Sunday, February 20, 2011

ယုံကြည်မှု၊ ကြောင်းကျိုးတရား နှင့် အစွန်းရောက်မှုများ။

နိုင်ငံတိုင်း၊ ဒေသတိုင်း၊ လူမျိုးတိုင်း၊ လူမျိုးစုတိုင်း တို့တွင် ရိုးရာ ယဉ်ကျေးမှု ထုံးတမ်းစဉ်လာ အရ- ယုံကြည် မှုများ ရှိစမြဲပါပေ။

  •  ရှေးခေတ် အီဂျစ်လူမျိုး တို့အနေဖြင့် ဖာရိုဘုရင် တို့သည် နေနတ်သားမှ ဆင်းသက် လာသည် ဟူ၍ လည်းကောင်း၊
  •  ရှေးခေတ် အက်ဇ်တက် Aztec လူမျိုးတို့အနေဖြင့် နတ်မင်းတို့အား လူ၏ နှလုံးသားဖြင့် ယဇ်ပူဇော် ရမည် ဟူ၍ လည်းကောင်း၊
  •  အနောက်တိုင်း ကလေးငယ်တို့ အနေဖြင့်- ခရစ်စမတ် ကာလတွင် စင်တာ ကလေ့ာ ကြီး အမှန်တကယ်ပင် ကောင်းကင်မှ ဆင်းသက်လာ၍ လက်ဆောင် ပစ္စည်းများကို လာပို့ ပေးသည် ဟူ၍ လည်းကောင်း၊
  •  အနောက်တိုင်း သား အချို့ အနေဖြင့် နံပါတ် ၁၃ သည် ကံမကောင်းသော ဂဏန်း၊ ၆၆၆- သည် မိစ္ဆာတို့နှင့် ဆိုင်သော ဂဏန်း စသည်ဖြင့် ယုံကြည် သကဲ့သို့၊
  •  တရုပ် လူမျိုးတို့ကလည်း ၄ ဂဏန်းသည် မကောင်း၊ ၈-ဂဏန်း သည် ကောင်း၏ ဟု လည်းကောင်း၊
- စသည်ဖြင့် မျိုးစုံ ယုံကြည် ထားတတ်ကြပါသည်။

အချို့သော ယုံကြည်မှုတို့သည် ထုံးတမ်းစဉ်လာ (Tradition) အနေဖြင့် လည်းကောင်း၊ အချို့တို့သည် ဓလေ့ထုံးစံ (custom) အနေဖြင့် လည်းကောင်း၊ အချို့သည် ယုံကြည် သက်ဝင်မှု အနေအထား (belief) အနေဖြင့် လည်းကောင်း၊ အချို့သည် အစွဲအလမ်း (superstition) အနေဖြင့် လည်းကောင်း၊ အချို့သည် အယူသည်းမှု (fanatic ) အနေဖြင့် လည်းကောင်း လူသားတို့ အကြားတွင် ပြန့်နှံ့ တည်ရှိနေပါသည်။

ကျွန်တော်တို့ မြန်မာလူမျိုး တို့သည်လည်း- မိမိတို့ ကြီးပြင်းခဲ့ရာ အချိန်ကာလ အပိုင်းအခြား၊ အသက်အရွယ် အလိုက်၊ ဒေသ အလိုက်၊ မျိုးရိုး အလိုက် သက်ဆိုင်ရာ ယုံကြည်မှုများ ရှိခဲ့ကြ ပါ၏။

ဥပမာ
- အချို့သော သူများသည် တန်ခူး သာလှ၊ ထွန်းပ ကဆုန် စသော- အစဉ် အလာဖြင့် ရက်ရာဇာ ကိုရွေး၊ ပြဿဒါး ကို ရှောင်၍ အလုပ်လုပ်တတ်၏။
- အချို့က အရေးကြီးသော နေ့များဆိုလျှင် တနင်္လာနေ့ကို အလုပ်မလုပ်လို၊
- အချို့က “တ၊တန်၊ က၊ နောက်။ န၊ ၀ါ၊ ၀ါ၊ မြောက်။ တော်၊ ကျွတ်၊ မုန်း၊ ရှေ့။ နတ်၊ ပြာ၊ တွဲ၊ တောင်၊ လူတို့ဘောင် ရှောင်ရန် နဂါးလှည့်” ဆိုသည့် နဂါးခေါင်း လှည့် အတိုင်း ခရီးသွားရမည့် အရပ်မျက်နှာကို နဂါးလှည့် သင့်မသင့် စစ်ဆေးတတ်ကြပါ၏။
- မြန်မာ နိုင်ငံ အောက်ပိုင်း ဒေသများတွင် ရေငန်ပိုင် ဦးရှင်ကြီးကို ၀ါဝင်၊ ၀ါထွက် ပူဇော် တတ်ကြသလို- မြန်မာ အလယ်ပိုင်းတွင် မြင်းဖြူရှင် စသည်ဖြင့် ဒေသ အလိုက် များစွာသော ယုံကြည်မှုများ ရှိတတ်ကြပါ၏။
- အခြားခြား သော ယုံကြည်မှု- လိုက်နာမှု၊ ဓလေ့ ထုံးတမ်းများ မရေမတွက် နိုင်အောင် ရှိနေကြ ပါသေးသည်။

ထုံတမ်းစဉ်လာ၊ ရိုးရာ ဓလေ့ လိုက်နာမှုတို့သည် ယဉ်ကျေးမှု၏ အစိတ်အပိုင်း၏ ဖြစ်၏။ ယဉ်ကျေးမှုသည် လူမျိုး၏ အဆင့်အတန်း ဖြစ်၏

ယဉ်ကျေးမှုသည် မိမိလူမျိုး၏ ကိုယ်ပိုင်မူ ကိုယ်ပိုင်ဟန် ဖြစ်၏။ ဥပမာ အားဖြင့်- မြန်မာ့ ရိုးရာ သင်္ကြန်သည် မြန်မာတိုင်းက ဂုဏ်ယူရသော ထုံးတမ်း အစဉ်အလာ ယဉ်ကျေးမှုဖြစ်၏။ ထိုနည်းတူ မြန်မာ နိုင်ငံတွင် တွေ့ရတတ်သော နတ် ကန္နားပွဲ တို့သည်လည်း နိုင်ငံခြားသား များက စိတ်ဝင်စားရသော ယုံကြည်မှု ဓလေ့ တစ်ခု ဖြစ်၏။

ထုံးတမ်းစဉ်လာ ယုံကြည်မှုများသည်- အခြား မည်သူတစ်ဦး တစ်ယောက်ကိုမျှ မထိခိုက် မပျက်စီး စေသည့် ယုံကြည်မှု ထုံးတမ်း များဖြစ်နေလျှင်- အခြားသူများ အနေဖြင့် မယုံကြည် လက်မခံလျှင် နေ- ထိုယုံကြည် လက်ခံမှုများကိုမူ အထင်သေး၊ အမြင်သေး တိုက်ခိုက် ကဲ့ရဲခြင်း မှာ မပြုသင့်သော ကိစ္စများ ဖြစ်ပါ၏။

အမျိုးသား ပညာဝန်ဟောင်း ဆရာကြီး ဦးဖိုးကျားကလည်း- သူ၏ အတွေ့အကြုံများထဲတွင် တစ်ဦး တစ်ယောက်၏ ယုံကြည်မှုကို မကဲ့ရဲ့ မတိုက်ခိုက်သင့်ကြောင်း ရေးသား ဖေါ်ပြခဲ့ပါသည်။

အန္တရာယ် ကင်းသည်ဟု သူ့ အနေဖြင့် ယုံကြည်ထားသော ဂါထာ လေး တစ်ခုကို အမြဲမပြတ် ရွတ်ဆို နေသူ တစ်ဦးကို မြင်တွေ့ပြီးနောက်- ထိုဂါထာသည် ဘုရားဟော မဟုတ်၊ ပါဠိ ပါဌ်သားများ မမှန်သော ဂါထာဖြစ်သည် စသည်ဖြင့် ထိုသူ၏ အားကိုးရာ ယုံကြည်မှု ကို တိုက်ခိုက် ဝေဘန်ခြင်းဖြင့် ထိုသူ့တွင် ရော၊ မိမိတွင်ပါ အကျိုးရှိနိုင် ပါ၏လား၊

ထိုသူ့ ခမှာ- မိမိလောက် ဗဟုသုတ မရှိသော သူဖြစ်ခဲ့ယင်- သူ၏ ယုံကြည် အားထားမှုတို့ ပျက်စီး သွား၍ အားကိုးရာ မဲ့သွားပါလိမ့်မည်။ စိတ်ဓါတ်ပိုင်းဆိုင်ရာ ထိခိုက်မှု ဖြစ်သွား ပါလိမ့်မည်။ အကယ်၍ ထိုသူသည် အဝေဘန် မခံသူဖြစ်လျှင် ဤနေရာတွင် ပြောသူနှင့် အခြေအတင် ပြဿနာ ဖြစ်တော့မည် ဖြစ်သည်။

ယုံကြည်မှု တို့သည်- တစ်ချိန်က ဖြစ်ပွား ပေါ်ပေါက်ခဲ့သော၊ တိုက်ဆိုင် ခဲ့သော အကြောင်း ချင်းရာ တို့ကို အမှီပြု၍ ဖြစ်ပေါ် လာခဲ့ကြခြင်းဖြစ်ရာ- ထိုကဲ့သို့ အခြေအနေ၊ ထိုကဲ့သို့ သော အကြောင်း ချင်းရာ တို့ မရှိသော အချိန် ကာလသို့ရောက်လာသော အခါ မည်သည့် အကြောင်း များကို အခြေခံ၍ ထိုယုံကြည်မှု အစွဲတို့ ဖြစ်လာရခြင်းကိုပင် ပြန်လည် ဆန်းစစ်၍ မရလာသော အခြေအနေသို့ ရောက်လာ တတ်ပါ၏။

အနောက်နိုင်ငံ တစ်ခုတွင် မျောက် ၅-ကောင်ကို လှောင်ချိုင့် တစ်ခုတွင် ထား၍ စမ်းသပ်မှု တစ်ခု ပြုလုပ် ခဲ့ကြသည်။
ပထမ ဦးစွာ မျောက် ၅-ကောင်ကို လှေခါးတစ်ခု ရှိသော လှောင်ချိုင့်တွင် ထည့်ထား၍ - ရေခဲ တမျှ အေးစက်သော ရေဖျန်းနိုင်မည့် ရေပိုက်ကို အဆင်သင့် ထားရှိသည်။
ထို့နောက် လှောင်ချိုင့်၏ မျက်နှာကျက်မှ နေ၍ - လှေခါး ၏ အထက်တည့်တည် တွင် ငှက်ပျောခိုင် တစ်ခုကို ချိတ်ဆွဲ လိုက်သည်။
ထင်ထားသည့် အတိုင်း- မျောက် တစ်ကောင်သည် လှေခါးဆီသို့ အပြိုင်အဆိုင် လုတက်၍ ငှက်ပျောခိုင်ကို ယူနိုင်ရန် ကြိုးစားတော့၏။
ထိုမျောက် လှေခါးပေါ်သို့ စတက်သည်နှင့် သုတေသန ပြုသူတို့သည် - အောက်တွင် ကျန်ရစ်ခဲ့သော မျောက် ၄-ကောင်အား ရေခဲရေ ဖြင့် ပက်ဖျန်း ပါတော့သည်။
ဒုတိယ မျောက်တစ်ကောင် လှေခါးပေါ် တက်သော အခါတွင်လည်း - ထိုနည်းတူပင် အောက်တွင် ကျန်သော မျောက်တို့အား ရေခဲရေဖြင့် ဖျန်းပြန်၏။
ထိုစမ်းသပ်မှုကို ထပ်ပြန် တလဲလဲ အကြိမ်များစွာ လုပ်လိုက်သော အခါ မျောက်တို့တွင် သင်ခန်းစာ တစ်ခု ရလာ၏။
ထိုအခါ မိမိတို့ ရေအေးဖြင့် ပက်ဖျန်းခံရခြင်းသည် အခြား မျောက်တစ်ကောင် လှေခါးပေါ် တက်ခြင်းဖြင့် သက်ဆိုင်သည်ဟု မျောက်တို့က လက်တွေ့ သင်ခန်းစာရသွားသဖြင့် လှေခါးပေါ် တက်သော မျောက်ကို ရိုက်ရမည် ဟု နားလည်သွားသကဲ့သို့- မိမိတက်လျှင် လည်း အရိုက်ခံ ရမည်ကို သဘောပေါက် သွားသဖြင့် လှေခါးပေါ်သို့ တက်ရန် မကြိုးစားတော့။

သို့ဖြင့် မျောက် ၅-ကောင် စလုံး ထိုအခြေအနေ ကို နားလည်သွားသော အခါ-

လက်ရှိ မျောက်များအနက်မှ တစ်ကောင်ကို ဖယ်ထုတ်၍ ထိုအကြောင်းကို မသိသေးသော အခြား မျောက် အသစ် တစ်ကောင်ကို ထိုလှောင်ချိုင့်သို့ သွင်း လိုက်သည်။

မျောက်အသစ်သည် ငှက်ပျောခိုင်ကို မြင်သည်နှင့် လှေခါးပေါ်တက်ရန် ကြိုးစားတော့၏။ ထိုအခါ- မိမိတို့ ရေခဲရေဖြင့် အဖြန်းခံရခြင်းကို မဖြစ်လိုသည့် ကျန်မျောက် ၄-ကောင်တို့သည် ထိုမျောက်အား ဆွဲချပြီး ၀ိုင်းဝန်း ရိုတ်ပုတ်တော့သည်။
ထိုမျောက် အသစ်သည် ရေခဲရေဖြင့် အပက်ခံရသည့် စမ်းသပ်မှုကိုလည်း မသိခဲ့၊ သို့သော် သူသိ လိုက်သည်က - သူလှေခါးပေါ် တက်သည်နှင့် အထုခံ အရိုက်ခံ ရခြင်းဖြစ်၏။ ထို့ကြောင့် သူလည်း အကြောင်းရင်းကို မသိသော်လည်း လှေခါးပေါ်တက်ရန် ထပ်မကြိုးစားရဲတော့။

ထို့နောက်- ရေဖျန်းခြင်း စမ်းသပ်မှုတွင် ပါဝင်ခဲ့သော ကျန် မျောက် ၄-ကောင် အနက်မှ တစ်ကောင်ကို အခြား မျောက်အသစ် တစ်ကောင်နှင့် အစားထိုးလိုက်၏။ ထိုအခါ တွင် ရေခဲရေ အတွေ့အကြုံ မရခဲ့သည့် စောစောက မျောက်ကလည်း ကျန်မျောက်တို့နှင့် အတူရော၍- လှေခါးပေါ်တက်သော မျောက်အသစ် အား ၀ိုင်းဝန်း ရိုတ်ပုတ်၏။

သေချာပြီးနောက်- ကျန်မျောက်တို့ကိုလည်း - မျောက်အသစ်တို့ဖြင့် တစ်ဆင့်ချင်း အစားထိုး သွား၏။

သို့ဖြင့်ပင်- လှောင်ချိုင့်ထဲတွင် ရေခဲရေဖြင့် စမ်းသပ်ခြင်းတွင် မပါဝင်ခဲ့သော မျောက်အားလုံး ကုန်သွားပြီး- ရေခဲရေ အကြောင်းကို မသိသည့် မျောက်တို့ချည်းသာ ဖြစ်သွား၏။
သို့သော် ထိုမျောက်တို့ သိသွားသည်မှာကား- လှေခါးပေါ် မတက်ရ၊ တက်လျှင် အားလုံး၏ ၀ိုင်းဝန်း ရိုက်ပုတ်ခြင်း ခံရမည် ဖြစ်သည်ဟု ဖြစ်၏။

သို့ဖြင့်ပင်- မည်သို့သော အကြောင်းရင်း သေသေချာချာ မသိရှိပဲ လျှက် - မျောက်တို့တွင် ဤအချက်သည် ဥပဒေ ဓလေ့ ထုံးစံ အဖြစ်သို့ရောက်သွား၏။

ထိုအချက်သည် မည်သည်ကို ဖေါ်ပြနေပါသနည်း။

မည်သို့ မလုပ်ရ၊ မည်သို့ လုပ်ရမည် ဆိုသော ထုံးတမ်း ဓလေ့တို့သည် တစ်ချိန်က အတွေ့အကြုံ တစ်ခု နှင့် သက်ဆိုင် ခဲ့၏။ ထိုအတွေ့အကြုံ မရှိတော့သော်လည်း- လက်ဆင့်ကမ်း လိုက်ခဲ့ခြင်းဖြင့် ရိုးရာ ထုံးတမ်းတို့ ဖြစ်လာခဲ့ရ၏။

ထို့ကြောင့် မိမိ အနေဖြင့် အကြောင်းရင်းကို မမြင်သိ နားမလည်နိုင်ပါပဲလျှက် - ထိုဓလေ့ ထုံးစံ ကို ရှုံ့ချ ခြင်းသည်ကား - ကောင်းမွန်သော လုပ်ရပ် မဟုတ်ပါပေ။ အတိတ် အကြောင်း ရှိခဲ့ပါ၏။ အတိတ်က တွေ့ကြုံခဲ့သူတို့က - ကောက်ချက်ဆွဲ ယုံကြည်လာခဲ့ကြခြင်း ဖြစ်၏။

သို့သော်-အချို့သော ယုံကြည်မှုတို့သည် အစွန်းရောက်သွားသော အခါ-

အိန္ဒိယ နိုင်ငံ ကျေးရွာလေး တစ်ခုတွင် ၀မ်းနည်းကြေကွဲ ဘွယ် ဖြစ်ရပ်တစ်ခု ဖြစ်ပွားခဲ့၏။
များစွာသော ဘာသာရေး ယုံကြည်မှု၊ ရွာထုံးစံ၊ လူမျိုး ထုံးစံ မတူညီမှု တို့ဖြင့် ဖွဲ့စည်း ထားသော အိန္ဒိယတွင်- အချို့သော ကျေးရွာများတွင် မိမိရွာသူ၊ ရွာသား အချင်းချင်း ချစ်ကြိုက်ခြင်း၊ အိမ်ထောင်ပြုခြင်း မပြုလုပ်ရ ဆိုသော သတ်မှတ်ချက် ရှိသော ရွာအချို့ ရှိသကဲ့သို့၊ မိမိရွာသား ချင်းသာ အိမ်ထောင်ပြုရမည်၊ ပြင်ပ သူစိမ်းနှင့် ချစ်ကြိုက်ချင်း မပြုရ ဆိုသော ရွာများလည်း ရှိပါသည်။

ထိုကြေကွဲဘွယ် ဖြစ်ရပ် ဖြစ်ပွားခဲ့သော ရွာလေးမှာကား- မိမိရွာသူ၊ ရွာသား အချင်းချင်း ချစ်ကြိုက်ခြင်း၊ အိမ်ထောင်ပြုခြင်း မပြုလုပ်ရ ဆိုသော သတ်မှတ်ချက်ရှိသော ရွာတစ်ရွာ ဖြစ်ပါ၏။

ထိုရွာလေးတွင် လူငယ်လေး တစ်ယောက်နှင့် ရွာသူ မိန်းကလေးတို့ လူငယ်တို့ သဘာဝ အတိုင်း ချစ်ကြိုးသွယ် မိသွား၏။

သို့သော် တစ်ရွာသားချင်း မချစ်ကြိုက်ရဆိုသော ရွာထုံးစံကြောင့် လျှို့ဝှက်စွာ နေထိုင် ခဲ့ကြပြီး- နောက်ဆုံး တစ်နေ့တွင် ကောင်လေးက ကောင်မလေးအား ခိုးပြေးသွား၏။ ကောင်လေး၏ ညီအကို ၀မ်းကွဲ အိမ်တွင် ယာယီ ပုန်းအောင်းနေခိုက် - ၂-ဘက်မိဘ များနှင့် ရွာလူကြီးများ သိသွားပြီး- ထိုအိမ်အရောက် လိုက်လာခဲ့ကြတော့သည်။

ရွာထုံးစံကို ဖေါက်ဖျက်သော မိန်းကလေးအား - မိမိ၏ အရှက် ကို ကာကွယ်သည့် အနေဖြင့် (Honor Killing) မိန်းကလေး၏ ဘခင် ကိုယ်တိုင်- ဦးခေါင်းကို ရိုက်ခွဲ အဆုံးစီရင် လိုက်သည်သာ မက- ရွာသား လူငယ်လေး အားလည်း- ကျန်ရွာသူ ရွာသားများက ဘ၀ ဇတ်သိမ်း ပေးလိုက်ကြပါသည်။

သတင်းအရ ရွာသို့ ရောက်လာသော သတင်းထောက်မှ ထိုဖြစ်ရပ်ကို စိတ်မကောင်းစွာဖြင့် မေးကြည့် သောအခါ- ကျေးရွာမှ တာဝန်ရှိ ပုလိပ်အရာရှိမှ ပြောပြခဲ့သည်မှာ- “ဒီကိစ္စဟာ မဖြစ်သင့်တဲ့ ကိစ္စရပ် တစ်ခုပါပဲ- အခုမှပဲ ပြီးသွားတော့တယ်” ဟု ပြောကြားခဲ့ပါသည်။ သူဆိုလိုသော “မဖြစ်သင့်တဲ့ ကိစ္စရပ်” ဆိုသော စကားသည်- ကောင်လေး နှင့် ကောင်မလေး တို့အား ဥပဒေ မဲ့ စီစဉ်ခဲ့ကြခြင်းကို ဆိုလိုခြင်း မဟုတ်သည်ကို နောက်ဆက်တွဲ စကားအရ သတိထားမိ နိုင်ပါသည်။

ဟုတ်ပါပြီ။ သို့ဆိုလျှင် အချို့သော အယူအဆ တို့သည် - အစွန်းရောက်သွားပါက အခြားသူများ အတွက် အန္တရာယ် ဖြစ်စေတတ်သည်ကို နားလည်မည် ဆိုလျှင်-အောက်ပါ တို့သည် သာဓကများ ဖြစ်၏။

  • တစ်ချိန်က လူများအား သတ်ဖြတ်၍ ယဇ်ပူဇော်ခြင်း ဆိုသော ယုံကြည်မှုမျိုး။
  • အနောက်တိုင်း ဘာသာရေး အစွန်းရောက်တို့ကြောင့် အကြားအမြင် ရသော အမျိုးသမီးများအား စုန်းဟု ယိုးစွပ်၍ အရှင်လတ်လတ် မီးရှို့သတ်ဖြတ်ခဲ့ခြင်းများ၊ (ပြင်သစ် အာဇာနည် အမျိုးသမီး ဂျုန်းသည်လည်း ထိုကဲ့သို့ အသတ်ခံခဲ့ရခြင်းဖြစ်၏။ သို့သော် ဤသည်ကို သတ်ဖြတ်သည်ဟု မခေါ်ပဲ- Purification ခေါ် အပြစ်ရှိသော ထိုသူ၏ ၀ိညာဉ်အား မီးဖြင့် သန့်စင်ပေးခြင်းဟု သူတို့က ခေါ်ပါ၏။)
  • ဘာသာရေး စစ်ပွဲကြီးများ နှင့် အကြမ်းဘက် လုပ်ဆောင်မှုများ။
နောက်တစ်ဆင့် ထပ်ကြည့်လိုက်ပါစို့- တစ်ချို့သော အယူအဆ များသည် တိုက်ရိုက် အန္တရာယ် မရှိသော်လည်း- လူအများ၏ အန္တရာယ် ကျရောက်မှုကို ကာကွယ်ခြင်းအား ဟန့်တား ပိတ်ပင်ခြင်းဖြင့် - ဖြစ်ပေါ်လာသော အန္တရာယ်၏ ပမာဏကို ပို၍ ကြီးကျယ် စေခြင်း မျိုးများ ဖြစ်သည်။

နိုင်ငံတကာ တွင် Fire Drill ခေါ် မီးလောင်ခြင်း အရေးပေါ်ကိစ္စ ဖြစ်လာလျှင် မည်သို့ ပြုလုပ်မည် နည်းကို လေ့ကျင့်ကြရ၏။ ရုံးများ၊ ကုမ္ပဏီများ၊ တွင် ပုံမှန် လုပ်ဆောင်ကြရ၏။ ယခု အခါ အကြမ်းဘက်သမားများမှ ဓါတု လက်နက် တို့ဖြင့် တိုက်ခိုက်လာလျှင် သာမာန် ပြည်သူ တို့ အနေဖြင့် မည်သို့ လုပ်ဆောင်ရမည် ကို သိရှိ နားလည်ရန် Drill များ လုပ်ဆောင်ကြ၏။ အခြားနိုင်ငံမှ မိမိအား အဝေးရောက် ဒုံးကျည် ဖြင့် တိုက်ခိုက်လာလျှင် တုန့်ပြန် နိုင်စေရန် War Game Drill များဖြင့် ကြိုတင် ပြင်ဆင်ကြ၏။

ဤလေ့ကျင့်ခန်း Drill တို့သည် မီးလောင်ခြင်း၊ ဓါတုလက်နက် အတိုက်ခိုက်ခံရခြင်း၊ စသည်တို့ ဖြစ်စေသော နိမိတ်များလား။ ထို လေ့ကျင့်ခန်း တို့သည် ဆိုးခြင်းကို ဖြစ်သော အကြောင်း တရားများလား၊ ဆိုးခြင်းမှ ကာကွယ်နိုင်ရန်၊ ထိခိုက်မှု နည်းပါးစေရန် ဖြစ်စေသော အကြောင်း တရားများလား ဆိုသည်ကိုတော့ ဦးစွာ စောကြောသင့်၏။

မဂ္ဂဇင်း ဆောင်းပါး အချို့တွင် - မီးသတ်ကားကို ရေဖြည့်ထား၊ ဆီဖြည့်ထား၊ ပန့်များ အလုပ် လုပ်မလုပ် စစ်ဆေး ထားမည် ဆိုပါက မီးလောင်မှု ဖြစ်တတ်သည် ဆိုသော ရေးသားချက် များကို ဖတ်မှတ်ဘူးပါသည်။

သို့ဆိုလျှင်- ထိုယုံကြည်မှုကို လိုက်နာမည် ဆိုပါက အောက်ပါတို့ကို ဦးစွာ စစ်ဆေး သင့်ပါသည်။

  •  ထိုယုံကြည်မှု အတိုင်း လိုက်နာသော တနည်းအားဖြင့် မီးသတ်ကားကို အဆင်သင့် မလုပ်ထားလျှင် မီးလောင်မှု အမှန်တကယ် နည်းနိုင်၏ မနည်းနိုင်၏ ကို- ထိုယုံကြည်မှု လိုက်နာသော ဒေသ တွင် ဖြစ်ပွားသော မီးလောင်မှု အကြိမ် အရေအတွက်နှင့် လက်ရှိ မီးသုံးစွဲသော ပမာဏ အချိုး နှင့် အခြားနိုင်ငံများတွင် ဖြစ်ပွားသော မီးလောင်မှု အကြိမ် အရေအတွက် မီးသုံးစွဲ သော ပမာဏ အချိုးအစား- မည်သည်က ပိုများ ပါသနည်း။
  • မီးလောင်မှု အချိုးချင်း တူညီပါက- မည်သည်က ပို၍ ဆုံးရှုံးမှုကို ဖြစ်စေပါသနည်း။
  • မီးလောင်မှု အချိုးချင်း တူညီပါက- မည်သည်က ပို၍ အသက်အန္တရာယ် ထိခိုက်မှုကို ဖြစ်စေ ပါသနည်း။
သဘာဝ ယုတ္တိကျကျဖြင့် စဉ်းစား စေလိုပါသည်။ ဗုဒ္ဓဘာသာ သည် အခြားဘာသာများကဲ့သို့ ယုံကြည်ရုံ သက်သက်မျှသာ မဟုတ်ပဲ- အကြောင်းတရား တို့ကြောင့် အကျိုးတရားများကို ဖြစ်စေသော ၀ါဒ ဖြစ်ရာ- ဗုဒ္ဓဘာသာဝင် မြန်မာ လူမျိုးတို့သည် အကြောင်း အကျိုးကို ပို၍ပင် နားလည် သင့်ပါသေးသည်။

တစ်ဖန်- မီးသတ်ကား ကို အဆင်သင့် လုပ်ထားသော နေ့တွင် မီးလောင်မှု ဖြစ်ပွားရခြင်း တို့ကို တိုက်ဆိုင်စွာ ကြုံရပါက- 


  • ထိုမီးသတ် ၀န်ထမ်း ၏ မသိစိတ် Unconscious mind တွင် မီးလောင်မှု ဖြစ်လာမည်ကို အလိုအလျောက် အာရုံရခြင်း déjà vu ဖြစ်နေခြင်း မဖြစ်နိုင်ပေ ဘူးလား။
  • ရေကြီးသော နှစ်များတွင် စာဝတီး တို့သည် အသိုက်များ မြင့်မြင့် ဆောက်တတ်ခြင်းကို ဒီရေရောက် ကျေးရွာတို့မှ လူအများ သိထားတတ်ကြပါသည်။ စာဝတီး အသိုက် မြင့်မြင့် ဆောက်၍ ရေကြီးခြင်းလား၊ ရေကြီးမည်ကို တိရစ္ဆာန် တို့၏ Instinct တွင် အာရုံရ၍ အသိုက် မြင့်မြင့် ဆောက်ကြခြင်းလား။
  • ဂျပန် နိုင်ငံတွင် ငလျင်ကြီးများ မလှုပ်ခင် တွင် ငါးများသည် ကမ်းခြေသို့ ထူးခြားစွာ ရောက်လာ တတ်ခြင်း တို့ မြင်ရတတ်လေရာ- ငါးများ ကမ်းခြေ လာခြင်းသည် ငလျင် လှုပ်စေရန် ဖြစ်စေသော အကြောင်းတရားလား၊ ငလျင်လှုပ်မည်ကို ငါးများက ကြို၍ သိခြင်းလား စသည်တို့ကို သဘာဝ ကျကျ စဉ်းစား သင့်ကြပါသည်။
အရာ အားလုံးတို့သည် အကြောင်းတရား တို့ပေါ်သာလျှင် မှီခိုပါသည်။ အကြောင်းမဲ့ ဖြစ်ခြင်း၊ ပျက်ခြင်း တစ်ခုမှ မရှိပါ။ သို့သော် မည်သည်က အကြောင်းတရား အရင်းအမြစ် ဖြစ်နိုင်သည်ကို လည်းကောင်း၊ ထိုအစွဲသည် အကျိုးရှိမရှိ၊ အကျိုးပျက် မပျက် ဖြစ်နိုင်သည်ကို လည်းကောင်း စောကြောသင့်ပါသည်။

သို့ဆိုလျှင် မလိုအပ်သော အစွဲများ၊ အန္တရာယ် ဖြစ်ခြင်းကို ကာကွယ်ခြင်းမှ ဟန့်တားသော အစွဲများကို ဆက်လက် ကိုင်တွယ် ထားသင့်ကြပါသလား။

အားလုံး ချမ်းမြေ့ပါစေ။
နျူမာန် (မိုးတား)

[+/-] show/hide this post

Tuesday, February 15, 2011

ပြည်သူချစ်သော အင်ဒီရာ (သို့မဟုတ်) ပရိဝတ္တန ယောဂ သုံးထပ်ကွမ်း ပိုင်ရှင် အမျိုးသမီး ၀န်ကြီးချုပ်

အိန္ဒိယ နိုင်ငံ၏ ချစ်သမီး အင်ဒီရာ၊ ပြည်သူတို့၏ အမိ သဘွယ် လေးစား ချစ်ခင်ခြင်း ခံရသော - အမျိုးသမီး ၀န်ကြီးချုပ် ဖြစ်လာမည့် အင်ဒီရာ ဂန္ဒီကို- အိန္ဒိယ နိုင်ငံ၊ အလာဟာဘတ် မြို့တွင်- ၁၉၁၇-ခုနှစ်၊ နိုဝင်ဘာလ ၁၉-ရက်၊ ည ၁၁း ၁၁ - ၌ ဖခင် ဖြစ်သူ ဂျဝါဟလာ နေရူးနှင့် မိခင်ဖြစ်သူ ကာမလာ နေရူးတို့မှ မွေးဖွား သန့်စင်ခဲ့သည်။

  • အခြေခံ ပညာ အောင်မြင်ပြီးနောက် ၁၉၃၄-၃၅ ခုနှစ်တွင် အိန္ဒိယ စာဆိုတော်ကြီး ရာဘိန္ဒြာ နတ်သ်ဂိုး တည်ထောင်ခဲ့သော ကျောင်း တွင် ဆက်လက် ပညာ သင်ကြားခဲ့သည်။ ထို့နောက် အင်္ဂလန် နိုင်ငံ၊ အောက်စ်ဖို့ဒ် တက္ကသိုလ် ၀င်ခွင့် စာမေးပွဲကို ဖြေဆို ခဲ့သော်လည်း - မအောင်မြင် သဖြင့် ၀င်ခွင့်မရခဲ့။ ၁၉၃၇-တွင်မှာ အောက်စ်ဖို့ဒ် တက္ကသိုလ်၊ ဆိုမာ ဗီလီး ကောလိပ်တွင် ပညာသင်ခွင့် ရခဲ့၏။ နောင်တွင် ခင်ပွန်းဖြစ်လာမည့် ဖာရိုးဇီ ဂန္ဒီနှင့် ဤကာလတွင်ပင် ဆုံတွေ့ခဲ့၏။ သို့နှင့်ပင် ၁၉၄၂-ခုနှစ်တွင် သူတို့ ၂-ဦး လက်ထပ်ဖြစ်ခဲ့ကြသည်။
  • ၁၉၄၁-တွင် အိန္ဒိယသို့ ပြန်ရောက်ကတည်းက အိန္ဒိယ နိုင်ငံလွတ်လပ်ရေးတွင် ပါဝင် ဆောင်ရွက်ခဲ့သည်။
  • ၁၉၆၄-တွင် ဖခင်ဖြစ်သူ နေရူး ဆုံးပါးပြီးနောက် - အထက်လွှတ်တော် အမတ်တစ်ဦး ဖြစ်လာ၍၊ သတင်းနှင့် ပြန်ကြားရေး ၀န်ကြီး တာဝန်များ ဆောင်ရွက် ခဲ့သည်။ အခြားသော ဘဏ္ဍာရေး ၀န်ကြီး တာဝန်၊ ပြည်ပရေးရာ ၀န်ကြီး တာဝန်များကို ဆက်လက် ထမ်းဆောင်ခဲ့၏။
  • ၁၉၆၆ ခုနှစ်၊ ဇန်န၀ါရီ ၂၄ မှ ၁၉၇၇ မတ်လ ၂၄ အထိ ၀န်ကြီးချုပ် အဖြစ် ပထမ အကြိမ် သက်တမ်း တာဝန်ကို ထမ်းဆောင်ခဲ့ရ၏။ အိန္ဒိယ နိုင်ငံ၏ တတိယ မြောက် ၀န်ကြီး ဖြစ်ပြီး- ထိုအချိန်ကာလက အမျိုးသမီးများ အား - အိမ်ထောင်ရှင်မ အဖြစ်သာ သဘောထားသော အိန္ဒိယ တွင် ပထမဆုံးသော ၀န်ကြီးချုပ် ဖြစ်ခဲ့၏။
  • သို့သော်- နိုဝင်ဘာလ ၁၉၆၉ တွင် - ပါတီ၏ စည်းကမ်းများကို မလိုက်နာမှု ဖြင့် ထိုအချိန်က ကွန်ဂရက်ပါတီ ဥက္ကဌ ဖြစ်နေသူ အင်ဒီရာအား ကွန်ဂရက် ပါတီမှ ထုတ်ပယ်ခြင်း ခံခဲ့ရသည်။ အင်ဒီရာသည် ကွန်ဂရက် (အာရ်) Requisition ဆိုသော ပြိုင်ဘက် ပါတီကို တည်ထောင်ခဲ့ခြင်းဖြင့် ပါတီ ၂-ပိုင်းကွဲသွားသည်။ မူလ ကွန်ဂရက် ပါတီ ကော်မီတီမှ အဖွဲ့ဝင် ၇၀၅ ဦးမှ ၄၄၆ ဦးသည် အင်ဒီရာတည်ထောင်သော ကွန်ဂရက် ပါတီ အသစ် နယူး ကွန်ဂရက် ပါတီ သို့ ပြောင်းရွှေ.လာခဲ့သည်။
  • ၁၉၈၀ ဇန်န၀ါရီလ တွင် အင်ဒီရာသည် ၀န်ကြီးချုပ် အဖြစ် ဒုတိယ အကြိမ် ပြန်လည် ရရှိခဲ့သည်။ သို့သော် ထက်မြက်သော သားငယ်ဖြစ်သူ ဆန်ဂျေးသည် တရားဝင် ၀န်ကြီး မဟုတ်သေးသော်လည်း တန်ခိုးပါဝါ အပြကောင်း ခဲ့သဖြင့် - အဆင့်မြင့် ၀န်ကြီးများ၊ ကက်ဘီနက် ၀န်ကြီးများစွာတို့- အင်ဒီရာ အနေဖြင့် မိမိတို့ မပျော်ပိုက်ကြောင်း သိစေရန် ဆန္ဒပြသည့် အနေဖြင့် ရာထူးများမှ နှုတ်ထွက်ခဲ့ ကြသည်။ သားငယ် ဆန်ဂျေး သည် ၁၉၈၀ ဇွန်လ ၂၃-ရက်တွင် လေယာဉ် ပျက်ကျပြီး ကွယ်လွန် ခဲ့သည်။
  • ၁၉၈၄-ခုနှစ်၊ ဇွန်လ ၆-ရက်နေ့ တွင် ဖြစ်ပွားခဲ့သော ပန်ဂျပ်ပြည်၊ ရွှေကျောင်း အရေး အခင်း ကိုင်တွယ်ပုံ နှင့် ပတ်သက်၍ မကျေနပ်သော သူမ၏ ဆစ်ခ် လူမျိုး ကိုယ်ရံတော် နှစ်ဦးမှ သူမအား ၁၉၈၄-ခုနှစ်၊ အောက်တိုဘာလ ၃၁-ရက်တွင် ပူးပေါင်း လုပ်ကြံခဲ့ကြ၏။

 ဤသည်ကား အင်ဒီရာ ဘ၀ မှ အချက်အလက် အချို့ ဖြစ်၏။ အပြည့်အစုံကို http://en.wikipedia.org/wiki/Indira_Gandhi တွင် လေ့လာနိုင်ပါသည်။

ပရိဝတ္တယုဂ် နှင့် အင်ဒီရာ ဂန္ဒီ
ပြီးခဲ့သော ဆောင်းပါး တစ်ခု ဖြစ်သော- “ယုဂ် (သို့မဟုတ်) ကံကြမ္မာကို စစ်ဆေးသော ပုံသေနည်းများ။” ဆောင်းပါး တွင် ပရိဝတ္တယုဂ် အကြောင်းကို ရေးသား ဖေါ်ပြခဲ့ပါသည်။

ပရိဝတ္တန ယောဂ ကို အသေးစိတ် လေ့လာမည် ဆိုလျှင် အမျိုးအစားပေါင်း ၆၆ မျိုးအထိ ရှိပါသည်။
၎င်းတို့ကို အုပ်စု အနေဖြင့် ရိုးရိုးလေး ခွဲစိတ်သုံးသပ်မည် ဆိုပါက- အောက်ပါ အတိုင်း အုပ်စု သုံးမျိုးကို တွေ့ကြ ရပါမည်။
  • (၁) ကောင်းသော ဘာဝ အိမ်ရှင်များ အချင်းချင်း - အိမ်ဖလှယ် ရပ်တည်နေကြခြင်း။ ဥပမာ- တြိဂေါဏ အိမ်ရှင်များနှင့် ကိန်း အိမ်ရှင်များ။ (အကောင်းဆုံး အကျိုးပေးသော အနေအထား)
  • (၂) ကောင်းသော ဘာဝ အိမ်ရှင်များနှင့် မကောင်းသော ဘာဝ အိမ်ရှင်များ အိမ်ဖလှယ် ရပ်တည်နေကြခြင်း။ (ကောင်းကျိုး နှင့် ဆိုးကျိုးတို့ကို ယှဉ်တွဲပေးတတ်သော အမျိုးအစား အနေအထား)
  • (၃) ဒုဌာန ဘာဝ အိမ်ရှင် အချင်းချင်း အိမ်ဖလှယ် ရပ်တည်နေကြခြင်း၊ ရှင်းလင်းအောင် ဆိုရလျှင်- အချို့သော ပညာရှင်များ ပြောလေ့ရှိတတ်သည့် မကောင်းသော ဂြိုဟ်များ မကောင်းသော အတန့်တွင် နေလျှင်ကောင်းသည် ဆိုသော- တနည်းအားဖြင့် “၀ိပရိတ္တ ရာဇ ယောဂ” အနေဖြင့်- နှစ်ထပ်ကွမ်း ဖြစ်နေခြင်းကို ဆိုလိုသည်။ မိုးတား MOTAA မူ အနေဖြင့် “၀ိပရိတ္တ ရာဇ ယောဂ” ကို အသိ အမှတ် မပြုပါ။ အဘယ့်ကြောင့် ဆိုသော်- ဂြိုဟ်ဆိုး တစ်လုံးသည် မိမိ အနေဖြင့် ပိုင်ဆိုင် ထားသော အိမ်တွင် ရပ်တည်ခြင်း မဟုတ်ပဲ- အခြား အတန့်ဘာဝ (အခြား ဒုဌာန ဘာဝပင် ဖြစ်လင့် ကစား) တစ်ခုခု၏ အလယ်မှတ် နှင့် နီးစပ်ပါက- ထိုဘာဝ အတန့်အား ဖျက်ဆီး သောကြောင့် ဖြစ်သည်။ မိမိ အနေဖြင့် သခင် အဖြစ် ပိုင်ဆိုင်သော ဘာဝ ကိုမူ မဖျက်ဆီးပါ။

ပြီးခဲ့သော ဆောင်းပါးများ နှင့် သင်ခန်းစာများတွင် ထိုအချက်ကို ရှင်းပြထားချက်များ ပါဝင်ပါသည်။ (ကျမ်းမူများမှ တိုက်ရိုက် ယူသော အဆိုများ အရမူ - ထိုယောဂ ပိုင်ရှင်သည် အစပိုင်းတွင် အခက်အခဲ တို့ကို ရင်ဆိုင် ရသော်လည်း- အလွန်ကောင်းသော အကျိုးများ ပေးသည် ဟု ဆိုထားပါသည်။)
အိန္ဒိယ နိုင်ငံ၏ ၀န်ကြီးချုပ်ဖြစ်ခဲ့သူ အင်ဒီရာ ဂန္ဒီ၏ ဇာတာတွင် အလွန်ထူးခြားသော အနေအထား ရှိပါသည်။

ထိုအချက်မှာ ပရိဝတ္တန ယောဂ (၃) ထပ်ကွမ်း ပါရှိနေခြင်း ဖြစ်ပါ၏။ အောက်တွင် ကြည့်လိုက်ပါ။


ပရိဝတ္တန ယောဂ အမှတ် (၁)။ (မဟာ ပရိဝတ္တန ယောဂ အမျိုးအစား-ဖြစ်သည်။)

လဂ်မှ ၇-တန့်ဘာဝ အိမ်ရှင် (သခင်မဟုတ်ပါ) ဖြစ်သော စနေသည် - လဂ်သခင် ဖြစ်သော တနင်္လာဂြိုဟ်နှင့် ပိုင်ဆိုင်ရာ ရာသီအိမ်ချင်း ဖလှယ်၍ ရပ်တည်နေကြခြင်း ဖြစ်၏။ တနည်းအားဖြင့်- ၇-တန့်ဘာဝ သည် ကိန်းအိမ်ဖြစ်ပြီး၊ ၁-တန့်ဘာဝသည် ကိန်းအိမ်လည်း ဖြစ်၊ တြိဂေါဏ လည်းအိမ်လည်း ဖြစ်သော အိမ်ဖြစ်သည်။
ကိန်းအိမ်ရှင် နှင့် တြိဂေါဏ အိမ်တို့ ဖလှယ်ချင်းကို ဗြို့ဟဇ်ဇာတက ပရာသျှရ ဟောရ သျှတ္တရ ကျမ်း၊ အခန်း ၃၄- ဂါထာ ၁-၁၇ တွင် အောက်ပါ အတိုင်း ဖေါ်ပြထားပါသည်။

If there be an exchange between a Lord of a Kendra and a Lord of a Kona, or if a Lord of a Kendra is yuti with a Lord of a Kona in a Kendra or in a Kona, or if a Lord of a Kona is in a Kendra, or vice versa, or if there happens to be a full Dṛṣṭi between a Lord of a Kendra and a Lord of a Kona, they cause a Yoga. One born in such a Yoga will become a king and be famous.
အံသာ ကို မစစ်ဆေးသော သမားရိုးကျ စစ်ဆေးနည်းများ အရ ဆိုလျှင်- စနေသည် - တနင်္လာဂြိုဟ်နှင့် သမသတ် ရပ်တည်နေခြင်းဖြင့်- ၄င်းတို့ အချင်းချင်း မြင်နေသကဲ့ သို့ပင် ရှိနေသေး၏။

(ဤစစ်ဆေးချက်သည်- သမားရိုးကျ နက္ခတ်စစ်ဆေးသောမူ အရ ဖြစ်၍- မိုးတား MOTAA မူ မဟုတ်ပါ။ အံသာ အနေအထား ကွာဝေးခြင်းဖြင့်- သမသတ် တည်တိုင်း မမြင်သကဲ့သို့- ရာသီ တစ်ခုတည်း ကျတိုင်းလည်း မပူးပါ။ ထို့အပြင်- မိုးတား အနေဖြင့် ဂြိုဟ်တို့၏ စရိုက် သဘာဝ ကို ဆုံးဖြတ်ရာတွင် သခင် ဖြစ်သော ဘာဝ အရသာ ယူ၍- အိမ်ရှင် အနေဖြင့် မယူပါ။ ယခု အနေအထားတွင်- စနေကို ၈-တန့် သခင် အဖြစ်သာ ယူပါသည်။)


ပရိဝတ္တန ယောဂ အမှတ် (၂) (မဟာ ပရိဝတ္တန ယောဂ အမျိုးအစား-ဖြစ်သည်။)
လဂ်မှ ၅-တန့်ဘာဝ အိမ်ရှင် (သခင်မဟုတ်ပါ) ဖြစ်သော အင်္ဂါ သည် - ၂-တန့်ဘာဝ အိမ်ရှင်လည်းဖြစ် (သခင် လည်းဖြစ်သော) ဖြစ်သော တနင်္ဂနွေ ဂြိုဟ်နှင့် ပိုင်ဆိုင်ရာ ရာသီ အိမ်ချင်း ဖလှယ်၍ ရပ်တည် နေကြခြင်း ဖြစ်၏။
အံသာ ကို မစစ်ဆေးသော သမားရိုးကျ စစ်ဆေးနည်းများ အရ ဆိုလျှင်- အင်္ဂါသည် ၄-တန့်ဘာဝ ကို မြင်သည် ဆိုသောကြောင့် - အင်္ဂါမှ တနင်္ဂနွေကို မြင်နေသကဲ့သို့ ပင် ရှိနေသေး၏။ (မိုးတား MOTAA မူ မဟုတ်ပါ။ အံသာ အနေအထား ကွာဝေးခြင်းဖြင့်- သမသတ် တည်တိုင်း မမြင်သကဲ့သို့- ရာသီ တစ်ခုတည်း တည်နေတိုင်းလည်း မပူးပါ။ အင်္ဂါသည် - မိဿ ရာသီ ၁၀-တန့် ဘာဝ ၏ သခင်သာ ဖြစ်ပါသည်။ )

ပရိဝတ္တန ယောဂ အမှတ် (၃) (တိံည ပရိဝတ္တန ယောဂ အမျိုးအစား-ဖြစ်သည်။)

လဂ်မှ ၆-တန့်ဘာဝ အိမ်ရှင်လည်းဖြစ် (သခင် လည်းဖြစ်သော) ဖြစ်သော ကြာသပတေး သည် - ၁၁-တန့်ဘာဝ အိမ်ရှင် ဖြစ်သော (သခင် မဟုတ်ပါ) ဖြစ်သော သောကြာ ဂြိုဟ်နှင့် ပိုင်ဆိုင်ရာ ရာသီ အိမ်ချင်း ဖလှယ်၍ ရပ်တည် နေကြခြင်း ဖြစ်၏။

ပရိဝတ္တန ယောဂ တို့အား အသေးစိတ် လေ့လာခြင်း။

ဦးစွာ ပထမ- ပရိဝတ္တန ယောဂ အမှတ် (၁) ကိုလေ့လာကြပါစို့။

လဂ်မှ ၇-တန့်ဘာဝ အိမ်ရှင် စနေ နှင့် လဂ်သခင် တနင်္လာဂြိုဟ် ပိုင်ဆိုင်ရာ နေရာချင်း ဖလှယ်နေခြင်းကြောင့် ဖြစ်ပေါ်လာသော ယောဂ ဖြစ်ပါ၏။
ဤယောဂ အနေဖြင့် ကောင်းစွာ အလုပ်လုပ်မည် ဆိုပါက - စနေ နှင့် တနင်္လာတို့ ဒဿာ စားသော ကာလများတွင် ကောင်းကျိုးတို့ကို ထင်ရှားစွာရရှိရမည် ဖြစ်ပါသည်။
ပထမ ဦးစွာ အင်ဒီရာ ၂-နှစ် မပြည့်မီ ကလေး အရွယ် (နိုဝင်ဘာလ ၁၉၁၉ မှ စက်တင်ဘာလ ၁၉၂၀ အတွင်းကာလ) တွင် ပထမ ပရိဝတ္တန အကျိုးပေး ပေါ်ရမည့် - တနင်္လာ ထူလ ဒဿာနှင့် တနင်္လာ အန္တရ ဒဿာတို့ စားပါသည်။
သူအနေဖြင့်လည်း ဘာမျှ ထင်ရှား နိုင်သော၊ သိတတ်သော အရွယ် မဟုတ်သေးသကဲ့သို့- ဖခင်မှာလည်း မဟတ္တမ ဂန္ဓီကြီးနှင့် ပူးပေါင်းကာ နယ်ချဲ့တို့အား တော်လှန်ရန် နိုင်ငံရေး ဆောင်ရွက် နေသော ကာလ ဖြစ်ပါသည်။ နေရူး သည် ၁၉၂၁ တွင် - နိုင်ငံရေး လှုပ်ရှားမှု အတွက် ထောင်ဒဏ်ကို ပထမဆုံး ကျခံခဲ့ ရပါသည်။

ဒုတိယ အနေဖြင့်-
အင်ဒီရာ ၆-နှစ်ကျော် ကလေး အရွယ် (ဖေဖေါ်ဝါရီ ၁၉၂၄ မှ စက်တင်ဘာ ၁၉၂၅ အကြားကာလ) တွင် ပရိဝတ္တန အမှတ် (၁) အကျိုးပေးပေါ်ရမည့် - တနင်္လာ နှင့် စနေ တို့ ထူလ ဒဿာနှင့် အန္တရ ဒဿာတို့ စားပါသည်။
သူမ ဘ၀တွင် ထင်ရှားသော ကောင်းကျိုး တစ်စုံတစ်ရာ မဖြစ်ခဲ့ပါ။ သို့သော် ဖခင် ဖြစ်သူ နေရူး အနေဖြင့် ၁၉၂၄ တွင် အလာဟာဘတ် မြို့- စည်ပင်သာယာ (ကိုလိုနီ အခေါ် မြူနီစပယ် တွင်) ဥက္ကဌ ဖြစ်ခဲ့ပါသည်။

တတိယ အနေဖြင့်-
၁၉၇၀- နိုဝင်ဘာလ မှ ၁၉၇၃-နိုဝင်ဘာလ အတွင်း- အင်ဒီရာ အနေဖြင့် အသက် ၅၂ မှ ၅၃-နှစ် ကျော် အရွယ်တွင် ပရိဝတ္တန အမှတ် (၁) အကျိုးပေးပေါ်ရမည့် - တနင်္လာ နှင့် စနေ တို့ ထူလ ဒဿာနှင့် အန္တရ ဒဿာတို့ စားပြန် ပါသည်။
သို့သော် ထိုကာလ မတိုင်မီ နိုဝင်ဘာလ ၁၉၆၉ တွင် - ပါတီ၏ စည်းကမ်းများကို မလိုက်နာမှု ဖြင့် ထိုအချိန်က ကွန်ဂရက်ပါတီ ဥက္ကဌ ဖြစ်နေသူ အင်ဒီရာအား ကွန်ဂရက် ပါတီမှ ထုတ်ပယ်ခြင်း ခံခဲ့ရသည်။ အင်ဒီရာသည် ကွန်ဂရက် (အာရ်) Requisition ဆိုသော ပြိုင်ဘက် ပါတီကို တည်ထောင် ခဲ့ခြင်းဖြင့် ကွန်ဂရက် ပါတီကြီး ၂-ပိုင်းကွဲသွားသည်။ မူလ ကွန်ဂရက် ပါတီ ကော်မီတီမှ အဖွဲ့ဝင် ၇၀၅ ဦးမှ ၄၄၆ ဦးသည် အင်ဒီရာ တည်ထောင်သော ကွန်ဂရက် ပါတီ အသစ် နယူး ကွန်ဂရက် ပါတီ သို့ ပြောင်းရွှေ.လာခဲ့သည်။
ထို့ကြောင့် ပရိဝတ္တန အမှတ် (၁) အကျိုးပေးပေါ်ရမည့် ထိုကာလသည် - ၁၉၇၅ မတိုင်မီ အထိ အင်ဒီရာ အနေဖြင့် မိမိ၏ ပါတီသစ် ရပ်တည်နိုင်ရန်- အသည်းအသန် ရုန်းကန် နေရသော ကာလ ဖြစ်သဖြင့် ကောင်းကျိုးများ ပေါ်လွင်သည့် ကာလ ဟု မဆိုနိုင်ပါ။

စတုတ္ထ အနေဖြင့်-
၁၉၈၁- အောက်တိုဘာလ မှ ၁၉၈၃-မေလ အတွင်း- အင်ဒီရာ အနေဖြင့် အသက် ၆၃-နှစ် ကျော် အရွယ်တွင် ပရိဝတ္တန အမှတ် (၁) အကျိုးပေး ပေါ်ရမည့် - စနေ နှင့် တနင်္လာ တို့ ထူလ ဒဿာနှင့် အန္တရ ဒဿာတို့ စားပြန် ပါသည်။
ထိုကာလ မတိုင်မီ ၁၉၈၀ ဇန်န၀ါရီလ တွင် အင်ဒီရာသည် ၀န်ကြီးချုပ် အဖြစ် ဒုတိယ အကြိမ် ပြန်လည် ရရှိခဲ့သည်။ (ထိုကာလ အတွင်းမဟုတ်ပါ။) သို့သော် ထက်မြက်သော သားငယ်ဖြစ်သူ ဆန်ဂျေးသည် တရားဝင် ၀န်ကြီး မဟုတ်သေးသော်လည်း တန်ခိုးပြကောင်း ခဲ့သဖြင့် - အဆင့်မြင့် ၀န်ကြီးများ၊ ကက်ဘီနက် ၀န်ကြီး များစွာတို့- အင်ဒီရာ အနေဖြင့် မိမိတို့ မပျော်ပိုက်ကြောင်း သိစေရန် ဆန္ဒပြသည့် အနေဖြင့် ရာထူးများမှ နှုတ်ထွက်ခဲ့ကြသည်။ ၁၉၈၀ ဇွန်လ ၂၃-ရက်တွင် လေယာဉ်ပျက်ကျပြီး ဆန်ဂျေး ကွယ်လွန် ခဲ့သည်။
ပထမ ပရိဝတ္တန အကျိုးပေး ပေါ်ရမည့် ၁၉၈၁- အောက်တိုဘာလ မှ ၁၉၈၃-မေလ အတွင်း-သားအတွက် လွမ်းဆွေး စိတ်ဆင်းရဲစရာများ ရှိခဲ့ရသည်မှ အပ- ထူးခြားသော မည်သို့ အောင်မြင်မှုများမှ မရရှိခဲ့ပါ။

ဆက်လက်၍- ပရိဝတ္တန ယောဂ အမှတ် (၂) ကိုလေ့လာကြပါစို့။
၅-တန့်ဘာဝ အိမ်ရှင် အင်္ဂါ နှင့် - ၂-တန့်ဘာဝ အိမ်ရှင် တနင်္ဂနွေ ဂြိုဟ်တို့ ပိုင်ဆိုင်ရာ ရာသီ အိမ်ချင်း ဖလှယ်၍ ရပ်တည် နေကြခြင်း ဖြစ်၏။
သို့ဆိုလျှင်- အင်္ဂါနှင့်- တနင်္ဂနွေ ဆိုင်ရာ ထူလ၊ အန္တရ ဒဿာများတွင် အကျိုးပေးများ ထင်ရှားရမည် ဖြစ်ပါသည်။
တနင်္ဂနွေ ထူလ ဒဿာ အများစု သည်- မမွေးခင်ကပင် လွန်မြောက်ခဲ့ ပြီ ဖြစ်သဖြင့်- တနင်္ဂနွေ ထူလ၊ တနင်္ဂနွေ အန္တရ ဒဿာကို လည်းကောင်း၊ တနင်္ဂနွေ ထူလ၊ အင်္ဂါ အန္တရ ဒဿာကို လည်းကောင်း မဟောပြောနိုင်ပါ။
ထို့ကြောင့် အင်္ဂါ ထူလ၊ အင်္ဂါ အန္တရ ဒဿာ နှင့် အင်္ဂါ ထူလ၊ အင်္ဂါ တနင်္ဂနွေ ဒဿာကိုသာ လေ့လာ ရမည် ဖြစ်ပါသည်။ ထိုကာလ သည် နိုဝင်ဘာ ၁၉၂၉ မှ ဧပြီ ၁၉၃၀ အတွင်း ဖြစ်သည်။
ဤကာလများတွင် အင်ဒီရာသည် ကျောင်းသူ အရွယ်သာ ဖြစ်သေးပြီး၊ ဖခင်၏ ဘ၀တွင်လည်း သက်ဆိုင်ရာ ကာလ အတွင်း ထူးခြားသော အောင်မြင်မှုများကို မရရှိခဲ့ပါ။
တစ်ခုတော့ ပြောစရာရှိပါသည်- ၁၉၂၉ အတွင်း (အင်္ဂါ ထူလ၊ အင်္ဂါ အန္တရ ဒဿာ မတိုင်မီ)- တွင်- ဖခင်ဖြစ်သူ နေရူးသည် ကွန်ဂရက် ပါတီ၏ ဥက္ကဌ အဖြစ်ရွေးချယ်ခြင်း ခံခဲ့ရသဖြင့်- ထိုဒဿာ ကာလ များတွင် ဖခင် အရှိန်အ၀ါ ထင်ရှားသော ကာလ တစ်ခုဖြစ်သည်ဟု ဆိုနိုင်ပါသည်။

အင်္ဂါ တနင်္ဂနွေ ဒဿာ စားသော ကာလ ဖြစ်သည့် ၁၉၃၅-ဒီဇင်ဘာလ မှ ၁၉၃၆- ဧပြီလ အတွင်းကို လေ့လာသော အခါ-
၁၉၃၄-၃၅ ခုနှစ် တွင်- အခြေခံပညာ အောင်မြင်ပြီး အိန္ဒိယ စာဆိုတော်ကြီး ရာဘိန္ဒြာ နတ်သ်ဂိုး တည်ထောင်ခဲ့သော ကျောင်း တွင် ဆက်လက် ပညာသင်ကြား ခဲ့သည်။ ထို့နောက် အင်္ဂလန် နိုင်ငံ၊ အောက်စ်ဖို့ဒ် တက္ကသိုလ် ၀င်ခွင့် စာမေးပွဲကို ဖြေဆိုခဲ့သော်လည်း - မအောင်မြင်သဖြင့် ၀င်ခွင့်မရခဲ့။
၁၉၃၇-တွင်မှာ အောက်စ်ဖို့ဒ် တက္ကသိုလ်၊ ဆိုမာဗီလီး ကောလိပ်တွင် ပညာသင်ခွင့်ရခဲ့၏။ ဤကာလ တွင်ပင် နောင်တွင် ခင်ပွန်းဖြစ်လာမည့် ဖာရိုးဇီ ဂန္ဒီနှင့် ဆုံတွေ့ခဲ့၏။

ပရိဝတ္တန သီအိုရီ အရဆိုလျှင်- ကောင်းသော အကျိုးပေးရမည့် ကာလဖြစ်သည့် အင်္ဂါ ထူလ၊ တနင်္ဂနွေ အန္တရ ကာလတွင် ကျောင်းဝင်ခွင့်ပင် မရခဲ့ရသည်ကို တွေ့ရပါသည်။


ဆက်လက်၍- ပရိဝတ္တန ယောဂ အမှတ် (၃) ကိုလေ့လာကြပါစို့။
ပရိဝတ္တန ယောဂ အမှတ် (၃) (တိံည ပရိဝတ္တန ယောဂ အမျိုးအစား-ဖြစ်သည်။)
၆-တန့်ဘာဝ အိမ်ရှင် ကြာသပတေး နှင့် - ၁၁-တန့်ဘာဝ အိမ်ရှင် သောကြာ ဂြိုဟ်တို့ ပိုင်ဆိုင်ရာ ရာသီ အိမ်ချင်း ဖလှယ်၍ ရပ်တည် နေကြသော ယောဂ ဖြစ်သဖြင့်- ဤယောဂ၏ အကျိုးသည် ကြာသပတေးနှင့် သောကြာတို့ ထူလ ဒဿာ၊ အန္တရ ဒဿာ ကာလ တို့တွင် အကျိုးပေးရမည် ဖြစ်ပါသည်။
သောကြာ ထူလ တိုင်အောင် အသက် ၉၅ နှစ် အထိ မရှည်ခဲ့သဖြင့်- ကြာသပတေး ထူလကိုသာ လေ့လာခွင့်ရပါသည်။
ပထမဦးစွာ- ကြာသပတေး ထူလ၊ ကြာသပတေး အန္တရ ကာလ ဖြစ်သည့် ၁၉၅၄- နိုဝင်ဘာမှ ၁၉၅၇-ဇန်န၀ါရီ ကာလ အတွင်းတွင်- အဆိုးအကောင်း၊ ထူးခြားသော၊ ထင်ရှားသော ဖြစ်ရပ်များ မဖြစ်ခဲ့ပါ။
ဆက်လက်၍- ကြာသပတေး ထူလ၊ သောကြာ အန္တရ ကာလ ဖြစ်သည့် ၁၉၆၂- စက်တင်ဘာလ မှ ၁၉၆၅-မေလ ကာလ အတွင်းတွင်- ထင်ရှားသော အခြေအနေ မဖြစ်ခဲ့ပဲ- ထိုကာလ လွန်မြောက်ပြီး- ၁၉၆၆-ခုနှစ်၊ ဇန်န၀ါရီလ ၁၉-ရက်တွင် မှ အိန္ဒိယ နိုင်ငံ၏ ပထမဆုံး အမျိုးသမီး ၀န်ကြီးချုပ် အဖြစ်ကို ရရှိခဲ့ပါသည်။

မိုးတား MOTAA နည်းစနစ်ဖြင့် လေ့လာခြင်း။

ဤဇာတာ အနေအထားအရ- အင်ဒီရာ ဂန္ဓီသည် လဂ် သည် အသိလိဿ နက္ခတ်ကို စီးနင်းလျှက်- စန်းခေါ် တနင်္လာဂြိုဟ်သည် ဥတ္တရာသဠ် နက္ခတ်နှင့် ယှဉ်၍ မွေးဖွားလာခဲ့သည်။
ဂြိုဟ်တစ်လုံးချင်း စစ်ဆေးခြင်းကို မဖေါ်ပြတော့ပဲ- အရေးပါသော ထူးခြားသည့် အချက်များ ကိုသာ ဆန်းစစ်ပြပါမည်။
MOTAA အင်အား တိုင်းတာနည်းများအရ- စစ်ဆေးလိုက်ပါက- ဤဇာတာတွင် အင်အား အကြီးမားဆုံး ဂြိုဟ်မှာ ၁၀-တန့်သခင် (မူလ တြိဂေါဏ အိမ်ရှင်) ဖြစ်သော အင်္ဂါ ဖြစ်၍- အင်အား အနည်ဆုံးဂြိုဟ်မှာ လဂ်သခင်- စန်းခေါ် တနင်္လာဂြိုဟ်ဖြစ်နေသည်။
တနင်္လာသည် လဂ်သခင် ဖြစ်၍- ဇာတာရှင်၏ ကိုယ်ကာယ အခြေအနေကို ဖေါ်ပြသည်သာ- စိတ်ကို အစိုးရသော ဂြိုဟ်လည်း ဖြစ်သည်။
တနင်္လာသည်- သူ့ကို ရန်ပြုသော စနေပိုင်ဆိုင်ရာ မကာရ ရာသီတွင်တည်၍- တစ်နည်းအားဖြင့်လည်း- ဘာဝ အားဖြင့် ၆-တန့်ဘာဝခေါ် ရန်သူနှင့် ဆိုင်သော ဘာဝတွင် တည်သည်။
၆-တန့်ဘာဝသည် အပြိုင်အဆိုင်စိတ်ဓါတ်၊ မည်သူ့နှင့်မျှ မတူအောင် ပြုလိုသော စိတ်ဓါတ်၊ အတိုက်အခံ စိတ်ဓါတ်ကို ဖေါ်ဆောင်သော ဘာဝ လည်း ဖြစ်သဖြင့်- ဇာတာရှင် အနေဖြင့် မည်သည့် အလုပ်လုပ် - တွန်းတွန်း တိုက်တိုက် လုပ်လိုသော- အညံ့မခံလိုသော စိတ်ဓါတ် ရှိနေသည်။ သူများတွေထက် ပိုကောင်းလုပ်မည် ဆိုသော စိတ်ဓါတ်ကြောင့် အများတကာနှင့် အမြဲတမ်း ဆန့်ကျင်ဘက်ဖြစ်ရသော သူမျိုးဖြစ်သည်။

ထိုစိတ်ဓါတ်တို့ကြောင့်လည်း - ကွန်ဂရက်ပါတီ ဥက္ကဌ ဖြစ်နေသူ အင်ဒီရာအား မိခင် ကွန်ဂရက် ပါတီမှ ထုတ်ပယ်ခြင်း ခံခဲ့ရခြင်းဖြစ်သည်။

တစ်ဖန် - ထိုစိတ်ဓါတ် တို့ကြောင့်လည်း- ပန်ဂျပ်ပြည် ရွှေကျောင်းကိစ္စတွင် အစွန်းရောက် အကြမ်းဘက် ဆစ်ခ်လူမျိုး များအား အိန္ဒိယ စစ်တပ်မှ- ပစ်ခတ် စေခဲ့သဖြင့် တရားဝင် စာရင်းများအရ- လူပေါင်း ၄၉၂- တရားမ၀င် စာရင်းများအရ လူပေါင်း ၁၅၀၀ အထိ သေဆုံးခဲ့ရသော သမိုင်းဝင် Operation Blue Star ဖြစ်ရပ် ကြီး ပေါ်ပေါက် ခဲ့ရခြင်းလည်း ဖြစ်သည်။ အင်ဒီရာ အနေဖြင့် လုပ်ကြံခံရ၍ သေဆုံးပြီးနောက်ပိုင်း လူမျိုးရေး အထိကရုဏ်းများကြောင့် နောက်ထပ် လူပေါင်း ၅၀၀ ခန့် ဆက်လက်သေဆုံးခဲ့ရသေးသည်။

အသက်ရှည်နိုင်မှု အနေအထားအရလည်း-

လဂ်သခင် ဖြစ်သော တနင်္လာကိုယ်တိုင် အားနည်းနေမှု၊ အသက် ရှည်မှု ကို ကာရကပြုသော စနေဂြိုဟ် အင်အား နည်းပါးနေမှု၊ လဂ် (၁-တန့်ဘာဝ) ကိုယ်တိုင်လည်း အားနည်းနေမှု၊ ရှင်သန်မှု အင်အားဖြစ်သည့် ၃-တန့်ဘာဝ အင်အား နည်းပါးနေမှုတို့ကိုတွေ့ရသည်။ ထိုအခြေအနေများသည်- သက်တမ်းပြည့် နေထိုင် နိုင်ရေး အတွက် အထောက်အကူ မပြုသော အခြေအနေများ ဖြစ်နေ၏။

 ဘ၀ ကံကြမ္မာ အနိမ့်အမြင့်မှာ-
ပရိဝတ္တန ယောဂကို အမှီမပြုပဲ- သက်ဆိုင်ရာ ဒဿာဂြိုဟ်တို့ အင်အားကောင်းသော ကာလတွင် အကောင်းဆုံး အကျိုးပေးမည် ဆိုသော မူကို မိုးတားမှ အသုံးပြု၏။
  • 21/5/1965 မှ- 9/3/1966 အတွင်း ကြာသပတေး ထူလ- တနင်္ဂနွေ အန္တရ ဒဿာ စားနေ၏။ ကြာသပတေး သည် မူလ အင်အားရှိသည့် အပြင် ကာရက ဂြိုဟ်ကောင်း ဖြစ်သော- ၃-တန့်သခင် ဗုဒ္ဓဟူး ၏ လွှမ်းမိုးမှု အထောက်အကူကို ကောင်းစွာ ရထား၏။ ပုံတွင် အစိမ်းရောင် ဖြင့် ဖေါ်ပြထားသည်မှာ ကာရက ဂြိုဟ်ကောင်း၏ ထောက်ပံ့မှု ပမာဏ အင်အားဖြစ်သည်။
  • ထို့အပြင် တနင်္ဂနွေသည်လည်း- အင်အား ရှိသော ဂြိုဟ်အနေအထားတွင် ရှိ၏။ ထို့ကြောင့် ထိုကာလတွင်း ဖြစ်သော ၁၉-ဇန်န၀ါရီ-၁၉၆၆ တွင် ၀န်ကြီးချုပ် တာဝန်ကို ထမ်းဆောင်ခဲ့ရခြင်း ဖြစ်သည်။
  • ၁၅-ဇွန်လ-၁၉၆၈ မှ ၉-နိုဝင်ဘာ ၁၉၇၀ အတွင်း သည် ကြာသပတေး ထူလ၊ ရာဟု အန္တရ ဒဿာ ကာလ ဖြစ်သည်။ အန္တရ ဒဿာ သည် ပို၍ အရေးပါသော အနေအထား ဖြစ်သောကြောင့်- ကာရက ပါပဂြိုဟ်ဖြစ်သော ရာဟု ဒဿာ ကာလ အတွင်းတွင် ကံကြမ္မာ နိမ့်ကျနေကာ- ကွန်ဂရက် ပါတီမှပင် ထုတ်ပယ် ခြင်း ခံခဲ့ရသည်။
  • ၂၁-၇-၁၉၇၆ မှ ၃၀-၈-၁၉၇၇ ကာလ အတွင်းတွင်- စနေ ထူလ၊ ကိတ် အန္တရ ဒဿာ စားနေ၏။ တိုင်းပြည်တွင် ဖြစ်ပေါ်လာသော အခြေအနေ များကြောင့် ၁၉၇၇ အထိ နိုင်ငံတော် အရေးပေါ် အခြေအနေကို ကြေညာခဲ့ရသည်ကို မြင်နိုင်ပါသည်။
  • ၁၇-၁၁-၁၉၈၀ မှ ၁၂-၁၀-၁၉၈၁ ကာလ အတွင်းသည် စနေထူလ၊ တနင်္ဂနွေ အန္တရ ဒဿာ ကာလ ဖြစ်ပြီး၊ ထိုကာလ အတွင်းတွင် ၀န်ကြီးချုပ် အဖြစ် ဒုတိယ အကြိမ် ရွေးမြောက် ခြင်းခံခဲ့ရသော ကာလ ဖြစ်သော်လည်း- ကံကြမ္မာ အနိမ့်အမြင့် အဆိုးအကောင်းများ ဒွန်တွဲနေခဲ့သည်။
  • အဆိုးဆုံးဖြစ်သော ကာလ ဖြစ်သည့် စနေ ထူလ၊ ရာဟု အန္တရ ဒဿာ ကာလ အတွင်းတွင် - မရဏ သေခြင်းတရား၏ တာဝန်ကို ယူဆောင်သည့် ၈-တန့် ဘာဝ သခင်၊ မထင်မှတ်သော ဖြစ်ရပ်များကို ဖြစ်စေသည့် ရာဟုတို့က- မိမိ၏ ကိုယ်ရံတော် တို့ကပင် မိမိအား လုပ်ကြံစေသည် အထိ ဖြစ်လာစေရန် ပို့ဆောင် ပေးလိုက်ပါတော့သည်။ အသေးစိတ် သုံးသပ်ချက်ကို အောက်တွင် ဆက်လက်လေ့လာပါ။

လုပ်ကြံခြင်း ခံရချိန် ဒဿာ

အင်ဒီရာ ဂန္ဒီအား သူမ၏ ဆစ်ခ် လူမျိုး ကိုယ်ရံတော် နှစ်ဦးမှ သူမအား ပူးပေါင်းလုပ်ကြံခြင်း ခံရချိန် ၁၉၈၄-ခုနှစ်၊ အောက်တိုဘာလ ၃၁-ရက်တွင် စနေ ထူလ၊ ရာဟု အန္တရ ဒဿာ၊ ရာဟု ပြတန္တရ ဒဿာ စားနေ၏။
  • သူမ၏ ကိုယ်ခန္ဓာတွင် ကျည်ဆံဝင်ရောက် ထိုးဖေါက်သွားသော နေရာ ၁၉- နေရာုရှိ၍၊ ကိုယ်ခန္ဓာထဲမှ ကျည်ဆံ ၁၆ တောင့်ကို ခွဲထုတ်ရရှိခဲ့သည်။
  • ထိုသို့ သက်တော်စောင့် ကိုယ်ရံတော်တို့ ကိုယ်တိုင်မှ ဇာတာရှင်ကို လုပ်ကြံခြင်း ကို ဖြစ်စေခဲ့သည့် ပန်ဂျပ်ပြည်၊ ရွှေကျောင်း အရေး အခင်း ပေါ်ပေါက်ခဲ့သည့် ကာလမှာကား ၁၉၈၄-ခုနှစ်၊ ဇွန်လ ၆-ရက်နေ့ ဖြစ်၍။ ထိုအချိန်က သူမ အနေဖြင့် စနေ ထူလ၊ အင်္ဂါ အန္တရ ဒဿာ စားနေခဲု့၏။
  • စနေဂြိုဟ်သည် သူမ အတွက် မရဏဘာဝ ခေါ် ၈-တန့်ဘာဝ၏ သခင် (မူလတြိဂေါဏ အိမ်ရှင်) ဖြစ်၍- မူလ ဇာတာတွင် အင်အားနည်းသော ဂြိုဟ်ဖြစ်သည်။
  • အင်္ဂါသည် - လုပ်ရဲ ကိုင်ရဲ - ဆောင်ရွက်ရသည့် ဂြိုဟ်ဖြစ်သည်သာမက- ၂-တန့်ဘာဝတွင် ရပ်တည်သော ၁၀-တန့်သခင် ဂြိုဟ်လည်း ဖြစ်၏။
  • ၂-တန့်သည် ဂုဏ်သိက္ခာ၊ အဆင့်အတန်း တို့ကို ပြဆို၍ ၁၀-တန့်သည် ဇာတာရှင်၏ အလုပ်အကိုင် Career ကိုလည်းကောင်း၊ Public Image ကိုလည်းကောင်း ပြဆိုသော ဘာဝ ဖြစ်၏။
  • ထို အင်္ဂါ၊ တနည်းအားဖြင့် ပြတ်သား ရက်စက်စွာ ဆောင်ရွက်ရသော၊ အများပြည်သူ နှင့် ဆိုင်သော၊ မိမိ၏ ဂုဏ်သိက္ခာ အလုပ်နှင့် သက်ဆိုင်သော အင်္ဂါသည် ဇာတာရှင် အနေဖြင့် အင်အား ကောင်းသော ဂြိုဟ် တစ်ခု ဖြစ်ကာ- 17/5/1984 မှ 21/6/1984 အတွင်း ဒဿာ စားနေခြင်း ဖြင့် ထိုကာလတွင် အများနှင့် ဆိုင်သော ပြတ်သားသော လုပ်ဆောင်မှု တစ်ခုကို ဆောင်ရွက်ခဲ့ရပါ၏။
သို့သော်- ထိုကာလ လွန်မြောက်ခဲ့ပြီးနောက်- 21/6/1984 မှ 25/11/1984 အတွင်း သို့ ရောက်သော အခါတွင်ကား-
၈-တန့်ဘာဝ၏ သခင် စနေ၏ ထူလ ဒဿာ၊ မထင်မှတ်သော ဖြစ်ရပ်များကို ဖြစ်စေသည့် ဂြိုဟ်ဆိုး ဖြစ်သော ရာဟု၏ အန္တရ ဒဿာ၊ ထိုရာဟု ပြတန္တရ ဒဿာ သို့ရောက်သွားခဲ့ပြီ ဖြစ်ပါသည်။

ကောဇာ ရှုထောင့်မှ လေ့လာကြည့်မည် ဆိုလျှင်-
ကောဇာ ရာဟုနှင့် ကိတ်တို့သည် မူလ တနင်္ဂနွေဂြိုဟ်အား အံသာ အတိအကျ နီးပါးဖြင့် လွှမ်းမိုးဖျက်ဆီးလိုက်၏။ မူလကတည်းက လွန်စွာ အားနည်းသော တနင်္လာဂြိုဟ်အား ကောဇာ ရာဟု သည် ၉-တန့် အမြင်ဖြင့် ဆက်လက် ဖျက်ဆီးလိုက်ပြန်၏။
တစ်ဆက်တည်းမှာပင်- မရဏ ဘာဝ ခေါ် ၈-တန့် သခင် ကောဇာ စနေ သည် မူလ သောကြာ အား ၃-တန့် အမြင်နှင့် ၈၁% နှင့် လည်းကောင်း၊ မူလ စနေ ကို ၁၀-တန့် အမြင် ၈၉% ဖြင့်လည်းကောင်း ဖျက်ဆီးပစ်လိုက်ပြန်သည်။
မရဏ ဘာဝ သခင် ကောဇာ စနေသည် - ထိုမျှ မကသေး ၁-၄-၆-၁၀ အတန့်များကို ဆက်လက် ဖျက်ဆီးထားပြန်သေးသည်။ ဘာဝတို့၏ အလယ်မှတ်များသည် ၂၇း၂၂ ဖြစ်၍- ကောဇာ စနေ၏ ရပ်တည်ချက်သည် ၂၄း၀၆ ဖြစ်သဖြင့်- ၄င်းမှ အပူး၊ အမြင်တို့ဖြင့် အရေးပါသော ဘာဝများကို ဖျက်ဆီး ထားခြင်းကို မြင်နိုင်ပါ၏။
အထူးသဖြင့် ကိုယ်ကာယ ၁-တန့်နှင့်၊ ရန်သူ၏ အတိုက်အခိုက် ခံရခြင်း နှင့် ဆိုင်သော ၆-တန့်ဘာဝ များ ထိခိုက် ပျက်စီးသွားခြင်း သည်- ဥပစ္ဆေဒက ဖြင့် သေဆုံးခြင်း၏ သင်္ကေတ တစ်ခုပင် ဖြစ်ပါတော့သည်။

 ပရိဝတ္တန ယောဂ အမှတ် (၁) အကျိုးပေးခွင့် မရခြင်း အကြောင်း-

ပရိဝတ္တန ယောဂ အမှတ် (၁) အနေဖြင့် အကျိုးပေးရမည့် ကာလ ဖြစ်သော- တနင်္လာ ထူလ၊ စနေ အန္တရ ဒဿာ ကာလတွင် လည်းကောင်း (အသက် ၆-နှစ်ကျော် အရွယ်)၊ နှင့် စနေ ထူလ၊ တနင်္လာ အန္တရ ဒဿာ ကာလ (အသက် ၅၂ မှ ၅၃-နှစ် ကျော် အရွယ်) တွင် လည်းကောင်း- အကျိုးပေးခွင့် မသာခဲ့ရသည့် အနေအထားမှာ- အင်အား အနေအထား အားဖြင့် အနှုတ် တန်ဘိုးပြနေသည့် တနင်္လာကြောင့် အဓိက ဖြစ်၏။
တစ်ဖန်- စနေသည် ၇-တန့် အိမ်ရှင်၊ တစ်နည်းအားဖြင့် ကိန်းအိမ်ရှင် ဆိုငြားသော်လည်း- အမှန်အားဖြင့် ၈-တန့်ဘာဝ၏ မူလတြိဂေါဏ အိမ်ရှင်၊ (သခင်) ဖြစ်နေ၏။
ဤအချက်တို့ကြောင့် ပရိဝတ္တန ယောဂ အမှတ် (၁) သည် သက်ဆိုင်ရာ ဂြိုဟ်တို့၏ ဒဿာတွင် အကျိုးပေးခွင့် မရခဲ့ခြင်းဖြစ်၏။

ပရိဝတ္တန ယောဂ အမှတ် (၂) အကျိုးပေးခွင့် မရခြင်း အကြောင်း-
ပရိဝတ္တန ယောဂ အမှတ် (၂) သည် အင်္ဂါနှင့်- တနင်္ဂနွေ တို့ကြောင့် ဖြစ်ပေါ်လာသော ယောဂ ဖြစ်သည်။ ထိုဂြိုဟ် ၂-လုံးတို့သည် အတိုင်းအတာ တစ်ခုအားဖြင့် အင်အား ရှိသော်လည်း- ကြာသပတေး နှင့် ဗုဒ္ဓဟူး တို့ကဲ့ အထောက်အကူ အင်အားများ မရထားပါ။ ထို့ကြောင့် ထိုကာလ တို့သည်လည်း ထင်ရှားသော အကျိုး မရခဲ့သော ကာလ များ ဖြစ်ခဲ့ရသည်။

ပရိဝတ္တန ယောဂ အမှတ် (၃) အကျိုးပေးခွင့် မရခြင်း အကြောင်း-
ပရိဝတ္တန ယောဂ အမှတ် (၃) သည် ၆-တန့်ဘာဝ အိမ်ရှင် ကြာသပတေး နှင့် - ၁၁-တန့်ဘာဝ အိမ်ရှင် သောကြာ ဂြိုဟ်တို့ ပိုင်ဆိုင်ရာ ရာသီ အိမ်ချင်း ဖလှယ်၍ ရပ်တည် နေကြသောကြောင့် ဖြစ်ပေါ်လာသော ယောဂ ဖြစ်သည်။ ကြာသပတေး အနေဖြင့် အင်အား ရှိထားပြီး- ဂြိုဟ်ကောင်း၏ ထောက်ပံ့မှုကို ရထားသော်လည်း သောကြာ အနေဖြင့် အင်အား နည်းနေသော ကြောင့် ထိုကာလ အများအတွင်း ထူးခြားသော၊ ကောင်းခြင်း ဆိုးခြင်းတို့ မဖြစ်ခဲ့ရခြင်း ဖြစ်သည်။

အချုပ် ဆိုရပါလျှင်-
ပရိဝတ္တန ယောဂ သည် ယေဘူယျ အားဖြင့် အဆိုးများ ပတ်သက်မှု မရှိလျှင် ကောင်းမြတ်သော ယောဂ အမျိုးအစား ဖြစ်ပါ၏။ သို့သော်- ကောင်းမြတ်သော ယောဂ တို့ အကျိုးပေး နိုင်ချိန်တို့တွင် သက်ဆိုင်ရာ ဂြိုဟ်များသည် အင်အား ပျက်နေပါလျှင် ထိုယောဂ၏ အကျိုးကို ရသင့်သလောက် မရနိုင်ပါပေ။ ထိုနည်းတူ ဆိုးသော ယောဂများ ပါရှိသူများ အနေဖြင့်လည်း- ထိုယောဂ တွင် ပါဝင်သော သက်ဆိုင်ရာ ဂြိုဟ်တို့သည် ကာရက ဂြိုဟ်ဆိုးများ ဖြစ်နေခြင်း၊ အင်အား ချိနည့် ပျက်စီးနေခြင်း ဖြစ်နေပါမှ ထိုဆိုးကျိုးတို့သည် ထင်ရှားမည် ဖြစ်သည်ကို ဗေဒင် ပညာရှင်၊ ၀ါသနာရှင်၊ လေ့လာ သူများ သတိချပ်သင့် ကြပါသည်။
အားလုံး ချမ်းမြေ့ကြပါစေ..

[+/-] show/hide this post

Wednesday, February 9, 2011

ဥုစ် ပိုင်ရှင် နှင့် အတိတ်ဝဋ်ကြွေး။

ဥုစ်ရလျှင် ကောင်းသည်၊ နိစ်ဖြစ်လျှင် မကောင်းဟုသော ဗေဒင် ပုံသေနည်းများကို- ၀ါသနာ ပါသူ အများတို့ ကြားဘူးကြမည် ဖြစ်ပါသည်။ ယခု ဇာတာသည် ဥုစ် ၃-ခု နှင့် မူလတြိဂေါဏ တစ်ခု ပိုင်ဆိုင်မှု (ကသစ်) ကို ရရှိထားသော်လည်း- multiple Organ failure ခေါ် ခန္ဓာကိုယ်တွင် ကျောက်ကပ်၊ အသည်း တို့ အလုပ် မလုပ်သည်သာ မက- blood infection ဖြစ်လျှက် အိန္ဒိယ ဆေးရုံတစ်ခု၏ ICU တွင် မိမိဘ၀၏ နောက်ဆုံးရက်ကို စောင့်စားနေရသော သမီးငယ်လေး တစ်ဦး၏ ဇာတာ ဖြစ်ပါသည်။

စိတ်ဝင်စားစရာ ဇာတာရှင် ဖြစ်သောကြောင့်- ပရိဝတ္တန ယုဂ်များအကြောင်း ရေးသား နေဆဲမှာပင်- အိန္ဒိယ ဗေဒင် မိတ်ဆွေ များထံမှ- ဤကလေးငယ် ၏ ဇာတာကို ရရှိလိုက်သဖြင့်- ဤဆောင်းပါးကို ရေးလိုက်ရပါသည်။

ဤကလေးငယ်ကို ၂၀၀၂-ခုနှစ်၊ ဒီဇင်ဘာ ၁၃ ရက် - သောကြာနေ့၊ မနက် ၉း၅၁ တွင် အိန္ဒိယ နိုင်ငံ မဒရပ်မြို့တွင် မွေးဖွားခဲ့ပါသည်။


ဗေဒင် ပညာကို လေ့လာဘူးသူတို့ အနေဖြင့်- ရှေးကျမ်းများ အရ-
  

ရာဟု သည် ပြိဿ၊
ကိတ် သည် ဗြိစ္ဆာ၊ တို့တွင် တည်လျှင်လည်း ဥုစ်ရသည်ဟု သတ်မှတ်ထားပါသည်။ (မိုးတား MOTAA စနစ်တွင် အသုံးမပြုပါ။)

ဤနည်းတို့ဖြင့် စစ်ဆေးလိုက်သော်- အထက်ပါ ဇာတာရှင် ကလေးငယ် အနေဖြင့်-
သောကြာ သည် - တူရာသီတွင် တည်ခြင်းဖြင့် မူလတြိဂေါဏ ရာသီအိမ်တွင် တည်၏
ကြာသပတေး သည် - ကရကဋ် ရာသီတွင် တည်ခြင်းဖြင့် ဥုစ် ရာသီအိမ်တွင် တည်၏
ရာဟု သည် - ပြိဿ ရာသီတွင် တည်ခြင်းဖြင့် ဥုစ် ရာသီအိမ်တွင် တည်၏
ကိတ် သည် - ဗြိစ္ဆာ၊ ရာသီတွင် တည်ခြင်းဖြင့် ဥုစ် ရာသီအိမ်တွင် တည်၏
သို့သော်- ထိုသမီးငယ် ကလေး အနေဖြင့် မွေးကတည်းကပင် အိပ်ယာထဲမှ မထနိုင်ခဲ့သော ကျောက်ကပ်၊ အသည်းနှင့် ကိုယ် ခန္ဓာ အစိတ်အပိုင်းများ ကောင်းစွာ အလုပ် မလုပ်သော ဝေဒနာကို ခံစားနေခဲ့ရသူ ကလေးငယ် ဖြစ်၍- ယခု ရက်ပိုင်းတွင် အိန္ဒိယ ဆေးရုံတစ်ခု၏ ICU တွင် မိမိဘ၀၏ နောက်ဆုံးရက်ကို စောင့်စားနေရသော ကလေးငယ် ဖြစ်ပါသည်။
သို့ဆိုလျှင်- ဥုစ်ရတိုင်း၊ ကသစ်ရတိုင်း ကောင်းပါ၏လော။ မကောင်းဟု ဆိုလျှင်- ဥုစ်၊ ကသစ်တို့ပါလျှင် ကောင်းသည်၊ နိစ် မိလျှင် မကောင်းဟူသော ဗေဒင် အယူအဆများသည် မှားနေပါသလော။

MOTAA မိုးတား နည်းစနစ်- အရ လေ့လာကြည့်မည် ဆိုပါလျှင်-

ဂြိုဟ်တို့အား လေ့လာခြင်း။

တနင်္ဂနွေဂြိုဟ်သည် မူလ ပဓာန တာဝန် အားဖြင့်- အလင်းရောင်ဓါတ်၊ အသက်ဓါတ်၊ ကို တာဝန်ယူ၏။ ယခု ဇာတာရှင် မကာရ လဂ်အတွက်မူ- အသက်ရှည်မှု နှင့် ဆိုင်သော- တနည်းအားဖြင့် မရဏ ဘာဝဟု လူသိများသည့် ၈-တန့် ဘာဝ၏ သခင် ဖြစ်၏။

တနည်းအားဖြင့်- တနင်္ဂနွေဂြိုဟ်သည် ဤဇာတာရှင်၏ ကျန်းမာရေး၊ အသက်ရှည်ရေး အတွက် အရေးအကြီးဆုံး ဂြိုဟ်ဖြစ်၏။ ထိုတနင်္ဂနွေမှာ- ဗြိစ္ဆာ ရာသီတွင် တည်၏။ ကောင်းသော ဘာဝ အတန့် ဘာဝ (၁၁-တန့်) တွင် တည်ခြင်းဖြစ်ပါ၏။
သို့သော်.. ၄င်းရပ်တည်ရာ ၁၁-တန့်ဘာဝ ၏ အလယ်မှတ် တည့်တည့် (ဗြိစ္ဆာ ၁၆း၃၈) အား - ရာဟုသည် သမသတ် အမြင် အားဖြင့် နီးကပ်စွာ ဖျက်ဆီး၏။ ကိတ်သည် အပူးအားဖြင့် နီးကပ်စွာ ဖျက်ဆီး၏။ ဂြိုဟ်တစ်လုံးသည် မိမိသွားရောက် ရပ်တည်ရာ ဘာဝ ပျက်စီးခြင်းဖြင့် မိမိကိုယ်တိုင်ပါ အင်အား ပျက်စီးသွား၏။
ထိုမျှ မကသေး- ထိုသို့ အင်အား ချိနည့်သွားသော တနင်္ဂနွေ ဂြိုဟ် (ဗြိစ္ဆာ ၂၇း၀၄) အား၊ ကရကဋ် ရာသီ ၂၄း၀၅ တွင် တည်သော ကြာသပတေးမှ ၅-တန့် အမြင်ဖြင့် တိုက်ခိုက် ဖျက်ဆီးလိုက်ပြန်၏။ ကြာသပတေးသည် မူလ သဘာဝ အားဖြင့် သဘာဝ သောမဂြိုဟ်ပင် ဖြစ်သော်ငြားလည်း- ဤဇာတာရှင် အတွက်မူ ပျက်စီး ဆုံးရှုံးခြင်းကို အစိုးရသော ၁၂-တန့် သခင် ဖြစ်နေ၏။

ဤနည်းဖြင့် အသက်ရှင်သန်ခြင်း၊ ကျန်းမာခြင်းတို့ကို ကိုယ်စားပြုသော တနင်္ဂနွေဂြိုဟ် (Medical Astrology အရ ဆိုလျှင်- သွေးကိုလည်း ကိုယ်စားပြုသော တနင်္ဂနွေဂြိုဟ်) သည် အဖတ်ဆယ် မရအောင် ထိခိုက် ပျက်စီးသွားရသည်။

တနင်္လာဂြိုဟ် ခေါ် စန်းအား ဆက်ကြည့်ပါလျှင်- မိန်:13:43 တွင် တည်သော တနင်္လာအား ၄င်းပိုင်ဆိုင်ရာ ဘာဝ ဖြစ်သော ကရကဋ် ရာသီ၏ အလယ်မှတ် ၁၆း၃၈ အား- ကိတ်မှ ၉-တန့် အမြင်ဖြင့် နီးစပ်စွာ ဖျက်ဆီးလိုက်ပြန်၏။ မိမိ၏ မူလတြိဂေါဏ အိမ် ပျက်စီးသွားသော ဂြိုဟ်သည် အင်အား ပျက်စီးသွားပြန်၏။ ထိုမျှ မကသေး ကိတ်သည် တနင်္လာဂြိုဟ်အား ၅-တန့် အမြင်ဖြင့် ထပ်မံ ရန်ပြု တိုက်ခိုက် ထားခြင်းဖြင့် တနင်္လာဂြိုဟ်မှာလည်း အကြီးအကျယ် ပျက်စီးသွားရပြန်ပါသည်။

ဇာတာ တစ်စောင်တွင် တနင်္ဂနွေနှင့် တနင်္လာတို့သည် အလွန်အရေးကြီးသော ဂြိုဟ်များပင် ဖြစ်၏။ ထိုဂြိုဟ်များ ပျက်စီး ထိခိုက်ခံရခြင်းသည် ဇာတာရှင် အတွက် အလွန်ဆိုးသော အနေအထား ဖြစ်၏။

အသက်ရှည်မှုကို သဘာဝ တာဝန် ယူလေ့ရှိသော စနေမှာလည်း ၈-တန့်သခင် ဖြစ်သော တနင်္ဂနွေ၏ ရန်မူ တိုက်ခိုက်ခြင်းကို ရထားပြန်၏။

ဘာဝ တို့အား လေ့လာခြင်း။

ဤဇာတာတွင် လဂ်သခင် မရှိပါ။ စနေ သည် လဂ်အိမ်ရှင်သာ ဖြစ်သဖြင့်- ဇာတာရှင်၏ ကိုယ်ကာယ ကျန်းမာရေး အတွက် လဂ်ကို ကြည့် သောအခါ- လဂ် (မကာရ ၁၆း၃၈) အား ရာဟု မှ ၉-တန့် အမြင်ဖြင့် ဖျက်ဆီး ထားပြန်ပါသည်။ အံသာ နီးစပ်နေမှုကို မြင်နိုင် ပါသည်။
ထိုနည်းတူပင် များစွာသော ဘာဝ တို့အား ရာဟုနှင့် ကိတ်တို့မှ ပူးပေါင်း ဖျက်ဆီးထားခြင်းဖြင့်- ဇာတာရှင် အနေဖြင့် အသက်ရှည်၊ ကျန်းမာမှုမှာ အလားအလာ လုံးဝ မရှိတော့သည်ကို တွေ့ရပါတော့သည်။

ဥုစ် နှင့် မူလ တြိဂေါဏများ ရထားသော်လည်း-

ဥုစ်ရလျှင် ကောင်းသည်၊ နိစ်ရလျှင် မကောင်းဆိုသော ဥပဒေသ သည် မှန်ပါသည်။ သို့သော် အချက်များစွာ အနက်မှ အချက် တစ်ခုသာ ဖြစ်သောကြောင့်- အခြားသော အချက်များသည် ဆိုးရွားသော အခြေအနေ တို့ကို တွန်းပို့ နေပါလျှင်- ဥုစ်လည်း မကယ်နိုင်ပါ။

ဆိုလိုသည်မှာ- စာဖတ်သူ ၀ါသနာ ရှင်တို့ အနေဖြင့် ဥုစ်ရပြီး ဆင်းရဲ နေသူများ၊ နိစ်ရသော်လည်း ချမ်းသာ အောင်မြင်နေကြသူများကို တွေ့သော အခါ- မိမိတို့ သိနားလည် ထားသည်များ မှားများ မှားနေပြီလား ဆိုသော သံသယများ ၀င်လာတတ်ပါသည်။

ထိုဥပဒေသ များ မမှားပါ။ သို့သော် လိုအပ်သော အခြား အချက် တို့ကို ထပ်မံ စစ်ဆေးခြင်းဖြင့် - အဖြေမှန်ကို နီးစပ်အောင် လေ့လာနိုင်လာပါလိမ့်မည်။

အားလုံး ချမ်းမြေ့ပါစေ။
နျူမာန် (မိုးတား)

[+/-] show/hide this post