Monday, March 26, 2012

ရုရှား ဘုန်းကြီးရူး ရပ်စ် ပြူတင် (သို့မဟုတ်) မြေလျှိုးမယ့် တန်ခိုး။

လူ့ဘောင် လူ့လောက တွင် မွေးဖွား အသက်ရှင် လာသော ကျွန်တော်တို့ လူသား များသည် မိမိ၏ ၀ါသနာ အထုံ အလိုက် လည်းကောင်း၊ အောင်မြင်လိုမှု၊ ကြီးပွားလိုမှု၊ စသော လောဘ နှင့် ယှဉ်သော အတ္တ တရား တို့ကြောင့် လည်းကောင်း၊ မသိနားမလည် မသိကျိုးကျွန်၊ တွေဝေ မိုက်မှားသော မောဟ တရားတို့ကြောင့် လည်းကောင်း- တစ်မျိုး သို့မဟုတ် တစ်မျိုး ရူးနေတတ်ကြ သဖြင့် မြတ်စွာ ဘုရားရှင် မှ “ပုထု ဇနော ဥမ္မာတကော” ဟု ဆိုခဲ့၏။

 လူတို့သည်-  
  • ဥစ္စာရူး၊
  • အာဏာရူး၊
  • အချစ်ရူး
  • တဏှာရူး၊
  • ဘ၀င်ရူး၊
  • ပညာရူး၊
စသည် တို့သာမက- သိဒ္ဓိရူး၊ မဟိဒ္ဓိရူး စသော တန်ခိုး အစွမ်းများကို လိုက်ပါ လုပ်ဆောင် နေသူများလည်း ရှိ၏။ ၄င်းတို့ကို- ကမ္ဘာ တစ်ခုလုံး - အရှေ့တိုင်း၊ အနောက်တိုင်း တွင် တွေ့ရ၏။

မိမိကိုယ်တိုင်ကိုလည်း- ဘေးဥပါဒ် မသင့်၊ အခြားသူတို့အားလည်း မထိခိုက်စေ နိုင်သရွေ့ ရူးချင် သလောက် ရူးနိုင်သည်သာ ဖြစ်၏။ ရူးမှလည်း ထူးမည်သာ ဖြစ်၏။ မင်း သုံးဆက် အတိုင်ပင်ခံ ပညာရှိကြီး - အမတ်ကြီး ၀န်ဇင်း မင်းဇာရာ သည်လည်း “စာတို ငညို၊ စာရူး ပေရူး” ဟု အမည် တွင်ခဲ့ပင် ဖြစ်၏။ ထိုနည်းတူ ဆာ အိုင်းဇက် နယူတန်၊ သိပ္ပံပညာ ရှင်ကြီး အိုင်းစတိုင်း၊ စသူ တို့သည်လည်း- ပညာရူးများ ပင် ဖြစ်၏။

ထို့ကြောင့်- သံသရာတွင်း တွင် ပုထုဇဉ် သတ္တ၀ါ တစ်ကောင် အဖြစ် နေခိုက်- အနည်းဆုံး တစ်မျိုးမဟုတ် တစ်မျိုး ရူးနေမည်သာ ဖြစ်၍- ရူးခြင်းကား - မှားသည်ဟု မဆိုသာပေ။
  
သို့သော်-
အချို့သော ပုဂ္ဂိုလ်တို့သည်- ၄င်းတို့၏ ထူးခြားစွာ ရူးသွပ်မှု တို့ကြောင့် ထူးခြားသော အစွမ်းကို ရသွား ကြ၏။ ထိုအစွမ်းကြောင့်ပင်- နောက်လိုက် နောက်ပါ ကိုးကွယ် ယုံကြည်သူ၊ ထောက်ခံသူ ပရိဿတ် များ ပေါများလာ သောအခါ- နေမြင့်လေ၊ အရူးရင့်လေ ဖြစ်လာရုံမျှ မက- အခြားခြားသော မကြံသည့်၊ မလုပ်သင့် မဖြစ်သင့် သည့် ကိစ္စများကို ကြံစည် လုပ်ဆောင် အောင်မြင် လာတော့၏။ အောင်မြင် နိုင်စေသည့် အစွမ်းလည်း သူ့တွင် ရှိလာ သည် မဟုတ်ပါလော။
ထင်ရှားသော အရူးများ အနက်တွင်- အာဏာရူး ဖြစ်ခဲ့သည် ဟစ်တလာ တွင်- ထူးခြားသော စည်းရုံး နိုင်စွမ်း၊ တစ်ဘက်သူတို့အား ခိုင်းစေ၊ စီမံ နိုင်စွမ်း တို့ အထူး အားကောင်းစွာ ရှိ၏။
ထိုအာဏာရူး ဟစ်တလာကြောင့် ဒုတိယ ကမ္ဘာစစ်ကြီး ပေါ်ပေါက်ခဲ့ကာ လူသန်းပေါင်းများစွာ သေကြေ ပျက်စီးခဲ့ရ၏။

ဟစ်တလာ လောက် ထင်ရှားအောင် အစွမ်းမရှိခဲ့သော်လည်း- ၄င်းကဲ့သို့ပင် စိတ်ဓါတ်ခံ သဘောထား ရှိပြီး- တန်ခိုး အာဏာ ကို ရယူရန် ကြိုးစားနေသူတို့သည်လည်း- လူ့ဘောင် လောက အေးချမ်းသာယာ ရေးအတွက် ကြောက်မယ်ဘွယ် ကောင်းသူများပင် ဖြစ်၏။
 
သီလ နှင့် အစွမ်း

အမှန်အားဖြင့် သီလ သည် ထိန်းသိမ်း စောင့်စည်းမှု သာ ဖြစ်၍- အစွမ်း ဖြစ်အောင် ကျင့်ကြံခြင်း နှင့် သီလ သည် တိုက်ရိုက် အားဖြင့် မပတ်သက်ပါချေ။ ဆိုလိုသည်မှာ- မည်သည့် သီလမျှ မရှိပါပဲ လျှက်- အစွမ်းရှိစေ သော လောကီ ကျင့်စဉ် များစွာ ရှိ၏။

ရှေးမြန်မာ လောကီ ပညာရှင်ကြီးများသည်- မိမိတို့၏ လျှို့ဝှက်ကျင့်စဉ် နည်းစနစ်များကို ယုံကြည် ရမည့် သားတပည့်များအား သစ္စာဆို စည်းစောင့် စေပြီးမှသာ ထိုထိုသော အစွမ်းရှိသည့် ပညာတို့ကို လက်ဆင့်ကမ်း၏။

သို့ပင်သော်ငြား- အစွမ်း၊ တန်ခိုး တို့ ရရှိသွားသော အခါ အခြေအနေ တို့ တစ်မျိုးပြောင်းသွား၏။ မူလက ဆိုခဲ့သော သစ္စာ၊ မူလ ဆိုခဲ့သော အဓိဋ္ဌာန် တို့ကို မေ့သွား၏။ မိမိတွင် အစွမ်း ရှိနေပြီ မဟုတ်လော။ ထိုသစ္စာကို ဖေါက်ခြင်း၊ မဖေါက်ခြင်းသည် အရေးမကြီးတော့ဟု ထင်မှတ်သွား၏။ မိမိ လေးစားရမည့်၊ ကြောက်ရမည့် သူကို ဂရုမစိုက်တော့၊ စောင့်စည်းမှု တရားတို့ကို အတ္တက ဖုံးလွှမ်းလိုက်ပြီ ဖြစ်၏။

သို့နှင့်ပင်- ကာယသိဒ္ဓိ ပြီးသူ များစွာတို့သည်- မကောင်းသော ခေတ်ကာလ နှင့် ကြုံကြိုက်သော အခါ လူဆိုး၊ ဓါးမြ ဖြစ်သွားတတ်ကြ၏။ ခေတ်ကာလ ကောင်းနေပါက- ထိုအစွမ်း ပြခွင့် မရှိသောကြောင့်- လူဆိုး၊ ဓါးမြ အသွင်သို့ ရောက်ခဲနိုင်၏။

လွန်ခဲ့သော ၁၅-နှစ် ခန့်က - စာရေးသူ နှင့် ညီအကို သဘွယ် ခင်မင်သော ထိုင်းလူမျိုး ကုမ္မဏီ အရာရှိ တစ်ဦးသည်- စာရေးသူအား မချမ်းသာချင်ပါနဲ့၊ ငွေကြေးသည် လူကောင်း အား လူဆိုးတစ်ယောက် ပြောင်းသွား နိုင်သည်ဟု ပြောခဲ့ဘူး၏။ ထိုစဉ်က- သူအနေနဲ့ ထိုသို့ ပြောင်းသွား သူတို့ကို မြင်ခဲ့ကြရသောကြောင့် ဖြစ်သည်။

ထိုစဉ်က- စာရေးသူ အနေဖြင့် နားမလည်နိုင်ခဲ့။

ယခု အရွယ်- အသက် ၄၀-ကျော်ဘ၀ ကျမှ ထိုအကြောင်းတို့ကို ဘ၀ အတွေ့အကြုံ နှင့် ပေါင်းစပ်၍- နားလည် ခဲ့ရ၏။

အဘယ့်ကြောင့် ဆိုသော်- ငွေကြေးသည်လည်း တန်ခိုးပင် မဟုတ်ပါသလော။
အလွန်ကြီးမားသော ငွေကြေးသည်- ငွေကြေး သက်သက် သာ မကတော့ပဲ- သြဇာ အာဏာ ကိုပင် ၀ယ်ယူနိုင်၏။

မိမိ၏ အကျိုးအတွက်- လူပေါင်း များစွာ၏ ဘ၀ကို ကမောက် ကမ ဖြစ်အောင် လုပ်နိုင်၏။

ထိုနည်းတူ- အခြားခြားသော လုပ်ပိုင်ခွင့် အာဏာ တို့သည်လည်း ထိုနည်း အတိုင်းသာ ဖြစ်၏။
ပင်ကိုယ် စိတ်ထားကောင်းသူ၊ ကူညီတတ်သူ၊ သနား တတ်သူ ဘ၀ အနေအထား မှ- အများတို့၏ ဘ၀ ကို ချယ်လှယ် နိုင်စွမ်း ရှိလာသော အခါ- လောကဓံ တရား၏ ရိုက်ခတ်မှု ဒဏ်ကို မခံနိုင်တော့ခြင်းဖြင့်- လူကောင်းမှ သည် လူဆိုး အဖြစ်သို့ ပြောင်းသွား၏။
အခြားတစ်ဘက်တွင် သူသည် လူကောင်း အနေဖြင့် ရှိနေတတ်ကြသော်လည်း- သူ၏ အကျိုး စီးပွား နှင့် ယှဉ်သော အခါ- အခြားသူတို့၏ ဘ၀ သည် ဖွဲ နှင့် စကွဲ ဖြစ်သွားတော့၏။

ထိုအကြောင်းတို့ကို “ဂြိုဟ်ဆိုး ဂြိုဟ်ကောင်း - လူဆိုး၊ လူကောင်း” ဆောင်းပါး တွင် တင်ပြခဲ့ ပြီးလည်း ဖြစ်ပါ၏။

စာဖတ်သူ အနေဖြင့်လည်း- လေ့လာ သုံးသပ်ကြည့်ပါမူ- လူကောင်း၊ လူတော်၊ လူလိမ္မာ အဖြစ်မှ- တစ်နည်းနည်းသော ချယ်လှယ် နိုင်သော စွမ်းအင် ကို ရသွားသော အခါ- လူတို့အား နှိပ်စက် ကလူ ပြုသော သူတို့ အဖြစ်ကို ရောက်သွားကြသည့် လူတို့ကို မိမိတို့ ပတ်ဝန်းကျင် တွင်ပင် အလွယ်တကူ မြင်နိုင်ပါ၏။

ထိုသူတို့အား- ပြီးစလွယ် အပြစ်မတင်ပဲ- နောက်ခံ အကြောင်းကို လေ့လာပါက- လောကဓံ တရား၏ ရိုက်ပုတ်မှု နှင့် မိမိ၏ အစွမ်းကို ထိန်းချုပ်၊ ထိမ်းသိမ်း နိုင်မှု စည်းတံတိုင်း အားနည်းမှု အခြေခံ ပေါ်တွင်- ထိုစည်း၏ တောင့်ခံ နိုင်မှုထက် ပိုလွန်သော အစွမ်းကို ရသွားသော ကြောင့် ဖြစ်ရခြင်းကို မြင်နိုင်၏။

အကြောင်းအမျိုးမျိုးကြောင့်- ထိုအစွမ်း တန်ခိုး ပျောက်ဆုံးသွားသော အခါ- ထိုသူသည်- အဆိပ်ထုတ် ခံရသော မြွေသဘွယ်- ပျော့ခွေ ညွတ်တွား သော အနေအထား သို့လည်း ရောက်သွား၏။

နောင်တ ရသလို၊ သံဝေဂ ရသလို အသွင်ဖြင့်လည်း မြင်တွေ့ရ၏။

အမှန်တကယ် သံဝေဂ ရမရ ကိုမူ- သတိကြီးစွာဖြင့် စောင့်ကြည့်သင့်၏။

အနုမြူစွမ်းအင်သည် ကြီးမားသော စွမ်းအင် ဖြစ်၏။
သို့သော် ကြီးမားသော စွမ်းအင်ကို အလွန်ကြီးမားသော သတိ၊ ကြိုတင် ပြင်ဆင်မှု၊ ကြိုတင် ကာကွယ်မှု ဖြင့် စွမ်းအင်ကြီး မထွက်ခင်ကပင် ကြိုတင် ကာကွယ် ထိန်းသိမ်း ရ၏။
ကာကွယ် ထိန်းသိမ်းမှု မပြည့်စုံခင် ခိုက်တွင်- ကြီးမားသော စွမ်းအင် ထွက်လာပါက- ထိုစွမ်းအင် သည် စတင်သူတို့ကို ဦးစွာ ဒုက္ခပေးမည့် အရာ ဖြစ်၏။ သီလ ဆိုသည်မှာ ထိုသို့ အန္တရယ် မဖြစ်စေရန် ကာကွယ် ထားသည့် အရံအတား ဖြစ်၏။

ဤသည်မှာ အလွန်ထင်ရှားသော ဥပမာ အနေဖြင့် မြင်သာအောင် ပြခြင်း ဖြစ်သော်လည်း- ထိုမျှလောက် မမြင်သာသော အခြေအနေများစွာ ရှိ၏။

စိတ်တန်ခိုး ကျင့်စဉ်များကို - တစ်ပိုင်းတစ်စ သိရုံမျှဖြင့် ထူးပေါက်စေရန် ကျင့်သူများစွာ ရှိ၏။ မျာစွာသော သူတို့သည်- စောင့်စည်း ရသည့် ပရိကာမ် များတွင် စိတ်သိပ်မ၀င်စားကြ။ သူတို့ စိတ်ဝင်စားသည်က- ဦးစွာ ရမည့် အစွမ်း သိဒ္ဓိများပင် ဖြစ်၏။

အရည်း နှင့် အရည်းပျက်။

ပုဂံခေတ်က အရည်းများ အကြောင်းကို စာဖတ်သူ တို့ ကြားဘူး ကြမည် ဖြစ်၏။

အများစု မှားယွင်းစွာ နားလည် ထားကြသည်က- အရည်းကြီး ဆိုလျှင်- ရေငုပ်၊ တုံးခုန်၊ မီးလှုံ၊ ဇယ်ခတ်၊ လက်ဝှေ့၊ လက်ပမ်းများ ကျင့်လျှက်- ပန်းဦးဆက် စေရန် တောင်းဆိုကြသည် ဟု ဖြစ်၏။

အမှန်အားဖြင့် အရည်း ဆိုသည်မှာ- “အရည” (“ည”-ကြီး အက္ခရာဖြစ်သောကြောင့် “အရင်ည” ဟု အသံထွက်ရပါမည်။) - ဆိုသော ပါဠိမှ လာ၍- “တောရ” ဟု အနက် အဓိပ္ပါယ်ရှိ၏။ ဆိုလိုသည်မှာ- မြို့ရွာ တို့တွင် မနေပဲ- လူသူ ကင်းဝေးရာ တောရပ် တွင် နေထိုင် ကျင့်ဆောင် ကြသူများ ဖြစ်၏။

အရည်း တို့သည်- ၄င်းတို့၏ ရည်ရွယ်ချက် ဖြစ်သော- လောကီ ပညာများ ဖြစ်သည့်- လက်ဝှေ့၊ လက်ပမ်း၊ အင်း၊ အိုင်၊ ခလှဲ့၊ ဓါတ် ဗိန္ဓော၊ နက္ခတ်၊ ဗေဒင်၊ သိဒ္ဓိ၊ မဟိဒ္ဓိ ပညာများကို တောတောင် များတွင် နေထိုင် ကျင့်ကြံခဲ့ကြ၏။

အချို့သော အရည်းများသည် ထူးခြားသော စွမ်းရည်များ ရခဲ့၏။ ထိုအခါ- အချို့သော ရှင်ဘုရင်တို့မှ နန်းမြို့တွင် ကျောင်းတည်ဆောက် ကိုးကွယ် တော့၏။ ပြဿနာကား- ဤတွင် စတော့၏။

လောကီ အစွမ်းတန်ခိုး နှင့် ရှင်ဘုရင်၏ အာဏာစက် တို့ ပေါင်းစပ် သွားသော အခါ- ပုထုဇဉ် ဖြစ်သော ထိုအရည်းတို့သည်- မထော်မနန်းသော လုပ်ရပ်များကို လုပ်လာ ကြတော့၏။

ဤသည်ကား “အရည်း” နှင့် “အရည်းပျက်” တို့ ၏ ကွာခြားမှု ဖြစ်တော့၏။

ထိုအရည်း ဆရာတော် ၏ တပည့် နောက်ဆွဲ တို့သည်လည်း- မိမိဆရာ၏ ကောင်းစားမှု ကို အသုံးချလျှက်- လှည့်လုံး၊ ပတ်လုံး၊ ချောက်လုံး တို့ဖြင့်- လူတို့အား အရည်းတို့အား မည်သို့ ပူဇော်ရမည်၊ မည်သို့ လုပ်ဆောင်ရမည် ဆိုသော ဥပဒေသ တို့ကို တီထွင် လုပ်ဆောင် လာကြခြင်းဖြင့်- အနော်ရထာ မင်းမြတ် မှသာ သန့်ရှင်း မှု မပြု ခဲ့ပါက- မြန်မာပြည် အနေဖြင့်- ထိုစနစ်ကြီး ကြာမြင့် စွာ တည်ရှိခဲ့မည် ဖြစ်၏။

ကောင်းစွာ တည်ကြည်လျှက်- မိမိတို့၏ ရည်ရွယ်ချက်ကို လုပ်ဆောင်သော အရည်း ဆရာတော်များ လည်း ရှိပါ၏။ မြန်မာတို့ သိထားကြသော ထွက်ရပ် ပေါက် ဆရာတော် များစွာ တို့သည် အရည်း ဆရာတော်များ ဖြစ်ကြ၍- ထိုဆရာတော်များသည်- လောကီ ကျင့်စဉ် တို့ကို ကောင်းမွန်သော သီလ ဆောက်တည်မှု ဖြင့် ထိမ်းသိမ်း ကြသောကြောင့်- ထွက်ရပ်ပေါက်၊ ၀ိဇ္ဇာထိုရ် အဖြစ်သို့ ရောက်ကြသော်လည်း- အချိုးအစား အားဖြင့်မူ အလွန့်အလွန် နည်းပါး၏။

ထိုသို့ ထွက်ရပ်ပေါက် အဖြစ်သို့ မရောက်သော်လည်း- နိုင်ငံ နှင့် လူမျိုးအတွက်- လူစွမ်းကောင်း များကို မွေးထုတ်ပေးသော သံဃရာဇာ ပွဲကျောင်း ဆရာတော်များသည် လည်း အရည်း ဆရာတော်များပင် ဖြစ်၏။ ၄င်းတို့သည် ဆရာတော် ဆိုသော်လည်း ဦးပြည်း ကတုံး နှင့် မဟုတ်ကြပဲ- ဒေါက်ချာ ဆောင်း၊ မုတ်ဆိတ် ကျင်စွယ် နှင့် နေသူများ ဖြစ်ကြ၏။

ဆိုလိုသည်မှာ- လောကီ ကျင့်စဉ် အစွမ်း တို့ကို ရလိုမှု သက်သက် ဖြင့် ကျင့်ကြံရယင်း- ၀ိဇ္ဇာ လမ်း သို့ မရာက် မပေါက်ပဲ- အကိုးကွယ် ခံ ဘ၀ ရောက်သွားခြင်းဖြင့်- အကျင့်ပျက် ဘ၀ သို့ ရောက်သွား ရခြင်း ဖြင့်- လူ့ဘောင် လူ့လောက အတွက် ဆူးငြှောင့် ခလုပ် များ အနေအထား သို့ ရောက်သွားကြခြင်းပင် ဖြစ်၏။

မျက်မှောက်ခေတ် တွင် ထိုသို့သော ဥပမာ တစ်ခုကို ပြရမည် ဆိုပါက- ရုရှား နိုင်ငံမှ တောဘုန်းကြီး တစ်ဦး ဖြစ်သူ ရပ်စ်ပြူတင် သည် အကောင်းဆုံး ဥပမာပင် ဖြစ်တော့၏။ သူအား အများက ခေါ်ကြသော အမည်မှာ ဘုန်းကြီးရူး Mad Monk ပင် ဖြစ်၏။

တောဘုန်းကြီး ရပ်စ်ပြူတင်၊ သို့မဟုတ် အများခေါ်သော ဘုန်းကြီးရူး ရပ်စပ်ပြူတင်။

ရုရှား နိုင်ငံ၏ နောက်ဆုံး မင်းဖြစ်သော ဇာဘုရင် နစ်ကိုလပ်စ် နှင့် မိဘုရားကြီး အလက်ဇန္ဒရာ တို့၏ သားဖြစ်သော မင်းသားငယ် ၏ သွေးမတိတ်သော မွေးရာပါ ရောဂါ hemophiliac ကို သက်သာ ပျောက်ကင်း စေရန် ၁၉၀၇ ခုနှစ် တွင် ကုသ နိုင်ခဲ့ခြင်းဖြင့်- သူတော်စင် ပျောက်စေ ဆရာကြီး အဖြစ်သို့ ရောက်ရှိခဲ့၏။ (စကားချပ်။ ထိုစဉ်က- hemophiliac ရောဂါသည် ဥရောပ အနွယ်တော်များတွင် မျိူးရိုးအလိုက် ကူးစက်သော သောရောဂါ ဖြစ်၏။ အမျိုးသမီးများတွင် မဖြစ်ပေါ်ပဲ မျိုးရိုးအလိုက် သယ်ဆောင်လာကာ- အမျိုးသားများတွင် အဓိက ဖြစ်စေ တတ်သော ရောဂါ ဖြစ်၏။ ဗြိတိန် နိုင်ငံ ၀ိတိုရိယ ဘုရင်မကြီး မှ တစ်ဆင့် သားတော် ၂-ဦး သမီးတော် ၅-ဦးတို့တွင် မျိုးရိုး အလိုက် သယ်ဆောင်ပြီး- စပိန် အနွယ်တော်များ၊ ဂျာမန် အနွယ်တော်များ၊ နှင့် ရုရှား အနွယ် တော်များတွင် တော်ဝင် အနွယ်များတွင် ဖြစ်ခဲ့သော် ရောဂါ ဖြစ်၏။ ဇာဘုရင် နစ်ကိုလပ်စ် နှင့် ဂျော့ခ်ျ ဘုရင် တို့သည် ညီအကို တစ်ဝမ်းကွဲ များ ဖြစ်ကြ၏။ အောက်ပါ ပုံသည် http://en.wikipedia.org/wiki/File:Tsar_Nicholas_II_%26_King_George_V.JPG မှ ဖေါ်ပြထားခြင်း ဖြစ်၏။ ရပ်စ်ပြုတင် ကုသပေးခဲ့သည့် မင်းသားငယ် ရုရှား မင်းသားငယ် အလက်ဇီသည် အင်္ဂလန် နိုင်ငံ ၀ိတိုရိယ ဘုရင်မကြီး မှ ဆိုသော်- မြစ်တော်သူ ဖြစ်၏။)

ရပ်စ် ပြူတင်သည် ၁၈၉၁ တွင် ဇနီး နှင့် ကလေး ၃-ဦးကို စွန့်ပစ် ထားခဲ့ကာ ဘာသာရေး လမ်းကြောင်း သို့ လျှောက်လှမ်း ခဲ့၏။

နောက်တွင်လည်း- သူ၏ မိသားစုကို ဆက်သွယ်ခြင်း မရှိတော့။
  
ရပ်စ်ပြူတင် အနေဖြင့် ဒုက္ခတွေ့ခဲ့ရချိန်များ။

ရပ်စ်ပြုတင် အနေဖြင့်- ရုပ်ပျက် ဆင်းပျက် လုပ်ကြံခံရချိန် မတိုင်ခင် အထိ၊ သေကံမရောက်၊ သက်မပျောက်သော ဖြစ်ရပ် အချို့ ရှိခဲ့လေရာ-၄င်းတို့မှာ အောက်ပါ အတိုင်း ဖြစ်၏။
  • ရပ်စ် ပြုတင်တွင် ညီမ တစ်ယောက်၊ အကို တစ်ယောက်ရှိခဲ့၍- ညီမ ၏ အမည်မျာ မာရီယာ ဖြစ်ကာ၊ အကို၏ အမည်မှာ ဒီမစ်ထရီ ဖြစ်၏။ ၁၈၇၉- နွေရာသီ အစပိုင်းတွင် အကို ဖြစ်သူ ဒီမစ်ထရီ နှင့် ကစားနေခဲ့ယင်း ဒီမစ်ထရီ ရေကန်ထဲကျကာ ရေနစ်ခဲ့၏။ ၈-နှစ် အရွယ် ရပ်စ်ပြုတင်သည် ရေထဲဆင်း၍ အကိုကို ဆယ်ရန် ကြိုးစားရာမှ ညီအကို နှစ်ယောက် စလုံး ရေနစ်ခဲ့ကြ၏။ လမ်းသွား လမ်းလာ တစ်ဦးမှ တွေ့ရှိ၍- အချိန်မီ ကယ်တင် နိုင်ခဲ့သော်လည်း အကို ဖြစ်သူမှာ နမိုးနီးယား ဖြင့် ရက်အတန်ကြာတွင် သေဆုံး ခဲ့၏။ ရပ်စ်ပြုတင်သည် သူ၏ ကလေးများကိုလည်း- မာရီယာ နှင့် ဒီမစ်ထရီ ဆိုသော အမည်ကို ပေးခဲ့၏
  • အသက် ၁၆-နှစ် အရွယ်တွင်- ရပ်စ်ပြူတင် သည် အိုင်ရီနာ ကူဘာဆိုဗာ Irina Kubasova ဆိုသူ အမျိုးသမီး နှင့် ချစ်ကြိုက်မိရာမှ ကြီးမားသော သင်ခန်းစာကို ရခဲ့၏။ သူမက- ရပ်စ်ပြူတင် အား ချိန်းတွေ့ခဲ့ပြီး နောက် အ၀တ်အစားများကို ချွတ်ခိုင်း၏။ ထို့နောက်တွင်တော့- အခြား မိန်းမများကို ခေါ်ပြပြီးနောက် ၀ိုင်းရိုက် ကြ၏။ အင်မတန် ပြင်းထန် သဖြင့်- အသက်မျော့မျော့သာ ကျန်ခဲ့၏။
  • ၁၉၁၄ ခုနှစ်၊ ဇွန်လ ၂၈ တွင် - ရပ်ပြုတင်သည် ၄င်း၏ ဇာတိ ဖြစ်သော Pokrovskoe ကျေးရွာတွင် အသက်ဆုံးလုနီးပါး လုပ်ကြံမှုကို ကြုံလိုက်ရ၏။ ဟီအွန် နီယာ ဂူဆေးဗာ ဆိုသူ အမျိုးသမီးသည် ၄င်း၏ ၀မ်းဗိုက်အား ထက်ခြမ်းခွဲခဲ့၏။ ထွက်ကျလာသော အူအခွေလိုက်ကို လက်တစ်ဘက်ဖြင့် ကိုင်ထားလျှက်- ထိုအမျိုးသမီးအား ပြန်လည် ဟန့်တား ခဲ့၏။
ရပ်စ်ပြူတင် အတွက် ကံဆိုးစေသော အမည် တစ်ခု။

တိုက်ဆိုင်သည်လား- ဘာလားတော့ မသိ၊ နာမည် သင်္ချာ ပညာရှင်များ၊ မဟာဘုတ် ပညာရှင်များ တော့ သိကောင်း သိမည် ဖြစ်၏။ Irina ဆိုသော အမည်သည် ရပ်ပြုတင် အား ကံဆိုးစေခဲ့၏။
  • ပထမ ဦးစွာ ကြုံခဲ့ရသည်က- အိုင်ရီနာ ကူဘာဆိုဗာ Irina Kubasova ဆိုသော အမျိုးသမီး။ ရပ်စ်ပြုတင်အား- မျှားခေါ်ပြီး အရှက်ခွဲရုံ မက- မသေရုံရိုက်ခဲ့သော အမျိုးသမီး။
  • သေဆုံးသည့် နေ့တွင် လုပ်ကြံသူ မင်းသားလေး ဖဲလစ် ယူဆုပေါ့ဗ် Felix Usupov ၏ ဇနီး အမည်ကလည်း- Irina အိုင်ရီနာ ပင် ဖြစ်၏။ ဤနေရာတွင်လည်း မင်းသား ယူဆူပေါ့ဗ်သည် သူ၏ လှပသော ဇနီးကို အကြောင်းပြကာ ရပ်စ်ပြူတင်အား လျှို့ဝှက် ခေါ်ဆောင်ခဲ့ခြင်း ဖြစ်၏။
ရပ်စ် ပြုတင်၏ အစွမ်း တန်ခိုး များ။
အောက်ပါ ပုံသည် http://www.freeinfosociety.com/media/images/867.jpg မှ သုံးစွဲ ထားခြင်း ဖြစ်ပါသည်။  

 အချို့သော အဆိုများအရ- ရပ်စ် ပြုတင်တွင် ထူးခြားသော စွမ်းရည်များ ငယ်စဉ်ကပင် ရှိခဲ့သည် ဆို၏။ များစွာသော ဖြစ်ရပ်များ အနက်မှ ထင်ရှားသော ဥပမာ တစ်ခုမှာ- ၄င်း၏ ဘခင်၏ မြင်းတစ်ကောင် အခိုးခံရသော အခါတွင် ကလေး အရွယ် ရပ်စ်ပြုတင်သည် မည်သူ ခိုးသည် ကို တိပစွာ ပြောဆို နိုင်ခဲ့သည် ဆို၏။

အသက် ၁၈-နှစ် အရွယ်ခန့်တွင်- မိမိကိုယ် မိမိ အပြစ်ပေးသည့် အနေဖြင့် Verkhoturye ဘုန်းကြီးကျောင်းတွင် ၃-လ မျှ သွားရောက် နေထိုင်ခဲ့၏။ ထိုမှ ပြန်လာပြီး နောက်တွင်- ခရစ်ယာန် မယ်တော် မယ်ရီ Virgin Mary ကို မြင်ရသည်ဟု ဆိုပြီးနောက်- ဘာသာရေး တွင် နှစ်မြုပ်ခဲ့၏။ ထိုစဉ်က- ဘာသာပျက်ဟု သတ်မှတ် ထားသော အသင်းတို့တွင် ၀င်ရောက် ကျင့်ကြံခဲ့သည် ဆို၏။ ဇနီး၊ သားသမီးများကို စွန့်ပစ်ခဲ့ပြီးနောက်- ဂန္ဓာရီ ခရီး လှည့်လည် ခဲ့ရာတွင် ဂရိစ် နှင့် ဂျေရုစလင် တို့လည်း ပါဝင်ခဲ့၏။ ၁၉၀၃ တွင် စိန့်ပီတာ စဘတ် မြို့သို့ ပြန်ရောက်လာခဲ့သည်။ ထိုအချိန်တွင် သူသည် သူတော်စင်၊ ပျောက်စေ ဆရာ၊ အနာဂါတ် ဟော ဆရာ (ပရောဖတ်) အစွမ်းများ ရှိသူ အဖြစ် နှင့် တစ်ဖြေးဖြေးချင်း နာမည် ကျော်လာပြီ ဖြစ်၏။

ထူးခြားသည် ကလည်း ၁၉၀၃ ပတ်ဝန်းကျင်တွင် စိန့်ပီတာ စဘတ် မြို့တွင် လျှို့ဝှက် ဆန်းကျယ် ပညာရပ်များ (mysticism နှင့် occult) တို့ကို စိတ်ဝင်စားကြခြင်း၊ လူကြီး လူကောင်း၊ အထက်တန်းလွှာ လူတန်းစားတို့သည် ထိုထိုသော အံ့ဘွယ် ဘနန်း အစွမ်းရှိသူများကို ယုံကြည် ကိုးကွယ် ဆည်းကပ် လာကြခြင်း ဖြစ်၏။

ရပ်စ်ပြုတင်သည် ရုရှား မင်းသားငယ် Tsarevich Alexei အယ်လက်ဇီ ၏ ရောဂါ အကြောင်းကို ၁၉၀၄ ခုနှစ် ဆိုက်ဘေးရီးယား ဒေသ အတွင် ဘာသာရေး လှည့်လည် နေစဉ် အတွင်း ကြားခဲ့ရ၏။ ထိုမတိုင်မီကမူ- မင်းသားငယ်၏ ရောဂါ သတင်းကို နန်းတွင်း မှ ထုတ်ပြန် ကြေညာခြင်း မရှိခဲ့ပါ။

ထိုစဉ်က ကုသနည်းများ ဖြစ်သော မျှော့ဖြင့် ကုသနည်း တို့ကလည်း မသက်သာ၊ ထိုခေတ်တွင် ပေါ်လာသော အက်စပရင် ဆေးသည်လည်း မသက်သာသည့် အပြင် မင်းသားငယ်၏ အဆစ် အမြစ်များပါ ယောင်ကိုင်း နာကျင် လာသဖြင့်- နန်းတွင်း သမားတော်များလည်း မတတ်နိုင်သော အခြေအနေတွင် ရှိသဖြင့်- အယ်လက်ဇီ ၏ မိခင် ဖြစ်သူ မိဘုရားကြီး ဇာရီနာ အလက် ဇန္ဒရာ သည် အကူအညီ ရရာ လမ်းမျိုးကို ကြိုးစားခဲ့ရသည်။ နန်းတွင်း သမားတော်များကမူ- သားတော်လေးမှာ အသက်ဆုံးမည် ဧကန်ပင် ဖြစ်သည်ဟု ဆိုကြ၏။

သားငယ် အတွက် သောက ရတက် မအေး ဖြစ်ရသော မိဘုရားကြီး သည် မိတ်ဆွေ ဖြစ်သူ အန်နာ ဗိရရု ဘိုဗာ ထံမှ တစ်ဆင့်- ပျောက်စေ ဆရာကြီး ရပ်စပြုတင်၏ သတင်းကို ရခဲ့သည်။ ဂျာမန် တော်ဝင် အနွယ်တော် ပရိုတက်စတင့် ဖြစ်ခဲ့သော မိဘုရားကြီးသည် ရပ်စ်ပြုတင် သည် သားငယ်လေး၏ အသက် ရှင်သန်ရေး အတွက် မျှော်လင့်ချက်၊ အားကိုးဘွယ်ရာ ဘိုးတော်ကြီး၊ မှော်ဆရာကြီး ပင် ဖြစ်ခဲ့၏။

ဇာဘုရင်သည် ရပ်စ် ပြုတင်အား- သူတော်စင် တစ်ဦး၊ မိတ်ဆွေ တစ်ဦး အဖြစ် အထူးယုံကြည် အလေးထား ဆက်ဆံခဲ့၏။

ပထမ ကမ္ဘာစစ်ကြီး ဖြစ်ပေါ်လာသော အခါ- ရပ်စ်ပြူတင် သည် စစ်ကို မထောက်ခံသဖြင့်- မျိုးချစ် ဆိုသူတို့၏ ကဲ့ရဲ့ ရှုံ့ချခြင်း ခံခဲ့ရ၏။ ဂျာမာန် သွေးဖြစ်သော မိဘုရားကြီး ဇာရီနာ အား လည်း ရုရှားတွင် ရှိသော ဂျာမာန် သူလျှိုဟု သမုတ်ကြ၏။

သို့နှင့်ပင် ရပ်စ်ပြူတင်မှ သူကိုယ်တိုင် ရှေ့တန်းသို့ ထွက်၍- ရဲဘော်များအား ကောင်းချီးပေးမည် ဆိုသော်- စစ်ရေးချုပ် ဖြစ်သူ ဒူခ် နိကိုလတ်စ် မှ - ဒီလူကြီး ရှေ့တန်းကို ရောက်လာယင်- ကြိုးဒဏ်ပေးပစ်မည် ဆိုသဖြင့်- ရပ်စ်ပြူတင်သည်- စစ်ပွဲ အောင်နိုင်ရေးအတွက်- ဇာဘုရင် ကိုယ်တိုင် ရှေ့တန်းထွက်ရန် လိုပါသည် အကြံပေးလိုက် ရာ- ဇာဘုရင် အနေဖြင့် ရှေ့တန်း ထွက်ခဲ့ရခြင်းဖြင့်- ဇာဘုရင် ကိုယ်တိုင် နှင့် နန်းတော်အတွက်ပါ ကမ္ဘာ့သမိုင်းတွင် ကြီးမားသော အပြောင်းအလဲ ကြီးဖြစ်ပေါ် စေခဲ့၏။

ဇာဘုရင် ရှေ့တန်းရောက်သွားပြီးနောက်- မိဘုရားကြီး အပေါ်တွင် ရပ်စ်ပြူတင်၏ သြဇာမှာ လွန်စွာ ကြီးမားခဲ့၏။ သူသည် မိဘုရားကြီး၏ အတိုင်ပင်ခံ အကြံပေး အထူးယုံကြည် ရသူ ဖြစ်ပြီးနောက်- သူ့အား ဝေဘန်သော အရာရှိများကို အလုပ်မှ ဖြုတ်ပစ်ခြင်း၊ သူ့အား လာဘ်ထိုးကြသူများကို ရာထူး ရစေရန် လုပ်ဆောင်ပေးခြင်း များ ထင်ရှားစွာ လုပ်ဆောင်လာ၏။

အထက်တန်းလွှာ အမျိုးသမီး၊ ကတော်များ နှင့် ဆက်စပ် ပတ်သက်မှုများစွာ ရှိပြီးနောက် တန်ခိုး ထွားသည်ထက် ထွားလာ၏။

ကမ္ဘာစစ်နှင့် ရင်ဆိုင်နေရသော တိုင်းပြည်တွင် အငတ်ဘေး နှင့် ရင်ဆိုင်နေရချိန်တွင် နန်းတော်တွင်လည်း ကဆင့်ကလျား များ ဖြစ်နေခြင်းဖြင့်- ဗော်ရှိဗစ်၊ ဗင်ရှိမစ် စသော တော်လှန်ရေး အဖွဲ့များသည် အင်အားကောင်းလာရ၏။
( ဖေါ်ပြပုံမှာ http://www.freeinfosociety.com/media.php?id=868 မှ ဖေါ်ပြထားသော- အထက်တန်းလွှာ အမျိုးသမီး များနှင့် ရပ်စ်ပြုတင်၏ နီးစပ်မှုပင် ဖြစ်၏။)

ရပ်စ် ပြုတင် အား လုပ်ကြံခြင်း။
ဤဖြစ်ရပ်သည် ကား ရာဇ၀င် တွင်သော ဖြစ်ရပ် ဖြစ်၏။

သို့သော်လည်း- အမှန်တကယ် ဖြစ်ရပ် ပေါ်တွင် လုပ်ကြံခဲ့သူများ ကိုယ်တိုင် ပြုပြင် ပြောင်းလဲ ထားသော အဆိုများလည်း ရှိသေးသဖြင့် အတိအကျ ဖြစ်ရပ်ကို စစ်ထုတ် ရန် သိပ်မလွယ်လှ။

မိဘုရားကြီး ဇာရီနာကို ထိန်းချုပ်၍ တိုင်းပြည်ကို လုပ်ချင်သလို လုပ်နေသော- ရပ်စ်ပြုတင်ကို လုပ်ကြံရန် အတွက်- မင်းသားလေး ဖဲလစ် ယူဆူပေါ့ (Felix Yusupov) နှင့် နယ်စား မင်းသား ဒီမစ်ထရီ ပက်လိုဗစ် (Grand Duke Dmitri Pavlovich) ၊ လက်ယာစွန်း နိုင်ငံရေး သမား ဗလာဒီမာ ပူရစ်ကဗစ်ရ်ှ (Vladimir Purishkevich) တို့ သည် ၁၉၁၆-ခုနှစ် ဒီဇင်ဘာလ ၁၆-ရက် နေ့တွင် ပူးပေါင်း ကြံစည်ခဲ့ကြ၏။

  •  အမှန်အားဖြင့် လုပ်ကြံသူတို့တွင် အဓိက ပါဝင်ခဲ့သူ မင်းသား ယူဆူပေါ့ သည် လူသတ်သမား နှင့် လုံးလုံးလျားလျား တူသူ မဟုတ်ချေ။ နန်းမွေခံ အဖြစ် လွန်စွာ ချမ်းသာရုံမျှ မက- ဇာဘုရင်၏ တူမ ဖြစ်သူ မင်းသမီး အိုင်ရီနာကို လက်ထပ်ထားသူလည်း ဖြစ်၏။ သူသည် ရုပ်ရည် ချောမောသူလည်း ဖြစ်၏။ သို့သော်လည်း သူသည် transvestism နှင့် homosexuality ခေါ်သော လိင်တူ နှစ်သက်သူလည်း ဖြစ်၏။
  • နယ်စား မင်းသား ဒီမစ်ထရီ ပက်လိုဗစ် (Grand Duke Dmitri Pavlovich) သည် ဇာဘုရင် နိကိုလပ် (၂) နှင့် ညီအကို ၀မ်းကွဲတော်သူ ဖြစ်၏။ ဇာဘုရင်၏ သမီး အကြီးဆုံး ဖြစ်သူ အိုလ်ဂါ နှင့် စေ့စပ်ခဲ့ဘူးသူ ဖြစ်သော်လည်း- အကျင့်ချင်း၊ အကြိုက်ချင်း တူသူ မင်းသား ယူဆူပေါ့ နှင့် အနေနီးစပ်၏။
  • ဗလာဒီမာ ပူရစ်ကဗစ်ရ်ှ (Vladimir Purishkevich)သည် ရုရှား အောက်လွှတ်တော် အမတ်ဖြစ်၏။ ဝေဘန်မှု ပြင်းထန်စွာ ပြောတတ်သူ ဖြစ်ကာ- ရပ်စ်ပြူတင်အား လုပ်ကြံရန် စီစဉ်သော အခါ ၂-ခါပြောစရာပဲ- အလွယ်တကူ ၀င်ပါလာသူ ဖြစ်၏။
  • လုပ်ကြံသူ တစ်ဦး ဖြစ်သည့် ဒုဗိုလ် လေး ဆုခိုထင် Sukhotin သည် ပရီဘို ဘရက်ဇင်စ်ကီး တပ်မ မှ ဖြစ်ပြီး- နာလန်ထ ခါစ ဖြစ်၏။
  • နောက်ဆုံးလူ ဖြစ်သည့် ဒေါက်တာ လာဇာဗာတ် (Dr. Lazavert) သည် ပူရစ်ကဗစ်ရ်ှ ၏ မိတ်ဆွေလည်းဖြစ် မိသားစု ဆရာဝန်လည်း ဖြစ်ပြီ- ကားမောင်းရန် တာဝန် ယူခဲ့ရ၏။
လုပ်ကြံသည့် အစီအစဉ်မှာ- ရှင်းရှင်း လေးပင် ဖြစ်၏။ မင်းသား ယူဆူပေါ့ အနေဖြင့် ရပ်ပြူတင် အား ရင်းနှီးကျွမ်းဝင် စေပြီးနောက်- ရပ်စ်ပြူတင်၏ နေအိမ်တွင် အစောင့် အရှောက်များ မရှိသော အချိန်ဖြစ်သည့် ညဉ့်သန်းခေါင်ကျော်တွင် မင်းသားကိုယ်တိုင် သွားခေါ်ခဲ့၏။ မိန်းမကြိုက်သော ရပ်စ်ပြူတင်အား လှပသော ဇနီးဖြစ်သူ မင်းသမီး အိုင်ရီနာ မှ မိတ်ဆွေ ဧည့်ခံပွဲ လုပ်ရန် ရှိသည် ဟု လှည့်စားခဲ့၏။ (အမှန်အားဖြင့်- ထိုစဉ်က မင်းသမီး သည် ရပ်ဝေး ဖြစ်သော ကရိုင်းမီးယား ဒေသ တွင် ရှိနေခဲ့၏။)။

ရပ်စ်ပြူတင်အနေဖြင့် မင်းသား ယူဆူပေါ့ အိမ်တော် သို့ ရောက်ရှိကြောင်း မည်သူမျှ မသိစေရန် အတွက်- ၄င်းတို့၏ လျှို့ဝှက် တွေ့ဆုံပွဲ အကြောင်းကို မည်သူ့အားမျှ မပြောပဲ လျှို့ဝှက်ထားရန် ပြောကြားခဲ့ရုံမက- သူ၏ အိမ်တော်ပေါ်သို့လည်း နောက်ဘေး လှေခါးမှသာ တက်ရောက်စေခဲ့၏။ ပို၍ သေချာစေရန် အတွက်- လုပ်ကြံမည့် ညတွင် Villa Rhode စားသောက်ဆိုင်တွင် ရပ်စ်ပြူတင် ရောက်နေသလားဟု ဖုန်းဖြင့် လှမ်းမေးခြင်းဖြင့်- သူတို့ထံတွင် မရှိကြောင်း ဖြစ်စေရန် စီစဉ်ခဲ့၏။

၎င်းတို့ အုပ်စုသည် ရပ်စ်ပြုတင်အား ကောင်းစွာ ပြုပြင် မွမ်းမံထားသော မြေအောက်ခန်း သို့ ခေါ်ယူ၍- ပိုတက်စီယမ် ဆိုင်ယာနိုက် အဆိပ် ပမာဏ များစွာ ခတ်ထားသော ကိတ်မုန့် များ နှင့် ၀ိုင်နီ တို့ကို တိုက်ပြီး ဧည့်ခံ ကြ၏။ Vasily Maklakov ခတ်ထားသော အဆိပ်မှာ လူ ၅-ဦးခန့် အား အလွယ်တကူ ပွဲချင်း သေစေနိုင်သည့် ပမာဏ ဖြစ်သော်လည်း ရပ်ပြူတင် အတွက် မည်သို့မျှ မထူးခြား။ အမှန်အားဖြင့် ပိုတက်စီယမ် ဆိုင်ယာနိုက် အဆိပ် သည် ချက်ချင်း အစွမ်းပြရမည် ဖြစ်သော်လည်းး နံနက် ၂း၃၀ အထိ ရပ်စ်ပြုတင်ကား စကားတစ်ပြောပြော နှင့် နေယင်း- မင်းသား ယူဆိုပေါ့ ကိုပင် ဂစ်တာ တီးပြခိုင်းသေး၏။ (ရပ်စ်ပြူတင်၏ သမီး မှတ်တမ်း အရ- သူမ၏ ဘခင်သည် Mithridatism ခေါ် အဆိပ်ပြီး ကျင့်စဉ်ကို အောင်မြင် အောင် ကျင့်ထားသဖြင့်- အဆိပ်ဖြင့် ဒုက္ခမပေး နိုင်ခြင်း ဖြစ်သည်ဟု ဆို၏။)

ဤအတိုင်း ဖြစ်နေလျှင် ကိစ္စမသိမ်း သဖြင့်၊ နံနက် မိုးလင်း လာလျှင် အခက်တွေ့တော့မည် ဖြစ်သောကြောင့်- မင်းသား ယူဆူပေါ့ သည် အပေါ်ထပ်သို့ ပြေးတက်ခဲ့ပြီး- အားလုံး နှင့် တိုင်ပင်ကာ- ခြောက်လုံးပြူး သေနတ်များဖြင့် ပစ်ခတ် သတ်ဖြတ်ရတော့သည်။ စုစုပေါင်း ၁၁-ချက် ပစ်ခတ်ပြီးနောက် လဲကျ သွားသောကြောင့်- စိတ်အေးရဖြင့် ထင်ခဲ့ကြရ၏။ အလောင်းဖျောက်ရန် အစီအစဉ် အတွက် အိမ်အပြင်တွင် ကြံစည်နေခိုက်- ကုတ်အင်္ကျီ မေ့ကျန်ခဲ့သဖြင့် မင်းသား ယူဆူပေါ့ ပြန်အယူ တွင်- ပြန်ထ လာသော ရပ်စ်ပြူတင်သည် မင်းသားလေးအား ခုန်အုပ်ပြီး လည်ပင်းညှစ်သတ်ရန် လုပ်ဆောင်တော့၏။

ထိုအချိန်တွင် အခြားသူများရောက်လာပြီး ဒုတ်များဖြင့် ၀ိုင်းဝန်း ရိုက်နှက် ကြရ၏။ လဲကျပြီး နောက် ပြန်ထလာသဖြင့်- ညိမ်သက် သွားသည် အထိ ရိုက်ကြရ၏။ မင်းသား ယူဆူပေါ့သည် အားကစား လေ့ကျင့်သော ၂ ပေါင် ဒမ်ဘဲလ် ဖြင့် ရပ်စ်ပြူတင်၏ မျက်နှာအား သွေးချင်းချင်း နီအောင် အကြိမ်များစွာ ရိုက်ခဲ့၏။ (အချို့သော အဆိုများတွင် ၄င်းတို့သည် ရပ်စ်ပြူတင်၏ ယောက်ျား တန်ဆာအား ဖြတ်ပစ်လိုက်သည် ဆိုသော်လည်း- လူသေ စစ်ဆေးမှု အထောက်အထား အရ ထိုအချက်သည် မမှန်ပါ။)

ရပ်စ်ပြူတင် ၏ ကိုယ်ခန္ဓာ အား ထို့နောက်တွင် ကောဇာဖြင့် ရစ်ပါတ် ပြီးနောက် ရေခဲနေသော နီးဗား မြစ်ထဲသို့ ပစ်ချခဲ့၏။

အလွန် ထူးဆန်းသည်က- ရစ်စ်ပြူတင် အလောင်းအား တွေ့ရှိချိန်တွင် သူသည် ချည်နှောင်ထားမှု များ မရှိတော့ပဲ၊ ရင်ခွဲ စစ်ဆေးမှု ပြူလုပ်ရာတွင် သေဆုံးရသည့် အကြောင်းမှာ ရေနစ် သေဆုံးခြင်း ဖြစ်နေခြင်း ဖြစ်၏။ သေနိုင်သော အဆိပ်များ၊ ကျည်ဆံများ နှင့် သေကြေ လောက်သည့် ရိုက်နှက်ထားမှုများ ရရှိထားသော်လည်း- အလောင်း၏ အဆုတ်ထဲတွင် ရေ၀င် နေခြင်းကြောင့်- ထိုမျှသော လုပ်ကြံမှု တို့အကြားကပင်- အသက်ရှင်လျှက်- ချည်နှောင်ထားသော ကြိုးများကို ဖြေ၍- တင်းကျပ်စွာ ချည်ထားသော အထုပ်ထဲမှ ထွက်လာ နိုင်သေးခြင်း ဖြစ်၏။ တစ်ပိုင်း တစ်စ ရေခဲနေသော မြစ်ထဲတွင် အသက်ရှင်နေခဲ့ခြင်း ဖြစ်၏။ ပါမောက္ခ ဒေါက်တာ ပေါင်ဒါး ၏ တွေ့ရှိချက်အရ- ရပ်စ် ပြူတင်၏ ကိုယ်ခန္ဓာတွင် ကျည် ၄ ချက်ကို တွေ့ရ၏။ တတိယ ကျည်ဆံ သည် နဖူး တည့်တည့် မှ ဖေါက်ဝင်သွားပြီး ချက်ချင်း သေဆုံး နိုင်သော ကျည်သွားလမ်းကြောင်း ဖြစ်၏။

မိဘုရားကြီး ဇာရီနာ သည် ရပ်စ်ပြုတင်အား ရုရှား မင်းမျိုး နှင့် သက်ဆိုင်သော Tsarskoye Selo တွင် ကောင်းစွာ မြုပ်နှံခဲ့၏။ ဖေဖေါ်ဝါရီ တော်လှန်ရေး ဖြစ်ပွားသော အခါ- စစ်သား နှင့် အလုပ်သမား အချို့သည် သူ၏ အုတ်ဂူအား ဖျက်ဆီး ပြီးနောက်- မီးရှို့ပစ်ကြ၏။ ထိုအချိန်တွင် ထူးဆန်း ကြောက်လန့် ဘွယ် ကောင်းသော ဖြစ်ရပ်ကို မြင်တွေ့ကြရသည် ဆို၏။ အလောင်းကောင်သည် ငုတ်တုပ် ထထိုင်ခြင်း ဖြစ်၏။ ဆေးပညာ အရ ဆိုသော်- မီးသင်္ဂြီုဟ် သူတို့သည် ပုံမှန်အားဖြင့် အလောင်းအား အကြော၊ အရွတ်တို့ကို ဦးစွာ ဖြတ်တောက်ရသည် ဆို၏။ အလောင်းကောင်သည် မီးကြောင့် ပူလာသော အခါ- tendons ခေါ် အရွတ် ကြွက်သားများသည် တွန့်ဆွဲ ခြင်းဖြင့်- အလောင်းအား ထထိုင်သကဲ့ သို့ ဖြစ်စေခြင်း ဖြစ်သည်ဟု ဆေးပညာအရ ဆိုနိုင်သော်လည်း- လူအများစု အနေဖြင့် မူ ရပ်စ်ပြူတင်၏ အံ့သြဘနန်း ဖြစ်ရပ်များ စာရင်း ထဲတွင် သွတ်သွင်း ထားလိုက်ကြ၏။

ရပ်စ် ပြုတင် သေဆုံးပြီးနောက်။

မင်းသားယူဆူပေါ့ ပြည်နှင်ဒဏ် ပေးခံရ၍၊ နယ်စား မင်းသား ဒီမစ်ထရီ ပက်လိုဗစ် အား စစ်ပွဲ ဆင်နွဲရန် အတွက် ပရပ်ရှား စစ်မြေပြင်သို့ ပို့လိုက်၏။

ရပ်စ်ပြူတင်အား လုပ်ကြံ နိုင်ခဲ့သော်လည်း- သူလုပ်ခဲ့၍ ပျက်စီးခဲ့သည်များ မှာ အစားပြန်မရတော့။

ရပ်ပြူတင် သေဆုံးပြီး ၃ လ အကြာ တွင် ဖေဖေါ်ဝါရီ တော်လှန်ရေး ဖြစ်ပြီးနောက် ဇာဘုရင်မှာ နန်းစွန့်ခဲ့ရပြီး၊ ရပ်စ်ပြူတင် သေဆုံးပြီး တစ်နှစ် အတွင်း “မဟာ အောက်တိုဘာ တော်လှန်ရေး” ဖြစ်လာသော အခါ အာဏာရ ဘော်လ်ရှီဗစ်များက ဇာဘုရင် နှင့် တကွ ထောင်နန်းစံခဲ့ရပြီး - ၁၉၁၈-ခုနှစ် ဇူလိုင်လ ၁၇-ရက် နံနက် ၂း၀၀ တွင် ရုရှား တော်ဝင် နန်းနွယ်တို့အား အိပ်ယာမှ လာနှိုး၊ အ၀တ်အစား ၀တ်စေပြီးနောက်- ဇာဘုရင်၊ မိဘုရားကြီး၊ သားသမီးများ၊ မိသားစု ဆရာဝန် နှင့် အိမ်ဖေါ် ၃-ဦး တို့ကို သေနတ် တပ်ဖွဲ့ဖြင့် ပစ်သတ် ကွပ်မျက်ခဲ့သည်။ ဇာဘုရင် နိကိုလပ်စ် သည် သူ၏ သားငယ်ကို ချီထားလျှက်- မိဘုရားကြီးသည် ငါတို့ကို ထိုင်စရာ ကုလားထိုင် ပေးပါ ဟု တောင်းသဖြင့် အရာရှိဖြစ်သူ ယာကော့ဗ် ယူရော့ဗ် စကီးမှ ထိုင်စရာ ကုလားထိုင်များ ပေးပြီး နောက် သူတို့အား ထိုင်စေပြီး ပစ်သတ် စီရင် ခဲ့ခြင်း ဖြစ်၏။ ထိုစဉ်က သေနတ်တပ်ဖွဲ့တွင် ဟန်ဂေရီ နိုင်ငံသားများကို သုံးစွဲ ခဲ့၏။  (စကားချပ် အနေဖြင့်- ဘော်လရှီဗစ် ပါတီ အာဏာရပြီးနောက်တွင်- စတာလင်ဂရက်မြို့ရှိ ရေမြောင်းကြီးများတွင်- ရုရှားလူမျိုး စစ်စစ် မင်ရှီဗစ် ပါတီဝင်များ၏ အလောင်းပေါင်း ၄-သောင်းခန့် ဖြင့် ပြည့်နှက် ခဲ့သည်ဟု လည်း သိရပါ၏။ ဤသည်ကား ကျွန်တော်တို့ ငယ်စဉ်က ကျောင်းတွင် သင်ခဲ့ရသော “မဟာ အောက်တိုဘာ တော်လှန်ရေး” ကြီးတွင် မပါခဲ့သော ဖြစ်ရပ်များ ဖြစ်ပါသည်။)

 ရပ်စ် ပြုတင် အပေါ် လူအမျိုးမျိုး၏ အမြင်။
  • သူ၏ သမီးဖြစ်သူက- သူမ၏ ဘခင်သည် အင်မတန် ချစ်စရာ ကောင်းသူ ဖြစ်၍- အခြားသူများ မကူညီနိုင်သော ကိစ္စများကို ကူညီရန် တတ်နိုင်သူ ဟု မြင်သည်။
  • မိဘုရားကြီး အလက်ဇန္ဒရာ အနေဖြင့်- ဤသူသည် သူတော်စင် ဖြစ်၍- သူ၏ ဆိုစကား အားလုံးကို မည်မျှ အရင်းအနှီးပေးဆပ်ရ- ပေးဆပ်ရ လိုက်နာရမည့် သူ ဟု မြင်သည်။
  • ရုရှား တစ်နိုင်ငံလုံး အနေဖြင့်မူ- သူသည် စက်ဆုပ်စရာ သတ္တ၀ါ တစ်ကောင် အနေဖြင့် မြင်သည်။
  • သူ၏ လုံခြုံရေး ကို တာဝန်ယူရသူ လုံခြုံရေး အရာရှိများ အနေဖြင့်- ညစ်ပတ် နံစော်သော တောသားဟု မြင်သည်။
  • ဒူးမား လွှတ်တော် အနေဖြင့်မူ- သူ့ကြောင့် နိုင်ငံ တစ်ခုလုံး ပျက်စီးရသည်။ နိုင်ငံအား ဒုက္ခပေးသူ ဟု မြင်သည်။  
သို့သော် တစ်ခုတော့ လက်ခံ၍ ရပါသည်။ သူ့ကြောင့် ဇာဘုရင် နှင့် မိသားစု တစ်ခုလုံးအား ရုရှား ပြည်သူ လူထုမှ အကြည်ညို ပျက်ခဲ့ရသည်။ နောက်ဆက် တွဲ အနေဖြင့် လူထု အုံကြွမှု ကြီးကြောင့် ဖေဖေါ်ဝါရီ တော်လှန်ရေး၊ အောက်တိုဘာ တော်လှန်ရေး များ ပေါ်ကာ- လူပေါင်းများစွာ ဆက်လက် သေကြေမှုတွင်- သူ့တွင် လုံးလုံးလျားလျား တာဝန်ရှိသည် မဆိုအပ်သော်လည်း- အတိုင်းအတာ တစ်ခုကို ဖြစ်စေခဲ့သော အနေအထားတွင် ရှိစေခဲ့သည်ကိုတော့ ငြင်းကွယ်၍ မရပါချေ။

သူ၏ ဇာတာ နှင့် ပတ်သက်၍ လေ့လာချက်ကို နောက်ဆောင်းပါးတွင် ဆက်လက် ရေးသားပေးပါမည်။
အားလုံး ချမ်းမြေ့ပါစေ
နျူမာန် (မိုးတား)

[+/-] show/hide this post

3 comments:

ကိုပခန်း said...

စိတ်ဝင်စားစရာပါပဲဆရာရေ

Aye Nyein said...

စိတ်ဝင်စား တဲ့ အတွက် ဒုတိယပိုင်းကို စောင့်မျှော်နေပါတယ်

Aye Nyein said...

စိတ်ဝင်စားတဲ့အတွက် ဒုတိယပိုင်းကို စောင့်မျှော်နေပါတယ်

Post a Comment