Saturday, September 18, 2010

Malefic-Benefic Planet & Human Being (ဂြိုဟ်ဆိုး၊ ဂြိုဟ်ကောင်း-လူဆိုး၊လူကောင်း)

ဗေဒင်ပညာတွင် ဂြိုဟ်တို့ အကြောင်းကို ပြောကြသော အခါ- စနေ၊ အင်္ဂါ ဆိုလျှင် ဂြိုဟ်ဆိုး၊ ကြာသပတေး၊ သောကြာ ဆိုလျှင် ဂြိုဟ်ကောင်းဟု ပြောကြ ဆိုကြ၊ သုံးသပ်ကြ သည်ကို နေရာတိုင်း လိုလိုတွင် တွေ့ရပါသည်။

၎င်းတို့သည် အမှန်တကယ်ကော- ထိုအတိုင်း ဂြိုဟ်ဆိုး၊ ဂြိုဟ်ကောင်း ဖြစ်ကြပါ၏လော။

လူတို့နှင့် လွန်စွာမှ ဝေးကွာလှ သည့် ကောင်းကင်တွင် တည်နေပြီး၊ မိမိကိုယ်တိုင် တစ်ခါမှ နီးနီးစပ်စပ် မဆက်ဆံဘူးသော ထိုဂြိုဟ်တို့ကို ဂြိုဟ်ဆိုး၊ ဂြိုဟ်ကောင်း ဟု မသတ်မှတ်ခင်- မိမိ နှင့် အမျိုးဇတ်တူချင်း လည်းဖြစ်၊ နေ့စဉ် နှင့် အမျှ တွေ့ကြုံ ဆက်ဆံ နေရသော သူများ ဖြစ်သော လူ အချင်းချင်း ကိုပင်လျှင်- လူဆိုး လူကောင်း သတ်မှတ် ရာတွင် မည်သည့် ဥပဒေသကို ကျွန်တော်တို့ အနေဖြင့် သုံးစွဲ နေကြ ပါသနည်း။

အကယ်၍ ကျွန်တော်တို့ လူအများစု သည်သာ- အမှန်တကယ် ကောင်းသောသူ၊ အစစ်အမှန် ဆိုးသောသူ၊ ယခု ကောင်း သော်လည်း နောင်ဆိုးမည့်သူ၊ ယခု ဆိုးသော်လည်း နောင် ကောင်းမည့်သူ၊ အပြင်ပန်း ကောင်းမွန်သော် လည်း အတွင်းသဘော ဆိုးသူ၊ အပြင်ပန်း ဆိုးသော်လည်း- အတွင်းသဘော ကောင်းမွန်သူ၊ အချို.နေရာများတွင် ကောင်း သော်လည်း အချို.နေရာ များတွင် ဆိုးသောသူ၊ ယခု အသုံးမကျဟု မြင်ရသော်လည်း အရေးကြုံ လာလျှင် သက်လုံ ကောင်းသည့်သူ- စသည်တို့ကိုသာ အမှန်တကယ် ဆန်းစစ် ဝေဘန် နိုင်ကြပါလျှင်- ချစ်သူ ကြင်ဘက် ရွေးချယ်ရာတွင် လည်းကောင်း၊ အပေါင်းအဖော် ရွေးချယ်ရာတွင် လည်းကောင်း၊ လုပ်ငန်း စပ်တူစပ်ဘက် ရွေးချယ်ရာတွင် လည်းကောင်း၊ ငွေချေးငှားရာတွင် လည်းကောင်း- ပြဿနာများ ပေါ်လာတော့မည် မဟုတ်ပါ။

အဘယ့်ကြောင့် ရွေးချယ်မှုများ မှားယွင်းနေကြပါသနည်း။ အောက်ပါတို့ကြောင့် ဖြစ်သည်။

- စရိုက် နှင့် စိတ်ဓါတ် ကွဲပြားမှုကို တစ်ခုချင်းစီ မဆန်းစစ်မိခြင်း။
- တစ်ဘက်သူ၏ စိတ်ဓါတ်အင်အား ခိုင်ခံ့မှုကို မသုံးသပ်မိခြင်း။
- အခြေအနေ တို့၏ တွန်းပို့ပေးတတ်သော သဘောကို နားမလည်ပဲ- ဤသူအား လူကောင်း၊ ဤသူအား လူဆိုးဟု ပုံသေ အမြဲယူဆထားမိတတ်ခြင်း။

ကျွန်တော်တို့ ငယ်ရွယ်စဉ်က- ကာတွန်းစာအုပ် ဖတ်သော အခါများ၊ ရုင်ရှင် ကြည့်သော အခါများတွင်- ဘယ်သူက လူဆိုးကြီး၊ ဘယ်သူက ဇတ်လိုက်၊ ဘယ်သူက လူကောင်း စသည် ဖြင့်- မိမိတို့ နားလည် သလို သတ်မှတ်ကာ၊ ဇာတ်လိုက်ကို အားပေး၊ လူဆိုးကို မုန်းတီး စသည်ဖြင့် ရုပ်ရှင်နှင့် စာအုပ်တို့၏ ရဿ ကို ခံစားခဲ့ကြပါသည်။
တကယ်ပဲ- အပြင်မှာ လူဆိုး၊ လူကောင်း၊ ဤသို့ ကွဲပြားနေကြပါသလား။
လူကောင်းသည် အမြဲတမ်း ကောင်းနေပြီး၊ လူဆိုးသည်ကော အမြဲတမ်း ဆိုးနေပါသလား။

ခရဇ်တော် မပေါ်မီ အနှစ် (၄၀၀) ခန့်က- ပေါ်ထွန်းခဲ့သော ဂရိ အတွေးအခေါ် ပညာရှင်ကြီး ဆိုကရေးတီး အကြောင်းမှ စတင်ပါရစေ။

ဆိုကရေးတီး သည် လွန်စွာ ထူးချွန်သော အတွေးအခေါ် ပညာရှင်ကြီး ဖြစ်သဖြင့်- ပညာ ဆည်းပူးလိုသူ တပည့်များစွာသည် သူ့ထံတွင် ကျောင်းအိပ်ကျောင်းစား ဖြင့် ပညာသင်ယူ ခဲ့ကြပါသည်။
တစ်နေ့တွင် ဂျစ်ပဆီ ဗေဒင် ဆရာမ တစ်ယောက်သည် ဆရာကြီး စာသင်ကျောင်း အနားသို့ ရောက်လာသဖြင့် တပည့်တို့သည် ထို ဗေဒင် ဆရာမ ထံတွင် တစ်ယောက် တစ်လှည့် ဗေဒင် ကြည့်နေ ခဲ့ကြသည်။ ဆရာကြီးသည် ကျောင်းသားများ စုရုံးနေရာသို့ ရောက်ရှိလာရာ- ကျောင်းသား တို့က ဆရာကြီးအားလည်း ထိုဆရာမ ထံတွင် ဗေဒင် ကြည့်ရန် တောင်းဆို သဖြင့် ဆရာကြီးလည်း ဗေဒင် ကြည့်သည် ဟုဆိုပါသည်။ ထိုအခါ-ဂျစ်ပဆီ ဆရာမ က ဆရာကြီး၏ လက္ခဏာနှင့် ဇာတာအား ကြည့်ပြီး- “သင်သည်-လွန်စွာမှ ရမ္မက်ကြူးသူ ဖြစ်သည်။ လွန်စွာ ရာဂ ကြီးသူ ဖြစ်သည်။ လွန်စွာမှ အစားအသောက်၊ အအိပ် ကြူးလွန်သူ ဖြစ်သည် ဟု ဟောချ လိုက်ပါသည်။”

ဆရာကြီး၏ ဖြူစင်သော သီလ၊ သန့်စင်သော အနေ အထိုင်၊ ခြိုးခြံသော အအိပ် အစားကို သိထားကြသူ တပည့် အများသည် “ဟာ-ဆရာမ ဟောတာ မှားနေပြီ၊ ဆရာကြီး ဘယ်လောက် မြင့်မြတ်သည်ကို ကျွန်တော်တို့ အားလုံး သိကြ ပါတယ်။” ဟု တစ်ပြိုင်တည်း ငြင်းဆိုကြပါတော့သည်။ သို့သော်- ဆရာကြီးကမူ- “ဆရာမ ဟောတာ အလွန်မှန်ပါတယ်။ အတိအကျကို မှန်ပါတယ်၊ ကျွန်တော်ဟာ ဆရာမ ပြောတဲ့ အတိုင်း၊ ရမ္မက်ကြူးသူ၊ ရာဂကြီးသူ၊ အစား၊ အအိပ်ကြူးသူ ဖြစ်ပါသည်။” ဟု ဆိုလိုက်ရာ- တပည့်များအနေဖြင့် “မဟုတ်တာ ဆရာကြီးရယ်၊ ဆရာကြီးရဲ့ ကိုယ်ကျင့်တရား အင်မတန် မြင့်မြတ်တာ၊ ဆရာကြီး အစားအအိပ် အလွန်နည်းတာကို ကျွန်တော့်တို့ အားလုံး အသိပဲလေ၊ ဘယ်မှာ မှန်လို့လဲ” ဟု မကျေမနပ် ဆိုကြပါသည်။

ဤအခါတွင် ဆရာကြီးမှ- “ငါ့တပည့်တို့-ဆရာမ ပြောတဲ့ အချက်တွေဟာ၊ ဆရာကြီးရဲ. အတွင်း သဏ္ဍာန်မှာ အမှန်ရှိနေတဲ့ စိတ်တွေ ဖြစ်ပါတယ်။ ဒါပေမယ့် ပညာ၊ အသိဥာဏ် ဆိုတဲ့ ထိမ်းချုပ် နိုင်စွမ်းအားကြောင့် မင်းတို့ အခုလို သိထားကြတဲ့- ကိုယ်ကျင့်တရား ကောင်းမွန်တဲ့၊ တဏှာ ရာဂ နည်းပါးတဲ့၊ အအိပ်အစား ချိုးခြံတဲ့ ဆရာကြီး အနေနဲ့ မင်းတို့က ငါ့ကို မြင်နေ ရတာပါ။ ဆရာမ ပြောတဲ့ မကောင်းတဲ့ စိတ်တွေ အားလုံးဟာ ငါ့ရင်ထဲမှာ-ပင်ကိုယ်သဘာဝ အနေနဲ့ ရှိနေပါတယ်” ဟု ပြောပြခဲ့သည် ဟု ကြားဘူးပါသည်။

ဤသည်မှာ- မိမိ၏ အတွင်းစိတ်-အရှိကို အရှိအတိုင်း မြင်နိုင်ရုံသာမက-မှန်ကန်စွာ ၀န်ခံသော ဆရာကြီး၏ စိတ်ဓါတ်နှင့် ဂုဏ်သိက္ခာမှာ လွန်စွာ လေးစားစရာ ကောင်းလှပါသည်။

ပုထုဇဉ် လူသားတို့တွင်- လောဘ၊ ဒေါသ၊ မောဟ၊ တဏှာ၊ ကိလေသာ မီးများ မငြိမ်းကြသေး သဖြင့် ထိုသို့သော မကောင်းသည့် စိတ်များ သည် လူတိုင်းတွင် ရှိကြပါသည်။
သို့သော်-ဥာဏ်ပညာ ကြီးသော၊ ခိုင်ခံ့သော စိတ်ရှိသူများသည် ထိုကဲ့သို့သော လောဘ၊ ဒေါသ၊ မောဟ၊ တဏှာ၊ ကိလေသာ တို့ကို အကောင် အထည် ဖေါ်ဆောင်ရွက် သည့် အဆင့် အထိ မရောက်သွားရန် ထိန်းချုပ်နိုင်ခြင်း ကြောင့်- ၄င်းတို့ကို ပညာရှိ သူတော်ကောင်း အနေဖြင့် မြင်တွေ. ကြရ ပါသည်။
စိတ်ဓါတ် အင်အားနည်းသူ၊ ပါတ်ဝန်းကျင် မကောင်းသော အခြေအနေ တို့တွင် ကြီးပြင်း လာရသူ၊ ဆရာကောင်း သမားကောင်းများနှင့် ဆုံစည်းခွင့်မရသူ၊ ထိုသို့သော စိတ်ဆိုး၊ စိတ်ရိုင်း များကို မပြုပြင်၊ မထိမ်းသိမ်းနိုင်ခြင်းကြောင့် - ရာဇ၀တ်ကောင်များ၊ လူဆိုးများဟု အများက သတ်မှတ်ထားခြင်း ခံထားရပါသည်။

ဤသည်မှာ လူတစ်ယောက် အနေဖြင့် ကောင်းသည် ဆိုးသည်မှာ မကောင်းမှု၊ အဆိုးဓါတ် ကို ထိန်းချုပ် နိုင်စွမ်းရှိမရှိ ပေါ်တွင် တည်နေခြင်းကို ဆိုလိုနေပါသည်။ ထို့ကြောင့်- လူအများစုအနေဖြင့် အခြားလူတစ်ယောက်၏ ဗဟိဒ္ဓစရိုက် သွင်ပြင်ကိုသာ လေ့လာ၍- ဤသူကား လူဆိုး၊ ဤသူကား လူကောင်း ဟူ၍ သတ်မှတ် ကြမည် ဆိုလျှင် မှန်ကန် သဘာဝကျ ပါမည်လား။

ဦးစွာ- စရိုက်ဆိုးခြင်း၊ နှင့် စိတ်ဓါတ် ဆိုးခြင်းကို ခွဲခြားစွာ ပြောရပါမည်။
အချို.သည်- ဖြူစင်သော စိတ်ရင်းကောင်းများ ရှိသော်လည်း- အပြုအမူ၊ အပြော အဆို တိုတောင်း မှုကြောင့်- အပြောဆိုးသူ၊ ရိုင်းပြသူ အဖြစ် သတ်မှတ်ခြင်း ခံရကာ ဝေးဝေးမှ ရှောင်ရှား ခံကြရပြီး၊ အချို.မှာလည်း မိမိသူငယ်ချင်း အတွက် ဖြစ်စေ၊ အမြင်မတော်သော ကိစ္စများနှင့် ပါတ်သက်၍ ဖြစ်စေ၊ ကိုယ်နှင့် မဆိုင်သော ကိစ္စများတွင် ပါဝင်၍ ခိုက်ရန် ဖြစ်မိခြင်း ကြောင့် အချုပ်ကျ၊ ထောင်ကျ အပြစ်ဒဏ် ခံကြရတတ်သည်။ ထိုသူများကို လူဆိုးဟု သတ်မှတ်ကြမည် ဆိုလျှင်- မိမိကိုယ်မိမိ သပ်သပ် ရပ်ရပ် ၀တ်စား ဆင်ယင်ပြီး၊ လူကြည်ညိုအောင် နေသော်လည်း- မည်သူ တစ်ဦး၏ အကျိုးကိုမှ စေတနာမှန် ဖြင့် ကူညီ ဆောင်ရွက်ပေးခြင်း မရှိပဲ၊ တနည်းအားဖြင့် မျက်စိရှေ.တွင် မြင်နေရသော မတရားမှု များတွင် “ငါ နှင့် မဆိုင်” ဟု ဘယ်သူ သေသေ၊ ငတေမာ ပြီးရော ဆိုသော စိတ်ဓါတ် ရှိသူများကို လူကောင်းဟု သတ်မှတ် နိုင်ပါမည်လား။

မြတ်စွာ ဘုရားရှင် သက်တော်ထင်ရှား ရှိစဉ်ကာလ က- အခြားသူအား စကား စပြောလျှင်- “ဟဲ့- သူယုတ်မာ” ဟု စတင် ခေါ်တတ်သည့် အကျင့်ရှိသည့် ရဟန္တာ မထေရ် တစ်ပါး ရှိသည်ကို ဖတ်ဘူး ပါသည်။ ကိလေသာ ကင်းစင်သော ရဟန္တာ ဖြစ်၍- စိတ်ဓါတ်ပိုင်း ဆိုင်ရာနှင့် ပါတ်သက်၍ ပြောစရာ ရှိမည် မထင်ပါ။
ဤသည်မှာ- စရိုက် နှင့် စိတ်ဓါတ် ခွဲခြား သုံးသပ်နိုင် ဘို့ စဉ်းစား နိုင်ရန် ဖြစ်သည်။

မြန်မာ ရာဇ၀င်တွင် ထင်ရှားသည့် စစ်သူကြီး မဟာဗန္ဓူလ ဖြစ်လာမည့် မောင်ရစ်သည်- ဒီပဲရင်း ဒေသ၊ ၄င်းမွေးရာ ဇာတိတွင်- နေရာတကာ ရန်ဖြစ်၊ မူးလျှင် သွေးဆိုးတတ်သော သူဟု ငယ်ပေါင်းများက အသိအမှတ် ပြုထားရသူဖြစ်သည်။

ကမ္ဘာပေါ်တွင် လူပေါင်းများစွာ၏ အသက်၊ အိုးအိမ်ကို ပျက်စီးစေရန်- စစ်ကြီးများကို ဖန်တီး ခဲ့သူတို့သည်- ဂုဏ်သရေရှိ၊ ပညာတတ် ချမ်းသာ၍ လူကြီး လူကောင်းများ အဖြစ် အများက အသိအမှတ် ပြုခံထား ရသူများ ဖြစ်သည်။

အေးဆေးစွာ နေထိုင်၍ ပညာတတ် တစ်ယောက် အဖြစ်ရောက်ရှိသော်လည်း- မိမိကိုယ် တစ်ဦး တစ်ယောက်၏ ဘ၀ ရပ်တည်မှု ကိုသာ အာရုံစိုက်သော မိမိအတွက် အကျိုးမရှိလျှင်၊ တနည်း အားဖြင့် မိမိ၏ အကျိုးစီးပွားကို မထိခိုက်သေးသရွေ.၊ အားလုံးကို လျစ်လျူရှုတတ်ပြီး အခြားသူများ၏ အခက် အခဲကို ကူညီ ပေးလိုစိတ် မရှိသော သူများကိုမူ နေရာတိုင်းတွင် တွေ့နိုင် ပါသည်။

ဆိုးပေ ကြမ်းတမ်းသော လူသတ်သမား တစ်ယောက်သည် လူအရေအတွက် ရာဂဏန်းမျှ ကိုသာ အလွန်ဆုံး သတ်ဖြတ်နိုင် မည်ဖြစ်သော်လည်း၊ ပြုံးရွှင် ချိုသာသော ဂုဏ်ကြီးရှင် ရာထူး ကြီးမားသော လူကြီး လူကောင်း ဆိုသူများသည် လူအရေ အတွက် သိန်းသန်း နှင့် ချီ၍ တိုက်ရိုက် သော် လည်းကောင်း၊ သွယ်ဝိုက်၍သော် လည်းကောင်း သတ်ဖြတ် နိုင်ခဲ့ကြ ပါသည်။ ဆက်လက်၍ လည်း လုပ်ဆောင်နေကြဆဲ ဖြစ်ပါသည်။
သို့ဆိုလျှင်- သူတို့သည် လူကောင်း ဖြစ်ကြ ပါ၏လော။

မြတ်စွာ ဘုရားကို နည်းမျိုးစုံဖြင့် လုပ်ကြံနိုင်ရန် ကြံစည် အားထုတ်သူ၊ သံဃာ သင်းခွဲသူ ဒေ၀ဒတ် သည်- ဒေ၀ဒဟ ပြည်၏ နန်းညွှန့် နန်းလျာ မင်းသားလည်းဖြစ်၊ ဘုရားနှင့် ညီအကို ၀မ်းကွဲ တော်သူလည်း ဖြစ်၊ ယောက်ဖတော်သူလည်း ဖြစ်၏။ မိမိ၏ တန်ခိုး အစွမ်းကို ပြသပြီး အဇာတသတ် မင်းသားငယ် ထံမှ လာဘ် လာဘများကို ဇိမ်ကျကျ စားသောက် နေသဖြင့် မြတ်စွာ ဘုရားမှ- ၄င်းအား “ငါဘုရားတွင် သာရိ ပုတ္တရာ၊ မောဂ္ဂလာန် စသော လက်ဝဲတော်ရံ၊ လက်ယျာ တော်ရံ သံဃာများ ရှိနေလျှက်- သင့်ကဲ့သို့ အများတံထွေးကို စားသူအား မည်သို့ ကြောင့် သံဃာကို အပ်ရပါမည်နည်း” ဟု ပြင်းထန်စွာ မိန့်ဆိုသော အခါတွင်- မြတ်စွာဘုရား ရိုသေစွာ လက်ယျာရစ် သုံးပါတ် ပါတ်ပြီးမှ ယဉ်ကျေးစွာ ပြန်ထွက်သွားကို ဒေ၀ဒတ်ကို လူကောင်းဟု ဆိုနိုင် ပါမည်လား။
ဤသည်မှာ- စရိုက်နှင့် စိတ်ဓါတ် ကွာခြားမှုပင် ဖြစ်သည်။

တစ်ဘက်တွင် ဂုဏ်သရေရှိ ဘုရား လူကြီး အမည်ခံ၍- ရပ်ရွာတွင် သြဇာညောင်း သော်လည်း မိမိ၏ လိုဘ ပြည့်ရေး အတွက်- လိုအပ်လျှင် လိုအပ်သလို- လာဘ်စားရန်၊ အကျင့်ပျက်ရန်၊ မိမိနှင့် မသင့်မြတ်သူများကို ချောက်ချရန်၊ ဖောက်ပြန်ရန် ၀န်မလေး သော လူကြီး၊ လူကောင်း ဆိုသူတို့နှင့် ထမီစုတ် ခိုးသူ - သူခိုးတို့ မည်သူက ပိုသာမည် ထင်ပါသနည်း။

လက်မရွံ. လူမိုက် ဆိုသော လူတစ်ယောက်နှင့်- အဆင့်မြင့် လူဂုဏ်တံ တစ်ယောက် တို့ မည်သူက ပို၍ လူ့ဘောင်လောက ကို ဒုက္ခပေးနိုင်ပါသနည်း။

အားငယ်စိတ် နှင့် အခြေအနေ ပါတ်ဝန်းကျင်-

ဆရာကြီး ပီမိုးနင်း အနေဖြင့် လူတို့၏ သိမ်ငယ်စိတ် အကြောင်းကို ရေးသားခဲ့ဘူးပါသည်။ လူတိုင်းတွင် သိမ်ငယ်စိတ် ရှိကြသည်။ ထို့စိတ်ကြောင့် ပင်- ထိုသိမ်ငယ်စိတ်ကို ကာကွယ် ဖုံးအုပ်ရန် အတွက် မာန ကိုမွေးယင်း- အတ္တတို့ ကြီးထွား လာကြသည်။ ဥစ္စာရှိသူက ဥစ္စာမာန ဖြင့် ထောင်လွှား၍ ၄င်း၏ သိမ်ငယ်စိတ်ကို ကာကွယ်နေစဉ်တွင်- ဥစ္စာမရှိသူ ကလည်း- “သူ့မှာ ပိုက်ဆံ ရှိတာ၊ ငါက ဘာလို့ ဂရုစိုက်မှာလဲ” ဟု မိမိ၏ သိမ်ငယ် စိတ်ကို ပြန်လည် ကာကွယ်ယင်း- မရှိမာန ဖြစ်တည် လာရသည်။
ဆီးသီးသည် မဗျိုင်းသည် မိမိ အနေဖြင့် ဆီးသီးသည် ဘ၀မှ ဘုရင့် မိဖုရား အဖြစ်ရောက်ခဲ့ ပြီးနောက် ဆီးသီးကိုပင် မမြင်ဘူးချင်ယောင် ဆောင်ခဲ့ ရသည်မှာ နုံချာသော ခဲ့သော မိမိ၏ အတိတ် ဘ၀ကို အခြားသူများ သိသွားမှာ စိုးသော သိမ်ငယ် စိတ်ကြောင့် ဖြစ်၏။
တစ်ချိန်က မြန်မာပြည်တွင် ထင်ရှားခဲ့သော လူမိုက်ဂိုဏ်း ခေါင်းဆောင် လမ်းမတော် ဖိုးတုတ်သည်- ထိုသို့ အနေအထား မရောက်မီက-လွန်စွာ ကြောက်တတ်သော လူတော မတိုး သည့် ဘုန်းကြီးကျောင်းသား တစ်ဦး အဖြစ်ဖြင့် သရက်တော ကျောင်းတိုက်တွင် ကြီးပြင်း လာခဲ့သူ ဖြစ်ပါ၏။
ဤအချက်မှာ- အားငယ်မှုကြောင့်- ဖြစ်လာတတ်သော နောက်ဆက်တွဲ စိတ်ဓါတ်များ ဖြစ်ပါ၏။

ဘုရား အလောင်းတော် ကဲ့သို့ မြင့်မြတ်သော မဟာလူသား တို့တွင်မူ- လူသာမာန် တို့ကဲ့သို့ သိမ်ငယ် စိတ် မရှိ၊ ထို့ကြောင့်လည်း- မိမိအသက်အား ရန်ရှာသူကိုပင် ခွင့်လွှတ်နိုင်ကြသည်။ မိမိက တစ်ဘက်သူအား အနိုင်ရသော အခါ - ထိုသူအား အဆုံးစီရင်ခြင်းသည် ထိုသူကို ကြောက်၍ ဖြစ်သည်ကို စိတ်ပညာရှင်များ နားလည်ပါသည်။

မိမိ၏ အသက်ကို ချမ်းသာရန် အတွက်- အရှက်ကင်းမဲ့စွာ တောင်းပန် တိုးလျှိုး ရမှာ ၀န်မလေးသူသည်- အနိုင်ရသော အခါ တစ်ဘက်သူအား သတ်ပစ်ရန် ၀န်မလေးတတ်။

မိမိတွင် ငွေကြေးမရှိခင်က ငွေကြေးမရှိသူများကို အထင်ကြီး၊ တိုးလျှိုးတောင်းပန် တတ်သူသည် ငွေကြေး ပြည့်စုံသွားသော အခါ ယခင် က မိမိ အနေအထားတွင် ရှိသောသူ တို့ အပေါ်တွင် အထင်သေး၊ ရှုံ.ချ၍၊ ငွေဂုဏ်မောက် တတ်သည်မှာ- ၄င်း၏ ဟဒယ နှလုံးဓါတ် သည် နုနယ်၍- ငွေကြေးဟူသော ဗဟိဒ္ဓတရား၏ လွှမ်းမှုဒဏ်ကို မတောင့်ခံ နိုင်သောကြောင့် ဖြစ်သည်။
ဤသည်မှာ အကြောက်တရား၊ သိမ်ငယ်မှုကြောင့် ဖြစ်လာသော စိတ်ဓါတ် တို့ ဖြစ်သည်။

စရိုက်သည်- အထုံအဖြစ်ဖြင့် ပါလာသော အရာဖြစ်၍- အလွယ်တကူ စွန့်ပစ်ရန် မလွယ်။ အခြားတစ်ဘက်တွင် ပင်ကိုယ် စိတ်ဓါတ် အားဖြင့်- အားငယ်သူ၊ ကြောက်တတ်သူ၊ မိမိကိုယ် မိမိ အလွန် ချစ်တတ်သူ တို့သည်- အခြေအနေ တစ်ခုသို့ ရောက်သွားသော အခါ မိမိ၏ အသက်ရှင်သန် ရေးအတွက် သော်လည်းကောင်း၊ မိမိ၏ ဂုဏ်သိက္ခာ မဆုံးရှုံး စေရေး အတွက် လည်းကောင်း၊ ယုတ်မာ ကြသူများ ဖြစ်သွား တတ်ပါ၏။ ထိုသူသည် ပညာတတ်သူ သော်လည်းကောင်း၊ ဥစ္စာရှိသူ သော်လည်းကောင်း၊ ဆွေဂုဏ် မျိုးဂုဏ် ကြီးမားသူ လည်းကောင်း၊ မည်သူ မဆို ဖြစ်နိုင် ပါသည်။ ပင်ကိုယ် ခိုင်မာသည့် စိတ်မရှိပဲ- ချစ်ခြင်း၊ ကြောက်ခြင်း၊ တွေဝေ ခြင်း (အားငယ်စိတ် ၏ နောက်ဆက်တွဲ) တို့ကြောင့်- အခြေအနေ တစ်ခုတွင် ဆိုးရွားယုတ်မာ သောသူ အဖြစ်ပြောင်း သွားနိုင်သော်လည်း- စရိုက်ကောင်းသူ ဖြစ်လျှင်- ထိုသူ ဆိုးသည် ကိုပင် ပါတ်ဝန်းကျင်က ဆိုးသူဟု မမြင်သိနိုင်ပါ။
တကယ့် အပြင်လောကတွင် လူဆိုးနှင့် လူကောင်းသည် ရုပ်ရှင်ထဲ၊ စာအုပ်ထဲ မှာလို အလွယ်တကူ ကွဲပြား မနေပါ။

အဘယ့်ကြောင့် ဆိုသော် ကောင်းသော စိတ်ဓါတ်များ ဖြစ်သည့်- မတရားမှုကို မုန်းတီးခြင်း၊ အားနည်းသည့် ဘက်မှ ရပ်တည်ခြင်း၊ သနားခြင်း၊ စသော စိတ်ဓါတ် တို့သည်လည်း လူဆိုးဟု သတ်မှတ် ထားသော သူများတွင် ရှိနေကြသလို- ဆိုးညစ် ယုတ်မာသော၊ တစ်ကိုယ်ကောင်း ဆန်သော၊ မနာလို ၀န်တိုသော ဣသာ မစ္ဆိရိယ၊ ဆိုသော စိတ်ဓါတ် များသည်လည်း လူကောင်းဟု သတ်မှတ်ခြင်း ခံထားရသော သူများတွင် ရှိနေသောကြောင့် ဖြစ်သည်။

ဒုတိယ ကမ္ဘာစစ်အတွင်းက အင်မတန် ရက်စက်ကြမ်းကြုတ်သည်ဟု ထင်ရှားသော နာဇီ အရာရှိကြီး အချို.ကို လုပ်ကြံရန် အတွက်- မဟာမိတ် သူလျှိုမယ် တို့သည် ယုံကြည်ခြင်း ခံရသော အတွင်းစည်း အနေအထားကို ရောက်ခဲ့ပြီးမှ- ထိုသူတို့တွင် လူကြီးလူကောင်း ဆန်သော၊ လက်အောက် ငယ်သား အပေါ် ယုံကြည်သော စိတ်ဓါတ်များကို တွေ့ရခြင်းကြောင့် ထိုသူတို့အား လုပ်ကြံရန် အတွက် မလုပ်ရက် နိုင်ခဲ့ကြသော သူလျှိုတို့၏ အကြောင်းကို ကြားဖူး ပါသည်။

အထက်ပါ ရှင်းပြချက်တို့ကို အနှစ်ချုပ်လိုက်လျှင် အောက်ပါ အချက် (၃) ချက်ကို ရပါမည်။

(၁) စရိုက်ဆိုးတိုင်း၊ စိတ်ဓါတ် မဆိုးသလို၊ စရိုက်ကောင်းတိုင်းလည်း စိတ်ဓါတ် မကောင်းပါ။
(၂) လူကောင်း ဖြစ်သည် ဟု သတ်မှတ်ထားခြင်း ခံထားရသူများ တွင်လည်း- သဘာဝ အတိုင်း လောဘ၊ ဒေါသ၊ မောဟ၊ အတ္တ၊ မာန၊ အကြောက်တရား တို့ရှိနေခြင်းကြောင့် ထိုသူ အချို.တို့သည်လည်း ခိုင်မာ တောင့်တင်းသော စိတ်ဓါတ် အခံ မှန် မရှိခဲ့လျှင်- အခြေအနေ၊ ပါတ်ဝန်းကျင်၊ တို့မှ တွန်းပို့သော အခါ လူ့ဘောင် လောကကို ဖျက်ဆီးသူ များ အဖြစ်သို့ ရောက်သွား နိုင်သကဲ့သို့၊ လူဆိုးဖြစ်သည် ဟုသတ်မှတ် ထားခြင်း ခံထားရသူ တို့သည်လည်း အကြောင်း တိုက်ဆိုင်သောအခါ- မြင့်မြတ်သော လုပ်ရပ်များကို လုပ်ဆောင်ပေး တတ်သော ကြောင့် ဖြစ်သည်။
အကောင်းထဲတွင် အဆိုးရှိပြီး၊ အဆိုးထဲတွင် အကောင်းရှိသည်။ အပူထဲတွင် အအေးရှိပြီး၊ အအေးထဲတွင် အပူရှိသည်။ အမှောင်ထဲတွင် အလင်းရှိပြီး၊ အလင်းထဲတွင် အမှောင်ရှိသည် ကို ဖုန်းရွှေပညာ နှင့် အာယုဗ္ဗေဒ ပညာများက အသုံးချ ထားပါသည်။
(၃) မိမိကိုယ်တိုင်၏ ဓါတ်ခံ အင်အား နည်းပါးမှုသည် ပါတ်ဝန်းကျင်လွှမ်းမိုးမှုတို့ကို မကာကွယ် မတားဆီးနိုင်ခံလျှင် ဖြစ်စေ၊ ထိန်းချုပ်နိုင်သော ဓါတ်တို့၏ အထောက်အပံ့ကို မရရှိခဲ့လျှင် ဖြစ်စေ- ကောင်းသည်ဟု သာမာန် အားဖြင့် သတ်မှတ်ထားသော လူအချို.သည် အခြေအနေ တို့က တွန်းပို့လာသော အခါ မထင်မှတ်ဘွယ် ဆိုးယုတ် သွားနိုင်ပါသည်။

လူအကြောင်း နားလည်လျှင်- ဂြိုဟ်အကြောင်းလည်း နားလည်နိုင်ပါသည်။

အဘယ့်ကြောင့် ဆိုသော်- အရာအားလုံးသည် လောက၏ နိယာမကို မဆန့်ကျင်သောကြောင့် ဖြစ်၏။
ရာဟုဂြိုဟ်၊ ကိတ်ဂြိုဟ်၊ စနေဂြိုဟ်၊ အင်္ဂါ ဂြိုဟ်တို့သည် ကျွန်တော်တို့ ဗေဒင်ဆရာများ၏ စွဲချက်တင် အပြစ်ဖို့ခြင်း ဒဏ်ကို တစ်သတ်မတ်တည်း အမြဲ ခံနေရသော ဂြိုဟ်များ ဖြစ်ကြ ရရှာ သည်။ ထိုဂြိုဟ်များ ဒဿာ စားနေချိန်၊ ထိုဂြိုဟ်များ၏ အမြင်ကို အခြားသော ဂြိုဟ်များ၊ ဘာဝများ ခံစားရချိန်တွင် အဆိုးကိစ္စများကို ဟောရန် ကျွန်တော့်တို့က ကြိုးစားမိပါ တော့သည်။

၎င်းတို့သည် စရိုက်ဆိုးပါ၏။ သို့သော် ထိုတစ်ချက်တည်းဖြင့် တော့ ဂြိုဟ်ဆိုးဟု အပြော ခံရခြင်းမှာ သိပ်တော့ မတရား လှပါပေ။ တစ်ဘက်စီးနင်း ဆန်လွန်းလှ၏။

ကြာသပတေး၊ သောကြာ စသော ဂြိုဟ်များ ဒဿာ စီးနေချိန်၊ ထိုဂြိုဟ်များ၏ အမြင်များကို ရထား ချိန်တွင် ကျွန်တော်တို့ ဗေဒင်ဆရာများ က အကောင်းပြောဘို့ ပြင်တော့သည်။ အဘယ့်ကြောင့် ဆိုသော် ထိုဂြိုဟ်တို့သည် ပင်ကိုယ် စရိုက်ကောင်းသော ဂြိုဟ်များ၊ တနည်း အားဖြင့် သဘာဝ သောမ ဂြိုဟ်များ ဖြစ်သောကြောင့် ဖြစ်၏။

ရှေးကျမ်းမြတ် တို့သည်- အထက်တွင် ဖေါ်ပြခဲ့သည့် အတိုင်း- သဘာဝ ပါပ ဂြိုဟ်၊ သဘာဝ သောမ ဂြိုဟ်တို့ကို သတ်မှတ် ပေးခဲ့သော်လည်း- ဥာဏ်ပညာ ကြီးသူတို့ အနေဖြင့်- ဂြိုဟ်တို့၏ သဘော သဘာဝကို နားလည်စေရန် သဲလွန်စ ချန်ထားပေးခဲ့သည်။
ထိုသဲလွန်စသည်ကား- တနင်္လာ ဂြိုဟ်နှင့် ဗုဒ္ဓဟူးဂြိုဟ် တို့ဖြစ်၏။

တနင်္လာ ဂြိုဟ်နှင့် ဗုဒ္ဓဟူးဂြိုဟ်တို့မှာမူ- ဒြဗ်ထုထည် အရလည်း သေးငယ်- မကြာခဏ နေနှင့် နီးစပ်သွား၍ အင်အားတောက်ပမှု နည်းခြင်း ကြောင့် ၄င်းတို့သည် ပုံမှန် အားဖြင့် ကိုယ်ပိုင် ဓါတ်အင်အား နည်းပါးသော ဂြိုဟ်များ ဖြစ်၏။ ထို့ကြောင့် ထိုဂြိုဟ်တို့ အနေဖြင့် ရောက်တည် ရာ နေရာ အရလည်း ထပ်မံ၍ အင်အားနည်းနေ ပြီး၊ မကောင်းသော အခြားသော ဂြိုဟ်များ၏ လွှမ်းမိုးမှု ရှိပါမူ- ထိုသူတို့သည် ဂြိုဟ်ဆိုးသဘွယ် ပြုမူတော့၏။

နက္ခတ် ပညာတွင် ကြာသပတေးကို အထူးအကောင်း ပြော၏။ အဘယ့်ကြောင့် ဆိုသော် ၄င်းတာဝန် ယူထားသည်မှာ ပညာနှင့် အသိဥာဏ် ဖြစ်ရုံမျှ မက- ဂြိုဟ် ကိုယ်၌အားဖြင့် ထုတည် အရွယ်အစားကြီးမား၏။ တစ်နှစ်လျှင် တစ်ရာသီ နှုန်းဖြင့် ဖြေးညှင်းစွာ ဖြတ်သန်း၏။ ထို့ကြောင့် ပုံမှန် အားဖြင့်၊ များသော အားဖြင့် ကြာသပတေးသည် ဂြိုဟ်ကောင်း ဟု သတ်မှတ် နိုင်သော်- အချို.သူများ၏ ဇာတာတွင် ကြာသပတေးသည် အင်အားနည်းပါး သော အနေအထား တွင် တည်ရှိနေလျှင်- ၄င်းအား တိုက်ရိုက် အားဖြင့် သော်လည်းကောင်း၊ သွယ်ဝိုက် အားဖြင့် သော်လည်းကောင်း ဂြိုဟ်ဆိုးများ၏ လွှမ်းမိုးမှု၊ ပါတ်သက်မှုများ နက်ရှိုင်းစွာ ရှိနေလျှင် ထိုကြာသပတေး ကိုယ်တိုင်ပင် ထိုဇာတာရှင် များအတွင် ဂြိုဟ်ဆိုး ဖြစ်သွားတတ်၏။ သို့သော် စရိုက်ကောင်းသော (တစ်နည်းအား ဖြင့် ပညာတတ် လူကြီး လူကောင်း တို့ နှင့် ဥပမာပေးရပါမည်။) ဂြိုဟ်ဖြစ်သဖြင့်- ၄င်း၏ လွှမ်းမိုး ဖျက်ဆီးမှုသည် စရိုက်ကြမ်းသော ဂြိုဟ်များ ဖျက်ဆီးပုံနှင့် မတူသည်ကို သတိပြုရပါမည်။

ထို့ကြောင့်လည်း- လူတို့ နည်းတူပင်- ဂြိုဟ်တို့မှာ-
- မူရင်း စရိုက် နှင့် သဘာဝ အရ ကွဲပြားမှုရှိသည်။
- ဂြိုဟ်တစ်လုံးစီ၏ မူလ သဘာဝ အင်အား ခိုင်ခံ့မှု အရကွဲပြားမှု ရှိသည်။
- အခြေအနေ၊ အချိန်အခါ ဆိုသော ကောဇာ အနေအထား တို့၏ တွန်းပို့ ပေးမှုကြောင့် အကောင်း အဆိုး ပြောင်းတတ်သော သဘောရှိသည်။

ထိုဂြိုဟ်တို့၏ လွှမ်းမိုးမှု မိမိအပေါ်တွင် ရိုက်ခတ် သက်ရောက်တတ်သော အနေအထားမှာ- မူလ ဇာတာအရ-
- ဂြိုဟ်တစ်လုံးစီ အင်အား ခိုင်ခံ့မှု
- ထိုဂြိုဟ်တို့သည် မိမိနှင့် သက်ဆိုင်သော အခြား ဂြိုဟ်တို့နှင့်၊ သက်ဆိုင်ရာ အတန့် ဘာဝ တို့အပေါ်တွင် မည်မျှ အင်အားနှင့် လွှမ်းမိုးထားမှု၊
တို့အပေါ်တွင် မူတည်နေသည်။

မြန်မာ စကားလုံး “အင်အား” ဆိုသည်မှာ- အဓိပ္ပါယ်ရောထွေးနိုင်သော စကားလုံး ဖြစ်သောကြောင့်- နက္ခတ်ပညာကို လေ့လာသူ အများစုတို့သည်- ကျမ်းတို့က ဆိုလိုသော အင်အားကို ရောထွေးစွာ နားလည်သွားတတ်ကြသည်။ ထို့ကြောင့် လည်း- မကောင်းသော စနေ၊ အင်္ဂါတို့ အင်အားနည်းလေ ကောင်းလေ ဟူ၍ လည်းကောင်း၊ မကောင်း သော ဒုဌာန ဘာဝ အိမ်ရှင်တို့ (၆-တန့်၊ ၈-တန့်၊ ၁၂-တန့်) အိမ်ရှင် တို့ အင်အားနည်းလေ ကောင်းလေ ဟူ၍ လည်းကောင်း မှားယွင်းသော ဆုံးဖြတ်မှု များပေါ်ပေါက် လာရခြင်း ဖြစ်သည်။
“အင်အား” ဆိုသည်မှာ- “Strength” ခေါ် တောင့်တင့် ခိုင်မာမှု စွမ်းအား ဟု အဓိပ္ပါယ် တစ်မျိုးထွက်၍၊ အခြား အဓိပ္ပါယ် တစ်ခုမှာ- “Influence” ခေါ် လွှမ်းမိုးမှု စွမ်းအား ဟူ၍ (၂) ခုကွဲပြား စွာ ရှိနေသည်။
  • မည်သည့် ဂြိုဟ်မဆို၊ တနည်းအားဖြင့် မည်သည့် ဘာဝ အိမ်ရှင်မဆို- “Strength” ခေါ် တောင့်တင့် ခိုင်မာမှု စွမ်းအား ကောင်းခြင်းသည် အရေးကြီးသော လိုအပ်ချက် တစ်ခု ဖြစ်ပါသည်။ ထိုမှသာ ထိုဂြိုဟ်သည် သက်ဆိုင်ရာ တာဝန်တို့ကို ကောင်းမွန် ကျေပွန်စွာ ထမ်းဆောင်နိုင်မည် ဖြစ်သည်။ ဆိုလိုသည် မှာ ဂြိုဟ်ဆိုးတို့သည် လည်း သက်ဆိုင်ရာ တာဝန်များရှိနေခြင်း ကြောင့် ၄င်းတို့၏ အင်အားကောင်းခြင်း သည် လိုလားသင့်သော အချက်တစ်ခု ဖြစ်သည်။
  • “Influence” ခေါ် လွှမ်းမိုးမှု စွမ်းအား ဆိုသည်မှာ- ထိုဂြိုဟ်သည် အခြား သော ဂြိုဟ်များ နှင့် အတန့် ဘာဝ တို့ကို အပူး၊ အမြင် အံသာ အနေအထား နီးစပ်မှုတို့ဖြင့် - လွှမ်းမိုးထားခြင်းကို ဆိုလိုသည်။
    - ဆိုလိုသည်မှာ- ဇာတာရှင် တစ်ဦးအတွက်- ၆-တန့်သခင်လည်းဖြစ်၊ စရိုက်အရ လည်း ကြမ်းတမ်းသော သဘာဝ ရှိသည့် အင်္ဂါသည် ဂြိုဟ်ဆိုး တစ်ခု ဖြစ်သည်ဟု ဆိုနိုင်၍- ၄င်း အင်အား “Strength” ကောင်းခြင်းသည် ဇာတာရှင် အနေဖြင့် မတော်တစ်ဆ ဖြစ်ရပ်များတွင် ပါဝင်သော်မှ အသက်အန္တာရယ်မှ လွတ်မြောက်နိုင်ခြင်း၊ ရန်သူကို အောင်နိုင်ခြင်း၊ အလုပ် လုပ်ကိုင် ရာတွင် မည်သူနှင့် မျှ မတူအောင် စိတ်ရောကိုယ်ပါ ထူးခြားထက်မြက်စွာ လုပ်ကိုင်နိုင်ခြင်း စသော အစွမ်းများကို ပေး၍ လိုအပ်သော ကိစ္စ ဖြစ်သော်လည်း- ထိုအင်္ဂါသည် မူလ ဇာတာတွင် မည်သည့် အခြားသော ဂြိုဟ်များ၊ ဘာဝ များကိုမျှ ဖျက်ဆီးထားခြင်း မရှိပါမူ ဤဇာတာရှင် သည် ဘ၀ တစ်သက်တာ အားဖြင့် အောင်မြင်၍ အန္တရာယ်မှ ကင်းဝေး မည့်သူဖြစ်သည်။ သို့သော် ထိုအင်္ဂါသည် အခြားသော ဂြိုဟ်များ၊ အတန့် ဘာဝများကို မူလ ဇာတာတွင် ဖျက်ဆီးတိုက်ခိုက် ထားမှုများ ရှိနေပါမူ- ဇာတာရှင် အနေဖြင့် ကံကြမ္မာ အနိမ့်ပိုင်း ကျရောက်ချိန်၊ ဒဿာ ကာလ အတွင်းတွင် ကောဇာ အင်္ဂါသည် သက်ဆိုင်ရာ ဂြိုဟ်များ၊ ဘာဝများကို နီးစပ်စွာ လွှမ်းမိုးမှု “Influence” ဖြစ်သော အချိန်ပိုင်းတွင် ဇာတာရှင် တွင် မတော်တစ်ဆမှု၊ ခိုက်ရန် ဖြစ်ပွားမှု၊ အမှုအခင်း ဖြစ်မှု၊ များ ပြဿနာ များကို ထင်ရှားစွာ ကြုံတွေ့ရမည် ဖြစ်သည်။
“ဗေဒင် ပညာ” ဟူသည်- “ဗေဒ” ဆိုသော အသိဥာဏ် ပညာ ကို ကိုယ်စားပြုသည်။ ဗေဒင် ပညာ ကို အများစုက နားလည် ထားသည်မှာ ရှေ.ဖြစ်နောက်ဖြစ် ဟောသော Fortune Teller ဟူ၍ ဖြစ်သည်။ Fortune Telling အမျိုးမျိုး ရှိ၏။ အချို.သော နည်းတို့မှာ အလွန်ပင် မှန်သော်လည်း- အသိဥာဏ် ပညာဟူ၍ လုံးလုံး နီးပါးပင် မလိုချေ။ ဗေဒင် ကျမ်းတို့တို- အသိဥာဏ် မပါပဲ- အာဂုံကျက် ခဲ့သော်- ကျမ်းတတ်သော“ဗေဒင် ဆရာ” ဖြစ်သွား၏။ အမှန်က “ဗေဒင် ပညာ” သည် ကျမ်းတို့ကို အထောက်အကူ သဘောထား၍- ဟောပြော စိစစ်ခြင်း တို့ကို အခြေခံပြီးနောက်- မိမိ၏ အသိဥာဏ် တံခါးကို ဖွင့်သော - ပညာရပ် ဖြစ်သည်။

ထို့ကြောင့်လည်း- ဗေဒင် ပညာ၏ အနှစ်သာရကို သဘောပေါက်သွားသော ပညာရှင်ကြီး များသည် ပကတိ အနှစ်သာရကို ရှာဖွေရန် လူ့ဘောင် လောကကို စွန့်ခွာ သွားကြခြင်း ဖြစ်သည်။

ဗေဒင် ၀ါသနာရှင်များ အားလုံး “ဗေဒ (ဝေဒ)” ကို နားလည်သော “ဗေဒင် ဆရာ” များဖြစ်နိုင် ကြပါစေ။

နျူမာန် (မိုးတား)

[+/-] show/hide this post

Tuesday, September 14, 2010

Yahoo Group Help for Members

(သင်တန်းသား အချို.ရဲ. အကြံပြုချက်အရ- မြန်မာပြည်က သင်တန်းသားများ Yahoo Group ကို ၀င်ရောက် သုံးစွဲရာမှာ လွယ်ကူရေးအတွက်- Yahoo Group Help အနေနဲ့ ပြုလုပ်ပေးထားတာ ဖြစ်ပါတယ်။ ဒီဘက်မှာ ဆိုယင်- မြန်မာပြည်က အင်တာနက် သုံးစွဲသူတွေရဲ. အခက်အခဲကို မသိနိုင်တဲ့ အတွက်- MOTAA အဖွဲ့ဝင် တစ်ဦး ဖြစ်သူ ညီမငယ် တစ်ယောက်ကို အကူအညီ လှမ်းတောင်း ရပါတယ်။ (ညီမငယ်ရဲ. အမည်ကို - ကာယကံရှင် ရဲ. ခွင့်ပြုချက် မရသေးတဲ့အတွက် နာမည်မဖေါ်ပြတာပါ။ ညီမငယ် ရေးသား ပေးပို့တဲ့ အတိုင်း ညီမငယ်ရဲ. ရှင်းပြချက်များ ကို အောက်မှာ ဖေါ်ပြပြီး- ပုံများတွင်- ညီမငယ်ပေးပို့သော ပုံများပေါ်တွင် မြန်မာလို ထပ်ရှင်းပြပေးထားပါတယ်။ အများအကျိုးအတွက်- အချိန်ကုန်ခံပြီး စိတ်ရှည်စွာ ကူညီပေးတဲ့ ညီမငယ်ကို- MOTAA တစ်ဖွဲ.လုံးရဲ.ကိုယ်စား အထူးကျေးဇူးတင်ပါတယ်။
အခက်အခဲ ရှိသေး၍ ညီမငယ်အား မေးမြန်းလိုပါက- ဆရာ နျူမာန် ထံဆက်သွယ် နိုင်ပါသည်။- နျူမာန်)

Yahoo group နဲ့ Google group ကို ဘယ်လို ၀င်ရလဲ ဆိုတာနဲ့ ပတ်သက်ပြီးဆရာက သမီးကူနိုင်ရင် help ဖိုင်အနေနဲ့ ရေးပေးပါလားဆိုတာနဲ့ ဒါလေးရေးဖြစ်လိုက်တာပါ။ သမီးလဲ စသုံးခါစက yahoo group ကို အကျွမ်းတ၀င်တော့ မရှိပါဘူးရှင့်။ ဒါပေမယ့် သိသလောက်လေး ပြန်ပြောပြခွင့်ရတဲ့ အတွက် ဆရာ့ကိုကော အားလုံးကိုကော ကျေးဇူးတင်ပါတယ်။

အဓိက yahoo group နဲ့ ပတ်သက်ပြီးမြန်မာမှာ ကြုံရတာက “Access Denied” message ပါ။ အဲဒါလေးကို ကျော်ဖို့ကတော့ google mail ကို သုံးသလို http မှာ “s” လေးထည့်ပေးရင် ရပါတယ်။
https://gmail.google.com
https://login.yahoo.com
အဲဒါဆိုရင် “log in” ၀င်လို့ရတဲ့ page လေးကျလာပါတယ်။ အောက်က ပုံအတိုင်းလေးပါ။

အကောင့် မရှိတဲ့သူတွေ အဖို့ အကောင့်ဖွင့်ဖို့တော့လိုပါလိမ့်မယ်။ အဲပုံထဲက နောက်ဆုံး button “Create New Account” ကနေပြီးတော့ account အသစ်ဖွင့်လို့ရပါတယ်။ Account ရှိပြီးသားလူကတော့ User Name and Password မှာ ကိုယ့် personal data လေးတွေ ရိုက်ထည့် ပြီးတော့ ၀င်ယုံပါပဲ။ ၀င်လိုက်ရင် အောက် ကပုံ အတိုင်း နောက် page တစ်ခု ကျလာပါတယ်။ တစ်ခါတစ်လေလဲ အောက် က ဒုတိယပုံ အတိုင်း ကျလေ့ရှိပါတယ်။


ဒုတိယပုံရဲ့ ဘယ်ဘက် အပေါ်နားလေးက “Mt Yahoo” ဆိုတဲ့ tab လေးကို နှိပ်လိုက်ရင်လဲ ပထမ ပုံက page လေးပြန်ပေါ်လာပါတယ်။
ဘေးက Menu Bar က Group ဆိုတဲ့ tab လေးကို နှိပ်လိုက်ရင် Yahoo group တွေရဲ့ page ကျလာပါတယ်။
အောက်က ပုံအတိုင်းပါ။

အဲထဲက My Group အောက်မှာ ပြထားတဲ့ motaa_vedic ဆိုတာလေးကို click လုပ်လိုက်ရင် MOTAA Personalized Home Page ကိုရောက်သွားပါတယ်။
အောက်က ပုံလေးအတိုင်းပါရှင်။

ဆရာနျူမာန် Post လုပ်ပေးထားတဲ့ သင်ခန်းစာတွေ၊ လေ့ကျင့်ခန်းတွေ၊ aid toolsတွေ အားလုံးကို “File” tab အောက်မှာ တွေ့နိုင်ပါတယ်ရှင်။အောက်က အတိုင်းလေးပါ။

motaa.net ကနေပို့တဲ့ message တွေကိုတော့ အောက် ကအတိုင်း “Message” Tab မှာတွေ့နိုင်ပါတယ်။

MOTAA members ညီအစ်ကိုမောင်နှမတွေကိုတော့ “Members” tab အောက်မှာ သူတို့ mail address နဲ့ နာမည်လေးတွေကိုတွေ့နိုင်ပါတယ်ရှင်။
သမီး ရေးနေကျ မဟုတ်လို့ မရှင်းလင်းတာများရှိရင် သမီး တောင်းပန်ပါတယ်။ သမီးဆီမေးလ်ပို့ပြီးလဲ မေးလို့ရပါတယ်။

[+/-] show/hide this post

Google Group Help for Members

(သင်တန်းသား အချို.ရဲ. အကြံပြုချက်အရ- မြန်မာပြည်က သင်တန်းသားများ Google Group ကို ၀င်ရောက် သုံးစွဲရာမှာ လွယ်ကူရေးအတွက်- Google Group Help အနေနဲ့ ပြုလုပ်ပေးထားတာ ဖြစ်ပါတယ်။ ဒီဘက်မှာ ဆိုယင်- မြန်မာပြည်က အင်တာနက် သုံးစွဲသူတွေရဲ. အခက်အခဲကို မသိနိုင်တဲ့ အတွက်- MOTAA အဖွဲ့ဝင် တစ်ဦး ဖြစ်သူ ညီမငယ် တစ်ယောက်ကို အကူအညီ လှမ်းတောင်းရပါတယ်။ (ညီမငယ်ရဲ. အမည်ကို - ကာယကံရှင် ရဲ. ခွင့်ပြုချက် မရသေးတဲ့အတွက် နာမည်မဖေါ်ပြတာပါ။ ညီမငယ် ရေးသား ပေးပို့တဲ့ အတိုင်း ညီမငယ်ရဲ. ရှင်းပြချက်များ ကို အောက်မှာ ဖေါ်ပြပြီး- ပုံများတွင်- ညီမငယ်ပေးပို့သော ပုံများပေါ်တွင် မြန်မာလို ထပ်ရှင်းပြပေးထားပါတယ်။ အများအကျိုးအတွက်- အချိန်ကုန်ခံပြီး စိတ်ရှည်စွာ ကူညီပေးတဲ့ ညီမငယ်ကို- MOTAA တစ်ဖွဲ.လုံးရဲ.ကိုယ်စား အထူးကျေးဇူးတင်ပါတယ်။ နျူမာန်)

Google Group ကိုဝင်မယ်ဆိုလဲ https://gmail.google.com or https://www.google.com/account/servicelogin လို့ Firefox ရဲ. address bar မှာ ရိုက်ပေးရပါတယ်။ ပုံမှန် ကတော့ Google account ကို မြန်မာတွေ အသုံးများကြတဲ့ အတွက် ၀င်ပုံ ၀င်နည်းကို ဆရာတို့ သိပြီး ဖြစ်မှာပါ။ ရေးမယ့်ရေး အစအဆုံး ရေးတာ ကောင်းတယ်လို့ စဉ်းစားမိမလို့ ထည့်ရေးလိုက်တာပါရှင်။
အောက် က အတိုင်း Log in page တက်လာရင် User Name and Password ရိုက်ပြီး gmail ထဲကို ၀င်လိုက် ယုံပါပဲ။


gmail ထဲရောက်ရင်တော့ အောက် က ပုံလေးအတိုင်း account ရဲ. အပေါ် ဘယ်ဘက် ထိပ်နား အလယ် လောက်မှာ “more” ဆိုတဲ့ menu လေးရှိပါတယ် အဲဒီ ဘေးက Down arrow လေးကို နှိပ်လိုက်ရင် အောက်က sub menu ထပ်ကျ လာပါတယ်။

အဲထဲက Group ဆိုတာလေးကိုရွေးပေး လိုက်ရင် နောက်ထပ် Tab အသစ်တစ်ခုနဲ့ အောက်က လို page လေး ကျလာပါတယ်။
ညာဘက်မှာ ရှိနေတဲ့ MOTAA Vedic System ဆိုတာလေးက MOTAA Group Home page ကိုသွားတဲ့ Link လေးပါ။နှိပ်လိုက်ရင် အောက် ကပြထားတဲ့ MOTAA Home page ကိုရောက်ပါတယ်။
“File” menu ကနေ ဆရာတင်ပေးထားတဲ့ သင်ခန်းစာတွေ၊ လေ့ကျင့်ခန်းတွေ၊ အဖြေတွေ နဲ့ tools တွေကို download လုပ်နိုင်ပါတယ်။ အဲကနေ မသွားချင်ရင်တော့ scroll down နဲ့ page အောက် ဆုံးရောက်တဲ့ အထိ ဆင်းလိုက်ပါ။ အဲ အောက်ဆုံးနားမှာ အောက် က ပြထားတဲ့ ပုံ အတိုင်း အဆင်သင့် Click နှိပ်ပြီး ကြည့်နိုင် ပါတယ် ရှင်။

[+/-] show/hide this post

Saturday, September 11, 2010

Astrology Remedy & Karma (ဗေဒင် ယတြာနှင့် ကံ၊ ကံ၏ အကျိုး)

ဤဆောင်းပါးကို ရေးသားမည် ကြံလိုက်၊ မရေးပဲ နေယင် ကောင်းမလားဟု စိတ်ကူး ၀င်လိုက် ဖြင့် အကြိမ်ပေါင်း များစွာ ချီတုံ၊ ချတုံ ဖြစ်ခဲ့ရသည်။
သို့သော်လည်း- မျက်စေ့ရှေတွင် အခြေအနေ မျိုးစုံတို့ကို မြင်တွေ့နေရသည်။ ဝေဒ ယတြာ၊ နတ်၊ ဘာဘာ ညာညာ ဆိုလျှင် မျက်စိစုံမှိတ် ယုံကြည်တတ်သူများ ရှိသလို၊ အချို. အနေဖြင့်မူ- အကြောင်းတစ်ခုခု ကြောင့် ဖြစ်စေ၊ ယခင်က လှည့်ပတ်သူ တို့၏ သားကောင် ဖြစ်ခဲ့ရ ဘူးသော အတွေ့အကြုံကြောင့် ဖြစ်စေ၊ ဗေဒင် ယတြာ ဆိုလျှင် မယုံကြည် တတ် သူများလည်း များစွာရှိနေပါသည်။
ထိုအနေအထား (၂) ခုတို့သည်ကား- အစွန်းတရား ၂-ပါးပင်ဖြစ်ကာ- ယင်းအစွန်း တရား ၂-ခု စလုံးသည် ဝေဒပညာကို အကူအညီ တောင်းသူ၊ အခက်အခဲ တွေ့သူ၏ အခြေအနေ အခက် အခဲကို တိုးတက်ကောင်းမွန် စေရန် အသာထား- နောက်ဆက်တွဲ ပြဿနာ များပင် ဖြစ်စေ တတ်သောကြောင့် အားလုံး အကျိုးအတွက် ဤဆောင်းပါးကို ရေးချ လိုက်ရ ပါတော့သည်။
ဤနေရာတွင်- ဝေဒပညာရှင် Practioner ဘက်နှင့် ဝေဒပညာ၏ အကူအညီကို တောင်းခံလာသူ Client တို့ဘက် နှစ်ဦး၊ နှစ်ဘက် ကိစ္စကို သုံးသပ်ရပါမည်။

ဝေဒပညာရှင်ဘက်ခြမ်း။
ပညာရပ်ကို အမှန်စင်စစ် တတ်မြောက်၍ ပညာကို အဿပြာဖြင့် ရောင်းမစားသော ပညာရှင် စစ်စစ်များ ရှိသလို၊ အနည်း အကျဉ်းမျှသော ပညာကို အသုံးပြု၍ အမြန်ဆုံး ဖြတ်လမ်းနှင့် ကြီးပွား ချမ်းသာရန် ဆောင်ရွက်တတ် ကြသော ပညာရှင် အမည်ခံတို့ များစွာ လည်း ရှိပါသည်။ ပညာရှင် ဆိုသည် မှာလည်း လူသား တစ်ဦးပင် ဖြစ်၍ စားဝတ်နေရေး ကိစ္စ ရှိသည် မှန်သော်လည်း- “ဝေဒ” ဆိုသော မူရင်း အဓိပ္ပါယ် ကိုယ်၌က- “အသိဥာဏ် ပညာ” ဟု ဆိုလို ထားသဖြင့်- ငွေကြေး တန်ဘိုးဖြင့် အသိဥာဏ် ပညာနှင့် ကျင့်ဝတ် သိက္ခာ ကို တန်ဘိုး ဖြတ် လဲလှယ်၍ မသင့် ပါပေ။
လွန်ခဲ့သော နှစ်အနည်းငယ်က အမေရိကန် နိုင်ငံတွင် ဗေဒင် ဆရာမ တစ်ဦး နှင့် သူမ၏ သမီးတို့ အသတ်ခံခဲ့ ရပါသည်။ ထို ဗေဒင် ဆရာမ သည် ဗီယက်နမ် လူမျိုးဖြစ်၍- အမေရိကန် တွင် အောင်မြင် ထင်ရှားကာ သူနှင့် ၄၅- မိနစ် တစ်ကြိမ် ဆွေးနွေးလျှင် အမေရိကန် ဒေါ်လာ ခုနှစ်ထောင် (၇၀၀၀) အထိ ပေးရသည့် သူဖြစ်ပါသည်။ သို့သော် သတင်း ဖေါ်ပြချက်များ အရ- ထိုဗေဒင် ဆရာမသည် စီးပွားရေး လုပ်ငန်းရှင်များ အတွက်- အောက်လမ်း ယတြာများ စီရင် ပေး၍ လုပ်ငန်း ရှင် တစ်ဦးမှ တောင်းဆို လာလျှင် အခြား ပြိုင်ဘက် တစ်ဦးအား အစီအရင်ဖြင့် တိုက်ခိုက်ခြင်းကို စီရင်ပေးသော သူဖြစ်သည်ဟု ပါရှိ ပါသည်။
ကံ-ကံ၏ အကျိုးကို လေ့လာ ဆန်းစစ်ရမည့် ပညာရှင်ပင် ဖြစ်လင့်ကစား- လောဘ ဇော တိုက်၍၊ မလုပ်သင့် မလုပ်ထိုက်သော၊ ယုတ်မာ အောက်တန်းကျသော၊ ဝေဒ ပညာရှင်များ ထားရှိရမည့် ကိုယ်ကျင့်တရား ကို ချိုးဖောက်မိခြင်း ကြောင့် သူနှင့် တကွ သူ့သမီး ဖြစ်သူပါ အသတ်ခံခဲ့ ရပါသည်။ မကောင်းသော ကံဆိုသည်မှာ - ကိုယ့်ထံ ပြန်လည်လာ စမြဲ ဖြစ်ပါ၏။ ထိုအကုသိုလ်ကံ သည် ယခုမှ အစပင် ဖြစ်သေး၍- သေလွန် ပြီးနောက် တွင် နောက်ဆက်တွဲ ခံစားရမည်များကို ချင့်ချိန် နိုင်ပါသည်။ ကောင်းသောကံ-ဆိုးသောကံ- မိမိလုပ်သော ကံတို့ သည် မိမိထံ အသေအချာ ပြန်လာပါမည်။ အချိန်ပဲ စောင့်ရန် လိုပါသည်။
တစ်ဖန်- အချို.သော ပညာရှင် စစ်စစ်များပင် လျှင်- တစ်ဦး တစ်ယောက်ကို ပုဂ္ဂိုလ်ရေး အရ ရန်ညိုးထားမိ၍ သောကြောင့် ပညာရပ်ကို အသုံးချ ခုတုံးလုပ်ကာ ယတြာ အမည် တပ်လျှက် ကလဲ့စား ချေရန် ကြိုးစားခဲ့မှုများကို မြတ်စွာ ဘုရား ကျီးမင်း ဖြစ်ခဲ့သော ဇတ်တော်တွင် တွေ့နိုင် ပါသည်။ ပုဏ္ဏား၏ ခေါင်းပေါ် ကျီးတစ်ကောင် မစင်စွန့် မိသည်ကို အကြောင်းပြု၍- ဘုရင့် ဆင်တော် မီးလောင် ဒဏ်ရာကို ကျီးဆီ ဖြင့် လိမ်းကျံ ရမည်ဟု အကြံပေးခဲ့၍၊ အဆီ မရှိသော ကျီးကန်း တို့မှာ မျိုးပြုတ်မတတ် ဖြစ်သွား ၍ ဘုရားလောင်း ကျီးမင်း ကိုယ်တိုင်- ဘုရင်ထံသို့ သွား၍ ရှင်းပြရသည်ကို ဇတ်တော်တွင် ဖတ်ခဲ့ဘူးပါသည်။
ထိုသို့သော ဖြစ်ရပ် ဆန်ဆန်များလည်း- အခြားဇတ်တော်များ တွင် တွေ့ရ ပါသေးသည်။ ဇတ်တော် တစ်ခုတွင်- မင်းသား တစ်ဦးအား အငြိုးထား၍- အချိန်စောင့် နေသော ပုဏ္ဏားသည် ဘုရင် အခက်အခဲ ဖြစ်၍ ယတြာ တောင်းသော အခါတွင်- ထိုမင်းသား လည်း အသတ်ခံရစေရန်၊ မိမိကိုယ်လည်း မသင်္ကာ မဖြစ်စေရန် အတွက် မင်းသား အရေအတွက် မည်မျှ၊ မင်းသမီး အရေအတွက် မည်မျှကို လည်ချောင်းလှီး၍ ယဇ်ပူဇော် ယတြာ ချေရမည်ဟု ယတြာပေးခဲ့ခြင်း တို့ကိုလည်း ဖတ်ခဲ့ဘူးပါ၏။
ယခုခေတ်တွင်လည်း- ဝေဒ စည်းနှင့် ကျင့်ဝတ်ကို ချိုးဖောက်နေသူ များစွာတို့ ရှိနေကြောင်းကို အောက်ပါ လင့်ခ်တွင် ဖတ်ကြည့်လိုက်ပါ။ (ဗေဒသုခုမ ဆိုက်မှ “ခွင်ဖန် ရိုက်စား ဆရာများ”)
ကိုယ့် အလုပ် ကိုယ် ကောင်းစွာ မလုပ်သော ထိုသူများ အတွက် ဆရာတော် ဦးဗုဓ် မိန့်ကြား ခဲ့ဘူး သလိုပင်- “ဒီကိစ္စက ငါနှင့် မဆိုင်၊ အ၀ိစိနှင့် သာ ဆိုင်သည်” ဟု ပြောရ ပါတော့မည်။

ဝေဒပညာ၏ အကူအညီကို တောင်းခံလာသူ ဘက်ခြမ်း။


ယုံကြည်မှု လွန်ကဲခြင်း အစွန်းတရား။
အထက်တွင် ဖော်ပြခဲ့သည့် အတိုင်း- ဝေဒပညာကို လေ့လာ ယုံကြည်ခြင်းသည် အပြစ် မဟုတ် သော်လည်း-ဆင်ခြင်မှု အားနည်းစွာဖြင့် မျက်စေ့မှိတ် ယုံကြည် ကြခြင်းသည် ကား-မိမိအနေဖြင့် ငရဲ မကြောက်သော သိက္ခာမဲ့ လုပ်စားသူတို့၏ ချောက်တစ်မျိုး၊ လှန့်တစ်သွယ် ကွန်ယက် အတွင်း သို့ ကျဆင်းသွားနိုင်ပါသည်။
ထိုမျှ မက- ထို့ထက်ပိုဆိုးသော အနေအထားမှာကား- ယတြာ၊ နတ်၊ ဗေဒင်၊ အကြား အမြင် တို့ကို ယုံကြည်ခြင်း ထက်ပိုလွန်ကာ- ကိုးကွယ်သော အနေအထားသို့ ရောက်ပါက- သရဏဂုံ ပျက်သွားခြင်း ပင်ဖြစ်တော့သည်။
ဗုဒ္ဓဘာသာတွင်- ရတနာ သုံးပါးမှ တစ်ပါး အခြား အားကိုး- ကိုးကွယ်စရာ မရှိပါ။ ထိုသို့ သော ယုံကြည်သူတို့သည် ဗေဒင် ယတြာကို လုံးလုံးလျားလျား အားကိုးလျှက်- မိမိ တို့၏ အမှန်အားကိုး ဆည်းကပ်ရာ ပျောက်ဆုံးသော အဆင့်သို့ ရောက်ပါမူ- ရတနာ ၃-ပါးသည် မျက်စေ့ရှေ.တွင် ရှိနေသော်မှ တန်ဘိုးထားရမှန်း- မသိနိုင်သော အနေအထားသို့ ရောက်သွား ပါတော့သည်။ အချို.ဆိုလျှင် မိမိကိုယ်မိမိ သရဏဂုံ ပျက်နေမှန်းပင် မသိတော့ပါ။
ကံ-ကံ၏ အကျိုး ကို နားလည်ရမှန်း မသိတော့သော အနေအထားသို့ ရောက် သွားသော သူတို့မှာမူ-အမည်အားဖြင့် ဗုဒ္ဓဘာသာ အမည်ပင် ခံထားပါစေ-အဆိုးဝါး ဆုံးသော ဒိဋ္ဌိ အနေသို့ ရောက်သွားနိုင်ပါ၏။ ဘုရားကို သွေးစိမ်းတည်အောင် ပြုလုပ်သူ၊ သံဃာ သင်းခွဲသူ၊ မိခင် ဖခင်ကို သတ်ဖြတ်သူ စသော ကံကြီး ထိုက်သူတို့ပင်လျှင်-မဟာ အ၀ိစိ ငရဲတွင် ကမ္ဘာပျက်ပါက- လွတ်မြောက် နိုင်သေး သော်လည်း-ကံ-ကံ၏ အကျိုးကို မယုံကြည် သူတို့ မှာမူ နောက် ကမ္ဘာသစ် အထိ အ၀ိစိ ငရဲတွင် ဆက်လက်ကျ ခံရသည် အထိ ကြောက်စရာ ကောင်းသော အပြစ်ကြီး ဖြစ်၏။ ကံ-ကံ၏ အကျိုး - နှင့် ပါတ်သက်၍ အောက်တွင် ဆက်လက် ရှင်းပြပေးပါမည်။

မယုံကြည်မှု အစွန်းတရား။
ရှေးဟောင်း လောကီ ပညာရပ်များတွင်-မိမိတို့ သဘောအလျောက် မယုံကြည်သော် မယုံကြည်ပဲ နေနိုင်ပါ၏။ သို့သော်- လောကီ ပညာတို့ ၏ အစွမ်းသည် ယုံကြည်မှု (သဒ္ဓါ) အပေါ်တွင် တည်ဆောက် ထားသော သဘောတရားရှိ၏။
မယုံကြည်သူ တို့အနေဖြင့်- မယုံမကြည်ဖြင့် ပြုလုပ်သော ယတြာသည် စွမ်းမည် မဟုတ်။ ငွေကုန်ရုံသက်သက် သာ ရှိမည်။ အကယ်၍ ထူးခြားမှု ရှိသွားလျှင်မှ- တိုက်ဆိုင်မှု ကြောင့်သာ ဖြစ်သည်။
ပေါရိသာဒ ဇတ်တော်တွင်-လူသား မစားဖြစ်၍ မိမိဘာသာ အနာ ရောဂါ ပျောက်သွား သည်ကို နတ်ကြောင့်ဟု ထင်မှတ်၍ - ကတိပြုထားသည့် အတိုင်း ၁၀၁ ပါးသော မင်းတို့ဖြင့် ယဇ်ပူဇော် ရန် လုပ်ခဲ့သည်ကို စာဖတ်သူများ ကြားဖူးကြပါလိမ့်မည်။ အမှန်မှာ- နတ်ကြောင့် မဟုတ်။ တိုက်ဆိုင်မှု ကြောင့်ဖြစ်၏။
သာမာန် မယုံကြည်ခြင်းသည် မည်သို့မျှ ပြဿနာ မရှိသော်လည်း၊ လောကီ အစီအရင် နှင့် ပါတ်သက်သော-အစောင့်အရှောက် ပုဂ္ဂိုလ်များ၊ ပညာရှင် ကြီးများ၊ ဝေဒ ကျမ်းဂန် များ၊ မိမိအပေါ်တွင် အဿပြာနှင့် မဟုတ်ပဲ စေတနာ ထား ကူညီခဲ့ ဘူးသော ဝေဒ ပညာရှင်တို့အား ကာယကံ၊ ၀ဇီကံ တို့ဖြင့် ပစ်မှား မိပါလျှင်- ထိုအပြစ် တို့ကို လုံးဝ ကျေပျောက် သည် အထိ တောင်းပန်ခြင်း မလုပ်ပဲ- ယတြာ တို့ကို လုပ်ပါက လုံးဝ အစွမ်းပြ မည် မဟုတ်။
ဤအစွန်းတရား (၂) ပါးတို့သည် သတိထားရန် လိုအပ်သော အနေအထားတို့ ဖြစ်ပါ၏။

ယတြာနှင့် ကံ-ကံ၏ အကျိုး

ဗေဒင် ပညာသည် ကံ-ကံ၏ အကျိုးကို ဆန်းစစ်လေ့လာသော ပညာသာ ဖြစ်သည်။ ကံ-ကံ၏ အကျိုး ကို ဆန့်ကျင်သော ပညာမဟုတ်။ ဤသည်ကို သဘောပေါက်လျှင်- ငွေကြေး အမြတ် ထုတ်ရန် အတွက်- ငရဲ မကြောက်သော လူလိမ်တို့၏ အန္တရာယ်မှ ကင်းဝေး ပါလိမ့်မည်။
အနောက်တိုင်း-နက္ခတ်ပညာရှင် ကြီး ဖြစ်ခဲ့သော၊ တနည်းအားဖြင့် ခေတ်သစ် အနောက်တိုင်း နက္ခတ် ပညာ၏ ဘခင် ဟု သတ်မှတ် ထားခြင်း ခံရသော၊ သီအို ဆိုဖီ ဂိုဏ်းဝင် အင်္ဂလိပ်လူမျိုး နက္ခတ်ပညာရှင်ကြီး Alan Leo ပြောခဲ့သော စကား တစ်ခု ရှိပါသည်။ “သင် သည်- ယခု ဘ၀၊ နောက်ဘ၀ ရှိသည်ကို မယုံကြည်လျှင်၊ ကံ-ကံ၏ အကျိုးကို မယုံကြည် လျှင်၊ ဤစာအုပ်ကို မဖတ်ပါနှင့်၊ သင့် အတွက် အချိန်ကုန် ရုံသာ ရှိလိမ့်မည်” ဟု ဖြစ်သည်။
“ကံ” ဆိုသည်မှာ“ကမ္မ” ဟူသော စကားမှ လာ၍၊်- ဟိန္ဒူဘာသာ ၀င်များ၏ “ကမ္မ” နှင့် ဗုဒ္ဓ၀ါဒ ၏ “ကမ္မ” သည် မတူညီပါ။ မဟာ ဗြဟ္မာ အယူရှိသော ဟိန္ဒူ ဘာသာ အရ- “ကမ္မ” ဟူသည် မှာ ထိုအတ္တကောင် (Soul) ဖန်တီးစဉ် အချိန်ကပင် သတ်မှတ်ပေးထားပြီး၊ ဖြစ်၍ မိမိတို့ အနေဖြင့် ဘာမျှ လုပ်၍ မရပဲ- သက်ဆိုင်ရာ နတ်မင်း၊ ဗြဟ္မာတို့၏ “ပူဇာ” မှု ပေး၍ အသနားခံ တောင်းပန် ဆုတောင်း ရသော အနေအထား ဖြစ်သည်။ မြတ်စွာ ဘုရား ၏ “ကမ္မ” မှာမူ- မည်သည့် ဖန်တီး ရှင်တို့အပေါ်တွင်မှ မူမတည်- ကောင်းတာလုပ် ကောင်းတာ ဖြစ်၊ မကောင်းတာလုပ် မကောင်းတာ ဖြစ်သော၊ အကြောင်းတရားကြောင့် အကျိုးတရား ဖြစ်သော ၀ါဒ ဖြစ်၏။
ယခု လက်ငင်း အချိန်တွင် ဖြစ်ပေါ်နေသော အခြေအနေ ဖြစ်ရပ် တို့သည်-ယခင် ဘ၀ပေါင်း များစွာ မှ ပြုလုပ်ခဲ့သော လုပ်ရပ် အကြောင်းတရားများ နှင့်၊ ယခုမျက်မှောက် မတိုင်မီလေးခင် အထိ ပြုလုပ်ခဲ့သော အကြောင်း တရားတို့၏ အကျိုးဆက် ဖြစ်ပါသည်။
လွန်ခဲ့သော ၁၀-နှစ်၊ အနှစ် ၂၀-က ပညာရပ် တို့ကို လေ့လာ သင်ကြားခဲ့သော အကျိုးတရား အဖြစ်၊ မိမိတွင် အသိပညာ၊ အတတ်ပညာ၊ အဆင့်အတန်း ၀င်ငွေ တို့ ဖြစ်ပေါ်ရခြင်း သည် အကြောင်းကြောင့် အကျိုးဖြစ်ခြင်းပင် ဖြစ်၏။
မေးစရာ မေးခွန်း ရှိလာပါပြီ၊ အကြောင်းတရားလုပ်တိုင်း အကျိုးတရား ဖြစ်ပါ၏ လော။
အဖြေမှာ- ဖြစ်ခွင့်တန်သော အချိန်တွင် ဖြစ်ကို ဖြစ်လာပါ၏။
အတိတ်တွင် လူတစ်ယောက်သည် ကောင်းမှု တစ်ခုကို ပြုလုပ် ထားမိသော်လည်း- ထိုကောင်းမှုသည် အောက်ပါ ၀ိပတ္တိ တရား (၄) ပါးတို့ဖြင့် ကြုံကြိုက်နေမူ- ထိုကောင်းမှု၏ အကျိုးတရားကို မရနိုင်သေး။
  • ဂတိ ၀ိပတ္တိ
  • ကာလ ၀ိပတ္တိ
  • ပယောဂ ၀ိပတ္တိ
  • ဥပဓိ ၀ိပတ္တိ
ဥပမာ အားဖြင့်- လူတစ်ယောက် ပြုခဲ့သော ကုသိုလ်ကောင်းမှုသည်- လူဖြစ်ပါက- လွန်စွာ ဘုန်းတန်ခိုး ကြီးသော မင်းတစ်ပါး အဖြစ်ကို ရောက်မည် ဖြစ်သော်လည်း- အခြားသော အကုသိုလ် အကျိုးပေး က ၀င်ရောက်သွားမှု ကြောင့် ခွေးတိရစ္ဆာန် ဘ၀သို့ ရောက်သွားသော် ထိုကုသိုလ်ကံသည် အကျိုးပေးခွင့်မသာ။ နောင် အကျိုးပေးခွင့် ရလာသည် အထိ စောင့်ရပါတော့မည်။ ဤသည်ကို ဂတိ ၀ိပတ္တိ ဟုခေါ်၏။

ဥပမာ အတိတ်ကုသိုလ်ကံ အရ- လူတစ်ယောက်သည် အေးချမ်းသာယာ သော ခေတ်နှင့် ကြုံပါမူ- ဥစ္စာ ပစ္စည်း ပြည့်စုံသော သူဌေးတစ်ယောက် ဖြစ်ရမည် ဖြစ်သော်လည်း၊ ခေတ်ပျက် သော ကာလ၊ စစ်ကြီး ဖြစ်ပွားနေသော ကာလတွင် သူအနေဖြင့် စည်းစိမ် ဥစ္စာများ စုဆောင်း သိုလှောင်နိုင်ရန် အသာထား အသက်ပင် မနည်းလုပြေး နေရသဖြင့်- သူ၏ ကုသိုလ်ကံ အကျိုးပေးခွင့် မရခြင်းကို ကာလ ၀ိပတ္တိ ဟုခေါ်၏။
ဥပမာ- အတိတ်ကုသိုလ်ကြောင့် ပညာထူးချွန်ရမည့် သူတစ်ယောက်သည် - သူ၏ မကြိုးစား မှုကြောင့် ပညာရေး ထူးချွန် ပေါက်မြောက်မှု မရှိရခြင်းသည် ပယောဂ ၀ိပတ္တိ ဖြစ်၏။
ဥပမာ- လူတစ်ယောက်သည် ဥပဓိ ရုပ်ကောင်းမွန်ပါက- အများ၏ ကြည်ညိုခြင်း ခံရသော ခေါင်းဆောင် တစ်ယောက် ဖြစ်ရမည့် အစား- အခြားသော အကုသိုလ်ကံ ကြားခံ သွားခြင်းကြောင့်- ဥပဓိ ချွတ်ယွင်းသွားသဖြင့် ထိုဘ၀တွင် အများကြည်ညိုသည့် ခေါင်းဆောင် မဖြစ်ရ ခြင်းသည် ဥပဓိ ၀ိပတ္တိ ဖြစ်၏။
ထိုနည်းတူပင်- အကုသိုလ် ကံတို့မှာလည်း ၄င်းတို့ အကျိုးပေးခွင့် မသာသေးချိန်တွင်- တန်းစီ စောင့်ဆိုင်းနေကြသည်မှာု မိမိနောက်တွင် အရိပ်သည် ထပ်ခြပ်မကွာ လိုက်သကဲ့ သို့ပင် ဖြစ်သည်။
၎င်းတို့ အကျိုးပေးခွင့် ရသွားသော အချိန်တွင်ကား- အားလုံး ၀င်လာပါတော့သည်။
ဤသည်မှာ- ကံ- ကံ၏ အကျိုးပေးသဘော အခြေခံမျှသာ ဖြစ်၏။
ဝေဒ ပညာသည်- ဇာတာရှင် ၏ အတိတ်မှ ကုသိုလ်ကံ တို့ အခွင့်ပေါ်ခွင့် ရရန်၊ အကုသိုလ် တို့ အခွင့် မပေါ်စေရန် အတိုင်း အတာ တစ်ခု အထိ ယာယီ တားဆီး ရန် ကြိုးစား ပေးသော ပညာသာ ဖြစ်၏။ အကုသိုလ်ကံကို လွင့်ပါးသွားအောင်၊ ပယ်ပျောက် သွားအောင် လုပ်ခြင်း မဟုတ်။
အခြေ အနေသစ် တစ်ရပ်ကို ဖန်တီးသော ပညာရပ်များ မရှိမဟုတ်။ ရှိပါ၏။ သို့သော် လောက ဓမ္မတာကို ဆန့်ကျင်လျှင် လောက၏ ဒါဏ်ခံခြင်းကို ပြန်ခံရပါမည်။ သို့မဟုတ် မိမိအနေဖြင့် ကြိုတင်၍ တစ်ခုခုကို ပေးဆပ်ထားရပါမည်။
ထို့ကြောင့်လည်း အချို.သော ပညာရှင်ကြီးများ. အနေဖြင့်- မိမိတို့ ကိုယ်တိုင်အနေဖြင့် သာမက- အခြားသူများ အတွက်ပါ ယတြာလုပ်ပေးခြင်း မပြု။ မိမိလုပ်ခဲ့သည် အကုသိုလ် ကံကို ယခု မခံစားရရန်- အချိန်ဆွဲပေးလိုက်ခြင်းဖြင့်- ထိုအကုသိုလ်ကံသည် လျော့ပါး သွားမည် မဟုတ်၊ နောင်ကာလ တစ်ခုသို့ ပို့ပေးလိုက်ခြင်း သာဖြစ်၍- ဘာမျှ မထူးဟု သဘော ထားကြသည်။
အကုသိုလ်ကံ တို့၏ အကျိုးတို့ ပေါ်လာလျှင်- သူတော်ကောင်း တို့သည် ပေးဆပ်ခြင်း အဖြစ်ဖြင့်- ၄င်းတို့ တွင် တည်ရှိနေသော အကြွေးတို့ကို ဆပ်သွားကြသည်ကို သိနိုင် ကြပါသည်။ မြတ်စွာ ဘုရား အနေဖြင့် တန်ခိုးတော်ဖြင့် တားဆီး ထားလျှင် ၀ဋ်တော်တို့ကို ရှောင်လွဲ နိုင်မည် ဖြစ်သော်လည်း၊ မတားဆီးခဲ့။ ရှင်မောဂ္ဂလာန် ကိုယ်တော်ကြီး၊ ရှင်သာရိပုတြာ ကိုယ်တော်ကြီး တို့သည် မိမိတို့၏ အတိတ်မှ ၀ဋ်ကြွေးတို့ကို ကျေနပ်စွာ ပေးဆပ် သွားခဲ့ကြသည်။
ဝိဋဋူပ မင်းသား အနေဖြင့် ဘုရား၏ ဆွေတော်မျိုးတော် သာကီဝင်တို့ကို မျိုးပြုတ် သတ်ဖြတ်ရန် ချီတက်လာချိန်တွင်- ဘုရားသည် မိမိ၏ တန်ခိုးဖြင့်လည်း မကာကွယ်။ မိမိ အနေဖြင့် တရားပြ၍- သူ့အသက် သတ်ခြင်းသည် မကောင်းဟုလည်း မဟောကြား၊ ထိုအစား “ဆွေရိပ်မျိုးရိပ် ကအေးမျှ၍၊ ဤဘက်အခြမ်းတွင် နေပါသည်” ဟုသာ ပြောကြား ၍၊ နောက်ဆုံး (၃) ကြိမ်မြောက်တွင် လုံးဝ ပါဝင် ပါတ်သက်ခြင်း မရှိတော့။
ဈာန် အဘိညာဉ် တို့ဖြင့် ပြည့်စုံသော၊ ဘုန်းတန်ခိုး လွန်စွာ ကြီးမြတ် သော ပုဂ္ဂိုလ် ပင်လျှင်- သတ္တ၀ါတို့၏ ကံနှင့် ပါတ်သက်လာလျှင် ၀င်ရောက် စွက်ဖက်ခြင်း မပြု သည်ကို တွေ့ရ ပါသည်။
သို့သော်လည်း- လူသားထဲက လူသား ဖြစ်သော အချို.အနေဖြင့် မိမိတို့ တတ်နိုင် သလောက်- အချိန်ဆွဲ ထားနိုင်လည်း မနည်းလှ ဟူသော သဘောဖြင့် - ဗေဒင် ယတြာ ပညာကို အသုံးပြုကြခြင်း ဖြစ်၏။ သို့သော်- ဤသို့ မကောင်းကျိုးကို နောက်ပို့ ထားခြင်းဖြင့်- မကောင်းမှု ပြုသည့် ပုဂ္ဂိုလ်အား အကုသိုလ် အလုပ်များ ဆက်လုပ်ခွင့် ပေးခြင်းသည် ကား စင်စစ် အားဖြင့် ကူညီခြင်း မဟုတ်၊ ရေနစ်သူ ၀ါးကူထိုးခြင်း မျှသာဖြစ်သည် ကို ယတြာ လုပ်ပေး သူရော၊ ယတြာ တောင်းဆိုသူ အနေဖြင့် ပါ သိထားရန် လိုသည်။
ထို့ကြောင့် MOTAA ပညာတွင်- ယတြာကို မတောင်းပဲ လုံးဝ မပေးရပါ။ ယတြာ လိုအပ် နိုင်သည် ဟု အရိပ်အမြွက်မျှသာ ပြော၍- တစ်ဘက်သူမှ- တုန့်ပြန်မှု ၊ တောင်းဆိုမှု မလုပ်ပါက- မိမိ၏ သွေးသားရင်းပင် ဖြစ်ပါစေ၊ ဆက်လက် တိုက်တွန်းခြင်း မပြုရပါ။
အချို.မှာ- ဗေဒင် ဆရာက ယတြာလိုသည်ဟု ပြောလျှင်ပင်- ငွေကိစ္စ ပါလာသည် ထင်၍၊ ခပ်ဆိပ်ဆိပ် နေကြသည်။ အမှန်က- အခမဲ့ ပေးနိုင်သော ယတြာများ ရှိသော်လည်း- မတောင်းခံလျှင် မပေးရသဖြင့်- ထိုသို့ ဆိပ်ဆိပ် နေလျှင် ဆက်လက် ကူညီပေးခြင်း မတတ်နိုင်ပါ။
ဤသို့ဆိုလျှင်- ယတြာနှင့် ကံ-ကံ၏ အကျိုး တို့ အကြောင်းကို သဘောပေါက် နိုင်လောက် ပါပြီ။ အလိမ်ခံ ရမည့်သူများ နည်းပါးသွားလျှင်- လိမ်စားပြီး၊ ငရဲသွားမည့်သူများ ကိုလည်း အကုသိုလ် ဆက်လက်လုပ်နိုင်ခွင့် နည်းသွားသဖြင့် ကူညီ ကယ်တင်ရာ ရောက်မည် ဟု ထင်ပါသည်။

နျူမာန် (မိုးတား)

[+/-] show/hide this post

Tuesday, September 7, 2010

MOTAA မိုးတား နက္ခတ္တ ဝေဒ သင်တန်း ကြေညာချက်။

ယခု လက်ရှိ မိုးတား နက္ခတ္တ ဝေဒ သင်တန်း တက်ရောက်နေလျှက် ရှိသော သင်တန်းသားများ အနေဖြင့်သာမက- သင်တန်း တက်ရန် စိတ်ဝင်စား သူများအတွက်- အဆင်ပြေ စေရန် အတွက်- သင်တန်း စာမေးပွဲ ကို တစ်နှစ်လျှင် (၂) ကြိမ် ကျင်းပပေးပါမည်။
သင်တန်းသား များအနေဖြင့် မိမိတို့ အဆင်သင့် ဖြစ်သည့် အချိန် ကိုရွေးချယ်၍ စာမေးပွဲ ဖြေဆို နိုင်စေရန် ဖြစ်ပါသည်။
စာမေးပွဲနေ့ အဖြစ် သတ်မှတ်ထားသော နေ့တွင် သင်တန်းသား တို့ထံသို့ E-mail ဖြင့် မေးခွန်းကို ပေးပို့ ပေးမည် ဖြစ်ပြီး- သင်တန်းသား အနေဖြင့်- မိမိ၏ အဖြေလွှာကို ၃-ရက် အတွင်း ပြန်လည် ပေးပို့ ရပါမည်။
သင်တန်း စာမေးပွဲ မဖြေဆိုမီ- သင်တန်းသား တို့ အနေဖြင့် အောက်ပါတို့ကို သတိပြု ထားရန် လိုအပ်ပါသည်။


  • လက်ခံရရှိထားသော သင်တန်းသား လက်ခံစာ တွင် မိမိ၏ အမည် မှန်ကန်မှု ရှိ၊ မရှိ။ (စာမေးပွဲ အောင်လက်မှတ်တွင်- ထိုအမည် အတိုင်းပါဝင်မည် ဖြစ်သည့် အတွက် အမည် မှန်ကန်မှု ရှိရန် အရေးကြီးပါသည်။)
  • မိမိတို့ ၏ E-mail များကို ထိုရက်များအတွင်း အဆင်ပြေ နေစေရန် စစ်ဆေးထားရန်။
  • စာမေးပွဲ ဖြေဆိုရန် အတွက် လျှောက်လွှာကို စာမေးပွဲ မတိုင်မီ တစ်လ ကြိုတင် ၍ ပေးပို့ထားရန်-
  • သတ်မှတ်ရက် နောက်ဆုံးထား၍ စာမေးပွဲ ကြေးပေးသွင်းရန်။ (ပေးသွင်းပြီးပါက- အကြောင်းကြားရန်)
ပထမဆင့် Level (1) စာမေးပွဲ-
  • နှစ်စဉ်- ဇန်န၀ါရီလ ၁၅-ရက် တွင် တစ်ကြိမ် (စာမေးပွဲကြေး- သွင်းရန် နောက်ဆုံးရက်- ဒီဇင်ဘာလ- ၁၅)
  • နှစ်စဉ်- ဇူလိုင်လ ၁၅-ရက် တွင် တစ်ကြိမ် (စာမေးပွဲကြေး- သွင်းရန် နောက်ဆုံးရက်- ဇွန်လ- ၁၅)
ပထမဆင့် Level (1) စာမေးပွဲကြေး မှာ- စင်္ကာပူငွေ ၁၅-ဒေါ်လာ ဖြစ်သည်။

စာမေးပွဲ လျှောက်လွှာပုံစံ၊ စာမေးပွဲကြေး ပေးသွင်းရန် လိုအပ်သော အချက်အလက် များကို ဆက်လက် ကြေညာ ပေးမည် ဖြစ်သည်။

ဒုတိယဆင့် Level (2) စာမေးပွဲ နှင့်၊ (MOTAA Certified Professional Astrologer) MOTAA အသိ အမှတ်ပြု နက္ခတ္တ ဆရာဖြစ် အဆင့် စာမေးပွဲ နှင့် ဆိုင်သော သတင်းများကို လည်း - နောက်ပိုင်းတွင် ဆက်လက် ကြေညာပေးပါမည်။

[+/-] show/hide this post