Tuesday, November 16, 2010

စစ် ဧကရာဇ် နပိုလီယံနှင့် ဗေဒင်ပညာ (အပိုင်း ၅)

နပိုလီယန် ၏ ဇာတာအား မိုးတား နက္ခတ္တဝေဒ MOTAA နည်းစနစ်ဖြင့် သုံးသပ်ခြင်း။


 
မိုးတား နည်းစနစ် (MOTAA) ဖြင့် မူလ ဇာတာ စစ်ဆေးချက်။
ဇာတာရှင်သည် တူလဂ် ၁၆း၃၀၊ ဖြစ်၍ သွာတိ နက္ခတ် ဖြစ်၏။
မကာရ- စန်း ၈း၂၀ ဖြစ်၍၊ ဥတ္တရာသဠ် နက္ခတ်နှင့် စန်းယှဉ်၏။

တနင်္ဂနွေ ဂြိုဟ်အား စစ်ဆေးခြင်း။

တနင်္ဂနွေ သည် သူပိုင်သော ရာသီ ဖြစ်သော သိဟ်ရာသီတွင် တည်နေ၍ - အင်အားကောင်းရန် အကြောင်းရှိသော်လည်း- ရာသီ အစပ်တွင်သာ ဖြစ်၍- အံသာနုကာ- အင်အား ရသင့်သလောက် မရလိုက်။ အကယ်၍- သိဟ်ရာသီ အလယ်တွင်သာ တည်ခဲ့သော် ပို၍ ခိုင်မာသော၊ ရေရှည် တည်တန့်သော အောင်မြင်မှု တို့ကို ရနိုင်သူ ဖြစ်၏။
တနင်္ဂနွေသည် ဥုစ်န၀င်းကို စီးနင်းထား၏။
ဘုန်းတန်ခိုး၊ သြဇာ အာဏာကို ကိုယ်စားပြုသော တနင်္ဂနွေသည် ရာသီစက်တွင် မိမိပိုင် တြိဂေါဏအိမ်တွင် နေခြင်း၊ ဥုစ်န၀င်းကို စီးနင်းထားခြင်း တို့သည် တနင်္ဂနွေ၏ အင်အား ကြီးမားခြင်းကို ဖြစ်စေ၍၊ တနည်းအားဖြင့် ဘုန်းတန်ခိုး ကြီးစေနိုင်ခြင်း ကို ဖြစ်စေခဲ့၏။
နောက် တစ်ဆင့်အားဖြင့်လည်း ဘုန်းတန်ခိုး ကြီးခြင်းနှင့် သြဇာ အာဏာ ကို တာဝန်ယူ သော အဆိုပါ တနင်္ဂနွေသည် ၁၁-တန့် ဆိုသော ဂုဏ်သိက္ခာ၊ ကြွယ်ဝ ချမ်းသာမှု နှင့် လူမှု အဆင့်အတန်းကို ဖေါ်ပြသည့် ဘာဝတွင် ရပ်တည်ခြင်းဖြင့်- ဇာတာရှင်၏ ဘုန်းတန်ခိုး၊ ရာထူး အာဏာ မြင့်မားရမည် ဆိုသည်မှာ ထင်ရှား နေပြန်သည်။

တစ်ဖန် ဂုဏ်သိက္ခာ၊ ကြွယ်ဝ ချမ်းသာမှု နှင့် လူမှု အဆင့်အတန်းကို ဖေါ်ဆောင်သည့် ၁၁-တန့်သခင် အနေဖြင့် ၄င်းပိုင် ၁၁-တန့် ဘာဝတွင် ရပ်တည်ခြင်းဖြင့် အဆင့်မြင့် လူကြီးလူကောင်း အသိုင်းအ၀ိုင်းတွင် ကျင်လည် ရတတ် ခြင်း၊ လူတန်းစား အမြင့်မားဆုံး အနေအထားသို့ ရောက်မည် ဖြစ်ကြောင်းကို ပြဆိုနေခြင်း လည်း ဖြစ်၏။
ကံကောင်း ချမ်းသာခြင်းကို ဖြစ်စေသည့် ဓနယုဂ် ကိုရထားခြင်း ဖြစ်သည်။

သို့သော်လည်း - ၄င်းအား- ဒုက္ခပေးတတ်သည့် ရာဟုမှ ၉-တန့်အမြင် ဖြင့် ရာနှုန်းပြည့်နီးပါး အတိအကျ ဖြင့် မြင်ထား၏။ (အဘယ့်ကြောင့် ဒုက္ခပေးတတ်သော ရာဟု - ပြောရခြင်းမှာ- အင်္ဂါပိုင် န၀င်းတွင် စီးနင်း၍၊ ကိတ်ပိုင် နက္ခတ် တွင် တည်သော ရာဟု ဖြစ်သောကြောင့် ဖြစ်သည်။) ရရှိသော ဘုန်တန်ခိုး အာဏာတို့သည်- လေ နှင့် အတူ လွင့်ပျောက် သွားမည် ဆိုသည်ကို ပြဆိုနေသကဲ့ပင် ဖြစ်သည်။

တနင်္လာ ဂြိုဟ်အား စစ်ဆေးခြင်း။

တနင်္လာသည် အိုးအိမ်၊ မိခင်နှင့် သက်ဆိုင်သော ၄-တန့် ဘာဝတွင် နေခြင်းဖြင့် အမိကို ခင်တွယ် တတ်သူ ဖြစ်သည်ကို ပြနေသည်။ နပိုလီယန် အနေဖြင့် ညီ အစ်ကို တစ်ယောက်ကို ရာထူး၊ ဆုလာဘ် ပေးတိုင်း မိခင် ဖြစ်သူက ကျန်သူများကိုပါ ဆုချီးမြှင့်ရန် ပြောတိုင်း တစ်ခါမှ မငြင်းဆန်ခဲ့။ မိခင် ၏ ဆန္ဒကို မဆန့်ကျင် ခဲ့ဘူးပေ။ ထို့ကြောင့်လည်း နပိုလီယန် ဧကရာဇ် ဖြစ်သော အချိန်ကာလတွင် မိခင်သည် တိုင်းပြည်တွင် သြဇာ အကြီးမားဆုံး သူ တစ်ဦး ဖြစ်ခဲ့ပါ၏။
စစ်ဘုရင် တစ်ဦး၏ ဇာတာ အနေဖြင့် ထူးဆန်းသည့် အချက်တစ်ချက်ကို လာတွေ့နေရပါသည်။ ထိုအချက်မှာ ဇာတာရှင်၏ စိတ်ဓါတ်ကို ဖေါ်ပြသော တနင်္လာသည် ငြိမ်းချမ်းမှုကို ဖေါ်ဆောင်သော ၄-တန့် ဘာဝတွင် တည်နေခြင်း ဖြစ်၏။ ဤအချက်က- ရည်ရွယ်ချက် ကြီးမား၍ အောင်မြင်မှုများကို ရရှိစေရန် မရ မနေ လုပ်ဆောင်သော သူပင် ဖြစ်သော်လည်း၊ ပင်ကိုယ်အားဖြင့် ရန်လိုသူ တစ်ဦးမဟုတ်သည်ကို ဖေါ်ပြနေသလိုပင်။ သာမာန် ဒုဗိုလ်လေး ဘ၀က- သူ့အား အများက နာမည်ပြောင်ခေါ်၍ ချစ်စနိုး ဆက်ဆံကြသည် ကလည်းကောင်း၊ လက်အောက် ငယ်သားများအား အင်မတန် သံယောဇဉ်ကြီးသူ ဖြစ်သည် ဆိုသည် ကလည်းကောင်း၊ မိဖုရား နှင့် ဖေါက်ပြန်သူတို့ကို ရက်စက်စွာ အရေးမယူခဲ့ခြင်းကလည်းကောင်း နပိုလီယန်သည် ကြမ်းတမ်း သွေးဆာသူ မဟုတ်ကြောင်း ဖေါ်ပြနေသလိုပင် ဖြစ်တော့သည်။

တစ်နည်းအားဖြင့်လည်း - ကမ္မဘာဝ ခေါ် ၁၀-တန့် ဘာဝ၏ မူလတြိဂေါဏ အိမ်ရှင် ဖြစ်သော တနင်္လာသည် ၄-တန့်တွင် တည်ခြင်းဖြင့် ပညာလေ့လာမှု၊ သဘောထား ပြည့်ဝမှု တို့ကြောင့် ထင်ရှားတတ်သည်။ မိမိ၏ အစွမ်းအစကို ထုတ်ပြ နိုင်စွမ်းကို ဖေါ်ဆောင်သော တနင်္လာသည် တည်ညိမ်မှု၊ ကို ဖေါ်ဆောင်သော ၄-တန့်တွင် ရပ်တည် ခြင်းကြောင့်၊ ပွဲလယ် တင့်သော၊ အများစု အလယ်တွင် တည်ငြိမ်စွာ ဆုံးဖြတ်နိုင်စွမ်း ရှိသူဖြစ်ကြောင်း ဖေါ်ပြ နေသဖြင့်- နောက်လိုက်ငယ်သားများက လည်း ဇာတာရှင်အား လေးစား ကြသဖြင့် ထင်ရှားအောင်မြင် ရခြင်းလည်း ဖြစ်သည်။
သို့သော် ထိုသို့သော အနေအထားတို့သည်- ၁၂-တန့် ဘာဝ အိမ်ရှင် ဖြစ်သော ဗုဒ္ဓဟူးမှ - တနင်္လာ ပိုင်ဆိုင်ရာ ၁၀-တန့် ဘာဝ ကိုလည်းကောင်း၊ တနင်္လာ ရပ်တည်ရာ ၄-တန့် ဘာဝ ကိုလည်းကောင်း၊ အလွန်နီးကပ်စွာ ဖျက်ဆီး ပစ်လိုက်ပါသည်။
၁၂-တန့် ဘာဝသခင်သည် ဆုံးရှုံးခြင်း၊ အချုပ်အနှောင် ခံရခြင်းတို့ကို ကိုယ်စားပြုသော ဘာဝဖြစ်၏။ ဘ၀ တက်လမ်း အောင်မြင်မှု အတွက် အရေးပါသော ၁၀-တန့်၊ အိုးအိမ် ပိုင်ဆိုင်မှု၊ စိတ်အေးချမ်း မှုတို့ကို ကိုယ်စားပြုသော ၄-တန့်--- ထို အတန့် ဘာဝများအား ဆုံးရှုံးခြင်းတို့၏ တမန်တော် ဖြစ်သည့် ၁၂-တန့် သခင် ဗုဒ္ဓဟူးမှ ရက်စက်စွာ ချေမှုန်း လိုက်ခြင်းဖြင့် ဇာတာရှင် အနေဖြင့် အောင်မြင်မှုများ အားလုံး ဆုံးရှုံးကာ၊ တစ်ကျွန်းစံ ဘ၀ဖြင့် ဘ၀၏ နောက်ဆုံး အချိန်ကို ဖြတ်သန်းခဲ့ရခြင်းကို ဖြစ်စေသော အကြောင်း တစ်ချက်ပင် ဖြစ်တော့သည်။
ထင်ရှားသော အခြား အချက်တစ်ချက်မှာမူ- စိတ်ကို အစိုးရသော တနင်္လာဂြိုဟ်၊ တစ်နည်းအားဖြင့် လည်း အိမ်တွင်းရေး သာယာမှုကို ကိုယ်စားပြု ၄-တန့်တွင် ရပ်တည်နေသည့် တနင်္လာအား- ၁၂-တန့် သခင်၏ အမြင်၊ ရထားခြင်းဖြင့် မိမိအိမ်တွင် နေထိုင်ခွင့် မရပဲ- အမြဲလိုလို အဝေးတွင် ရောက်နေရခြင်း၊ အိမ်တွင်းရေးနှင့် ပါတ်သက်၍ စိတ်ဆင်းရဲ ရခြင်းကို ဖြစ်စေခြင်းမှာလည်း ထင်ရှားနေပါသည်။

အင်္ဂါ ဂြိုဟ်အား စစ်ဆေးခြင်း။

စစ်ဘုရင် တစ်ဦး၏ ဇာတာဖြစ်ခြင်းကြောင့်- စိတ်ဝင်စားစွာ လေ့လာမိသည်က အင်္ဂါ ဂြိုဟ်ဖြစ်၏။
အင်္ဂါသည် စစ်ကို အစိုးရသော ဂြိုဟ်ဖြစ်ကြောင်း၊ ဗေဒင် အခြေခံမျှ ရှိသူတို့ပင် သိကြ၏။
သို့သော် အင်္ဂါ၏ မူလ အဓိပ္ပါယ်ကို တိကျစွာ နားလည်လျှင် မူကား တစ်မျိုးဖြစ်၏။
အင်္ဂါသည် လက်တွေ့လုပ်ဆောင်မှု၊ အကောင်အထည် ဖော်ရမှု၊ ရဲရင့်မှုတို့ကို သရုပ်ဆောင်သော ဂြိုဟ်ဖြစ်သည်။
လိုအပ်လျှင် ဇတ်ကြမ်း တိုက်ရသော လူကြမ်းနေရာတွင် သရုပ်ဆောင်ရခြင်းကြောင့် အများက ဂြိုဟ်ဆိုးဟု သတ်မှတ် ထားခြင်း ခံရသော ဂြိုဟ်ဖြစ်ပါသည်။
ဤဇာတာတွင် ထိုဂြိုဟ်ကြမ်းသည် ဂြိုဟ်ဆိုးတော့ မဟုတ်ပါပေ။ အဘယ့်ကြောင့်ဆိုသော် ၇-တန့် ဘာဝ၏ သခင် (မူလ တြိဂေါဏ အိမ်ရှင်) ဖြစ်ခြင်းကြောင့် ဂြိုဟ်ကြမ်း ဖြစ်သော်ငြားလည်း အင်္ဂါ သည် ဂြိုဟ်ဆိုးမဟုတ်ပါပေ။
ထို အင်္ဂါသည် ဤဇာတာတွင် ၁၁-တန့် ဘာဝ တွင် တည်နေ၏။ ၁၁-တန့် ဘာဝသည် လူနေမှု အဆင့်အတန်း ဂုဏ်သိက္ခာကို ဖေါ်ပြသော ဘာဝ ဖြစ်သော်လည်း၊ တစ်ဘက်တွင် လောဘ အတ္တကို ဖေါ်ပြသော ဘာဝ လည်းဖြစ်၏။
ရည်ရွယ်ချက်နှင့် လောဘ အတ္တဖြင့် အဆင့်အတန်း ကို ကိုယ်စားပြုသော ၁၁-တန့် ဘာဝ တွင် လက်တွေ့လုပ်ဆောင် အကောင်အထည်ဖေါ်သော အင်္ဂါတည်နေခြင်းဖြင့် - နပိုလီယန်သည် ကိုယ့်ဒူး ကိုယ်ချွန်ဖြင့် ဧကရာဇ် အဆင့်အထိ ရောက်အောင် လုပ်ခဲ့ခြင်းကို ဖြစ်စေခြင်း လည်း ဖြစ်၏။ ထိုအချက်ကို အထောက်အပံ့ ပေးသည်က- အင်္ဂါသည် - ဘုန်းတန်ခိုး အာဏာနှင့် သက်ဆိုင်သော တနင်္ဂနွေပိုင် သိဟ်ရာသီတွင် မိတ် အနေဖြင့် တည်နေခြင်း လည်းဖြစ်၏။
ဤအခြေအနေ များသည် ဇာတာရှင် အနေဖြင့် ထိုးဖေါက် တီထွင် လုပ်ဆောင် ရန် အမြဲ ကြံစည်တတ်ခြင်းကိုလည်း ဖြစ်စေပါ၏။
အခြားတစ်ဘက်မှ ကြည့်မည် ဆိုပါကလည်း- အင်္ဂါသည် ၇-တန့် ဘာဝ၏ သခင် (မူလတြိဂေါဏ အိမ်ရှင်) ဖြစ်၏။ ၇-တန့် ဘာဝသည် ဤဇာတာရှင် အတွက် အိမ်ထောင်ဘက် ဘာဝ ဖြစ်၏။ ၇-တန့် ဘာဝ၏ မူလတြိဂေါဏ အိမ်ရှင်သည် ၁၁-တန့်တွင် တည်ခြင်းဖြင့် ဇာတာရှင်၏ ကုသိုလ်ကံသည် အိမ်ထောင် ကျပြီးမှ ထူးထူးခြားခြား ကောင်းလာ ခြင်းကို ဖြစ်စေ၏။ တိုက်ဆိုင်နေသော အချက်က- နပိုလီယန်သည် အိမ်ထောင်ကျပြီးမှ ထင်ရှားစွာ အောင်မြင်ခဲ့သလို အိမ်ထောင်ကွဲပြီးမှ ထင်ရှားစွာ ဆုံးရှုံးလာခြင်း ဖြစ်၏။
သွေးသံရဲရဲ ကို ဖေါ်ဆောင်သည့် အင်္ဂါသည် အင်အား ကောင်းနေခြင်း၊ ၄င်းအား ဂြိုဟ်ဆိုးများက အပူးအမြင် မပြုထားခြင်း (တနင်္ဂနွေသည် မိုးတား စနစ်အရ ဤဇာတာ အတွက် ဂြိုဟ်ဆိုးမဟုတ်သလို၊ အံသာ ကွာဝေးသဖြင့် အပူး လည်း မမည်ပါ။) တို့ကြောင့် ဇာတာရှင်သည် စစ်တိုက်ပွဲ များစွာ တိုက်ခိုက်ခဲ့သော်လည်း- သွေးသံ ထိခိုက်မှု မရှိသလောက် ဖြစ်ခဲ့သူ ဖြစ်သည်။
နောက် တစ်ဆင့် အားဖြင့်လည်း- ယခင် ပြီးခဲ့သော ဆောင်းပါးတွင် ဖေါ်ပြခဲ့သည့်အတိုင်း ယူရေးနပ်စ်၊ နက်ပ်ကျွန်း၊ ပလူတို ဂြိုဟ် ၃-လုံးတို့ ဖိုခနောက်ဆိုင် တည်နေကြရာတွင် အင်္ဂါသည် နက်ပ်ကျွန်း အနီးတွင် နီးစပ်စွာ တည်နေသဖြင့်- ထိုသုံးပွင့်ဆိုင် အနေအထားတွင် ၀င်ရောက်ပါဝင် နေခြင်းဖြင့်- ကြီးမားသော အင်အား တို့နှင့် ဆက်စပ် နေခြင်း၊ တို့ကြောင့် ကမ္ဘာတွင် တစ်ခေတ် တစ်ယောက် ထင်ရှားသော စစ်ဧကရာဇ် ဖြစ်ရသည် ဟုပင် ဆိုရမလိုပါပင်။


ဗုဒ္ဓဟူး ဂြိုဟ်အား စစ်ဆေးခြင်း။

ဤဇာတာတွင် ဗုဒ္ဓဟူးဂြိုဟ် -သည် ၁၂-တန့် ဘာဝသခင် (မူလတြိဂေါဏ အိမ်ရှင်) ဖြစ်၏။ မိုးတား MOTAA စနစ်အရ ဗုဒ္ဓဟူးသည် ဂြိုဟ်ဆိုး ပင်ဖြစ်သည်။ မိုးတား သင်ခန်းစာများတွင် ပါရှိသည့် အတိုင်း- ဂြိုဟ်တို့တွင် မူလ ဂြိုဟ်၏ တာဝန်နှင့် ဘာဝ သခင်အဖြစ် ယူဆောင်ရသော သက်ဆိုင်ရာ ကာရက တာဝန် တို့ရှိကြရာ- ၄င်းတို့ကို သီးသန့်စီ ခွဲ၍ သုံးသပ်ကြပါအံ့။
အသိဥာဏ်၊ ပါးနပ်မှု၊ စကားပြောဆိုမှု၊ အတွက်အချက် တို့ကို တာဝန်ယူရသော ဗုဒ္ဓဟူး အနေဖြင့် ၁၀-တန့်တွင် ရပ်တည် ခြင်းဖြင့် ကျော်ကြားပြီး အောင်မြင်မည့် သူမျိုးဖြစ်သည်။ စာရေးကောင်းခြင်း၊ စကားပြောကောင်းခြင်း၊ အတွက် အချက်ကောင်းခြင်း တို့သည် ဇာတာရှင်၏ ပင်ကိုယ် အရည်အချင်း တို့ပင် ဖြစ်သည်။
နပိုလီယန်သည် သူ့ခေတ် သူ့အခါက အင်မတန် ထူးချွန်သော စစ်ဗျူဟာမှူး တစ်ဦးဖြစ်၏။ ရန်သူအား တိုက်ခိုက်ခြင်း တို့တွင် သွေးရူး သွေးတန်း၊ ရက်စက် ကြမ်းကြုတ်စွာ တိုက်ခိုက်ရုံမျှ ဖြင့် စစ်ဧကရာဇ် တစ်ဦး ဖြစ်လာ စရာမရှိ။ အကွက်ချ စဉ်းစားတတ်ခြင်း၊ ဦးဆောင် နိုင်ခြင်း တို့သည် နပိုလီယန်အား သာမာန် စစ်ဗိုလ် လေး အဆင့်မှ တစ်ဆင့် ပြီး တစ်ဆင့် အများက လေးစား လက်ခံ နိုင်သော စစ်ရေး ဦးဆောင်သူ အဖြစ်ပို့ဆောင် ပေးခဲ့ခြင်း ဖြစ်သည်။
သို့သော် ထို ၁၂-တန့်ဘာဝ သခင် ဗုဒ္ဓဟူးသည် ၄င်းရပ်တည်ရာ ၁၀-တန့်ဘာဝ၏ အလယ်မှတ်သို့ နီးစပ်နေခြင်းဖြင့် ၄င်း ၁၀-တန့်ဘာဝအား နင်းချေ ဖျက်ဆီး လိုက်သကဲ့သို့ ဖြစ်သွားသဖြင့်- ၁၂-တန့်သခင် ဗုဒ္ဓဟူးသည် အင်အား နည်းပါးသော အဆင့်သို့ရောက်ရှိသွားရသည်။ ၁၀-တန့်သည် ဘ၀ အောင်မြင်မှု၊ တိုးတက်မှု၊ အလုပ်အကိုင် Career နှင့် အသက်မွေးဝမ်းကျောင်းမှု Professional ကို တာဝန်ယူသော ဘာဝဖြစ်၏။ ဤအနေအထား ကြောင့်ပင် ဇာတာရှင်၏ ဘ၀ တိုးတက်လမ်းသည် အဆုံးအရှုံးတို့ဖြင့် ရင်ဆိုင်လာရပါတော့၏။

ကြာသပတေး ဂြိုဟ်အား စစ်ဆေးခြင်း။

ဤဇာတာအတွက် ကြာသပတေးသည် အင်အား အကောင်းဆုံးဂြိုဟ်ဖြစ်၏။ ဂရပ်တွင် ကြည့်ပါ။ ကြာသပတေးသည် ၃-တန့်ဘာဝ ၏ သခင် (မူလတြိဂေါဏ အိမ်ရှင်) ဖြစ်၍၊ ၁-တန့်ဘာဝ (လဂ်) တွင် ရပ်တည်ထားသည်။ အင်မတန်ကောင်း သော အနေအထားဖြစ်၏။ ဗုဒ္ဓဟူးဂြိုဟ်သည် Intelligence ဖြစ်၍၊ ကြာသပတေးသည် Wisdom ဖြစ်သည်။ စဉ်းစား နိုင်အား ကောင်းသော သူဖြစ်၏။ အတွေးအခေါ် မြင့်မား၏။ နပိုလီယန်၏ အဆိုအမိန့် များစွာ ရှိပါသည်။ သူ၏ အသိဥာဏ် အဆင့်အတန်းကို သူ၏ အဆိုအမိန့်များတွင် တွေ့နိုင်ပါသည်။ ဥပဒေ ကို ရေးဆွဲ ပြဌာန်း ခဲ့သော သူ တစ်ဦးဖြစ်ခဲ့သည် ကိုလည်း လေ့လာနိုင်ပါသည်။
အသိဥာဏ် နှင့် ပါတ်သက်သော ကြာသပတေးသည် ဇာတာရှင် ကိုယ်တိုင်ကို ကိုယ်စားပြုသော ၁-တန့်ဘာဝ (လဂ်) တွင် တည်ခြင်းဖြင့် ဇာတာရှင်သည် မိမိကိုယ်ကို ယုံကြည်သူ တစ်ယောက်ဖြစ်ခြင်း၊ ကိုယ်ပိုင် အတွေးအခေါ် ဖြင့်သာ ဆုံးဖြတ်တတ်သော သူမျိုး ဖြစ်ခြင်း တို့ကို ဖြစ်စေ၏။

အခြားတစ်ဘက်တွင်လည်း ကြာသပတေးသည် ၃-တန့် ဘာဝ၏ မူလတြိဂေါဏ အိမ်ရှင် အနေဖြင့် သည် ၁-တန့်တွင် တည်ခြင်း၊ စရ ရာသီတွင်တည်ခြင်း ဖြင့် ဇာတာရှင်သည် ကိုယ့်အား ကိုယ်ကိုးတတ်သော သူမျိုးဖြစ်ခြင်း၊ လုပ်ကိုင်စရာ ရှိသည်တို့တွင် အချိန်မဆိုင်းပဲ အကောင်အထည် ဖေါ်ခြင်းတို့ ဖြစ်စေသည်။ ဤ အနေအထားသည် အတန်းပညာ ထက် လက်တွေ့ဘ၀ဆန်သော အရည်အချင်းကြောင့် ဇာတာရှင်ကို အများက အံ့သြရတတ် သော အနေအထား မျိုးဖြစ်၏။ ကိစ္စရပ် တစ်ခု အပေါ်တွင် ရေဆုံးရေဖျား အထိ သိလိုမှု၊ စူးစမ်းမှုတို့ကြောင့် အများသူငါ တို့ မအောင်မြင်နိုင် သော လုပ်ငန်းကို လုပ်လျှင် သော်မှ၊ အောင်မြင် နိုင်သော သူမျိုးဖြစ်သည်။ ငယ်ရွယ်စဉ် ပညာစသင် စဉ်က ကြုံတွေ့ရသော အနေအထားတို့ကြောင့်၊ မိမိ၏ အရည်အချင်းကို သာ အားကိုးလိုသော အခြေအနေသို့ ရောက်လာခြင်းမျိုး ဖြစ်တတ်သည်။
သို့သော်လည်း ရန်သူပြိုင်ဘက်နှင့် ပါတ်သက်လျှင် ဇာတာရှင်သည် မည်သည့် အခါမှ အရှုံးမပေးတတ်သော သူဖြစ်သလို၊ ကျန်းမာရေး ကောင်းမွန်လိမ့်မည်။ (နပိုလီယန်သည် ဗိုက်အောင့် ဗိုက်နာပင် မဖြစ်ခဲ့သူ တစ်ယောက် ဟု ဆိုကြသည်။) မိမိဘ၀ တွင် အရေးပါသူများတွင် မိမိ၏ မောင်နှမ များပါဝင်နေလိမ့်မည်။ ဇာတာရှင်၏ အကို ဂျိုးဇက်သည် ဇာတာရှင်၏ ဘ၀တွင် အရေးပါသော အခန်းတွင် ရှိခဲ့သည်။
ကြာသပတေး ဂြိုဟ်၏ သခင်ဖြစ်ရာ ဘာဝ ဖြစ်သော ၃-တန့်ဘာဝ၏ အလယ်မှတ်အား လဂ်သခင် သောကြာမှ ၁၀၀% အတိအကျ ဖြင့် အမြင်ထပ်ပြုထားပြန်ရာ- ကြာသပတေးသည် လွန်စွာ အင်အားကောင်းသွားရသည်။
ထိုနည်းတူ ရဲရင့်ခြင်း၊ ဦးစီး ဦးဆောင် စတင်ခြင်း တို့ကို တာဝန်ယူသော ၃-တန့်ဘာဝ မှာလည်း အင်အားကောင်း သွားရပြန်ပါသည်။

သောကြာ ဂြိုဟ်အား စစ်ဆေးခြင်း။

သောကြာသည် အချစ် ဂြိုဟ်ဖြစ်သလို၊ ခရီး ဂြိုဟ်လည်း ဖြစ်သည်။ ဤဇာတာတွင် သောကြာသည် လဂ်သခင် ဂြိုဟ်သည်။
လဂ်သခင်လည်း ဖြစ်၊ ခရီးဂြိုဟ်လည်း ဖြစ်သော သောကြာဂြိုဟ် သည် ခရီးရှည်ကို ကိုယ်စားပြုသော ၉-တန့် ဘာဝတွင် ရပ်တည်ခြင်း ဖြင့် ဇာတာရှင်သည် ဥရောပ- နှင့် အရှေ.အလယ်ပိုင်း တစ်ခွင် မရပ်မနား ခရီးသွားနေခဲ့ရခြင်း ဖြစ်၏။ ဤဇာတာအရ- ဇာတာရှင်သည် ရပ်ဝေးမြေခြား မှ အိမ်ထောင်ဘက် ချစ်သူနှင့် အကြောင်း ပါတတ်သည်။ (မိဖုရားကြီး ဂျိုးဆက်ဖင်း သည်လည်းကောင်း၊ ဒုတိယ မိဖုရား မေရီ လူစီသည် လည်းကောင်း တနယ်ခြားသူများ ဖြစ်ကာ- ခရီးသွားယင်း တွေ့ဆုံခဲ့ရသူများ ဖြစ်သည်။)
ထိုသောကြာသည် ၄င်းရပ်တည်ရာ ၉-တန့်ဘာဝ အလယ်မှတ်အား အတိအကျ စီးနင်းထား၏။ ဤအချက်သည် သောကြာကို အင်အားကောင်းစေသော အချက်လည်း ဖြစ်နေသည်။ မိတ်ရာသီ၊ မိတ်န၀င်းကိုလည်း စီးနင်းထား၏။ လဂ်သခင် ဖြစ်သော သောကြာ အနေဖြင့် ထိုသို့ အင်အားကောင်းခြင်းကြောင့် ကျန်းမာရေး အလွန်ကောင်းသူ ဖြစ်ခြင်း၊ စစ်ပွဲများတွင် ထိခိုက် ဒဏ်ရာ မရခဲ့သူဖြစ်ခြင်း တို့ကို ဖြစ်စေခြင်းလည်း ဖြစ်သည်။

စနေ ဂြိုဟ်အား စစ်ဆေးခြင်း။

ဤဇာတာ အတွက် စနေဂြိုဟ်သည် ၅-တန့်ဘာဝ၏ သခင် (မူလတြိဂေါဏ အိမ်ရှင်) ဖြစ်၍ ၁၀-တန့်ဘာဝတွင် တည်၏။
လေးနက်စွာ လုပ်ဆောင်တတ်သော စနေဂြိုဟ်သည် ၁၀-တန့် ဘာဝတွင် တည်နေခြင်း ဖြင့် ဇာတာရှင်သည် အလုပ်လုပ် ရာတွင် စိတ်ရောကိုယ်ပါ လေးလေး နက်နက် လုပ်တတ်သည်။ ဤအချက်သည် ဇာတာရှင် အောင်မြင် ရခြင်း၏ အကြောင်းတစ်ချက်လည်း ဖြစ်၏။
တစ်ဖန် ၅-တန့် ဘာဝ၏ မူလတြိဂေါဏ အိမ်ရှင် အနေဖြင့် ၁၀-တန့်တွင် တည်ခြင်းဖြင့် အများက လေးစားရသော ရာဇ ယုဂ်တစ်မျိုးကို ရထားသည်။ သားယောက်ျားထွန်းကား၏။ အသိဥာဏ် ဖြင့် အလုပ်လုပ်သော သူဖြစ်သည်ဟု ဆိုနိုင်၏။
သို့သော် ၁၂-တန့်ဘာဝ သခင် ဗုဒ္ဓဟူးသည် စနေ ဂြိုဟ်ရပ်တည်ရာ ၁၀-တန့်ဘာဝ၏ အချက်အခြာ အလယ်မှတ် ကို အတိအကျ နီးပါး စီးနင်း တိုက်ခိုက်ထားခြင်းဖြင့်- စနေဂြိုဟ်၏ အင်အား ယုတ်လျော့ ပျက်စီးသွားရသည်။ အသက် ရှည်မှု ကို အစိုးရသော စနေမှာ အင်အား ယုတ်လျော့သွားရသဖြင့် ဇာတာရှင် အနေဖြင့် အသက် ၅၂-နှစ် အထိသာ နေခဲ့ရခြင်း ဖြစ်၏။

ဤဇာတာ၏ ထူးခြားချက်
ဤဇာတာ တွင် ထူးခြားချက်တို့ ရှိနေ၏။ ၄င်းတို့မှာ-
- ယူရေးနပ်၊ နက်ပ်ကျွန်း၊ ပလူတိုတို့ ၃-လုံး မဟာတြိဂံ ကြုံချိန်တွင် မွေးလာသူဖြစ်ခြင်း။
- ထိုမဟာတြိဂံ တွင် စစ်ကို အစိုးရသော အင်္ဂါသည် နီးစပ်စွာ ၀င်ပါနေခြင်း။
- ဂြိုဟ်အားလုံးသည် မကောင်းသော ဘာဝတို့တွင် ရပ်တည်မှု မရှိခြင်း။
- စစ်ဧကရာဇ်ဟု ဆိုငြားလည်း- ရက်စက်တတ်သော သဘော သဘာဝ အရိပ်အယောင် တို့ကို မမြင်ရသည့် အပြင်၊ ဇနီးနှင့် ဖောက်ပြန်သူတို့ကိုပင် အပြစ်မပေးခဲ့သော သည်းခံနိုင်စွမ်း ရှိခဲ့ခြင်း
စသည်တို့ ဖြစ်သည်။
စစ် ဧကရာဇ် နပိုလီယံ (အပိုင်း ၁) ကိုဖတ်ရန် ဤနေရာကို နှိပ်ပါ။
စစ် ဧကရာဇ် နပိုလီယံ (အပိုင်း ၂) ကိုဖတ်ရန် ဤနေရာကို နှိပ်ပါ။
စစ် ဧကရာဇ် နပိုလီယံ (အပိုင်း ၃) ကိုဖတ်ရန် ဤနေရာကို နှိပ်ပါ။
စစ် ဧကရာဇ် နပိုလီယံ (အပိုင်း ၄) ကိုဖတ်ရန် ဤနေရာကို နှိပ်ပါ။
စစ် ဧကရာဇ် နပိုလီယံ (အပိုင်း ၆) ကိုဖတ်ရန် ဤနေရာကို နှိပ်ပါ။

နျူမာန် (မိုးတား)

[+/-] show/hide this post

3 comments:

kopakhan said...

မှတ်သားလျှက်ပါ ဆရာခင်ဗျာ။
ကိုပခန်း

KT said...

ဆရာရှင့်-
ယခုလို မိုးတားနည်းနဲ့ နပိုလီယန်ရဲ့ဇာတာကို သုံးသပ်ပြသွားတာ အရမ်း စိတ်ဝင်စား စရာကောင်းပါတယ်။ ဆရာပေးပို့လိုက်တဲ့ တစ်နှစ်စာ ဟောစာတမ်းကို ရရှိပါပြီ။ ကျွန်မရဲ. စိတ်၊ စရိုက်နဲ့ ဘ၀ ဖြစ်စဉ်တွေကို သုံးသပ်သွားတာ- အတိုင်းသား ထင်ရှားမှန်ကန်လှပါတယ်။ ဆရာ ပေးတဲ့ အကြံဥာဏ် အတိုင်းလည်း လိုက်နာပါ့မယ်။ ကျွန်မ မိတ်ဆွေအချို့ကိုလည်း အခုလို ကူညီပေးစေလိုပါတယ်။ ကျေးဇူးတင် လေးစားစွာဖြင့် KT

Numan said...

မ KT သို့-
အခုလို ကွန်မန့်ပေးတာ ကျေးဇူးတင်ပါတယ်။ မ KT ရဲ့ မိတ်ဆွေတွေကို ကူညီပေးဘို့ ဆန္ဒရှိပေမယ့်- အခုအခါ အချိန်အခက်အခဲကြောင့်- ဟောပြောပေးမှုတွေကို လျှော့ပြီး မြန်မာ များအတွက်ပဲ သီးသန့် ဟောစာတမ်းရေးပေးဘို့ စီစဉ်ထားပါတယ်။ မကြာခင်မှာ အသေးစိတ်ကြေညာ ပေးပါ့မယ်။ နျူမာန် (မိုးတား)

Post a Comment