပြင်းရာ ပတ်ဝန်းကျင်၏ ပြုပြင်ပေးမှု ကြောင့်- အများအမြင်တွင် မြင်ရသော စရိုက် လည်းရှိ၏။ ဤနေရာတွင် မမြင်သာသော စရိုက်နှင့် မြင်သာသော စရိုက် ကို ခွဲခြား သိမြင်ရမည် ဖြစ်၏။ အများအမြင်တွင် လိမ္မာယဉ်ကျေးသူဟု မြင်ရသော်လည်း၊ နှလုံးသားထဲတွင် ပင်ကိုယ်အားဖြင့် လူမဆန်သော စရိုက်ဓါတ်ခံ ရှိသူတို့ ရှိ၏။
 
သုညမှ စ၍- ထိပ်ဆုံး ရောက်သည် အထိ အောင်မြင် သူတို့သည်- ထိုသို့သော အနေအထားကို ပို့ပေး နိုင်သည့် စရိုက်တို့ ထင်ရှားစွာ ရှိနေ၏။ လူပျင်း၊ လူဖျင်း တို့တွင် ၄င်းနှင့် သက်ဆိုင်သော စရိုက် ရှိသကဲ့သို့၊ ထက်မြက်သော သူတို့တွင်လည်း သက်ဆိုင်ရာ စရိုက်များ ရှိထားကြ၏။
 
စာဖတ်သူတွင် သားသမီး ၃-ယောက်ခန့် ရှိပါက- ကလေး တစ်ဦးချင်းစီ၏ ပင်ကိုယ် စရိုက်ချင်း မတူခြားနားပုံကိုလည်း မိဘ အနေဖြင့် သိမြင်နိုင်၏။ ဥပမာ အားဖြင့်- “မင်းက အသုံးမကျဘူး၊ အလကားကောင်ပဲ” ဟု ဆဲဆို ကြိမ်းမောင်းမိသော ဆုံးမ မှုသည်- အချို့ကလေးများ အတွက် ပို၍ ဆိုးရွားသော အနေအထား သို့ ပို့ဆောင် ပေးနိုင်သကဲ့သို့၊ အချို့ ကလေးများ အတွက်မူ- မခံချင်စိတ် ဖြင့် မိမိအစွမ်းကို ဖေါ်ထုတ်နိုင်သည့် အင်အားကို ဖြစ်စေသည့် အနေအထား သို့ ရောက်စေ၏။ အချို့ကလေး အတွက်မူ- သိမ်ငယ်သွားခြင်းလည်း မဖြစ်၊ မခံချင်မှု ကို ကြိုးစားမှု ဘက်သို့ မပို့ပဲ- တစ်ဘက်သူအား မုန်းတီး မှု ဘက်သို့ ပို့ပေးတတ်သာ စရိုက်ရှိ၏။ မိမိ၏ သားသမီး သည် မည်သည့် စရိုက် ရှိသနည်းကို သိထားမှသာ- မည်သည့် ပုံစံဖြင့် ဆုံးမခြင်းက ပို၍ သင့်တော် သည်ကို သိရှိလာပါမည်။
 
အချို့သည့် အလွယ်တကူ အရှုံးပေးတတ်သော စရိုက် ဓါတ်ခံရှိ၏။ အချို့မှာမူ- မည်သည့် ကိစ္စကိုမျှ အလွယ်တကူ အရှုံးမပေးလို။
 
အချို့သည် ပြဿနာ ပေါ်လာလျှင် အကောင်းဘက်မှ လှည့်တွေးတတ်သူများ ဖြစ်၍- အချို့မှာမူ- မိမိနှင့် မတူ ရန်သူ ဟု သဘောထားလိုသည့် စရိုက် ရှိ၏။
 
အချို့သည် ဆုံးရှုံးမှု ပြဿနာ ပေါ်လာလျှင်- မိမိကံ-ဆိုးလှ ချည်လားဟု မိမိကိုယ် မိမိ အားငယ်၊ စိတ်ဒုက္ခပေးတတ်သော ဓါတ်ခံရှိသကဲ့သို့၊ အချို့တွင် ထိုစရိုက် မရှိ။
 
ထို့ကြောင့်- ထိုသူတို့ အနေဖြင့် နောက်ဆက်တွဲ ကြုံလှရမည့် အနေအထားတို့သည်လည်း မတူညီနိုင်။
 
နောက် အရေးကြီးသည့် အချက်က ခံစားမှု-ဖြစ်၏။
 
အတွင်းဓါတ်ခံ ကိန်းနေသော စရိုက်ကို မည်သူကမျှ မပြုပြင်နိုင် သကဲ့သို့ ခံစားဓါတ်မှု စိတ်ဓါတ်ခံ ကိုလည်း ပြုပြင်၍ မရချေ။ အသက်ကြီး၍- ထိမ်းသိမ်း သွားခြင်း၊ ဟန်ဆောင် ဖုံးကွယ်နိုင်စွမ်း ရှိလာခြင်း တို့ကြောင့် ပြင်ပ ဖေါ်ပြမှု၊ တုန့်ပြန်မှု မတူတော့ခြင်းသည်- အတွင်းသဘော နှင့် မပတ်သက်ချေ။ စိတ်ဓါတ် အခံသဘော နှင့် စရိုက်ကို များစွာသော သူတို့သည် ပြင်ပမှ အမြင်အရ ဆုံးဖြတ်မိတတ်၏။ အမှန်အားဖြင့် ၄င်းတို့သည် တစ်ခုချင်းစီ သီးသန့် ဖြစ်သော်လည်း- ပြင်ပ တုန့်ပြန်မှုတွင် ယှက်နွယ်နေမှုကြောင့်- သီးသန့် ခွဲထုတ် နားလည်ရန် မလွယ်ကူခြင်း ဖြစ်၏။
 
ယေဘူယျ အားဖြင့်- ဇာတာခွင် တစ်ခု တည်ဆောက်ထားပုံ၊ ဂြိုဟ်တို့ ပျံ့နှံ့၊ စုစည်း တည်နေပုံ၊ ဂုဏများ၊ တြင်းများ၊ လဂ် နှင့် လဂ်သခင်၊ တနင်္ဂနွေ တို့သည်- စရိုက်နှင့် တုန့်ပြန်မှု၊ အားနည်းမှု၊ အားသန်မှု သက်ဆိုင်ရာ အရည်အသွေး တို့ကို ဖေါ်ပြသကဲ့သို့- စိတ်ခံစားမှု နှင့် သာယာ ခံစားမှု တို့ကို တနင်္လာ (စန်း) နှင့် သောကြာ တို့မှ ဖေါ်ပြနေတတ်၏။
 
အားလုံးကို ထိမ်းသိမ်းနိုင်စွမ်းသည်ကား ပညာ နှင့် အသိဥာဏ် ဖြစ်၏
 
ပညာ သည် အသိဥာဏ်ကို ပေး၏။
သို့သော် ပညာ ဆိုသည်မှာ အတန်းပညာ ဖြစ်ချင်လည်း ဖြစ်မည်၊ ဘ၀ပေး ပညာ ဖြစ်ချင်လည်း ဖြစ်မည် ဖြစ်၏။

အချို့သည် ကျောင်းကောင်းစွာ မနေခဲ့ရသော်လည်း လေးနက် မှန်ကန်သော ပညာနှင့် ယှဉ်သည့် အတွေး အခေါ်ရှိ၏။ အသိဥာဏ် ရှိ၏။ အချို့သည် ဘွဲ့၊ ဘွဲ့လွန် စသဖြင့် ရှိသော်လည်း- စာဆိုလျှင် ကျက်၊ ပုစ္ဆာဆိုလျှင် တွက်- ၀ိရိယ စသည် တို့ကို အားပြု အသုံးချနိုင် ခြင်းဖြင့် ဖြစ်စေ၊ အခြား နည်းများဖြင့် ဖြစ်စေ- ပညာရေး လောကမှ သတ်မှတ်ထားသည့် အသိအမှတ် ပြု လက်မှတ်ကို ရထားကြသော်လည်း- ကိုယ်ပိုင် စဉ်းစား နိုင်စွမ်းတွင် အားနည်းတတ်၏။
 
ထို့ကြောင့် ဗေဒင် ပညာတွင် ပြောတတ်ကြသော- “ကြာသပတေးကောင်း အပြစ်တစ်သောင်း ကျေသည်” ဆိုခြင်းမှာ- ဆင်ခြင် စဉ်းစား အသိဥာဏ် အားကောင်း သူတစ်ဦး အနေဖြင့်- မကောင်းသော ပင်ကိုယ် စရိုက်များ၊ အားနည်းသည့် အရည်အချင်းများ၊ နုနယ်သော ခံစားချက်များကို လွှမ်းခြုံ ထောက်ပံ့ ပေးခြင်းဖြင့်- မကောင်းသော အနေအထားမှပင် ကောင်းသော အနေအထားကို ပို့ပေးနိုင်သည်ကို ဆိုခြင်း ဖြစ်၏။
 
အကယ်၍- အလွယ်တကူ- နမူနာ ဇာတာ အရ- ကြားဖြတ်၍ လိုသလောက် မျှကိုသာ ကွက်၍ ရေးသား ပါမူ- အများစု အနေဖြင့် နားလည် လွယ်သည် ဟု ထင်သွားမည် ဖြစ်သော်လည်း- အမှန်ကို နားလည်ခြင်း မျိုး မဟုတ်သည်ကို ကျွန်တော် စိုးရိမ်မိ၏။ ထိုသုံးသပ်ချက် ဗေဒင်ဆိုင်ရာ ဥပဒေ အကြောင်း အချက်သည် ထိုဇာတာ အတွက်သာ မှန်မည် ဖြစ်သော်လည်း- နောက်ဇာတာ အတွက်ဆိုလျှင် အသုံးဝင်တော့မည် မဟုတ်ပေ။
 
ဤသို့ ဤသို့ သော အနေအထား တို့ကြောင့်-
 
ကျွန်တော့် အနေဖြင့် ဆောင်းပါးများ ရေးသား တင်ဆက်ရာတွင်-
 
ဂြိုဟ်တစ်လုံးခြင်းမှ စတင်၍- စရိုက်၊ စိတ်ဓါတ်၊ အရည်အချင်း စသည်တို့ကို စုပေါင်း ခြုံငုံ ရေးသားရခြင်း ဖြစ်ပါ၏။ အမှန်အားဖြင့် ဆိုပါက- ဒီထက်မက ပင် လေ့လာ ဆန်းစစ်ချက်များကို ဖေါ်ပြရမည် ဖြစ်၏။
 
ကာလ သပ္ပယောဂ နှင့် ပတ်သက်၍- ကောင်းသူ၊ ဆိုးသူ၊ ကြီးပွားသူ၊ မကြီးပွားသူ တို့ကို နမူနာ ဇာတာများဖြင့် လေ့လာ သုံးသပ် တင်ဆက်ရာတွင်- ချန်လှပ် ထား၍ မရသူတစ်ယောက်ကား-
 
ဆင်းရဲသား ပန်းပဲဆရာမှ မွေးဖွားလာခဲ့သူ - ကမ္ဘာပေါ်တွင် လူမဆန်ဆုံးသော ဖက်ဆစ် ၀ါဒ၊ ဖက်ဆစ် စနစ်၏ ဖခင်ကြီး ဘန်နီတို မူဆိုလိုနီ ပင် ဖြစ်တော့၏။
 
အောက်မှ ပုံသည် ဟစ်တလာ နှင့် မူဆိုလိုနီ တို့၏ ပုံဖြစ်ပါသည်။
 
 

 


တော်လှန်ရေးကြီးများ ဖြစ်ပွားသည့် အခါများတွင်-
ဆင်းရဲသားများဘက်မှ ပြောနိုင်သူ- လူအများ ကြားလိုသည့် စကားများ မိန့်ခွန်းများကို ရဲရဲတောက် တွင်တွင်ကြီး ပြောနိုင်သူတို့အား ပြည်သူ ပြည်သားတို့က တစ်ခဲနက် အားပေး ထောက်ခံကြ၏။ လူအများပြောချင်သော်လည်း မပြောရဲသည့် စကားများ၊ လူအများ ၏ ဘ၀ နှင့် နီးစပ်သော စကားများ၊ လူအများ နားလည် နိုင်သည့် စကားများ၊ လူများ ကြားလိုသည့် စကားများကို တွင်တွင်ကြီး ပြောနိုင် သူတို့သည် အောင်မြင်သော တရားဟော ဆရာများ ဖြစ်သွားကြ၏။
 
ထိုသူတို့သည်- ထိုသို့သော ထောက်ခံမှုတို့ကြောင့် အမြင့်မားဆုံး အာဏာ တန်ခိုးကို ရသွားသော အခါ- လူသန်းပေါင်း များစွာကို ဒုက္ခပြန်ပေးသည့် သူများ ဖြစ်သွား တတ်ပြန်သေးတော့၏။
 
သို့နှင့်ပင်- တစ်ချိန်က- ကမ္ဘာပေါ်ရှိ ကွန်မြူနစ် နိုင်ငံကြီးတစ်ခု ဖြစ်သော- ရုရှား နိုင်ငံတွင်- ဗော်လရှိဗစ် ပါတီကြီး ပေါ်လာက- မင်ရှီဗစ်များ အပါအ၀င် မိမိနိုင်ငံသား သောင်းပေါင်း များစွာကို သတ်ဖြတ်ခဲ့ မှုကြီးများ ပေါ်လာတော့၏။
 
ထိုနည်းတူ- ပြည်သူတို့၏ ထောက်ခံမှုကို ရခဲ့သော မော်စီတုန်း ဦးဆောင်သည့် ယဉ်ကျေးမှု တော်လှန်ရေးကြီး ပေါ်လာကာ- မိမိ နိုင်ငံသား လူပေါင်း သိန်းပေါင်း များစွာ (၇-သိန်းခွဲမှ ၁-သန်းခွဲ အတွင်း) ကို သတ်ဖြတ်မှုကြီးလည်း ပေါ်လာခဲ့၏။
 
ထိုနည်းတူ- လွန်စွာစကားပြောကောင်းသော- ဆွဲဆောင်နိုင်သော မိန့်ခွန်းများ၊ လူထု ရင်ကို ထိသော မိန့်ခွန်း များဖြင့်- ပြည်သူ့ ထောက်ခံမှု တို့ကို ရခဲ့သည် ဟစ်တလာသည်လည်း- မိမိဂျာမဏီရှိ ဂျူးများ၊ အခြား ဥရောပ နိုင်ငံများရှိ ဂျူးများ အပါအ၀င်- လူသန်းပေါင်းများစွာကို သေကြေ ပျက်စီးစေခဲ့သည့် ဒုတိယ ကမ္ဘာစစ်ကြီး ပေါ်လာခဲ့၏။
 
ဤသို့သော ထူးခြားသော အရည်အချင်းရှိသူ၊ လူထုကို မိမိဘက်ပါအောင် ဆွဲဆောင် ပြောဆိုနိုင်သူ- အခြား ထင်ရှားသူ တစ်ဦးသည်ကား- ကမ္ဘာပေါ်တွင် လူမဆန်သော ဖက်ဆစ် စနစ်ကြီးကို စနစ်တည်ထောင် ခဲ့သူ- ဖက်ဆစ် ဖခင်ကြီး ဘန်နီတို မူဆိုလိုနီ ပင် ဖြစ်တော့၏။
 
သူ့အား ၁၈၈၃-ခုနှစ်၊ ဇူလိုင်လ ၂၉-ရက်တွင် ဆိုရှယ်လစ် ၀ါဒီ- ဘုရားကျောင်းဆရာလည်း ဖြစ်သော- ဆင်းရဲသား ပန်းပဲဆရာ ဖြစ်သူ မှ မွေးဖွားလာခဲ့၏။
 
ဆိုဆုံးမ မနိုင်ပဲ ကြမ်းတမ်းသော သဘောရှိသဖြင့်- ကျောင်းများစွာမှ ထုတ်ပယ်ခြင်း ခံခဲ့ရ၏။
 
သို့သော် ထူးခြားစွာ ဥာဏ်ကောင်းသဖြင့် မည်သည့် စာမေးပွဲကိုမျှ ကျရှုံးဘူးခြင်း မရှိခဲ့။
 
သူသည့် ကျောင်းဆရာလည်း လုပ်ခဲ့ဘူး၏။ ထို့နောက် အလုပ်မှ ထုတ်ခံရပြီး- ဆွဇ်ဇာလန် သို့ ရွှေ့ပြောင်းကာ- ကြုံသလို လုပ်ကိုင်ခဲ့ဘူး၏။
 
သူသည် ဆိုရှယ်လစ် ပါတီမှ ထုတ်ဝေသော Avanti သတင်းစာ တိုက်တွင် အယ်ဒီတာ လုပ်ခဲ့၍- သတင်းစာ စောင်ရေ ၂-ဆ တိုးအောင် လုပ်နိုင်ခဲ့သူလည်း ဖြစ်၏။
 
ကျောင်းဆရာ မှ အာဏာရှင် ဖြစ်ခဲ့သူ- မော်စီတုန်း ကဲ့သို့ပင်- သူသည်လည်း ကျောင်းဆရာ ဟောင်း၊ သတင်းစာ ဂျာနယ်လစ် ဟောင်း ဖြစ်သော်လည်း- လူမဆန်သော အာဏာရှင် ဖြစ်သွားခဲ့ သည်ကို သမိုင်းမှ ဖေါ်ပြထားသည်ကိုလည်း စာဖတ်သူတို့ သတိပြုသင့်ပါ၏။
  • ၁၈၈၃-ဇူလိုင် ၂၉-တွင် ဘန်နီတို မူဆိုလိုနီ မွေးဖွားခဲ့၏။
  • ၁၉၁၉-မတ်လ ၂၃-တွင် မူဆိုလိုနီ နှင့် စစ်ပြန်များ ပူးပေါင်း၍ ဖက်ဆစ် အဖွဲ့အစည်းကို တည်ထောင်ခဲ့၏။
  • ၁၉၁၉-ဧပြီလ ၁၅ မူဆိုလိုနီ ၏ လူများက မီလန် မြို့ရှိ ဆိုရှယ်လစ် သတင်းစာ ဌာနကို တိုက်ခိုက်ခဲ့၏။
  • ၁၉၂၅-ဇန်န၀ါရီလ ၃-တွင် မူဆိုလိုနီ သည် အီတလီ အာဏာရှင် ဖြစ်လာခဲ့သည်။
  • ၁၉၂၉-ဖေဖေါ်ဝါရီ ၁၁-တွင် ၁၁-ဦးမြောက် ပုပ်ရဟန်းမင်းကြီးမှာ ဂျူးနှင့် ပရိုက်တက်စတင့် များကို ခွဲခြား ဖိနှိပ်ရန် မူဆိုလိုနီ နှင့် သဘောတူ လက်မှတ်ထိုးခဲ့၏။
  • ၁၉၃၉- ဇွန်လ ၁၃-ရက်၊ ဟစ်တလာ နှင့် ပထမဆုံး အကြိမ် အဖြစ် ဗင်းနစ်မြို့တွင် တွေ့ဆုံခဲ့သည်။
  • ၁၉၄၅- ဧပြီလ ၂၈ တွင် တွင် မူဆိုလီနီ နှင့် သူ၏ မယားငယ် တို့ကို အီတလီ တော်လှန်ရေး တပ်သားများက သေဒဏ် စီရင်ခဲ့သည်။
  • ထိုကာလသည် ကား- စနေ ထူလ၊ ရာဟု အန္တရ၊ သောကြာ ပြတန္တရ ဖြစ်ပြီး ကောဇာ ဂြိုဟ်ဆိုးလွှမ်းမိုးမှု များကိုမူ- ဖေါ်ပြပါ ဇယားတွင် လေ့လာနိုင်ပါသည်။
  • ၁၉၄၆- ဧပြီလ ၂၁ တွင် တွင် မူဆိုလီနီ ၏ ရုပ်ကလာပ်ကို ခိုးယူခြင်း ခံရသည်။
 
 ဓါတ်ပုံများကို- http://skepticism-images.s3-website-us-east-1.amazonaws.com/images/jreviews/Mussolini_Petacci_1945.jpg မှ ရယူထားပါသည်။

 
မိုးတား ပညာပေး ဆောင်းပါးများ ရေးသားခဲ့ရာတွင်- မိုးတား အင်အားပြ ဂရပ်ဖ်များသည် အထောက်အကူ များ အနေဖြင့်သာ ဖြစ်ခြင်း- အားလုံး အသေးစိတ် အတိအကျ လေ့လာ နိုင်ရန် အတွက်မူ- ထိုဂရပ်ဖ် များသာ မက- ထိုဂရပ်ဖ် များ၏ နောက်ကွယ် သဘောတရား နှင့် တကွ ပညာရပ်၏ အနက် အဓိပ္ပါယ်ကို နားလည် ပြီးမှသာ သုံး၍ ရမည် ဖြစ်သော်လည်း- အချို့သော ခေတ်ပညာ တတ် လူငယ်တို့ အနေဖြင့်- ဤဂရပ်များ တွက်နည်းသာ ရလျှင်- ပရိုဂရမ် ရေး၍- ရမည်ဟူ၍၊ ပညာရပ်ကို ပေါ့တန်စွာ သဘောထားခြင်း ကို စိတ်မကောင်းစွာဖြင့် ကြုံတွေ့လာရပါသည်။
 
ယခု ဆောင်းပါးတွင်မူ- ကျွန်တော့် အနေဖြင့် အချိန်ကုန်ခံ၍- ဂြိုဟ်တစ်ခုချင်းစီ အင်အား နှင့် တကွ ရှင်းပြတို့ကို- အများစုက- နားမလည်ခြင်း တို့ကို သိရှိလာရခြင်း ကြောင့်လည်းကောင်း၊ အထက်က တင်ပြခဲ့သလို ဂရပ်ဖ် တွက်ပုံ အဆင်သင့် ရလျှင် ပြီးပြီ ဟူသော သဘောထား တို့ကို သိရှိရခြင်း တို့ကြောင့် လည်းကောင်း- ရှင်းလင်း ပေးလိုစိတ် မရှိတော့ပါ။

နောက်ဆောင်းပါးများတွင်---
 
မကြီးပွားဘူး ဟူ၍ လည်းကောင်း၊ ဘ၀တွင် ဒုက္ခသုခ များလှသောကြောင့် ယတြာချေရမည် ဟူ၍လည်းကောင်း နက္ခတ် မဂ္ဂဇင်း၊ ဂျာနယ်၊ ဆောင်းပါး အင်တာနက် တို့မှ နေ၍ ကြော်ငြာ နေသည့် မြွေကျိန်စာ ကာလ သပ္ပယောဂ ပိုင်ရှင် ဖြစ်သော် လည်း အောင်မြင် ထင်ရှားသူများ ဖြစ်ကြသည့်
  • ဗြိတိန် နိုင်ငံတွင် သက်တမ်းအရှည်ကြာဆုံး၊ အထက်မြက်ဆုံး တာဝန် ထမ်းဆောင်ခဲ့သူ ၀န်ကြီးချုပ် ဟောင်း မာဂရက် သက်ချာ။
  • အမေရိကန် သမ္မတဟောင်း ဖြစ်ခဲ့သူ ဂျော့်ခ်ျ ဒဗလျူ ဘုရှ်။
  • အသံနှင့် ပတ်သက်လျှင် တစ်ခေတ် တစ်ယောက် ထူးချွန်လှသူ ဂရိအော်ပရာ အဆိုတော် Maria Callas
  • တစ်ခေတ် တစ်ယောက် ခရစ်ကက် ကစားသမား ဖြစ်သူ- Sachin Tendulkar ဆက်ချင် တန်ဒူလ်ကာ။
  • ၂၀၀၈ ရွေးကောက်ပွဲတွင် အမေရိကန် ဒု သမ္မတ ရာထူးအတွက် ၀င်ရောက် ယှဉ်ပြိုင်ကဲ့သူ အာလာစကာ ပြည်နယ် အမတ် ဆာရာ ပါလင်။
  • အလွန်ထင်ရှားသူ တစ်ဦး ဖြစ်သည့် အိန္ဒိယလူမျိုး စာရေး ဆရာ၊ ဆေးပညာရှင် ဒီပက် ချော်ပရာ Deepak Chopra.
  • မြန်မာနိုင်ငံ တရားဥပဒေ လောက တွင် လွန်စွာ ထင်ရှားခဲ့သူ တရားသူကြီး ဦးချန်ထွန်း။
  • အမည်ဖေါ်ပြရန် မသင့်သည့် မြန်မာနိုင်ငံမှ ဗိုလ်ချုပ်ကြီး ၂-ဦး။ 
တို့၏ ဇာတာများကို ရေးသားပေးပါမည်။
 
မဟုတ်တမ်းတရား တို့မှ ခြောက်လှန့်ခြင်း မခံရသည် ဖြစ်လျှက်- နက္ခတ်ကို စစ်မှန်စွာ ချစ်မြတ်နိုးသူများ ဖြစ်ကြပါစေ--
 
 
 
နျူမာန် (မိုးတား)

[+/-] show/hide this post

Thursday, September 13, 2012

ကာလသပ္ပ ယောဂ (၃) ဆင်းရဲသားမှ ဘီလျံနာ သူဌေး- အမ်ဘာနီ ဒီရုဘိုင်

အိန္ဒိယ နိုင်ငံ၊ ဂူဂျာရတ် ပြည်နယ်၊ ချောဝတ် ဟု အမည်ရှိသော မြို့လေး တစ်မြို့-
နွမ်းပါးသည့် သာမာန် မိသားစု တစ်စုမှ- ဒုတိယ သားဖြစ်သူ- ဒီရုဘိုင် အမ်ဘာနီ Dhirubhai Ambani တစ်ယောက် ပညာရေး အတွက် ရည်မှန်းချက် များ အပြည့်ဖြင့်- ၁၀-တန်း စာမေးပွဲဖြေ ထားပြီး ၍ မကြာမီ ည- တစ်ည ဖြစ်၏။ ဘခင် ဖြစ်သူ ဟီရာချန်မှ-
“သား- မင်းကို အဖေပြောပြမယ်။ အဖေ လည်း ကျန်းမာရေး မကောင်းတာ လ-အတော်ကြာပြီး ဖြစ်တာ- သား သိတဲ့အတိုင်းပဲလေ။ ဒီတော့ အဖေ့ အနေနဲ့အလုပ် မလုပ်နိုင်တော့ဘူး။ မင်းအနေနဲ့ ပညာဆက်သင်ချင်တာ အဖေသိပါတယ်။ ဒါပေမယ့် ငါတို့ အနေနဲ့ တတ်နိုင်ဘို့ မရှိတော့ဘူးသား။ မိသားစု အတွက် ငွေကို သားက ရှာပေးဘို့ လိုနေပြီ။ မင်းရှာပေးတဲ့ ပိုက်ဆံက အဖေ့အတွက်လိုလာပြီ သား။ မိသားစု လိုလာပြီသားရယ်။ ဒီတော့- မင်းအခုပဲ အလုပ်- လုပ်ရတော့မယ်။ မင်းအကို ရမ္မနိဘိုင် က မင်းကို အာဒင် မြို့မှာ အလုပ်လုပ်ဘို့ စီစဉ်ထားပြီးပြီ။ ဒီတော့ သွားပေတော့ သားရေ”-
ပညာရေး ရည်မှန်း မျှော်လင့်ချက်တို့ တစ်စစီ ကြေမွ ပျက်စီးသွားပြီ ဖြစ်သော်လည်း- ဘာမျှ မတတ်နိုင်သည့် အဆုံးတော့- “ဟုတ်ကဲ့ပါ အဖေ” ဟု ပြော၍- အသက် ၁၆ နှစ်ကျော် လူငယ်လေး- ဒီရုဘိုင် အမ်ဘာနီ တစ်ယောက်- ယီမင် နိုင်ငံ အာဒင် မြို့သို့ ချီတက် ရလေ တော့သည်။
ယီမင်သို့သွားရန် ဗီဇာ လိုအပ်လာတော့မည် ဟု ကောဠာဟလ များကလည်း ထွက်ပေါ်နေသဖြင့်- ဗီဇာ ဥပဒေ မပြောင်းခင် အရောက်သွားနိုင်ရေး အတွက် ဘုံဘေမြို့တွင် စီစဉ်စရာများ စီစဉ်ပြီး- ယီမင်ခရီးသွားနေသည့် သင်္ဘောပေါ်တွင်- သူစာမေးပွဲအောင်သည့် သတင်းကို ကြားသိခဲ့ရပါ၏။
ဤသည်ကား-
  • အိန္ဒိယ နိုင်ငံတွင် ဓါတုဗေဒ တိုးတက်မှ နှင့် ကြီးပွားမှုတို့ကို ဖြစ်စေနိုင်သည့် ထူးချွန်သော စွမ်းဆောင်ရည်တို့ကြောင့် အသိအမှတ်ပြု သည့် အနေဖြင့်- ၂၀၀၀-ခုနှစ် နိုဝင်ဘာလ တွင် “ရာစု နှစ်၏ လူသား” ဟုသော ဘွဲ့ကို Chemtech Foundation နှင့် Chemical Engineering World တို့မှ ပေးအပ် ချီးမြှင့်ခြင်း ခံရသည့်-
  • သက္ကရာဇ် ၁၉၉၆၊ ၁၉၉၈၊ ၂၀၀၀ တို့တွင်- Asiaweek မဂ္ဂဇင်းကြီးမှ- အာရှတိုင်းမှ စွမ်းအားအကြီးဆုံး လူသား ၅၀ 'Power 50 - the most powerful people တွင် တင်ပြခြင်းခံရသည့် -
  • ဘ၀တစ်သက်တာ အောင်မြင်မှု အတွက် ကော်ပိုရေးရှင်း ထူးချွန်မှုအရ- Economic Times Awards ကို ၂၀၀၁-ခုနှစ် သြဂုတ်လတွင် ချီးမြှင့်ခြင်း ခံရသည့်-
  • သက္ကရာဇ် ၂၀၀၀-တွင်- The Times of India မှ စစ်တမ်းကောက်ယူမှု အရ- “ရာစုနှစ် ကာလများအတွင်း ချမ်းသာမှုကို အဖန်တီးနိုင်ဆုံးသူ” ("Greatest Creator of Wealth In The Centuries") ကို ရရှိခဲ့သည့်-
ဘီလျံနာ သူဌေးကြီး ဖြစ်လာမည့်- ဒီရုဘိုင် အမ်ဘာနီ ၏ ဘ၀ အစပင် ဖြစ်လေတော့၏။ http://en.wikipedia.org/wiki/Dhirubhai_Ambani တွင် ဆက်လက် လေ့လာ နိုင်ပါသည်။
သူသည်-
  • ၁၉၄၉ နှစ် အသက် ၁၇-နှစ် မပြည့်ခင် တွင် ယီမင် နိုင်ငံ အာဒင် မြို့ရှိ Shell ကုမ္ပဏီ၏ ထုတ်ကုန် ပစ္စည်းများကို ရောင်းချသော-. Besse & Co. တွင် ပြာတာ စာရေး လေး အဖြစ် စတင်လုပ်ကိုင် ခဲ့ရသည်။ ထို့နောက်တွင် ဒူဘိုင်းတွင်လည်း အလုပ်လုပ်ကိုင် ခဲ့ရသည်။
  • ၁၉၅၈-ခုနှစ်တွင်- အိန္ဒိယသို့ ပြန်လာခဲ့ပြီး- ဘုံဘေ မြို့တွင် သူ၏ ပထမဆုံး ကုမ္ပဏီ ဖြစ်သော- Reliance Commercial Corporation ကို အိန္ဒိယငွေ ရူပီး တစ်သောင်းခွဲ နှင့် စားပွဲ ခုံတစ်လုံး၊ ကုလားထိုင် ၃-လုံး၊ ဖုန်း တစ်လုံး ဖြင့် စတင်ခဲ့၏။
  • ၁၉၆၆-ခုနှစ်တွင်- Ahmedabad ပြည်နယ်၊ နာရိုဒါ မြို့တွင်- ချည်မျှင် နှင့် အထည်စက်ကို တည်ထောင်ခဲ့၏။ ဤကုမ္ပဏီသည် ယခုအခါ ၀န်ထမ်းပေါင်း ရှစ်သောင်းခွဲ နှင့် အိန္ဒိယ နိုင်ငံ အစိုးရ- အခွန်ငွေ စုစုပေါင်း၏ ၅% နီးပါး ကို ပေးဆောင်သည် အထိ ကြီးမားသော ကုမ္ပဏီ ဖြစ်လာခဲ့ပါ၏။
  • ၁၉၇၇-ခုနှစ်တွင် Reliance ကုမ္ပဏီကို အများပိုင် လုပ်ငန်းအဖြစ် ပြောင်းလဲ၍- အစုရှယ်ယာများ ရအောင် ဖန်တီးခဲ့၏။ ၁၉၇၆-၇၇ ခုနှစ် တို့တွင်- Reliance ကုမ္ပဏီ အနေဖြင့်- နှစ်စဉ် လည်ပတ်ငွေကြေး ရူပီး သန်း ၇၀၀ ရှိသည်။
  • ၁၉၈၀-တွင် ရူပီး သန်းတစ်ထောင် တန်ဘိုးရှိသော ဖိုင်ဘာ လုပ်ငန်းနှင့် ပတ်သက်သည့် Patalganga ပရောဂျက်ကို ကြေညာ အကောင်အထည် ပေါ်ခဲ့၏။
  • ၁၉၈၆-ခုတွင် လေဖြတ်ခံရသဖြင့်။ ညာလက် လှုပ်၍ မရတော့သဖြင့်- သားနှစ်ယောက် အနေဖြင့် လုပ်ငန်း များတွင် ၀င်ရောက် နေရာယူလာရ၏။
  • ၁၉၈၈-တွင် ဖိုင်ဘာ နှင့် ဓါတုဗေဒ ထုတ်လုပ်ရေးများ လုပ်ကိုင်ခဲ့ပြီး- ၁၉၈၉ တွင် ရေလွှမ်းမှုကြောင့် ပျက်စီးမှုများ ရှိခဲ့၏။
  • ရူပီး သန်း ၉ သောင်း တန်ဘိုးရှိသော Hazira ပရောဂျက်ကို ၁၉၉၁-တွင် စတင်လည်ပတ်ခဲ့၏။
  • ၁၉၉၃-တွင် ပလပ်စတစ် နှင့် ပီဗွီစီ PVC လုပ်ငန်းတို့ကို ချဲ့ခဲ့၏။
  • ပြီးခဲ့သော ၁၉၉၃-နှစ် အတွက်- Business India မှ ၁၉၉၃-နှစ်၏ အကောင်းဆုံး စီးပွားရေး သမား အဖြစ် ၁၉၉၄-ဇန်န၀ါရီ တွင် ရွေးချယ်ခြင်း ခံရသည်။ ၁၉၉၄-တွင် Hazira ရေနံ ဓါတု လုပ်ငန်းကို ၃-ဆ ချဲ့ခဲ့ပြီး- တစ်နှစ်လျှင် ၆-မဂ္ဂါတန် ထုတ်လုပ်နိုင်ခဲ့သည်။ အင်္ဂလန် နိုင်ငံ Textile Institute အနေဖြင့်- Companion Membership ဆုကို ချီးမြှင့်ခဲ့သည်။ ထိုဆုသည် စက်မှု ဖိုင်ဘာမျှင် တို့၏ အထွေထွေ အကျိုးအတွက် ထူးခြားသော တိုးတက်မှုကို ဖြစ်စေသည့် သက်ရှိ ထင်ရှား ပုဂ္ဂိုလ် ၅၀ ကိုသာ ကန့်သတ်ထားသောဆု ဖြစ်သည်။
  • ၁၉၉၅-တွင် အသားတင် အမြတ်ငွေ ရူပီး ၁၀- ဘီလျံ တင်ပြ နိုင်သော အိန္ဒိယ နိုင်ငံတွင် ပထမဆုံးသော ကုမ္ပဏီ ဖြစ်ခဲ့သည်။
  • ၁၉၉၆-ခုနှစ်တွင် အိန္ဒိယ နိုင် S&P and Moody’s မှ စာရင်းသွင်း အဆင့်သတ်မှတ် ခဲ့သော ပထမဆုံးသော အိန္ဒိယ ကုမ္ပဏီ ဖြစ်ခဲ့သည်။
  • ၁၉၉၇-ခုနှစ်တွင်- မိုဘိုင်း ဟန်းဖုန်း cellular services ကို စတင်ခဲ့သည်။
  • ၁၉၉၉-ခုနှစ်တွင်- ကမ္ဘာ့အကြီးဆုံး ရေနံချက် စက်ရုံကို Jamnagar တွင် စတင်ခဲ့သည်။
  • ၂၀၀၂-ခုနှစ်တွင်- ဇူလိုင်လ- ၆-ရက်နေ့တွင် ဒီရုဘိုင် အမ်ဘာနီ သေဆုံးခဲ့သည်။ သူသေဆုံးချိန်တွင်- Reliance Group ကြီး၏ စုစုပေါင်း နှစ်စဉ် လည်ပတ်နေသော ငွေကြေးမှာ ရူပီးငွေ ဘီလျံ ၇၅၀- (အမေရိကန် ၁၅ ဘီလျံ) တန်ဘိုး ရှိနေပြီ ဖြစ်သည်။
မူလ ဇာတာ တည်နေရာ နှင့် လွှမ်းမိုးမှု ဆန်းစစ်ချက် အနှစ်ချုပ်
ဇာတာရှင်သည် ဓနု လဂ်- ဓနု စန်း ဖြစ်သည်။

တနင်္ဂနွေ ဂြိုဟ်နှင့် ပတ်သက်၍ အသေးစိတ် ဆန်းစစ် ကြမည် ဆိုပါက-

၉-တန့် ဘာဝ သခင် ဖြစ်သော-တနင်္ဂနွေ ဂြိုဟ် သည် မိတ်ဖြစ်သော ဓနု ရာသီ ၁-တန့် (လဂ်) ဘာဝ တွင်တည်သည်။ န၀င်း စက် အားဖြင့် (၈-တန့် ဘာဝ သခင်) တနင်္လာ ပိုင်သော ကရကဋ် န၀င်း ဖြစ်ကာ-ကိတ် ပိုင်သော မူလ နက္ခတ် ကိုစီးနင်း ထားသည်။ မူလ အင်အား အနေဖြင့် 99% ရှိကာ၊ ဂြိုဟ်ဆိုး ဖြစ်သော ကိတ်မှ လွှမ်းမိုးမှု (-74.7) % ရှိသည်။ ဂြိုဟ်ကောင်း လွှမ်းမိုးမှု မရှိပါ။
ဤဇာတာ အနေအထားတွင်- တနင်္ဂနွေဂြိုဟ် အနေဖြင့် လဂ်တွင် ရပ်တည်ခြင်းဖြင့်၊ စိတ်ကြီး၊ အမှတ်အသားကြီး တတ်သော သဘာဝ ရှိသူမျိုး ဖြစ်ပြီး မိမိ ကိုယ်ကို သတိထား နေထိုင်တတ် သူမျိုး- ရည်ရွယ်ချက်ကို ဦးစားပေးသူမျိုး ဖြစ်သည်။ ဤအနေအထား ရှိသူတို့၏ သဘာဝသည်- ကိစ္စရပ် တစ်ခုကို ကြာရှည် စောင့်စားရ သော အနေအထားများကို မုန်းတတ်ပြီး- စိတ်တိုင်းမကျလျှင်- စိတ်ထွက် လွယ်သော်လည်း- ချက်ချင်း စိတ်ပြေတတ်သူမျိုး ဖြစ်၏။
ဒီရုဘိုင် အမ်ဘာနီသည် ဒေါသ ဖြစ်လွယ်တတ်ပြီး- ချက်ချင်းလည်း စိတ်ပြေတတ်ကြောင်း - သူဒေါသ ထွက်လျှင် တစ်ဆုံး တစ်စ လွှတ်ပြောတတ်သူမျိုး ဖြစ်ကြောင်း ကိုလည်း- သူနှင့် နီးစပ်သူများက သိထားကြ၏။
ရည်ရွယ်ချက် ဆုံးဖြတ်ချက် နှင့် ဆိုင်သော တနင်္ဂနွေ သည် လဂ်တွင် တည်ထားခြင်းဖြင့်- ဆုံးဖြတ် တစ်ခု ကို ချမှတ် ထားလျှင်၊ ဖြစ်အောင် လုပ်မည့် သူမျိုးဖြစ်သည်။ သူများ ကိစ္စများတွင် စွက်ဖက် ခြင်းထက် မိမိကိုယ်ပိုင် ကိစ္စများကို ပို၍ အရေးထား တတ်သော သူမျိုး ဖြစ်သည်။ သူ၏ ထင်မြင် ယူဆချက် တို့အား အခြားသူများက လမ်းလွှဲ ပစ်နိုင်ရန် ခက်ခဲသော သူမျိုးဖြစ်ခြင်း တို့ကို အထောက်အကူ ပြုနေ၏။
တစ်ရက်လျှင် ၂၅-တန် ချက်နိုင်သော ရေနံချက် စက်ရုံကြီး ကို Reliance ကုမ္ပဏီ အနေဖြင့် တည်ထောင်ပြီး ချိန်တွင်- အမ်ဘာနီ ပြန်လည် အမှတ်ရခဲ့သည် မှာ-
“ကျွန်တော် ဓါတ်ဆီ ဆိုင်မှာ အကူလုပ်ခဲ့ တုန်းက- နောက်ကျယင် ကိုယ်ပိုင် ရေနံချက် စက်ရုံကြီး ပိုင်ချင်ခဲ့တယ် လို့ ရူးရုးမိုက်မိုက် တွေးခဲ့ဘူးတယ်ဗျ။ ယီမင် စကားပုံ ဖြစ်တဲ့- You must visit Sana'a, however long the journey takes ” ဆိုတာကို ကျွန်တော် ဘယ်တော့မှ မမေ့ဘူးဗျ။
သူ၏ ရည်ရွယ်ချက် - စိတ်ကူးချက်တို့ အမှန် အကန် ဖြစ်လာခြင်းက- စိတ်ဝင်စား စရာ ဖြစ်ပါ၏။
တစ်ဘက်တွင် တနင်္ဂနွေ တည်သော ဓနုရာသီ သည်- ကြာသပတေးပိုင်၊ ကြာသပတေးသည် တနင်္ဂနွေအား မိတ်ပြုသော ဂြိုဟ်ဖြစ်သည်။
၉-တန့်ဘာဝ၏ မူလတြိဂေါဏ အိမ်ရှင်သည် ၁-တန့်တွင် တည်ခြင်းဖြင့် ဇာတာရှင် သည် မိမိကိုယ်ပိုင် အစွမ်းအစဖြင့် ကြီးပွားမည် သူဖြစ်ခြင်း၊ ဘုန်းတန်ခိုး ကြီးစေသော အနေအထား ကို ဖြစ်စေခြင်း များသာမက- ဇာတာရှင်၏ ခင်မင်လိုဘွယ်ကောင်း သော အပြုအမူ အနေအထိုင် တို့ကြောင့် အများက အသိအမှတ်ပြုရသော သူဖြစ်သည်။ ဇာတာရှင် အနေဖြင့်- ၀န်ထမ်း ဖြစ်ပါကလည်း- အထက် လူကြီးများက တုံ့ဆိုင်းခြင်း မရှိပဲ ထောက်ပံ့ပေးခြင်းကို ရရှိမည့် ဇာတာမျိုး ဖြစ်သည်။ ဇာတာရှင် မြင့်မားသော ဘ၀အခြေအနေကို ရောက်ရှိလိမ့်မည် ဆိုသည်ကို ပြဆိုသော အချက်တစ်ခု ဖြစ်၏။
အထက်တွင် လေ့လာကြည့်ခဲ့သော ၉-တန့် ဘာဝ သခင် သည်- ၈-တန့် ဘာဝ သခင်) တနင်္လာ ပိုင်သော ကရကဋ် န၀င်း တည်နေခြင်းကို စာဖတ်သူ သတိထား မိပါသလား-
  •  ၉-တန့် ဘာဝ နှင့် ၄င်း၏ သခင် သည်- ကံကောင်းခြင်း၊ သက်တောင့် သက်သာ ရရှိခြင်း ကို ဖြစ်စေသည့် ဖြစ်စေသည့် တာဝန် ကို ထမ်းဆောင်ပြီး-
  • ၈-တန်.ဘာဝ နှင့် ၄င်း၏ သခင် တို့သည် အင်အား မထုတ်ရပဲ အချောင် ရခြင်းမျိုးကို ဖြစ်စေသည် ဆိုသော အချက်ကို-
ထီနှင့် သက်ဆိုင်သော ဆောင်းပါးများ စွာတို့တွင် ရေးသားခဲ့ပြီး ဖြစ်ပါ၏။
ဇာတာရှင် အမ်ဘာနီ သည် ထီပေါက်၍ ချမ်းသာသူ မဟုတ်ပါ။

သို့သော်- မိမိအနေဖြင့် မသေချာသော်လည်း အရဲစွန့် လုပ်ဆောင်လိုက်သော ကိစ္စတို့သည်- အမြဲလိုလို အောင်မြင်နေတတ်ခြင်း- တို့ကို ဖြစ်စေတော့၏။
အမ်ဘာနီ သည် ယီမင်တွင် အလုပ်နေရင်း- commodities trading ၏ အခြေခံများ သိလာသော အခါ- အလား အလာရှိမည် တို့ကို ၀ယ်ခြင်း၊ ပြန်ရောင်း စသည့် Speculation ကို လုပ်ဆောင်တော့၏။ သို့သော်လည်း ငွေအလုံအလောက် မရှိသောကြောင့်- သူငယ်ချို့များ ထံမှ ငွေချေးရသည်- ဈေးဆိုင် တို့တွင်- “အမြတ်ရလျှင် ခွဲဝေ ပေးပါမည်- ရှုံးလျှင် ကျွန်တော် အရှုံးပဲ သဘောထားပါ။” ဆိုသော တော်ရုံသူ မည်သူမျှ မလုပ်ရဲသော အနေအထားဖြင့် ငွေချေးရသည်။ နေ့လည် ထမင်းစားချိန်- ရုံးဆင်းပြီး ချိန်များတွင်- သူသည် မြို့တွင်း ဈေးတွင်း လှည့်လည် သွားလာနေပြီး- တစ်ခု မဟုတ် တစ်ခု ၀ယ်ရောင်း လုပ်နေခဲ့သည် ဆိုပါ၏။

နောက်ဆုံးတွင် သူ့နှင့် ပတ်သက်သူများ အနေဖြင့်- အမ်ဘာနီ လုပ်တိုင်း ရှုံးခဲလှသည် ကို သိလာကြတော့၏။ ဤကိစ္စ နှင့် အမ်ဘာနီ ပြောခဲ့သည်မှာ-
“ကျွန်တော့်မှာ- ဒီလို အရောင်း အ၀ယ် ကိစ္စတွေ နဲ့ ပတ်သက်ယင်- တိရစ္ဆာန် တွေလို အလိုလို သိတဲ့ အာရုံ ရှိနေတယ် လို့ ထင်တယ်။ ဒါပေမယ့် - ဒီအာရုံ ရဲ့ နောက်မှာလည်း- စာဖတ် ထားတာတွေ- ဈေးကွက် အတက်အကျ နားလည်မှုတွေ လည်း ပါ- ပါသေးတယ်။”
ဟု ဖြစ်သည်။ ထီထိုးခြင်း- ထီပေါက်ခြင်း မဟုတ်သော်လည်း- အလွယ် ကံကောင်း တတ်ခြင်း ကိုတော့ တွေ့နိုင်ပါ၏။
တနင်္ဂနွေ နှင့် ပါတ်သက်သော ကိစ္စက- ဤမျှနှင့် မရပ်သေးချေ။
တနင်္ဂနွေ၏ ညာဘက် နှင့် ဘယ်ဘက်၊ တစ်နည်းအားဖြင့်- ၂-တန့် နှင့် ၁၂-တန့် တို့ကို လေ့လာလိုက်သော အခါ- တနင်္ဂနွေ မှ ၂-တန့် အကွာတွင် စနေ ဂြိုဟ် ရှိ၏။ စနေသည်- ဇာတာရှင် အတွက် ၃-တန့်သခင် (ကာရက သောမဂြိုဟ်) ဖြစ်ပြီး၊ တနင်္ဂနွေမှ ၁၂-တန့်တွင် ဗုဒ္ဓဟူး နှင့် သောကြာ တို့ ရှိ၏။ ဗုဒ္ဓဟူး သည် ၁၀-တန့် ဘာဝ သခင် (ကာရက သောမဂြိုဟ်) ဖြစ်၍- သောကြာသည် ၁၁-တန့် ဘာဝ သခင် (ကာရက သောမဂြိုဟ်) ဖြစ်နေပြန် သေး၏။ တနင်္ဂနွေ သည် ကိတ်၏ လွှမ်းမိုးမှု မှ အပ- အင်အားကောင်းထားခြင်း- ဘယ်ညာ ၂-ဘက်မှ ဂြိုဟ်တို့သည်လည်း- (ကာရက သောမဂြိုဟ်) များ ဖြစ်နေခြင်း ဖြင့်- “ဥဘအယစာရီ ယောဂ” အမည်ရှိသော ရှေးမူရင်း ကျမ်းများလာ- ယောဂ သည် ဇာတာရှင်အား အကျိုးပေးခွင့် ရသွား၏။
ထိုယောဂ၏ အကျိုးပေးပုံမှာ-
တနင်္လာမှ အပဖြစ်သော အခြားဂြိုဟ်တစ်လုံးလုံး သည် တနင်္ဂနွေဂြိုဟ်မှ ၂-တန့်နှင့် ၁၂ တန့်တို့ တွင် ရပ်ခြင်းဖြင့်ဤ ယောဂ ကိုရရှိသည်။
ဤယောဂကိုရထားခြင်းဖြင့် ဇာတာရှင်သည် တောင့်တင်း ကြံ့ခိုင်သော ကိုယ်ခန္ဓာရှိ၍၊ ရှင်ဘုရင်သို့ကဲ့သို့ ကြီးမြတ်သော တာဝန်တို့ကို ဆောင်ရွက်ရလျှက်- ထူးခြားစွာ သင်ယူမှု၊ မျှတသော အသွင်သဏ္ဍာန်၊ ချမ်းသာကြွယ်ဝမှု လှပချောမောမှု နှင့် စည်းစိမ်ခံစား စရာအများအပြားရမည် ဟု ကျမ်းရင်း များက ဆိုထားသည်။
ထိုမျှ မကသေး- တနင်္ဂနွေ တည်ရာ လဂ် မှ ၁၀-တန့် တွင်- သဘာဝ သောမဂြိုဟ်လည်း ဖြစ်၊ ကာရက သောမဂြိုဟ် လဂ်သခင် ဂြိုဟ်လည်း ဖြစ်သော ကြာသပတေး တည်နေ၏။ ဤသို့ တည်နေခြင်းက- (ဖလဒီပက-၆။၁၂) ကျမ်းအလာ-“အမလ (ကိရတိ) ယောဂ” ဆိုသော အကျိုးပေးကောင်းသည့် ယောဂ တစ်ခုကို ထပ်မံ ရလိုက်ပြန်၏။ ဤယောဂ ကို ရထားသော ဇာတာရှင်သည် အထက်လူကြီး၊ တို့၏ ချီးမြှင့် မြှောက်စားခြင်းကို ခံရလျှက်၊ ရုပ်ဝတ္တု ပိုင်ဆိုင်မှု ချမ်းသာ၊ အလှူဒါန ပြုတတ်သော စရိုက်၊ ကူညီတတ် သော စိတ်ဓါတ်တို့ကြောင့် ထင်ရှား ကျော်ကြားလိမ့်မည် ဟု ဆိုထားသည် ကိုလည်း သိထားရပါမည်။
ဇာတာ တစ်စောင်တွင် ယုဂ်ကောင်းတွေ့တိုင်း ကောင်းသည်၊ အကျိုးပေးမည် ဟု ဟော၍ မရပဲ- သက်ဆိုင်ဂြိုဟ် အင်အား- သက်ဆိုင်ရာ ဂြိုဟ်တို့၏ ကာရက တာဝန် များကိုပါ တွဲဘက်ပြီးမှ ဟောချက် ထုတ်ခြင်းသည် မိုးတား စနစ်၏ ထူးခြားချက် ဖြစ်၏။

တနင်္လာ ဂြိုဟ်နှင့် ပတ်သက်၍ အသေးစိတ် ဆန်းစစ် ကြမည် ဆိုပါက-

၈-တန့် ဘာဝ သခင် ဖြစ်သော-တနင်္လာ ဂြိုဟ် သည် မိတ်ဖြစ်သော ဓနု ရာသီ (၂-တန့် ဘာဝ) ဘာဝ တွင်တည်သည်။ န၀င်း စက် အားဖြင့် ၁၁-တန့် သခင် သောကြာ ပိုင်သော တူ န၀င်း ဖြစ်ကာ-သောကြာ ပိုင်သော ပြုဗ္ဗာသဠ် နက္ခတ် ကိုစီးနင်း ထားသည်။ မူလ အင်အား အနေဖြင့် 109% ရှိကာ၊ ဂြိုဟ်ဆိုး ဖြစ်သော ကိတ်မှ လွှမ်းမိုးမှု (-69.3) % ရှိသည်။ ဂြိုဟ်ကောင်းလွှမ်းမိုးမှု မရှိပါ။
တနင်္လာ တည်ရာ ၂-တန့် ဘာဝ အလယ်မှတ်အား မူလ ကြာသပတေး (၁-တန့် (လဂ်) ၏ သခင်) မှ (97) % ဖြင့် လွှမ်းမိုးထားသည်။
တနင်္လာသည် ပိုင်ဆိုင်မှုနှင့် ဆိုင်သော ၂-တန့်ဘာဝတွင် ရပ်တည် ခြင်းကြောင့် အမ်ဘာနီ - စိတ်ဓါတ် ပျော်ရွှင်မှုသည်- သူ၏ ပိုင်ဆိုင်မှုပေါ်တွင် မူတည် နေခြင်း၊ ငွေရေး ကြေးရေး၊ ပိုင်ဆိုင်မှုဥစ္စာများ ပြေလည်နေမှသာ စိတ်ချမ်းသာ ပျော်ရွှင်နေတတ်ခြင်း တို့ကို ဖြစ်စေ၏။ တစ်နည်းအားဖြင့်လည်း- စကားပြော ကောင်းခြင်း၊ ခင်မင်ဘွယ် ကောင်းသော ရုပ်ရည် ရှိခြင်း၊ သူတစ်ဘက်သား၏ ရှုထောင့်ကို နားလည်နိုင်စွမ်း ရှိခြင်း တို့သည် ဇာတာရှင်အား အောင်မြင် ချမ်းသာမှုကို ဖြစ်စေရန် အထောက်အပံ့ ဖြစ်စေ၏။
၈-တန့်ဘာဝ၏ မူလတြိဂေါဏ အိမ်ရှင်သည် ၂-တန့်တွင် တည်ခြင်း- တနင်္ဂနွေရော- တနင်္လာကိုပါ ကိတ်မှ လွှမ်းထားခြင်း တို့သည်- ကျန်းမာရေး အတွက် ပြဿနာ ဖြစ်စေသော ကိစ္စ ဖြစ်၏။ ၉-တန့် သခင်ပိုင် သိဟ်ရာတွင် တည်၍၊ ၁၀-တန့် သခင် ဗုဒ္ဓဟူး ပိုင်သော ရာသီ နှင့် န၀င်း၊ ၁၁-တန့် သခင် သောကြာပိုင် - ပြုဗ္ဗဖလဂုဏီ နက္ခတ်တွင် တည်သော ကိတ်သည်- ချမ်းသာခြင်းကို ဖျက်ဆီးသော ကိတ် မဟုတ်သော်လည်း- ဇာတာရှင်၏ ကျန်းမာရေး ကို ဒုက္ခဖြစ်စေ နိုင်သော ကိတ်ဖြစ်တော့၏။ (မှတ်ချက်- ဒုတိယ အကြိမ် လေဖြတ် ခံရသော June 24, 2002 တွင် ကောဇာ ကိတ်သည် နှင့် ကောဇာ ရာဟု နှင့်ပါ ယှဉ်တွဲ၍- လဂ်တွင် တည်သော ဗုဒ္ဓဟူး ကိုလည်းကောင်း၊ မရဏ ဘာဝ ၈-တန့် သခင် တနင်္လာသည် လဂ်နှင့် ၇-တန့် တို့ကို အတိအကျ လွှမ်းမိုး လိုက်သည် ကိုလည်းကောင်းလည်း တွေ့ရပါသည်။ ၁၉၈၆-ခုနှစ်၊ ဖေဖေါ်ဝါရီလ- အသက် ၅၃- နှစ် အရွယ် လေဖြတ်စဉ်တုန်းကမူ- ညာလက် လှုပ်၍ မရတော့သော်လည်း အသက် အန္တရယ် မရှိခဲ့ပါချေ။)
ကောင်းပါပြီ- ငွေကြေး ချမ်းသာ စေခြင်း နှင့် တွေ့ရသည်များက- ဒါတင်ပဲလား- ။ မဟုတ်သေးပါ။
ရှေးကျမ်းရင်းများလာ ယောဂ ခေါ် ယုဂ်များအရ တနင်္လာနှင့် ပတ်သက်သော အနေအထားကို လေ့လာ လိုက်သော အခါ-
ဗုဒ္ဓဟူးနှင့် စနေ တို့သည် တနင်္လာမှ ၂-တန့် နှင့် ၁၂-တန့် တို့တွင်ရပ်တည် နေခြင်း၊ သောကြာနှင့် စနေ တို့သည် တနင်္လာမှ ၂-တန့် နှင့် ၁၂-တန့် တို့တွင်ရပ်တည် နေခြင်းတို့ကို တွေ့ရသည်။ ဤသည် တို့ကား- ရှေးကျမ်းလာ “ဒုရုဒါရ ယောဂ” များပင် ဖြစ်တော့၏။
ပထမဦးစွာ-
“ဒုရုဒါရ ယောဂ” ဖြစ်ရန် အတွက်- တနင်္ဂနွေမှ အပ-ဖြစ်သော ဂြိုဟ်တစ်လုံးလုံး သည် တနင်္လာမှ ၂-တန့်နှင့် ၁၂-တန့်တို့တွင်ရပ်တည် ရန် လိုအပ်သည်။ ဤသို့ အနေအထား ရရှိခြင်းဖြင့်- ဇာတာရှင်သည် မိမိ၏ နှုတ်မှုစွမ်းရည်၊ အသိပညာ၊ အင်အားစိုက်ထုတ်မှု၊ ကုသိုလ် ကောင်းမှု တို့ကြောင့် အောင်မြင်ကျော်ကြား ရလိမ့်မည်။ လွန်စွာ ချမ်းသာခြင်း၊ ယာဉ်ရထား၊ မြေယာ၊ ကျေးကျွန်၊ စည်းစိမ် တို့နှင့် ပြည့်စုံကာ ရန်သူမှ လွတ်မြောက်လိမ့်မည်။ ဇာတာရှင်သည် အလှူဒါ ပြုတတ်လျှက်၊ မျက်လုံးလှသော ဆန့်ကျင်ဘက် လိင်တို့အား စိတ်ဝင်စား တတ်သည် ဟု ရှေးမူလကျမ်း တို့မှ ဆိုထားသည်။
ဆက်လက်၍- ထိုတည်သော ဂြိုဟ်တို့သည် ပထမဦးစွာ ဗုဒ္ဓဟူးနှင့် စနေ တို့ဖြစ်သဖြင့်- “ဒုရုဒါရ ယောဂ (ဗုဒ္ဓ၊ သျှာနိ)” ယောဂ တွင် အကြုံးဝင်သွား၏။ ထိုအမျိုးအစား “ဒုရုဒါရ ယောဂ” ၏ ရလဒ် အကျိုးမှာ-
ဤယောဂကို ရထားသူသည် ငွေကြေးရှာဖွေရန် ကိစ္စဖြင့် တစ်နိုင်ငံမှ တစ်နိုင်ငံ သို့ သွားရောက်တတ် ၍၊ အလယ်အလတ် ပိုင်း လေ့လာ သင်ယူတတ်မြောက်မှု ရှိကာ၊ မိတ်ဆွေ ဆွေမျိုးတို့နှင့် ဆန့်ကျင် ရတတ်သည် ဟု ဆိုထားသည်။
တစ်ဖန်- သောကြာနှင့် စနေ တို့သည် တနင်္လာမှ ၂-တန့် နှင့် ၁၂-တန့် တို့တွင်ရပ်တည် နေခြင်း ကြောင့်- “ဒုရုဒါရ ယောဂ (သုက္ကရ၊ သျှာနီ)” အမျိုးအစား ကို ထပ်မံရပြန်၏။ ဤအမျိုး အစား ဒုရုဒါရ ယောဂ ကိုရထားရှိထားသူ အနေဖြင့်- ပါးနပ်လိမ္မာ၍ ကြွယ်ဝ ချမ်းသာမည်၊ အုပ်ချုပ်သူ မင်းအစိုးရတို့၏ အကူအညီကို ရတတ်သည်။ ရင့်ကျက်သော အတွေးအခေါ်ရှိပြီး၊ မိသားစုကို ဦးစီး ဦးဆောင်ပြုရတတ် သည်ဟု ဆိုသည်။
ရှေးယောဂ တို့က ဤမျှဖြင့် ရပ်မသွား- တနင်္လာ မှ ၁၀-တန့်တွင် သဘာဝ သောမဂြိုဟ် လည်းဖြစ်၊ လဂ်သခင် (ကာရက သောမဂြိုဟ်) လည်း ဖြစ်သော - ကြာသပတေး တည်ထားခြင်းဖြင့်- ဖလဒီပက ကျမ်းလာ- “အမလ (ကိရတိ) ယောဂ” ကို ရလိုက်ပြန်ပါ၏။
ဤယောဂ ရထားသော ဇာတာရှင်အား အုပ်ချုပ်သူ အကြီးအကဲတို့မှ ချီးမြှောက်၍၊ ရုပ်ဝတ္ထု ချမ်းသာတို့နှင့် ပြည့်စုံ၍ လှူဒါန်းနိုင်ခြင်း၊ အများနှစ်သက်ဖွယ် ဖြစ်ခြင်း၊ ကူညီတတ်ခြင်း၊ တို့နှင့် ပြည့်စုံကာ ကာလရှည်ကြာစွာ အမည်ကျော်ကြားမည်ဟု ဆိုထားသည်။
တနင်္လာ နှင့် ပတ်သက်၍ နောက်ထပ် ရရှိသော အင်အားကောင်းသည့် ရာဇ ယောဂ တစ်ခု ရှိနေပါသေးသည်။
သာဝတ္ထ စိန္တာမဏိ ကျမ်း (၉၊၂၈) ၏ အဆိုအရ စန်းခေါ် တနင်္လာဂြိုဟ် ရပ်တည်သော န၀င်းရာသီပိုင် အိမ်ရှင်ဂြိုဟ်သည် လဂ်မှ ဖြစ်စေ၊ ဗုဒ္ဓဟူးဂြိုဟ်မှ ဖြစ်စေ ကိန်းအိမ် ဖြစ်သော (၁၊၄၊၇၊ ၁၀) အတန့်များတွင် ဖြစ်စေ၊ များတွင် ဖြစ်စေ၊ တြိကုန်း အိမ်များဖြစ်သော (၁၊၅၊၉) အတန့်များတွင် ဖြစ်စေ ကျရောက်ပါက ရာဇယုဂ်  ကို ရသည် ဟုဆိုသည်။
ဤရာဇ ယောဂကို ရထားခြင်းဖြင့် ဇာတာရှင်သည် သြဇာအာဏာ ကြီးမားခြင်း၊ မင်းအစိုးရ၊ စစ်ဗိုလ်ချုပ်ကြီးများ ကဲ့ သို့ အာဏာရှိခြင်း တို့ကို ဖြစ်စေသည် ဟု ဆိုထားသည်။
ဤဇာတာတွင်- တနင်္လာဂြိုဟ် ရပ်တည်သော န၀င်း သခင်ဂြိုဟ်သည် သောကြာ ဖြစ်၏။ ၄င်းသည် လဂ်မှ နေ၍- ၁၀-တန့်တွင် တည်၏။
အထက်တွင်- တနင်္ဂနွေ၏ အနေအထား၊ ယခု တနင်္လာ၏ အနေအထား- တို့က- မည်သည်ကို ထင်ရှားစွာ ပြနေပါသနည်း။
ဆက်လက် လေ့လာကြပါဦးစို့-

အင်္ဂါ ဂြိုဟ်နှင့် ပတ်သက်၍ အသေးစိတ် ဆန်းစစ် ကြမည် ဆိုပါက-
၅-တန့် ဘာဝ သခင် ဖြစ်သော-အင်္ဂါ ဂြိုဟ် သည် မိတ်ဖြစ်သော သိဟ် ရာသီ (၁၀-တန့် ဘာဝ) ဘာဝ တွင်တည်သည်။ န၀င်း စက် အားဖြင့် အင်္ဂါ ပိုင်သော ဗြိစ္ဆာ န၀င်း ဖြစ်ကာ-သောကြာ ပိုင်သော ပြုဗ္ဗဖလဂုဏီ နက္ခတ် ကိုစီးနင်း ထားသည်။ မူလ အင်အား အနေဖြင့် 126% ရှိကာ၊ ဂြိုဟ်ဆိုး လွှမ်းမိုးမှု မရှိပါ။
အင်္ဂါ တည်ရာ- ၁၀-တန့် ဘာဝ အလယ်မှတ်အား မူလ ကြာသပတေး (၁-တန့် (လဂ်) ၏ သခင်) မှ (97) % ဖြင့် လွှမ်းမိုးထားသည်။
အင်္ဂါသည် ၁၀-တန့်ဘာဝတွင် ရပ်တည်ခြင်းကြောင့် ၊ အလုပ်လုပ်ရာတွင် မိမိကိုယ်တိုင် အလုပ်ရှင်ဖြစ်လိုသော ဆန္ဒအမြဲရှိနေသူဖြစ်ပြီး- အလုပ်တွင် အင်မတန်မှ လက်တွေ့ ဆန်လိုသူဖြစ်ခြင်း၊ ရည်ရွယ်ချက် ကြီးမားစွာခြင်း တို့ကို ဖြစ်စေ၏။ အလုပ်ရှင် အနေဖြင့် အင်မတန် တင်းကြပ်သော သူမျိုးဖြစ်စေ၏။
၅-တန့်ဘာဝ၏ မူလတြိဂေါဏ အိမ်ရှင်သည် ၁၀-တန့်တွင် တည်ခြင်းဖြင့် အများက လေးစားရသော ရာဇ ယုဂ် တစ်မျိုးကို ရထားသည်။ သားသမီး ကံကောင်းသည်။ မိမိ၏ အလုပ်အကိုင်တွင် ထင်ရှား ကျော်ကြား မည့်သူ ဖြစ်သည်။
တစ်နည်းအားဖြင့်လည်း- လောင်းကစား မဟုတ်သော်လည်း- လောင်းကစား ဆန်ဆန် အရဲစွန့် ရသော အလုပ်မျိုးတွင် အင်မတန် ရဲတင်းခြင်း၊ အင်အားကောင်းသော အင်္ဂါကြောင့်- ထိုကိစ္စများတွင် အောင်မြင် စေခြင်းကိုပါ တစ်ဆက်တည်း ဖြစ်စေတော့၏။

ဗုဒ္ဓဟူး ဂြိုဟ်နှင့် ပတ်သက်၍ အသေးစိတ် ဆန်းစစ် ကြမည် ဆိုပါက-

၁၀-တန့် ဘာဝ သခင် ဖြစ်သော-ဗုဒ္ဓဟူး ဂြိုဟ် သည် ရန်ဖြစ်သော ဗြိစ္ဆာ ရာသီ (၁-တန့် (လဂ်)) ဘာဝ တွင်တည်သည်။ န၀င်း စက် အားဖြင့် ၃-တန့်သခင် စနေ ပိုင်သော မကာရ န၀င်း ဖြစ်ကာ-၁၀-တန့် သခင် ဗုဒ္ဓဟူး ပိုင်သော ဇေဋ္ဌ နက္ခတ် ကိုစီးနင်း ထားသည်။ မူလ အင်အား အနေဖြင့် 136% ရှိကာ၊ ဂြိုဟ်ဆိုး လွှမ်းမိုးမှု မရှိပါ။
မူလ ဗုဒ္ဓဟူး ဂြိုဟ် (၁၀-တန့် ဘာဝ ၏ သခင်) အားမူလ အင်္ဂါ (၅-တန့် ဘာဝ ၏ သခင်) မှ (88.2) % ဖြင့် လွှမ်းမိုးထားသည်။
ဗုဒ္ဓဟူးဂြိုဟ် -၁-တန့်တွင် နေခြင်းအားဖြင့် ကြိုတင်ပြင်ဆင်စရာ မလိုပဲ မိမိ၏ ကိုယ်ရည် ကိုယ်သွေးကို အလိုအလျောက် ဖေါ်ထုတ်နိုင်သော စွမ်းရည်ရှိခြင်း၊ အထူးသဖြင့် ဆရာသမား အဖြစ်သော်လည်းကောင်း၊ အရောင်းသမားအဖြစ်သော် လည်းကောင်း ထူးချွန်သောသူမျိုး ဖြစ်ခြင်း၊ တင်္ခဏုပ္ပတ္တိဥာဏ် ခေါ် ဖြတ်ထိုးဥာဏ် ကောင်းခြင်း တို့ကို ဖြစ်စေသည်။
တစ်ဖန်- ၁၀-တန့်ဘာဝ၏ မူလတြိဂေါဏ အိမ်ရှင်သည် ၁-တန့်တွင် တည်ခြင်းဖြင့် ဇာတာရှင်သည် အလုပ်ကို စွဲစွဲမြဲမြဲ ကြိုးစားတတ်သူ ဖြစ်ခြင်း- ထိုဗုဒ္ဓဟူးသည်လည်း အင်အား ကောင်းလှသောကြောင့်- ဘ၀၏ အမြင့်မားဆုံးသို့ ရောက်ရှိစေခြင်း ပင် ဖြစ်၏။ အထူးသဖြင့် သူများ ခိုင်းတာ စောင့်မည့် အစား- မိမိ၏ ကိုယ်ပိုင်အကြံဥာဏ်ဖြင့် စတင် လုပ်ဆောင်တတ်သူ ဖြစ်သည်။ ဇာတာရှင်သည် ကနဦး တီထွင်သူ တစ်ဦး ဖြစ်လာမည့် လူမျိုးဖြစ်သည်။
ဇာတာ တစ်စောင်တွင် များစွာသော အကြောင်းတို့သည် စုပေါင်းပြီးမှသာ- ထိုဇာတာရှင်၏ ဘ၀ ဖြစ်ရပ်မှန် တို့ ပုံပေါ်လာပါ၏။

ကြာသပတေး ဂြိုဟ်နှင့် ပတ်သက်၍ အသေးစိတ် ဆန်းစစ် ကြမည် ဆိုပါက-

၁-တန့် (လဂ်) သခင် ဖြစ်သော-ကြာသပတေး ဂြိုဟ် သည် ဥဒါသိမ် ဖြစ်သောကန် ရာသီ (၁၀-တန့် ဘာဝ) ဘာဝ တွင်တည်သည်။ န၀င်း စက် အားဖြင့် ၃-တန့်သခင် စနေ ပိုင်သော မကာရ န၀င်း ဖြစ်ကာ-တနင်္ဂနွေ ပိုင်သော ဥတ္တရဖလဂုဏီ နက္ခတ် ကိုစီးနင်း ထားသည်။ မူလ အင်အား အနေဖြင့် 121% ရှိကာ၊ ဂြိုဟ်ဆိုး လွှမ်းမိုးမှု မရှိပါ။
ကြာသပတေး တည်ရာ- ၁၀-တန့် ဘာဝ အလယ်မှတ်အား မူလ ကြာသပတေး (၁-တန့် (လဂ်) ၏ သခင်) မှ (97) % ဖြင့် လွှမ်းမိုးထားသည်။
ကြာသပတေးဂြိုဟ် -၁၀-တန့်တွင် ရပ်တည်ခြင်းဖြင့် ဇာတာရှင်သည် ဘ၀ တစ်သက်တာတွင် ဒုက္ခရောက်မည့် သူမျိုး မဟုတ်သည်ကို ဖေါ်ပြသည်။ ၀န်ထမ်း လုပ်ပါက အထက်လူကြီးမှ နှစ်သက်ခြင်း ကို ခံရသည်။ မိမိကိုယ် တိုင် အလုပ်ရှင် ဖြစ်ပါက လည်း လက်အောက် ၀န်ထမ်းများ၏ လေးစား ရိုသေခြင်းကို ရရှိလိမ့်မည်။ ဘာသာရေးဆရာ၊ တက္ကသိုလ် ဆရာ၊ တရားသူကြီးများတွင် တွေ.တတ်သော အနေအထားမျိုးဖြစ်သည်။ မိမိပါတ်ဝန်းကျင် တွင် အလေးစားခံရသော ဇာတာရှင် ဖြစ်သည်။ စရိုက်ကောင်း၍ အကောင်းမြင်တတ်သော ပုဂ္ဂိုလ်မျိုးဖြစ်သည်။
၁-တန့်ဘာ၏ မူလတြိဂေါဏ အိမ်ရှင်သည် ၁၀-တန့်ဘာဝတွင် ရပ်တည်ခြင်းဖြင့်- ဇာတာရှင် သည် ၀န်ထမ်း လုပ်ပါကလည်း ဘ၀တွင် အဆင့်မြင့်မြင့် ဖြင့် အောင်မြင် ကျော်ကြားမည့် သူမျိုးဖြစ်သည်။ အတိတ်ဘ၀ ကံ၏ အကျိုးကို ရသောသူဖြစ်သည်။ Professional အနေဖြင့် အလွန် ကောင်းသော ဇာတာဖြစ်သည်။ အထက်လူကြီးများ၏ ချီးမြှောက်မှု၊ မိမိ၏ အလုပ်ကြိုးစား မှုတို့ကြောင့် ကိုယ်ပိုင် ချမ်းသာမှုကို ရလိမ့်မည်။
ကြာသပတေး နှင့် ပတ်သက်၍ ရှေးကျမ်းရင်းတို့မှ ဖေါ်ပြချက်ကို ကြည့်ပါဦး။
ကြာသပတေးသည် တနင်္လာမှ ၁၀-တန့်တွင် ရပ်တည် နေခြင်းဖြင့်- ဂဇ ကေသရီယောဂ ကို ရသည်။
ကြာသပတေးသည် တနင်္လာမှ ကိန်းအိမ် (၁၊၄၊၇၊၁၀ တန့်တွင်) ရပ်ခြင်းဖြင့်ဤ ယောဂ ကိုရရှိသည်။ ဂဇ ဆိုသည်မှာ ဆင်ကို ဆိုလို၍ ကေသရီသည် ခြင်္သေ့ကို ဆိုလိုသည်။ ဆင်နှင့် ခြင်္သေ့တို့သည် တောတောင် အလယ်တွင် လွန်စွာထင်ရှား၍ အခြားသော တိရစ္ဆာန်များ၏ ကြောက်ရွံ.လေးစားခြင်းကို ရရှိသကဲ့သို့ ၄င်းတို့သည် လူအများကို သင်ကြားပေးနိုင်ခြင်း၊ အကြံပေးတတ်ခြင်း၊ သြဇာ အာဏာကြီးမားခြင်း တို့တွင် ထင်ရှားသည်။ သေဆုံး ပြီးနောက် အချိန်ကြာမြင့်သော ကာလ အထိ ၄င်းတို့၏ အမည်မှာ ကြာရှည်စွာ တည်တံ့သည်။ မှတ်ချက်၊ ဂဇကေသရီ ယုဂ်ကို တွေ့ရှိပါက ၄င်းကို ဖျက်ဆီးတတ်သော ကမ္မဓရုမယုဂ် (တနင်္လာ၏ ဘေးဘယ်ညာ နှစ်ဘက်စလုံး တွင် တနင်္ဂနွေမှ လွဲ၍ မည်သည့်ဂြိုဟ်မှ မရှိသောယုဂ်) ပါမပါ ကြည့်ရန်လိုပါသည်။ အကယ်၍ ကမ္မဓရုမ ယုဂ် ကို တွေ့ခဲ့ပါလျှင် လည်း ၄င်း၏ အဆိုးကို ပျက်ပြယ်၍ ကောင်းခြင်းကို ပြန်လည် ဖြစ်စေ တတ်သော ကာလပဓရုမယုဂ်၊ (လဂ်မှ ကိန်းအိမ်တို့တွင် ဂြိုဟ်ရပ်တည်ခြင်း ယောဂ) ပါမပါ ကြည့်ရန်လိုပါသည်။
လဂ်သခင် ကြာသပတေးသည်- ၄-တန့် ဘာဝ အလယ်မှတ် နှင့် ၆-တန့် ဘာဝ အလယ်မှတ် တို့အား (97) % ဖြင့် လွှမ်းမိုးထားသည်။
ကြာသပတေး နှင့် ပတ်သက်၍ ရှေးကျမ်းရင်းလာ ယောဂ များကို ဆက်ကြည့်ဦးမည် ဆိုပါက-
သာဝတ္ထ စိန္တာမဏိ ၂၊၉၈ တွင် - လဂ်သခင်၊ ကြာသပတေး (သို့မဟုတ်) သောကြာ တို့သည် ကိန်းအိမ်တွင် တည်သော် ချမ်းသာခြင်း နှင့် နိုင်ငံရေး လုပ်ပါက အောင်မြင်နိုင်ခြင်းတို့ကို ဖြစ်စေသည့် သာရိရ သုက္ကရ ယောဂ ကို ရသည် ဟု ဆိုပါသည်။ ဤဇာတာတွင် လဂ်သခင်သည် ကြာသပတေး ကိုယ်တိုင်ပင် ဖြစ်ပြီး- ၄င်းသည် ကိန်းအိမ် ဖြစ်သော ၁၀-တန့် တွင် တည်ခြင်းကြောင့်- ဤယောဂသည် ကွက်တိ ၀င်နေပြန်ပါ၏။ အင်အားကောင်း သော ကြာသပတေး ဖြစ်ခြင်း၊ အဖျက်အဆီး မရှိသော ကြာသပတေး ဖြစ်ခြင်းကြောင့် ဤယောဂ သည်လည်း ကောင်းစွာ အလုပ်လုပ်ခွင့် ရသွားပြန်ပါသည်။
အရေးပါသော ဂြိုဟ်များစွာတို့ နှင့် ပတ်သက်၍- ထောက်ပံ့နေကြပုံကို မြင်သာမည် ထင်ပါသည်။

သောကြာ ဂြိုဟ်နှင့် ပတ်သက်၍ အသေးစိတ် ဆန်းစစ် ကြမည် ဆိုပါက-

၁၁-တန့် ဘာဝ သခင် ဖြစ်သော-သောကြာ ဂြိုဟ် သည် ဥဒါသိမ် ဖြစ်သောဗြိစ္ဆာ ရာသီ (၁၂-တန့် ဘာဝ) ဘာဝ တွင်တည်သည်။ န၀င်း စက် အားဖြင့် ၅-တန့် ဘာဝ သခင် အင်္ဂါ ပိုင်သော ဗြိစ္ဆာ န၀င်း ဖြစ်ကာ- ၃-တန့်သခင် စနေ ပိုင်သော အနုရာဓ နက္ခတ် ကိုစီးနင်း ထားသည်။ မူလ အင်အား အနေဖြင့် 50% ရှိကာ၊ ဂြိုဟ်ဆိုး လွှမ်းမိုးမှု မရှိပါ။
သောကြာဂြိုဟ် ၁၂-တန့်ဘာဝတွင် ရပ်တည်ခြင်း ဖြင့် ဇာတာရှင်သည် မိမိ၏ စိတ်ဓါတ် အမှန်ကို ဖုံးကွယ် ထားတတ်သည်။ စည်းစိမ် ပြည့်စုံမည် ဖြစ်သော်လည်း စိတ်တွင်းတွင် သာယာမှု မရှိတတ်ပါ။
ရှေးကျမ်း (ဖလဒီပက-၆၊၆၈) လာ အားဖြင့်- ၁၁-တန့်ဘာဝသခင် သည် ဒုဌာနအိမ် (၆၊ဂ၊၁၂ တန့်) တစ်ခုခု တွင် တည်နေသောကြောင့်- ဒရိဒရ ယောဂ ကိုရရှိသည်။

ဤယောဂသည် ကောင်းသော ယောဂ မဟုတ်ပါ။ ထို့အပြင် သောကြာဂြိုဟ်သည်လည်း အင်အား မကောင်းလှ သောကြောင့်- မကောင်းသော အနေအထား တို့ အနေဖြင့် အလုပ်လုပ် နေသော ယောဂလည်း ဖြစ်တော့၏။ ဤယောဂ၏ အကျိုးပေးပုံမှာ- အကြွေးများ တစ်ဆင့်ခြင်း များလာတတ် ခြင်း၊ မိမိ၏ အထက် ညီအကို မောင်နှမအကြီး တို့၏ ဂရုစိုက်မှုကို မရရှိခြင်း၊ မသင့်တော်သော စကားတို့ကို ပြောတတ်ခြင်း၊ အလုပ်လုပ်ရာတွင် အရူးတစ်ယောက် ကဲ့သို့ လုပ်တတ်ခြင်း တို့ကို ဖြစ်စေသည်။ ဥပဒေကို လှည့်ပတ်တတ်ခြင်း ကိုလည်း ဖြစ်စေသော ယောဂ ဟု ဆိုထားပါသည်။
အမ်ဘာနီ သည် ဥပဒေကို လက်တစ်လုံး လုပ်တတ်ကြောင်း- နှင့် ပတ်သက်၍လည်း- များစွာသော အချက်များ ရှိနေပါသေးသည်။

စနေ ဂြိုဟ်နှင့် ပတ်သက်၍ အသေးစိတ် ဆန်းစစ် ကြမည် ဆိုပါက-

၃-တန့် ဘာဝ သခင် ဖြစ်သော-စနေ ဂြိုဟ် သည် အိမ်ရှင်၊-ဖြစ်သော မကာရ ရာသီ (၂-တန့် ဘာဝ) ဘာဝ တွင်တည်သည်။ န၀င်း စက် အားဖြင့် အင်္ဂါ ပိုင်သော မိဿ န၀င်း ဖြစ်ကာ- ၈-တန့် တနင်္လာ ပိုင်သော သရ၀ဏ် နက္ခတ် ကိုစီးနင်း ထားသည်။ မူလ အင်အား အနေဖြင့် 134% ရှိကာ၊ ဂြိုဟ်ဆိုး လွှမ်းမိုးမှု မရှိပါ။ (မူလ အားဖြင့်- တနင်္ဂနွေ နှင့် တနင်္လာတို့သည် အင်အားကောင်းသော်လည်း- ကိတ်၏ လွှမ်းမိုးမှု ရထားသော် အသက်လွန်စွာ တိုတောင်းရခြင်း မရှိပဲ ၆၉-နှစ် အထိ နေခွင့် ရခြင်းမှာ- ၃-တန့် သခင်လည်း ဖြစ်၊ အသက်ကို စောင့်ရှောက်သော တာဝန်ကို ယူထားရသည့် စနေ အနေဖြင့် အင်အားကောင်းထားခြင်း၊ အင်္ဂါ အနေဖြင့် အင်အား ကောင်းထားခြင်း တို့ကြောင့် ဖြစ်၏။
စနေ တည်ရာ- ၂-တန့် ဘာဝ အလယ်မှတ်အား မူလ ကြာသပတေး (၁-တန့် (လဂ်) ၏ သခင်) မှ (97) % ဖြင့် လွှမ်းမိုးထားသည်။
စနေဂြိုဟ်သည် ၂-တန့်ဘာဝတွင် တည်နေခြင်း ဖြင့် အနေအထား ၃-မျိုးဖြစ်နေပါသည်။ ပထမ အနေအထားမှာ ဘယ်သော အခါမှ လုံလောက် ပြည့်စုံသည်ဟု မရှိပဲ၊ ငွေကြေးကို သူထက်ငါ အင်အားထုတ် ရှာဖွေသော်လည်း အခြား သော စိတ်ချမ်းသာ စရာများ ကင်းမဲ့နေတတ်သည်။ ဒုတိယ အုပ်စုဝင် လူမျိုးမှာ အလုပ်မလုပ်ခင် သေချာမှ၊ စိတ်ချရမှ လုပ်လိုသော သူမျိုးဖြစ်၏။ ထိုကြောင့်လည်း ထိုသူတို့သည် အစိုးရ၀န်ထမ်း အဖြစ်ကို ရွေးချယ် တတ်ကြသည်။ တတိယ အုပ်စုဝင် များမှာ မူ- စိတ်ဓါတ်ကျ၍ ဘ၀ကို အရှုံးပေး တတ်ကြသူများ ဖြစ်၏။ ဇာတာရှင် မည်သည့် အုပ်စုတွင် ပါဝင်နေသည်ကို အခြား ဂြိုဟ်များ၏ အနေအထားများက ဆုံးဖြတ်ပေးသည်။ ယခု ဇာတာတွင်- ဇာတာရှင် မည်သည့် အုပ်စုတွင် ပါဝင်သည်ကို အထက်မှ ဂြိုဟ်များကို ဆန်းစစ် ခြင်း အရ စာဖတ်သူ အနေဖြင့် အဖြေရပြီး ဖြစ်ပါလိမ့်မည်။
၃-တန့်ဘာဝ၏ မူလတြိဂေါဏ အိမ်ရှင်သည် ၂-တန့်တွင် တည်ခြင်းဖြင့် အလုပ်တစ်ခု လုပ်လျှင် အစ ကနဦးတွင် အချိန်ယူ နှေးကွေးတတ်သည်။ သို့သော်လည်း ကိုယ်ပိုင် လုပ်ငန်းကို စိတ်ဝင်စား၍ ကိုယ်ပိုင် လုပ်ငန်း လုပ်ပါက အောင်မြင် နိုင်သော ဇာတာရှင်မျိုး ဖြစ်သည်။ ခေါင်းမာတတ် သော စရိုက် ရှိသည်။ ညီအကို မောင်နှမ တို့နှင့် ဆက်ဆံရေး ပြဿနာများ ရှိလိမ့်မည်။ သို့သော်လည်း အသုံးအစွဲ ကြီးတတ်သည်။ ခရီးသွားခြင်း ဖြင့် ငွေကြေး ရတတ် သူမျိုး ဖြစ်သည်။ သူတစ်ဘက်သား အား နားလည် အောင် ရှင်းပြနိုင်သော အရည်အချင်း ရှိသူဖြစ်သည်။
ဤဇာတာတွင် စနေသည် ကိုယ်ပိုင် လုပ်ငန်းကို ကိုယ်စားပြုသော ၃-တန့် ဘာဝ သခင် ဖြစ်၏။ ၄င်းသည် ချမ်းသာခြင်း နှင့် ဆိုင်သော ကုဋမ္ပ ဘာဝ (၂-တန့်) တွင် ရပ်တည်၏။ စနေသည် တွင်းထွက် ပစ္စည်း ကိုလည်း ကိုယ်စားပြု၏။ ဇာတာရှင်သည် ရေနံ နှင့် ပတ်သက်သော ကိုယ်ပိုင် လုပ်ငန်း နှင့် ကြီးပွား ချမ်းသာ ခြင်း ဖြစ်ခဲ့သည် မဟုတ်ပါလော..

ရာဟု နှင့် ကိတ် တို့ အနေအထား-

ရာဟု ဂြိုဟ် သည် ဖြစ်သော ကုမ် ရာသီ (၄-တန့် ဘာဝ) ဘာဝ တွင်တည်သည်။ န၀င်း စက် အားဖြင့် လဂ်သခင် ကြာသပတေး ပိုင်သော မိန် န၀င်း ဖြစ်ကာ-ရာဟု ပိုင်သော သတ္တဘိသျှ နက္ခတ် ကိုစီးနင်း ထားသည်။ မူလ အင်အား အနေဖြင့် 116% ရှိကာ၊ ကိတ်မှ အပ ဂြိုဟ်ဆိုး လွှမ်းမိုးမှု မရှိပါ။
ဤနေရာတွင်- ဇာတာရှင်၏ ရာဟုသည် အင်အား ကောင်းနေသည်ကို သတိထားမိနိုင်၏။ အခြား ဂြိုဟ်ဆိုးများက လွှမ်းမိုးမှု မရှိခြင်း၊ ကောင်းသော ဘာဝတွင် တည်ခြင်း၊ ကောင်းသော န၀င်း စီးခြင်း၊ ရာဟု ပိုင်သော နက္ခတ် စီးနေခြင်းသည်- မထင်မှတ်ပဲ ရမ်းလုပ် လိုက်သော လုပ်ငန်းတို့ အောင်မြင် နိုင်ခြင်း ကို ဖေါ်ပြနေတော့၏။
ဘရိဂု သျှတ္တရ ကျမ်း ၉-၁၀ အရ၊ ရာဟု သို့မဟုတ် ကိတ်သည် ဇာတာ၏ ၄-တန့်တွင် တည်ပါက-ဇာတာရှင် တွင် အလှအပ ဇိမ်ခံ ပစ္စည်းတို့ပေါများပြီး- အိမ်ထောင်ဘက် နှစ်ယောက် ရှိတတ်၏ ဟု ဆိုထား၏။ (မှတ်ချက်- ဤအချက်ကိုတော့- တရားဝင် မသိရှိရပါ။)

ကိတ်နှင့် ပတ်သက်၍ လေ့လာသော်-
ကိတ် ဂြိုဟ် သည် ဖြစ်သော သိဟ် ရာသီ (၁၀-တန့် ဘာဝ) ဘာဝ တွင်တည်သည်။ န၀င်း စက် အားဖြင့် ဗုဒ္ဓဟူး ပိုင်သော ကန် န၀င်း ဖြစ်ကာ-သောကြာ ပိုင်သော ပြုဗ္ဗဖလဂုဏီ နက္ခတ် ကိုစီးနင်း ထားသည်။ မူလ အင်အား အနေဖြင့် 95% ရှိကာ၊ ရာဟု မှ အပ ဂြိုဟ်ဆိုး လွှမ်းမိုးမှု မရှိပါ။
ကိတ်တည်ရာ- ၁၀-တန့် ဘာဝ အလယ်မှတ်အား မူလ ကြာသပတေး (၁-တန့် (လဂ်) ၏ သခင်) မှ (97) % ဖြင့် လွှမ်းမိုးထားသည်။
ဘရိဂု သျှတ္တရ ကျမ်း ၂၅-၂၈ အရ၊ ရာဟု သို့မဟုတ် ကိတ်သည် ဇာတာ၏ ၁၀-တန့်တွင် တည်ပါက-ဇာတာရှင်သည် မုဆိုးမ နှင့် အချစ်ရည်ငံတတ်ပြီး အိုးအိမ် စည်းစိမ်နွမ်းပါးတတ်သည်။ အကယ်၍ ရာဟု၊ ကိတ်ကို သောမဂြိုဟ်များက ဆက်သွယ်ထားပါက- ကောင်းသော အိမ်ယာတွင် နေထိုင်ရသည်။ ဇာတာရှင်သည် ကဗျာ စာပေတွင် စိတ်ဝင်စားတတ်သည်။ ဖလဒီပက ကျမ်းအဆိုအရ- ရာဟုဖြစ်လျှင် ဇာတာရှင်၌ သားသမီး နည်းပြီး၊ ကုသိုလ်ကောင်းမှု နည်းပါးမည်။ အကြောက်အလန်. နည်းပြီး နာမည် ကျော်လိမ့်မည်။ ကိတ်ဖြစ်လျှင်- ဇာတာရှင်သည် မကောင်းမှုများ ပြုတတ်ပြီး သူ၏ သတ္တိကြောင့် နာမည်ကျော်လိမ့်မည်။ သမဂ္ဂါ စိန္တာမဏိကျမ်း အလိုအရ- ရာဟု ဖြစ်လျှင် ဇာတာရှင်သည် သောက်စားခြင်း နှင့် အခြားသော မကောင်းမှု တို့အတွက် ငွေကြေးကို ဖြုန်းတီးတတ်သည်။ ဘာသာ မတူသူတို့နှင့် ပေါင်းသင်းပြီး လှပသော မိန်းမများကို စိတ်ဝင်စားလိမ့်မည်။ ကိတ်ဖြစ်လျှင်- ဇာတာရှင်သည် ကံဆိုးသူဖြစ်ပြီး၊ စိတ်ဓါတ် အမြဲကျနေတတ်သည်။ အကယ်၍ ကိတ်သည် မိဿ၊ ကန်၊ ဗြိစ္ဆာတို့တွင် တည်လျှင်- ရန်သူကို ချေမှုန်း နိုင်လိမ့်မည်။
အထက်ပါ အချက် အများစုမှာ မမှန်ပါပေ။

ကာလသပ္ပ ယောဂ အနေအထား။

ဤဇာတာတွင်- အိန္ဒိယ ဆရာ အများစု မကောင်းပြောကြသော- အင်မတန် ဆိုးပါသည် ဆိုသည့် ကာလ သပ္ပ ယောဂ ထင်ရှားစွာ ပါနေ၏။ ဂြိုဟ်အားလုံးတို့သည် ရာဟု-ကိတ် မျဉ်း၏ တစ်ဘက်တည်းတွင်သာ ရှိနေ၏။ ဆရာကြီး ဘီဗွီရာမာန် အနေဖြင့် လောကုတ္တရာ ဘာသာရေး အကျိုးပေး နိုင်သည် သတ်မှတ်သော “ကာလ အမြိတ္တ ယောဂ” ပုံ(၂) အမျိုးအစား တွင် ပါဝင်၏။
ကာလ သပ္ပ ယောဂ ကို အဆိုးဟု မပြောပဲ- အကောင်းဘက်မှ လိမ်မာစွာ ထောက်ပြသူဟူ၍- ထင်ရှားသော ပညာရှင်များတွင် ဆရာကြီး ဘီဗွီ ရာမန် အပါအ၀င် လူနည်းစုမျှသာ ရှိသော်လည်း- များစွာသော အိန္ဒိယ ဆရာတို့ ကမူ- ဤယောဂ ကို အဆိုးဟု သတ်မှတ်ထားကြ၏။
အကယ်၍- သူတို့၏ အဆိုအရမူ-
ရာဟုသည် ၄-တန့်၊ ကိတ်- ၁၀-တန့် တွင်တည် ၍ အခြားဂြိုဟ် ၇-လုံးတို့သည် ထိုဝင်ရိုး၏ တစ်ခြမ်းတည်းတွင်သာ တည်လျှင်- “သံကပ္ပလ ကာလ သပ္ပ ယောဂ” ဟု ခေါ်ပြီး- အလုပ်အကိုင် လုပ်ဆောင်ရာတွင် ဒုက္ခရောက် ရတတ်လျှက်- စိတ်ဖိစီးမှု၊ စိုးရိမ် သောက တို့ဖြင့် နေရတတ်သည်။ ဆက်ဆံရေး ညံ့ဖျင်းတတ်သည်။ မိခင်၏ ကျန်းမာရေး ညံ့မည်။ တရားမ၀င် သားသမီး ရတတ်သည်။ ကိုယ်တိုင်လည်း တရားမ၀င် သားသမီး ဖြစ်နေ တတ်သည်။ ကျက်သရေ ကင်းမဲ့သော အိုးအိမ် နှင့် နေထိုင်ရတတ်သည်။ သို့သော် ကောင်းကျိုးပေးသော ကာလတွင်- နိုင်ငံရေး သြဇာ ရတတ်သည် ဆို၏။ (ကာလသပ္ပ ယောဂ နှင့် ၂၀-ရာစု နက္ခတ်ပညာ (၁) http://www.motaa.info/2012/09/blog-post.html ဆောင်းပါး တွင် ပြန်လည် ဖတ်ရှုပါ။)
ကာလ သပ္ပ ယောဂ နှင့် ပတ်သက်ပြီး- ကျွန်တော့် အနေဖြင့် သိရှိထားသည်များကို ရေးသားခဲ့ပြီး ဖြစ်ပါ၏။
မိုးတား အနေအားဖြင့်မူ- ကာလ သပ္ပ ယောဂ အနေဖြင့် အလုပ်လုပ်သည် ဟုပင် မမှတ်ယူပါ။ သို့သော်-
ဂြိုဟ်တို့၏ စုစည်းမှု၊ ဖြန့်ကျက်မှု၊ ဘက်ညီမျှ၊ မညီမျှစွာ တည်နေမှု၊ ဇာတာရှင်၏ စရိုက် သဘာဝ ကို ဖြစ်စေတတ်ခြင်း - ရှေးကျမ်းလာ (မာလာ) ယောဂ အနေအထား တို့၏ သဘောကိုတော့ လက်ခံသုံးစွဲပါသည်။ (ဂြိုဟ်တို့၏ တည်နေရာ အသွင်သဏ္ဍန် ဖြန့်ကျက်၊ စုစည်း မှုတို့ အကြောင်းသည် မိုးတား ဒုတိယဆင့် သင်ခန်းစာ သီးသန့် ဖြစ်၍- ဆောင်းပါး အဖြစ် ရေးသားမည် မဟုတ်ပါ။)

၎င်း ဂြိုဟ်တို့၏ တည်နေရာ အသွင်သဏ္ဍန် ဖြန့်ကျက်၊ စုစည်းမှု တို့ နှင့် ပတ်သက်၍- ယခင် ဆောင်းပါးဟောင်း ဖြစ်သည့်- “ပါရမီရှင်၊ ပညာရှင် (အပိုင်း ၃- လီယို နာဒို ဒါဗင်ချီ-၂) ဆောင်းပါး။” http://www.motaa.info/2011/04/blog-post_26.html ပါ လီယိုနာဒို၏ ဇာတာ တည်ဆောက်မှု အနေအထား တွင်လည်း ပြန်လည် ဖတ်ရှု နိုင်ပါသည်။
ထို့ကြောင့်- ယခင် ဆောင်းပါးတွင် ဖေါ်ပြခဲ့သော - ဆရာကြီး ဘီဗွီ ရာမာန်၏ လမ်းညွှန် ထောက်ပြချက်ဖြစ်သော-
“ကာလ သပ္ပ ယောဂ” ကို အရေးတကြီး ဦးစားပေး မပြုသင့်ပဲ- ဇာတာ တစ်ခုလုံး၏ အထွေထွေ အနေအထားကို လေ့လာ ခြင်းက ပို၍ အရေးကြီးသည် သာမက- “ကာလ သပ္ပ ယောဂ” အပါ အ၀င် မည်သည့် ယောဂ တစ်ခုမှသည် ဇာတာ တစ်စောင်အား ဆုံးဖြတ် နိုင်ခြင်း မပြုနိုင်ပါ”
ဆိုသည်ကို နက္ခတ်ပညာ လေ့လာသူများ၊ နက္ခတ် ချစ်သူများ အားလုံး သတိထားမိကြပါရန် ဤဆောင်းပါးဖြင့် အသိပေးယင်း- ဆရာကြီးများအား အရိုအသေ ပြု ဦးညွှတ်လိုက်ရပါတော့သည်။
နက္ခတ်ဝါသနာရှင်၊ ပညာရှင်များ နှင့် တကွ- စာဖတ် ပရိဿတ် အားလုံး ချမ်းမြေ့ကြပါစေ
  
နျူမာန် (မိုးတား) 

[+/-] show/hide this post

Sunday, September 9, 2012

ကာလသပ္ပ ယောဂ (၂) ထင်ရှားသော ဆရာကြီးများ အမြင်။

“ကာလသပ္ပ ယောဂ” နှင့် ဆရာကြီး ဘီဗွီ ရာမာန် ၏ အယူအဆ။

ခေတ်ပညာတတ် ပုဂ္ဂိုလ် လည်း ဖြစ်၊ ကိုယ်တိုင်လည်း မဂ္ဂဇင်း နှင့် စာအုပ် ထုတ်ဝေသူလည်း ဖြစ်သော ဆရာကြီး ဘီဗွီရာမာန် သည်- ထို“ကာလ သပ္ပ ယောဂ” နှင့် ပတ်သက်၍- ပညာသား ပါပါ- ရေးသားခဲ့၏။
အဆိုးများကို ဖိဟောနေသော သူများအတွက်- ၄င်းတို့ “မှားယွင်း သည်” ဟု တိုက်ရိုက် ဝေဘန်ခြင်း မပြုပဲ-
“ကာလ သပ္ပ ယောဂ” တွင် အကောင်းဘက် အနေအထား လည်း ရှိပါ၏။ ထိုအချက်သည်ကား ဇာတာရှင်ကို တက်ကြွသူ- လုံ့လ ဥဿဟ ရှိသူ၊ မိမိ၏ အရည်အချင်းကို မိမိသိထားသူ ဖြစ်စေ၏။ စိတ်အားဖြင့် အနားမနေ ရသော်လည်း- ရာဇ ယောဂ နှင့် တွဲဘက်ပါက- လုပ်ဆောင်သော လမ်းကြောင်းတွင် ထိပ်ဆုံး ရောက်မည်။”
ဟု အများတကာ မကောင်းပြောသော ယောဂ ကို- အကောင်းဘက်မှ နေ၍-“300 important Combination ခေါ် အရေးကြီးသော ယုဂ် ၃၀၀ စာအုပ်” ၏ နောက်ဆက်တွဲ စာမျက်နှာ ၃၂၇ တွင် သံတမာန် ဆန်ဆန် ဖြင့် ရေးသားခဲ့၏။

သို့သော်လည်း- “ရှေးကျမ်းရင်း တို့တွင် မပါပဲ- အခုမှ နာမည် ကြီးလာသော အကြောင်းရင်း နှင့် တကွ-ဆိုးရွား သော အဓိပ္ပါယ်များ ဖြစ်ရသည့် အကြောင်းရင်း သည် သိပ်မရှင်းလင်း လှပါ” ဟု စာမျက်နှာ ၃၂၆ တွင် လှပ ယဉ်ကျေးစွာ ရေးသားခဲ့၏။

တဆက်တည်းတွင်- ဆရာကြီး ဘီဗွီရာမာန် သည်-
ဂြိုဟ်များ အနေဖြင့်- ပုံ (၁) အတိုင်း ရာဟု နှင့် ကိတ် အကြားတွင် ရှိသော “ကာလသပ္ပ ယောဂ” အနေအထားတွင်- ဇာတာရှင်သည်- လောကီ လူ့ဘောင် အောင်မြင်မှု များ အတွက် အလားအလာကောင်းများ ရှိပြီး၊ ပုံ(၂) အတိုင်း ကိတ် နှင့် ရာဟု အကြားတွင် ရှိသည့် “ကာလ အမြိတ္တ ယောဂ” တွင်- လောကုတ္တရာ ဘာသာရေး အရာများ တိုးတက် နိုင်ရန် ရှိသည် ဟု ရေးသားခဲ့၏။
ထို့ပြင် “ကာလ သပ္ပ ယောဂ” ကို လေ့လာလျှင် အောက်ပါ တို့ကိုပါ ထည့်တွက် စဉ်းစားသင့်ကြောင်း ဆရာကြီး ဘီဗွီရာမာန် အနေဖြင့်- လမ်းညွှန် ထားပါသည်။
  • ရာဟု နှင့် ကိတ်ကြား၊ သို့မဟုတ် ကိတ်နှင့် ရာဟု ကြားတွင် တည်သည်လား။
  • မည်သည့် ဘာဝများ ပါဝင် ပတ်သက် နေသနည်း၊
  • အခြားသော ယုဂ်များ အနေအထား
  • လဂ်သည် ကိတ်နှင့် ရာဟု အတွင်းတွင် ကျရောက်သလား။ လဂ်သည် ရာဟု နှင့် ကိတ် အတွင်းတွင် ကျရောက်သလား။
စသည် ဖြင့် လေ့လာရန် လိုကြောင်း ရှင်းပြရုံမျှ မက-
  
ဗေဒင် ဆရာ အချို့ ပြုလုပ်ကြသကဲ့သို့ “ကာလ သပ္ပ ယောဂ” ကို အရေးတကြီး ဦးစားပေး မပြုသင့်ပဲ- ဇာတာ တစ်ခုလုံး၏ အထွေထွေ အနေအထားကို လေ့လာ ခြင်းက ပို၍ အရေးကြီးသည် သာမက- “ကာလ သပ္ပ ယောဂ” အပါ အ၀င် မည်သည့် ယောဂ တစ်ခုမှသည် ဇာတာ တစ်စောင်အား ဆုံးဖြတ် နိုင်ခြင်း မပြုနိုင်ပဲ- ဤ “ကာလ သပ္ပ ယောဂ” သည် လူတစ်ဦး တစ်ယောက် ဇာတာအတွက် ထက် - တိုင်းပြည် နိုင်ငံ ဆိုင်ရာများတွင် ပို၍ အရေးပါ နိုင်ပါသည် ဟု အဆုံးသတ် မှတ်ချက် ပေးထားပါသည်။

“ကာလသပ္ပ ယောဂ” နှင့် ဆရာကြီး ကေအင်န် ရောင် ၏ အတွေ့အကြုံ။

ဆရာကြီး ကေအင်န် ရောင် သည် ၁၉၅၇ မှ စ၍ိ အိန္ဒိယ နိုင်ငံ စာရင်းကိုင် စာရင်း စစ်ချုပ်ရုံးတွင် လုပ်ကိုင်ခဲ့လျှက်- နိုင်ငံတော် စာရင်းစစ်ချုပ် ရာထူး တာဝန် (Director General) ဖြင့် ၁၉၉၀ ခုနှစ် နိုဝင်ဘာလ အငြိမ်းစား မယူခင်အထိ လုပ်ကိုင် ခဲ့သူသာမက- နက္ခတ်ဗေဒင် ကျမ်းများစွာ၊ ဆောင်းပါးများစွာ၊ သင်တန်းများစွာ ပို့ချခဲ့သော နက္ခတ်ပညာရှင် ကြီး ဖြစ်ပါသည်။
သူသည် အောက်ပါ ဖြစ်ရပ်များကို မှန်ကန်စွာ ကြိုတင် ဟောကြားခဲ့သူ ဖြစ်၏။
  • သူသည်- အိန္ဒိယ အစိုးရ အပြောင်းအလဲ အနေအထား ၁၉၈၉ ဖြစ်ရပ်များ။
  • ဆွန်ညာ ဂန္ဒီ နိုင်ငံရေး သြဇာ ကြီးထွားမှု ၁၉၉၈
  • အမေရိကန် သမ္မတ ဘီလ် ကလင်တန် အနေဖြင့် လိင်ကိစ္စ အရှက်တစ်ကွဲ ဖြစ်မှု။
  • ၂၀၀၁ တွင် လှုပ်ခတ်သွားသော ဂူဂျာရတ်ပြည် ငလျင်
  • ဘနာဇီယာ ဘူတို၏ သေဆုံးမှု။ (မိုးတား ဆောင်းပါး- (ပါကစ္စတန် ၀န်ကြီးချုပ်ဟောင်း ဘနာဇီယာ ဘူတို ၏ ကံကြမ္မာ သုံးသပ်ချက်။ http://numan-motaa.blogspot.com/p/benazir-bhutto.html) 
တစ်နေ့တွင်- ဆရာကြီး ကေအင်န် ရောင် ထံသို့- လန်ဒန်တွင် အခြေစိုက်သော ဆေးပညာ ဆရာဝန်လည်း ဖြစ်၊ နက္ခတ် ဗေဒင် ပညာတွင်လည်း- အသိအမှတ် ပြု “ကမ္မ ကဏ္ဍိ” (ကံကြမ္မာ ပြုပြင်နိုင်သူ ယတြာပညာရှင်) တစ်ဦးဖြစ်သော ဒေါက်တာတစ်ဦးမှ စာရေးသားလာခဲ့ပါသည်။

ဒေါက်တာ၏ အဆိုအရ အိန္ဒိယမှ “ကာလ သပ္ပ ယောဂ” အသုံးပြု ဟောစားသူ ဆရာများများမှ သူထံသို့ အဆိုပြုလာခဲ့သည်မှာ- ရာဟု နှင့် ကိတ် (ကိတ် နှင့် ရာဟု) အကြားတွင် ရှိသော ဇာတာရှင်များကို “ကာလ သပ္ပ ယောဂ” ယတြာချေ အိန္ဒိယ ဘုရားဖူး ပို့လွှတ်ပေးမည် ဆိုပါက- ကော်မရှင် ၂၀% ရမည် ဖြစ်ပြီး- ဘုရားဖူး အတွက် ကျသင့်သော ငွေကိုမူ- ရူပီးငွေ ၂ သောင်းခွဲမှ ၂-သိန်း အထိ သတ်မှတ် ထားကြောင်း ထို့ကြောင့် သူ့အနေဖြင့် “ကာလ သပ္ပ ယောဂ” ပါသူ တစ်ယောက်ကို ဘုရားဖူး ယတြာ (ကာလ သပ္ပ သျှန္တီ) ပို့လွှတ်ပါက ရူပီးငွေ ၅ ထောင်မှ ၅ သောင်းအထိ ရမည် ဖြစ်ကြောင်း - နယူးဒေလီ နှင့် အခြား မြို့များတွင်- ဗေဒင် လာမေးသူများကို လိမ်လည်သည့် အကုသိုလ် ကို မကြောက်သော လူလိမ်များသည် ဤ ကာလ သပ္ပ သျှန္တီ အတွက် အကြီးအကျယ် မဟုတ် တမ်းတရား လုပ်နေကြကြောင်း ရေးသား အကြောင်းကြားခဲ့ပါသည်။

ဆရာကြီး ကေအင်န် ရောင် ကိုယ်တိုင်လည်း- ထိုကဲ့သို့ ကော်မရှင် နှင့် လူပို့ပေးရန် လာရောက် ညှိနှိုင်းသည် “ကာလ သပ္ပ ယောဂ ဆရာ” တစ်ဦးနှင့် တွေ့ကြုံခဲ့ကြောင်း ၂၀၀၅- စက်တင်ဘာလ ထုတ် Journal of Astrology တွင် ဖေါ်ပြ ရေးသားခဲ့ပါသည်။

အောက်ပါ အချက်တို့သည် ဆရာကြီး ကေအင်န် ရောင် အနေဖြင့် Journal of Astrology တွင် ဖေါ်ပြ ရေးသားခဲ့သော အချက်များ ဖြစ်သည်။
ကျွန်တော် (ကေအင်န် ရောင်) နှင့် “ကာလ သပ္ပ ယောဂ ဆရာ” တို့ ဆုံတွေ့ခြင်း။
  • ကျွန်တော် (ကေအင်န် ရောင်) အနေဖြင့်- ထိုဆရာအား ဘယ်ယတြာ သျှန္တီကို လုပ်ရန် လိုသနည်းဟု မေးရာ- ထိုဆရာက “နာရယ နာဂဘာလီ ပူဇာ သျှန္တီ” ကို လုပ်ရမည် ဖြစ်ကြောင်း ပြန်ဖြေ ခဲ့သည်။ ကျွန်တော်သည် ဤ ပူဇာ သျှန္တီ ကို သိထားပြီး- Tryambakeshwar တွင် တွေ့ကြုံခဲ့ကြောင်း- ထိုသူ မသိထားချေ။
  • ကျွန်တော် (ကေအင်န် ရောင်) အနေဖြင့် ထို ပူဇာ သျှန္တီ သည် ရှေးဘိုးဘွားတို့ အတွက် ပြုလုပ်သော ပူဇာ ဖြစ်ပြီး- ထိုပူဇာတွင် ရာဟု နှင့် ကိတ် အကြောင်း သော်လည်းကောင်း၊ ပြီးခဲ့သော ဘ၀ က မြွေကို သတ်ဘူးသူများ နှင့် မဆိုင်ကြောင်း၊ သင်အခု ဖြန့်ချီ နေသည်မှာ- လိမ်လည်ခြင်း မဟုတ်ဘူးလား ဟု ပြောပြလိုက်သည်။
  • ကျွန်တော် (ကေအင်န် ရောင်) သည် ထိုပဏ္ဍိ ဆိုသူ နှင့် အား အခြားသော “ကာလ သပ္ပ ယောဂ” လူလိမ်များအား မူလ ရှေးကျမ်းများတွင် မည်သည့် နေရာတွင် ထို “ကာလ သပ္ပ ယောဂ” ကို ဖေါ်ပြထားသည်ကို ပြသရန် စိန်ခေါ်လိုက်သည်။
  • ဘရိဂု ကျမ်းများတွင်လည်း မဖေါ်ပြ၊ အိန္ဒိယ တောင်ပိုငးတွင် အသုံးပြုသော နဒီ ဂရန်သ များတွင်လည်း မဖေါ်ပြ၊ တစ်စုံ တစ်ယောက်က လူအများကို ကြောက်လန့် စေရန် တီထွင်လိုက်ပြီး- “နာရယ နာဂဘာလီ ပူဇာ သျှန္တီ” နှင့် တွဲပစ်လိုက်ခြင်း ဖြစ်သည်။ ထို့ကြောင့်- သင်တို့ အနေဖြင့် “ကာလ သပ္ပ ယောဂ” သည် manufactured fraud ခေါ် ထုတ်လုပ်လိုက်သော လည်ဆည် မှု ဖြစ်၍- အိန္ဒိယ ဗေဒင် လူလိမ်များအတွက် အကြီးဆုံး သော ၀င်ငွေရပေါက်လမ်း ဖြစ်သည် ဆိုတာကို သိထားရမည်။
ကမ္ဘာပေါ်ရှိ မြွေအရေအတွက် ကိစ္စ-
  • ဒီနောက် မှာ- ကျွန်တော် (ကေအင်န် ရောင်) သူ့ကို ဆက်ပြောပြပါတယ်။ ကမ္ဘာ့လူဦးရေ သန်း ၆ ထောင်ရှိရာမှာ- သန်း ၁၂၀၀ လောက်က- ရာဟု နဲ့ ကိတ်၊ ကိတ် နဲ့ ရာဟု ကြားမှ ဂြိုဟ်တွေ ကျရောက်နိုင်ပြီး- တစ်ချို့ကတော့ ဂြိုဟ်တစ်လုံး တစ်လေ အပြင်ထွက်နေတာ ရှိပါလိမ့်မယ်။
  • တကယ်လို့- သူတို့ရဲ့ သီအိုရီ အရ “ကာလ သပ္ပ ယောဂ” ဟာ- ပြီးခဲ့တဲ့ ဘ၀က မြွေကို သတ်ခဲ့လို့ ဖြစ်တဲ့ ယောဂ ဆိုတာ မှန်ယင်- ကမ္ဘာပေါ်မှာ ဆယ်စု နှစ် ၁-စုတိုင်း ဒီလောက်ရှိတဲ့ မြွှေ အရေအတွက်ကို သတ်တာနဲ့ ညီနိုင်မလား။
  • ဒါဖြင့် တရုပ်ပြည်မှာ- မြွေသတ်ပြီး- မြွေသား စားတဲ့ လူတွေဟာ ဒီ “ကာလ သပ္ပ ယောဂ” နဲ့ ပြန်ဝင်စား ကြရမှာပေါ့။
  • ဒါဆိုယင် အခု ကမ္ဘာပေါ်မှာ မြွေအရေ အတွက် ဘယ်လောက် ကျန်မလဲ။
  • ကမ္ဘာပေါ်မှာ မြွေတစ်ကောင်မျှ ကျန်စရာ မရှိတော့ဘူးနော
  • ကြွက်တွေ ကြောက်တဲ့ - သူတို့ရဲ အမှတ် (၁) ရန်သူဖြစ်တဲ့ မြွေမရှိတော့ယင် ကြွက်တွေဟာ စိုက်ပျိုး သီးနှံတွေကို ဖျက်ဆီးနိုင်ကြပြီပေါ့။
ထိုပဏ္ဍိ ဆိုသူလည်း ကျွန်တော့် (ကေအင်န် ရောင်) ကို အူကြောင်ကြောင် ကြည့်နေပြီး- နောက်ဘယ်တော့မျှ ပြန်မလာတော့ပါဘူး။

ဆရာကြီး ကေအင် ရောင် သည်- ထိုလည်ဆည် ထားသည့် “ကာလ သပ္ပ ယောဂ” အကြောင်းကိုလည်း စာအုပ် ထုတ်ဝေခဲ့သည်။ သတင်းစာတွင်လည်း ရေးသားခဲ့သည်။

ဆက်လက်၍- AAJ TAK တယ်လီဗီးရှင်း အစီအစဉ်တွင်လည်း-“ကာလ သပ္ပ ယောဂ ကို ရှေးကျမ်းတစ်ခုခုမှာ တွေ့လျှင် ပြစမ်းပါ” ဟု ပြတ်သားစွာ- စိန်ခေါ် ခဲ့သော်လည်း- တစ်နှစ်ကျော်ကြာ ကာလ (Journal of Astrology တွင် ဆောင်းပါး ရေးသားသည့် စက်တင်ဘာလ ၁၃-ရက် ၂၀၀၅ အထိ မည်သူ တစ်ဦး တစ်ယောက်မှ ပေါ်ထွက်မလာပါချေ။ (မှတ်ချက်- ယခု အချိန် ၂၀၁၂- စက်တင်ဘာ အထိလည်း တစ်ဦးမျှ မပေါ်လာပါ။)

ဆရာကြီး ကေအင် ရောင် ရေးသားသည့် “ကာလ သပ္ပ ယောဂ” စာအုပ်ကို စိတ်ဝင်စားသူများ- ဖေါ်ပြပါ လင့်မှ ၀ယ်ယူ ရရှိနိုင်ပါသည်။
http://www.indiabookcenter.com/index.php?_a=viewProd&productId=30

ဆရာကြီး ကေအင် ရောင် သည် “ကာလ သပ္ပ ယောဂ” နှင့် ဆိုင်သော ခေါင်းစဉ် ဖြစ်သည့် “IS THERE REALLY ANY PROOF OF KSY? ” နှင့် နက္ခတ် ဗေဒင် ဆိုင်ရာ ကွန်ဖရန့် astrological conference ကို Nasik တွင် ပြုလုပ် ခဲ့သော်လည်း မည်သည့် “ကာလ သပ္ပ ယောဂ ပညာရှင်” တစ်ဦး တစ်ယောက် ကမျှ ရှေ့မထွက်လာခဲ့။

ထိုသို့သော မဟုတ်တရုတ် သီအိုရီ ဖြစ်သည့် “သံဟဿ ဘရဟပ္ပတိ” ဆိုသည့် ကောဇာ ကြာသပတေး သိဟ်ရာသီ စီးလျှင် အိမ်ထောင် မပြု ရ ဆိုသော - သီအိုရီ စသည်များ ရှိနေပါသေးသော်လည်း- ယခု ဆောင်းပါး အနေဖြင့် မသက်ဆိုင်သဖြင့် မဖေါ်ပြတော့ပါ။
ဆက်လက်၍ ဆရာကြီး ကေအင် ရောင် မှ ဖေါ်ပြထားသည်မှာလည်း သတိပြုဘွယ်ပင် ဖြစ်၏။
“မဟုတ်မမှန် ပြောဆို နေကြသော fraudulent astrologers သည် ရိုးသားသော ဗေဒင်ဆရာ များထက် အဆများစွာ များပြားနေသည်ကို သတိရကြပါ။ ထို့ကြောင့် တရား ဥပဒေ နှင့် တစ်စုံ တစ်ဦးက မဆုံးမ မချင်း “ကာလ သပ္ပ ယောဂ” သည် ဆက်လက် အသက်ရှင် နေဦးမည်သာ ဖြစ်သည်။”
ဟု ၍ ဖြစ်ပါသည်။

ယခု ဆောင်းပါး တို့တွင်-
နက္ခတ် ပညာရပ် အကျိုး လည်းကောင်း၊ ဗေဒင် မေးလာသူ တို့၏ စိတ်ဒုက္ခ၊ မလိုအပ်သော အလိမ်လည် ခံရမှု တို့ကို မဖြစ်စေရ စေရန် အတွက် လည်းကောင်း- ကျွန်တော့် အနေဖြင့် ပြောသင့် ရှင်းသင့်သည်များကို ရှင်းပြီးပါပြီ။
  • ဆရာကြီး ဘီဗွီ ရာမာန်က- လိမ္မာစွာ ရေးသား ဖေါ်ပြသွားသကဲ့သို့-
  • ဆရာကြီး ကေအင် ရောင် ကလည်း- ပွင့်လင်း တိကျ စွာ ပြောပြ သွားပြီး ဖြစ်ပါသည်။
  • စာရေးသူ ကိုယ်တိုင် ဖေါ်ထုတ် သုံးစွဲသော မိုးတား စနစ်တွင်လည်း ဤယောဂ ကို လုံးဝ အသုံးမပြုပါချေ။
ဗေဒင် ပညာသင်၊ ပညာရှင် တို့သည်လည်း-
  • စာလုံးကြီးကြီး၊ ဝေါဟာရ ကြီးကြီး တို့ဖြင့် ပါဠိလို၊ သက္ကတလိုတွေ့ရှိရသော အခါ မူလကျမ်းရင်း အမှန်ဟု ထင်တတ်မိခြင်း၊
  • စာရေးကောင်းသူ- တစ်စုံ တစ်ယောက်က- မည်သို့ မည်ပုံ စသည်ဖြင့် တင်ပြပုံ ကောင်းလှ သည်ကို တွေ့ဖတ်ဘူးမိလျှင်- ဤသီအိုရီ သဘောတို့သည် မှန်လှပြီဟု ထင်တတ်မိခြင်း၊
  • အတွေ့အကြုံ နည်းပါးလျှင်- မြင်မြင်ကရာကို တန်ဘိုးရှိမည်ဟု ထင်မှတ်သဖြင့်- ကောက်ယူ စုဆောင်း မိတတ်ခြင်း။
တို့ဖြစ်တတ်ကြသဖြင့်- ဟိုတစ်ခု ဒီတစ်ခု - ကြားမိတိုင်း- အမှိုက် မကောက်မိစေရန် အရေးကြီးသကဲ့သို့-
ဗေဒင် ယုံကြည်၍ မေးမြန်း အကြံတောင်းလိုသူတို့ အနေဖြင့်လည်း- ဗေဒင် ဆရာတိုင်း အတူတူ၊ ဗေဒင် နည်းစနစ်တိုင်း အတူတူ မဟုတ်တို့သည်ကို သတိပြု မိကြစေရန်လည်း ရည်ရွယ်ပါသည်။ နည်းမှန် စနစ်မှန် များစွာ ရှိသော်လည်း ကွာခြားချက် တို့ ရှိတတ်သကဲ့သို့- မမှန်ကန်သော ရည်ရွယ်ချက် တို့ဖြင့်- ဖြတ်လမ်းမှ ငွေအမြန်ရလိုသော ဗေဒင်ပညာကို အိုးမည်းသုတ်နေသူ တို့အကြောင်းကို နားလည် ထားခြင်းဖြင့်- တစ်ပါးသူ၏ လှည့်ကွက်သို့ မကျရောက်စေရန်- ကျွန်တော်၏ စုဆောင်းလေ့လာ ခဲ့သမျှ အသိတို့ဖြင့်လည်းကောင်း၊ ထင်ရှားသော ဆရာကြီးများ၏ သဘော အတွေ့ အကြုံတို့ဖြင့် လည်းကောင်း ယှဉ်တွဲ ဖေါ်ပြရေးသားရခြင်း ဖြစ်ပါသည်။

နောက်လာမည့် ဆောင်းပါးတို့တွင်- အလွန်ဆိုးပါသည် ဆိုသော “ကာလ သပ္ပ ယောဂ” ရထားကြသော်လည်း- ကောင်းစား ကြီးပွား ကြသူတို့၏ လက်တွေ့ ဇာတာများကို အသေးစိတ် ရှင်းလင်း ဖေါ်ပြပေးပါမည်။ ဆရာကြီး ဘီဗွီ ရာမာန် ပြောခဲ့သည့်- “ကာလ သပ္ပ ယောဂ” အပါ အ၀င် မည်သည့် ယောဂ တစ်ခုမှသည် ဇာတာ တစ်စောင်အား ဆုံးဖြတ် နိုင်ခြင်း မပြုနိုင်ပဲ- ဇာတာ တစ်ခုလုံး၏ အထွေထွေ အနေအထားကို လေ့လာ ခြင်းက ပို၍ အရေးကြီးသည် ဆိုသည့် အချက်ကို- လက်တွေ့ ဇာတာများမှ မျက်ဝါးထင်ထင် တွေ့ကြရမည် ဖြစ်ပါသည်။

နက္ခတ်ဝါသနာရှင်၊ ပညာရှင်များ နှင့် တကွ- စာဖတ် ပရိဿတ် အားလုံး ချမ်းမြေ့ကြပါစေ

နျူမာန် (မိုးတား)

[+/-] show/hide this post

Saturday, September 1, 2012

ကာလသပ္ပ ယောဂ နှင့် ၂၀-ရာစု နက္ခတ်ပညာ (၁)

နက္ခတ် ဗေဒင် ဝေါဟာရများ နှင့် နက္ခတ် ၀ါသနာရှင်တို့ ဘ၀-

ကျွန်တော် ဗေဒင်ကို စတင်လေ့လာတုန်းက ဖြစ်၏။
ဥုစ်ရလျှင် ကောင်းသည်- နိစ်ရလျှင် မကောင်း ဆိုတော့- ကိုယ့် ဇာတာလေး ကိုယ်မဖွဲ့တတ်၊ ဖွဲ့တတ်ဖွဲ့ ပြီး- ဘယ်ဂြိုဟ်တွေများ ဥုစ်ရလေ မလဲဟု မရမက- ရှာကြည့်မိ၏။ မတွေ့ရတော့ စိတ်မကောင်းလှ။ ဖြစ်ချင်တော့- ဥုစ်တော့ မတွေ့- နိစ်တော့ တွေ့ရ၏။

နောက်တော့- နိစ္စဘင်္ဂ ယောဂ ဆိုသော အသုံးအနှုန်းတို့ နှင့် ထိတွေ့ရသော အခါ- ကိုယ့်ဇာတာတွင် နိစ္စဘင်္ဂ ယောဂ ရှိတော့- ကျေနပ် အားရမိ ပြန်ပါရော- ဒီလိုနှင့် ပင် ၀ဂ္ဂုတ္တမ န၀င်း ဆိုသော ဝေါဟာရများ၊ ၀ိပရတ္တ ရာဇ ယောဂ၊ ယောဂ ကာရက ဂြိုဟ် စသော ဝေါဟာရများကို တွေ့သိ သုံးစွဲ မိသော အခါ- ခေါ်လို့ ကောင်းလှသဖြင့်- ကျေနပ် အားရမိ၏။

ထိုဝေါဟာရများကို ရွတ်ဆိုရသည် အင်မတန် အရသာရှိလှ၏။ ထိုနည်းတူ ပရိဝတ္တ သမ္ဗန္ဓ ယောဂ များ စသည်ဖြင့်- ပြောဆို ထိတွေ့ ရသော အခါ- ဝေါဟာရတို့နှင့် ကျွမ်းဝင်လာခြင်းကိုပင် ဟုတ်လှချည်လား ဟု ဘ၀င်မြင့် လာမိ၏။

သို့သော်- နောက်ပိုင်း- ကိုယ်တိုင် ဆန်းစစ် သုတေသန လုပ်လာသော အခါ- နိုင်ငံတကာ- အဖွဲ့အစည်းများတွင် ၀င်ရောက် ယှဉ်ထိုး ခဲ့သော အခါ- ထိုယောဂ တို့ကို မြင်ရုံ၊ တွေ့ရုံ၊ ထူးထူးခြားခြား ဝေါဟာရ အလုံးကြီးများကို သိရှိ နားလည် ထားရုံ မျှဖြင့် ဘာကိုမျှ အတိအကျ ဆုံးဖြတ်၍ မရတော့မှန်း သိလာရ၏။

ထို့နောက် တွင်တော့- မိမိတွေ့ကြုံ သိရှိခဲ့ရသော- သုတေသန နည်းစနစ်များဖြင့်- မူလ ပညာရပ်ကို စနစ်တစ်ခု အနေဖြင့် စုစည်း တည်ဆောက်ထားသော မိုးတား စနစ်ဖြင့် သင်တန်းပေးခဲ့၏။

မိုးတား နက္ခတ္ထ သင်တန်းကို ဖွင့်လှစ်ခဲ့သော အခါ- သင်တန်းသား အနေအထား မျိုးစုံကို ကြုံတွေ့ရ၏။

  • (ပထမ အုပ်စုမှာ) နက္ခတ် ဗေဒင် ပညာ နှင့် လုံးဝ နီးနီး အတွေ့အကြုံမရှိ။
  • (ဒုတိယ အုပ်စုမှာ) ဟိုတစ်ခု၊ ဒီတစ်ခု ဖတ်ထားဘူးသော်လည်း- ကိုယ်တိုင် တွက်ချက် စမ်းသပ်ခြင်း မလုပ်ဖြစ်ကြသူ တို့ဖြစ်၏။ ထိုသူတို့က အများစု ဖြစ်၏။ သူတို့သည် စာဖတ်သူ စာရင်းဝင်၏။
  • (တတိယ အုပ်စုမှာ) အချို့မှာ ဖတ်မှတ် ထားရုံမျှ မက- ကျမ်းစာအုပ်တို့ကို ကိုယ်တိုင် ဆင်ခြင် သုံးသပ်ပြီး၊ မိသားစု ၀င်များ၊ နီးစပ်ရာ မိတ်ဆွေများ၏ ဇာတာ တို့အား လည်းကောင်း၊ နိုင်ငံတကာ ဗေဒင် အဖွဲ့အစည်းများ မှ လည်းကောင်း- လိုက်လံ လေ့လာ နေကြသူ၊ လေ့လာဘူးသူများ ဖြစ်၏။
  • (စတုတ္ထ အုပ်စုမှာ) အချို့မှာမူ- အတိုင်းအတာ တစ်ခု အထိ တတ်မြောက်ထားပြီး၊ လက်တွေ့လည်း ဟောပြော အကြံပေး လုပ်ကိုင်နေသူများ ဖြစ်၏။

အထက်ပါ တို့အနက်တွင် တတိယ နှင့် စတုတ္ထ အုပ်စုမှာ အရေအတွက် အနည်းဆုံး ဖြစ်သော်လည်း- ၄င်းတို့ အနက်မှ အချို့သည်- မိုးတား နည်းစနစ်၏ သဘောတရား ကို- ၄င်းတို့ သိရှိ ထားသော ယခင် သုတ များနှင့် နှိုင်းယှဉ် နိုင်ခြင်း၊ ကွာခြားမှုကို သိလာခြင်း တို့ကြောင့် အကျိုး အများဆုံးကို ရသွားကြ၏။

ပထမ အုပ်စုဝင် တို့မှ အများစု မှာမူ- ဗေဒင် အားလုံး အတူတူပဲ ဟု မူလ က ထင်မိလျှက်- လွယ်လွယ် တတ်မလား- ဟု သင်တန်း တက်လိုက် မိကာမှ- တွက်ချက်မှုများ များပြားလာသော အခါ- ထွက်ပြေးချင် လာတော့၏။ ဒီနောက်တွင် တော့- ညိမ်ညိမ် လေး နေလျှက်- မေးလည်း မမေးရဲ၊ ဖတ်လည်း မဖတ်ဖြစ်- နှင့် ရှေ့မတိုး၊ နောက်မဆုတ်၊ အသာလေး မျှောနေကြရကာ- အကျိုး ရသင့်သလောက် မရကြရရှာပေ။

သို့သော် ပထမ အုပ်စုဝင် မှ- အချို့သော သူတို့ မှာမူ- ဗေဒင် ဝေါဟာရများနှင့် ယခင်က မနီးစပ်ခဲ့သော်လည်း- အတွက် အချက် ၀ါသနာ ပါသော ဓါတ်ခံ ရှိသူ၊ အလွယ်တကူ အရှုံးမပေး တတ်သော ဓါတ်ခံရှိသူ၊ အလွတ်ကျက် စရာမလိုပဲ စဉ်းစား ရခြင်းကို ခုံမင် တတ်ခြင်း စရိုက် ရှိသူ တို့သည်- ယခုမှ စိတ်ပါ လာပြီး အတိုင်း အတာ တစ်ခု အထိ တတ်မြောက် လာကြ၏။ သို့သော် သူတို့တွင်- ယခင်က ဗေဒင် အသုံးအနှုန်း ဝေါဟာရများ နှင့် ယခင်က မနီးစပ်ခဲ့ ခြင်းကြောင့် မိမိကိုယ်မိမိ ယုံကြည်သင့်သလောက် မယုံကြည်နိုင်သေး။ တစ်စုံ တစ်ယောက်က- ဝေါဟာရ ကြီးကြီး တစ်လုံး နဲ့ ပစ်လိုက်လျှင်- တွန့်ကနဲ နောက်ဆုတ် သွားကြ၏။ ယခင်က ဟောနည်း၊ ပြောနည်းတို့ကို မသိရှိခဲ့သောကြောင့်- မိုးတား နည်းစနစ်ကို သုံးစွဲခြင်းဖြင့်- သူတို့ အမှန် ရောက်နေသော အဆင့်ကို သူတို့ ကိုယ်တိုင် မချိန်ထိုးတတ်သေး သော်လည်း- အကျိုးအားဖြင့်မူ ထင်ရှားစွာ ရရှိကြ၏။

ဒုတိယ အုပ်စုဝင် တို့သည်- အသုံးအနှုန်းများ၊ ဂြိုဟ်၊ ဘာဝ ပရိယာယ်များကို ယခင်က ကြားဘူး နားဝ ရှိခဲ့၏။ ဂြိုဟ်ပူး၊ ဂြိုဟ်မြင်၊ စသည်တို့ကို ရင်းနှီး ခဲ့ကြ၏။ သို့သော် ကိုယ်တိုင် တွက်ချက်မှု မရှိခဲ့မှုကြောင့်- မြင်မြင် လေရာ ဟုတ်နိုးနိုး ဖြစ်ကြရရှာ၏။ ၄င်းတို့မှ အချို့သည်- ကိုယ်တိုင် တွက်ချက် လက်တွေ့ လေ့လာ သောအခါ- တိုးတက်မှုများ ထူးထူးခြားခြား ရလာ၏။ သို့သော်လည်း ယခင်က ကိုယ်တိုင် ဆန်းစစ်မှု မလုပ်ခဲ့ပဲ ဖတ်ရုံဖတ်၊ သိ- သိတာနဲ့ ရပ်၊ ကြား- ကြားတာနှင့် ရပ် ခဲ့မိကြ သောကြောင့်- မိမိတို့ နားလည်သွားသော အနေအထားကို ချိန်ထိုး နိုင်ခြင်း မရှိရှာကြ။ သို့နှင့် ပင် သူတို့သည် မိုးတား နည်းစနစ်ကို လေ့လာပြီးသော်လည်း ယခင် က အကျင့် အတိုင်းပင်- လက်တွေ့ ဆန်းစစ်မှု များကို မလုပ်ဆောင်မိပဲ- ဗဟုသုတ အနေဖြင့်- မလုံလောက် သေးဟု ထင်ကာ- ဟိုတစ်စ ဒီတစ်စ ဖတ်မှတ်ရန် ကြိုးစားလာကြ၏။ ထိုအခါ- အထက်တွင် ကျွန်တော်ကိုယ်တိုင် ယခင်က ကြုံတွေ့ခဲ့ရသော- နိစ္စဘင်္ဂ ယောဂ၊ ၀ဂ္ဂုတ္တမ န၀င်း၊ ၀ိပရတ္တ ရာဇ ယောဂ၊ ယောဂ ကာရက ဂြိုဟ်၊ ပရိဝတ္တ သမ္ဗန္ဓ ယောဂ- ဘာ ကတ္တရိ၊ ညာ ကတ္တရိ စသည် တို့ကို ဟိုဖတ်၊ ဒီဖတ် လုပ်ယင်း လမ်းလျှောက် ယင်း- လမ်းပျောက်သော အနေအထားသို့ မိမိကိုယ် မိမိ မသိမသာ ပို့ဆောင်မိလျှက်သား ဖြစ်သွားတတ်ကြ၏။ နက္ခတ်ပင် ဖြစ်သော်လည်း- မတူညီသော နည်းစနစ်များ ဖြစ်သည့် ဇေမဏိမူ၊ နဒီမူ- အစရှိသော မူများနှင့်လည်း ရောပစ်ရန်လည်း ကြိုးစားလာ ကြသည် ကိုလည်း တွေ့ရ၏။

တတိယ နှင့် စတုတ္ထ အုပ်စုဝင် အချို့တို့မှာမူ်- ယခင်က- သိခဲ့ရုံမျှ မက- ကိုယ်တိုင် လက်တွေ့ ဆန်းစစ် ခဲ့မိခြင်းကြောင့်- ကွာခြားမှု တို့ကို သိလာကြ၏။ ယခင်က ရောရော နှောနှော ဖြစ်နေသော အရာများကို ပယ်ရှားရန်၊ မေ့ပစ်ရန် ကြိုးစားလာကြ၏။ ထိုအခါ- ထိုသူတို့သည်- ကွဲပြားမှု၊ ကွာခြားမှု၊ ထိရောက်မှု တို့ကို ပို၍ ပို၍ နားလည် လာသောကြောင့်- အားလုံးတို့တွင် အကျိုးအမြတ် အများဆုံး ရသူများ ဖြစ်သွားကြ၏။

ဤဆောင်းပါးသည် မိုးတား သင်တန်းသားများတွင် အရေအတွက် အများဆုံး ဖြစ်သော- ဒုတိယ အုပ်စုဝင်များ နှင့် မိုးတား သင်တန်းသား မဟုတ် သော်လည်း နက္ခတ် ပညာကို စစ်မှန်စွာ- စိတ်ပါဝင်စားသူများ အတွက် နားလည် သဘောပေါက် စေရန် ရည်ရွယ်ပါသည်။

ကာလသပ္ပ ယောဂ ဆိုသည်မှာ-

မျက်မှောက်ခေတ် အိန္ဒိယ ဗေဒင် လောကတွင်- ဗေဒင် ယုံသူများ လန့်တတ်သော ယောဂ များစွာ ရှိသည့် အနက်မှ ထင်ရှားသော ယောဂ (ယုဂ်) တစ်ခုမှာကား- “ကာလသပ္ပ ယောဂ” ဖြစ်၏။

“ကာလသပ္ပ ယောဂ” ဆိုသော ဝေါဟာရသည် “ကာလ” နှင့် “သပ္ပ” ကိုပေါင်းစည်း ခေါ်ဝေါ်ခြင်း ဖြစ်၏။ “ကာလ” ဆိုသည်မှာ - အချိန်ကာလ ဟု အနက်ရှိပြီး- “သပ္ပ” သည် မြွေ ဟု အဓိပ္ပါယ်ရှိ၏။ ထို့ကြောင့်- “ကာလသပ္ပ ယောဂ” သည်- “မြွေ၏ အချိန်ကာလ”- တနည်းအားဖြင့် “မြွေကျိန်စာ သင့်သော ကာလ” ဟု ဆိုလိုရင်း ဖြစ်၏။ သို့သော်လည်း- အချို့သော မြန်မာ ဗေဒင် ကျမ်း စာအုပ်၊ ဆောင်းပါး အချို့တွင်- ခန့်ညားသည်ထက် ခန့်ညားစေရန်- “ကာလ” အား “ကာဠ” ဟု ရေးလျှက်- “ကာဠ သပ္ပ ယောဂ” ဟု ရေးသည်တို့လည်း ရှိ၏။

သို့သော် ပြောင်းသွားသည်က- အနက်အဓိပ္ပါယ် ဖြစ်၏။ အသံချင်း နီးစပ်သော်လည်း ဌာန် ခြင်း ကွာပြီး၊ အဓိပ္ပါယ်လည်း ကွာသွား၏။

ထိုအခါ- အဓိပ္ပါယ် အားဖြင့်- “အနက်ရောင် ရှိသော မြွေ” ဟု ဆိုလိုသည့် သဘောသက်ရောက်၏။ လုံးလုံး မမှားသော်လည်း- မူလ ဆိုလိုရင်း ပျောက်သွားပါ၏။ မြွေ ဆိုသည်မှာ - ရာဟု နှင့် ကိတ် ကို ဆိုလိုပြီး- ရာဟု အား မြွေ၏ ခေါင်း၊ ကိတ်အား မြွေ၏ အမြီး- (အနောက်တိုင်း အရလည်း- ၄င်းတို့အား Dragon Head, Dragon Tail) ဟု သတ်မှတ်ပါ၏။

အခြားတစ်ဘက်တွင် ကြည့်ပါကလည်း- ဗေဒင် ပညာ၏ မူရင်း အဓိက မဏ္ဍိုင် ကျမ်းများ (နှစ်ထောင်ချီ သက်တမ်း ရှိသော) ဖြစ်ကြသော-

  • ပရာသျှရ ဆရာရသေ့ ရေးသားသော- ဗြို့ဟဇ် ဇာတက ပရာသျှရ ဟောရ သျှတ္တရကျမ်း။
  • ဆရာသခင် ၀ါရဟ မိဟိရ ရေးသားသော- ဗြို့ဟဇ် ဇာတကမ် ကျမ်း။
  • ဘရိဂု ဆရာရသေ့ ရေးသားသော- ဘရိဂု သျှတ္တရ ကျမ်း။
  • ဇေမဏိ ဆရာရသေ့ ရေးသားသော- ဇေမဏိ သျှတ္တရ ကျမ်း။
  • သီရိပတိ ပဒ္ဓတိ ရေးသားသော- သီရိပတိ ကျမ်း၊
  • ၀င်္ကန္တ သာမ ပြုစုသော- သာဝတ္ထ စိန္တာမဏိကျမ်း၊
  • ကလျာဏ ၀ါမ ရေးသားသော- သာရ၀ါလိကျမ်း၊
  • သံခဿနဒီ ရေးသားသော- ရာမ ဒယယုကျမ်း၊
  • ဗဟိဒ္ဓရ နာသ် ရေးသားသော- ဇာတက ပါရိဇာတ ကျမ်း၊ (အမှန်အားဖြင့်- ဤကျမ်းသည်- ပရာသျှရ ဟောရ သျှတ္တရကျမ်း နှင့် သာရ၀ါလိကျမ်း တို့ကို စုစည်းတင်ဆက် ထားခြင်း ဖြစ်၏။)
  • ကာလီဒါသ ဆရာရေးသားသော- ဥတ္တရ ကာလ အမြိတ္တရကျမ်း၊
စသည် တို့တွင် “ကာလသပ္ပ ယောဂ” အကြောင်းကို တစ်ခွန်း တစ်ပါဒမျှ မပါရှိခဲ့ပေ။ အေဒီ ၁၀၁၇ တွင် ထင်ရှားသော ရှေးပညာရှင်ကြီး ဖြစ်သည့်- ရာမ မနုယာ စရိယာ စသည့် ပညာရှိကြီး ပြုစုခဲ့သည် တို့တွင်လည်း မပါခဲ့ပေ။

ရှိစေဦး- ၄င်းတို့ထက် စာလျှင် နောက်ကျသည့်- ၁၃ ရာစုတွင်မှ ပေါ်လာသော ဖလဒီပက ကျမ်းတွင်လည်း မပါခဲ့ပေ။ (ယုဂ်ပေါင်း ၁၀၀၁ ယုဂ်တွင်- ဖလဒီပက ကျမ်း၊ သာဝတ္ထ စိန္တာမဏိ ကျမ်း နှင့် သာရ၀ါလိ ကျမ်း တို့မှ ယုဂ်များသည် အရေအတွက် အများဆုံးဖြစ်သည်။ သို့သော်လည်း- ၄င်းတို့တွင် “ကာလသပ္ပ ယောဂ” ဆိုသည်မှာ မပါရှိခဲ့။)

ရှေးဆရာမြတ်များ အနေဖြင့်- ဇာတာ တစ်ခုတွင် ဤမျှ မြင်သာသော ယုဂ် အား- မမြင်မတွေ့ခဲ့၍- မသင်ကြားခဲ့ခြင်းတော့ မဖြစ်တန်ရာပေ။ သို့သော်- ထိုဆရာများ မညွှန်ပြခဲ့သော- “ကာလသပ္ပ ယောဂ” ၊ “ကာလသပ္ပ ဒေါသျှ” သည် ၁၉၇၀-၈၀ ကာလများတွင် အိန္ဒိယရှိ နက္ခတ် မဂ္ဂဇင်း တို့တွင် ရေးသား ခဲ့ကြရာမှ အစပြုကာ- မြန်မာပြည် ရှိ နက္ခတ် ပညာရှင်၊ ၀ါသနာရှင်များ လက်သို့ ရောက်လာ၏။ သို့နှင့်ပင်- ဟိုတစ်ခု ဒီတစ်ခု ဖတ်လာကြသူ နက္ခတ် လေ့လာသူတို့အား- စိတ်ဝင်စားစေသည့် အဖြစ်ရောက်လာတော့၏။

ထိုသို့သော နောက်တိုး ယောဂများ အနက်မှ တစ်ခု ဖြစ်သည့်- “မင်္ဂလိ ဒေါသျှ (၀ါ) ကုဇ ဒေါသျှ” အကြောင်းကို- “စုလျား ရစ်ပါတ် ထိမ်းမြားတဲ့ မင်္ဂလာ (၁)” တွင် ရေးသား ဖေါ်ပြခဲ့ပြီး ဖြစ်၏။

ဗေဒင် မေးသူ ၁၀၀-လာလျှင် လူ ၈၀-ဘယ်လိုမျှ ပြေးမလွတ်သည့်- “မင်္ဂလိ ဒေါသျှ” သည်- အိမ်ထောင်ပြုမည့် သူများ- ယတြာချေရန် အတွက် ဗေဒင် ဆရာ အလုပ် ဖြစ်သော စီးပွားဖြစ် ယောဂ ဖြစ်၏။

“မင်္ဂလိ ဒေါသျှ” နှင့် ပတ်သက်၍ ပြောရပါမူ- မူလကျမ်းရင်း ဖြစ်သော- ဗြို့ဟဇ် ဇာတက ပရာသျှရ ဟောရ သျှတ္တရကျမ်း- အခန်း ၈၁၊ ဂါထာ ၄၇ တွင်-
“အင်္ဂါသည် ဇာတာ၏ လဂ်၊ ၁၂-တန့်၊ ၄-တန့်၊ ၇-တန့် နှင့် ၈-တန့် တို့တွင် ရှိထားလျှက်- ၄င်းအား- သောမဂြိုဟ်များ၏ အပူး၊ အမြင် တို့ဖြင့် လွှမ်းမိုး မှုကို မရထားအံ့- ထိုဇာတာရှင် မိန်းကလေး၏ လင်ယောက်ျား အား စောစွာသော သေဆုံးခြင်းကို ဖြစ်စေအံ့” -
ဟု ဖေါ်ပြထားရာတွင်- “သောမဂြိုဟ်များ၏ အပူး၊ အမြင် တို့ဖြင့် လွှမ်းမိုး မှုကို မရထားအံ့” ဆိုသော အချက်ကို ဖြုတ်ထုတ်၊ ၂-တန့် ဘာဝ ကိုပါ ထပ်တိုးလိုက်ရာ- စုစုပေါင်းမှ- ၁၂-ရာသီ အနက် ၆-ရာသီတွင် အင်္ဂါရှိပါက- မုဆိုးမ ဇာတာ ဖြစ်သည် ဟု ပြင်လိုက်ခြင်းဖြင့်- ဇာတာ စစ်ဆေးရန် မေးလာသူတို့၏ အရေ အတွက် တစ်ဝက် (၅၀%) သည် မုဆိုးမ ဇာတာ ဘ၀ သို့ ရောက်သွား၏။

ဇတ်လမ်းက ဒီမှာတင် မရပ်-

လဂ်မှ နေ၍- ၁-တန့်၊ ၂-တန့်၊ ၁၂-တန့်၊ ၄-တန့်၊ ၇-တန့် နှင့် ၈-တန့် တို့တွင် အင်္ဂါ မရှိသေးပါက- စန်းခေါ် တနင်္လာမှ- ၁-တန့်၊ ၂-တန့်၊ ၁၂-တန့်၊ ၄-တန့်၊ ၇-တန့် နှင့် ၈-တန့် တို့တွင် ရှိလျှင်- “မင်္ဂလိ ဒေါသျှ” သင့်သည်ဟု ဆိုလိုက်ကြရာ- လာမေးသူ အားလုံးကို ဇာတာပင် ကြည့်စရာမလိုပဲ- မုဆိုးမ ဇာတာ ဟု ပြောနိုင်သည့် အဆင့်သို့ ရောက်သွားပါတော့၏။

ဒါမှ မဟုတ်သေးပါက- မရ-ရအောင် ထပ်တည့် နိုင်သော နောက်ဆက်တွဲ မျိုးကွဲ များ ရှိသေးသော်လည်း- ရှုပ်ထွေးမည် စိုး၍ ဆက်မရေး လိုတော့ပါ။

သို့သော် ဗြို့ဟဇ် ဇာတက ပရာသျှရ ဟောရ သျှတ္တရကျမ်း- ဂါထာ ၄၈ တွင် ဆက်လက် ဖေါ်ပြထားသော- “မင်္ဂလိ ဒေါသျှ” ဇာတာ အချင်းချင်း အိမ်ထောင်ပြု ခြင်းဖြင့်- “မင်္ဂလိ ဒေါသျှ” အား ချေဖျက်သည် ဟု ဆိုသည် ကိုတော့- သိပ်မပြောကြတော့ပေ။ လူတိုင်း “မင်္ဂလိ ဒေါသျှ” သင့်နေလျှင်- အချင်းချင်း အိမ်ထောင်ပြုခြင်းကြောင့်- ချေဖျက် နိုင်သည်ကို ပြောလိုက်ပါက- ယတြာ မလိုတော့ပေ။

မည်သို့ပင် ဖြစ်စေ- နောက်ဆက်တွဲ ပြုပြင် ပြောင်းလဲလိုက်သော “မင်္ဂလိ ဒေါသျှ” သင့်သူ- အမျိုးသမီးသည် ယောက္ခမလောင်း ရှေ့တွင် သိမ်ငယ်ရသော ဘ၀ ရောက်ပြီး- မရေ မတွက်နိုင်သော- စေ့စပ်ပွဲများသည် အိန္ဒိယတွင် ပျက်ပြယ်ခဲ့ရတော့၏။

ရှိပြီးသားကို ဟိုတိုး၊ ဒီလျှော့လုပ်ခဲ့သော - “မင်္ဂလိ ဒေါသျှ” အပြင်- လုံးဝ အသစ်စက်စက် ထပ်တိုးလိုက်သော နောက်တိုး ယောဂ အခြား တစ်ခုမှာကား- “ကာလသပ္ပ ယောဂ” ပင်ဖြစ်၏။

မြွှေပုံစံ ဒီဇိုင်းလုပ်ထားသော လက်စွပ်ကို အဆောင် အဖြစ် ရောင်းနိုင် သော- အိန္ဒိယ ဗေဒင် ဆရာများ အတွက် စီးပွားဖြစ် ယတြာချေသည့် ယောဂ (၀ါ) ဒေါသျှ ဖြစ်တော့၏။ ဗေဒင်ကို ယုံကြည်သော အိန္ဒိယ နိုင်ငံသားတို့ ကြောက်ရွံ့ကြရသော- ယောဂ တစ်ခုလည်း ဖြစ်၏။ “မင်္ဂလိ ဒေါသျှ” (၀ါ) “မင်္ဂလဒေါသျှ” နှင့် “ကာလသပ္ပ ယောဂ” တို့- ပေါ်ပေါက်လာရခြင်းသည်ကား- ၂၀-ရာစု အလယ်ပိုင်းကျမှ- နယူးဒေလီ နှင့် ဥတ္တရ ပရာဒါခ်ျ တို့မှ- ခေတ်သစ် ဆရာ တို့၏ တီထွင်မှု လက်ရာပင် ဖြစ်တော့၏။

“ကာလသပ္ပ ယောဂ” နှင့် “ကာလသပ္ပ ဒေါသျှ”

“ကာလသပ္ပ ယောဂ” ရှိလျှင်- ဇာတာရှင်၏ ဘ၀တွင် အနှောက်အယှက် အဖျက်အဆီးများ နှင့် ကျဆုံးမှု တို့ကို ပေးသောကြောင့်- “အဆိုးဆုံး ယောဂ” ဟုပင် သတ်မှတ် ထားကြပါသေးသည်။ (သို့ဆိုလျှင်- အသွင်အပြင်အားဖြင့်လည်း- သိသာ ထင်ရှားပြီး- အဆိုးလည်း ဖြစ်နေသော ထိုယောဂ ကို ရှေးမူရင်း ကျမ်းတို့တွင် လုံးဝ မဖေါ်ပြခဲ့သော ကြောင့်- နက္ခတ်ပညာ ရပ်၏ ဘခင်တို့ အမြင်လျှမ်းသည် ဟုပင် ဆိုလိုသည့် သဘောပင် သက်ရောက် နေတော့၏။) ဆိုးကျိုးပေးသောကြောင့်- “ကာလသပ္ပ ဒေါသျှ” ဟုလည်း သုံးနှုန်း၏။

ထိုကာလ (မြွေကျိန်စာ ကာလ) လွန်လျှင် ကောင်းတတ် သောကြောင့်- “ကာလသပ္ပ ယောဂ” ဖြစ်သည် ဟုလည်း ဆို၏။

သူတို့ အဆိုအရ- ဂြိုဟ်တို့သည်- ရာဟု နှင့် ကိတ်တို့ကို ဆက်ဆွဲထားသော မျဉ်း၏ တစ်ဘက်တည်းတွင်သာ စုပြုံ ရှိနေလျှင်- “ကာလသပ္ပ ယောဂ” ရှိသည် ဆို၏။ ဆို၏။ အောက် ဖေါ်ပြပါ ပုံကို ကြည့်ပါ။


“ကာလသပ္ပ ယောဂ” မျိုးကွဲများ-

ထို“ကာလသပ္ပ ယောဂ” ကို အထက် ဖေါ်ပြပါ ပုံ (၁) အတိုင်း- ဖေါ်ပြထားသည့်- အနေအထား- တနည်းအားဖြင့်- မြွေပုံ၏ ၀မ်းပိုက်တွင် ဂြိုဟ်များ တည်နေသည့်- အနေအထားကို “ကာလသပ္ပ ယောဂ” ဟု ခေါ်ပြီး-
ညာဘက် အနေအထား ပုံ(၂) အတိုင်းကို- အချို့က “ကာလ အမြိတ္တ ယောဂ” ဟု ခေါ်ကြ၏။

တနည်းအားဖြင့်- ဂြိုဟ်တို့ လည်ပတ်ပုံ အတိုင်း ရေတွက်သော်-
  • ပုံ (၁) ကို ရာဟု နှင့် ကိတ် ကြားတွင် ဂြိုဟ်များ တည်သည်။ ၄င်းကို “ဥဓိ ဂေါလရဒ္ဓ” ဟု လည်းကောင်း၊ “ဂါရသစ္စ ယောဂ” ဟု၍လည်းကောင်း ခေါ်သေး၏။
  • ပုံ (၂) ကို ကိတ်နှင့် ရာဟု ကြားတွင် ဂြိုဟ်များ တည်သည်။တစ်နည်းအားဖြင့်- မြွေ၏ ပါးစပ်- ရာဟု မှနေ၍- ဂြိုဟ်တို့အား ၀ါးမြို သကဲ့သို့ လည်ပါတ် သွားလာ နေသည့် အနေအထားဖြစ်သည့် - ၄င်းကို “အနုဓိ ဂေါလရဒ္ဓ” ဟု လည်းကောင်း၊ “မုက္ကုတ ယောဂ” ဟု၍လည်းကောင်း ခေါ်သေး၏။
တစ်ဖန် လဂ် ၏ တည်နေရာ အလိုက်အားဖြင့် လည်း-
  • ပုံ (၁) အနေအထား တွင် ကိတ် ခေါ် မြွေအမြီး သည် လဂ်မှ ၆-တန့် အတွင်းတွင် တည်နေပါက- ၄င်းအား “၀ိလောမ ကာလသပ္ပ ယောဂ” ဟု ခေါ်ပြီး- ၄င်းသည် အလွန်ဆိုးသော အကျိုးပေးသည်ဟု ဆိုကြပြန်သည်။
  • ပုံ (၂) အနေအထား တွင် ရာဟု ခေါ် မြွေခေါင်း သည် လဂ်မှ ၆-တန့် အတွင်းတွင် တည်နေပါက- ၄င်းအား “အနုလောမ ကာလသပ္ပ ယောဂ” ဟု ခေါ်ပြီး- ၄င်းသည် ကောင်းကျိုးပေးသည်ဟု ဆိုကြပြန်သည်။

နောက်ဆက်တွဲ အနေဖြင့်- ဂြိုဟ် ၇-လုံး စလုံး- ရာဟု - ကိတ် တစ်ခြမ်းတည်းတွင် ကျနေခြင်း မဟုတ်ပဲ- အင်္ဂါ နှင့် စနေ တစ်ခုခု သည် အပြင်ထွက်နေပါက- ၄င်းအားလည်း “ကာလသပ္ပ ယောဂ” တစ်ဝက် တစ်ပျက် ရသည် ဟု ဆိုပြန်ပါသေး၏။

“ကာလသပ္ပ ယောဂ” ရှိလျှင်-
ဇာတာရှင်သည် မျှော်လင့် ကြိုးစား ထားသမျှတို့ကို ရနိုင်ခြင်း မရှိ။ သို့သော်- ကောင်းသော ယောဂ တစ်ခုခု ရှိလျှင်တော့- “ကာလသပ္ပ ယောဂ” အကျိုးပေးခွင့် မရ၍- စိတ်ပူရန် မရှိဟု ဆို၏။

တစ်ဖန်- အခြားသော အယူအဆ တို့မှာလည်း- “ကာလသပ္ပ ယောဂ” ရှိလျှင် ဇာတာရှင်၏ ကောင်းသော ယောဂများကိုပါ ဖျက်ဆီး ပစ်သည် ဟု ဆိုပြန် သေးသည်။

အထက်ပါ အဆိုတို့ကို ဆင်ခြင်ကြည့်ပါ။
ပထမ အဆိုအရ- ကောင်းသော ယောဂ တစ်ခုခု ဆိုရာတွင်- လူအများစုတွင်- ရာဇ ယောဂ တစ်မျိုးမျိုး ဖြစ်စေ၊ ဓန ယောဂ တစ်မျိုးမျိုး ဖြစ်စေ ရထား တတ်ကြ၏။ ထိုအဆို ၂-ခုသည် ဆန့်ကျင်ဘက် ဖြစ်နေသည် မဟုတ်ပါလော။

အိန္ဒိယ ဆရာတို့၏ အဆိုအရ- “ကာလသပ္ပ ယောဂ” ရှိသူသည်-
  • အသက် ၃၅-နှစ် (အသေးစိတ်ကို ဆက်ကြည့်ပါ။) အရွယ် အထိ ကောင်းသော အကျိုးပေးခွင့် မရ။ 
  • စိတ်အနားမရ၊ အဆိုးမြင် ဘ၀ နှင့် ဘ၀တွင် မတည်ညိမ်မှုများ ရပြီး- မကြာခဏ မြွေနှင့် ပတ်သက်သော အိပ်မက်များ မက်တတ် သည် ဆို၏။ 
  • ချစ်ခင် သူများ၏ လိမ်လည် လှည့်ဖျားခြင်းကို ခံရတတ်သည် ဆို၏။
  • အထူးသဖြင့် ရာဟု နှင့် ကိတ် ဒဿာ ကာလများတွင်- စိတ်ဒုက္ခများ ကြီးကျယ် စွာ ခံစားရမည်။ မကောင်းသော အရာများတွင် စွဲလမ်း တတ်ပြီး၊ ဘ၀၏ တစ်ဝက် လုံးလုံး ဒုက္ခ သုက္ခ နှင့် ရင်ဆိုင်ရမည် ဆို၏။
အကယ်၍- သင့်ဇာတာတွင် ထိုကဲ့သို့ - “ကာလသပ္ပ ယောဂ” ပါရှိနေပြီး- သင့်အား ဟောပြောသူကလည်း- နာမည်ကြီး တစ်ယောက် ဆိုပါအံ့- မည်သူ မကြောက်လန့်ပဲ နေနိုင်အံ့နည်း။

ထိုကဲ့သို့ အတိဒုက္ခ ရောက်သော အနေအထားတွင် - “ကာလသပ္ပ ဒေါသျှ” ဟု ခေါ်၍- ထိုကာလအား လွန်မြောက်သော အခါ- “ကာလသပ္ပ ယောဂ” အဖြစ် ကောင်းသော အနေအထားများ ရသည်ဟု ဆို၏။

ဤယောဂကို သုံးစွဲကြသော အိန္ဒိယ ဆရာများက သတ်မှတ်ထားသည်မှာ-
  • ရာဟုသည် လဂ်မှ ၁-တန့်တွင် တည်ပါက- အသက် ၂၇-နှစ် အရွယ်အထိ- “ကာလသပ္ပ ဒေါသျှ” ကို ခံစားရ၏။
  • ရာဟုသည် လဂ်မှ ၂-တန့်တွင် တည်ပါက- အသက် ၃၃-နှစ် အရွယ်အထိ- “ကာလသပ္ပ ဒေါသျှ” ကို ခံစားရ၏။
  • ရာဟုသည် လဂ်မှ ၃-တန့်တွင် တည်ပါက- အသက် ၃၆-နှစ် အရွယ်အထိ- “ကာလသပ္ပ ဒေါသျှ” ကို ခံစားရ၏။
  • ရာဟုသည် လဂ်မှ ၄-တန့်တွင် တည်ပါက- အသက် ၄၂-နှစ် အရွယ်အထိ- “ကာလသပ္ပ ဒေါသျှ” ကို ခံစားရ၏။
  • ရာဟုသည် လဂ်မှ ၅-တန့်တွင် တည်ပါက- အသက် ၄၈-နှစ် အရွယ်အထိ- “ကာလသပ္ပ ဒေါသျှ” ကို ခံစားရ၏။
  • ရာဟုသည် လဂ်မှ ၆-တန့်တွင် တည်ပါက- အသက် ၅၄-နှစ် အရွယ်အထိ- “ကာလသပ္ပ ဒေါသျှ” ကို ခံစားရ၏။
“ကာလသပ္ပ ယောဂ” တည်နေရာ နှင့် အဆိုးပြုပုံများ။

  • ရာဟုသည် ၁-တန့်၊ ကိတ်- ၇-တန့် တွင် တည်ပြီး အခြားဂြိုဟ် ၇-လုံးတို့သည် ထိုဝင်ရိုး၏ တစ်ခြမ်းတည်းတွင်သာ တည်လျှင်- ၄င်းအား “အနန္တ ကာလ သပ္ပ ယောဂ” တစ်နည်းအားဖြင့်- “၀ိပရိတ ကာလ သပ္ပ ယောဂ” ဟု ခေါ်ပြီး၊ ဇာတာရှင်အား ဇောက်ထိုးမိုးမျှော် ကျဆုံးစေခြင်း၊ အိမ်ထောင်ရေး ဆိုးရွားခြင်း၊ စသည်တို့ ဖြစ်မည် ဆို၏။
  • ရာဟုသည် ၂-တန့်၊ ကိတ်- ၈-တန့် တွင်တည် ၍ အခြားဂြိုဟ် ၇-လုံးတို့သည် ထိုဝင်ရိုး၏ တစ်ခြမ်းတည်းတွင်သာ တည်လျှင်- “ဂုလိက ကာလ သပ္ပ ယောဂ” ဟု ခေါ်ပြီး- ဆိုးရွားသော ကျန်းမာရေး ရှိမည်။ ဆုံးရှုံးမှုများ၊ မတော်တစ်ဆ ဖြစ်မှုများ ကြုံတွေ့ရမည်။ ဥစ္စာငွေကြေး နှင့် ပတ်သက်၍ ပြဿနာ ပေါ်မည် ဆို၏။
  • ရာဟုသည် ၃-တန့်၊ ကိတ်- ၉-တန့် တွင်တည် ၍ အခြားဂြိုဟ် ၇-လုံးတို့သည် ထိုဝင်ရိုး၏ တစ်ခြမ်းတည်းတွင်သာ တည်လျှင်- “၀ါသုကိ ကာလ သပ္ပ ယောဂ” ဟု ခေါ်ပြီး- အလုပ်အကိုင် နှင့် ပတ်သက်သော ပြဿနာများ ပေါ်ရမည် ဆို၏။
  • ရာဟုသည် ၄-တန့်၊ ကိတ်- ၁၀-တန့် တွင်တည် ၍ အခြားဂြိုဟ် ၇-လုံးတို့သည် ထိုဝင်ရိုး၏ တစ်ခြမ်းတည်းတွင်သာ တည်လျှင်- “သံကပ္ပလ ကာလ သပ္ပ ယောဂ” ဟု ခေါ်ပြီး- အလုပ်အကိုင် လုပ်ဆောင်ရာတွင် ဒုက္ခရောက် ရတတ်လျှက်- စိတ်ဖိစီးမှု၊ စိုးရိမ် သောက တို့ဖြင့် နေရတတ်သည်။ ဆက်ဆံရေး ညံ့ဖျင်းတတ်သည်။ မိခင်၏ ကျန်းမာရေး ညံ့မည်။ တရားမ၀င် သားသမီး ရတတ်သည်။ ကိုယ်တိုင်လည်း တရားမ၀င် သားသမီး ဖြစ်နေ တတ်သည်။ ကျက်သရေ ကင်းမဲ့သော အိုးအိမ် နှင့် နေထိုင်ရတတ်သည်။ သို့သော် ကောင်းကျိုးပေးသော ကာလတွင်- နိုင်ငံရေး သြဇာ ရတတ်သည် ဆို၏။
  • ရာဟုသည် ၅-တန့်၊ ကိတ်- ၁၁-တန့် တွင်တည် ၍ အခြားဂြိုဟ် ၇-လုံးတို့သည် ထိုဝင်ရိုး၏ တစ်ခြမ်းတည်းတွင်သာ တည်လျှင်- “ပဒုမ္မ ကာလ သပ္ပ ယောဂ” ဟု ခေါ်ပြီး-သားသမီး ကံဆိုးတတ်သည်။ သားသမီး ရရန်လည်း ခက်ခဲတတ်သည်။ စီးပွားရေး နှင့် မိတ်ဆွေ အပေါင်းအသင်း ကိစ္စများတွင် ပြဿနာ တက်တတ်သည် ဆို၏။
  • ရာဟုသည် ၆-တန့်၊ ကိတ်- ၁၂-တန့် တွင်တည် ၍ အခြားဂြိုဟ် ၇-လုံးတို့သည် ထိုဝင်ရိုး၏ တစ်ခြမ်းတည်းတွင်သာ တည်လျှင်- “မဟာ ပဒုမ္မ ကာလ သပ္ပ ယောဂ” ဟု ခေါ်ပြီး- ရန်သူ ပေါများခြင်း၊ ရောဂါ ထူပြောခြင်းများ ဖြစ်မည်။ အချုပ် အနှောင်၊ ဖမ်းဆီး ထောင်ချခြင်း ခံရတတ်သည် ဟု ဆိုပါသည်။ ကောင်းကျိုးပေးချိန် ရောက်သော နိုင်ငံရေး အာဏာ ရမည် ဟု ဆိုပါသည်။
  • ရာဟုသည် ၇-တန့်၊ ကိတ်- ၁-တန့် တွင်တည် ၍ အခြားဂြိုဟ် ၇-လုံးတို့သည် ထိုဝင်ရိုး၏ တစ်ခြမ်းတည်းတွင်သာ တည်လျှင်- “တက္ကသက္က ကာလ သပ္ပ ယောဂ” ဟု ခေါ်ပြီး-အိမ်ထောင်ရေး ကံဆိုးမည်။ အခြေအနေများက သံယောဇဉ်မဲ့ တစ်ကောင်ကြွက် ဘ၀သို့ ပေးပို့မည်။ အရက်၊ မိန်းမ နှင့် လောင်းကစား တို့ကြောင့် ဥစ္စာ ပစ္စည်းများ ဆုံးရှုံးမည် ဟု ဆိုပါသည်။
  • ရာဟုသည် ၈-တန့်၊ ကိတ်- ၂-တန့် တွင်တည် ၍ အခြားဂြိုဟ် ၇-လုံးတို့သည် ထိုဝင်ရိုး၏ တစ်ခြမ်းတည်းတွင်သာ တည်လျှင်- “ကာကော တိက္ခ ကာလ သပ္ပ ယောဂ” ဟု ခေါ်ပြီး-ဇာတာရှင်သည် စိတ်တို စိတ်ဆတ်သည်။ ထို့ကြောင့် ရန်သူများမည်။ ဘခင် ဘက်မှ အမွေများ ခံစားခွင့် မရှိ၊ ကျန်းမာရေး ဆိုးရွား၍ မလိုအပ်သော အလေအလွင့်များပြားမည် ဟု ဆိုပါသည်။
  • ရာဟုသည် ၉-တန့်၊ ကိတ်- ၃-တန့် တွင်တည်၍ အခြားဂြိုဟ် ၇-လုံးတို့သည် ထိုဝင်ရိုး၏ တစ်ခြမ်းတည်းတွင်သာ တည်လျှင်- တည်လျှင်- “သံက္ခတ်သု ကာလ သပ္ပ ယောဂ” ဟု ခေါ်၍- ဇာတာရှင်သည် ဘ၀ တွင် အနိမ့်အမြင့် မျိုးစုံကို ရင်ဆိုင်ရမည်။ ကံအကြောင်းမလှ ဖြစ်ရမည်။ ဖခင်နှင့် ပတ်သက်၍ ပြဿနာ ရှိမည်။ မုသားပြောမည်။ စိတ်တိုတတ်သည် ဆို၏။
  • ရာဟုသည် ၁၀-တန့်၊ ကိတ်- ၄-တန့် တွင်တည် ၍ အခြားဂြိုဟ် ၇-လုံးတို့သည် ထိုဝင်ရိုး၏ တစ်ခြမ်းတည်းတွင်သာ တည်လျှင်- “ဂတက္က ကာလ သပ္ပ ယောဂ” ဟု ခေါ်ပြီး- အမှုအခင်းများ နှင့် ဘ၀တွင် ရင်ဆိုင်ရမည်။ တရားဥပဒေ ၏ ပြစ်ဒဏ်ပေးခြင်း ခံရမည်။ သို့သော်- ကန်လဂ် နှင့် သိဟ် လဂ် ပိုင်ရှင်များ အတွက်မူ အကျိုးပေးသော အချိန်တွင်- နိုင်ငံရေး သြဇာ အာဏာ ရမည် ဆို၏။
  • ရာဟုသည် ၁၁-တန့်၊ ကိတ်- ၅-တန့် တွင်တည် ၍ အခြားဂြိုဟ် ၇-လုံးတို့သည် ထိုဝင်ရိုး၏ တစ်ခြမ်းတည်းတွင်သာ တည်လျှင်- “၀ိသဒ္ဓာ ကာလ သပ္ပ ယောဂ” ဟု ခေါ်ပြီး- ဇာတာရှင်သည် မကြာခဏ ခရီးသွားလာ နေရမည်။ တစ်နေရာတည်းတွင် သတ်သတ်မှတ်မှတ် တည်ငြိမ်စွာ နေခွင့်မရ။ သားသမီး နှင့် ပက်သက်၍ ဒုက္ခရောက်မည်။ မိတ်ဆွေများ- အကိုအမ များနှင့် ပြဿနာ များမည်။ စိတ်လည်း မတည်ညိမ်ပဲ- လုပ်ငန်း တို့တွင် အရှုံးနှင့် ရင်ဆိုင် ရမည် ဆို၏။ သို့သော် အသက်ကြီးပင် တွင် ငြိမ်းချမ်းမှု ရမည် ဟုလည်း ဆိုပါသည်။
  • ရာဟုသည် ၁၂-တန့်၊ ကိတ်- ၆-တန့် တွင်တည် ၍ အခြားဂြိုဟ် ၇-လုံးတို့သည် ထိုဝင်ရိုး၏ တစ်ခြမ်းတည်းတွင်သာ တည်လျှင်- “သဟဏ္ဏဟဂ္ဂ ကာလ သပ္ပ ယောဂ” ဟု ခေါ်ပြီး- အမှုအခင်းများ နှင့် ဘ၀တွင် ရင်ဆိုင်ရမည်။ ရန်သူ ပေါများပြီး- ကျန်းမာရေး အမြဲတမ်း ညံ့နေမည်။ ရငွေထက် သုံးငွေက ပိုများမည်။ ထောင်ဒဏ်၊ အချုပ် ကျခံရနိုင်သည်။ အငြိုးဖြင့် တိတ်ဆိတ်စွာ လုပ်ကြံသော ရန်သူ ရှိလိမ့်မည် ဟုလည်း ဆိုပါသည်။
ဆောင်းပါးလည်း ရှည်သွားပါပြီ။

မကြာမီ ရက်ပိုင်းတွင် ဆက်လက်၍-
အိန္ဒိယ နက္ခတ်ပညာ လောကတွင် ထင်ရှားသော ဆရာကြီးများ ဖြစ်သည့်-
  • ဆရာကြီး ဘီဗွီရာမာန် နှင့် ဆရာကြီး ကေအင်န် ရောင် တို့၏ အယူအဆ များကို လည်းကောင်း-
  • ကာလသပ္ပ ယောဂ ပိုင်ရှင် အောင်မြင်ထင်ရှားသူများ ၏ ဇာတာတို့ကို လက်တွေ့ ဆန်းစစ် ချက်များ ကိုလည်း ကောင်း-
ဆက်လက် တင်ပြပေးပါမည်။ နက္ခတ်ဝါသနာရှင်၊ ပညာရှင်များ နှင့် တကွ- စာဖတ် ပရိဿတ် အားလုံး ချမ်းမြေ့ကြပါစေ

နျူမာန် (မိုးတား)

[+/-] show/hide this post