Wednesday, June 20, 2012

မမြင်နိုင်သော လက်ပိုင်ရှင် များနှင့် အမေရိကန်သမ္မတ ဂျွန်ဖက်ဖ် ကနေဒီ (၂)

ကနေဒီ လက်မခံ ခဲ့သော ယုတ်မာသည့် အကွက်ချမှု တစ်ခု။ (သို့မဟုတ်) Operation Northwoods

ပြီးခဲ့သော အပိုင်း (၁) တွင် - မမြင်ရသော လက်တို့၊ ကနေဒီ ၏ လုပ်ဆောင်ခဲ့ မှု တို့နှင့် မီဒီယာ တို့၏ အကြောင်းကို ဖေါ်ပြခဲ့ပါသည်။

နာမည်ကျော် ရုပ်ရှင်မင်းသားကြီး အယ်လ် ပါချီနို သရုပ်ဆောင် ထားသော The Recruit (2003) ရုပ်ရှင်ကားမှ- စကားပြော ဒိုင်ယာလော့ဂ် တစ်ခု ကို မှတ်မိပါသည်။

သူပြောသည့် စကားမှာ- “ငါတို့ လုပ်တဲ့ ကိစ္စတွေထဲမှာ- မအောင်မြင်တာတွေကိုသာ လူတွေ သိတာ၊ အောင်မြင်သွားတာတွေကို လူတွေ မသိကြဘူး” ဟု ဖြစ်ပါ၏။

ဤစကားသည် အမှန်ပင် ဖြစ်၏။
ယခု Operation Northwoods သည် - သမ္မတ ကနေဒီမှ လက်မခံသဖြင့်- ပေါက်ကြားသွားပြီး- ပျက်ပြယ်သွားရသည့် အကွက်ချ လုပ်ကြံမှု ကိစ္စ တစ်ခု ဖြစ်သော်လည်း၊ အောင်မြင်သွားသည့် များစွာသော ဖြစ်ရပ်များတွင်မူ- ယခု ကိစ္စမှာကဲ့သို့- အများစုက- သောနုတ္ထိုရ် ၏ မြှားချက်ကို မမြင်သိကြ ရပါချေ။


လက်ရှိ ကမ္ဘာပေါ်တွင် ဖြစ်ပွားသော ဖြစ်ရပ် အချို့တွင် - မသင်္ကာ ဖြစ်သူ အချို့က- အထောက်အထား အချို့ဖြင့် ဖေါ်ပြလာသော အခါတွင်- လှပသော တုန့်ပြန်မှု တစ်ခု အနေဖြင့်- Disinformation ခေါ်- မှန်နေသော စွပ်စွဲချက်နှင့်- အပေါ်ယံ ဆင်တူသော်လည်း- အများ မယုံနိုင်သည့်- တစ်နည်းအားဖြင့်- ယုတ္တိကင်းမဲ့သော စွပ်စွဲချက် များစွာကိုပါ တစ်ပြိုင်တည်း လိုလို- ဖြန့်လိုက်ခြင်းဖြင့်- မူလ အမှန်ဖြစ်သော- ကိစ္စပါ ပျက်ပြယ်သွား စေသော- (၄င်းတို့၏ အဆိုအရ- ရေထိုးခြင်း Dilution) ဆိုသော နည်းစနစ်ကို အသုံးပြုတတ် ကြသည် ဖြစ်ရာ- သာမာန်လူများ အနေဖြင့်- မူလ စွပ်စွဲချက် အမှန်ကိုပါ တန်ဘိုးထားမှု ကင်းမဲ့သွားစေပါတော့သည်။

ယခု တင်ပြသည့် Operation Northwoods သည် - ယုံထင် ကြောင်ထင် စွပ်စွဲထားသည့် စွပ်စွဲချက်မျိုး မဟုတ်ပဲ- ဖြောင့်မတ်သော သမ္မတ ၏ မထောက်ခံ မှုကြောင့်- ကျူးဘားအား ၀င်ရောက် ကျူးကျော်ရန် အစီအစဉ် ပျက်သွားရပုံကို- John F. Kennedy Assassination Records Review Board မှ ၁၉၉၇-ခုနှစ်၊ နိုဝင်ဘာလ ၈-ရက်တွင် အများပြည်သူတို့ တရားဝင် ချပြလိုက်ရသော- စာမျက်နှာ စုစုပေါင်း ၁၅၂၁-မျက်နှာ ရှိ- အကွက်ချ ခဲ့သည့် ကောက်ကျစ်သော အစီအစဉ် ဖြစ်ပါသည်။

၎င်းအား- Joint Chiefs of Staff ဥက္ကဋ္ဌ ဖြစ်သူ ဗိုလ်ချုပ်ကြီး လမ်နစ်ဇာ Lemnitzer မှ မူကြမ်းရေးဆွဲ ခဲ့ပြီး- ကာကွယ်ရေး ဌာန သို့ ဆက်လက် တင်ပြခဲ့သည်။ သို့သော် သမ္မတ ကနေဒီ၏ ပယ်ချ ခဲ့မှုကြောင့်- ၄င်းအစီအစဉ် များကို အကောင်အထည် ဖေါ်ခွင့်မရခဲ့ပါချေ။

စိတ်ဝင်စားသူများ ရှိပါက- အချို့သော စာမျက်နှာများကို ဂျော့ ၀ါရှင်တန် ယူနီဗာစီတီ The George Washington University ဆိုက် http://www.gwu.edu/~nsarchiv/news/20010430/doc1.pdf မှ ဒေါင်းလုပ် လုပ်နိုင်ပါသည်။

Operation Northwoods ကို ၁၉၆၂- ကနေဒီ လုပ်ကြံခြင်း မခံရမီ တစ်နှစ် ကာလတွင် အဆိုပြုခဲ့ကြခြင်း ဖြစ်၏။ ၄င်း အဆိုတွင် စီအိုင်အေ (သို့မဟုတ်) ၄င်းမှ ငှားရမ်းထားသော၊ အဆင့်ဆင့် လက်ခွဲများ အနေဖြင့်- ကျူးဘား နိုင်ငံမှ စေလွှတ်သော အဖျက်သမား အေးဂျင့် များ အသွင်ဆောင်ကာ- အမေရိကန် နိုင်ငံနှင့် အခြား နေရာ အချို့တွင် စစ်ဘက်ဆိုင်ရာ၊ အရပ်ဘက်ဆိုင်ရာ နေရာတို့တွင်- အကြမ်းဘက်မှုများ terrorism ကို လုပ်ဆောင်ရန် ဖြစ်ပြီး - ၄င်းတို့ကို ကျူးဘား သမ္မတ ဖြစ်လာသော ဖီဒယ်လ် ကက်စထရို အား စွပ်စွဲပြီး- ကျူးဘားကို ၀င်ရောက် ကျူးကျော် ရန် ဖြစ်သည်။

၎င်းတို့တွင်- ပြန်ပေးဆွဲခြင်း၊ ဗုံးဖေါက်ခွဲများ ပါဝင်၍- လိုအပ်သော သက်သေ အတုများကိုလည်း ပြင်ဆင်ထားရန် ဖြစ်သည်။

ထိုအဆိုပြုချက်တွင် ပါဝင်သော စာသား တစ်ခုမှာလည်း-

"ဤအစီအစဉ်၏ လိုလားသော ရလဒ်မှာ- အမေရိကန် နိုင်ငံ အနေဖြင့်- ခုခံရေး အတွက် နှစ်မြို့စရာ မရှိသည့် အနေအထားကို ခံစားနေရပြီး၊ ကမ္ဘာ့အနောက်ပိုင်း ဒေသ ၏ ငြိမ်းချမ်းမှုကို ကျူးဘားသည် ခြိမ်းခြောက်မှု ပြုနေကြောင်း- တကမ္ဘာလုံးမှ ထင်မြင် လာစေရန် ဖြစ်သည်။" ဟု ပါဝင်သည်။ "The desired resultant from the execution of this plan would be to place the United States in the apparent position of suffering defensible grievances from a rash and irresponsible government of Cuba and to develop an international image of a Cuban threat to peace in the Western Hemisphere."

ဆက်လက် လေ့လာလိုသူများ ဤနေရာတွင်လည်း လေ့လာ နိုင်ပါသည်။ (http://en.wikipedia.org/wiki/Operation_Northwoods)

၎င်းတွင် အောက်ပါ တို့ ပါဝင်သည်-
  • ရန်လိုသော ကျူးဘား တပ်ဖွဲ့များမှ- ဂွမ်တာနာမို Guantanamo ပတ်ဝန်းကျင်တွင် - အောက်ပါ လုပ်ရပ်များ လုပ်ဆောင်သည့် အသွင် ဖန်တီးရန်။
  • - မိမိတို့၏ လျှို့ဝှက် ရေဒီယို များမှ ကောလဟဠ များ လွှင့်ရန်။
  • - ကျူးဘား ယူနီဖေါင်း ၀တ်ထားသူများမှ ခံတပ်သို့ -တိုက်ခိုက်မှု များ ပြုလုပ်ရန်။
  • - ကျူးဘား အကြမ်းသမား ဟု ၀န်ခံသည့် မိမိတို့ စေခိုင်းထားသူများကို ဖမ်းဆီးပြရန်။
  • - မငြိမ်သက်မှု အထိကရုဏ်းများကို မိမိလူများမှ- ခံတပ်များ အနီးတွင် ဖန်တီးရန်။
  • - မိမိတို့ ခံတပ်ရှိ လက်နက် ဂိုဒေါင်ကို ဖေါက်ခွဲရန် - လေတပ် စခန်း မှ လေယာဉ် အချို့ကို မီးရှို့ပစ်ရန်။
  • - အမေရိကန် စခမ်းသို့ - မော်တာ အမြောက်ကျည်များ ကျရောက်စေရန်။ ပျက်စီး မှုများ ရှိစေရမည်။ 
  • - ဂွမ်တာနာမို Guantanamo မြို့သို့ ပင်လယ်မှ ချဉ်းကပ်လာသော - အဖျက်သမား အဖွဲ့ ဆိုသူများကို ဖမ်းပြရန်။ 
  • - စခမ်းတွင်- လာရောက် အန္တရယ်ပြုသော စစ်ပျောက်ကြား ဆိုသူ တို့ကို ဖမ်းပြရန်။
  • - ဆိပ်ကမ်းရှိ သင်္ဘော တို့ကို ဖျက်ဆီးပြရန်။ ကြီးမားသော မီးလောင်မှု ဖြစ်ရန် အတွက်- naphthalene ကို အသုံးပြုရန်။
  • - မိမိတို့ တွင် သေဆုံးမှု အချို့ရှိသည် ဆိုပြီး- အသုဘ အခမ်းအနားများ ပြုလုပ်ရန်။
ကြားသိသူတိုင်း မမေ့နိုင်ဘွယ် ဖြစ်ရပ်များကို အောက်ပါ ပုံစံ အမျိုးမျိုးဖြင့် လုပ်ဆောင်ရန်။
  • အမေရိကန် သင်္ဘောကို ဂွမ်တာနာမို တွင် ဖေါက်ခွဲ၍- ကျူးဘား အား အပစ်တင်ရန်။
  • လူမဲ့ ရေယာဉ် တစ်စီးကို ကျူးဘားမှ လှမ်းမြင် နိုင်သော ဟာဗားနား (သို့မဟုတ်) ဆန်တီယာဂို အနားတွင် ဖေါက်ခွဲ၍- ကျူးဘား၊ လေယာဉ် နှင့် သင်္ဘောများ လာရောက် စစ်ဆေးသည်ကို -ကျူးဘားတို့မှ လုပ်ဆောင်သည့် အနေဖြင့် သက်သေ ရအောင် လုပ်ယူ၇န်။ တကယ်တမ်း တစ်ဦးတစ်ယောက်မျှ လိုက်ပါခြင်း မရှိသော သင်္ဘောပါ ၀န်ထမ်းများအား အရေးပေါ် ကယ်တင်ရေး လုပ်ငန်းများ လုပ်ဆောင်ရန်။ သေဆုံးသူ စာရင်များကို အမေရိကန် သတင်းစာတွင် ထည့်သွင်း ဖေါ်ပြရန်။ အစရှိသည် တို့ ပါဝင်၍- နောက်ပိုင်း အစီအစဉ်များ- ကျူးဘား တို့၏ တုန့်ပြန်မှု အပေါ် အသုံးချ၍- ဆင့်ကဲ ဆင့်ကဲ-လုပ်ဆောင်ရန် အဆင့်ဆင့် များ၊ ရန်စ သော အစီအစဉ် များစွာ တို့ ဖြစ်သည်။
လွန်စွာ များပြားလှသဖြင့်- အသေးစိတ် မဖေါ်ပြနိုင်တော့ပါ။

ဤအစီအစဉ် တို့သည်- ကျူးဘား နိုင်ငံကို ကျူးကျော် ရန် ဖြစ်သော်လည်း- တတိယ ကမ္ဘာစစ်ကြီး ပေါ်ပေါက်ရန် လုပ်ဆောင်ခြင်းလည်း ဖြစ်၏။

သို့သော်- ကနေဒီ သမ္မတ ဖြစ်ချိန် နှင့် ကြုံကြိုက်ခြင်း တို့ကြောင့် ထိုအစီအစဉ်များ လုပ်ဆောင်ခွင့် မရသော အနေအထားသို့ ရောက်သွားခဲ့ရပါ၏။

ကုလ သမဂ္ဂတွင်လည်း- ဦးသန့် အနေဖြင့် ၁၉၆၁-နိုဝင်ဘာလမှ စတင်၍- အတွင်းရေးမှုးချုပ် အဖြစ် တာဝန်ယူချိန် နှင့် တိုက်ဆိုင် နေခြင်း တို့သည်- တတိယ ကမ္ဘာစစ်ကြီး ကိစ္စအား ဖြစ်ပေါ်ခွင့် မရှိစေခြင်း အကြောင်း တစ်ရပ်ဟု ဆိုရပါမည်။ 


အမှန်အားဖြင့် ဆိုသော်- Operation Northwoods သည် တစ်ဘက်သူအား စွပ်စွဲရန် အကွက်ချသော နည်းမျှသာ ဖြစ်၍- အခြားသော နည်းများ အနက်မှ အချို့ မှာမူ- တစ်ဘက်သူ အား တိုက်ရိုက် ရန်ပြု သော အနေအထား မပြုသော်လည်း- ထိုသူ၏ ထွက်လမ်းပိတ် စေကာ- မိမိအား ပြောင်ကျကျ တိုက်ခိုက် လာခြင်းမှတစ်ပါး အခြားနည်း မရှိသော အခြေ အနေသို့ ရောက်လာအောင် အဆင့်ဆင့် တွန်းပို့ အားဖြင့် အားလုံး၏ အမြင်တွင် တစ်ဘက်သူသည်သာ လွန်ကျွံသည့် အနေအထားဖြစ်၍- မိမိက မလွှဲသာသဖြင့်၊ တုန့်ပြန်ရသည် ဆိုသည့် အသွင် ဆောင်သော အခြေအနေသို့ ရောက်စေသည့် နည်းစနစ်များစွာ လည်း ရှိနေပါသေး၏။ အောင်မြင်မှုများလည်း ရခဲ့သည်သာ ဖြစ်၏။

ဤဆောင်းပါး ရေးရာတွင်- စာဖတ်သူတို့ အနေဖြင့်- မည်သည့် နိုင်ငံ၊ မည်သည့် အစိုးရ၊ မည်သည့် အဖွဲ့အစည်း၊ မည်သည့် ပုဂ္ဂိုလ် စသော ပုဂ္ဂလ ဓိဋ္ဌာန် - အစွဲမျိုးဖြင့် နားလည်သွားခြင်း၊ မဖြစ်စေလိုပါ။

အကယ်၍- တစ်စုံ တစ်ယောက် အနေဖြင့် - ဤအကြောင်းတို့ကို ဖတ်ပြီး- “မည်သည့် နိုင်ငံ က ဒီလို၊ မည်သည့် အဖွဲ့အစည်းက ဒီလို” ဟု မြင်ယောင် နားလည်သွားသည် ဆိုပါအံ့- ကျွန်တော်၏ တင်ပြ ပုံ ညံ့ဖျင်းခြင်းကြောင့်- သောနုတ္ထိုရ် လက်မှ လွှတ်လိုက်သော မြှားကို အမုန်းပွားမိခြင်းသာ ဖြစ်ပါလိမ့်မည်။

အပိုင်း (၃) ဆက်လက် ဖေါ်ပြပါမည်။

[+/-] show/hide this post

1 comment:

မခင်မြင့်သောင်း said...

ဆရာ
အမေရိကန်သမ္မတ ကနေဒီ အကြောင်းဖတ်ရလို့.ကျေးဇူးအထူးတင်ရှိပါတယ်.။ကနေဒီမိသားစုကို
စိတ်ပိုင်းခံစားချက်အရ ကျမ အလွန်လေးစားတဲ့မိသားစုဖြစ်ပါတယ်..။ဆရာ့နေရာလေးကိုကျမဒီနေ့ရောက်ပါတယ်.။ဒါကြောင့် ကျန်ခဲ့တဲ့ကာလတွေကို နှမြောမိပါတယ်။
ခင်မင်လေးစားစွာဖြင့်
မခင်မြင့်သောင်း( မခင်မိုးညို )

Post a Comment