Wednesday, October 12, 2011

သိန်း (၁၀၀၀) ဆုရှင် ဇာတာ အား လေ့လာခြင်း။

ဤဆောင်းပါးကို ရေးသားရာတွင်- စာဖတ်သူတို့အား ထီထိုးချင်စိတ် များ ပေါ်ပေါက်လာစေရန် သော်လည်းကောင်း၊ ထီထိုးရန် အတွက် ဗေဒင် ဆရာဆီ သွားရန် လည်းကောင်း၊ ထီထိုးခြင်းကို အားပေးသည့် အနေဖြင့် လည်းကောင်း ရည်ရွယ် ရေးသားခြင်းလုံးဝ မရှိပါ။

အားကျမည် ဆိုလျှင်- ထိုသူတို့ အတိတ်ဘ၀မှ ပြုခဲ့သော ကုသိုလ်တို့ကိုသာ အားကျသင့်သည် ဖြစ်၍- မိမိအနေဖြင့်- သူများ ထီပေါက်တိုင်း၊ ထီပေါက် မည် ထင်၍- ငွေမျော ငွေနှင့် လိုက် ဖြစ်ရပ်များကိုမူ အားကျစေလိုခြင်း မရှိပါ။

ဆက်လက်၍လည်း အများကို သိစေရန်မှာ- မိုးတား နက္ခတ် အဖွဲ့ အနေဖြင့်- မည်သည့် ထီဗေဒင် ဆရာ တစ်ဦးနှင့် မည်သို့ သဘောတူညီမှုများဖြင့်၊ မည်သို့ သော စီးပွားရေး ဆန်ဆန် လုပ်ကိုင်ခြင်းများတွင် လည်းကောင်း ပူးပေါင်း ဆောင်ရွက်ခြင်း မရှိပါ။

ဤဆောင်းပါးများသည်- မြန်မာ လူမျိုး နက္ခတ် ဗေဒင် ၀ါသနာ ပါသူများ၊ နက္ခတ် ဗေဒင် ပညာဖြင့် အသက်မွေးဝမ်းကျောင်း ပြုနေသူများ အား တစ်ဘက် တစ်လမ်းမှ အထောက်အကူ ရစေရန် အတွက်သာ ရေးသားခြင်း ဖြစ်၍- ရှေးကျမ်းမြတ် တို့၏ ပညာကို တန်ဘိုးထား လေးစား စေလို၍သာ ဖြစ်ပါသည်။

တစ်ဆက်တည်း အနေဖြင့်- ထိုသို့သော ပညာရပ်များကို နှောင်းလူတို့ သိနားလည်စေရန် ပညာ ထုတ်ဖေါ်ခဲ့သော ပါရမီရှင် ဆရာသခင် များအား လည်းကောင်း၊ စစ်မှန်သော စေတနာဖြင့် လက်ဆင့်ကမ်း ဝေမျှခဲ့သော ဆရာများအားလည်းကောင်း၊ သီတင်းကျွတ် လပြည့် အခါ သမယတွင် ကျွန်တော် နျူမာန်၏ မဖြစ် စလောက် သော အသိဥာဏ် လေးဖြင့် ဖေါ်ထုတ်တင်ပြယင်း - ဦးညွတ် ကန်တော့ ရေးသားလိုက်ရခြင်းလည်း ဖြစ်ပါသည်။

ဤဇာတာရှင် အနေဖြင့်- သူ၏ ဇာတာကို ရေးသားဖေါ်ပြခွင့် တရားဝင် ခွင့်ပြုခဲ့ပြီးပါပြီ။ သို့သော် တစ်ဘက်သူ၏ ကိုယ်ရေး ကိုယ်တာ အချက်အလက် များအား- လေးစားသည့် အနေဖြင့် လည်းကောင်း- အနှောက် အယှက် ဖြစ်မည် စိုးပါ၍ လည်းကောင်း၊ ဇာတာရှင်၏ အမည်၊ နေရပ် လိပ်စာ တို့ကို ချန်လှပ် ထားသည် မှန်သော်လည်း- ဇာတာရှင်သည် ၁-၈-၂၀၁၁ တွင် ဖွင့်လှစ်သော ၂၇၁ ကြိမ်မြောက် ထီဖွင့်ပွဲတွင် (ဘ-၉၈၉၀၁၂) ဖြင့် ပေါက်သူ ဖြစ်ပေရာ- ဇာတာရှင် ကို အများလည်း သိနိုင်ကြမည် ဖြစ်ပါသည်။

သူ၏ အချက်အလက်များကို ပေးရုံမျှ မက- ဆောင်းပါး ရေးသားခွင့် အတွက်ပါ သဘောတူ ခွင့်ပြုခဲ့သော ဤဇာတာရှင်အားလည်း- အထူးကျေးဇူးတင် ပါကြောင်း ဤဆောင်းပါးမှ တစ်ဆက်တည်း အသိပေးလိုက်ရပါသည်။

ထီပေါက်ခြင်းကို ဆန်းစစ်ရာတွင်-
 

  • အင်အား မထုတ်ရပဲ ရခြင်းမျိုးကို ဖြစ်စေသည့် ၈-တန့် ဘာဝ၊ ၈-တန့် ဘာဝ၏ မူလတြိဂေါဏ အိမ်ရှင်၊ ၈-တန့် ဘာဝ တွင် ရပ်တည် နေသည့် ဂြိုဟ်တို့ကို ပထမဦးစွာ လေ့လာ
  • ကံကောင်းခြင်း၊ သက်တောင့် သက်သာ ရရှိခြင်း ကို ဖြစ်စေသည့် ၉-တန့် ဘာဝ၊ ၉-တန့် ဘာဝ၏ မူလတြိဂေါဏ အိမ်ရှင်၊ ၉-တန့် ဘာဝ တွင် ရပ်တည် နေသည့် ဂြိုဟ်တို့ကို ထပ်မံ လေ့လာ ရပြန် ပါသည်။
  • ပုတ္တရဘာဝ ဟု မြန်မာ ပညာရှင် များ သိထားကြသော ၅-တန့် ဘာဝသည် ဇာတာရှင်၏ ပညာရေး၊ သားသမီးရေးတို့ကိုသာ ဖော်ဆောင် နေသည်မျှ မက- လောင်းကစား တွင် အနိုင်ရရှိခြင်း၊ စတော့ခ် ရှယ်ယာ အရောင်းအ၀ယ်မှ အမြတ်အစွန်း ရရှိခြင်း၊ ထီပေါက် ခြင်း တို့ကိုပါ ထောက်ပံ့ ပေးထား သဖြင့် ၅-တန့် ဘာဝ၊ ၅-တန့် ဘာဝ၏ မူလတြိဂေါဏ အိမ်ရှင်၊ ၅-တန့် ဘာဝ တွင် ရပ်တည် နေသည့် ဂြိုဟ်တို့ကို လေ့လာ ရန် လိုအပ်ပါသည်။
  • ထို့နောက်တွင် တော့ မထင်မှတ်သော ဖြစ်ရပ်တို့ကို ဖြစ်စေသည့် ရာဟု အား လေ့လာရပါသည်။ အဆိုး များ၊ အနှောက်အယှက် များကို ဖြစ်စေတတ်သည့် ရာဟုသည် မူလဇာတာ တွင် တည်နေသော ရာသီ၊ ဘာဝ အိမ်၊ ယှဉ်နေ သော နက္ခတ်၊ စီးထားသော န၀င်း တို့ကို မူတည်၍ ဆိုးကျိုးများ ပေးနိုင် သကဲ့သို့၊ အချို့သူများ အတွက် ရုပ်ဝတ္တု ပိုင်းဆိုင်ရာ အောင်မြင်မှုတို့ကို လည်း ဖြစ်ပေါ် စေ တတ်သည်။
ထီပေါက်ခြင်း နှင့် ချမ်းသာခြင်းကို ရောထွေးမပစ်စေလိုပဲ- ထီပေါက်၍ ချမ်းသာခြင်း၊ ထီပေါက်သော်လည်း မချမ်းသာခြင်း၊ ချမ်းသာ သော်လည်း ထီမပေါက်ခြင်း၊ ငွေကြေး ချမ်းသာခြင်းလည်း မရှိ- ထီလည်း မပေါက်ခြင်း စသည် တို့ သီးခြားစီ ခွဲ၍ ရှူမြင်သုံးသပ် ရပါမည်။

ယခု ဤဆောင်းပါးသည် ထီပေါက်ခြင်း သက်သက် နှင့် ဆိုင်သော ရှုထောင့်ကိုသာ ရေးထား သုံးသပ်ထားခြင်း ဖြစ်ရာ- အခြားသော အခြေအနေ များကိုမူ ထည့်သွင်း သုံးသပ်ပြမည် မဟုတ်ပါ။

မူလ ဘွားဇာတာအား လေ့လာခြင်း။
  • ပထမ ဆင့်အနေဖြင့် ၈-တန့်၊ ၉-တန့်၊ ၅-တန့် သခင်များ၊ ဘာဝများ၊ ထိုဘာဝများတွင် တည်နေသော ဂြိုဟ်များကို စတင်လေ့လာပါမည်။ ဤဇာတာတွင် ၈-တန့် သခင် အနေဖြင့် မရှိပါ။ (မိုးတား စနစ်တွင် အိမ်ရှင် နှင့် သခင် ကို သီးသန့် ခွဲခြား၍- သခင် ခေါ် မူလတြိဂေါဏ အိမ်ရှင်ကိုသာ အဓိက ထားသည်။)
  • ၈-တန့် ဘာဝ တွင် တည်သော ဂြိုဟ်မှာ- ကြာသပတေး ဖြစ်၍- ၄င်းသည် ၉-တန့် သခင် ဖြစ်နေသည်ကို ဦးစွာ တွေ့ရသည်။ အထက်တွင် ဖေါ်ပြခဲ့သည့် အတိုင်း- ၈-တန့် ဘာဝသည် အင်အား မထုတ်ရပဲ ရခြင်းမျိုးကို ဖြစ်စေသည့် ဘာဝ ဖြစ်၍၊ ၉-တန့် ဘာဝသည် ကံကောင်းခြင်း၊ သက်တောင့် သက်သာ ရရှိခြင်း ကို ဖြစ်စေသည့် ဘာဝ ဖြစ်၏။ ၄င်းတို့၏ သတ္တိ ၂-မျိုး ဆက်စပ်နေသည်ကို သတိပြုရပါမည်။ သို့သော် ဤမျှ လောက်ဖြင့် ထီပေါက်မည်ဟု ပြော၍ မရပါပေ။ ဆက်လက်၍ လေ့လာကြရပါမည်။
  • ထို-ကဲ့သို့ ၈-တန့်တွင် ရပ်တည်နေသော ၉-တန့် သခင် ကြာသပတေးသည် - ၄င်းပိုင်ဆိုင်သော မိန်ရာသီ န၀င်း ကို စီးနင်း ထားသည်။ ၉-တန့် သဘော ၂-ထပ်ကွမ်း ဖြစ်လာပါပြီ။
  • ထိုမျှမကသေး ၈-တန့် ဘာဝ အနေဖြင့် ကြည့်လိုက်ပါက- ထိုကြာသပတေးသည် ၈-တန့်တွင် ရပ်တည်ရုံမျှ မဟုတ်ပဲ- ၄င်း ၈-တန့် ဘာဝ၏ အလယ် ဗဟိုချက် အမှတ် အား ၉၇% ဖြင့် အတိအကျ စီးနင်းထားခြင်း ဖြစ်၏။ ထို့ကြောင့်- ၉-တန့် သခင် တွင်သာ ၈-တန့် သဘော ဆက်စပ် ခြင်း မဟုတ်တော့ပဲ၊ ၈-တန့် ဘာဝ သည်လည်း ၉-တန့်၏ လွှမ်းမိုးမှု အင်အားကို ထပ်ရလိုက်ပြန်သည်။ အင်အား မထုတ်ရပဲ ရခြင်း- ကံကောင်းခြင်း၊ သက်တောင့် သက်သာဖြင့် ရခြင်း တို့ ထပ်မံ ဆက်စပ်လာသည်ကို တွေ့ရ၏။
  • ထိုမျှ မကသေး ကြာသပတေး (၉-တန့် သခင်) အခြားသော ဘာဝများစွာကို လွှမ်းထားသည်ကိုလည်း မြင်နိုင်ပါ၏။
  • ၉-တန့်သခင် ကြာသပတေး အကြောင်းကို တွေ့ရှိခဲ့ရပြီးနောက် - ၉-တန့် ဘာဝတွင် ရပ်တည်သော ဂြိုဟ်နှင့် ၉-တန့် ဘာဝ ဗဟိုချက်အား လွှမ်းမိုးသော ဂြိုဟ်တို့ကိုမူ မတွေ့ရပါ။
  • ထီနှင့် ပတ်သက်သော- လောင်းကစား နှင့် ပတ်သက်သော ၅-တန့် သခင်ကို လေ့လာသော အခါ- ၄င်းသည် တနင်္ဂနွေ ဖြစ်၍- ၉-တန့် သခင် ကြာသပတေးပိုင် ပြုဗ္ဗဘဒြပိုဒ် နက္ခတ်တွင် တည်၏။ လောင်းကစား နှင့် ကံကောင်းခြင်း၊ သက်တောင့်သက်သာ ရခြင်း တို့ ဆက်စပ်လာသည်ကို မြင်ရပါ၏။
  • ၅-တန့် ဘာဝကို လေ့လာ သောအခါတွင် ၄င်းအား - သဘာဝ သောမဂြိုဟ်နှင့် ကာရက သောမဂြိုဟ် ဖြစ်သော ၁၁-တန့် အိမ်ရှင် တနင်္လာမှ ၇၃% လွှမ်းမိုးထား၏။ ၅-တန့် ဘာဝ အင်အားကောင်း ရသွားပါ၏။
  • မထင်မှတ်သော ကိစ္စများကို ဖြစ်စေသည့်၊ ရုတ်တစ်ရက် ရုပ်ဝတ္ထုများ ပိုင်ဆိုင်ခြင်းကို ဖြစ်စေသည့် ရာဟု ကို လေ့လာသော အခါ- ထိုရာဟုသည် ၉-တန့် သခင် (ကံကောင်းခြင်း၊ သက်တောင့်သက်သာ ရခြင်း တို့နှင့် ဆိုင်သော) ကြာသပတေး ပိုင် န၀င်းကို စီးနင်း၍- ရာဟု ပိုင်သော အဒြ နက္ခတ်ကို စီးနင်း ထားပြန်၏။ မထင်မှတ်ပဲ ရုတ်တစ်ရက် ကံကောင်းခြင်းကို ပြဆိုနေပြန်ပါပြီ။



အခြားသော အချက်များကို မလေ့လာပဲ- မိုးတား နည်းစနစ် သက်သက်ဖြင့်- ဤဇာတာရှင် အနေဖြင့်- အင်အား မထုတ်ရပဲ ရခြင်း၊ ကံကောင်းခြင်း၊ သက်တောင့် သက်သာဖြင့် ရခြင်း၊ မထင်မှတ်ပဲ ဖြစ်လာတတ်ခြင်း တို့သည်- ထီပေါက်ခြင်း ဖြစ်မည်ကို တစ်ပြိုင်နက် ပြဆိုနေပြီ ဖြစ်၏။

ထီပေါက် သော ကာလ ကို လေ့လာခြင်း။
ထီပေါက်သော ရက်ပိုင်း ကာလသည် ဒဿာ အားဖြင့်- စနေ ထူလ၊ ရာဟု အန္တရ၊ စနေ ပြတန္တရ ဖြစ်၏။ (စနေ နှင့် ရာဟု ဆိုလျှင် ဂြိုဟ်ဆိုးဟု အများ သိထားကြ၏။)
ဤဇာတာ အတွက် စနေသည် လွန်စွာ အင်အားကောင်းခြင်း၊ ကာရက သောမဂြိုဟ် (၇-တန့်တွင် တည်သော ၁၁-တန့် သခင်ဖြစ်ခြင်း) တို့ကြောင့်- စနေသည် ဇာတာရှင်အား ဒုက္ခမပေးပဲ- ချမ်းသာခြင်း ပေးမည့် ဂြိုဟ် ဖြစ်နေ၏။
ရာဟုသည်လည်း- အထက်တွင် ပြဆိုခဲ့သည့် အတိုင်း ၉-တန့် သခင်နှင့် ဆက်စပ်သော မထင်မှတ်သော ကံကောင်းခြင်းကို ပြဆိုမည့် ရာဟု ဖြစ်ပါ၏။
ဆက်လက်၍- ကောဇာ ဂြိုဟ်များမှ- မူလ ဇာတာရှိ ဂြိုဟ်များ နှင့် ဘာဝ များကို လွှမ်းမိုးထားပုံကို လေ့လာသော အခါ- 
  • ကောဇာ ကြာသပတေး (၉-တန့် သခင်) သည် မူလ ဇာတာ၏ ဘာဝ များစွာ (၁-တန့်၊ ၅-တန့်၊ ၇-တန့်၊ ၉-တန့်) ဘာဝ တို့အား ၈၁% ဖြင့် လွှမ်းမိုးလိုက်၏။ ဤနေရာတွင်- ၉-တန့် သခင် အနေဖြင့်- ၅-တန့်၊ ၉-တန့် တို့အား အင်အားကောင်းစွာ လွှမ်းမိုးလိုက်ခြင်းသည် ထီပေါက်ခြင်း၏ အရေးပါသော အကြောင်းရင်း ဖြစ်၏။
  • လွန်စွာ အားကောင်းသော- တနည်းအားဖြင့် ချမ်းသာခြင်းကို ဖြစ်စေသော ၁၁-တန့် သခင် ကောဇာ စနေသည် ၃၊ ၆၊ ၈၊ ၁၂- တန့်များအား ၁၀၀% အတိအကျ ဖြင့် လွှမ်းမိုးလိုက်၏။ ဤနေရာတွင် ပိုင်ဆိုင် ချမ်းသာ ခြင်း၊ အားမထုတ်ပဲ ရခြင်း တို့ကို မြင်ရ၏။
  • ထိုကောဇာ စနေသည် မူလ ဇာတာမှ ၉-တန့် သခင် ကြာသပတေး အားလည်း ၉၆% လွှမ်းပြီး၊ ကောဇာ ကြာသပတေးမှ (၉-တန့် သခင်) လည်း ၁၁-တန့် သခင် မူလ စနေကို ၆၁% ဖြင့် လွှမ်းမိုးလိုက်ပြန်၏။
ဖြစ်ရပ်တစ်ခု သည် အခြေအနေ အကြောင်းကြောင်းတို့ စုပေါင်း စုံစည်း လာသော အခါ၊ တစ်နည်း အားဖြင့် အင်အားများသည် ဖြစ်ရပ် တစ်ခု အပေါ်တွင် Focus ကျသွားခြင်းဖြင့်- ဇာတာရှင်သည် အတိတ်ကံ၏ အကျိုးပေးကို ခံစားခွင့် ရလိုက်ပါသည်။
ဇာတာရှင် နှင့် သွားရောက် တွေ့ဆုံပြီး အချက်အလက်များ ရယူပေးခဲ့သော မြန်မာ နက္ခတ်သုတေသီ တစ်ဦး အားလည်း- ဤဆောင်းပါး ဖြင့် ပြန်လည် ရှင်းပြ ပေးလိုက်ပါသည်။
လူသား အားလုံး ချမ်းမြေ့ကြပါစေ။

[+/-] show/hide this post

No comments:

Post a Comment