Wednesday, May 9, 2012

မြန်မာ- အင်္ဂလိပ် ပြက္ခဒိန် (နှစ် ၃၀၀)

မိုးတား ဆိုက်ကို လာရောက် လေ့လာကြသူ မိတ်ဆွေများ အတွက် - မိုးတား အသင်းဝင် ဖြစ်သူ ကိုအောင်ဟိန်းအေး မှ ပြုစုထားသော မြန်မာ- အင်္ဂလိပ် ပြက္ခဒိန် ဖြစ်ပါတယ်။

နှစ် ၁၀၀- ပြက္ခဒိန်တွေ လွယ်လွယ် တွေ့နိုင်ပေမယ့်- နှစ် ၃၀၀ ပြက္ခဒိန်ကိုတော့- ပြက္ခဒိန် ပညာရှင်၊ သမိုင်း ပညာရှင်တို့က လွဲပြီး- သိသူ နည်းပါးလှပါတယ်။

ဒီ ပြက္ခဒိန် ကို သုံးရာမှာ- လောလောဆယ်တော့ မြန်မာ ခုနှစ်၊ လ နှင့် ရက်ကို ထည့်ပေးခြင်းဖြင့် သက်ဆိုင်ရာ ခရစ်သက္ကရာဇ် နေ့စွဲကို ရှာပေး နိုင်မှာ ဖြစ်ပါတယ်။

သုံးပုံ သုံးနည်းလေးကို ရှင်းပြ ပါရစေ။

“လ” ကို ထည့်တဲ့ နေရာမှာ- ရိုက်ထည့် စရာမလိုအောင် Drop Down List လုပ်တာ အဆင်မပြေတဲ့ အတွက်ကြောင့်- အောက်ပါ “လ” အမည် ကို copy ကူးပြီး paste လုပ်ပေး နိုင်ပါတယ်။ ရိုက်ထည့် လျှင် - လွဲသွား နိုင်တဲ့ အတွက် ဖြစ်ပါတယ်။

တန်ခူး
ကဆုန်
နယုန်
ပထမ၀ါဆို
ဒုတိယ၀ါဆို
ဝါခေါင်
တော်သလင်း
သီတင်းကျွတ်
တန်ဆောင်မုန်း
နတ်တော်
ပြာသို
တပို့တွဲ
တပေါင်း
နှောင်းတန်ခူး
နှောင်းကဆုန်

လဆန်း၊ လဆုတ် စတာတွေကိုလည်း- အဲဒီလိုပဲ copy ကူးပြီး paste လုပ်ပေးနိုင်ပါတယ်။

လဆန်း
လဆုတ်
လပြည့်
လကွယ်




အောက်မှ ဖေါ်ပြထားတာကတော့ ပြက္ခဒိန် ပရိုဂရမ်လေး ပြုစုသူ မိုးတား သင်တန်းသား ကိုအောင်ဟိန်းအေး ရဲ့ ရှင်းပြချက်လေး ဖြစ်ပါတယ်။

အားလုံး ချမ်းမြေ့ကြပါစေ။

နျူမာန် (မိုးတား) ------------
(မှတ်ချက်- မြန်မာ မင်းတို့၏ ဇာတာတော်ပုံ ကျမ်းလာ ရက်စွဲများ နှင့် နေ့သားများကို စိစစ်ရာတွင်-
နောင်တော်ကြီးမင်း၊ ဆင်ဖြူရှင်မင်း၊ သာယာဝတီမင်း စသော မင်း အချို့ အနေဖြင့် နေ့ရက် များ မကိုက်ညီသည်ကို တွေ့ရပါသည်။ နေ့နှင့် ရက်ကို ပြန်ကိုက်အောင် ညှိ မည် ဆိုလျှင်လည်း 19နှစ် လထပ်ကိန်းနဲ့ မကိုက်ညီပါချေ။)

မြန်မာ-အင်္ဂလိပ် ပြက္ခဒိန် converter . . . .. 300 ကျော်အတွက် ကုန်းဘောင်ခေတ်မှစတင်၍ မြန်မာ သက္ကရာဇ် နှစ်၊ လ၊ ရက် များမှတဆင့် ခရစ်နှစ်လရက်သို့ ပြောင်းယူတွက်ချက်နိုင်သော ပြက္ခဒိန် converter လေးကို ကြိုးပမ်းပြုစု၍ အများအသုံးပြုနိုင်ရန် ပြန်လည် မျှဝေလိုက်ပါတယ် . . . . လွယ်ကူအောင် converter လို့သာ ပြောရတာပါ . . ကျွန်တော်နားလည်တဲ့ ms excel နဲ့သာ တွက်ထားတဲ့ ဖိုင်လေးမျှသာ ဖြစ်ပါတယ် . . ဇာတာများတွက်ချက်ရာတွင် ခရစ်နှစ် ရက်စွဲများဖြင့်သာ data ထည့်သွင်း၍ ဇာတာဖွဲ့နိုင်သော ပရိုဂရမ်များသာ ရှိပေရာ ရှေးဇာတာတွေ တွက်မယ်ဆိုရင် အခက်အခဲဖြစ်နိုင်ပါတယ် . . အရင်ရှေးဇာတာတွေက မြန်မာ သက္ကရာဇ်တွေနဲ့သာ ဖော်ပြလေ့ရှိပြီး ခရစ်နှစ် ရက်စွဲကို အလွယ်တစ်ကူ မသိရှိနိုင်လို့ဖြစ်ပါတယ် . . ထိုအခက်အခဲကို ပြေလည်နိုင်စေရန်အတွက် မြန်မာပြက္ခဒိန်ကနေ အင်္ဂလိပ်ပြက္ခဒိန် ရက်စွဲကို ပြောင်းတဲ့ converter ကို ပြုစုရခြင်းဖြစ်ပါတယ် . . . နမူနာ အနေနဲ့ . . . အလောင်းမင်းတရားရဲ့ မွေးသက္ကရာဇ်အား ဇာတာတော်ပုံ ရာဇ၀င်(ရတနာသီခ မဟာရာဇ စာမျက်နှာ-211 မှ ကောက်နှုတ်ချက်) မှာ မြန်မာသက္ကရာဇ် 1076 ခု၊ တော်သလင်းလပြည့်ကျော် (လဆုတ်) 1 ရက်၊ သောကြာနေ့ ဟု ဖော်ပြပါရှိရာ converter လေးဖြင့် စစ်ဆေးကြည့်မည် ဆိုပါက ခရစ်နှစ် 24 ရက်၊ 8 လ၊ 1714 ခုနှစ် သောကြာနေ့ ဖြစ်ကြောင်း သိရှိနိုင်မှာ ဖြစ်ပါတယ်။

ကျွန်တော့အနေနဲ့ ရှေးနှစ် ရာပေါင်းများစွာကနေ မြန်မာမှ ခရစ်သို့ ပြောင်းနိုင်တဲ့ converter ကို ပြုစုချင်ပေမယ့် အသုံးပြုပြီးသား ပြက္ခဒိန်တွေရဲ့ ၀ါကြီးထပ်နှစ်၊ ၀ါငယ်ထပ်နှစ် ၊ ရိုးရိုးနှစ် တို့ကို သိရှိမှသာ ရှေးကအသုံးပြုခဲ့တဲ့ ပြက္ခဒိန်တွေကို မှန်ကန်စွာ ပြုစုနိုင်မှာ ဖြစ်ပါတယ် . . . ဒါကြောင့် ၀ါထပ်ရက်ငင် အချက်အလက်တွေကို ထုတ်ဝေပြီးသား မြန်မာ ပြက္ခဒိန်များ၊ သမိုင်းရက်စွဲ အချက်အလက်တွေပါတဲ့ ကုန်းဘောင်ခေတ် မြန်မာရက်စွဲများ အစရှိတဲ့ စာအုပ်တွေကနေ လက်လှမ်းမှီသမျှ ရှာဖွေစုစည်းခဲ့တာ ကျွန်တော် ထင်သလောက် မလွယ်ကူပဲ နှစ် 300 ခန့်သာ ရရှိခဲ့ပါတယ် . . ၀ါထပ်ရက်ငင် ပြဿနာများကြောင့် နှစ်များစွာအတွက် မပြုစုနိုင်ခြင်းအပေါ် မိမိကိုယ်ကိုယ် စိတ်တိုင်းမကျ၊ စိတ်မကောင်း ဖြစ်မိပါ သေးတယ်။ ပြီးတော့ ကျွန်တော်က programming language ကို တတ်ကျွမ်းနားလည်သူလည်း မဟုတ်တဲ့အတွက် အဆင့်အတန်းမှီတဲ့ ပရိုဂရမ်မျိုး မမျှဝေနိုင်တဲ့အတွက်လည်း သိမ်ငယ်မိပါတယ် . . ရှေ့လာမယ့်နှစ်တွေ အတွက်တော့ မြန်မာ သက္ကရာဇ် 2500 (ခရစ်နှစ် 3138) ထိ မိမိဘာသာ update ပြုနိုင်ရန် ပြုစုပေးထားပါတယ် . . . မြန်မာ့သမိုင်း ဘာသာရပ်အား အထူးပြုလေ့လာနေသူတွေ၊ မြန်မာပြက္ခဒိန် ၀ါသနာရှင်တွေ၊ ရှေးဇာတာတွေ လေ့လာနေတဲ့ နက္ခတ္တပညာရှင်တွေ၊ မြန်မာရက်စွဲမှ ခရစ်ရက်စွဲ သိရှိလိုသူတွေ စသည်ဖြင့် တစ်စုံတစ်ဦးအတွက် တစ်ထောင့်တစ်နေရာကနေ ယခု converter လေး အသုံးတည့်လျှင်ပင် ပင်ပန်ခံ ပြုစုရကျိုး နပ်ပြီဟု မိမိကိုယ်ကိုယ် နှစ်သိမ့်ဖြင့် . . . . . ယခု converter က အင်္ဂလိပ်ရက်စွဲမှ မြန်မာသက္ကရာဇ်ကိုတော့ ပြောင်းလဲ မတွက်ပေးနိုင်သေးတဲ့ အတွက်လည်း ဆက်လက် ကြိုးစားပါဦးမယ် . . မြန်မာပြက္ခဒိန် ကမ္ဘာ့အလယ် ၀င့်ထည်နိုင်ပါစေသတည်း . . .

မောင်အောင်ဟိန်းအေး

[+/-] show/hide this post

5 comments:

Anonymous said...

တန်ခူး

ကဆုန်
နယုန်
ပထမ၀ါဆို
ဒုတိယ၀ါဆို
ဝါခေါင်
တော်သလင်း
သီတင်းကျွတ်
တန်ဆောင်မုန်း
နတ်တော်
ပြာသို
တပို့တွဲ
တပေါင်း
နှောင်းတန်ခူး
နှောင်းကဆုန် တွေကို ရိုက်ထည့်ပေးရမှာလား အဆင်သင့်လအမည်ကို ကလစ်ပေးပါလားဗျာ...မှားမှာဆိုးလို့ ..

Anonymous said...

လေးစားပါတယ်ဗျာ။ မွေးနေ့က ဒီက နှစ်သုံးရာ ပြက္ခဒိန်နဲ့လဲ ကိုက်သားဗျ...
http://myanmar-calendar.cool-emerald.com/

ဖြူစင်သောနှလုံးသားပိုင်ရှင် said...

ကျေးဇူးအများကြီးတင်ပါတယ် သိချင်နေတာကြာပြီ

ဖြူစင်သောနှလုံးသားပိုင်ရှင် said...

ကျေးဇူးအများကြီးတင်ပါတယ်

Anonymous said...

ကျေးဇူးအထူးတင်ရှိပါသည်

Post a Comment