ဆက်ဒမ် ဟူစိန် (သို့မဟုတ်) ရက်စက်သူလား၊ သားကောင်လား…

လွန်ခဲ့သော နှစ် ၆၀ ကျော် ကျော် ၀န်းကျင်ကာလ ခန့်က၊

တိုက်ဂရစ် မြို့ အနီးရှိ အယ်လ် အူဂျာ ဆိုသော ရွာကလေး တစ်ရွာတွင်- အသက် ၁၀- နှစ် အရွယ် ကလေး ငယ် တစ်ယောက်သည် ဘယ်နေရာ သွားသွား သူ့ကိုယ်သူ ကာကွယ် နိုင်ရန် သံပိုက်လုံး တစ်ချောင်းကို လက်တွင် မြဲမြဲ ကိုင်ဆောင်လျှက်- ဘခင်မဲ့ သူငယ် အဖြစ် လမ်းပေါ်တွင် ကျင်လည် ခဲ့ရ ပါသည်။
ဘခင် မှ ပေးအပ်သော ဘ၀ လုံခြုံမှု တို့ဖြင့် ကြီးပြင်း လာခဲ့ရမည့် အနေအထားကို အသာထား- ဘခင်ကို တွေ့မြင်နိုင် ဘူးသည့် အခွင့်အရေး ကိုပင် သူ မရရှိခဲ့။
လူ့လောက မှပင် ထာဝရ ထွက်ခွာ သွားသည်လား၊ သား နှင့် ဇနီးကို စွန့်ပစ်သွား သည်လား- မသေချာ သည့် ခင်ပွန်း မရှိတော့သည့် နောက်တွင်- အားနွဲ့သူ မိခင် အနေဖြင့်- ခိုကိုးရာ ဖြစ်လို ဖြစ်ငြား- နောက် အိမ်ထောင်ပြု မိလိုက်ပြန်တော့လည်း- ပထွေးဖြစ်သူ အီဗရာဟင် အယ်လ် ဟတ်ဆန်က သားငယ် ကိုပင် သူလိုချင်တာ အတွက် ခိုးခိုင်းခဲ့သူ တစ်ဦး ဖြစ်ပြန် ပါ၏။
ဘခင် မရှိ၊ မိခင် ၏ ချစ်မေတ္တာနှင့် လုံခြုံရာမဲ့ ဘ၀တွင်- အားကိုးရာ ဦးလေး ဖြစ်သူမှာလည်း- လူမမယ် ကလေးငယ်ကို ရက်ရက် စက်စက် ရိုက်နှက် နှိပ်စက် တတ်သူ ဖြစ်နေ ပြန်ပါ၏။
သို့ဖြင့်ပင်- သူသည် နိုင်ရာစား လောက၊ ကြီးနိုင် ငယ်ညှင်း ပတ်ဝန်းကျင် တွင်- “အင်အား ရှိမှ၊ လုပ်ရဲမှ လူတွေက မိမိကိုယ် ကြောက်မည်၊ မိမိ အနေဖြင့် ပျော့ညံ့လျှင် အရာ အားလုံးကို အရှုံးပေးလိုက် ရမည်” ဆိုသော ဘ၀ သင်ခန်းစာကို ရင်မှာ ပိုက်လျှက်- အရာရာကို အကြမ်းနည်း ဖြင့် ရင်ဆိုင်ခဲ့ရပါ၏။
“Brighter Than The Baghdad Sun” ဆိုသည့် စာအုပ်- စာမျက်နှာ ၅၄-၅၅ အရ ဆိုလျှင် - ဆက်ဒမ် အသက် ၉-နှစ် အရွယ် သြဂုတ်လ တစ်လ တွင် မိခင် ဖြစ်သူနှင့် အတူ ရှိနေခိုက်- လူ ၃-ဦးမှ မိခင် ဖြစ်သူရော- ကလေးငယ် ဆက်ဒမ် ကိုပါ အဓမ္မပြုကျင့် ခဲ့ကြသည်ဟု ပင် ဆိုပါသည်။ အသံထွက် ငိုယိုလျှင်- အသတ် ခံရမည် ဖြစ်၍ မငိုစေရန် မိခင်က ဆွဲထိန်းထား ခဲ့ရသည် ဟု ဆိုထားပါသည်။

သူ၏ ဘ၀တွင်-

• လက်နက် နှင့် လက်ရုံးရည် သည်သာ မိမိ၏ အသက်ရှင်နိုင်မှု-
• ရက်စက်ခြင်း သည်သာ အောင်မြင်မှုကို ရနိုင်သည့် လမ်းကြောင်း-
• အများတကာကို အကြောက်တရား ဖန်တီး ပေးထားရခြင်းသည်သာ မိမိအတွက် အလုံခြုံဆုံး-
• ပိုင်ဆိုင်မှုတို့ကို ကာကွယ်ရန် အတွက် တရားခြင်း၊ မတရားခြင်းကို ဂရုစိုက်စရာ မလို-
• အသက်ရှင်ချင်လျှင် မည်သူ့ကိုမျှ မယုံနဲ့-

ဆိုသည့် ဆောင်ပုဒ်များကို အသက် ၉- နှစ် ၁၀- နှစ်အရွယ် ကလေးငယ် ၏ နှလုံးသားတွင် ကျောက်ထွင်း ထားသကဲ့သို့- စွဲမြဲစွာ မှတ်ထင် ခဲ့ရပါသည်။

ဤသည်ကား.. ၂၀ ရာစု နှင့် ၂၁-ရာစုတွင် အထင်ရှားဆုံး အာဏာရှင် တစ်ဦးလည်း ဖြစ်၊ ရက်စက် တတ်သူ လူမဆန်သူ တစ်ဦး အဖြစ်လည်း ထင်ရှား ခဲ့သော အီရတ် သမ္မတ ဟောင်း ဖြစ်ခဲ့သူ ဆက်ဒမ် ဟူစိန်၏ ဘ၀ အစပင် ဖြစ်တော့သည်။

သို့ဖြင့်ပင် - အသက်ရှင်သန်ရေး၊ သူထက်သူ အနိုင်ရရေး အတွက် မိမိ အသေခံမလား၊ သူများကို သတ်မလား ဆိုလျှင် - သူများကို သတ်မည့် ဘက်ကို ရွေးခဲ့သူ ဆက်ဒမ်သည်-

• ၁၉၈၀ ခုနှစ်၊ စက်တင်ဘာလ- ၂၂- ရက် တွင် အီရန် နိုင်ငံကို ကျူးကျော် ၀င်ရောက်ခဲ့ခြင်း ဖြင့်- ၈-နှစ်ကြာ အီရန်၊ အီရတ် စစ်ပွဲကြီးတွင် လူပေါင်း သန်း နှင့် ချီ၍ သေကြေ ပျက်စီး စေခဲ့သည်။
• ၁၉၈၂ ခုနှစ်၊ ဇူလိုင်လ ၈- ရက်တွင် ဘဂ္ဂဒတ် မြို့မှ မိုင် ၅၀ အကွာရှိ ဒူးဂျေး မြို့ကို သွားလည်ခိုက်- ဒါဝါ ပြောက်ကျား အဖွဲ့များက သူ့အား လုပ်ကြံရန် အတွက် သူ၏ မော်တော်ယဉ်တွဲ ကို ပစ်ခတ် ခဲ့သည် ကို လက်တုန့် ပြန်သည့် အနေဖြင့်- ထိုမြို့လေး ရှိ - သန်သန်မာမာ ယောက်ျား ၁၄၀ ကျော် တို့ကို ဖမ်းဆီးခဲ့ကာ လက်စ ဖျောက်ခဲ့သည်။ ကလေးငယ် တစ်ချို့ အပါအ၀င် လူပေါင်း ၁၅၀၀ ကျော်ကို ဖမ်းဆီး၊ နှိပ်စက် စစ်ဆေး ခဲ့ပြီးနောက်- တစ်နှစ်ကျော်ခန့် အကျဉ်းချထား ခဲ့ပြီးနောက်- ထိုသူများအား တောင်ပိုင်း သဲကန္တာရ ရှိ စခမ်းများသို့ နှယ်နှင် ခဲ့သည်။ ထိုမြို့ တစ်မြို့လုံးကို ဘူဒိုဇာ နှင့် ထိုး၍ ဖျက်ဆီး ပစ်ခဲ့သည်။
• ၁၉၈၈ ခုနှစ်၊ ဖေဖေါ်ဝါရီလ ၂၃- ရက်မှ၊ စက်တင်ဘာလ ၆-ရက် နေ့ အထိ ဆက်ဒမ် အစိုးရသည် အမ်ဖာ ကန်ပိန်း ဆိုသော စီမံချက်ဖြင့်- အီရတ် မြောက်ပိုင်း ရှိ ကာ့ဒစ်ရ်ှ (ကာ့ဒ် တိုင်းရင်းသား) များ အား ကမ္ဘာ့မြေပေါ်မှ ဖျောက်ပစ်ရန် လုပ်ဆောင်ခဲ့သည်။ ဤ စစ်ဆင်ရေး တွင် အဆင့် ၈-ဆင့် ရှိ၍ - အီရတ် စစ်သား ၂-သိန်း တို့သည် ထိုဒေသကို ၀န်းရံလျှက်- လူများကို ဖမ်းဆီးခြင်း၊ ရွာများကို မီးတင် ရှို့ခြင်းများ ပြုခဲ့သည်။ ဖမ်းမိသူ ယောက်ျား များကို ပစ်သတ်၍ - ကြီးမားသော သူသတ်ကုန်း ဖြစ်ခဲ့ ရသည်။ အမျိုးသမီး၊ ကလေးငယ်များ၊ သက်ကြီး ရွယ်အိုများကို အကျဉ်း စခမ်းများသို့ ပို့ခဲ့ပြီး- နေရာ တစ်နေရာမှ ခုခံမှု ရှိပါက- ထိုနေရာရှိ အားလုံးကို သတ်ပစ်ခဲ့၏။ ထိုဖြစ်ရပ်တွင် လူပေါင်း တစ်သိန်း၊ ၈-သောင်း၊ ၂-ထောင် ကျော် ရှိခဲ့မည်ဟု ခန့်မှန်း တွက်ချက်ထားကြသည်။ ထိုစီမံကိန်း တွင် ဓါတု အဆိပ် လက်နက် သုံးစွဲခြင်း ကိုလည်း တွေ့ရှိရ၍- လက်သံ ပြောင်ခဲ့သော ဆက်ဒမ်၏ ညီအကို ၀မ်းကွဲ တော်သူ အလီ ဟတ်ဆန် အယ်လ် မာဂျစ် အား "Chemical Ali." ဟူသော ဂုဏ်ပုဒ် တစ်ခု တိုးလာ စေခဲ့သည်။
• ၁၉၉၀၊ သြဂုတ်လ ၂-ရက်နေ့တွင် ကူဝိတ် နိုင်ငံသို့ ကျူးကျော် ခဲ့ခြင်းကြောင့်- အမေရိကန် ပါ ပါဝင် ပတ်သက် လာရသော ပင်လယ်ကွေ့ စစ်ပွဲကြီးကို ဖြစ်စေခဲ့သည်။
• ၁၉၉၁၊ ခုနှစ် ပင်လယ်ကွေ့ စစ်ပွဲကြီး အပြီးတွင်- တောင်ပိုင်းရှိ ရှီယား များနှင့် မြောက်ပိုင် ကာ့ဒ် တိုင်းရင်းသား များမှ နေ၍ ဆက်ဒမ်ကို ပုန်ကန် လာကြသည်။ လက်တုန့်ပြန်သည့် အနေဖြင့်- အီရတ် တောင်ပိုင်း တွင် ရှီယား ဘာသာဝင် ထောင်ပေါင်း များစွာကို သတ်ပစ်ခဲ့သည်။ ရွာများကို ဖျက်ဆီးခဲ့သည်။

ဘ၀ မြင်ကွင်းကျယ်။

အရေးပါသည့် သူ့ဘ၀ ရက်စွဲများတို့မှာ-

• ၁၉၃၇-ခုနှစ်၊ ဧပြီလ ၂၈ တွင် သူ့ကို မွေးဖွားခဲ့သည်။
• ဘာအာသ် ဆိုရှယ်လစ် ပါတီသို့ ၁၉၅၇ တွင် ၀င်ရောက် ခဲ့သည်။
• ၁၉၆၈ မှ ၁၉၇၉ တွင် ဒုတိယ သမ္မတ အဖြစ်သို့ ရောက်ခဲ့သည်။
• ၁၉၇၉ ဇူလိုင်လ ၁၆-ရက် မှ ၂၀၀၃ ခုနှစ်၊ ဧပြီလ ၉- ရက်နေ့ အထိ အီရတ် သမ္မတ ရာထူးကို ရယူနိုင် ခဲ့သည်။
• ၁၉၈၀ ခုနှစ်၊ စက်တင်ဘာလ- ၂၂- ရက် တွင် အီရန် နိုင်ငံကို ကျူးကျော်ခဲ့သည်။
• ၁၉၉၀၊ သြဂုတ်လ ၂-ရက်နေ့တွင် ကူဝိတ် နိုင်ငံသို့ ကျူးကျော်ခဲ့သည်။
• ၂၀၀၃-ခုနှစ်၊ မတ်လ ၂၀-ရက်နေ့တွင် အမေရိကန် မှ ဗုံးကြဲ တိုက်ခိုက် ပြီးနောက် ၂၀၀၃-ခုနှစ် ဇူလိုင်လ ၂၃-ရက်တွင် သူ၏ သား ၂-ဦး ဖြစ်သူ အူဒေး နှင့် ကူဆေး တို့ သေဆုံးခဲ့သည်။
• ၂၀၀၃-ခုနှစ်၊ ဒီဇင်ဘာလ ၁၃-ရက်၊ ည ၈း၃၀ တွင်၊ တိုက်ဂရစ် မှ ၁၅-ကီလိုမီတာ အကွာ ဖြစ်သော အဒ် ဒွာဝါ တွင် ဖမ်းဆီးခံခဲ့ရသည်။
• ၂၀၀၆ ခုနှစ်၊ နိုဝင်ဘာ ၅-ရက်တွင် သေဒဏ် အမိန့် ချမှတ်ခြင်း ခံရသည်။
• ၂၀၀၆ ခုနှစ်၊ ဒီဇင်ဘာလ ၃၀-ရက်တွင် ကြိုးဖြင့် သေဒဏ် စီရင်ခြင်း ခံရသည်။

ဆက်ဒမ် ဟူစိန် နှင့် နက္ခတ္တ အမြင်။

တိုက်ဂရစ် မြို့ အနီးရှိ အယ်လ် အူဂျာ ဆိုသော ရွာကလေး တစ်ရွာတွင်- ၁၉၃၇-ခုနှစ်၊ ဧပြီလ ၂၈-ရက်၊ ဗုဒ္ဓဟူး နေ့တွင် သာမာန် လယ်သမား မိသားစု မှ သူ့အား မွေးဖွားလာခဲ့၏။ မွေးချိန် နှင့် ပတ်သက်၍ မတူညီသော အမြင်များစွာ ရှိကြသော်လည်း- မိုးတား မှ နံနက် ၇း၅၅ ဖြင့် မူတည်၍ တွက်ချက် ပါသည်။

ဤနေရာတွင် ဇာတာခွင်များကို တွေ့ဘူး မြင်ဘူး၊ လေ့လာဘူး ခဲ့သော်လည်း- အခြေခံ သင်္ချာနှင့် ဆက်စပ် မြင်ရန် အခက်အခဲ ရှိသူများ နားလည် စေရန် အတွက် အနည်းငယ် ရှင်းပြ ပေးလို ပါသည်။ ရာသီစက် အနေဖြင့် ဖြစ်စေ- ဘယ်ဘက်တွင် ပြထားသော ဇယားမှ ဖြစ်စေ ကြည့်လိုက်ပါက တနင်္လာ နှင့် အင်္ဂါ တို့သည် ဗြိစ္ဆာ ရာသီတွင် တည်နေပြီး- ၆-တန့် ဘာဝ ဟု ညာဘက် ဇယားတွင် ဖေါ်ပြထား၏။ တစ်ဖန်- ရာဟု သည်လည်း- ဗြိစ္ဆာ ရာသီ ဟု ဆိုထားလျှက်- ညာဘက် ဇယားတွင် ၇-တန့်တွင် တည်သည်ဟု ဆိုထား၏။

ရာသီစက် တစ်ခုတည်းကို ကြည့်၍ ဘာဝ တို့ကို မှန်ကန်စွာ မြင်နိုင်ရန် မဖြစ်နိုင်သော ကြောင့် ရှေးမြန်မာ ပညာရှင်များသည် ဘာဝ ကို သိရန် ဘာဝ စက်ကို သုံးရန် ညွှန်ကြား ခဲ့ကြပါ၏။

၁၂-ရာသီ စက်ဝိုင်း နှင့် ဘာဝ တည်ဆောက်ပုံ သဘောကို နားလည် ထားခြင်း မရှိပဲ- ရာသီ စက်နှင့် ဘာဝစက် တို့ကို ကောင်းစွာ ကွဲပြားစွာ နားမလည် သူများ အနေဖြင့် သော်လည်းကောင်း၊ အခြေခံ ၃၆၀ ဒီဂရီ စက်ဝိုင်း ကြီး သဏ္ဍာန် ရှိထားသော ၁၂-ရာသီခွင်၏ သဘောကို သင်္ချာအမြင် ဖြင့် ဆက်စပ် နားလည် ရန် အခက်အခဲ ရှိသူများ အနေဖြင့် လည်းကောင်း၊ ဘာဝ စက်ကို အသုံးမပြုတတ်သဖြင့် လည်းကောင်း၊ သို့မဟုတ် ဂရုမစိုက် မိ၍ လည်းကောင်း၊ ဘာဝ စက်ကို မသုံးပဲ- ရာသီ စက် တစ်ခုကိုသာ မူတည်၍- လဂ်မှ လက်ထောက် ရေတွက် ပြီး ဘာဝများကို ရေတွက်လျှင် မှားတတ်သော အမှား ဖြစ်ပါ၏။

ပထမဦးစွာ သတိထား ရမည်က- လဂ်သည် ပြိဿ ရာသီ၏ အစွန်းနားလေး၊ မေထုန် ရာသီ အနားဘက် အခြမ်းတွင် ကပ်တည်နေခြင်း ဖြစ်၏။ ဤသို့သော လဂ် ၏ တည်နေရာသည် ရာသီ တစ်ခု၏ အစ ပိုင်းလေးတွင် ဖြစ်စေ၊ အဆုံးပိုင်း ဘက်တွင် ဖြစ်စေ တည်သော ဇာတာရှင်များ အတွက် ရာသီစက် ရှိ လဂ်မှ လက်ထောက် ရေတွက်သူများ အတွက် မှားတတ်နိုင်သော အနေအထား တစ်မျိုး ဖြစ်ပါ၏။ မိုးတား သင်တန်းသား အားလုံး တို့သည်- အခြေခံ အဆင့်မှာပင် မည်သည့် ဘာဝတွင် တည်သည်ကို တွက်နိုင် ကြသော်လည်း၊ အချို့သူတို့ အနေဖြင့် မြင်နိုင်ရန် အခက်အခဲ ရှိနိုင်သဖြင့် အောက်တွင် နားလည် နိုင်အောင် ရှင်းပြပေးထားပါသည်။

အောက်ဖေါ်ပြပါ ပုံတွင် ၁၂-ရာသီ စက်ဝိုင်း၏ အတွင်းဆုံးတွင် ရာသီ များကို တစ်ခုချင်း ဖေါ်ပြပေးထား၍ (အစိမ်းရောင်)- နောက်တစ်ဆင့် တွင် သက်ဆိုင်ရာ ရာသီ ကို ပိုင်ဆိုင်သော ဂြိုဟ်များ (အဖြူရောင်)၊ နောက်တစ်ဆင့်တွင် နက္ခတ်များ (အ၀ါရောင်)၊ နောက်တစ်ဆင့်တွင် နက္ခတ် သခင်များ (အဖြူရောင်)၊ နောက်တစ်ဆင့် ပါဒ ရာသီ ခေါ် န၀င်း ရာသီများ (အ၀ါရောင်)၊ နောက်တစ်ဆင့် တွင်- န၀င်း သခင်များ (အပြာနုရောင်) အဆင့်ဆင့် ဖေါ်ပြထား၏။ မြင်သာအောင် ဒီဂရီများကိုလည်း ဖေါ်ပြပေးထား၏။ (အသေးစိတ် မြင်လိုလျှင် ပုံကို နှိပ်လိုက်ပါ။)

ထိုစက်ဝိုင်း ကို အပြင်ဘက်မှ အပြာရောင်ဖြင့် ထပ်ပါတ် လိုက်သည်က- ဘာဝ စက်ဖြစ်၏။ ဘာဝ စက် သိရန် အတွက် ပထမဦးစွာ လဂ်ကို နေရာချ၏။ လဂ်၏ တည်နေရာ သည် 58.1411936653354 ဒီဂရီ တွင် တည်၏။ ဤသည်ကို ပြိဿ ရာသီမှ တိုင်းပါက- ၃၀ ဒီဂရီ ဖယ်လိုက်သော်- 58.1411936653354 – 30= 28.1411936653354 ဒီဂရီ ဖြစ်၏။ ထို့ကြောင့် ပြိဿ- 28.1411936653354 ဖြစ်လေရာ၊ ၄င်းကို ဒဿမ ပုံစံမှ ဒီဂရီ၊ မိနစ် ပုံစံ ပြောင်းရန် အတွက် - နောက်ရှိ ဒဿမ တန်ဘိုးကို ၆၀ ဖြင့် မြှောက်လိုက်ပါက- (0.1411936653354 x 60= 8.471619920124 မိနစ်) ကိုရ၏။ သံဒိဌ ပြက္ခဒိန် များတွင် ရာသီ၊ အံသာ၊ လိတ္တာ ပုံစံ (တစ်နည်း အားဖြင့်- ရာသီ၊ ဒီဂရီ၊ မိနစ်) အနေဖြင့် ပြသော်- အနီးစပ်ဆုံး အနေဖြင့်- ပြိဿ:28:8 ကို ရပါ၏။

၎င်း လဂ်၏ ဘယ်ညာသို့ ၁၅ ဒီဂရီ စီ ပေါင်း၊ နှုတ် ပေးပြီးနောက်၊ ကျန်ဘာဝ များကို နေရာချပေးလိုက်ခြင်းဖြင့်- ဘာဝ များ အသီးသီး ပေါ်ထွက် လာ၏။

နောက် ပုံတွင်မူ- စောစောက မမြင်သာခဲ့သော တနင်္လာ၊ အင်္ဂါနှင့် ရာဟု တို့သည် ဗြိစ္ဆာ ရာသီ ဖြစ်သော်ငြားလည်း- တည်ရာ ဘာဝချင်း ကွာခြား သွားပုံကို ပြထားခြင်း ဖြစ်၏။

ဤသည်မှာ ခက်ခဲသော သင်္ချာမဟုတ်ပါ။ နက်နဲသော လျှို့ဝှက်ချက် မဟုတ်ပါ။ စက်ဝိုင်းတစ်ခုတွင် ၃၆၀ ဒီဂရီ ရှိသည် ဆိုသော အချက်။ ဘာဝ နှင့် ရာသီများသည် ၃၀-ဒီဂရီစီ အညီအမျှ ရှိကြသည် ဆိုသော အချက်ကို သိလျှင် မည်သူမဆို နားလည် နိုင်ပါသည်။

(၁၂-ရာသီ စက်ဝိုင်းပုံစံ လိုအပ်သူများ ဆရာနျူမာန် (numan@motaa.net) ထံသို့ မိမိ၏ အမည်မှန် ကို ဖေါ်ပြကာ အီးမေးလ် ဖြင့် တောင်းခံနိုင်ပါသည်။)

နက္ခတ်ပညာကို စိတ်ဝင်စားသူများ အခြေခံ သဘောကို ကောင်းစွာ နားလည်စေရန် အတွက်- အကြောင်း ကြုံကြိုက်သဖြင့်- အိုင်းစတိုင်း ၏ ဇာတာ တွင်လည်း ထိုသို့ ဖြစ်နေပုံ လေးကို ရှင်းပြပေးလိုက်ပါသည်။

အိုင်းစတိုင်း ဇာတာတွင် တနင်္ဂနွေ၊ ဗုဒ္ဓဟူး၊ သောကြာ၊ စနေ တို့သည် မိန်ရာသီတွင် တည်၏။ သို့သော် ညာဘက်တွင် ဖေါ်ပြထားသည်က တနင်္ဂနွေ သည် ၉-တန့် ဘာဝ ဖြစ်ပြီး၊ ဗုဒ္ဓဟူး၊ သောကြာ၊ စနေ တို့သည် ၁၀-တန့် တွင် တည်သည်ဟု ဖေါ်ပြထားသည်။ မည်သို့ ဖြစ်သွားပါသနည်း။

လဂ်အံသာ ကို သတိထားမိပါက- ကျွမ်းကျင်သော နက္ခတ် ပညာရှင်သည် ဘာဝ စက်ကို မြင်ယောင်ပြီးနောက်- ဘာဝ တို့ကို မှန်ကန်စွာ တွက်နိုင်၏။ သို့သော် ရာသီ စက် တစ်ခုတည်းသာ ရှိပြီး- လဂ်အံသာကို မသိခဲ့ပါမူ- ဘာဝ တို့သည်လည်းကောင်း၊ န၀င်း တည်နေရာ တို့သည် လည်းကောင်း မှန်ကန် တိကျ တော့မည် မဟုတ်ပါချေ။

ဆက်ဒမ် ဟူစိန် ကိစ္စကို ဆက်လက် ဆွေးနွေးကြပါစို့-

ပထမဦးစွာ အနေဖြင့်- မွေးချိန်များကို ပြန်လည် စိစစ်ရပါသည်။

မတူညီသော မွေးချိန် အများ အပြား ရှိနေသော်လည်း- ၄င်းတို့မှ-

• ဆက်ဒမ် ဟူစိန်၏ ကိုယ်ခန္ဓာ အရပ်အမောင်း တည်ဆောက်ပုံ အနေအထား။
• ဆက်ဒမ် ဟူစိန်၏ ဘ၀ အောင်မြင်မှု အနေအထား။
• ဆက်ဒမ် ဟူစိန်၏ စစ်သွေးကြွမှု၊ ရန်လို တိုက်ခိုက်မှု စရိုက် အနေအထား။
• ဆက်ဒမ် ဟူစိန်၏ ဘ၀ ဖြစ်ရပ်များကို အားလုံး ကိုက်ညီနေသော အနေအထား
• စသည်တို့ အားလုံး

ကိုက်ညီသော မွေးချိန်မှာမူ- နံနက် ၇း၅၅ အချိန်သာ ဖြစ်ပါသည်။ အခြားသော ဆရာများလည်း - ၄င်းတို့ အမြင်၊ ရှုထောင့်မှ- တွေ့မြင်သလို ရေးကြ သော်လည်း၊ ဇာတာ တစ်ခု ဖြစ်နိုင်ချေ ရှိမရှိကို- စစ်ဗိုလ်ချုပ် ဖြစ်ရုံ၊ ရာထူး မြင့်မားရုံ စသည် မျှလောက် ကိုက်ညီရုံမျှ ဖြင့် ဇာတာ အမှန်၊ မွေးချိန် အမှန် ဟု မယူဆ သင့်ပါပေ။ ဇာတာရှင်၏ သွင်ပြင် လက္ခဏာ၊ စရိုက်၊ ဘ၀ အနေအထား အားလုံးကို ပြဆို နိုင်စွမ်း ရှိနေမှသာ ထိုမွေးချိန် သည် အမှန် ဖြစ်ပါသည်။

ဤဇာတာအရ- ဆိုပါက- လဂ်၊ တနင်္ဂနွေ ဂြိုဟ်၊ တနင်္လာဂြိုဟ် (တစ်နည်းအားဖြင့် လဂ် ၃-ပါး) သည် - အရပ် အမောင်း ကောင်းခြင်းကို ဖြစ်စေသည့် ဂြိုဟ်များ ပိုင်ဆိုင်ရာ န၀င်း တို့တွင် သာ ကျနေသည်။ ရာသီ စက်မှ ဆိုလျှင်- တနင်္ဂနွေ ဂြိုဟ် နှင့် တနင်္လာဂြိုဟ် တို့သည် အရပ်ရှည်သော ဂြိုဟ်များ ပိုင်ရာ ရာသီတွင် ကျနေ၏။ ထို့ကြောင့် ဤဇာတာရှင်သည် အရပ်ရှည် ရမည် ဖြစ်၏။ ဆက်ဒမ် ဟူစိန်သည် အရပ် ၆ ပေ။ ၂ လက္မ မြင့်သော- သူလူမျိုး အနေနှင့် သာမက- နိုင်ငံတကာ ခေါင်းဆောင်များ အကြားတွင် အရပ်မြင့်သော စာရင်းဝင် ဖြစ်ပါသည်။

တစ်ဖန်- မည်သည့် အတွက်ကြောင့် တောရွာ တစ်ခုမှ ဘခင်မဲ့ သား တစ်ယောက်သည်- ထင်ရှားသော၊ သြဇာ အာဏာ ကြီးမားသော အီရတ် သမ္မတ အဖြစ်သို့ ရောက်လာခဲ့ရပါသနည်း။

တနင်္ဂနွေ ဂြိုဟ်သည်

ဥုစ်လည်း ဖြစ်၊ မိတ်လည်း ဖြစ်သော မိဿ ရာသီတွင် တည်ထား၏။ သို့သော်လည်း ၁၂-တန့် ဘာဝ ဖြစ်နေ၏။ ၁၂-ဘာဝ (ဗျာယ) ဘာဝ ဆိုသည်မှာ ဆုံးရှုံးခြင်း၊ ပူပင် သောက ရောက်ရခြင်းကို ကိုယ်စားပြုခြင်း၊ ရပ်ဝေး မြေခြားကို ကိုယ်စားပြုခြင်း တို့ကို သရုပ်ဆောင်၏။ ၄င်းသည် ၄-တန့် အိမ်ရှင် လည်း ဖြစ်၏။ ဘ၀ ၏ အစပိုင်းတွင်- သောက ဗျာပါဒ ဖြင့် စတင်ရခြင်း၊ အေးချမ်း သာယာမှု မရှိခြင်း၊ ဘခင်ကို ဆုံးရှုံးခဲ့ရခြင်း တို့သည် မူလ ဇာတာတွင် ကနဦး တည်နေရာ က ပြဆောင်နေ၏။

သို့သော်- မိဿရာသီ ၏ အလယ်မှတ် ဖြစ်သော ၁၅ ဒီဂရီ အနီးတွင် ကပ်လျှက် တည်၏။ (မိုးတား စနစ်တွင် ဥုစ်အံသာ၊ နိစ် အံသာကို အသုံးမပြုပါ။) ဥုစ်ဖြစ်သော မိဿရာသီ၏ အင်အားကို အပြည့်နီးနီး ရလိုက်ခြင်းဖြင့် အင်အား ကောင်းသွား၏။

တစ်ဆက်တည်း တွင် ရာသီ တစ်ခု၏ အစပိုင်း၊ အဆုံးပိုင်းတွင် ကျရောက် သော အံသာ နုခြင်း၊ ရင့်ခြင်းများ မရှိတော့ပဲ တောင့်တင်း ခိုင်မာသော အံသာ အင်အားကို ထပ်ရ၏။ ထပ်မံ၍ မိတ် အင်အားကို ရ၏။

ထပ်မံ၍ ကောင်းသွားသည်က- မူလတြိဂေါဏ အနေဖြင့် တနင်္ဂနွေမှ ပိုင်ဆိုင်သော သိဟ် န၀င်းကို စီးနင်းထားပြန်၏။

နောက်ထပ်- အင်အားကောင်းစေသည့် အချက်က- တနင်္ဂနွေ ရပ်တည်ရာ ၁၂-တန့်ဘာဝ၏ အလယ်မှတ်အား ကာရက သောမ ဖြစ်သော ၅-တန့် သခင် ဗုဒ္ဓဟူးမှ နီးစပ်စွာ လွှမ်းထားခြင်းဖြင့် တနင်္ဂနွေသည် အလွန် အင်အားကောင်းသွား ရပါ၏။

သို့သော် ဒုဌာနတွင် တည်ထားခြင်း၊ ရန်သူ နှင့် ဆိုင်သော ၆-တန့် သခင် သောကြာပိုင်သည့် မိဂသီ နက္ခတ်ကို စီးနင်းထားခြင်းဖြင့် ရန်လိုလားသော စိတ်ဓါတ်များ၊ ဘ၀တွင် ရန်သူတို့၏ တိုက်ခိုက်ခံရခြင်းများ နှင့် ယှဉ်တွဲနေသော အောင်မြင် ဘုန်းတန်ခိုး ကြီးမှု ဖြစ်စေပါတော့၏။

အင်္ဂါ သည်-

တိုက်ခိုက်ခြင်း၊ စစ်ရေး တို့ကို ကိုယ်စားပြုသော ဂြိုဟ်ဖြစ်ကြောင်း- ဗေဒင် အခြေခံ ရှိသူ အားလုံး သိပြီး ဖြစ်ကြပါ၏။ သူ၏ ဇာတာတွင် အင်္ဂါသည် ၁၂-တန့် အိမ်ရှင် ဖြစ်ကာ၊ ၆-တန့် ဘာဝတွင် တည်၏။ ရှေးကျမ်း အဆိုတို့ အရ ရာဇ တစ်မျိုး ယောဂ ပင် ဖြစ်သည်ဟု သတ်မှတ်ကြသော်လည်း- မိုးတား အနေဖြင့်မူ- ဤအချက်သည် ကောင်းသော အချက်ဟု မယူပါ။ စည်းစိမ် ချမ်းသာ အေးချမ်းစွာ တို့ကို ပျက်စီးစေခြင်း၊ စိုးရိမ်မှု ကင်းစွာ စိတ်လွတ် လက်လွတ် အိပ်စက် ရခြင်းတို့ကို ပျက်စီးစေသော အချက် ဖြစ်၏။

သို့သော်- အင်္ဂါသည် ၄င်းပိုင် ရာသီတွင် တည်၏။ အင်္ဂါ တည်ရာ ကိုရော၊ အင်္ဂါ ပိုင်ဆိုင်ရာ ဘာဝ တို့၏ အလယ်မှတ်များကို ၅-တန့် သခင် ဗုဒ္ဓဟူးမှ ကောင်းစွာ ထောက်ပံ့ ပေးထား၏။ ၄င်း ရပ်တည်ရာ ဗြိစ္ဆာ ရာသီ၏ အလယ် ၁၅-ဒီဂရီ အနီးတွင် တည်သဖြင့် အိမ်ရှင် ၏ အင်အားကို အတိုင်းအတာ တစ်ခု ထပ်ရထား၏။ နောက်ထပ် ပံ့ပိုးပေးလိုက်သည်က ၄င်းနှင့် နီးကပ်စွာ ပူးနေသော ၃-တန့် သခင် တနင်္လာ ဖြစ်၏။

ဤအချက်တို့သည် မည်သည်ကို ဆိုလိုနေပါသနည်း။

သွေးသံ နှင့် ရက်စက်မှု၊ ရဲရင့်မှု တို့ကို ပုံဆောင်သော အင်္ဂါသည် အင်္ဂါပိုင် ရာသီတွင် တည်ခြင်း၊ ရဲရင့်စွာ အကောင်အထည် ဖေါ်ခြင်းကို တာဝန်ယူသည့် ၃-တန့် သခင်နှင့် ပူးခြင်း၊ ရန်သူ နှင့် ဆိုင်သော ၆-တန့်တွင် တည်ခြင်း- အားလုံးတို့သည် ရက်စက်မှု၊ သတ်ဖြတ်မှု၊ တို့ကို ပုံဖေါ် ပေးနေကြပါ တော့၏။

တောက်မဲ့ မီးခဲ တစ်ရဲရဲ ပင် ဖြစ်သော်လည်း- အင်အားရှိသော ဂြိုဟ်များသည် ဒုဌာန များတွင် တည်နေခဲ့ခြင်း၊ မွေးဖွားခဲ့ချိန်တွင် စနေ ထူလ၊ အင်္ဂါ အန္တရ၊ ကာလ ဖြစ်ခြင်း တို့သည်ကား- ပြင်းထန်စွာ ကြမ်းတမ်း ရုန်းကန် ခဲ့ရသည့် လူမမယ် ကလေး ဘ၀ကို ရည်ညွှန်းနေတော့သည်။

သူ၏ ဘ၀မှ မည်သည့် သင်ခန်းစာများကို ရလိုက်ပါသနည်း။

လူသားတစ်ယောက်- မှ အခြားလူသားများကို သတ်ဖြတ်ခြင်း ဖြစ်စေ၊ ထိုလူသားအား အပြစ်ဒဏ်ဖြင့် သေဒဏ် စီရင်ခြင်း ပင် ဖြစ်စေ- ကောင်း သော ကိစ္စရပ် များ၊ ဖြစ်သင့်သော ကိစ္စရပ်များ၊ လိုလားအပ် သော ကိစ္စရပ်များ မဟုတ်ပါပေ။ အနိဋ္ဌာရုံ တို့သာ ဖြစ်ပါ၏။

ဆက်ဒမ် ဟူစိန်သည် -

• ရှေးကံ အကြောင်း တို့ကြောင့်- ဘ၀ တွင် ဒုက္ခ သုက္ခများ နှင့် ရှင်သန် ခဲ့ရ၏။
• ရှေးကံ အကြောင်း တို့ကြောင့်- အသက် မသေခဲ့သော်လည်း- နာကျည်းမှုများ၊ မုန်းတီး ရက်စက်မှုများ ပေါက်ဖွားခဲ့ရ၏။
• ရှေးကံ အကြောင်း တို့ကြောင့်- ဘုန်းတန်ခိုး ကြီးမားခွင့်၊ လူများစွာ၏ ဘ၀ကို ပိုင်ဆိုင် ချယ်လှယ်ခွင့် ရခဲ့၏။
• ရှေးကံ အကြောင်း တို့ကြောင့်- အရာ အားလုံး ဆုံးရှုံးခဲ့ရလျှက်၊ လည်ပင်း နှင့် ကြိုးကွင်း စုလျား ရစ်ပါတ် ခဲ့ရ၏။

ရှေးကံ ဟူသည်မှာ အဘယ်နည်း။

မမြင် မသိခဲ့သော အတိတ်ဘ၀ မှ ကံတို့ သက်သက် ကိုသာ ရည်ညွှန်းနေပါသလား။

ဤသို့ မဟုတ်ပါချေ။

မျက်မှောက် ကာလ အခိုက် အတန့် မတိုင်မီ ပြုလုပ်ခဲ့သော ကောင်းသော ကံ၊ မကောင်းသော ကံ - တို့သည် ရှေ့မှ ပြုသော ကံ၊ တစ်နည်းအားဖြင့် ရှေးကံ ဟု ခေါ်နိုင်ပါသည်။ ထိုကံ တို့သည် သက်ဆိုင်ရာ အကျိုးပေးရမည့် အချိန်ကာလ ကို စောင့်ဆိုင်း နေကြ၏။

• မနေ့က လူသတ်ခဲ့လျှင်- ဒီနေ့ ၀ါးရမ်းပြေး ဖြစ်လျှင် ဖြစ်၊ မဖြစ်လျှင် အချုပ်ခန်းတွင် အမှု အတွက် စောင့်ဆိုင်း နေရပါမည်။ နောင်တ နှင့် သောက တို့ ခံစား နေရ ပါပြီ။
• မနေ့က တိုက်ပေါ်က ခုန်ချခဲ့လျှင်- ယခု ဆိုလျှင် ရင်ခွဲသို့ ရောက်နေပါပြီ။

အကြောင်း တရားသည် အကျိုး တရားကို ဖြစ်စေ၏။ ကောင်းသော အကြောင်းတို့သည် ကောင်းသော အကျိုး တရားကို ဖြစ်စေ၍၊ မကောင်းသော အကြောင်း တရားတို့သည် မကောင်းသော အဆိုးတရား တို့ကို ဖြစ်စေ၏။

အတိတ် ဘ၀ ပေါင်းများစွာမှာ ပြုလုပ်ခံသော အကြောင်းတရား တို့ကို မမြင်သိ ရသော်လည်း- မြင်သိ နိုင်သည့် နေ့စဉ် နှင့် အမျှ ပြုနေကြသော ကံ များ (တနည်းအားဖြင့် အကြောင်းတရားများ) တို့ ရှိနေကြ၏။

တစ်ဖန်- ဖြစ်ရပ် တို့ ဖြစ်လာရာတွင်လည်း ပထမ အကြောင်းသည် နောက်ဆက်တွဲ အကျိုး တရား ဖြစ်စေ၍၊ ထို အကျိုးတရားသည် နောက် ဒုတိယ ဆင့် အတွက် အကြောင်း တရား ဖြစ်သွားစေ၏။ ထို အကြောင်းတရားသည် နောက် အကျိုး တရားကို ထပ်ဆင့် ဖြစ်စေသွား၏။ ဤသို့ဖြင့် - Chain Reaction ခေါ် ဆင့်ကဲ ဆက်တိုက် ဖြစ်သွားသော သဘော ရှိ၏။ ထိုကဲ့သို့ တစ်ခုမှ တစ်ခုသို့ ဆက်တိုက် အကျိုးပြုသွားသော Chain Reaction ကို ပဋ္ဌာန်း တရားတော်တွင် "ပစ္စယာ"၊ "ပစ္စယော" အထောက်အပံ့ ဖြစ်စေခြင်း - ဖြင့် ပြထား၏။

မြင်သာအောင် ရိုးစင်းသော ဥပမာဖြင့် ထပ်မံ ပြဆိုပါမည်။

ကြမ်းတိုက်ရာတွင် ရေစဉ်အောင် မတိုက်မိသော ကံ ကြောင့်-

• ကြမ်းပြင်ပေါ်တွင် ချော်လဲ၏။
• ချော်လဲမှု ကြောင့်- လက်ထောက်မိ၏။
• လက်ထောက်မိသောကြောင့်- လက်ကောက်ဝတ် ကျိုးသွား၏။
• လက်ကောက်ဝတ် ကျိုးသွားသောကြောင့် ဆေးရုံ သွားရ၏။
• ဆေးရုံသွားရသောကြောင့်- လုပ်စရာ ကိစ္စများ ပျက်၍၊ ငွေကုန်၏။
• လက်ကျိုးသွားသောကြောင့်- အလုပ်များ၊ အစီအစဉ်များ ပျက်ပြားကုန်တော့၏။

ဤသည်တို့သည်ကား- Chain Reaction ခေါ် ဆင့်ကဲ ဆက်တိုက် ဖြစ်သွားသော ကံ များ ဖြစ်၏။

ဤနေရာတွင် ကြမ်းပြင် ချောနေသည်ကို သတိမထားမိသော နမော် နမဲ့ နိုင်သည့် ကံ၊ အလောတကြီး ဖြစ်ရသော ကံ စသည် တို့ကလည်း ချော်လဲ ဖြစ်အောင် ထောက်ပံ့ သွားသေး သည်ကို သတိပြုပါ။

ဖြစ်ရပ်များစွာတို့ တွင် ဆင့်ကဲ ဖြစ်ရပ် တို့သည် ယခု ထက်ပင် ရှုပ်ထွေး တတ်သည်ကို သတိပြုပါ။

ဆင့်ကဲ ကံတို့က ဆက်တိုက် ပို့ဆောင် သွားရာတွင် အခြေအနေ တစ်ခုသို့ ရောက်သွားပါက အစ ပထမတွင် မိမိ ရွေးချယ်ခဲ့ သော လမ်းကို မူတည်၍ နောက်ပိုင်းတွင် ရွေးချယ် စရာလမ်းတို့ သိပ်မရှိတော့ပေ။ စောစော က ကံ၏ စီမံရာကိုပင် နာခံရတော့၏။ ဖြစ်ရပ် တို့၏ ကနဦးပိုင်းတွင် ရွေးချယ် စရာလမ်း ရှိခဲ့ သော်လည်း- ထိုဇတ်လမ်းကို မိမိ သရုပ်ဆောင် ကပြမှု တို့သည်- နောက်ပိုင်း ဇတ်သိမ်း အနေအထား မည်သို့ ဖြစ်မည်နည်းကို သတ်မှတ်၏။

ဥပမာ-

• တစ်စုံ တစ်ယောက်က မိမိအား စော်ကား၏။
• စော်ကားမှု ကြောင့် ဒေါသထွက်၏။ (သဘာဝ အဆင့် ဖြစ်သော်လည်း- နောက်တစ်ဆင့် မည်သို့ လုပ်ဆောင် မည်ကို ရွေးချယ် နိုင်သေး၏။)
• ဒေါသကြောင့်- လူသတ် မိ၏။ (ဤအဆင့်တွင် လူမသတ်မိအောင် နေလိုက် မိလျှင် နောက်ဆက်တွဲ တို့ ပြောင်းသွားနိုင်၏။)
• လူသတ်မိခြင်းကြောင့်- အချုပ်ထဲ ရောက်၏။ (ဤအဆင့်တွင် ၀ါးရမ်းပြေး လုပ်မည်လား၊ အဖမ်းခံမည် လား ရွေးချယ်စရာ နည်းလာပြီ ဖြစ်၏။)
• အချုပ်ထဲ ရောက်ပြီ ဆိုလျှင် တရား ဥပဒေ၏ ဆုံးဖြတ်ချက် ကို လိုက်နာရုံမှ တစ်ပါး ရွေးချယ်စရာ သိပ်မရှိတော့ပေ။

ရာဇ၀တ် မှုကို မဖေါက်ဖျက်သူ၊ ကိုယ်ကျင့်တရား ထိန်းသိမ်း နိုင်စွမ်း ရှိသူ၊ သတိ ၀ိရိယ ကြီးသူ တစ်ယောက်အား-

• ရာဟု နှင့် ကိတ် ဘယ်လို ဆိုးဆိုး။ ဘယ်လို ပူးပူး
• အင်္ဂါ နှင့် စနေ ဘယ်လို ဆိုးဆိုး- အခြား အခြေအနေ ဖြင့် ဒုက္ခပေး သော်မှ ထောင်ထဲ ပို့ရန်၊ သေစား သေစေရန် မလုပ် နိုင်ပါပေ။ (အခြား ဖြစ်ရပ်များ၊ အတိတ်ကံ နှင့် ဆက်စပ်သော ကံ တို့ကိုမူ သတိပြုရန် ဖြစ်၏။)

ထိုနည်းတူ-

စာမေးပွဲ အောင်မည်ဟု ဗေဒင်ကိန်းခန်း များက သေချာပေါက် ဆိုနေပါစေ။ စာမေးပွဲ သွားမဖြေသူ အား-  

• ကြာသပတေး ဂြိုဟ်ကြီးမှ မည်သို့ ပူးထား မြင်ထားပါစေ၊
• ဗုဒ္ဓဟူး ဂြိုဟ်မှ မည်သို့ လွှမ်းမိုး ထားပါစေ။

ထိုသူ စာမေးပွဲ မည်သို့ အောင်ပါမည် နည်း။ ဤသည်ကား "ပယောဂ ၀ိပတ္တိ" နှင့် "ပယောဂ သမ္ပတ္တိ" တို့ကို ဆိုလိုခြင်း ဖြစ်၏။

ဂြိုဟ်တို့သည် အခြေ အနေ များ အကောင်း အဆိုး ဖြစ်ခွင့် သာ-မသာ ကိုသာ တံခါးဖွင့်ပေး၏။ ထိုတံခါးမှ ဆက်လက် လျှောက်သူကား မိမိ ကိုယ်တိုင် ဖြစ်၏။ ထို့ကြောင့်- "ရာဟု က သတ်တာ၊ ကိတ် ကြောင့် သေတာ၊ အင်္ဂါ ကြောင့် သွေးထွက် သံယို ဖြစ်တာ" ဟု ဆိုခြင်းသည် အရပ် သဘော နားလည် အောင်သာ အလွယ် တကူ ဆိုကြခြင်း ဖြစ်၏။

အတိတ် ကံကြောင့် ဖြစ်ကို ဖြစ်ရမည် ဆိုလျှင်- ပစ္စပ္ပန် ကံ တို့ကို လျစ်လျူရှုရာ ရောက်သွားပြီ ဖြစ်၏။

ဤသို့သော အယူအဆ များသည်ကား- ဘ၀ တစ်ခုသည် ကြိုတင် သတ်မှတ် ထားပြီးသား၊ predetermined ဖြစ်သည်၊ ဖြစ်ရပ် တို့သည် ကံကြမ္မာ အတိုင်း ရှောင်လွှဲလို့ မရ- fated ဖြစ်သည် ဟု ယူဆ ထားကြ သော Destiny ကို အားပြုသည့် ၀ါဒ များ ဖြစ်၍- ဗုဒ္ဓဘာသာ ၏ ကံ-ကံ အကြောင်းတရား တို့နှင့် မပါတ်သက် ပါချေ။ တစ်ဖန်- လုပ်လျှင် ဖြစ်ရမည် ဆိုသော Free Will ဆိုသည်မှာလည်း အထက်မှ အယူ အဆ နှင့် ဆန့်ကျင်သည့် အယူဝါဒ ဖြစ်ပါ၏။

ကံ ဟု ဆိုခြင်းမှာ- အတိတ် ကံ အားလုံး (ယခု မျက်မှောက် မတိုင်မီ အထိ ပြုသမျှ ကံ အားလုံး) ကို ဆိုခြင်းသာ ဖြစ်၍- မမြင်ရသော အတိတ် ဘ၀ များစွာ မှ ကံ နဲ့ ရောထွေး မှု မရှိသင့်ပါပေ။

တစ်ဖန်-

လူ နှင့် ပါတ်ဝန်းကျင် တို့၏ ကိစ္စသည်လည်း အရေးပါလာပြန်၏။ ပတ်ဝန်းကျင် ဆိုရာတွင်- ထိုသူ ကြီးပြင်းရာ ဒေသ၊ ထိုဒေသ ရှိ လူတို့၏ စရိုက် နှင့် အသိဥာဏ် အနေအထား၊ ခေတ်ကာလ အနေအထား အားလုံး တို့သည်လည်း- ၄င်းတို့သည်- "ဂတိ ၀ိပတ္တိ ၊ ဂတိ သမ္ပတ္တိ" နှင့် "ကာလ ၀ိပတ္တိ၊ ကာလ သမ္ပတ္တိ" တို့ကို ဆိုလိုရင်း ဖြစ်၏။

ကျွန်တော့် အနေဖြင့် ဗေဒင် ဆောင်းပါးများ ရေးသားရာတွင်- စာဖတ်သူ အားလုံးတို့အား- ဗေဒင် ကို ယုံလာ စေရန် တိုက်တွန်း ခြင်း ရည်ရွယ်ရင်း မရှိပါ။ ကျွန်တော့် ဆီတွင် ဗေဒင် လာကြည့်စေရန် ရည်ရွယ်၍ ရေးသားခြင်း မျိုးလည်း မဟုတ်ပါ။ ဗေဒင်သည် ရှေးကံ ကြောင့် ဖြစ်လာ စေနိုင်သော အနေအထား ကိုသာ ပြဆို နိုင်၍- လူတိုင်းသည် မိမိ ၏ ရှေ့ဆက်ရမည့် ကံကြမ္မာကို မိမိ ရေးသား နိုင်ရန်၊ မိမိ အနေဖြင့်- မကောင်းသော အခြေ အနေ တစ်ရပ်မှ ကောင်းသော အခြေ အနေ တို့သို့ ဆက်လက် ချီတက်နိုင်ရန်၊ ရှေးပညာရှိ များ၏ ပညာရပ် ကို တန်ဘိုးထား နားလည် စေရန် သာ ရည်ရွယ်၍ ရေးသားခြင်းသာ ဖြစ်ပါသည်။

ဆက်ဒမ် ဟူစိန် သည် - အတိတ် ကံ တို့၏ အကျိုးပေး ကြောင့်- ကောင်းခြင်း၊ ဆိုးခြင်း ဖြစ်လာ နိုင်စရာ အနေအထားများ၊ ရွေးချယ်လိုက ရွေးချယ် နိုင်ခွင့် များ ရှိခဲ့သော်လည်း- ၄င်း ရွေးချယ် လျှောက်လှမ်း ခဲ့သည့် လမ်းသည်- သူ ၏ ယခု ဘ၀ ဇတ်သိမ်း နှင့် နောင်သံသရာကို အဆုံး အဖြတ် ပေးသွားကြောင်းကို စာရှုသူများ နားလည် စေလိုပါသည်။

အားလုံး ချမ်းမြေ့ကြပါစေ။

နျူမာန် (မိုးတား) motaa.info