Sunday, October 24, 2010

မမှန်ယင် လျှာလှီးခံမယ့် ထီတွက်နည်း။

ကျွန်တော်တို့ မြန်မာလူမျိုးက “ထီ” ဟေ့ ဆိုလျှင် စိတ်ဝင်စား ကြသည်။တစ်စုံ တစ်ဦးကများ - ဂဏန်း ပေးတော့မည် ဆိုလျှင် အပြေးအလွှား၊ဒီမှာတင်- ၂-လုံး၊ ၃-လုံး နှင့် ချာလပါတ်လည် ပြီး ဒုက္ခများကြတော့၏။ဖြစ်နိုင်ချေ၊ မဖြစ်နိုင်ချေကို ယုတ္တိရှိရှိ စဉ်းစားဘို့ထက်- “ဒီအပါတ်မှာ ကပ်လွဲသွားတာ၊ နောက်တစ်ပါတ်တော့ သေချာပေါက်ပဲ” တွက်ယင်း - နောက်ဆုံးတော့- အကြွှေး ပင်လယ်တွင်း သက်ဆင်း၊ အိမ်ထောင်ရေး ပြဿနာ များက နောက်ဆက်တွဲ ဆက်ဖြစ်နှင့် အကုသိုလ်များ အတုံးလိုက် ၀င်ကြတော့၏။ဒါကိုပင်- ကံနိမ့်သည် ဟု ယူဆ၍ ယတြာများ ဆက်ချေကြ၊ ငွေမျော ငွေနှင့်လိုက် ဆိုသလို- ရင်ပူရ၊ အိပ်မပျော်ရသူတို့ မြန်မာပြည်တွင် မည်မျှ များနေပါသနည်း။“ကံ ဆိုသည်မှာ အလုပ်” ဆိုသည်ကို မြတ်စွာဘုရားက သင်ကြားပေးခဲ့ပါလျှက် မသိကျိုးကျွန်ပြု နေကြ၏။

ထီပေါက်ကိန်း တွက်နည်းတွေ အများကြီးရှိ၏။
တစ်နည်းနှင့် မကိုက်တော့လဲ တစ်နည်းနှင့် ကိုက်ပေမပေါ့-ယခု အောက်တွင် ဖေါ်ပြထားသည်က ကုန်းဘောင်ခေတ် မြန်မာနိုင်ငံတွင် ထင်ရှားခဲ့သော စလေ ဦးပုည၏ ထီတွက်နည်းဖြစ်၏။
အင်မတန် ရွတ်ဆို၍ ကောင်းသော တေးထပ်တို့ကို အရေးကောင်းသော စလေ ဦးပုညသည် အောက်ပါအတိုင်း ထီတွက်နည်း တေးထပ်ကို ရေးစပ်ခဲ့ပါ၏။

မူသက္က တည်ဖက်၍ နံဂြိုဟ်သက် ရောပါ။တိဗေဒ ဘုဉ္ဇာငယ်၊ကြွင်းသေသာ မပျက်၊ရောက်သက်နှင့် ရောပြန်လျှင်၊ခုနှစ်တန် စားတော့ တစ်ချက်၊ထီပေါက်ကိန်း ဥပဒေ၊ ပုံသေ သွေမပျက်၊ငါးခုကြွင်းသင်္ချာမှာ၊ စဉ်မကွာ မြဲ အတည် ရောက်ပါလိမ့်၊မဲထီပေါက် ဧ၀ကန်၊ ထိုးတော့ အမြန်၊သုညကြွင်းသည့် အခါတွင်၊ ဇာတာမှာ စပ်ပါလေ အမြဲ၊သွေမလွဲ ဧ၀ကန်၊ ထိုးပါအမှန်၊အကယ်၍ လွဲပေါက်မဲကျန်မူလျှာလှီးခံမည် စာချုပ်ပါတော့လေး

ထိုတေးထပ်ကို ရှင်းလင်းအောင် စကားပြေ ပြန်ရေးပါက- အောက်ပါ အတိုင်းဖြစ်၏။မွေးသက္ကရာဇ်ကိုတည်၊ ဂြိုဟ်သက်နှင့် ပေါင်း၊ရလဒ်ကို ၄၃ နှင်စား၊ ရလာသော အကြွှင်းကို ထီထိုးမည့် မိမိ အသက်နဲ.ပြန်ပေါင်း၍(၇) နှင့်စားပါ။ ၅-ကြွှင်းလျှင် သေချာ ပေါက် (မမှန်လျှင် လျှာလှီးခံမည် ဆိုထား၏။)၀-ကြွင်းလျှင် စပ်တူမျှ ပေါက် မည်။ဒီနေရာမှာ အယူအဆ အနည်းငယ် ကွဲ၏။ အချို့က “တိဗေဒ” ဆိုသည်မှာ ဗေဒင်ကျမ်း (၃) ပုံကို ဆိုလိုခြင်း ဖြစ်၍ (၃) ဖြင့် စားရမည်ဟု ဆိုကြ၏။ ကျွန်တော်က- လက်တွေ့စစ်ကြည့်လို၏။ ဤအဆင့်မျှလောက်ကို သုတေသန Research ဟု မခေါ်ထိုက်ပါ။ သာမာန် နည်းတိုတစ်ခုကို နမူနာ ဖြစ်ရပ်တို့ ဖြင့် ပြန်လည် စစ်ဆေးခြင်း မျှသာ ဖြစ်၍- ဤစစ်ဆေးခြင်းသည် နည်းတို တစ်နည်း မှန်မမှန် ကို စစ်ဆေးခြင်း Verification မျှသာ အဆင့်ရှိ၏။


ကမ္ဘာပေါ်မှ ထီပေါက်သူတို့၏ မွေးနေ့ နှင့် ထီပေါက်သော နေ့စွဲ ဘ၀ ဖြစ်စဉ်တို့ကို ကျွန်တော့် အနေဖြင့် စုဆောင်းထား၏။ မြန်မာလူမျိုး ထီပေါက်သူတို့ နှင့် ပါတ်သက်သော အချက်အလက် အချို့ရှိသော်လည်း၊ ကာယကံရှင်တို့၏ ခွင့်ပြုချက်မရသဖြင့် ဤနေရာတွင် မတင်ပြနိုင်ပါ။ ထီပေါက်ခြင်း နှင့် ပတ်သက်၍ နက္ခတ်ပညာဖြင့် ဆန်းစစ်ထား၏။ပြီးခဲ့သော ဆောင်းပါး တစ်ခုဖြစ်သည့် “ထီပေါက်သူတစ်ဦး၏ ဇာတာ” ဆောင်းပါး ကို လေ့လာဖတ်ရှုပါ။ယခုကိစ္စ တွင် တော့ ထိုထီပေါက်သူတို့၏ မွေးနေ့ အချက်အလက်များဖြင့်- စလေဦးပုည၏ မမှန်လျှင် လျှာအလှီးခံမည့် နည်းကို ဟုတ်မဟုတ်၊ မှန်မမှန် စစ်ဆေးခြင်း ပြုလုပ်ထား၏။ထိုသို့ ဆန်းစစ်မှု ပြုလုပ်ရာတွင် ၄၃ နှင့် စားခြင်းဖြင့် လည်းကောင်း၊ ၃- ဖြင့် စားခြင်းဖြင့် လည်းကောင်း ၂-မျိုးစလုံး တွက်ပြထား၏။ဤနည်း အနေဖြင့် မည်မျှ မှန်သနည်းကို အောက်ပါ တွက်ချက်မှုတို့မှ အဖြေပေးနေကြ၏။ ဤစစ်ဆေးချက်တွင်- အချို့သူများသည် မိသားစုဝင်များ ဖြစ်ကြ၏။ တစ်ယောက်တည်း စစ်မိပါက- တစ်ယောက် ကံကြောင့် ဟုလည်း ပြောလို့ရနေသဖြင့် - ထို့ကြောင့် စိတ်ချရအောင် တစ်မိသားစုလုံး ကိုလည်း စစ်ဆေးပြထား၏။အောက်တွင် ဖေါ်ပြထားသည်မှာ ၄၃ ဖြင့် စားသော နည်းဖြစ်၏။

မြန်မာနည်းအရ အသက်ကို ရေတွက်ကြရာတွင် ၄၇-နှစ်ကို ရက်ပိုင်းစွန်းသွားသည် နှင့် ထိုသူအား ၄၈-နှစ်ဟု ယူဆ တွက်ရမည် ဖြစ်သဖြင့် ထိုအတိုင်း တွက်ပြထား၏။

ရလာသော အဖြေတို့ကို ကြည့်ပါ။ ပထမနည်းတွင် ထီပေါက်သူ ၁၉-ဦးတွင် ၂-ဦးမှန်၏။ ထို့ကြောင့် ၂ ကို ၁၉ ဖြင့် စားကြည့်ပါက- ၁၀.၅% မှန်၏။ စပ်တူ ပေါက်သူများပါ ထည့်တွက်ကြည့်ပါက- ၅ ကိုတည် ၁၉ ဖြင့်စားသော်။ ၂၆.၃% မှန်၏။ သို့သော် တကယ့်ဖြစ်ရပ်တွင် ထိုသူများက စပ်တူ ထိုးခဲ့ကြသူများ မဟုတ်။

မှန်ချက် ရာခိုင်နှုန်း မည်မျှ ရှိပါသနည်း။ စာမေးပွဲ တစ်ခုတွင် အမှတ် ၁၀၀ ပေးလျှင် ၂၆ မှတ်ရပါက ထိုသူ့ အနေဖြင့် စာမေးပွဲ အောင်နိုင်ပါမည်လား။

တကယ်တမ်းအားဖြင့် ယခုစစ်ဆေးသော နည်းသည် သူ့နည်းဘက်ကို ပို၍ မျက်နှာသာပေးထားသော နည်းဖြစ်၏။ ဆိုလိုသည်မှာ နည်းအရ ၅-ကြွှင်းသော နှစ်၊ ၀- ကြွှင်းသော နှစ်များတွင် ထီထိုးသော သူတို့၏ အရေအတွက် စုစုပေါင်း နှင့် ထီမပေါက်သော သူတို့ အရေအတွက်ကို ပြန်တွက်ကြည့်ပါမူ- ယခုထက်ဆိုးရွားသော အဖြေကို ပေးမည် ဖြစ်၏။ု

ဟုတ်ပါပြီ- ၄၃ ဖြင့် စားခြင်းက သိပ်ဟန်မကျတော့- ဒီတော့ ကျွန်တော်တို့ အနေဖြင့် ၃-ဖြင့် စားကြည့်သော နည်းကို သုံးကြည့်ကြပါစို့။


အထက်က အတိုင်း စပ်တူ ပေါက်သူများပါ ထည့်တွက်ကြည့်ပါကလည်း ၂၆.၃% သာမှန်၏။
ယခု ဆိုလျှင် စာဖတ်သူ အနေဖြင့် သဘောနားလည်လောက်မည် ထင်ပါသည်။ ယခု စာဖတ်သူကိုယ်တိုင် နည်းသစ်တစ်နည်း ထွင်ကြည့်လိုက်ပါ။ စမ်းကြည့်လိုက်ပါ- ဖြစ်လာမည့် အဖြေများကလည်း- ဤမျှ ပမာဏ ပတ်ဝန်းကျင်တွင် ရှိနေပါသည်။

သို့ဆိုလျှင်- ဤသို့သော နည်းကို လျှာကိုပင် အလှီးခံဦးမည်ဟု ရဲရဲကြီး ပြောထားပါသနည်း။
အဖြေကား- အမှန်တကယ် လျှာလှီးမည့်သူမရှိသောကြောင့် ဖြစ်၏။ ဂျာမန် ဗေဒင် ပညာရှင်တစ်ဦးသည် မှားယွင်းသော ဟောကိန်းတစ်ခုကို ထုတ်ခဲ့သောကြောင့် သေနတ်ဖြင့် ဦးခေါင်းကို ပစ်၍ ကိုယ့်ကိုယ်ကို အဆုံးစီရင်ခဲ့၏။

ကိုယ်ပြောသော စကားကို ကိုယ်တာဝန် မယူ၊ ရဲရဲကြီး အာမခံသော သူတို့သည်- ပို၍ အောင်မြင်ကြ၏။ မှန်လျှင် အသံကျယ်၏။ မှားလျှင်- တော့ တိုးတိုးတိတ်တိတ်။

ထိုသူတို့၏ ရဲရဲကြီး အာမခံသော စကားတို့ကို ယုံမှတ်မိ၍- သဘာဝ မကျသော ဆေးကုထုံးတို့ကို ကုယင်း ကလေးငယ် သေဆုံးသွား သောအခါ- ကိုယ့်အထုပ် ကိုယ်ဖြေရာ ကျမည်စိုး၍၊ အသာလေး ငြိမ်နေကြ၏။ ထိုအခါ- ထိုကဲ့သို့ တာဝန် မဲ့သူတို့သည် ၁၀-ခု တစ်ခု မှန်လျှင် အောင်မြင် သွားသော်လည်း- ၉-ခုမှားသော ကိစ္စများ၏ အသံကို မကြားရ သဖြင့် ပို၍ပင် အတင့်ရဲလာတတ်ကြ၏။

စလေဦးပုည သည် မြန်မာ စာပေလောက တွင် ထင်ရှားသူဖြစ်၏။ သို့သော်- သူ၏ စိတ်ဓါတ်နှင့် အကျင့်တို့မှာလည်း လေ့လာသူများ အတွက် သတိပြုဘွယ် ဖြစ်၏။ ပညာရှင် ချင်း အတူတူ ဖြစ်သော အချုပ်တန်း ဆရာဖေနှင့် ကဗျာလင်္ကာများ အပြိုင်စပ်သီ ကြရာတွင်- တစ်ဘက်သူအား ပုဂ္ဂိုလ်ရေး နှိမ့်ချ တိုက်ခိုက်၏။
ဆရာဖေမှာမူ - ဦးပုည ရေးသလောက် ပြန်လည် မတုန့်ပြန်ရှာပါ။

နောက်ဆုံးတွင်မူ မြန်မာ နိုင်ငံ ၏ စက်မှု လုပ်ငန်း၊ စစ်ရေး လုပ်ငန်းတို့ကို ဦးစီး ဦးဆောင်လုပ်နေသော အိမ်ရှေ့စံ ကနောင်ကိုယ်တော် ကြီးအား မြင်ကွန်း၊ မြင်းခုံတိုင် မင်းသား တို့မှ လုပ်ကြံရန် အခါပေး ခဲ့သူဖြစ်၏။ ကနောင် ကိုယ်တော်ကြီး ဆုံးရှုံးခဲ့ရခြင်းသည် မြန်မာနိုင်ငံအတွက် ကြီးစွာသော ဆုံးရှုံးမှု ဖြစ်၏။

ယခု အခါ လျှာ အလှီးခံမည်ဟုပင် ရဲရဲတောက် အာမခံ ရေးထားသော ထီပေါက်နည်း တေးထပ်သည်- မည်သို့မျှ ထူးမခြားနားသော တွက်နည်းဖြစ်၏။

ဤဆောင်းပါးကို ဖတ်ပြီးနောက်

စာဖတ်သူသည်- ဤသို့ ရဲရဲတောက် အာမခံ သော - သေချာပေါက် သည် ဆိုသည့် ပုဂ္ဂိုလ်ထူး၊ ပုဂ္ဂိုလ်မြတ်များကို တွေ့လျှင် မည်သို့ မည်ပုံ ဆက်လက် ဆုံးဖြတ် ဆောင်ရွက် ပါမည်နည်း။

နျူမာန် (မိုးတား)

[+/-] show/hide this post

Sunday, October 10, 2010

ဗေဒင်ကို ယုံစရာမလို (Astrology Not a Matter of Faith)

ဗေဒင်ကို ယုံစရာမလိုပါ.....

(ဤဆောင်းပါးသည် ကမ္ဘာကျော် Matrix Astrology Software များကို ရေးသားခဲ့သူ၊ နက္ခတ်ပညာရှင် Michael Erlewine ၏ သင်ခန်းစာများမှ ကောက်နှုတ်ချက် တစ်ခု ဖြစ်ပါသည်။
မြန်မာများ အနေဖြင့် သိသင့်သိထိုက်သော အချက်များ ဖြစ်သဖြင့်- တစ်ဆင့် ဘာသာပြန် ဝေငှပေးလိုက် ရပါသည်။)

ဗေဒင် သည် ယုံကြည်ကိုးစား ရမည့် အရာမဟုတ်။လူအများ အနေဖြင့် ဗေဒင် ပညာရပ် ကို လွဲမှား စွာ နားလည် ထားသည့် အချက်တစ်ခုမှာ - ဗေဒင်ပညာရှင် ဖြစ်ရန် အတွက်- အတိုင်းအတာ တစ်ခုအားဖြင့် ဗေဒင်ကို ယုံထားရမည် ဆိုသော အချက်ဖြစ်ပါ၏။ ဗေဒင်ပညာ သည် စိတ်ပညာကို ကဲ့သို့ပင် ယုံစရာလား၊ မယုံစရာလား မေးခွန်းထုတ်ရမည့် ကိစ္စရပ်တစ်ခု မဟုတ်ချေ၊ အသုံးချရန် အရာသာ ဖြစ်၏။ကျွန်တော့် အနေဖြင့် ကျွန်တော် ဘယ်သူ ဘယ်ပုံဖြစ်မည်နည်း၊ ကျွန်တော့်ဘ၀ က ဘယ်လို ဘယ်လို အနေအထား ဖြစ်မည် နည်း၊ ကို ရှင်းရှင်း လွယ်လွယ် နားလည် သဘောပေါက် နိုင်ရေး အတွက် နည်းလမ်းတစ်ခု အနေဖြင့် မကြာခဏ အသုံးတည့်ကို ကြုံတွေ့ရသည်။
အကျဉ်းချုပ် ဆိုပါက-

ကျွန်တော် ဗေဒင်မယုံပါ။
ကျွန်တော့် အနေဖြင့် အသုံးတည့်သည်ဟု မြင်သော အခါတွင် သုံးလိုက်သည်။
ဗေဒင် အနေဖြင့် အသုံးမတည့် ဟု မြင်သော အခါ အခြားသော ကိရိယာများ ကဲ့သို့ပင် သူ့အား. မသုံးတော့။

ဗေဒင်ပညာသည် ကောင်းကင်တွင် ပုံမှန်၊ အချိန်မှန် ဖြစ်ပေါ်တတ်သော ဖြစ်ရပ်များ၊ စကြာဝဠာ ရောင်ခြည် စွမ်းအား များကြောင့် လူသားတို့ နေထိုင်ရာ ကမ္ဘာပေါ်တွင် ရိုက်ခတ် တုန့်ပြန် မှုတို့ကို လေ့လာသော ပညာဖြစ်ပြီး. အပြန်အလှန်အားဖြင့်လည်း လူသားတို့ ကမ္ဘာမှ ပြောင်းလဲမှု များကြောင့် စကြာဝဠာတွင် ပြန်လည် ရိုက်ခတ်မှု၊ တို့ကို လေ့လာခြင်း ဖြစ်သည်။
ဗေဒင် ပညာရှင်တို့သည် ဂြိုဟ်တို့၏ ဟန်ချက်ညီညီ ရွေ့လျားမှုကြောင့် ပေါ်ပေါက်လာသော စကြာဝဠာ ရောင်ခြည် စွမ်းအား တို့ အနေဖြင့်- လူတို့၏ နေ့စဉ်ဘ၀ ကို မှုန်ဝါးဝါး မီးမောင်းထိုးပြ နေခြင်း ဟု နားလည် လက်ခံ ထားကြသည်။
ဗေဒင် ပညာရှင်တို့သည် ကောင်းကင်ပေါ်တွင် ရေးသားထားသော သင်္ကတ စာတို့ကို ကမ္ဘာမြေမှ လူသားတို့ အကျိုးအတွက်သာလျှင် လေ့လာ ဖတ်ကြားကြခြင်းပင် ဖြစ်တော့သည်။

.(မူရင်းစာသား)
Astrology Not a Matter of Faith
----- astrology is that to be an astrologer, you have to somehow "believe" in astrology. Astrology is not a question of belief, any more than you believe in psychology. It is not a question of belief, but one of use. I often find astrology useful in my life as a way of understanding who I am and what my life is about, plain and simple. I don't "believe" in astrology. I use it when I find it useful, and leave it alone, when I don't, like any other tool. Astrology is useful or it is not.
In summary, astrology is a study of heavenly cycles and cosmic events as they are reflected in our earthly environment and vice versa -- a vast cosmic clock. Astrologers find the cosmic patterns revealed in the rhythmic motions of the planets useful in shedding light on the seeming helter-skelter of everyday life. Astrologers do study the sky writing in the heavens, but only to better live life here on the Earth

(Michael Erlewine)

[+/-] show/hide this post